ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﯞﺍﺷﯩﻨﮕﺘﻮﻥ ﭘﻮﭼﺘﺎ ﮔﯧﺰﯨﺘﯩﺪﻩ ﺑﯧﺮﯨﻠﮕﻪﻥ ﻣﺎﻗﺎﻟﯩﺴﻰ ﯞﻩ ﺧﻪﯞﻩﺭ ﻫﻪﭘﺘﯩﻠﯩﻜﻰ ﮊﯗﺭﻧﯩﻠﯩﺪﺍ ﺑﻪﺭﮔﻪﻥ ﺳﯚﻫﺒﯩﺘﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

23 - ﯞﻩ 24 - ﻣﺎﺭﺕ ﺧﻮﺗﻪﻧﺪﻩ ﺋﺎﺳﺎﺳﻠﯩﻘﻰ ﺋﯘﻳﻐﯘﺭ ﺋﺎﻳﺎﻟﻠﯩﺮﻯ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﻣﺎﻳﯩﺶ ﯞﻩ ﺧﯩﺘﺎﻳﻨﯩﯔ ﻣﻪﺯﻛﯘﺭ ﻧﺎﻣﺎﻳﯩﺸﻨﻰ ﺑﺎﺳﺘﯘﺭﯗﺷﯩﻐﺎ ﺋﺎﻻﻗﯩﺪﺍﺭ ﺋﯘﭼﯘﺭﻻﺭ ﺭﺍﺩﯨﺌﻮﻣﯩﺰ ﺋﺎﺭﻗﯩﻠﯩﻖ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﺋﺎﺷﻜﺎﺭﯨﻼﻧﻐﺎﻧﺪﯨﻦ ﻛﯧﻴﯩﻦ، ﻣﻪﺯﻛﯘﺭ ﻧﺎﻣﺎﻳﯩﺶ ﯞﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﻨﻰ ﺑﺎﻫﺎﻧﻪ ﻗﯩﻠﯩﭗ، ﻗﻪﺷﻘﻪﺭ ﯞﻩ ﺧﻮﺗﻪﻥ ﻗﺎﺗﺎﺭﻟﯩﻖ ﺋﯘﻳﻐﯘﺭﻻﺭ ﺗﻮﭘﻠﯩﺸﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻧﻼﺭﺩﺍ ﻳﯧﻘﯩﻨﺪﯨﻦ ﺑﯘﻳﺎﻥ ﻳﯜﺭﮔﯜﺯﯛﯞﺍﺗﻘﺎﻥ ﻫﻪﺭ ﺗﯜﺭﻟﯜﻙ ﭼﻪﻛﻠﻪﺵ ﻫﻪﺭﯨﻜﯩﺘﻰ، ﯞﻩ ﺋﯘﻳﻐﯘﺭﻻﺭﻧﯩﯔ ﺑﯧﺴﯩﻢ ﺋﺎﺳﺘﯩﺪﯨﻜﻰ ﻫﺎﻳﺎﺗﯩﻐﺎ ﺋﺎﻻﻗﯩﺪﺍﺭ ﺧﻪﯞﻩﺭﻟﻪﺭ ﺧﻪﻟﻘﺌﺎﺭﺍﺩﯨﻜﻰ ﻫﻪﺭﻗﺎﻳﺴﻰ ﻧﻮﭘﯘﺯﻟﯘﻕ ﻣﻪﺗﺒﯘﺋﺎﺗﻼﺭﺩﺍ ﺋﻮﺭﯗﻥ ﺋﯧﻠﯩﺸﻘﺎ ﺑﺎﺷﻠﯩﺪﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﯞﺍﺷﯩﻨﮕﺘﻮﻥ ﭘﻮﭼﺘﺎ ﮔﯧﺰﯨﺘﯩﺪﻩ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ ﺋﯘﻳﻐﯘﺭﻻﺭﻧﯩﯔ ﻫﺎﺯﯨﺮﻗﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺋﯩﺪﻯ

ﺧﻮﺗﻪﻧﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﻣﺎﻳﯩﺸﺘﯩﻦ ﺋﻮﻥ ﻧﻪﭼﭽﻪ ﻛﯜﻧﻰ ﺋﯩﻠﮕﯩﺮﻯ ﻳﻪﻧﻰ 10 - ﻣﺎﺭﺕ ﺗﯩﺒﻪﺗﺘﻪ ﯞﻩ ﺧﯩﺘﺎﻳﻨﯩﯔ ﺗﯩﺒﻪﺗﻠﻪﺭ ﺋﻮﻟﺘﯘﺭﺍﻗﻼﺷﻘﺎﻥ ﮔﻪﻧﺴﯘ، ﭼﯩﯖﺨﻪﻱ، ﭼﯧﯖﺪﯗ ﻗﺎﺗﺎﺭﻟﯩﻖ ﺭﺍﻳﻮﻧﻠﯩﺮﯨﺪﺍ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﯨﺸﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﻣﺎﻳﯩﺸﻨﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺯﻭﺭﺍﯞﺍﻥ ﯞﺍﺳﯩﺘﯩﻠﻪﺭﻧﻰ ﻗﻮﻟﻠﯩﻨﯩﭗ ﻗﺎﻧﻠﯩﻖ ﺑﺎﺳﺘﯘﺭﻏﺎﻥ ﯞﻩ ﺗﯩﺒﻪﺗﻠﻪﺭﻧﯩﯔ ﺳﯜﺭﮔﯜﻧﺪﯨﻜﻰ ﻫﺎﻛﯩﻤﯩﻴﯩﺘﯩﻨﯩﯔ ﺳﺎﻧﻠﯩﻖ ﻣﻪﻟﯘﻣﺎﺗﯩﻐﺎ ﺋﺎﺳﺎﺳﻼﻧﻐﺎﻧﺪﺍ، 140 ﺩﯨﻦ ﺋﺎﺭﺗﯘﻕ ﻧﺎﻣﺎﻳﯩﺸﭽﯩﻨﻰ ﺑﺎﺳﺘﯘﺭﯗﺵ ﺟﻪﺭﻳﺎﻧﯩﺪﺍ ﺋﯚﻟﺘﯜﺭﮔﻪﻥ ﺋﯩﺪﻯ.

ﺷﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ ﯞﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﯞﺍﺷﯩﻨﮕﺘﻮﻥ ﭘﻮﭼﺘﺎ ﮔﯧﺰﯨﺘﯩﻨﯩﯔ 1 - ﺋﺎﭘﺮﯦﻠﺪﯨﻜﻰ ﺳﺎﻧﯩﺪﺍ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ ﺧﯩﺘﺎﻳﻨﯩﯔ ﺗﯩﺒﻪﺗﺘﻪ ﺋﯧﻠﯩﭗ ﺑﺎﺭﻏﺎﻥ ﺑﺎﺳﺘﯘﺭﯗﺷﻠﯩﺮﻯ ﺟﻪﺭﻳﺎﻧﯩﺪﺍ ﺑﺎﻻ - ﭼﺎﻗﯩﻠﯩﺮﯨﺪﯨﻦ ﯞﻩ ﻗﯧﺮﯨﻨﺪﺍﺷﻠﯩﺮﯨﺪﯨﻦ ﺋﺎﻳﺮﯨﻠﻐﺎﻥ ﺋﯘﺭﯗﻕ - ﺗﯘﻏﻘﺎﻥ ﯞﻩ ﺋﺎﺗﺎ - ﺋﺎﻧﯩﻼﺭﻏﺎ ﭼﻮﯕﻘﯘﺭ ﻫﯧﺴﺪﺍﺷﻠﯩﻖ ﺑﯩﻠﺪﯛﺭﮔﻪﻥ ﯞﻩ ﺋﯘﻳﻐﯘﺭﻻﺭﻧﯩﯔ ﻫﺎﺯﯨﺮﻗﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺋﯩﺪﻯ.

