ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﺋﺎﺑﺪﯗﻟﻜﯧﺮﯨﻢ ﻫﺎﺟﯩﻢ ﺑﯘ ﻫﻪﻗﺘﯩﻜﻰ ﺳﯚﻫﺒﯩﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺪﻯ.

ﺋﺎﺑﺪﯗﻟﻜﯧﺮﯨﻢ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﺋﺎﺑﺪﯗﻟﻜﯧﺮﯨﻢ ﻫﺎﺟﯩﻢ ﻣﯧﻬﺮﯨﺒﺎﻧﻠﯩﻘﻨﯩﯔ ﺋﯩﻨﺴﺎﻥ ﺗﻪﺑﯩﺌﯩﺘﯩﺪﯨﻜﻰ ﺋﯧﺴﯩﻞ ﺋﻪﺧﻼﻗﻼﺭﻧﯩﯔ ﺑﯩﺮﻯ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯦﺪﻯ: " ﺋﯩﻨﺴﺎﻥ ﺋﯩﻨﺴﺎﻧﯩﻴﻪﺗﻜﯩﻼ ﺋﻪﻣﻪﺱ، ﺑﻪﻟﻜﻰ ﭘﯜﺗﯜﻥ ﺟﺎﻧﻠﯩﻘﻼﺭﻏﺎ ﻣﯧﻬﺮﯨﺒﺎﻥ ﯞﻩ ﻛﯚﻳﯜﻣﭽﺎﻥ ﺑﻮﻟﯘﺷﻘﺎ ﺗﯧﮕﯩﺸﻠﯩﻚ. ﺷﯘﯕﺎ ﺋﯩﻨﺴﺎﻥ ﺩﯗﻧﻴﺎﺩﺍ ﺋﻪﻗﯩﻠﻠﯩﻖ ﯞﻩ ﺋﻪﯓ ﺋﯧﺘﯩﺒﺎﺭﻟﯩﻖ ﻣﻪﯞﺟﯘﺩﺍﺕ. ﺟﺎﻧﻠﯩﻘﻼﺭ ﺋﯩﭽﯩﺪﻩ ﻣﯘﻛﻪﻣﻤﻪﻟﻠﯩﻚ ﺋﯩﻨﺴﺎﻧﻐﺎ ﺧﺎﺱ ﺋﺎﻻﻫﯩﺪﯨﻠﯩﻜﺘﯘﺭ. ﺋﯩﻨﺴﺎﻧﻼﺭ ﺑﯩﺮ - ﺑﯩﺮﯨﮕﻪ ﻛﯚﻳﯜﻧﯜﺵ ﯞﻩ ﻣﯧﻬﺮﯨﺒﺎﻧﻠﯩﻘﯩﻨﻰ ﻛﯚﺭﺳﯩﺘﯩﺶ ﺋﺎﺭﻗﯩﻠﯩﻘﻼ ﺑﯘ ﻫﺎﻳﺎﺗﻠﯩﻘﺘﺎ ﺋﯚﺯﯨﻨﯩﻤﯘ ﯞﻩ ﺑﺎﺷﻘﯩﻼﺭﻧﯩﻤﯘ ﺑﻪﺧﺘﻠﯩﻚ ﻳﺎﺷﯩﺘﺎﻻﻳﺪﯗ. ﭼﯜﻧﻜﻰ ﻣﯧﻬﺮﯨﺒﺎﻧﻠﯩﻖ ﺗﯘﻳﻐﯘﺳﻰ ﺑﻮﻟﻤﯩﻐﺎﻥ ﻗﻪﻟﺒﺘﯩﻦ ﻳﺎﺧﺸﯩﻠﯩﻖ ﻛﯜﺗﻜﯩﻠﻰ ﺑﻮﻟﻤﺎﻳﺪﯗ. ﻧﺎﯞﺍﺩﺍ، ﺋﯩﻨﺴﺎﻧﻨﯩﯔ ﺗﯘﻳﻐﯘﺳﻰ ﺧﯘﻧﯘﻛﻠﻪﺷﺴﻪ ﺋﯘ ﺋﯚﺯﯨﻨﻰ ﺑﺎﺷﻘﺎ ﺟﺎﻧﻠﯩﻘﻼﺭﺩﯨﻨﻤﯘ ﺋﯩﻨﺘﺎﻳﯩﻦ ﺗﯚﯞﻩﻥ ﺋﻮﺭﯗﻧﻐﺎ ﭼﯜﺷﯜﺭﯛﭖ ﻗﻮﻳﻐﺎﻥ ﯞﻩ ﺟﺎﻧﺴﯩﺰ ﻣﯧﺘﺎﻟﻼﺭﻏﺎ ﺋﻮﺧﺸﺎﺵ ﻫﯧﭻ ﻧﻪﺭﺳﻪ ﺗﻪﺳﯩﺮ ﻗﯩﻠﻤﺎﻳﺪﯨﻐﺎﻥ ﯞﻩ ﻫﯧﭻ ﻧﻪﺭﺳﯩﻨﻰ ﻫﯧﺲ ﻗﯩﻠﻤﺎﻳﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ. ﭼﯜﻧﻜﻰ ﺋﯩﻨﺴﺎﻧﺪﯨﻦ ﺑﺎﺷﻘﺎ ﺟﺎﻧﻠﯩﻘﻼﺭﺩﯨﻤﯘ ﻣﯧﻬﺮﯨﺒﺎﻧﻠﯩﻖ، ﻛﯚﻳﯜﻣﭽﺎﻧﻠﯩﻖ ﯞﻩ ﺋﯚﺯ ﺋﺎﺭﺍ ﻫﻪﻣﻜﺎﺭﻟﯩﺸﯩﺶ ﺑﺎﺭ ﺑﻮﻟﻐﺎﻥ ﻳﻪﺭﺩﻩ، ﺋﯩﻨﺴﺎﻥ ﺷﯘ ﺟﺎﻧﻠﯩﻘﻼﺭﭼﯩﻠﯩﻜﻤﯘ ﺑﻮﻻﻟﻤﯩﺴﺎ، ﺋﯘﻧﯩﯔ ﺋﯩﻨﺴﺎﻧﻠﯩﻖ ﺧﯘﺳﯘﺳﯩﻴﯩﺘﻰ ﯞﻩ ﺋﯧﺘﯩﺒﺎﺭﻯ ﻗﺎﻟﻤﯩﻐﺎﻥ ﯞﻩ ﺑﺎﺷﻘﺎ ﺟﺎﻧﻠﯩﻘﻼﺭﺩﯨﻤﯘ ﺗﯚﯞﻩﻥ ﺋﻮﺭﯗﻧﻐﺎ ﭼﯜﺷﯜﭖ ﻗﺎﻟﻐﺎﻥ ﺑﻮﻟﯩﺪﯗ. ﻛﺎﺋﯩﻨﺎﺗﻨﯩﯔ ﻳﺎﺭﺍﺗﻘﯘﭼﯩﺴﻰ ﺋﻪﯓ ﻣﯧﻬﺮﯨﺒﺎﻧﺪﯗﺭ. ﻣﯧﻬﺮﯨﺒﺎﻧﻠﯩﻖ ﺋﯘﻧﯩﯔ ﺳﯜﭘﻪﺗﻠﯩﺮﯨﺪﯨﻦ ﺑﯩﺮﯨﺪﯗﺭ. ﭼﯜﻧﻜﻰ ﺋﯘ ﻣﯧﻬﺮﯨﺒﺎﻧﻠﯩﻘﻨﻰ ﻳﺎﺭﺍﺗﻘﺎﻥ ﯞﻩ ﻗﻪﻟﯩﺒﻠﻪﺭﮔﻪ ﺋﯘﻧﻰ ﺑﻪﺧﺶ ﺋﻪﺗﻜﻪﻥ ﺯﺍﺗﺘﯘﺭ. ﻛﯩﺸﯩﻠﻪﺭ ﺋﺎﺭﯨﺴﯩﺪﯨﻜﻰ ﺋﯚﺯ ﺋﺎﺭﺍ ﻛﯚﻳﯜﻧﯜﺵ ﯞﻩ ﻣﯧﻬﺮﯨﺒﺎﻧﻠﯩﻖ ﺋﻪﺷﯘ ﻣﯧﻬﺮﯨﺒﺎﻧﻠﯩﻘﻨﯩﯔ ﺋﯩﺰﻧﺎﺳﯩﺪﯗﺭ."

