ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﻠﻪﺭﻧﻰ ﻗﯘﻝ ﻗﯩﻠﯩﺶ ﺋﯜﭼﯜﻥ ﺩﺍﻻﻱ ﻻﻣﺎﻏﺎ ﻗﺎﺭﺷﻰ ﺗﯘﺭﯗﭖ ﻛﻪﻟﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯩﺒﻪﺗﻠﻪﺭﻧﯩﯔ ﺧﯩﺘﺎﻳﻐﺎ ﻗﺎﺭﺷﻰ ﻧﺎﻣﺎﻳﯩﺸﻰ 3 ‏ - ﺋﺎﻳﻨﯩﯔ 10 ‏ - ﻛﯜﻧﯩﺪﯨﻦ ﺑﺎﺷﻼﭖ ﻫﺎﺯﯨﺮﻏﯩﭽﻪ ﺗﻮﺧﺘﯩﻤﯩﺪﻯ. ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، 3 ‏ - ﺋﺎﻳﻨﯩﯔ 22 ‏ - ﻛﯜﻧﻰ، ﻳﻪﻧﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﻛﻠﯩﭗ ﻗﯩﻠﻐﺎﻥ 15 ﺩﯙﻟﻪﺗﻨﯩﯔ ﺩﯨﭙﻠﻮﻣﺎﺗﯩﻴﻪ ﺧﺎﺩﯨﻤﻠﯩﺮﻯ ﺗﯩﺒﻪﺗﻨﻰ ﺯﯨﻴﺎﺭﻩﺕ ﻗﯩﻠﯩﭗ ﻗﺎﻳﺘﻘﺎﻧﺪﯨﻦ ﻛﯧﻴﯩﻨﻤﯘ، ﺗﯩﺒﻪﺗﻠﻪﺭ ﻟﺨﺎﺳﺎ ﺷﻪﻫﯩﺮﯨﺪﻩ ﻳﻪﻧﻪ ﻧﺎﻣﺎﻳﯩﺶ ﻗﯩﻠﯩﭗ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻘﯩﻨﻰ ﺋﯩﭙﺎﺩﯨﻠﯩﺪﻯ. ﺯﺍﺩﻯ ﺗﯩﺒﻪﺗﻠﻪﺭ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﺗﺘﯘﺭﯨﺴﯩﺪﯨﻜﻰ ﺗﯜﭖ ﺯﯨﺪﺩﯨﻴﻪﺕ ﻧﯧﻤﻪ؟ ﻧﯧﻤﻪ ﺋﯜﭼﯜﻥ ﻣﻪﺳﯩﻠﻪ ﻫﻪﻝ ﻗﯩﻠﯩﻨﻤﺎﻱ ﻛﯧﻠﯩﯟﺍﺗﯩﺪﯗ؟

ﻫﺎﺯﯨﺮ ﻛﺎﻧﺎﺩﺍﺩﺍ ﺗﯘﺭﯗﺷﻠﯘﻕ ﻣﯘﺳﺘﻪﻗﯩﻞ ﻳﺎﺯﻏﯘﭼﻰ ﺷﯧﯔ ﺷﯚ ﺧﺎﻧﯩﻤﻨﯩﯔ ﻗﺎﺭﯨﺸﯩﭽﻪ، ﺋﻪﻟﻠﯩﻚ ﻧﻪﭼﭽﻪ ﻳﯩﻠﺪﯨﻦ ﺑﯘﻳﺎﻥ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﻯ ﺗﯩﺒﻪﺕ ﺧﻪﻟﻘﯩﻨﻰ ﻗﯘﻝ ﻗﯩﻠﯩﺶ ﺋﯜﭼﯜﻥ، ﺋﯘﻻﺭﻧﯩﯔ ﺩﯨﻨﻰ ﺩﺍﻫﯩﺴﻰ ﺩﺍﻻﻱ ﻻﻣﺎﻏﺎ ﻗﺎﺭﺷﻰ ﺗﯘﺭﯗﭖ ﻛﯧﻠﯩﯟﺍﺗﯩﺪﯗ.