ﺋﯘﻧﯩﯖﺪﯨﻦ ﺑﺎﺷﻘﺎ، 2 - ﺋﺎﭘﺮﯦﻞ ﻛﯜﻧﻰ ﺋﺎﻣﯧﺮﯨﻜﯩﺪﺍ ﭼﯩﻘﯩﺪﯨﻐﺎﻥ ﻧﻮﭘﯘﺯﻟﯘﻕ ﮊﯗﺭﻧﺎﻝ ﺧﻪﯞﻩﺭ ﻫﻪﭘﺘﯩﻠﯩﻜﻰ ( Newsweek) ﺗﯩﺒﻪﺕ ﻧﺎﻣﺎﻳﯩﺸﻰ ﯞﻩ 23 - 24 - ﻣﺎﺭﺕ ﻛﯜﻧﻠﯩﺮﻯ ﺧﻮﺗﻪﻧﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻠﯩﺮﻯ ﻫﻪﻗﻘﯩﺪﻩ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ: " ﺋﯘﻳﻐﯘﺭﻻﺭﻧﯩﯔ ﺳﺎﺩﺍﺳﯩﻨﻰ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﻗﺎﻳﺘﺎ ﺋﻪﺳﻜﻪﺭﺗﯩﺸﻨﻰ ﺑﯘﺭﭼﯘﻡ ﺩﻩﭖ ﺑﯩﻠﯩﭗ ﺋﯘﺷﺒﯘ ﻣﺎﻗﺎﻟﯩﻨﻰ ﺋﯧﻼﻥ ﻗﯩﻠﺪﯨﻢ"

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯜﮔﯜﻥ ﺭﺍﺩﯨﺌﻮﻣﯩﺰ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﯞﺍﺷﯩﻨﮕﺘﻮﻥ ﭘﻮﭼﺘﯩﺴﻰ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﻐﺎﻥ "ﺑﯘ ﺋﻪﺭﻛﯩﻨﻠﯩﻚ ﻣﻪﺷﺌﯩﻠﻰ ﺋﻪﻣﻪﺱ" ﻧﺎﻣﻠﯩﻖ ﻣﺎﻗﺎﻟﯩﻨﯩﯔ ﻣﯘﺷﯘﻧﺪﺍﻕ ﺗﺎﺭﯨﺨﻰ ﺷﺎﺭﺍﺋﯩﺘﺘﺎ ﺋﯧﻼﻥ ﻗﯩﻠﯩﻨﯩﺸﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ ﯞﻩ ﺩﻩﯞﺭﯨﻤﯩﺰﮔﻪ ﻛﻪﻟﮕﻪﻧﺪﻩ ﺋﯘﻳﻐﯘﺭ ﺧﻪﻟﻘﻰ ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﯨﻨﯩﯔ ﺯﯗﻟﯘﻣﻰ ﺋﺎﺳﺘﯩﺪﺍ ﺋﯩﻠﮕﯩﺮﻯ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ ﺩﻩﺭﯨﺠﯩﺪﻩ ﻣﯩﻠﻠﯩﻲ ﻛﯩﻤﻠﯩﻜﯩﻨﻰ ﻳﻮﻗﯩﺘﯩﺶ ﮔﯩﺮﺩﺍﺑﯩﻐﺎ ﺑﯧﺮﯨﭗ ﻳﻪﺗﻜﻪﻧﻠﯩﻜﯩﻨﻰ، ﻫﻪﻣﺪﻩ ﺗﯩﺒﻪﺗﺘﻪ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﻣﺎﻳﯩﺸﻨﯩﯔ ﺋﯘﻳﻐﯘﺭ ﺋﯧﻠﯩﮕﻪ ﺑﻮﻟﻐﺎﻥ ﺗﻪﺳﯩﺮﯨﻨﻰ ﺋﺎﺯﺍﻳﺘﯩﺶ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯜﭼﯜﻥ ﺋﯘﻳﻐﯘﺭﻻﺭﻧﻰ ﻫﻪﺭﺧﯩﻞ ﺷﻪﻛﯩﻠﺪﻩ، ﺋﻪﻗﻪﻟﻠﯩﻴﺴﻰ ﺑﯧﺸﯩﻐﺎ ﻳﺎﻏﻠﯩﻖ ﺋﺎﺭﺗﺘﯩﯔ ﺩﯦﮕﻪﻥ ﻧﺎﻡ ﺑﯩﻠﻪﻧﻤﯘ ﺑﺎﺳﺘﯘﺭﯗﯞﺍﺗﻘﺎﻧﻠﯩﻘﯩﻨﻰ ﺷﯘﯕﺎ ﺋﯘﻳﻐﯘﺭﻻﺭﻧﯩﯔ ﺑﯧﺴﯩﻠﯩﭗ ﻗﺎﻟﻐﺎﻥ ﺳﺎﺩﺍﺳﯩﻨﻰ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﻗﺎﻳﺘﺎ ﺋﻪﺳﻜﻪﺭﺗﯩﺸﻨﻰ ﺑﯘﺭﭼﻰ ﺩﻩﭖ ﺑﯩﻠﯩﭗ ﺋﯘﺷﺒﯘ ﻣﺎﻗﺎﻟﯩﻨﻰ ﺋﯧﻼﻥ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ:" ﺧﯩﺘﺎﻱ ﺗﻪﺭﻩﭖ ﺳﯚﻫﺒﻪﺕ ﺋﯜﺳﺘﯩﻠﯩﮕﻪ ﻛﯧﻠﯩﺸﻰ ﻛﯧﺮﻩﻙ"

