ﺧﯩﺘﺎﻳﻨﯩﯔ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ ﻛﯩﻤﻨﯩﯔ ﭘﯘﻟﻰ؟

"ﺧﯩﺘﺎﻱ ﺧﻪﻟﻖ ﺑﺎﻧﻜﯩﺴﻰ" ﻧﯩﯔ ﺗﻮﺭ ﺑﯧﺘﯩﺪﻩ 2005 - ﻳﯩﻠﻰ 7 - ﺋﺎﻳﻨﯩﯔ 14 - ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺧﯩﺘﺎﻳﻨﯩﯔ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ 6 - ﺋﺎﻳﻨﯩﯔ ﺋﺎﺧﯩﺮﯨﺪﺍ 711 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻐﺎ ﻳﯧﺘﯩﭗ، ﺑﯘﻳﯩﻞ 1 - ﺋﺎﻳﺪﯨﻜﻰ ﺟﯘﻏﻼﻧﻤﺎ ﻣﯩﻘﺪﺍﺭﯨﻐﺎ 101 ﻣﯩﻠﻴﺎﺭﺕ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﻗﻮﺷﯘﻟﻐﺎﻥ. ﺩﯦﻤﻪﻙ، ﺧﯩﺘﺎﻳﻨﯩﯔ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﺴﻰ ﺑﯘﻟﺘﯘﺭﻗﻰ ﻣﯘﺷﯘ ﯞﺍﻗﯩﺘﺘﯩﻜﻰ ﻣﯩﻘﺪﺍﺭﺩﯨﻦ 51.1٪ ﺋﺎﺷﻘﺎﻥ.

ﺩﯗﻧﻴﺎ ﺑﻮﻳﯩﭽﻪ ﺋﯩﻜﻜﯩﻨﭽﻰ ﺋﻮﺭﯗﻧﺪﺍ

ﺧﯩﺘﺎﻱ ﺧﻪﻟﻖ ﺑﺎﻧﻜﯩﺴﻰ ﺋﯧﻼﻥ ﻗﯩﻠﻐﺎﻥ ﺳﺎﻧﻠﯩﻖ ﺳﯧﻠﯩﺸﺘﯘﺭﻣﯩﺪﯨﻜﻰ ﺳﯜﺭﺋﻪﺗﻜﻪ ﻗﺎﺭﯨﻐﺎﻧﺪﺍ، ﻳﺎﭘﻮﻧﯩﻴﯩﻨﯩﯔ ﮬﺎﺯﯨﺮﻗﻰ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ 844 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ. ﺩﯦﻤﻪﻙ ﺧﯩﺘﺎﻱ ﮬﺎﺯﯨﺮ ﻳﺎﭘﻮﻧﯩﻴﯩﺪﯨﻦ ﻗﺎﻟﺴﺎ، ﺩﯗﻧﻴﺎ ﺑﻮﻳﯩﭽﻪ 2 - ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺩﻩﺭﯨﺠﯩﮕﻪ ﻳﻪﺗﻜﻪﻥ.

ﺳﺎﻧﻠﯩﻖ ﺳﯧﻠﯩﺸﺘﯘﺭﻣﯩﻐﺎ ﻗﺎﺭﯨﻐﺎﻧﺪﺍ ﻳﻪﻧﻪ، ﺗﻪﻳﯟﻩﻧﻨﯩﯔ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ ﺋﯚﺗﻜﻪﻥ ﻳﯩﻠﻨﯩﯔ ﺋﺎﺧﯩﺮﯨﺪﺍ 251 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ. ﺋﯘ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ ﺟﻪﮬﻪﺗﺘﻪ ﺩﯗﻧﻴﺎ ﺑﻮﻳﯩﭽﻪ 3 - ﺋﻮﺭﯗﻧﺪﺍ ﺗﯘﺭﯨﺪﯗ. ﺧﻮﯕﻜﻮﯕﻨﯩﯔ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ 122 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ. ﺋﯘ ﺩﯗﻧﻴﺎ ﺑﻮﻳﯩﭽﻪ 7 - ﺋﻮﺭﯗﻧﺪﺍ ﺗﯘﺭﯨﺪﯗ. ﻣﯚﻟﭽﻪﺭﻟﯩﻨﯩﺸﯩﭽﻪ، ﺧﯩﺘﺎﻱ ﺑﯘﻳﯩﻞ ﻳﺎﭘﻮﻧﯩﻴﯩﺪﯨﻦ ﺋﯧﺸﯩﭗ ﻛﯧﺘﯩﭗ، ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ ﺳﯧﻠﯩﺸﺘﯘﺭﻣﯩﺴﯩﺪﺍ ﺩﯗﻧﻴﺎ ﺑﻮﻳﯩﭽﻪ 1 - ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺑﻮﻟﯘﺵ ﺋﯧﮭﺘﯩﻤﺎﻟﻰ ﺑﺎﺭ.

