"ﻗﻪﺩﯨﻤﯩﻲ ﺟﯘﯕﮕﯘ ﺯﺍﺩﻯ ﻗﺎﻧﭽﯩﻠﯩﻚ ﭼﻮﯓ ﺋﯩﺪﻯ" ﺩﯦﮕﻪﻥ ﻣﺎﻗﺎﻟﯩﻨﯩﯔ ﺋﺎﭘﺘﻮﺭﻯ ﺑﯩﻠﻪﻥ ﺳﯚﻫﺒﻪﺕ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﺧﯩﺘﺎﻳﻨﯩﯔ ﺳﺎﻳﺎﻫﻪﺕ ﺧﻪﺭﯨﺘﯩﺴﻰ ﺋﻪﻟﯩﺴﻐﺎﻥ ﻳﻪﺭﺩﻩ ﺗﯘﺭﻣﺎﻗﺘﺎ. ﺧﯩﺘﺎﻱ ﮔﻪﺭﭼﻪ "ﺷﯩﻨﺠﺎﯓ ﺋﻪﺯﻩﻟﺪﯨﻦ ﺟﯘﯕﮕﯘﻧﯩﯔ ﺋﺎﻳﺮﯨﻠﻤﺎﺱ ﺑﯩﺮ ﻗﯩﺴﻤﻰ " ﺩﯦﻴﯩﺶ ﺋﺎﺭﻗﯩﻠﯩﻖ ﺋﯚﺯﻟﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻫﯚﻛﯜﻣﺮﺍﻧﻠﯩﻘﯩﻨﻰ ﻗﺎﻧﯘﻧﻼﺷﺘﯘﺭﯗﭖ ﻛﻪﻟﮕﻪﻥ ﺑﻮﻟﺴﯩﻤﯘ، ﺧﯩﺘﺎﻳﺪﯨﻜﻰ ﺩﺍﯕﻠﯩﻖ ﺋﯘﻧﯟﯦﺮﺳﯩﺘﯧﺘﻼﺭﺩﯨﻦ ﻓﯘﺩﻩﻥ ﺋﯘﻧﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﮔﯥ ﺋﻪﭘﻪﻧﺪﻯ، "ﺷﯩﻨﺠﺎﯓ" ﻧﯩﯔ 19 – ﺋﻪﺳﯩﺮﺩﻩ ﺋﺎﻧﺪﯨﻦ ﺧﯩﺘﺎﻳﻨﯩﯔ ﻗﻮﻟﯩﻐﺎ ﺋﯚﺗﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ.

ﺧﯩﺘﺎﻱ ﺗﺎﺭﯨﺨﭽﯩﺴﻰ ﺷﺎﯕﺨﻪﻱ ﻓﯘﺩﻩﻥ ﺋﯘﻧﯩﯟﯦﺮﺳﯩﺘﯧﺘﻰ ﭘﺮﻭﻓﯧﺴﺴﻮﺭﻯ ﮔﯥ ﺟﻴﻪﺷﻴﻮﯓ ﻳﯩﻘﯩﻨﺪﺍ ﺋﯧﻼﻥ ﻗﯩﻠﻐﺎﻥ" ﻗﻪﺩﯨﻤﯩﻲ ﺟﯘﯕﮕﯘ ﺯﺍﺩﻯ ﻗﺎﻧﭽﯩﻠﯩﻚ ﭼﻮﯓ ﺋﯩﺪﻯ" ﺩﯦﮕﻪﻥ ﻣﺎﻗﺎﻟﯩﺴﺪﻩ، ﺧﯩﺘﺎﻱ ﺋﯩﻠﯩﻢ ﺳﺎﻫﻪﺳﯩﺪﻩ ﺋﻪﺯﺍﻟﺪﯨﻦ ﻣﯜﺟﯩﻤﻪﻝ ﺑﻮﻟﯘﭖ ﻛﯧﻠﯩﯟﺍﺗﻘﺎﻥ ﻗﻪﺩﯨﻤﯩﻲ ﺟﯘﯕﮕﻮﻧﯩﯔ ﺗﺎﺭﯨﺨﻰ ﭼﯧﮕﺮﺍ ﻣﻪﺳﯩﻠﯩﺴﯩﻨﻰ ﺗﻪﻫﻠﯩﻞ ﻗﯩﻠﻐﺎﻥ ﺑﻮﻟﯘﭖ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯩﻠﮕﯩﺮﻯ ﺳﯘﺭﯛﯞﺍﺗﻘﺎﻥ ﺋﯘﻳﻐﯘﺭ ﺋﯧﻠﻰ ﺋﻪﺯﻩﻟﺪﯨﻦ ﺧﯩﺘﺎﻳﻨﯩﯔ ﺋﺎﻳﺮﯨﻠﻤﺎﺱ ﺗﻪﺭﻛﯩﺒﻰ ﻗﯩﺴﻤﻰ ﺋﯩﺪﻯ ﺩﯦﮕﻪﻥ ﻗﺎﺭﺍﺷﻘﺎ ﺭﻩﺩﺩﯨﻴﻪ ﺑﻪﺭﺩﻯ. "ﻗﻪﺩﯨﻤﯩﻲ ﺟﯘﯕﮕﯘ ﺯﺍﺩﻯ ﻗﺎﻧﭽﯩﻠﯩﻚ ﭼﻮﯓ ﺋﯩﺪﻯ" ﺩﯦﮕﻪﻥ ﻣﺎﻗﺎﻟﯩﻨﯩﯔ ﺋﺎﭘﺘﻮﺭﻯ ﺑﯩﻠﻪﻥ ﺳﯚﻫﺒﻪﺕ

ﻳﯧﻘﯩﻨﺪﺍ ﺧﯩﺘﺎﻳﺪﺍ ﻧﻪﺷﺮ ﻗﯩﻠﯩﻨﺪﯨﻐﺎﻥ "ﺗﻪﻗﺮﯨﺰ " ﻳﻪﻧﻰ(权衡) ﮊﻭﺭﻧﯩﻠﯩﺪﺍ، " ﻗﻪﺩﯨﻤﯩﻲ ﺟﯘﯕﮕﯘ ﺯﺍﺩﻯ ﻗﺎﻧﭽﯩﻠﯩﻚ ﭼﻮﯓ ﺋﯩﺪﻯ" ﺩﯦﮕﻪﻥ ﺗﯧﻤﯩﺪﺍ ﺑﯩﺮ ﭘﺎﺭﭼﻪ ﻣﺎﻗﺎﻟﻪ ﺋﯩﻼﻥ ﻗﯩﻠﯩﻨﺪﻯ. ﺑﯘ ﻣﺎﻗﺎﻟﯩﻨﯩﯔ ﺋﺎﭘﺘﻮﺭﻯ ﺷﺎﯕﺨﻪﻱ ﻓﯘﺩﻩﻥ ﺋﯘﻧﯩﯟﯦﺮﺳﯩﺘﯧﺘﻰ ﭘﺮﻭﻓﯧﺴﺴﻮﺭﻯ، ﺗﺎﺭﯨﺦ ﭘﻪﻧﻠﯩﺮﻯ ﺩﻭﻛﺘﻮﺭﻯ ﮔﯥ ﺟﻴﻪﻧﺸﻴﯘﯓ ﺑﻮﻟﯘﭖ، ﺋﯘ ﺧﯩﺘﺎﻱ ﯞﻩ ﭼﻪﺗﺌﻪﻟﻠﻪﺭﺩﻩ ﺗﻮﻧﯘﻟﻐﺎﻥ ﻧﺎﻣﺪﺍﺭ ﺗﺎﺭﯨﺨﭽﻰ.

"ﺟﯘﯕﮕﻮ" ﺋﺎﺗﺎﻟﻐﯘﺳﯩﻐﺎ ﺋﯩﺰﺍﻫ

ﮔﯥ ﺟﻴﻪﻧﺸﻴﯘﯓ ﻣﺎﻗﺎﻟﯩﺴﯩﺪﻩ ﻗﻪﺩﯨﻤﯩﻲ ﺟﯘﯕﮕﻮﻧﯩﯔ ﺗﯧﺮﺭﯨﺘﻮﺭﯨﻴﯩﺴﯩﻨﻰ ﺋﻪﻣﻪﻟﯩﻴﻪﺗﺘﯩﻦ ﭼﻪﺗﻨﯩﮕﻪﻥ ﻫﺎﻟﺪﺍ "ﻏﺎﻳﻪﺕ ﺯﻭﺭ ﺋﯩﺪﻯ" ﺩﯦﻴﯩﺶ ﯞﻩﺗﻪﻧﭙﻪﺭﯞﻩﺭﻟﯩﻚ ﺋﻪﻣﻪﺱ ﺩﯦﮕﻪﻥ ﻛﯩﭽﯩﻚ ﺗﯧﻤﺎ ﺋﺎﺳﺘﯩﺪﺍ ﻣﯘﻻﻫﯩﺰﻩ ﺋﯧﻠﯩﭗ ﺑﺎﺭﻏﺎﻥ. ﺋﯘ ﮔﻪﭘﻨﻰ ﺋﺎﻟﺪﻯ ﺑﯩﻠﻪﻥ "ﺟﯘﯕﮕﯘ" ﺋﺎﺗﺎﻟﻐﯘﺳﯩﻐﺎ ﺋﯩﺰﻫﺎﺕ ﺑﯧﺮﯨﺶ ﺑﯩﻠﻪﻥ ﺑﺎﺷﻠﯩﻐﺎﻥ. "ﺟﯘﯕﮕﯘ" ﺩﯦﮕﻪﻥ ﺑﯘ ﻧﺎﻣﻨﯩﯔ 1912- ﻳﯩﻠﻰ" ﺟﯘﯕﺨﯘﺋﺎ ﻣﯩﻨﮕﻮ" ﻗﯘﺭﯗﻟﻐﺎﻧﺪﯨﻦ ﺑﺎﺷﻼﭖ ﺧﯩﺘﺎﻳﻨﯩﯔ ﺩﯙﻟﻪﺕ ﻧﺎﻣﻰ ﻗﯩﻠﯩﭗ ﺋﯩﺴﺘﯩﻤﺎﻝ ﻗﯩﻠﯩﭗ ﻛﯧﻠﯩﻨﮕﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﭗ، ﺋﯘﻧﯩﯖﺪﯨﻦ ﺑﯘﺭﯗﻧﻘﻰ ﺧﯩﺘﺎﻳﺪﺍ ﻗﯘﺭﯗﻟﻐﺎﻥ ﺩﯙﻟﻪﺗﻠﯩﺮﯨﻨﻰ " ﺟﯘﯕﮕﯘ" ﺩﻩﭖ ﺋﺎﺗﺎﺷﻨﯩﯔ ﻧﺎﻣﯘﯞﺍﭘﯩﻖ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﻛﯧﯖﯩﻴﯩﺶ ﻣﻪﺳﯩﻠﯩﺴﯩﺪﻩ ﺋﯘ ﻣﯘﻧﺪﺍﻕ ﺩﻩﻳﺪﯗ: "ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﺋﯜﺯﻟﯜﻛﺴﯩﺰ ﻛﯧﯖﯩﻴﯩﺶ ﭘﻪﻗﻪﺕ ﺋﻮﺗﺘﯘﺭﺍ ﺗﯜﺯﻟﻪﯕﻠﯩﻜﺘﯩﻜﻰ ﺭﺍﻳﻮﻧﻼﺭﻧﯩﯔ ﻛﯧﯖﯩﻴﯩﭗ ﭘﯜﺗﯜﻥ ﺩﯙﻟﻪﺕ ﺑﻮﻟﯘﭖ ﺷﻪﻛﯩﻠﻠﯩﻨﯩﺸﻰ". ﺋﯘ ﻳﻪﻧﻪ ، ﭘﻪﻗﻪﺕ ﭼﯩﯔ ﺳﯘﻻﻟﯩﺴﯩﻨﯩﯔ ﺋﺎﺧﯩﺮﯨﻘﻰ ﺩﻩﯞﺭﻟﯩﺮﯨﺪﻩ " ﺟﯘﯕﮕﯘ" ﺋﺎﺗﺎﻟﻐﯘﺳﻰ ﭼﯩﯖﻨﯩﯔ ﺋﯩﻜﻜﯩﻨﭽﻰ ﺳﯩﻤﻰ ﺑﻮﻟﯘﭖ ﺋﯩﺴﺘﯩﻤﺎﻝ ﻗﯩﻠﯩﻨﻐﺎﻥ ﺑﻮﻟﯘﭖ، ﭼﯧﮕﺮﺍ ﺭﺍﻳﻮﻧﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺑﻪﺯﻯ ﯞﺍﻗﯩﺘﻼﺭﺩﺍ "ﺋﯩﭽﻜﯩﺮﯨﺪﯨﻜﻰ 18 ﺋﯚﻟﻜﯩﮕﻪ "ﻗﺎﺭﯨﺘﯩﻠﻐﺎﻧﻠﯩﻘﯩﻨﻰ، ﺑﯘﻧﯩﯔ ﺋﯘﻳﻐﯘﺭ ﺋﯧﻠﻰ، ﺋﯩﭽﻜﻰ-ﺗﺎﺷﻘﻰ ﻣﻮﯕﻐﯘﻟﯩﻴﻪ، ﻣﺎﻧﺠﯘﺭﯨﻴﻪ ﯞﻩ ﺗﯩﺒﻪﺗﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ. ﺋﻪﯓ ﻣﯘﻫﯩﻤﻰ ﺑﯘ ﻣﺎﻗﺎﻟﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺧﯩﺘﺎﻳﻨﯩﯔ ﻗﻪﺩﯨﻤﯩﻲ ﺗﺎﺭﯨﺨﻰ ﺗﯧﺮﺭﯨﺘﻮﺭﯨﻴﯩﺴﻰ ﻫﻪﻗﻘﯩﺪﯨﻜﻰ ﻗﺎﺭﺍﺷﻼﺭ ﺑﻮﻟﯘﭖ، ﺑﯘ ﺧﯩﻞ ﺋﯩﻠﻤﯩﻲ ﭘﯩﻜﯩﺮ ﺧﯩﺘﺎﻱ ﺗﺎﺭﯨﺦ ﺋﯩﻠﻢ ﺳﺎﻫﻪﺳﯩﺪﻩ ﻛﻪﻡ ﺋﯘﭼﺮﺍﻳﺪﯗ. ﺧﯩﺘﺎﻳﺪﯨﻜﻰ ﺗﺎﺭﯨﺦ ﻛﯩﺘﺎﺑﻼﺭﺩﺍ ﯞﻩ ﺩﻩﺭﺳﻠﯩﻚ ﻣﺎﺗﯧﺮﯨﻴﺎﻟﻼﺭﺩﺍ ، ﺧﯩﺘﺎﻳﻼﺭ "ﻏﻪﺭﺑﻰ ﻳﯘﺭﺕ" ﺩﻩﭖ ﺋﺎﺗﺎﭖ ﻛﻪﻟﮕﻪﻥ " ﺋﯘﻳﻐﯘﺭ ﺋﯧﻠﻰ" ﻧﯩﯔ ﺧﻪﻥ ﺩﻩﯞﺭﯨﺪﯨﻦ ﺑﺎﺷﻼﭘﻼ "ﺧﯩﺘﺎﻳﻨﯩﯔ ﺋﺎﻳﺮﯨﻠﻤﺎﺱ ﺑﯩﺮ ﻗﯩﺴﯩﻤﻰ" ﺑﻮﻟﯘﭖ ﻛﻪﻟﮕﻪﻧﻠﯩﻜﻰ ﺗﻪﻛﯩﺘﻠﻪﭖ ﻛﯧﻠﯩﻨﮕﻪﻥ.