ﺋﯘﻧﯩﯖﺪﯨﻦ ﺑﺎﺷﻘﺎ، ﺗﯜﻧﯜﮔﯜﻥ ﺋﺎﻣﯧﺮﯨﻜﯩﺪﯨﻦ ﭼﯩﻘﯩﺪﯨﻐﺎﻥ ﺧﻪﯞﻩﺭ ﻫﻪﭘﺘﯩﻠﯩﻜﻰ ﮊﯗﺭﻧﯩﻠﯩﺪﺍ ﻣﻪﺯﻛﯘﺭ ﮊﯗﺭﻧﺎﻝ ﻣﯘﺧﺒﯩﺮﻯ ﻣﻪﺭﻱ ﻫﻪﻧﻨﻮﻛﻨﯩﯔ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯩﻠﻪﻥ ﺋﯘﻳﻐﯘﺭﻻﺭ ﻫﺎﺯﯨﺮ ﺩﯗﭺ ﻛﯧﻠﯩﯟﺍﺗﻘﺎﻥ ﺳﯩﻴﺎﺳﯩﻲ ﺑﯧﺴﯩﻢ، ﺋﯘﻳﻐﯘﺭ - ﺗﯩﺒﻪﺕ ﻣﯘﻧﺎﺳﯩﯟﯨﺘﻰ ﯞﻩ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﭼﺎﺭﯨﻠﯩﺮﻯ ﺗﻮﻏﺮﯨﺴﯩﺪﺍ ﺋﯚﺗﻜﯜﺯﮔﻪﻥ ﺳﯚﻫﺒﯩﺘﻰ ﺗﻮﻟﯘﻕ ﺗﯧﻜﯩﺴﺘﻰ ﺑﯩﻠﻪﻥ ﺑﯧﺮﯨﻠﺪﻯ.

ﺳﯚﻫﺒﻪﺗﺘﻪ ﺭﺍﺑﯩﻴﻪ ﺧﺎﻧﯩﻢ ﺋﯘﻳﻐﯘﺭ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﭼﺎﺭﯨﺴﻰ ﺋﯜﺳﺘﯩﺪﻩ ﺗﻮﺧﺘﺎﻟﻐﺎﻥ ﯞﻩ ﺧﯩﺘﺎﻱ ﺗﻪﺭﻩﭘﻨﯩﯔ ﺋﯘﻳﻐﯘﺭ ﯞﻩ ﺗﯩﺒﻪﺗﻠﻪﺭﻧﯩﯔ ﺗﻪﻟﻪﭘﻠﯩﺮﯨﻨﻰ ﻣﺎﻗﯘﻝ ﻛﯚﺭﯛﭖ ﺋﯘﻳﻐﯘﺭ ﯞﻩ ﺗﯩﺒﻪﺕ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺋﯜﺳﺘﻪﻟﮕﻪ ﻛﯧﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﻛﯚﺭﺳﻪﺗﻜﻪﻥ.

ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﯞﻩ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﺑﻮﻟﯘﭘﻤﯘ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺳﯚﻫﺒﻪﺕ ﺋﯚﺗﻜﯜﺯﯛﺵ ﻳﻮﻟﻰ ﺑﯩﻠﻪﻥ ﻫﻪﻝ ﻗﯩﻠﯩﺶ ﻛﯧﺮﻩﻛﻠﯩﻜﯩﻨﻰ، ﺋﯘﻧﺪﺍﻕ ﺑﻮﻟﻤﺎﻳﺪﯨﻜﻪﻥ ﻫﺎﺯﯨﺮ ﺗﯩﺒﻪﺗﺘﻪ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﻧﯩﯔ ﻛﻪﻟﮕﯜﺳﯩﺪﻩ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺯ ﺑﯧﺮﯨﺸﻰ ﻣﯘﻣﻜﯩﻨﻠﯩﻜﻨﻰ ﻛﯚﺭﺳﻪﺗﺘﻰ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ:" ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﺋﯘﻳﻐﯘﺭﻻﺭﻏﺎ ﯞﻩﻛﯩﻠﻠﯩﻚ ﻗﯩﻠﯩﺪﯗ"

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺋﺎﺧﯩﺮﯨﺪﺍ، ﺧﯩﺘﺎﻱ ﺗﻪﺭﻩﭖ ﺑﯩﻠﻪﻥ ﺋﯚﺗﻜﯜﺯﯨﺪﯨﻐﺎﻥ ﺑﯘ ﺧﯩﻠﺪﯨﻜﻰ ﺳﯚﻫﺒﻪﺗﻠﻪﺭﻧﻰ ﺋﯘﻳﻐﯘﺭﻻﺭﻏﺎ ﻛﯩﻤﻠﻪﺭﻧﯩﯔ ﯞﻩﻛﯩﻞ ﺑﻮﻟﯘﭖ ﺋﯚﺗﻜﯜﺯﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ ﯞﻩ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﺋﯘﻳﻐﯘﺭﻻﺭﻏﺎ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ ﺋﺎﻟﯩﻲ ﺋﻮﺭﮔﺎﻥ ﺋﯩﻜﻪﻧﻠﯩﻜﻨﻰ ﺷﯘﯕﺎ ﺳﯚﻫﺒﻪﺗﻠﻪﺭﻧﻰ ﻣﻪﺯﻛﯘﺭ ﺗﻪﺷﻜﯩﻼﺗﻨﻰ ﭼﯚﺭﯨﺪﯨﮕﻪﻥ ﺋﺎﺳﺎﺳﺘﺎ ﺳﺎﻳﻼﭖ ﭼﯩﻘﯩﻠﻐﺎﻥ ﯞﻩﻛﯩﻠﻠﻪﺭ ﺋﯧﻠﯩﭗ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ. (ﺟﯜﻣﻪ)