ﯞﯦﻦ ﺟﻴﺒﺎﯞ "ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ" ﺋﯩﺘﺘﯩﭙﺎﻗﻠﯩﻘﻘﺎ ﭼﺎﻗﯩﺮﻣﺎﻗﺘﺎ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺭﻭﯦﻴﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺑﯧﻴﺠﯩﯖﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﯩﻴﺎﺑﺎﯞ، ﺗﯩﺒﻪﺗﺘﻪ ﯞﻩ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﯞﻩ ﺧﯩﺘﺎﻳﻨﯩﯔ ﺋﯩﻨﺎﻕ ﺟﻪﻣﺌﯩﻴﻪﺕ ﺗﻪﺷﯟﯨﻘﺎﺗﯩﻨﻰ ﺑﯩﺖ - ﭼﯩﺖ ﻗﯩﻠﯩﭗ ﺗﺎﺷﻠﯩﻐﺎﻥ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﺪﯨﻦ ﻛﯧﻴﯩﻦ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﺑﯩﺮﻟﯩﻚ ﯞﻩ ﺋﯩﺘﺘﯩﭙﺎﻗﻠﯩﻘﻘﺎ ﭼﺎﻗﯩﺮﯨﭗ، ﻫﯚﻛﯜﻣﻪﺗﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺭﺍﻳﻮﻧﻠﯩﺮﯨﻨﯩﯔ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﻳﺎﺭﺩﻩﻡ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﯞﻩﺩﻩ ﻗﯩﻠﻐﺎﻥ.

ﺋﺎﻣﺎﻟﺴﯩﺰﻟﯩﻘﺘﯩﻦ ﺋﯩﺘﺘﯩﭙﺎﻗﻠﯩﺸﺎﻣﺪﯗ ﻳﺎﻛﻰ ﺋﯧﻬﺘﯩﺠﺎﺝ ﺋﯜﭼﯜﻧﻤﯘ؟

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﯞﯦﻦ ﺟﯩﻴﺎﺑﺎﯞ ﻳﯜﻧﻨﻪﻥ ﺋﯚﻟﻜﯩﺴﯩﺪﯨﻜﻰ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، " ﭘﯜﺗﯜﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﭼﻮﯓ ﺑﯩﺮ ﺋﺎﺋﯩﻠﯩﻨﻰ ﺗﻪﺷﻜﯩﻠﻠﻪﻳﺪﯗ. ﺑﯩﺰ ﮔﯜﻟﻠﯩﻨﯩﺶ ﯞﻩ ﺗﻪﺭﻩﻗﻘﯩﻲ ﻗﯩﻠﯩﺶ ﺋﯜﭼﯜﻥ، ﺑﯩﺮﻟﯩﺸﯩﭗ، ﺑﯩﺮ - ﺑﯩﺮﯨﻤﯩﺰﮔﻪ ﻳﺎﺭﺩﻩﻡ ﻗﯩﻠﯩﺸﯩﻤﯩﺰ ﻛﯧﺮﻩﻙ" ﺩﯦﮕﻪﻥ.

ﻟﯧﻜﯩﻦ، ﺭﻭﯦﻴﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺗﯩﺒﻪﺗﻨﯩﯔ ﭘﺎﻳﺘﻪﺧﺘﻰ ﻟﺨﺎﺳﺎﺩﺍ ﻳﯜﺯ ﺑﻪﺭﮔﻪﻥ ﻗﻮﺯﻏﯩﻼﯓ ﯞﻩ ﺋﯚﺗﻜﻪﻥ ﺋﺎﻱ ﺋﯘﻳﻐﯘﺭ ﺋﯧﻠﯩﻨﯩﯔ ﺧﻮﺗﻪﻥ ﺷﻪﻫﯩﺮﯨﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﺭﺍﺯﯨﻠﯩﻖ ﻫﻪﺭﯨﻜﯩﺘﻰ ﯞﻩ ﻏﯘﻟﺠﯩﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﺘﻪ ﺩﯗﭺ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﯩﻠﯩﺮﯨﻨﯩﯔ ﻗﺎﻧﭽﯩﻠﯩﻖ ﺟﯩﺪﺩﯨﻴﻠﯩﻜﯩﻨﻰ ﻛﯚﺭﺳﯩﺘﯩﺪﯨﻜﻪﻥ.