"ﺧﻪﻟﻖ ﮔﯧﺰﯨﺘﻰ"، "ﮔﻮﮔﯘﻝ ﺗﻮﺭ ﺑﯧﺘﻰ"، "ﺋﯘﻟﯘﻕ ﺋﯩﺮﺍ ﮔﯧﺰﯨﺘﻰ" ﻗﺎﺗﺎﺭﻟﯩﻖ ﺋﯘﭼﯘﺭ ﯞﺍﺳﯩﺘﯩﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺳﺎﻧﻠﯩﻖ ﻣﻪﻟﯘﻣﺎﺕ ﯞﻩ ﻣﯘﻻﮬﯩﺰﯨﻠﻪﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﺩﯙﻟﻪﺕ ﺑﺎﻳﻠﯩﻘﻰ ﻛﻮﻣﯩﺘﯧﺘﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﺋﯩﺴﺘﺮﺍﺗﯧﮕﯩﻴﻪ ﺑﯚﻟﯜﻡ ﺑﺎﺷﻠﯩﻘﻰ ﺟﺎﯞ ﺷﺎﯞ "ﺑﯘ ﺗﺎﺭﯨﺨﺘﺎ ﻛﻪﻡ ﺋﯘﭼﺮﺍﻳﺪﯨﻐﺎﻥ ﺋﯩﻘﺘﯩﺴﺎﺩﯨﻲ ﺋﯚﺭﻟﻪﺵ. ﺑﯘ ﺋﯩﻘﺘﯩﺴﺎﺩﯨﻲ ﺋﯚﺭﻟﻪﺷﻨﯩﯔ 40٪ ﻧﯩﯔ ﺳﯩﺮﯨﻨﻰ ﭼﯜﺷﻪﻧﺪﯛﺭﯛﺵ ﻣﯘﻣﻜﯩﻦ ﺋﻪﻣﻪﺱ" ﺩﯦﮕﻪﻥ.