"ﺷﯩﻨﺠﺎﯓ" ﭼﯩﯔ ﺳﯘﻻﻟﯩﺴﯩﻨﯩﯔ ﻳﯘﯕﺠﯩﯔ ﺧﺎﻥ ﺩﻩﯞﺭﯨﮕﯩﭽﻪ ﺧﯩﺘﺎﻳﻐﺎ ﺗﻪﯞﻩ ﺑﻮﻟﻤﺎﻱ ﻛﻪﻟﮕﻪﻥ

ﻟﯧﻜﯩﻦ، ﺧﯩﺘﺎﻱ ﺗﺎﺭﯨﺨﭽﯩﺴﻰ ﮔﯥ ﺟﻴﻪﻧﺸﻴﯘﯕﻨﯩﯔ ﺑﯘ ﻫﻪﻗﺘﻪ ﻗﻮﻳﻐﺎﻥ ﭘﯩﻜﯩﺮﻟﯩﺮﻯ ﺋﺎﻻﻫﯩﺪﻩ ﺑﻮﻟﯘﭖ ﺑﯘ ﺧﯩﻞ ﺋﯩﻠﻤﯩﻲ ﭘﯩﻜﯩﺮ ﺋﻪﺯﻩﻟﺪﯨﻦ ﺧﯩﺘﺎﻱ ﺋﯩﻠﯩﻢ ﺳﺎﻫﻪﺳﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﻤﯩﻐﺎﻥ ﺋﯩﺪﻯ. ﺋﯘ ﻣﯘﻧﺪﺍﻕ ﻳﺎﺯﻏﺎﻥ: "ﻏﻪﺭﺑﯩﻲ ﺧﻪﻥ ﺋﯚﺯﯨﻨﯩﯔ ﻏﻪﺭﺑﯩﻲ ﭼﯧﮕﺮﯨﺴﯩﻨﻰ ﮔﻪﻧﺴﯘﺩﯨﻜﻰ ﺧﯧﺸﻰ ﻛﺎﺭﯨﺪﻭﺭﯨﻐﯩﭽﻪ ﺳﯜﺭﻩﻟﯩﮕﻪﻥ. ﻛﯧﻴﯩﻦ ﻣﻪﻟﯘﻡ ﻣﻪﺯﮔﯩﻞ ﺑﺎﻟﻘﺎﺵ ﻛﯚﻟﯩﮕﯩﭽﻪ ﻛﯧﯖﻪﻳﺘﻜﻪﻥ ﺑﻮﻟﺴﯩﻤﯘ، ﻧﺎﻫﺎﻳﯩﺘﯩﻤﯘ ﻗﯩﺴﻘﺎ ﻣﯘﺩﺩﻩﺕ ﭘﯘﺕ ﺗﯩﺮﻩﭖ ﺗﯘﺭﯗﭘﻼ ﻳﻪﻧﻪ ﻳﯜﻣﯩﻦ ﻗﻮﯞﯨﻘﯩﻐﺎ ﭼﯧﻜﯩﻨﯩﭗ ﻛﻪﺗﻜﻪﻥ".

ﮔﯥ ﺟﻴﻪﻧﺸﻴﯘﯓ ﻳﻪﻧﻪ ﻣﯘﻧﺪﺍﻕ ﻳﺎﺯﯨﺪﯗ: "ﺗﺎﻛﻰ ﭼﯩﯔ ﺳﯘﻻﻟﯩﺴﯩﻨﯩﯔ ﻳﯘﯕﺠﯩﯔ ﺧﺎﻥ ﺩﻩﯞﺭﯨﮕﯩﭽﻪ ﺷﯩﻨﺠﺎﯓ (ﺋﯘﻳﻐﯘﺭ ﺋﯧﻠﻰ) ﺧﯩﺘﺎﻳﻐﺎ ﺗﻪﯞﻩ ﺑﻮﻟﻤﺎﻱ ﻛﻪﻟﮕﻪﻥ. ﭘﻪﻗﻪﺕ 18-ﺋﻪﺳﯩﺮﻧﯩﯔ ﻛﯧﻴﯩﻨﻜﻰ ﻳﯧﺮﯨﻤﯩﺪﺍ ﭼﻴﻪﻧﻠﻮﯓ ﻟﻪﺷﻜﻪﺭ ﺗﺎﺭﺗﯩﭗ ﺗﻪﯕﺮﯨﺘﯧﻐﯩﻨﯩﯔ ﺟﻪﻧﯘﺏ، ﺷﯩﻤﺎﻟﯩﻨﻰ ﺋﯚﺯ ﺗﻪﺳﺴﻪﺭﺭﻭﭘﻰ ﺋﺎﺳﺘﯩﻐﺎ ﺋﺎﻟﻐﺎﻥ".

ﺑﯘﻧﯩﯖﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ ﺧﯩﺘﺎﻳﻼﺭ ﺋﻪﺯﻩﻟﺪﯨﻦ ﺋﯩﺴﭙﺎﺗﻼﺷﻘﺎ ﺋﯘﺭﯗﻧﻐﺎﻥ "ﺷﯩﻨﺠﺎﯓ ﺋﯘﻳﻐﯘﺭ ﺋﯩﻠﻰ ﺧﯩﺘﺎﻳﻨﯩﯔ ﺋﺎﻳﺮﯨﻠﻤﺎﺱ ﺗﻪﺭﻛﯩﺒﻰ ﻗﯩﺴﻤﻰ. ﻏﻪﺭﺑﻰ ﻳﯘﺭﺕ ﺧﻪﻥ ﺩﻩﯞﺭﯨﺪﯨﻦ ﺑﺎﺷﻼﭘﻼ ﺧﯩﺘﺎﻱ ﻛﻮﻧﺘﺮﻭﻟﻠﯘﻗﯩﺪﺍ ﺑﻮﻟﻐﺎﻥ" ﺩﯦﮕﻪﻥ ﭘﯩﻜﯩﺮﻧﯩﯔ ﺗﺎﺭﯨﺨﻰ ﺋﯩﻠﻤﯩﻲ ﺋﺎﺳﺎﺳﻰ ﻳﻮﻕ ﺑﻮﻟﯘﭖ ﭼﯩﻘﻘﺎﻥ ﺑﻮﻟﯩﺪﯗ.

ﮔﯥ ﭘﺮﻭﻓﯧﺴﺴﻮﺭ: ﺗﻪﺗﻘﯩﻘﺎﺕ ﻳﻪﻛﯜﻧﻠﯩﺮﯨﻤﻨﯩﯔ ﺋﯩﻠﻤﯩﻲ ﺋﺎﺳﺎﺳﻰ ﺑﺎﺭ

ﺑﯘ ﻫﻪﻗﺘﻪ ﺗﯧﺨﯩﻤﯘ ﺋﯩﻠﮕﯩﺮﯨﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﺋﯧﺮﯨﺶ ﺋﯜﭼﯜﻥ ﻣﻪﺯﻛﯘﺭ ﻣﺎﻗﺎﻟﯩﻨﯩﯔ ﻣﯘﺋﻪﻟﻠﯩﭙﯩﻨﻰ ﺯﯨﻴﺎﺭﻩﺕ ﻗﯩﻠﯩﺸﻘﺎ ﻣﯘﻳﻪﺳﺴﻪﺭ ﺑﻮﻟﺪﯗﻕ. ﭘﺮﻭﻓﯧﺴﺴﻮﺭ ﺳﻮﺋﺎﻟﻠﯩﺮﯨﻤﯩﺰﻏﺎ ﺋﯧﻠﺨﻪﺕ ﺑﯩﻠﻪﻥ ﺟﺎﯞﺍﺏ ﺑﻪﺭﺩﻯ.

- ﮔﯥ ﭘﺮﻭﻓﯧﺴﺴﻮﺭ، ﺳﯩﺰ ﻗﻮﻳﻐﺎﻥ ﺑﯘ ﻗﺎﺭﺍﺷﻼﺭ، ﺧﯩﺘﺎﻱ ﻫﯚﻛﯜﻣﻪﺕ ﺗﻪﺭﻩﭖ ﺗﯜﺯﮔﻪﻥ "ﺧﯩﺘﺎﻳﻨﯩﯔ ﺋﻮﻣﯘﻣﯩﻲ ﺗﺎﺭﯨﺨﻰ" ﺩﯦﮕﻪﻥ ﻛﯩﺘﺎﺑﻼﺭ ﺑﯩﻠﻪﻥ ﻧﯧﮕﯩﺰﻟﯩﻚ ﺋﻮﺧﺸﯩﻤﺎﺳﻠﻠﯩﻘﻘﺎ ﺋﯩﮕﻪ ﺋﯩﻜﻪﻥ. ﺑﯘ ﻣﺎﻗﺎﻟﯩﺪﯨﻜﻰ ﭘﯩﻜﯩﺮﻟﯩﺮﯨﯖﯩﺰﻧﻰ ﺋﯩﺴﭙﺎﺗﻼﻳﺪﯨﻐﺎﻥ ﻳﯧﺘﻪﺭﻟﯩﻚ ﺗﺎﺭﯨﺨﻰ ﺋﯩﺴﭙﺎﺗﯩﯖﯩﺰ ﯞﻩ ﺋﯩﻠﻤﯩﻲ ﺋﺎﺳﺎﺳﯩﯖﯩﺰ ﺑﺎﺭﻣﯘ؟

- ﻣﻪﺯﻛﯘﺭ ﻣﺎﻗﺎﻟﻪ ﻣﻪﻥ ﺑﯘ ﻫﻪﻗﺘﻪ ﻳﺎﺯﻏﺎﻥ ﺗﯘﻧﺠﻰ ﭘﺎﺭﭼﻪ ﺋﻪﺳﻪﺭﻣﯘ ﺋﻪﻣﻪﺱ. ﺋﻪﻣﻪﻟﯩﻴﻪﺗﺘﻪ ﻣﻪﻥ 10 ﻳﯩﻞ ﺑﯘﺭﯗﻥ "ﺟﯘﯕﮕﻮﻧﯩﯔ ﺗﺎﺭﯨﺨﻰ ﭼﯧﮕﺮﯨﻠﯩﺮﯨﻨﯩﯔ ﺋﯚﺯﮔﯩﺮﯨﺸﻰ" ﺩﯦﮕﻪﻥ ﻛﯩﺘﺎﺑﻨﻰ ﻳﺎﺯﻏﺎﻥ. ﺋﯘﻧﯩﯖﺪﯨﻦ ﺑﺎﺷﻘﺎ 1993 ‏- ﻳﯩﻠﻰ ﻧﻪﺷﺮ ﻗﯩﻠﺪﯗﺭﻏﺎﻥ "ﺑﯩﺮﻟﯩﻚ ﯞﻩ ﺋﺎﻳﺮﯨﻤﯩﭽﯩﻠﯩﻖ: ﺟﯘﯕﮕﯘ ﺗﺎﺭﯨﺨﯩﺪﯨﻦ ﺋﺎﻟﻐﺎﻥ ﺋﯩﻠﻬﺎﻡ" ﺩﯦﮕﻪﻥ ﻛﯩﺘﺎﺑﻠﯩﺮﯨﻤﺪﯨﻤﯘ ﻣﯘﺷﯘﻧﺪﺍﻕ ﭘﯩﻜﯩﺮﻟﻪﺭﻧﻰ ﺋﯩﻠﮕﯩﺮﻯ ﺳﯜﺭﮔﻪﻥ ﯞﻩ ﺗﺎﺭﯨﺨﻰ ﭘﺎﻛﯩﺘﻼﺭﻧﻰ ﻛﯚﺭﺳﻪﺗﻜﻪﻥ ﺋﯩﺪﯨﻢ. ﻣﯧﻨﯩﯔ ﺋﺎﻟﻪﻣﺪﯨﻦ ﺋﯚﺗﻜﻪﻥ ﻣﯘﺋﻪﻟﻠﯩﻤﯩﻢ ﺗﻪﻥ ﭼﯩﺸﻴﺎﯕﻤﯘ ﺑﯘ ﭘﯩﻜﯩﺮﻟﻪﺭﻧﻰ ﺋﺎﻟﻠﯩﺒﯘﺭﯗﻥ ﺋﻮﺗﺘﯘﺭﯨﻐﺎ ﻗﻮﻳﯘﭖ ﺑﻮﻟﻐﺎﻥ. ﺋﻪﻟﯟﻩﺗﺘﻪ ﺑﯩﺮ ﺗﺎﺭﯨﺨﭽﻰ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ، ﺋﯚﺯ ﭘﯩﻜﯩﺮ-ﺋﯩﺪﯨﻴﯩﻠﯩﺮﯨﻤﻨﻰ ﺋﯩﺴﭙﺎﺗﻼﻳﺪﯨﻐﺎﻥ ﺋﯧﻨﯩﻖ ﺗﺎﺭﯨﺨﻰ ﭘﺎﻛﯩﺖ ﯞﻩ ﺋﯩﻠﻤﯩﻲ ﺋﺎﺳﺎﺳﻠﯩﺮﯨﻢ ﺑﺎﺭ.

- ﻣﺎﻗﺎﻟﯩﯖﯩﺰ ﺧﯩﺘﺎﻳﺪﺍ ﻗﺎﻧﺪﺍﻕ ﺑﻪﺱ ﻣﯘﻧﺎﺯﯨﺮﻟﻪﺭﻧﻰ ﻗﻮﺯﻏﯩﺪﻯ؟ ﻛﯚﻟﯩﻤﻰ ﻗﺎﻧﭽﯩﻠﯩﻚ؟

- ﺧﯩﺘﺎﻱ ﺋﯩﻠﯩﻢ ﺳﺎﻫﻪﺳﯩﮕﻪ ﻧﯩﺴﺒﻪﺗﻪﻥ ﻣﻪﻥ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﯘ ﻗﺎﺭﺍﺷﻼﺭ ﺑﻪﻙ ﻳﯩﯖﯩﻤﯘ ﺋﻪﻣﻪﺱ. ﮔﻪﺭﭼﻪ ﻗﻮﺷﯘﻟﻤﺎﻳﺪﯨﻐﺎﻧﻼﺭ ﺑﻮﻟﺴﯩﻤﯘ، ﺑﻪﻙ ﻫﻪﻳﺮﺍﻥ ﺑﻮﻟﯘﭖ ﻛﻪﺗﻤﻪﻳﺪﯗ. ﺋﻪﻟﯟﻩﺗﺘﻪ، ﺑﯩﺮ ﻗﯩﺴﯩﻢ ﺗﺎﺭﯨﺨﻨﻰ ﭼﯜﺷﻪﻧﻤﻪﻳﺪﯨﻐﺎﻥ ﻳﺎﺷﻼﺭ ﯞﻩ ﺋﯩﺪﯨﻴﯩﺴﻰ ﻗﺎﻻﻕ ﻛﯩﺸﯩﻠﻪﺭ ﻣﯧﻨﯩﯔ ﺑﻪﺯﻯ ﻗﺎﺭﺍﺷﻠﺮﯨﻤﻨﻰ ﻗﻪﺗﺌﯩﻲ ﻗﻮﺑﯘﻝ ﻗﯩﻠﻤﺎﺳﻠﯩﻘﻰ ﻣﯘﻣﻜﯩﻦ. ﺑﻪﺯﯨﻠﻪﺭ ﺋﯩﻨﺘﯧﺮﻧﯧﺘﺘﻪ ﻣﯩﻨﻰ ﻫﻪﻡ ﻣﯘﺋﻪﻟﻠﯩﻤﯩﻤﻨﯩﻤﯘ ﻗﻮﺷﯘﭖ ﺗﻪﻧﻘﯩﺪ ﻗﯩﻠﯩﺸﺘﻰ. ﻫﻪﺗﺘﺎ ﺑﻪﺯﯨﻠﻪﺭ ﺋﯩﻨﺘﺎﻳﯩﻦ ﺑﯩﺌﻪﺩﻩﭖ ﺳﯚﺯﻟﻪﺭ ﺑﯩﻠﻪﻥ ﻫﺎﻗﺎﺭﻩﺗﻠﻪﺷﺘﻰ. ﻟﯧﻜﯩﻦ ﺋﯘﻻﺭ ﺋﯚﺯﻟﯩﺮﯨﻨﯩﯔ ﻫﻪﻗﯩﻘﻰ ﺳﯩﻤﯩﻨﻰ ﺋﯩﺸﻠﯩﺘﯩﭗ ﺋﯩﻠﻤﯩﻲ ﻣﯘﻫﺎﻛﯩﻤﻪ ﺋﯩﻠﯩﭗ ﺑﺎﺭﻣﯩﻐﺎﻥ ﺑﻮﻟﻐﺎﭼﻘﺎ ﭘﻪﺭﯞﺍ ﻗﯩﻠﻤﯩﺪﯨﻢ. ﺋﻪﮔﻪﺭ ﺑﯩﺮﻩﺭﺳﻰ ﺋﯩﻠﻤﯩﻲ ﺟﻪﻫﻪﺗﺘﯩﻦ ﺗﻪﻧﻘﯩﺪﻯ ﭘﯩﻜﯩﺮﻟﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﺴﺎ ﻣﻪﻥ ﺋﺎﻛﺘﯩﭗ ﺟﺎﯞﺍﺏ ﻗﺎﻳﺘﯘﺭﻏﺎﻥ ﺑﻮﻻﺗﺘﯩﻢ.

ﮔﯥ ﭘﺮﻭﻓﯧﺴﺴﻮﺭﻧﯩﯔ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﺮﻯ ﺑﻪﺯﯨﻠﻪﺭﻧﻰ ﻧﺎﺋﯜﻣﯩﺪ ﻗﻮﻳﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ

ﺑﯘ ﻫﻪﻗﺘﻪ، ﺑﯘ ﻣﺎﻗﺎﻟﯩﻨﻰ ﺋﯧﻨﮕﯩﻠﯩﺰﭼﯩﮕﻪ ﺗﻪﺭﺟﯩﻤﻪ ﻗﯩﻠﯩﭗ "ﺧﯩﺘﺎﻱ ﻣﻪﻛﺘﯘﭘﻠﯩﺮﻯ" ﺋﯩﻨﺘﯧﺮﻧﯧﺖ ﻳﯧﺰﯨﻘﭽﯩﻠﯩﻘﻰ ﺑﯧﺘﯩﮕﻪ ﺗﻮﻧﯘﺷﺘﯘﺭﻏﺎﻥ ﺷﯩﻤﺎﻟﯩﻲ ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﭼﯩﯔ ﺳﯘﻻﻟﯩﺴﯩﻨﯩﯔ ﺗﺎﺭﯨﺨﻰ ﯞﻩﺳﯩﻘﯩﻠﯩﺮﯨﻨﻰ ﺗﻪﺗﻘﯩﻖ ﻗﯩﻠﯩﯟﺍﺗﻘﺎﻥ ﺩﻭﻛﺘﯩﺮﺍﻧﺖ ﺑﯘ ﻫﻪﻗﺘﻪ "ﮔﯥ ﺟﻴﻪﻧﺸﻴﻮﯓ ﺧﯩﺘﺎﻳﺪﺍ ﺑﻪﻙ ﺗﻮﻧﯘﻟﻐﺎﻥ ﺋﺎﻟﯩﻢ ﯞﻩ ﺧﯩﺘﺎﻳﺪﯨﻜﻰ ﺩﺍﯕﻠﯩﻖ ﻓﯘﺩﻩﻥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ. ﺋﯘﻧﯩﯔ ﻣﺎﻗﺎﻟﯩﺴﯩﻨﯩﯔ ﻣﯘﺷﯘ ﺳﺎﻫﻪﮔﻪ ﻗﯩﺰﯨﻘﯩﺪﯨﻐﺎﻥ ﺋﺎﻟﯩﻤﻼﺭ ﯞﻩ ﺗﻪﺗﻘﯩﻘﺎﺗﭽﯩﻼﺭ ﺋﺎﺭﯨﺴﯩﺪﺍ ﺗﻪﺳﯩﺮﻯ ﺧﯧﻠﻰ ﻛﯜﭼﻠﯜﻙ ﺑﻮﻟﺪﻯ. ﮔﯥ ﺟﻴﻪﻧﺸﻴﻮﯕﻨﯩﯔ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﺮﻯ ﺑﻪﻟﻜﯩﻢ ﺑﻪﺯﯨﻠﻪﺭﻧﻰ ﻧﺎﺋﯘﻣﯩﺪ ﻗﻮﻳﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﭼﯜﻧﻜﻰ ﺋﯘ ﺧﯩﺘﺎﻳﺪﺍ ﺑﻪﻙ ﺗﻮﻧﯘﻟﻐﺎﻥ ﺗﺎﺭﯨﺨﭽﻰ" ﺩﻩﻳﺪﯗ.

ﺧﯩﺘﺎﻱ ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﻣﻪﺯﻛﯘﺭ ﻣﺎﻗﺎﻟﯩﮕﻪ ﭘﯩﻜﯩﺮﻯ ﻗﺎﻧﺪﺍﻕ؟

- ﻫﺎﺯﯨﺮﻏﺎ ﻛﻪﻟﮕﯩﭽﻪ ﻫﯧﭽﻘﺎﻧﺪﺍﻕ ﻫﯚﻛﯜﻣﻪﺕ ﺧﺎﺩﯨﻤﻰ ﻣﻪﻥ ﺑﯩﻠﻪﻥ ﺋﺎﻻﻗﻪ ﻗﯩﻠﯩﭗ ﺑﺎﻗﻘﯩﻨﻰ ﻳﻮﻕ. ﻣﻪﻥ ﺗﯧﺨﻰ ﺑﯩﺮﻩﺭ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﯨﻨﯩﯔ ﻣﺎﻗﺎﻟﻪﻣﮕﻪ ﺑﻮﻟﻐﺎﻥ ﭘﯩﻜﯩﺮﻧﻰ ﺋﺎﯕﻼﭖ ﺑﺎﻗﻤﯩﺪﯨﻢ. ﺳﯩﺰ ﺑﯘ ﺟﻪﻫﻪﺗﺘﻪ ﺋﯘﻻﺭﻧﯩﯔ ﭘﯩﻜﺮﯨﻨﻰ ﺋﺎﻟﻤﺎﻗﭽﻰ ﺑﻮﻟﺴﯩﯖﯩﺰ ﺋﯘﻻﺭ ﺑﯩﻠﻪﻥ ﺑﯩﯟﺍﺳﺘﻪ ﺋﺎﻻﻗﻪ ﻗﯩﻠﯩﭗ ﺑﯧﻘﯩﯔ.

ﺑﯘ ﻫﻪﻗﺘﻪ، ﺷﯩﻤﺎﻟﯩﻲ ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﻰ ﺩﻭﻛﺘﯩﺮﺍﻧﺘﻰ ﻣﯘﻧﺪﺍﻕ ﺩﻩﻳﺪﯗ: "ﻣﻪﻥ ﻫﺎﺯﯨﺮﻏﯩﭽﻪ ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﺑﯩﺮﻩﺭ ﺋﯩﻨﻜﺎﺳﯩﻨﻰ ﻛﯚﺭﯛﭖ ﺑﺎﻗﻤﯩﺪﯨﻢ. ﻣﯧﻨﯩﯖﭽﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﭘﯩﻜﯩﺮ ﻗﯩﻠﯩﺶ ﻧﯘﻗﺘﯩﺴﯩﺪﯨﻦ ﺋﯩﻠﯩﭗ ﺋﯧﻴﺘﻘﺎﻧﺪﺍ، ﺋﯘﻻﺭ ﺑﯘ ﻣﻪﺳﯩﻠﯩﮕﻪ ﺋﯩﻨﻜﺎﺱ ﻗﺎﻳﺘﯘﺭﻣﺎﻳﺪﯗ. ﺑﻪﻟﻜﯩﻢ ﺑﯘ ﻣﺎﻗﺎﻟﻪ ﺧﯧﻠﻰ ﻛﯚﭖ ﺋﺎﺩﻩﻣﻠﻪﺭﮔﻪ ﺗﻪﺳﯩﺮ ﻗﯩﻠﺪﻯ. ﺑﻪﻟﻜﯩﻢ ﺋﯩﻨﻜﺎﺱ ﻗﺎﻳﺘﯘﺭﺳﯩﻤﯘ ﻛﯧﻴﯩﻦ ﻗﺎﻳﺘﯘﺭﺍﻣﺪﯨﻜﯩﻦ".

- ﺳﯩﺰﻧﯩﯖﭽﻪ ﺧﯩﺘﺎﻱ ﺗﺎﺭﯨﺦ ﺩﻩﺭﺳﻠﯩﻚ ﻛﯩﺘﺎﺑﻠﯩﺮﯨﻨﻰ ﺋﯚﺯﮔﻪﺭﺗﻪﻣﺪﯗ؟

- ﻳﯧﻘﯩﻨﻰ ﻳﯩﻠﻼﺭﺩﯨﻦ ﺑﯩﺮﻯ، ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﻰ ﺋﻮﺗﺘﯘﺭﺍ ، ﺑﺎﺷﻼﻧﻐﯘﭺ ﻣﻪﻛﺘﻪﭖ ﺩﻩﺭﺳﻠﯩﻚ ﻛﯩﺘﺎﺑﻠﯩﺮﯨﻨﻰ ﺑﯩﺮﺗﯘﺗﺎﺵ ﺑﯩﻜﯩﺘﻤﻪﺳﻠﯩﻜﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﻫﻪﺭ ﻗﺎﻳﺴﻰ ﺭﺍﻳﻮﻧﻼﺭ ﺋﯚﺯ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺋﯚﺯﻯ ﻳﺎﺯﯨﺪﯗ. ﺑﯘ ﺋﻪﻟﯟﻩﺗﺘﻪ ﺗﺎﺭﯨﺦ ﺩﻩﺭﺳﻠﯩﻜﯩﻨﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﺑﯘﻻﺭﻧﻰ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﻰ ﺗﻪﺳﺘﯩﻘﻼﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﯩﺸﻠﻪﺗﺴﻪ ﺑﻮﻟﯩﺪﯗ. ﺑﯩﻠﯩﺸﯩﻤﭽﻪ، ﻫﻪﺭ ﻧﯚﯞﻩﺕ ﺩﻩﺭﺳﻠﯩﻚ ﻣﺎﺗﯧﺮﯨﻴﺎﻟﻼﺭﻧﻰ ﺑﯧﻜﯩﺘﻜﻪﻧﺪﻩ، ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭ ﻛﯚﺭﯨﻠﯩﭗ ﺗﯘﺭﯨﺪﯗ ﯞﻩ ﻣﯘﻧﺎﺳﯩﭗ ﺋﯚﺯﮔﻪﺭﺗﯩﺶ ﻛﯩﺮﮔﯜﺯﯛﻟﯩﺪﯗ. ﻣﻪﻧﻤﯘ ﺑﯘﺭﯗﻥ ﺩﻩﺭﺳﻠﯩﻚ ﺗﻪﺳﺘﯩﻘﻼﺵ ﻛﻮﻣﯩﺘﯧﺘﯩﻨﯩﯔ ﺋﻪﺯﺍﺳﻰ ﺑﻮﻟﯘﭖ ﺋﯩﺸﻠﯩﮕﻪﻥ. ﻫﺎﺯﯨﺮ ﺧﯩﺘﺎﻱ ﺩﻩﺭﺳﻠﯩﻚ ﻛﯩﺘﺎﺑﻠﯩﺮﻯ ﺋﯚﺯﮔﯩﺮﯨﺶ ﯞﻩ ﻣﯘﻛﻪﻣﻤﻪﻟﻠﯩﺸﯩﺶ ﺑﺎﺳﻘﯘﭼﯩﺪﺍ، ﻟﯧﻜﯩﻦ ﺑﻪﺯﻯ ﺋﯩﻠﻤﯩﻲ ﻗﺎﺭﺍﺷﻼﺭﻧﻰ ﺩﻩﺭﺳﻠﯩﻜﻜﻪ ﻛﯩﺮﮔﯜﺯﯛﺷﻨﯩﯔ ﻫﺎﺟﯩﺘﻰ ﻳﻮﻕ. ﺑﯘﻧﯩﯖﺪﺍ ﺷﯘ ﭘﯩﻜﯩﺮﻧﯩﯔ ﻣﯘﻫﯩﻢ ﻳﺎﻛﻰ ﺋﻪﻣﻪﺳﻠﯩﻜﯩﮕﻪ ﯞﻩ ﻳﺎﻛﻰ ﭘﯘﺧﺘﯩﻠﯩﻘﯩﻐﯩﻤﯘ ﻗﺎﺭﺍﺵ ﻛﯧﺮﻩﻙ. ﺋﻮﻣﯘﻣﻪﻥ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﺋﯩﻠﻢ ﺳﺎﻫﻪﺳﯩﺪﻩ ﻛﯚﭘﭽﯩﻠﯩﻚ ﺋﺎﻟﯩﻤﻼﺭ ﻗﻮﺷﯘﻟﺴﯩﻼ ﺋﺎﻧﺪﯨﻦ ﺩﻩﺭﺳﻠﯩﻜﻜﻪ ﻛﯩﺮﮔﯜﺯﮔﯩﻠﻰ ﺑﻮﻟﯩﺪﯗ.