ﻗﺎﺗﻤﯘ - ﻗﺎﺕ ﺗﻪﻧﻘﯩﺪ ﺋﺎﺳﺘﯩﺪﺍ ﻗﺎﻟﻐﺎﻥ ﺑﯧﻴﺠﯩﯔ ﺋﻮﻟﯩﻤﭙﯩﻜﻰ

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺗﯩﺒﻪﺕ ﯞﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﻯ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﻨﻰ ﻛﯜﭼﻪﻳﺘﯩﺶ ﯞﻩ ﻣﻪﺯﻛﯘﺭ ﺭﺍﻳﻮﻧﻼﺭﻏﺎ ﺋﻮﻥ ﻣﯩﯖﻠﯩﻐﺎﻥ ﻗﻮﺷﯘﻣﭽﻪ ﻫﻪﺭﺑﯩﻲ ﯞﻩ ﺳﺎﻗﭽﻰ ﻗﯩﺴﯩﻤﻠﯩﺮﻯ ﺋﻪﯞﻩﺗﯩﺶ ﺋﺎﺭﻗﯩﻠﯩﻖ، ﺑﯘ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺭﺍﺗﻘﺎﻥ ﭘﻮﺯﯨﺘﺴﯩﻴﯩﺴﻰ، ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺩﯨﻘﻘﯩﺘﯩﻨﯩﯔ ﺧﯩﺘﺎﻳﻐﺎ ﺑﯘﺭﯗﻟﯘﺷﯩﻐﺎ ﯞﻩ 2008‏ - ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﺍ ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﺗﻪﻧﻘﯩﺪﯨﮕﻪ ﺩﯗﭺ ﻛﯧﻠﯩﺸﯩﮕﻪ ﺳﻪﯞﻩﺏ ﺑﻮﻟﻤﺎﻗﺘﺎ.

ﺳﯩﻴﺎﺳﯩﻲ ﺋﺎﻧﺎﻟﯩﺰﭼﯩﻼﺭ ﻧﯩﯔ ﺋﯧﻴﺘﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ، 2008‏ - ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﺪﯨﻦ، ﺋﯚﺯﯨﻨﯩﯔ ﺩﯗﻧﻴﺎﺩﯨﻜﻰ ﺋﻮﺑﺮﺍﺯﯨﻨﻰ ﺗﯩﻜﻠﻪﺵ، ﺧﯩﺘﺎﻳﻨﻰ ﺋﯩﻨﺎﻕ ﺑﯩﺮ ﺟﻪﻣﺌﯩﻴﻪﺕ ﻗﯩﻠﯩﭗ ﻛﯚﺭﺳﯩﺘﯩﺶ ﯞﻩ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺋﯘﺗﯘﻗﻠﯩﺮﯨﻨﻰ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﻧﺎﻣﺎﻳﯩﺶ ﻗﯩﻠﯩﺶ ﺋﯜﭼﯜﻥ ﭘﺎﻳﺪﯨﻠﯩﻨﯩﺸﻨﻰ ﭘﯩﻼﻧﻠﯩﻐﺎﻥ. ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﺍ، ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺕ ﻗﺎﺗﺎﺭﻟﯩﻖ ﺭﺍﻳﻮﻧﻼﺭﺩﺍ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﻳﯜﺯ ﺑﯧﺮﯨﭗ ﻗﯩﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﯓ ﻛﯚﭖ ﺩﯨﻘﻘﻪﺕ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﯩﻠﻪﺭﻧﯩﯔ ﺋﯩﺪﻯ.

ﺋﯘﻻﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺋﯚﺗﻜﻪﻥ ﺋﺎﻱ ﺗﯩﺒﻪﺕ ﯞﻩ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺯ ﺑﻪﺭﮔﻪﻥ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﻯ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﺪﯨﻦ ﺧﯩﺘﺎﻳﻨﯩﯔ ﺩﯗﻧﻴﺎﺩﯨﻜﻰ ﺋﻮﺑﺮﺍﺯﯨﻨﻰ ﺗﯩﻜﻠﻪﺵ ﺋﯜﭼﯜﻥ ﭘﺎﻳﺪﯨﻠﯩﻨﯩﺶ ﭘﯩﻼﻧﻠﯩﺮﯨﻨﻰ ﺑﯩﺖ - ﭼﯩﺖ ﻗﯩﻠﯩﭗ ﺗﺎﺷﻠﯩﻐﺎﻥ. ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﯨﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﺋﯩﺘﺘﯩﭙﺎﻗﻠﯩﻘﻘﺎ ﭼﺎﻗﯩﺮﻏﺎﻥ ﺑﺎﻳﺎﻧﺎﺗﻰ، ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ، ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﺘﯩﻜﻰ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺧﯩﺘﺎﻳﻨﯩﯔ ﺋﻮﺑﺮﺍﺯﯨﻐﺎ ﻳﻪﺗﻜﯜﺯﮔﻪﻥ ﺯﯨﻴﺎﻧﻼﺭﻧﻰ ﺋﺎﺯﺍﻳﺘﯩﺸﻘﺎ ﺋﯘﺭﯗﻧﯘﺵ ﺗﻪﺷﻪﺑﺒﯘﺳﻰ ﺑﻮﻟﯘﺷﻰ ﻣﯘﻣﻜﯩﻦ ﺋﯩﻜﻪﻥ.

ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﯨﻨﯩﯔ ﻣﻪﺯﻛﯘﺭ ﺑﺎﻳﺎﻧﺎﺗﯩﻨﻰ ﺷﯘﻧﺪﺍﻗﻼ، ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﯩﯔ ﺗﯘﻧﺠﻰ ﻗﯧﺘﯩﻢ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﺘﻪ ﺟﯩﺪﺩﯨﻲ ﻣﯩﻠﻠﯩﻲ ﻣﻪﺳﯩﻠﯩﻠﻪﺭﻧﯩﯔ ﻣﻪﯞﺟﯘﺗﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻰ، ﺩﻩﭖ ﺗﻪﺑﯩﺮﻟﻪﺷﻤﯘ ﻣﯘﻣﻜﯩﻦ ﺋﯩﻜﻪﻥ.

ﺧﯩﺘﺎﻱ ﻳﯧﻘﯩﻨﺪﯨﻦ ﺑﯘﻳﺎﻥ ﺋﯘﻳﻐﯘﺭﻻﺭﻧﯩﯔ ﻫﻪﺭﯨﻜﯩﺘﯩﻨﻰ ﺗﯧﺮﺭﻭﺭﯨﺰﻡ ﺑﯩﻠﻪﻥ ﻗﺎﺭﯨﻼﺷﻨﻰ ﺗﯧﺨﯩﻤﯘ ﻛﯜﭼﻪﻳﺘﺘﻰ