ﺑﯘ ﭘﯘﻟﻼﺭﻧﯩﯔ ﻣﻪﻧﺒﻪﺳﻰ ﻧﯧﻤﻪ؟

ﺧﯩﺘﺎﻱ ﺩﯙﻟﻪﺕ ﺑﺎﻳﻠﯩﻘﻰ ﻛﻮﻣﯩﺘﯧﺘﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﺋﯩﺴﺘﺮﺍﺗﯧﮕﯩﻴﻪ ﺑﯚﻟﯜﻣﯩﻨﯩﯔ ﺑﺎﻳﺎﻥ ﻗﯩﻠﻐﺎﻧﻠﯩﺮﯨﺪﺍ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻳﻨﯩﯔ ﺑﯘ ﻗﻪﺩﻩﺭ ﺗﯩﺰ ﺋﯚﺳﯜﯞﺍﺗﻘﺎﻥ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻨﯩﯔ ﻛﯧﻠﯩﺶ ﻣﻪﻧﺒﻪﺳﻰ ﺋﺎﺳﺎﺳﻪﻥ ﺋﯜﭺ. ﺑﯩﺮﯨﻨﺠﯩﺴﻰ، ﺗﻪﻳﯟﻩﻥ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ. ﺗﻪﻳﯟﻩﻥ ﺋﯚﺯﯨﻨﻰ "ﺩﯗﻧﻴﺎ ﺑﻮﻳﯩﭽﻪ ﺋﻪﯓ ﭼﻮﯓ ﺋﺎﻳﺎﻕ ﺯﺍﯞﯗﺗﻰ"، "ﻛﯜﻧﻠﯜﻙ ﺯﺍﯞﯗﺗﻰ" ﺩﻩﭖ ﺋﺎﺗﺎﻳﺪﯗ. ﺧﯩﺘﺎﻱ ﺗﻪﻳﯟﻩﻥ ﺋﺎﻟﺪﯨﺪﺍ ﺋﯚﺯﯨﻨﯩﯔ ﻏﻮﺭﯗﺭﯨﻨﻰ ﺗﯩﻜﻠﻪﺵ ﻣﻪﻗﺴﯩﺘﯩﺪﻩ، ﺑﯘ ﺟﻪﮬﻪﺗﺘﻪ ﺗﻪﻳﯟﻩﻧﻨﻰ ﺑﯧﺴﯩﭗ ﭼﯜﺷﯜﺵ ﺋﯜﭼﯜﻥ ﺯﻭﺭ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﻪﺗﻜﻪﻥ. ﺑﯘ ﺟﻪﺭﻳﺎﻧﺪﺍ ﺧﯩﺘﺎﻳﻨﯩﯔ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺌﯩﺴﻐﺎ ﺑﯩﺮ ﻣﯘﻧﭽﻪ ﺳﺎﻥ ﻗﻮﺷﯘﻟﻐﺎﻥ. ﺋﯩﻜﻜﯩﻨﭽﯩﺪﯨﻦ، ﺋﺎﻣﯧﺮﯨﻜﺎ ﺋﯚﺯﯨﻨﯩﯔ ﭘﯘﻝ - ﻣﯘﺋﺎﻣﯩﻠﻪ ﺑﺎﺯﯨﺮﻯ، ﺋﯩﻨﺘﯧﺮﻧﯧﺖ ﺗﻮﺭ ﺳﯩﺴﺘﯧﻤﯩﺴﻰ، ﺳﯜﻧﺌﻰ ﮬﻪﻣﺮﺍﮪ ﺳﯩﺴﺘﯧﻤﯩﺴﻰ ﻗﺎﺗﺎﺭﻟﯩﻖ ﺋﻪﺳﻠﯩﮭﻪﻟﯩﺮﯨﮕﻪ ﻗﯩﻠﯩﻨﻐﺎﻥ ﮬﻪﺭ ﻗﺎﻧﺪﺍﻕ ﮬﯘﺟﯘﻣﻨﻰ ﺋﺎﻣﯧﺮﯨﻜﯩﻨﯩﯔ ﺯﯦﻤﯩﻨﯩﮕﻪ ﮬﯘﺟﯘﻡ ﻗﯩﻠﻐﺎﻧﻠﯩﻖ، ﺩﻩﭖ ﮬﯧﺴﺎﺑﻼﭖ ﯞﻩ ﺟﺎﻛﺎﺭﻻﭖ ﺗﯘﺭﺳﯩﻤﯘ، ﺋﻪﻣﻤﺎ ﺧﯩﺘﺎﻱ ﻳﻪﻧﯩﻼ ﺋﯘﻧﯩﯖﻐﺎ ﭘﯩﺴﻪﻧﺖ ﻗﯩﻠﻤﺎﻱ، ﮬﻪﺭﺧﯩﻞ ﺋﯩﻘﺘﯩﺴﺎﺩﯨﻲ ﯞﺍﺳﺘﻪ ﺋﺎﺭﻗﯩﻠﯩﻖ ﺋﺎﻣﯧﺮﯨﻜﯩﻨﯩﯔ ﻳﻮﻟﻠﯩﺮﯨﻨﻰ ﺗﻮﺳﯘﺵ ﺟﻪﺭﻳﺎﻧﯩﺪﺍ، ﺧﯩﺘﺎﻳﻨﯩﯔ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﯩﻐﺎ ﻗﻮﺷﯘﻟﻐﺎﻥ ﺳﺎﻥ. ﺋﯜﭼﯩﻨﭽﯩﺪﯨﻦ، ﺧﯩﺘﺎﻱ ﺑﯩﺮ ﺗﻪﺭﻩﭘﺘﯩﻦ ﺋﺎﻣﯧﺮﯨﻜﯩﺪﯨﻦ ﺋﯩﻤﭙﻮﺭﺕ ﻗﯩﻠﯩﺪﯨﻐﺎﻥ ﺋﺎﭘﺘﻮﻣﻮﺑﯩﻞ، ﭘﯘﺭﭼﺎﻕ، ﺋﯧﻠﯧﻜﺘﺮﻭﻧﻠﯘﻕ ﻣﻪﮬﺴﯘﻻﺕ، ﻛﯩﻨﻮ ﻗﺎﺗﺎﺭﻟﯩﻘﻼﺭﻧﻰ ﺋﺎﺯﺍﻳﺘﯩﭗ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺧﯩﺘﺎﻳﺪﯨﻦ ﺋﺎﻣﯧﺮﯨﻜﯩﻐﺎ ﺋﯧﻜﯩﺴﭙﻮﺭﺕ ﻗﯩﻠﯩﺪﯨﻐﺎﻥ ﻛﯩﻴﯩﻢ، ﺋﺎﻳﺎﻕ، ﺗﯧﻠﯧﯟﯦﺰﻭﺭ ﻗﺎﺗﺎﺭﻟﯩﻖ ﻣﻪﮬﺴﯘﻻﺗﻼﺭﻧﻰ ﮬﻪﺩﻩﭖ ﻛﯚﭘﻪﻳﺘﯩﭗ، ﺳﻮﺩﯨﺪﺍ ﻗﯩﺰﯨﻞ ﺭﻩﻗﻪﻡ ﭘﻪﻳﺪﺍ ﻗﯩﻠﯩﺶ ﺟﻪﺭﻳﺎﻧﯩﺪﺍ، ﺧﯩﺘﺎﻳﻨﯩﯔ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﯩﻐﺎ ﻗﻮﺷﯘﻟﻐﺎﻥ ﺳﺎﻥ. ﺧﯩﺘﺎﻳﻨﯩﯔ ﮬﺎﺯﯨﺮﻗﻰ 711 ﻣﯩﻠﻴﺎﺭﺕ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻠﯩﻖ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﯩﻨﯩﯔ ﻛﯚﭘﯩﻨﭽﯩﺴﻰ ﻣﯘﺷﯘﻧﺪﺍﻕ ﮬﺎﺳﯩﻞ ﺑﻮﻟﻐﺎﻥ ﺟﯘﻏﻼﻧﻤﺎ.

ﺧﻪﻟﻖ ﺑﯘﻧﯩﯔ ﭘﺎﻳﺪﯨﺴﯩﻨﻰ ﻛﯚﺭﻩﻟﻪﻣﺪﯗ؟

ﺧﯩﺘﺎﻱ ﺩﯙﻟﻪﺕ ﺑﺎﻳﻠﯩﻘﻰ ﻛﻮﻣﯩﺘﯧﺘﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﺋﯩﺴﺘﺮﺍﺗﯧﮕﯩﻴﻪ ﺑﯚﻟﯜﻣﯩﻨﯩﯔ ﺑﺎﻳﺎﻥ ﻗﯩﻠﻐﺎﻧﻠﯩﺮﯨﺪﺍ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﻗﻮﻟﯩﺪﯨﻜﻰ ﺷﯘﻗﻪﺩﻩﺭ ﻛﯚﭖ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﻗﻮﻟﯩﺪﯨﻜﻰ ﮬﺎﺯﯨﺮﭼﻪ ﺧﻪﺟﻠﻪﻧﻤﻪﻳﺪﯨﻐﺎﻥ، ﭼﻪﺗﺌﻪﻟﻠﻪﺭﺩﻩ ﻗﻮﻳﯘﭖ ﻗﻮﻳﯘﭖ ﺧﻪﺟﻠﻪﺷﻨﻰ ﻛﯜﺗﯜﭖ ﺗﯘﺭﯨﯟﺍﺗﻘﺎﻥ ﻧﻪﻕ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ. ﺧﯩﺘﺎﻳﻨﯩﯔ ﺑﯘ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ، ﺋﻪﻣﻪﻟﯩﻴﻪﺗﺘﻪ، 1989 - ﻳﯩﻠﻰ 6 - ﺋﺎﻳﻨﯩﯔ 4 - ﻛﯜﻧﻰ ﺑﯧﻴﺠﯩﯖﺪﻩ ﻳﯜﺯ ﺑﻪﺭﮔﻪﻥ ﻗﺎﻧﻠﯩﻖ ﺑﺎﺳﺘﯘﺭﯗﺷﺘﯩﻦ ﻛﯧﻴﯩﻦ، ﺧﯩﺘﺎﻳﺪﺍ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺳﯩﻴﺎﺳﯩﻲ ﻛﺮﯨﺰﯨﺲ ﺑﯩﻠﻪﻥ ﺗﻪﯓ ﻛﯧﺘﯩﯟﯦﺘﯩﭗ ﮬﺎﺳﯩﻞ ﺑﻮﻟﻐﺎﻥ ﺟﯘﻏﻼﻧﻤﺎ. ﺑﻪﻟﻜﻰ ﮬﺎﺯﯨﺮﻗﯩﺪﻩﻙ، ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻨﯩﯔ ﻗﯩﻤﻤﯩﺘﻰ ﺗﯚﯞﻩﻧﻠﻪﭖ ﻛﯧﺘﯩﯟﺍﺗﻘﺎﻥ ﺋﻪﮬﯟﺍﻝ ﺋﺎﺳﺘﯩﺪﺍ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﻗﻮﻟﯩﺪﯨﻜﻰ ﺩﺍﯞﺍﻣﻠﯩﻖ ﻛﯚﭘﯩﻴﯩﯟﺍﺗﻘﺎﻥ ﻧﻪﻕ ﭘﯘﻝ.

ﺧﯩﺘﺎﻱ ﺩﯙﻟﻪﺕ ﺑﺎﻳﻠﯩﻘﻰ ﻛﻮﻣﯩﺘﯧﺘﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﺋﯩﺴﺘﺮﺍﺗﯧﮕﯩﻴﻪ ﺑﯚﻟﯜﻣﯩﻨﯩﯔ ﺑﺎﻳﺎﻥ ﻗﯩﻠﻐﺎﻧﻠﯩﺮﯨﺪﺍ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻳﻨﯩﯔ ﺧﻪﻟﻖ ﭘﯘﻟﻰ، ﻣﻪﻳﻠﻰ ﺋﯘ ﺋﯚﻱ - ﺯﯦﻤﯩﻦ ﺗﯩﺠﺎﺭﯨﺘﻰ ﺋﺎﺭﻗﯩﻠﯩﻖ ﮬﻪﺭ ﻗﺎﻧﭽﻪ ﻛﯚﭖ ﺗﻮﭘﻼﻧﺴﯘﻥ، ﺋﯘ ﺳﯩﺮﺗﻘﺎ ﺋﯧﻠﯩﭗ ﭼﯩﻘﯩﻠﺴﺎ ﺋﯩﺸﻠﯩﻤﻪﻳﺪﯗ. ﭘﯜﺗﯜﻥ ﺩﯗﻧﻴﺎﺩﺍ ﺋﻪﺭﻛﯩﻦ ﺋﺎﻟﻤﺎﺷﺘﯘﺭﯨﻠﯩﺪﯨﻐﺎﻥ ﭘﯘﻝ ﻳﻪﻧﯩﻼ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ. ﺧﯩﺘﺎﻳﺪﯨﻦ ﻗﺎﭼﻘﺎﻥ 6000 ﺋﻪﻣﻪﻟﺪﺍﺭﻧﯩﯔ ﺳﯩﺮﺗﻘﺎ ﺋﯧﻠﯩﭗ ﻣﺎﯕﻐﯩﻨﯩﻤﯘ ﭘﯜﺗﯜﻧﻠﻪﻱ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ. ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺑﯘ ﺗﺎﺷﻘﻰ ﭘﯧﺮﯨﯟﻭﺕ ﺟﯘﻏﻼﻧﻤﯩﺴﻰ، ﺧﻪﻟﻖ ﺋﯜﭼﯜﻥ ﺋﯧﻴﺘﻘﺎﻧﺪﺍ ﮬﯧﭽﻘﺎﭼﺎﻥ ﺑﯩﺮ ﺧﯩﻞ ﺑﻪﺧﺖ ﺋﯘﻗﯘﻣﻰ ﺋﻪﻣﻪﺱ. ﺑﯘ ﺟﯘﻏﻼﻧﻤﺎ ﮬﺎﺯﯨﺮ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺋﯚﺯﯨﻨﯩﯔ ﭼﯩﻘﯩﺶ ﻳﻮﻟﻰ ﺋﯜﭼﯜﻥ ﺗﻮﭘﻼﯞﺍﺗﻘﺎﻥ ﺟﯘﻏﻼﻧﻤﺎ ﺑﻮﻟﯘﺷﻰ ﺋﯧﮭﺘﯩﻤﺎﻟﻐﺎ ﻳﯧﻘﯩﻦ. (ﯞﻩﻟﻰ)