ﺑﯘ ﻫﻪﻗﺘﻪ ﺑﯘ ﻣﺎﻗﺎﻟﯩﻨﯩﯔ ﺋﯩﻨﮕﻠﯩﺰﭼﻪ ﺗﻪﺭﺟﯩﻤﺎﻧﻰ ﺷﯩﻤﺎﻟﯩﻲ ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﻰ ﺩﻭﻛﺘﯩﺮﺍﻧﺘﻰ ﺋﯚﺯ ﭘﯩﻜﯩﺮﯨﻨﻰ ﻣﯘﻧﺪﺍﻕ ﺑﺎﻳﺎﻥ ﻗﯩﻠﺪﻯ:

"ﺩﻩﺭﺳﻠﯩﻚ ﻛﯩﺘﺎﺏ ﺑﯩﻠﻪﻥ ﺋﯩﻠﻤﯩﻲ ﺗﻪﺗﻘﯩﻘﺎﺕ ﺋﻮﺧﺸﯩﻤﺎﻳﺪﯗ. ﺑﯘ ﺋﺎﻣﯧﺮﯨﻜﯩﺪﯨﻤﯘ ﺷﯘﻧﺪﺍﻕ. ﺧﯩﺘﺎﻳﺪﺍ ﻫﯚﻛﯜﻣﻪﺕ ﺩﻩﺭﺳﻠﯩﻚ ﺗﯜﺯﯛﺷﻜﻪ ﺑﻪﻙ ﺋﺎﺭﯨﻠﯩﺸﯩﯟﺍﻟﺪﯗ. ﺋﯚﺯﮔﻪﺭﺗﯩﺶ ﻛﯩﺮﮔﯜﺯﯛﺵ ﺑﻪﻙ ﺗﻪﺱ ﺑﻮﻟﯘﺷﻰ ﻣﯘﻣﻜﯩﻦ. ﻣﯧﻨﯩﯖﭽﻪ ﺗﺎﺭﯨﺦ ﻛﯩﺘﺎﺑﻼﺭﺩﺍ ﺳﯩﻴﺎﺳﯩﻲ ﻣﻪﺳﯩﻠﻪ ﺗﯜﭘﻪﻳﻠﻰ، ﻳﯧﻘﯩﻦ ﻛﻪﻟﮕﯜﺳﯩﺪﻩ ﻫﯧﭽﻘﺎﻧﺪﺍﻕ ﺋﯚﺯﮔﯩﺮﯨﺶ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ.

- ﺳﯩﺰ ﺑﯘ ﻣﺎﻗﺎﻟﯩﻨﻰ ﻗﺎﻧﺪﺍﻕ ﺑﺎﻳﻘﯩﺪﯨﯖﯩﺰ؟ ﺑﯘ ﻣﺎﻗﺎﻟﯩﺪﻩ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻧﯧﻤﯩﻠﻪﺭ ﺩﯦﻴﯩﻠﮕﻪﻥ؟

- ﻣﻪﻥ ﺧﯩﺘﺎﻱ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﺑﻮﻟﻐﺎﭼﻘﺎ ﺑﯘ ﻣﺎﻗﺎﻟﯩﻨﻰ ﺑﺎﺷﻘﺎ ﺗﻮﺭﻻﺭﺩﯨﻦ ﺑﺎﻳﻘﺎﭖ ﺗﻪﺭﺟﯩﻤﻪ ﻗﯩﻠﻐﺎﻥ ﺋﯩﺪﯨﻢ. ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺑﻪﻙ ﻛﯚﭖ ﻧﻪﺭﺳﯩﻠﻪﺭ ﺩﯦﻴﯩﻠﻤﯩﮕﻪﻥ، ﻟﯧﻜﯩﻦ ﻣﻪﻥ ﭼﯩﯔ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﻤﻪﻥ. ﺋﯘﻳﻐﯘﺭ ﺋﯧﻠﻰ ﭘﻪﻗﻪﺕ19 - ﺋﻪﺳﯩﺮﻧﯩﯔ ﻛﯧﻴﯩﻨﻜﻰ ﻳﯩﺮﯨﻤﯩﺪﯨﻼ ﺧﯩﺘﺎﻳﻨﯩﯔ ﺑﯩﯟﺍﺳﺘﻪ ﻛﻮﻧﺘﺮﻭﻟﻠﯘﻗﯩﻐﺎ ﺋﯚﺗﻜﻪﻥ. (ﺟﯜﻣﻪ)