ﺑﯘ ﺋﺎﺭﯨﺪﺍ 3‏ - ﺋﺎﭘﺮﯨﻞ ﻛﯜﻧﻰ، "ﺋﯩﻢ ﺋﯩﻨﺪ ﺳﯩﻲ" ﺧﻪﯞﻩﺭﻟﻪﺭ ﺗﻮﺭ ﺑﯧﺘﯩﺪﻩ، ﺋﯧﻼﻥ ﻗﯩﻠﯩﻨﻐﺎﻥ "ﺧﯩﺘﺎﻱ ﻣﯘﺳﺘﻪﻗﯩﻠﭽﻰ ﺋﯘﻳﻐﯘﺭﻻﺭﻧﻰ، ﺗﯧﺮﺭﻭﺭﭼﻰ ﺩﻩﭖ ﺋﻪﻳﯩﺒﻠﯩﻤﻪﻛﺘﻪ" ﻣﺎﯞﺯﯗﻟﯘﻕ ﻣﺎﻗﺎﻟﯩﺪﻩ، "ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭ ﻗﺎﻧﺪﺍﻕ ﻳﯧﺮﯨﺪﻩ، ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻳﻼﺭﻏﺎ ﺑﻮﻟﻐﺎﻥ ﺋﯚﭼﻤﻪﻧﻠﯩﻜﯩﻨﻰ ﻛﯚﺭﯛﺵ ﻣﯘﻣﻜﯩﻦ. ﻧﯘﺭﻏﯘﻧﻠﯩﻐﺎﻥ ﺋﯘﻳﻐﯘﺭﻻﺭ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻻﺭﻏﺎ ﻗﺎﺭﺍﺗﻘﺎﻥ ﺩﯨﻨﯩﻲ ﯞﻩ ﻣﻪﺩﻩﻧﯩﻴﻪﺕ ﺟﻪﻫﻪﺗﻠﻪﺭﺩﯨﻜﻰ ﺑﯧﺴﯩﻤﻼﺭﺩﯨﻦ ﺷﯘﻧﯩﯖﺪﻩﻙ ﻣﻮﻝ ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯ ﺯﺍﭘﯩﺴﯩﻐﺎ ﺋﯩﮕﻪ ﺑﻮﻟﻐﺎﻥ ﺭﺍﻳﻮﻧﺪﯨﻜﻰ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﭘﺮﻭﮔﺮﺍﻣﻤﯩﺪﯨﻦ ﺋﺎﺳﺎﺳﻪﻥ ﺧﯩﺘﺎﻱ ﻛﯚﭼﻤﻪﻧﻠﻪﺭ ﭘﺎﻳﺪﯨﻠﯩﻨﯩﯟﺍﺗﻘﺎﻧﻠﯩﺪﯨﻦ ﺷﯩﻜﺎﻳﻪﺕ ﻗﯩﻠﻤﺎﻗﺘﺎ. ﻧﯘﺭﻏﯘﻧﻠﯩﻐﺎﻥ ﺋﯘﻳﻐﯘﺭ ﺭﺍﻳﻮﻧﺪﺍ ﺧﯩﺘﺎﻳﺪﯨﻦ ﻣﯘﺳﺘﻪﻗﯩﻞ ﺑﯩﺮ ﺩﯙﻟﻪﺕ ﻗﯘﺭﯗﺷﻨﻰ ﻗﻮﻟﻼﻳﺪﯨﻐﺎﻥ ﺑﻮﻟﯘﭖ، ﺋﯚﺗﻤﯜﺷﺘﻪ ﻗﻮﺭﺍﻟﻠﯩﻖ ﻫﻪﺭﯨﻜﻪﺕ ﺋﯧﻠﯩﭗ ﺑﺎﺭﻏﺎﻥ" ﺩﯦﻴﯩﻠﮕﻪﻥ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 11‏ - ﺳﯧﻨﺘﻪﺑﯩﺮ ﺗﯧﺮﺭﻭﺭﻟﯘﻕ ﻫﯘﺟﯘﻣﻠﯩﺮﯨﺪﯨﻦ ﻛﯧﻴﯩﻦ، ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﯧﺴﯩﻤﯩﻨﻰ ﻛﯜﭼﻪﻳﺘﻜﻪﻧﻠﯩﻜﯩﻨﻰ ﺗﻪﻛﯩﺘﻠﻪﻧﮕﻪﻥ ﻣﺎﻗﺎﻟﯩﺪﻩ ﻳﻪﻧﻪ ﻣﯘﻧﺪﺍﻕ ﺩﯦﻴﯩﻠﮕﻪﻥ. " ﺧﯩﺘﺎﻱ ﻫﯚﻛﯜﻣﯩﺘﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﻗﻮﺭﺍﻟﻠﯩﻖ ﻛﯜﺭﻩﺵ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﭼﯩﻼﺭ ﺩﻩﭖ ﺋﺎﺗﺎﭖ، ﺋﯘﻻﺭﻧﻰ ﺧﻪﻟﻘﺌﺎﺭﺍ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻠﯩﺮﻯ ﺑﯩﻠﻪﻥ ﭼﯧﺘﯩﺸﻠﯩﻘﻰ ﺑﺎﺭ ﺩﻩﭖ ﺋﻪﻳﯩﺒﻠﯩﻤﻪﻛﺘﻪ. ﻟﯧﻜﯩﻦ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ، ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﺋﯘﺭﯗﺷﺘﯩﻦ، ﺋﯚﺯ ﺋﯩﻨﺴﺎﻧﻰ ﻫﻪﻕ - ﻫﻮﻗﯘﻗﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯨﯟﺍﺗﯩﺪﯗ، ﺩﻩﭖ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺋﯩﺰﭼﯩﻞ ﺋﻪﻳﯩﺒﻠﻪﭖ ﻛﻪﻟﻤﻪﻛﺘﻪ". (ﺋﯚﻣﻪﺭ ﻗﺎﻧﺎﺕ)

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.