ﻣﯧﻬﺮﯨﺒﺎﻧﻠﯩﻖ ﻗﯩﻠﻤﺎﻳﺪﯨﻐﺎﻧﻼﺭ ﻣﯧﻬﺮﯨﺒﺎﻧﻠﯩﻖ ﻛﯚﺭﻩﻟﻤﻪﻳﺪﯗ

ﺋﺎﺑﺪﯗﻟﻜﯧﺮﯨﻢ ﻫﺎﺟﯩﻢ ﻣﯧﻬﺮﯨﺒﺎﻧﻠﯩﻘﻨﯩﯔ ﺋﯩﻨﺴﺎﻧﯩﻲ ﺯﯙﺭﯛﺭﯨﻴﻪﺕ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯦﺪﻯ:" ﺋﺎﺩﻩﻡ ﺑﻪﺯﯨﺪﻩ ﺋﯚﺯ ﺩﻭﺳﺘﻠﯩﺮﯨﻐﺎ ﺋﯘﭼﺮﺍﺷﻘﺎﻧﺪﺍ ﺧﯘﺵ ﭼﯩﺮﺍﻱ ﺋﺎﭼﯩﺪﯗ، ﺋﯚﺯ ﭘﻪﺭﺯﻩﻧﺘﻠﯩﺮﯨﮕﻪ ﻛﯚﻳﯜﻧﯩﺪﯗ، ﺋﯚﺯ ﺋﻪﻫﻠﯩﮕﻪ ﻣﯧﻬﺮﯨﺒﺎﻧﻠﯩﻖ ﻛﯚﺭﺳﯩﺘﯩﺪﯗ. ﺑﯘ ﻫﻪﻣﻤﻪ ﻛﯩﺸﯩﺪﻩ ﺋﻮﺭﺗﺎﻕ ﺗﯧﭙﯩﻠﯩﺪﯨﻐﺎﻥ ﺋﻪﻗﻪﻟﻠﻰ ﺋﯩﺶ. ﺑﯘﻧﻰ ﻫﻪﺭﻛﯩﻢ ﻗﯩﻼﻻﻳﺪﯗ. ﺋﻪﻣﻤﺎ ﭘﯜﺗﯜﻥ ﺋﯩﻨﺴﺎﻧﻼﺭﻏﺎ ﻛﯚﻳﯜﻧﯜﺵ، ﺗﻮﻧﯘﻣﺎﻳﺪﯨﻐﺎﻥ ﺑﯩﺮﻯ ﺑﻮﻟﺴﯩﻤﯘ ﺋﯘﻧﯩﯖﺪﯨﻦ ﻳﺎﺭﺩﻩﻡ ﺳﻮﺭﯨﺴﺎ، ﺋﯘﻧﯩﯔ ﻫﺎﺟﯩﺘﯩﻨﻰ ﺭﺍﯞﺍ ﻗﯩﻠﯩﺶ، ﺑﺎﺷﻘﯩﻼﺭﻧﯩﯔ ﭘﻪﺭﺯﻩﻧﺘﻠﯩﺮﯨﮕﻪ، ﺧﯘﺳﯘﺳﻪﻥ ﻳﯧﺘﯩﻤﻼﺭ ﺋﯚﺯ ﭘﻪﺭﺯﻩﻧﺘﯩﻢ ﺋﻪﻣﻪﺳﻘﯘ ﺩﯦﻤﻪﺳﺘﯩﻦ ﻣﯧﻬﺮﯨﺒﺎﻧﻠﯩﻖ ﯞﻩ ﻏﻪﻣﺨﻮﺭﻟﯘﻕ ﻗﯩﻠﯩﺶ، ﺧﻮﺷﻨﯩﻠﯩﺮﯨﻐﺎ، ﺧﯩﺰﻣﻪﺗﺪﺍﺷﻠﯩﺮﯨﻐﺎ ﯞﻩ ﺋﯘﭼﺮﺍﺷﻘﺎﻥ ﻫﻪﺭ ﻗﺎﻧﺪﺍﻕ ﻛﯩﺸﯩﮕﻪ ﻣﯧﻬﺮﯨﺒﺎﻧﻠﯩﻖ ﻛﯚﺭﺳﯩﺘﯩﺶ ﮔﯜﺯﻩﻝ ﺋﻪﺧﻼﻕ ﺩﺍﺋﯩﺮﯨﺴﯩﺪﻩ ﺋﯩﺶ ﺋﯧﻠﯩﭗ ﺑﺎﺭﯨﺪﯨﻐﺎﻥ ﭘﻪﺯﯨﻠﻪﺗﻠﯩﻚ ﻛﯩﺸﯩﻠﻪﺭﻧﯩﯔ ﺧﯩﺴﻠﯩﺘﯩﺪﯗﺭ. ﻣﯘﻧﺪﺍﻕ ﻛﯩﺸﯩﻠﻪﺭ ﺋﺎﻟﻼﻫﻨﯩﯔ ﯞﻩ ﺧﻪﻟﻘﻨﯩﯔ ﺳﯚﻳﮕﯜﺳﯩﮕﻪ ﺳﺎﺯﺍﯞﻩﺭ ﺑﻮﻟﯩﺪﯨﻐﺎﻥ ﻛﯩﺸﯩﻠﻪﺭﺩﯗﺭ. ﺑﯩﺮ ﻫﻪﺩﯨﺴﺘﻪ:" ﻛﯩﺸﯩﻠﻪﺭﮔﻪ ﻣﯧﻬﺮﯨﺒﺎﻧﻠﯩﻖ ﻗﯩﻠﻤﯩﻐﺎﻥ ﺋﺎﺩﻩﻣﮕﻪ ﺋﺎﻟﻼﻫ ﻣﯧﻬﺮﯨﺒﺎﻧﻠﯩﻖ ﻗﯩﻠﻤﺎﻳﺪﯗ"ﺩﻩﭖ ﻛﻪﻟﮕﻪﻥ. ﺑﻪﺯﻯ ﻛﯩﺸﯩﻠﻪﺭ ﺋﯚﺯﻟﯩﺮﯨﮕﻪ ﺳﻮﯞﻏﺎ ﻗﯩﻠﯩﻨﻐﺎﻥ ﺑﯘ ﻣﯧﻬﺮﯨﺒﺎﻧﻠﯩﻘﺘﯩﻦ ﺋﯩﺒﺎﺭﻩﺕ ﺋﯧﺴﯩﻞ ﺧﯩﺴﻠﻪﺗﻨﻰ ﻗﻮﺑﯘﻝ ﻗﯩﻠﻤﺎﺳﺘﯩﻦ، ﺋﯘﻧﯩﯔ ﻳﻮﻟﯩﻐﺎ ﺗﺎﺵ ﺗﻮﺳﯘﻗﻼﺭﻧﻰ ﻗﻮﻳﯘﭖ ﺋﯘﻧﯩﯔ ﺋﯧﻘﯩﻨﯩﻨﻰ ﺋﯜﺯﯛﭖ ﺗﺎﺷﻼﻳﺪﯗ. ﻫﻪﺗﺘﺎ ﻛﯩﺸﯩﻠﻪﺭﻧﯩﯔ ﭼﯩﺮﺍﻳﯩﻐﺎ ﺗﻪﺑﻪﺳﺴﯘﻡ ﺑﯩﻠﻪﻥ ﻗﺎﺭﺍﺷﺘﯩﻦ ﺋﯩﺒﺎﺭﻩﺕ ﻫﯧﭽﻘﺎﻧﺪﺍﻕ ﻛﯜﭺ ﻳﺎﻛﻰ ﺑﻪﺩﻩﻝ ﺗﻪﻟﻪﺏ ﻗﯩﻠﻤﺎﻳﺪﯨﻐﺎﻥ، ﺋﺎﺩﺩﯨﻐﯩﻨﻪ ﻣﯧﻬﺮﯨﺒﺎﻧﻠﯩﻖ ﺋﯩﺸﺎﺭﯨﺴﯩﻨﻰ ﻛﯚﺭﺳﯩﺘﯩﺸﻜﯩﻤﯘ ﺑﯧﺨﯩﻠﻠﯩﻖ ﻗﯩﻠﯩﺪﯗ. ﺋﻪﺗﺮﺍﭘﯩﺪﯨﻜﯩﻠﯩﺮﯨﮕﻪ ﺋﻮﭼﯘﻕ ﭼﯩﺮﺍﻱ ﺋﺎﭼﻤﺎﻳﺪﯗ، ﭘﻪﺭﺯﻩﻧﺘﻠﯩﺮﯨﮕﻪ ﻗﻮﭘﺎﻝ ﻣﯘﺋﺎﻣﯩﻠﯩﺪﻩ ﺑﻮﻟﯩﺪﯗ. ﺩﻭﺳﺘﻠﯩﺮﯨﻨﻰ ﺭﻩﻧﺠﯩﺘﯩﺪﯗ. ﺧﻮﺷﻨﯩﻠﯩﺮﯨﻨﻰ ﺑﯩﺰﺍﺭ ﻗﯩﻠﯩﺪﯗ، ﺧﯩﺰﻣﻪﺗﺪﺍﺷﻠﯩﺮﯨﻨﻰ ﺭﺍﻫﻪﺗﺴﯩﺰ ﻗﯩﻠﯩﺪﯗ. ﺋﺎﺧﯩﺮﯨﺪﺍ ﻣﯘﻧﺪﺍﻕ ﺋﯩﻨﺴﺎﻧﻼﺭ ﺋﯚﺯﻟﯩﺮﯨﻨﯩﻤﯘ ﯞﻩ ﺑﺎﺷﻘﯩﻼﺭﻧﯩﻤﯘ ﺑﻪﺧﺘﺴﯩﺰ ﻗﯩﻠﻐﺎﻧﺪﯨﻦ ﺑﺎﺷﻘﯩﺴﯩﻐﺎ ﺋﯧﺮﯨﺸﻪﻟﻤﻪﻳﺪﯗ. ﺋﺎﻟﻼﻫﻨﯩﯔ ﯞﻩ ﺧﻪﻟﻘﻨﯩﯔ ﻧﻪﺯﯨﺮﯨﺪﯨﻦ ﭼﯜﺷﯜﭖ ﻗﺎﻟﯩﺪﯗ."

ﻣﯧﻬﺮﯨﺒﺎﻧﻠﯩﻖ ﭘﯜﺗﯜﻥ ﺟﺎﻧﻠﯩﻘﻼﺭﺩﺍ ﺋﻮﺭﺗﺎﻕ ﺑﻮﻟﻐﺎﻥ ﺧﯩﺴﻠﻪﺕ

ﺋﺎﺑﺪﯗﻟﻜﯧﺮﯨﻢ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﻣﯧﻬﺮﯨﺒﺎﻧﻠﯩﻖ ﭘﯜﺗﯜﻥ ﺟﺎﻧﻠﯩﻘﻼﺭﺩﺍ ﺑﻮﻟﯩﺪﯨﻐﺎﻥ ﺋﻮﺭﺗﺎﻕ ﺧﯩﺴﻠﻪﺗﺘﯘﺭ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺑﯘ ﻫﻪﻗﯩﻘﻪﺗﻨﻰ ﺑﺎﻳﺎﻥ ﻗﯩﻠﯩﭗ ﺑﯩﺮ ﻫﻪﺩﯨﺴﺘﻪ:" ﺋﺎﻟﻼﻫ ﻣﯧﻬﺮﯨﺒﺎﻧﻠﯩﻘﻨﻰ ﻳﯜﺯﮔﻪ ﺑﯚﻟﯜﭖ، ﺋﯘﻧﯩﯔ ﺑﯩﺮﯨﻨﻰ ﺯﯦﻤﯩﻨﮕﻪ ﺋﻪﯞﻩﺗﻜﻪﻥ. ﺋﺎﺷﯘ ﺑﯩﺮﻯ ﺑﯩﻠﻪﻥ ﻣﻪﺧﻠﯘﻗﺎﺗﻼﺭ ﺋﯚﺯ ﺋﺎﺭﺍ ﻣﯧﻬﺮﯨﺒﺎﻧﻠﯩﻖ ﻗﯩﻠﯩﺸﯩﺪﯗ. ﻫﻪﺗﺘﺎ ﻫﺎﻳﯟﺍﻥ ﺑﺎﻟﯩﺴﯩﻐﺎ ﺩﻩﺳﺴﻪﭖ ﺳﯧﻠﯩﺸﺘﯩﻦ ﺋﻪﻧﺴﯩﺮﻩﭖ ﺗﯘﻳﯩﻘﯩﻨﻰ ﻛﯚﺗﯜﺭﯨﺪﯗ،" ﺩﻩﭖ ﻛﯚﺭﺳﻪﺗﻜﻪﻥ.