‏ - ‏ ﻣﻪﻥ ﺋﯘﺯﯗﻧﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﺩﺍﻻﻱ ﻻﻣﺎﻧﯩﯔ ﺳﯚﻫﺒﯩﺘﻰ ﻫﻪﻗﻘﯩﺪﯨﻜﻰ ﺋﯘﭼﯘﺭﻻﺭﻏﺎ ﺋﻪﻫﻤﯩﻴﻪﺕ ﺑﯧﺮﯨﭗ ﻛﯧﻠﯩﯟﺍﺗﯩﻤﻪﻥ، ‏ - ‏ ﺩﻩﻳﺪﯗ ﺷﯧﯔ ﺷﯚ ﺧﺎﻧﯩﻢ، ‏ - ‏ ﺑﯘ ﺋﯩﻜﻜﻰ ﺗﻪﺭﻩﭖ ﻧﯘﺭﻏﯘﻥ ﻗﯧﺘﯩﻢ ﻫﻪﺭ ﺧﯩﻞ ﺷﻪﻛﯩﻠﺪﻩ ﺳﯚﻫﺒﻪﺕ ﺋﯚﺗﻜﯜﺯﺩﻯ. ﺋﻪﻣﻤﺎ ﺳﯚﻫﺒﻪﺗﻨﯩﯔ ﺋﯜﻧﯜﻣﻰ ﻛﯚﺭﯛﻟﻤﯩﺪﻯ. ﺋﯧﻨﯩﻖ ﻛﯚﺭﯛﭖ ﺗﯘﺭﯗﯞﺍﺗﯩﻤﻪﻧﻜﻰ، ﺑﯘ ﺳﯚﻫﺒﻪﺗﺘﻪ ﺩﺍﻻﻱ ﺗﻪﺭﻩﭖ ﺳﻪﻣﯩﻤﯩﻲ، ﺋﯘ ﺗﯩﺒﻪﺕ ﺧﻪﻟﻘﯩﻨﯩﯔ ﻳﺎﺧﺸﯩﺮﺍﻕ ﺗﯘﺭﻣﯘﺵ ﻛﻪﭼﯜﺭﯛﺷﻨﻰ، ﺗﯘﺭﻣﯘﺷﯩﺪﺍ ﺋﻪﺭﻛﯩﻨﻠﯩﻚ ﺑﻮﻟﯘﺷﯩﻨﻰ ﺋﯜﻣﯩﺪ ﻗﯩﻠﯩﺪﯗ، ﺋﻪﻣﻤﺎ ﺋﺎﺟﯩﺰ. ﺧﯩﺘﺎﻱ ﺗﻪﺭﻩﭖ ﺳﻪﻣﯩﻤﯩﻲ ﺋﻪﻣﻪﺱ، ﺗﯩﺒﻪﺗﻨﯩﯔ ﻫﻮﻗﯘﻗﻰ ﺧﯩﺘﺎﻳﻨﯩﯔ ﻗﻮﻟﯩﺪﺍ. ﺧﯩﺘﺎﻱ ﻫﯚﻛﯜﻣﯩﺘﻰ ﻣﯘﺳﺘﻪﺑﯩﺖ ﺗﯜﺯﯛﻣﻨﻰ ﻳﻮﻕ ﻗﯩﻠﯩﺪﯨﻐﺎﻥ ﻳﺎﻛﻰ ﺋﺎﺟﯩﺰﻻﺷﺘﯘﺭﯨﺪﯨﻐﺎﻥ ﮔﻪﭘﻨﻰ ﺋﺎﯕﻠﯩﻤﺎﻳﺪﯗ، ﺷﯘﯕﻼﺷﻘﺎ ﻫﻪﺭ ﺧﯩﻞ ﺑﺎﻫﺎﻧﻪ - ﺳﻪﯞﻩﺏ ﻛﯚﺭﺳﯩﺘﯩﭗ ﺳﯚﻫﺒﻪﺗﻨﻰ ﻛﯧﭽﯩﻜﺘﯜﺭﯛﭖ ﻛﯧﻠﯩﯟﺍﺗﯩﺪﯗ.

ﺷﯧﯔ ﺷﯚ ﺧﺎﻧﯩﻢ ﺧﯩﺘﺎﻳﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺭﻩﻫﺒﻪﺭﻟﯩﻚ ﮔﯘﺭﯗﻫﯩﻐﺎ ﭼﯧﺘﯩﻠﯩﺪﯨﻐﺎﻥ ﻳﯘﻩﻧﺨﯘﺍ ﺩﯦﻠﻮﺳﻰ ﻫﻪﻗﻘﯩﺪﻩ ﻛﯩﺘﺎﺏ ﻳﯧﺰﯨﭗ ﻧﺎﻡ ﻗﺎﺯﺍﻧﻐﺎﻥ ﻳﺎﺯﻏﯘﭼﻰ. ﺷﯧﯔ ﺷﯚ ﺧﺎﻧﯩﻢ ﻳﯩﻠﻼﺭﺩﯨﻦ ﺑﯘﻳﺎﻥ ﺧﯩﺘﺎﻳﺪﯨﻜﻰ ﺩﯦﻤﻮﻛﺮﺍﺗﯩﻚ ﻫﻪﺭﯨﻜﻪﺗﻠﻪﺭ، ﺗﯩﺒﻪﺕ ﻫﻪﺭﯨﻜﯩﺘﻰ ﯞﻩ ﺋﯘﻳﻐﯘﺭ ﻫﻪﺭﯨﻜﯩﺘﻰ ﻫﻪﻗﻘﯩﺪﻩ ﺋﯩﻠﻤﯩﻲ ﺋﻮﺑﺰﻭﺭﻻﺭﻧﻰ ﺋﯧﻼﻥ ﻗﯩﻠﯩﭗ ﻛﯧﻠﯩﯟﺍﺗﯩﺪﯗ.

‏ - ‏ ﺟﯘﯕﮕﻮ ﺋﯚﺯﯨﻨﯩﯔ ﺯﯦﻤﯩﻦ ‏ - ﺗﯧﺮﺭﯨﺘﻮﺭﯨﻴﻪ ﻫﻮﻗﯘﻗﯩﻨﻰ ﻫﻪﻣﻤﯩﺪﯨﻦ ﺋﻪﻻ ﺑﯩﻠﯩﺪﯗ، ﺩﯦﮕﻪﻥ ﺳﯚﺯﮔﻪ ﻣﻪﻥ ﺗﺎﺯﺍ ﺋﯩﺸﻪﻧﻤﻪﻳﻤﻪﻥ، ﺑﯘ ﻫﻪﻗﺘﻪ ﻣﯧﻨﯩﯔ ﺗﻮﻟﯘﻕ ﭘﺎﻛﯩﺘﯩﻢ ﺑﺎﺭ، ‏ - ‏ ﺩﻩﻳﺪﯗ ﺷﯧﯔ ﺷﯚ ﺧﺎﻧﯩﻢ ﻣﯘﻻﻫﯩﺰﯨﺴﯩﺪﻩ، ‏ - ‏ ﺧﯩﺘﺎﻱ ﻫﯚﻛﯜﻣﯩﺘﻰ 'ﺟﯘﯕﮕﻮ ﺯﯦﻤﯩﻨﻰ' ﺩﻩﭖ ﺋﺎﺗﯩﻠﯩﺪﯨﻐﺎﻥ ﺯﯦﻤﯩﻨﺪﯨﻦ 40 ﺗﻪﻳﯟﻩﻧﮕﻪ ﺗﻪﯓ ﺯﯦﻤﯩﻨﻨﻰ ﺭﯗﺳﯩﻴﯩﮕﻪ ﺑﯧﺮﯨﯟﻩﺗﺘﯩﻐﯘ. ﺧﯩﺘﺎﻳﻨﯩﯔ 'ﺩﯙﻟﻪﺗﻨﯩﯔ ﺗﯧﺮﺭﯨﺘﻮﺭﯨﻴﻪ ﻫﻮﻗﯘﻗﻰ ﺋﻪﯓ ﺋﺎﻟﯩﻲ ﭘﯩﺮﯨﻨﺴﯩﭗ' ﺩﯦﮕﯩﻨﻰ ﻳﺎﻟﻐﺎﻥ. ﺧﯩﺘﺎﻱ ﻫﻪﺗﺘﺎ ﺑﯩﺮﻛﯩﻤﻨﯩﯔ ﻛﯜﭼﻰ ﺑﻮﻟﺴﺎ ﻣﯘﺳﺘﻪﻗﯩﻞ ﺑﻮﻟﺴﯩﻤﯘ ﻛﺎﺭﻯ ﻳﻮﻕ، ﺋﻪﻣﻤﺎ ﺋﯘﻧﯩﯔ ﺋﺎﺟﯩﺰ ﺧﻪﻟﻘﻠﻪﺭﻧﻰ ﻗﯘﻝ ﻗﯩﻠﻤﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ ﺭﺍﺱ. ﺋﯘ ﺗﯩﺒﻪﺗﻠﻪﺭﻧﯩﻤﯘ ﻗﯘﻝ ﻗﯩﻠﻤﺎﻗﭽﻰ، ﺷﯘﻧﯩﯔ ﺋﯜﭼﯜﻥ ﺑﯘ ﺟﺎﻳﺪﺍ ﺧﻪﻟﻖ ﻫﯚﺭﻣﻪﺗﻠﻪﻳﺪﯨﻐﺎﻥ، ﺋﯩﺘﺎﺋﻪﺕ ﻗﯩﻠﯩﺪﯨﻐﺎﻥ ﺩﺍﻻﻱ ﻻﻣﺎﻏﺎ ﻗﺎﺭﺷﻰ ﺗﯘﺭﯨﺪﯗ. ﺩﺍﻻﻱ ﻻﻣﺎﻧﻰ ﻳﻮﻕ ﻗﯩﻠﻤﯩﺴﺎ ﺋﯚﺯﯨﻨﯩﯔ ﻛﻮﻧﺘﺮﻭﻟﻠﯘﻕ ﻫﻮﻗﯘﻗﻰ ﺗﯩﻜﻠﻪﻧﻤﻪﻳﺪﯗ. ﺩﺍﻻﻱ ﻻﻣﺎ ﺑﯩﺮ ﺳﻪﻣﯩﻤﯩﻲ ﺋﺎﺩﻩﻡ، ﺋﯘ ﺧﯩﺘﺎﻳﻨﯩﯔ ﺩﯙﻟﻪﺕ ﻗﺎﻧﯘﻧﻰ ﺑﯘﻳﯩﭽﻪ ﺗﻮﻟﯘﻕ ﺋﺎﭘﺘﻮﻧﻮﻣﯩﻴﻪ ﻳﯜﺭﮔﯜﺯﯛﺷﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻻﭖ ﻛﻪﻟﻤﻪﻛﺘﻪ. ﺋﻪﮔﻪﺭ ﺑﯘ ﻣﻪﺳﯩﻠﯩﺪﻩ ﺳﯚﻫﺒﻪﺕ ﺋﯚﺗﻜﯜﺯﺳﻪ، ﺧﯩﺘﺎﻱ ﻳﯧﯖﯩﻠﯩﭗ ﻗﺎﻟﯩﺪﯗ. ﺩﺍﻻﻱ ﻻﻣﺎﻧﯩﯔ ﺋﺎﺑﺮﻭﻳﻰ ﺗﯧﺨﯩﻤﯘ ﺋﯚﺳﯩﺪﯗ. ﺋﻪﻣﻤﺎ ﺧﯩﺘﺎﻱ ﻫﺎﺯﯨﺮ ﺋﯚﺯﯨﻨﻰ ﻛﯜﭼﻠﯜﻙ ﺩﯙﻟﻪﺕ ﺩﻩﭖ ﻫﯧﺴﺎﺑﻼﭖ ﻛﯚﺭﻩﯕﻠﻪﯞﺍﺗﯩﺪﯗ. ﺗﯩﺒﻪﺗﻠﻪﺭﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﺭﺍﺯﻯ ﺑﻮﻟﯘﺵ - ﺑﻮﻟﻤﺎﺳﻠﯩﻘﯩﻨﯩﻤﯘ ﻫﯧﺴﺎﺑﻘﺎ ﺋﺎﻟﻤﺎﻳﺪﯗ، ﻫﻪﺗﺘﺎ ﺋﯘﻻﺭﻧﯩﯔ ﻣﯘﺳﺘﻪﻗﯩﻠﻠﯩﻖ ﺷﯘﺋﺎﺭﯨﻨﯩﻤﯘ ﻛﯚﺯﮔﻪ ﺋﯩﻠﻤﺎﻳﺪﯗ. ﺷﯘﯕﻼﺷﻘﺎ ﺋﯘ ﺗﯩﺒﻪﺗﻠﻪﺭﺩﻩﻙ ﺋﺎﺟﯩﺰ ﺧﻪﻟﻖ ﺑﯩﻠﻪﻥ ﺋﯩﻜﻜﻰ ﺗﻪﺭﻩﭖ ﺗﻪﯓ ﺑﺎﺭﺍﯞﻩﺭ ﺷﻪﻛﯩﻠﺪﻩ ﺳﯚﻫﺒﻪﺕ ﺋﯚﺗﻜﯜﺯﯛﺷﻨﻰ ﺧﺎﻟﯩﻤﺎﻳﺪﯗ.

‏ - ‏ ﺗﯩﺒﻪﺗﻨﯩﯔ ﺑﯘﺭﯗﻥ ﻗﯘﻟﻠﯘﻕ ﺟﻪﻣﺌﯩﻴﻪﺗﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻘﻰ ﺋﯘﻧﯩﯔ ﺑﯘﻧﯩﯖﺪﯨﻦ ﻛﯧﻴﯩﻨﻤﯘ ﻗﯘﻟﻠﯘﻗﻨﻰ ﻗﻮﺑﯘﻝ ﻗﯩﻠﯩﺪﯨﻐﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯗ. ‏ - ‏ ﺩﻩﻳﺪﯗ ﺷﯧﯔ ﺷﯚ ﺧﺎﻧﯩﻢ ﻣﯘﻻﻫﯩﺰﯨﺴﯩﺪﻩ، ‏ - ‏ ﺋﯩﻨﺴﺎﻧﯩﻴﻪﺕ ﺟﻪﻣﺌﯩﻴﯩﺘﻰ ﺋﯜﺯﻟﯜﻛﺴﯩﺰ ﺋﺎﻟﻐﺎ ﺋﯩﻠﮕﯩﺮﯨﻠﻪﯞﺍﺗﯩﺪﯗ، ﻫﺎﺯﯨﺮ ﺑﯘﻧﯩﯖﻐﺎ ﮔﯘﻣﺎﻧﻠﯩﻨﯩﺪﯨﻐﺎﻥ ﺋﺎﺩﻩﻡ ﺑﻮﻟﻤﯩﺴﺎ ﻛﯧﺮﻩﻙ، ﺩﯗﻧﻴﺎﺩﺍ ﺑﯘﺭﯗﻥ ﺋﯩﭙﺘﯩﺪﺍﺋﯩﻲ ﻫﺎﻟﻪﺗﺘﻪ ﺗﯘﺭﻏﺎﻥ ﺋﻪﻟﻠﻪﺭﺩﻩ ﻛﯧﻴﯩﻨﻜﻰ ﯞﺍﻗﯩﺘﻼﺭﺩﺍ ﺋﯩﻠﮕﯩﺮﯨﻠﻪﺵ ﺑﻮﻟﺪﻯ، ﺋﯘﻻﺭ ﻳﯧﯖﯩﭽﻪ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻜﻪ ﺋﺎﻳﻼﻧﺪﻯ. ﺧﯩﺘﺎﻳﻨﯩﯔ 'ﺗﯩﺒﻪﺗﻨﻰ ﺋﺎﺯﺍﺩ ﻗﯩﻠﺪﯗﻕ' ﺩﯦﮕﯩﻨﻰ ﺗﻮﻏﺮﺍ ﺋﻪﻣﻪﺱ، ﺋﻪﻣﻪﻟﯩﻴﻪﺗﺘﻪ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺗﯩﺒﻪﺗﻠﻪﺭﻧﻰ ﺑﺎﺷﻘﯩﭽﻪ ﺑﯩﺮ ﺧﯩﻞ ﺷﻪﻛﯩﻠﺪﻩ ﻗﯘﻝ ﻗﯩﻠﯩﯟﺍﺗﯩﺪﯗ، ﺗﯩﺒﻪﺗﻠﻪﺭ ﻫﺎﺯﯨﺮ ﺗﯘﺭﯗﯞﺍﺗﻘﺎﻥ ﺳﯩﻴﺎﺳﯩﻲ ﺗﯜﺯﯛﻡ ﻫﯚﻛﯜﻣﻪﺕ ﺩﻩﻫﺸﻪﺗﻠﯩﻚ ﻗﯩﺮﻏﯩﻨﭽﯩﻠﯩﻖ ﻗﯩﻠﺴﯩﻤﯘ، ﺋﯘﻧﯩﯖﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﯜﺯﻣﻪﻳﺪﯨﻐﺎﻥ ﯞﻩﻫﺸﻰ ﺗﯜﺯﯛﻡ. ﺗﯩﺒﻪﺗﻠﻪﺭﻧﯩﯔ ﺑﯘﻧﺪﺍﻕ ﺗﯜﺯﯛﻣﻨﻰ ﻗﻮﺑﯘﻝ ﻗﯩﻠﻤﺎﻳﺪﯨﻐﺎﻧﻠﯩﻘﻰ ﺋﺎﻟﻠﯩﻘﺎﭼﺎﻥ ﺋﯩﺴﭙﺎﺗﻼﻧﺪﻯ. ﺋﻪﻣﻤﺎ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﻠﻪﺭﮔﻪ ﻣﺎﺩﺩﻯ ﺟﻪﻫﻪﺗﺘﯩﻦ ﺋﺎﺯ - ﺗﻮﻻ ﻣﻪﻧﭙﻪﺋﻪﺕ ﺑﻪﺭﺳﻪ ﻗﺎﻧﺎﺋﻪﺕ ﻗﯩﻠﯩﺪﯗ، ﺩﻩﭖ ﻗﺎﺭﺍﻳﺪﯗ، ﺑﯘ ﻧﻪﺯﯨﺮﯨﻴﻪ ﺋﻪﻣﻪﻟﯩﻴﻪﺗﺘﻪ ﺋﯩﻨﺴﺎﻧﯩﻴﻪﺗﻨﻰ ﭼﯜﺷﻪﻧﻤﯩﮕﻪﻧﻠﯩﻚ. ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻘﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ 'ﻗﻮﺳﺎﻕ ﺗﻮﻳﻐﯘﺯﯗﺵ ﻫﻮﻗﯘﻗﻰ' ﺩﻩﭖ ﻗﺎﺭﺍﻳﺪﯗ. ﺑﯘ ﺧﻪﻟﻘﻘﻪ ﻗﯩﻠﯩﻨﻐﺎﻥ ﻫﺎﻗﺎﺭﻩﺕ. ﺋﯩﻨﺴﺎﻧﯩﻲ ﻫﺎﻳﺎﺗﻨﯩﯔ ﻣﻪﺯﻣﯘﻧﻰ ﭘﻪﻗﻪﺕ ﻗﻮﺳﺎﻕ ﺗﻮﻳﻐﯘﺯﯗﺷﻼ ﺋﻪﻣﻪﺱ، ﺋﯘﻧﯩﯔ ﺗﯧﺨﯩﻤﯘ ﻛﺎﻡ ﺑﻮﻟﺴﺎ ﺑﻮﻟﻤﺎﻳﺪﯨﻐﺎﻥ ﻣﻪﻧﯩﯟﯨﻲ ﺗﻪﻟﻪﭘﻠﯩﺮﻯ ﺑﺎﺭ. ﺧﯩﺘﺎﻱ ﻫﻪﺭ ﻗﺎﻧﭽﻪ ﻛﯚﭖ ﭘﯘﻝ ﺳﻪﺭﭖ ﻗﯩﻠﺴﯩﻤﯘ، ﺗﯩﺒﻪﺗﻠﻪﺭﻧﯩﯔ ﻣﻪﻧﯩﯟﯨﻲ ﻫﺎﻳﺎﺗﯩﻨﻰ ﺳﯧﺘﯩﯟﺍﻻﻟﻤﺎﻳﺪﯗ. ﺧﯩﺘﺎﻱ ﻣﻪﺑﻠﯩﻐﻰ ﺋﻪﻣﻪﻟﯩﻴﻪﺗﺘﻪ ﺗﯩﺒﻪﺗﻠﻪﺭﻧﻰ ﻗﯘﻝ ﻗﯩﻠﯩﺶ ﺋﯜﭼﯜﻥ ﻗﯩﻠﻐﺎﻥ ﺩﯙﻟﻪﺕ ﻣﯘﺩﺍﭘﯩﺌﻪ ﻗﯘﺭﯗﻟﯘﺷﻰ. ﻫﺎﺯﯨﺮ ﺗﯩﺒﻪﺗﻠﻪﺭﻧﯩﯔ ﺋﯚﺗﻜﯜﺯﯛﯞﺍﺗﻘﺎﻥ ﻗﺎﺭﺷﯩﻠﯩﻖ ﻧﺎﻣﺎﻳﯩﺸﻠﯩﺮﻯ، ﺑﯩﺮﻩﺭ ﺋﯩﻤﻜﺎﻧﯩﻴﻪﺕ ﺑﻮﻟﺴﯩﻼ ﺩﯗﻧﻴﺎﻏﺎ ﺋﯚﺯﯨﻨﯩﯔ ﺋﺎﯞﺍﺯﯨﻨﻰ ﻳﻪﺗﻜﯜﺯﯛﭖ ﺗﯘﺭﻏﺎﻧﻠﯩﻘﻰ ﺋﯘﻻﺭﻧﯩﯔ ﺧﯩﺘﺎﻳﻨﯩﯔ ﺳﯩﻴﺎﺳﻪﺗﻠﯩﺮﯨﻨﻰ ﺋﯧﺘﯩﺮﺍﭖ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﻤﺎﻗﺘﺎ. ﺋﻪﻣﻪﻟﯩﻴﻪﺗﺘﻪ ﻫﺎﺯﯨﺮ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻧﻪﺯﯨﺮﯨﻴﯩﺴﻰ ﻣﻪﻏﻠﯘﭖ ﺑﻮﻟﺪﻯ.

ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﭘﺮﻭﻓﯧﺴﺴﻮﺭ ﺟﺎﯓ ﯞﯦﻨﺸﯘﻩﻧﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﺪﺍ ﻫﺎﺯﯨﺮ ﻣﯩﻠﻠﯩﻲ ﻣﻪﺳﯩﻠﻪ ﻧﺎﻫﺎﻳﯩﺘﻰ ﺋﯧﻐﯩﺮ، ﺑﯘﻧﯩﯖﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺏ ﺧﯩﺘﺎﻳﻼﺭﻧﯩﯔ ﻫﺎﺯﯨﺮ ﺋﯚﺯﯨﺪﯨﻦ ﺑﺎﺷﻘﺎ ﻧﻮﭘﯘﺱ ﺳﺎﻧﻰ ﺋﺎﺯ ﻣﯩﻠﻠﻪﺗﻠﻪﺭﮔﻪ ﻫﻪﺩﺩﯨﺪﯨﻦ ﺋﺎﺭﺗﯘﻕ ﻫﺎﻛﺎﯞﯗﺭﻟﯘﻕ ﻗﯩﻠﯩﯟﺍﺗﻘﺎﻧﻠﯩﻘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ. (ﺩﺍﯞﺍﻣﻰ ﺑﺎﺭ، ﯞﻩﻟﻰ)

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.