ﺩﯦﻤﻪﻙ، ﻣﯧﻬﺮﯨﺒﺎﻧﻠﯩﻖ ﺋﯩﻨﺴﺎﻧﻼﺭﻏﯩﻼ ﺧﺎﺱ ﺑﯩﺮ ﺧﯩﺴﻠﻪﺕ ﺑﻮﻟﻤﺎﺳﺘﯩﻦ، ﺋﯘﻧﯩﯖﻐﺎ ﭘﯜﺗﯜﻥ ﺟﺎﻧﻠﯩﻘﻼﺭ ﺋﯩﺸﺘﯩﺮﺍﻛﺘﯘﺭ. ﻣﯧﻬﺮﯨﺒﺎﻧﻠﯩﻘﻨﯩﯔ ﺩﺍﺋﯩﺮﯨﺴﻰ ﺋﯩﻨﺘﺎﻳﯩﻦ ﻛﻪﯓ ﺑﻮﻟﯘﭖ، ﻳﯧﺘﯩﻤﻠﻪﺭﻧﯩﯔ ﺑﯧﺸﯩﻨﻰ ﺳﯩﻼﺵ، ﺋﺎﺟﯩﺰﻻﺭﻏﺎ ﻳﺎﺭﺩﻩﻡ ﻗﯩﻠﯩﺶ، ﻫﺎﺟﻪﺗﻤﻪﻧﻠﻪﺭﻧﯩﯔ ﻫﺎﺟﯩﺘﯩﻨﻰ ﺭﺍﯞﺍ ﻗﯩﻠﯩﺶ، ﻫﻪﺗﺘﺎ ﻫﺎﻳﯟﺍﻧﻼﺭﻏﺎ ﺷﻪﭘﻘﻪﺕ ﻗﯩﻠﯩﺸﻨﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﺋﯩﻜﻜﯩﻨﭽﻰ ﺧﻪﻟﯩﭙﻪ ﺋﯚﻣﻪﺭ ﺋﯩﺒﻨﻰ ﺧﻪﺗﺘﺎﺏ ﺑﯩﺮ ﺋﺎﺩﻩﻣﻨﯩﯔ ﺑﯩﺮ ﻗﻮﻳﻨﻰ ﺋﯚﻟﺘﯜﺭﯛﺵ ﺋﯜﭼﯜﻥ ﭘﯘﺗﯩﺪﯨﻦ ﺳﯚﺭﻩﭖ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﭖ:" ﻫﻪﻱ ﺳﯧﻨﻰ! ﺋﯘﻧﻰ ﺋﯚﻟﯜﻣﮕﻪ ﺳﯩﻠﯩﻖ ﻳﯧﺘﯩﻠﻪﭖ ﺑﺎﺭ"ﺩﯦﮕﻪﻥ. ﭼﯜﻧﻜﻰ ﻫﺎﻳﯟﺍﻧﻤﯘ ﺧﯘﺩﺩﻯ ﺋﯩﻨﺴﺎﻧﻐﺎ ﺋﻮﺧﺸﺎﺵ ﺋﺎﻏﺮﯨﻖ ﻫﯧﺲ ﻗﯩﻠﻐﺎﻥ ﺋﯩﻜﻪﻥ، ﺋﯘﻧﯩﯔ ﺟﯧﻨﯩﻨﻰ ﺋﺎﻏﺮﯨﺘﻤﺎﺳﻠﯩﻘﻘﺎ ﺗﯩﺮﯨﺸﯩﺸﻤﯘ ﻣﯧﻬﺮﯨﺒﺎﻧﻠﯩﻘﻨﯩﯔ ﺑﯩﺮ ﺗﯜﺭﯨﺪﯗﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز