ﮔﯧﺮﻣﺎﻧﯩﻴﻪ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﺪﯨﻜﻰ ﺑﻪﺱ - ﻣﯘﻧﺎﺯﯨﺮﻩ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

3 - ﺋﺎﻳﻨﯩﯔ 28 - ﻛﯜﻧﯩﺪﯨﻦ ﺑﯜﮔﯜﻧﮕﻪ ﻗﻪﺩﻩﺭ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﮔﯧﺮﻣﺎﻧﯩﻴﻪ ﺋﺎﺧﺒﺎﺭﺍﺗﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭ، ﺗﯩﺒﻪﺗﻠﻪﺭ ﯞﻩ ﺧﯩﺘﺎﻳﻐﺎ ﺋﺎﺋﯩﺖ ﻣﯘﻧﺎﺯﯨﺮﯨﻠﻪﺭ ﻣﯩﯖﻠﯩﻐﺎﻥ ﻛﯩﺸﯩﻠﻪﺭﻧﻰ ﺋﯚﺯﯨﮕﻪ ﺟﻪﻟﯩﭗ ﻗﯩﻠﻤﺎﻗﺘﺎ.

ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺋﯧﺘﯩﻘﺎﺩﻯ ﺩﻩﭘﺴﻪﻧﺪﻩ ﻗﯩﻠﯩﻨﻤﺎﻗﺘﺎ

28 - ﻣﺎﺭﺕ ﻛﯜﻧﻰ ﮔﯧﺮﻣﺎﻧﯩﻴﯩﺪﯨﻜﻰ ﺑﯩﺮﯨﻨﭽﻰ ﭼﻮﯓ ﮔﯧﺰﯨﺖ ﺑﻮﻟﻐﺎﻥ "ﻓﺮﺍﻧﻜﻔﯘﺭﺕ ﺋﺎﻟﮕﻪﻣﻪﺋﯩﻨﻪ ﮔﯧﺰﯨﺘﻰ"ﻧﯩﯔ ﻣﯘﺧﺒﯩﺮﻟﯩﺮﻯ ﺧﯩﺘﺎﻱ ﺯﯨﻴﺎﻟﯩﻴﺴﻰ، ﻣﻪﺷﻬﯘﺭ ﻣﻮﺩﯦﺮﻧﯩﺰﻡ ﺳﻪﻧﺌﻪﺗﻜﺎﺭﻯ ﺋﻪﻱ ﻣﻮﻣﻮﻧﻰ ﺯﯨﻴﺎﺭﻩﺕ ﻗﯩﻠﯩﭗ، "ﻫﻪﻗﯩﻘﻪﺗﻨﯩﯔ ﯞﺍﻗﺘﻰ ﻛﻪﻟﺪﻯ" ﻧﺎﻣﻠﯩﻖ ﺑﯩﺮ ﺋﻪﺳﻪﺭ ﺋﯧﻼﻥ ﻗﯩﻠﻐﺎﻥ. ﺋﯚﺯﯨﮕﻪ ﺟﯘﻧﻪﺟﯘﻧﻪ ﺩﻩﭖ ﺗﻪﺧﻪﻟﻠﯘﺱ ﻗﻮﻳﯘﯞﺍﻟﻐﺎﻥ، ﮔﯧﺮﻣﺎﻧﯩﻴﯩﺪﻩ 10 ﻳﯩﻞ ﻳﺎﺷﯩﻐﺎﻥ ﻳﻪﻧﻪ ﺑﯩﺮ ﺧﯩﺘﺎﻱ ﺋﺎﻳﺎﻝ ﺑﻮﻟﺴﺎ „ﯞﺍﻗﯩﺖ" ﺗﻮﺭ ﺑﯧﺘﯩﺪﻩ „ﻫﻪﻗﯩﻘﻪﺕ ﺋﺎﺭﯨﺪﯨﻜﻰ ﺑﯩﺮ ﻳﻪﺭﺩﻩ" ﻧﺎﻣﻠﯩﻖ ﺋﻪﺳﻪﺭﻧﻰ ﺋﯧﻼﻥ ﻗﯩﻠﯩﭗ، ﺋﻪﻱ ﻣﻮﻣﻮﻧﯩﯔ ﭘﯩﻜﺮﯨﮕﻪ ﺗﯜﭘﺘﯩﻦ ﻗﺎﺭﺷﻰ ﻫﺎﻟﺪﺍ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻥ. ﻧﻪﺗﯩﺠﯩﺪﻩ، ﺑﯘ ﺋﯩﻜﻜﻰ ﺧﯩﺘﺎﻳﻨﯩﯔ ﺯﯨﺪﺩﯨﻴﻪﺗﻠﯩﻚ ﭘﯩﻜﯩﺮﻟﯩﺮﻯ ﻛﻪﺳﻜﯩﻦ ﺑﻪﺱ - ﻣﯘﻧﺎﺯﯨﺮﯨﻨﯩﯔ ﺑﺎﺵ ﻛﯚﺗﯜﺭﯛﺷﯩﮕﻪ ﺳﻪﯞﻩﺑﭽﻰ ﺑﻮﻟﻐﺎﻥ. ﺑﯘ ﻣﯘﻧﺎﺯﯨﺮﻩ ﻧﯘﺭﻏﯘﻥ ﺗﻮﺭ ﺑﻪﺗﻠﯩﺮﻯ ﯞﻩ ﮔﯧﺰﯨﺘﻠﻪﺭﮔﻪ ﻛﯚﭼﯜﺭﯛﭖ ﺑﯧﺮﯨﻠﯩﭗ ﻛﻪﯓ ﺗﺎﺭﻗﯩﻠﯩﺸﻘﺎ ﺑﺎﺷﻠﯩﻐﺎﻥ. ﻣﯘﻧﺎﺯﯨﺮﯨﮕﻪ ﻛﯚﭘﻠﯩﮕﻪﻥ ﮔﯧﺮﻣﺎﻥ ﺯﯨﻴﺎﻟﯩﻴﻠﯩﺮﯨﻤﯘ ﺋﯩﺸﺘﯩﺮﺍﻙ ﻗﯩﻠﻐﺎﻥ. ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ ﺭﺍﺩﯨﺌﻮﺳﯩﻨﯩﯔ ﺗﻮﺭ ﺑﯧﺘﯩﻤﯘ، ﺑﺎﺭﻟﯩﻖ ﻣﯘﻧﺎﺯﯨﺮﯨﻠﻪﺭﻧﻰ ﺗﻮﻟﯘﻕ ﻛﯚﭼﯜﺭﯛﭖ ﺋﯧﻼﻥ ﻗﯩﻠﻐﺎﻥ.

"ﻓﺮﺍﻧﻜﻔﯘﺭﺕ ﺋﺎﻟﮕﻪﻣﻪﺋﯩﻨﻪ ﮔﯧﺰﯨﺘﻰ" ﻧﯩﯔ 28 - ﻣﺎﺭﺗﺘﯩﻜﻰ ﺧﻪﯞﯨﺮﯨﺪﻩ، ﻳﺎﻟﻐﯘﺯ ﺗﯩﺒﻪﺗﻠﯩﻜﻠﻪﺭﻻ ﺋﻪﻣﻪﺱ، ﺗﯜﺭﻙ ﺋﯩﺮﻗﯩﻐﺎ ﻣﻪﻧﺴﯘﭖ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺋﯧﺘﯩﻘﺎﺩﯨﻨﯩﯖﻤﯘ ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﻯ ﺗﻪﺭﯨﭙﯩﺪﯨﻦ ﺩﻩﭘﺴﻪﻧﺪﻩ ﻗﯩﻠﯩﻨﯩﯟﺍﺗﻘﺎﻧﻠﯩﻘﻰ ﻛﯩﺮﯨﺶ ﺳﯚﺯ ﺳﯜﭘﯩﺘﯩﺪﻩ ﺑﯧﺮﯨﻠﮕﻪﻥ.

ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻏﻪﺯﻩﭖ - ﻧﻪﭘﺮﯨﺘﻰ ﻗﺎﻧﺪﺍﻕ ﭘﻪﻳﺪﺍ ﺑﻮﻟﺪﻯ؟

„ﻫﻪﻗﯩﻘﻪﺗﻨﯩﯔ ﯞﺍﻗﺘﻰ ﻛﻪﻟﺪﻯ" ﻧﺎﻣﻠﯩﻖ ﺑﯘ ﺋﻪﺳﻪﺭ ﺗﯧﻤﯩﺴﯩﻨﯩﯔ ﻣﻪﺯﻣﯘﻥ ﺗﻪﺭﺟﯩﻤﯩﺴﻰ „ﻫﻪﻗﻨﻰ ﺳﯚﺯﻟﻪﻳﺪﯨﻐﺎﻥ ﯞﺍﻗﯩﺖ ﻛﻪﻟﺪﻯ" ﺩﯦﮕﻪﻧﺪﯨﻦ ﺋﯩﺒﺎﺭﻩﺕ ﺑﻮﻟﯘﭖ، ﺋﻪﻱ ﻣﻮﻣﻮ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﺳﺎﺧﺘﯩﭙﻪﺯ ﺑﯩﺮ ﻫﺎﻛﯩﻤﯩﻴﻪﺕ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻳﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻗﺎﺭﯨﺘﺎ ﻳﯜﺭﮔﯜﺯﯛﯞﺍﺗﻘﺎﻥ ﺳﯩﻴﺎﺳﯩﺘﯩﻨﯩﯔ ﻣﯘﺳﺘﻪﺑﯩﺖ ﺑﯩﺮ ﺳﯩﻴﺎﺳﻪﺕ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ. ﺋﯘ ﻣﯘﻧﺪﺍﻕ ﺩﯦﮕﻪﻥ: „ﺑﯘ ﻗﯧﺘﯩﻤﻘﻰ ﺗﯩﺒﻪﺕ ﻗﻮﺯﻏﯩﻠﯩﯖﻰ ﺧﯩﺘﺎﻳﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺳﯩﻴﺎﺳﯩﺘﯩﻨﯩﯔ ﻣﻪﻏﻠﯘﭖ ﺑﻮﻟﻐﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﺪﻯ". "ﺑﯩﺰ ﺧﯩﺘﺎﻳﻼﺭ ﺗﺎﺭﯨﺨﺘﯩﻦ ﺑﯘﻳﺎﻥ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻧﯘﺭﻏﯘﻥ ﺋﯩﺒﺎﺩﻩﺗﺨﺎﻧﯩﻠﯩﺮﯨﻨﻰ ﯞﻩ ﻣﻪﺩﻩﻧﯩﻴﯩﺘﯩﻨﻰ ﯞﻩﻳﺮﺍﻥ ﻗﯩﻠﯩﭗ ﺗﺎﺷﻠﯩﺪﯗﻕ." ﺋﻪﻱ ﻣﻮﻣﻮ ﻳﻪﻧﻪ، "ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﺑﯘ ﻏﻪﺯﻩﭖ - ﻧﻪﭘﺮﯨﺘﻰ ﻗﺎﻧﺪﺍﻕ ﭘﻪﻳﺪﺍ ﺑﻮﻟﺪﻯ؟ ﺋﻪﺟﯩﺒﺎ ﺑﯩﺰ، ﺋﯘﻻﺭﻧﯩﯔ ﻫﻮﻗﯘﻕ - ﻣﻪﻧﭙﻪﺋﻪﺗﻠﯩﺮﯨﮕﻪ ﺗﯜﭘﺘﯩﻦ ﻳﺎﺕ ﺑﯩﺮ ﺟﻪﻣﺌﯩﻴﻪﺗﻨﻰ ﺑﻪﺭﭘﺎ ﻗﯩﻠﯩﭗ ﻗﻮﻳﯘﭖ، ﻳﻪﻧﻪ ﻫﻪﻣﻤﻪ ﺋﯩﺶ ﻧﻮﺭﻣﺎﻝ ﺩﻩﭖ ﭼﯘﻗﺎﻥ ﺳﺎﻻﻣﺪﯗﻕ؟" ﺩﯦﮕﻪﻥ.

ﺋﻪﻱ ﻣﻮﻣﻮ ﺋﯚﺯ ﺳﯚﺯﯨﺪﻩ، ﺧﯩﺘﺎﻳﻨﯩﯔ ﺑﺎﺭﻟﯩﻖ ﺋﯘﭼﯘﺭﻻﺭﻧﻰ ﻳﯜﻛﺴﻪﻙ ﺩﻩﺭﯨﺠﯩﺪﻩ ﻗﺎﻣﺎﻝ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ، ﺧﻪﻟﻘﻘﻪ ﻏﻪﺭﺏ ﺋﻪﻟﻠﯩﺮﯨﻨﻰ ﺩﯛﺷﻤﻪﻥ ﻗﯩﻠﯩﭗ ﻛﯚﺭﺳﯩﺘﯩﯟﺍﺗﻘﺎﻧﻠﯩﻘﯩﻨﻰ، ﻫﻪﻗﯩﻘﻪﺗﻨﻰ ﺑﯩﻠﺪﯛﺭﯛﺷﺘﯩﻦ ﻗﻮﺭﻗﯩﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ، ﺧﯩﺘﺎﻱ ﻣﯩﻠﻠﯩﺘﯩﻨﯩﯔ ﺳﻪﻟﺒﯩﻲ ﺧﺎﺭﺍﻛﺘﯧﺮﯨﻨﻰ ﻛﯚﺭﺳﯩﺘﯩﭗ "ﺟﯘﯕﮕﻮﻟﯘﻗﻼﺭﺩﺍ ﺋﺎﺟﯩﺰﻻﺭ ﺋﯜﭼﯜﻥ ﻛﯜﺭﻩﺵ ﻗﯩﻠﯩﺶ ﺋﻪﻧﺌﻪﻧﯩﺴﻰ ﻳﻮﻕ. ﺋﺎﺟﯩﺰﻻﺭ ﺯﯨﻴﺎﻥ ﺗﺎﺭﺗﻘﯘﭼﯩﺪﯗﺭ. ﺑﯘ ﺟﻪﻣﺌﯩﻴﻪﺗﺘﻪ ﺋﯘﻻﺭﻏﺎ ﺋﻮﺭﯗﻥ ﻳﻮﻕ. ﺑﯘ ﺟﻪﻣﺌﯩﻴﻪﺕ ﻏﺎﻟﯩﺒﻼﺭ ﺑﯩﻠﻪﻥ ﻛﯜﭼﻠﯜﻛﻠﻪﺭﻧﯩﯔ ﺟﻪﻣﺌﯩﻴﯩﺘﻰ" ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ.

ﻏﻪﺭﺏ ﺧﯩﺘﺎﻱ ﺩﯛﺷﻤﻪﻧﻠﯩﻜﯩﻨﻰ ﻛﯜﭼﻪﻳﺘﯩﯟﯦﺘﯩﺪﯗ

ﺋﻪﻱ ﻣﻮﻣﻮﻧﯩﯔ ﭘﯜﺗﯜﻥ ﭘﯩﻜﯩﺮﻟﯩﺮﻯ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺟﯩﻨﺎﻳﻪﺗﻠﯩﺮﯨﻨﻰ ﭘﺎﺵ ﻗﯩﻠﯩﺸﻘﺎ ﻣﻪﺭﻛﻪﺯﻟﻪﺷﻜﻪﻥ ﺑﻮﻟﯘﭖ، ﺟﯘﻧﻪﺟﯘﻧﻪ ﺗﻪﺧﻪﻟﻠﯘﺳﻠﯘﻕ ﺧﯩﺘﺎﻱ „ﻫﻪﻗﯩﻘﻪﺕ ﺋﺎﺭﯨﺪﯨﻜﻰ ﺑﯩﺮ ﻳﻪﺭﺩﻩ" ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ ﺋﯘﻧﯩﯔ ﭘﯩﻜﯩﺮﻟﯩﺮﯨﻨﻰ ﺋﯩﻨﻜﺎﺭ ﻗﯩﻠﯩﺸﻘﺎ ﺋﯘﺭﯗﻧﻐﺎﻥ. ﺋﯘ ﺳﯚﺯﯨﺪﻩ، ﺗﯩﺒﻪﺗﻨﯩﯔ ﺋﻪﺯﻩﻟﺪﯨﻦ ﺟﯘﯕﮕﻮﻧﯩﯔ ﺑﯩﺮ ﻗﯩﺴﻤﻰ ﺋﯩﻜﻪﻧﻠﯩﻜﯩﻨﻰ، ﻫﻪﺭ ﻗﺎﻧﺪﺍﻕ ﻫﯚﻛﯜﻣﻪﺗﻨﯩﯔ ﺋﯩﭽﻜﻰ ﺗﻮﭘﯩﻼﯕﻨﻰ ﺗﯩﻨﺠﯩﺘﯩﺪﯨﻐﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﺪﻩ ﻗﻮﻟﻼﻧﻐﺎﻥ ﺗﻪﺩﺑﯩﺮﻟﯩﺮﯨﻨﯩﯔ ﺗﻮﻏﺮﯨﻠﯩﻘﯩﻨﻰ، ﺋﯚﺯﯨﻨﯩﯔ ﺑﯩﺮ ﺧﯩﺘﺎﻱ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺩﯙﻟﯩﺘﯩﻨﯩﯔ ﺯﯦﻤﯩﻦ ﭘﯜﺗﯜﻧﻠﯩﻜﯩﻨﻰ ﻗﻮﻏﺪﺍﺵ ﺗﻪﺭﻩﭘﺪﺍﺭﻯ ﺋﯩﻜﻪﻧﻠﯩﻜﯩﻨﻰ، ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺗﯩﺒﻪﺗﺘﯩﻜﻰ ﻗﺎﻥ ﺗﯚﻛﯜﻟﯜﺷﻨﻰ ﻛﯚﭘﺘﯜﺭﯛﭖ ﺗﻪﺷﯟﯨﻖ ﻗﯩﻠﯩﭗ، ﺧﯩﺘﺎﻱ ﺩﯛﺷﻤﻪﻧﻠﯩﻜﯩﻨﻰ ﻛﯜﭼﻪﻳﺘﯩﯟﺍﺗﻘﺎﻧﻠﯩﻘﯩﻨﻰ ﺷﻪﺭﻫﯩﻠﯩﮕﻪﻥ. "ﯞﺍﺷﯩﻨﮕﺘﻮﻥ ﭘﻮﭼﺘﯩﺴﻰ" ﮔﯧﺰﯨﺘﻰ، ﻧﯧﭙﺎﻟﺪﯨﻜﻰ ﺗﯩﺒﻪﺗﻠﯩﻜﻠﻪﺭ ﯞﻩﻗﻪﺳﯩﻨﻰ ﻟﺨﺎﺳﺎﺩﯨﻜﻰ ﯞﻩﻗﻪ ﺩﻩﭖ ﺧﺎﺗﺎ ﺋﯧﻼﻥ ﻗﯩﻠﻐﺎﻥ ﺑﯩﺮ ﺭﻩﺳﯩﻤﻨﻰ، ﮔﯧﺮﻣﺎﻧﯩﻴﯩﺪﯨﻜﻰ ﺑﺎﺭﻟﯩﻖ ﻣﻪﺗﺒﯘﺋﺎﺗﻼﺭ ﯞﻩ ﺋﯩﻨﺘﯧﺮﻧﯧﺖ ﺗﻮﺭ ﺑﻪﺗﻠﯩﺮﯨﻨﯩﯔ ﻛﯚﭼﯜﺭﯛﭖ ﺋﯧﻼﻥ ﻗﯩﻠﻐﺎﻧﻠﯩﻘﯩﻨﻰ ﭘﺎﻛﯩﺖ ﻗﯩﻠﯩﭗ ﻛﯚﺭﺳﻪﺗﻜﻪﻥ.

ﺗﺎﻣﺎﻣﻪﻥ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﻨﯩﯔ ﺋﯩﺮﺍﺩﯨﺴﯩﮕﻪ ﺋﯘﻳﻐﯘﻥ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻥ ﺟﯘﻧﻪﺟﯘﻧﻪﻧﯩﯔ ﺳﯚﺯﻟﯩﺮﻯ ﻛﯜﭼﻠﯜﻙ ﻗﺎﺭﺷﯩﻠﯩﻘﻘﺎ ﺩﯗﭺ ﻛﻪﻟﮕﻪﻥ. ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﺑﻪﺵ ﻗﻮﻟﺪﻩﻙ ﺑﯩﻠﯩﺪﯨﻐﺎﻥ ﻧﯘﺭﻏﯘﻧﻠﯩﻐﺎﻥ ﮔﯧﺮﻣﺎﻥ ﺯﯨﻴﺎﻟﯩﻴﻠﯩﺮﻯ، ﺋﯘﻧﯩﯔ ﺗﻪﺷﯟﯨﻘﺎﺗﯩﻨﯩﯔ ﻣﯧﺰﯨﻨﻰ ﭼﯘﯞﯗﯞﻩﺗﻜﻪﻥ. ﺗﯩﺒﻪﺗﻨﯩﯔ ﻫﯧﭻ ﻗﺎﭼﺎﻥ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ ﺑﻮﻟﻤﯩﻐﺎﻧﻠﯩﻘﯩﻨﻰ، 1949 - ﻳﯩﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﯩﺘﺎﻱ ﻛﻮﻣﻤﯘﻧﯩﺴﺖ ﺋﺎﺭﻣﯩﻴﯩﺴﻰ ﺗﻪﺭﯨﭙﯩﺪﯨﻦ ﺋﯩﺴﺘﯩﻼ ﻗﯩﻠﯩﻨﯩﭗ ﺑﯩﺮ ﻳﯩﻠﺪﯨﻦ ﻛﯧﻴﯩﻦ، ﺧﯩﺘﺎﻳﻨﯩﯔ ﺗﯩﺒﻪﺗﻨﻰ ﺑﯧﺴﯩﯟﺍﻟﻐﺎﻧﻠﯩﻘﯩﻨﻰ ﭘﺎﻛﯩﺘﻠﯩﺮﻯ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺋﯘﻳﻐﯘﺭ ﯞﻩﺗﯩﻨﻰ ﺑﯧﺴﯩﯟﯦﻠﯩﻨﻐﺎﻥ ﺯﯦﻤﯩﻦ

ﺑﯘ ﻣﯘﻧﺎﺯﯨﺮﻩ ﺋﺎﺭﯨﺴﯩﺪﺍ ﻣﯩﻜﻪ ﺋﻮﺳﻜﺎﺭ ﺋﯩﺴﯩﻤﻠﯩﻚ ﺑﯩﺮ ﮔﯧﺮﻣﺎﻥ ﺯﯨﻴﺎﻟﯩﻴﺴﻰ، ﻣﺎﯞﺯﯦﺪﯗﯕﻨﯩﯔ 1950 - ﻳﯩﻠﻰ ﺋﯚﺯ ﮔﯧﻨﯧﺮﺍﻟﻠﯩﺮﯨﻐﺎ ﻣﯘﻧﺪﺍﻕ ﺩﯦﮕﻪﻧﻠﯩﻜﯩﻨﻰ ﭘﺎﻛﯩﺖ ﺳﯜﭘﯩﺘﯩﺪﻩ ﻛﯚﺭﺳﻪﺗﻜﻪﻥ: "ﺷﯩﺰﺍﯓ ﺑﻮﻟﺴﺎ ﺷﯩﻨﺠﺎﯓ ﺋﻪﻣﻪﺱ. ﻗﻪﺩﯨﻤﻘﻰ ﺷﯩﻨﺠﺎﯓ ﺟﻪﻣﯩﻴﯩﺘﯩﺪﻩ 200 ﻣﯩﯖﺪﯨﻦ 300 ﻣﯩﯖﻐﯩﭽﻪ ﺧﯩﺘﺎﻱ ﻳﺎﺷﯩﻐﺎﻥ. ﺋﻪﻣﻤﺎ ﺗﯩﺒﻪﺗﺘﻪ ﺑﯩﺮﻣﯘ ﺧﯩﺘﺎﻱ ﻳﻮﻕ. ﺳﯩﻠﻪﺭ ﺧﯩﺘﺎﻱ ﺋﺎﻳﺎﻕ ﺑﺎﺳﻤﯩﻐﺎﻥ ﺋﯘﻧﯩﯖﺪﯨﻦ ﺑﺎﺷﻘﺎ ﺑﯩﺮ ﺩﯙﻟﻪﺗﻨﻰ ﺗﯧﭙﯩﭗ ﺑﯧﻘﯩﯖﻼﺭ ﻗﯧﻨﻰ."

ﻣﺎﯞﺯﯦﺪﯗﯕﻨﯩﯔ ﺑﯘ ﺳﯚﺯﻯ ﺩﯨﻘﻘﻪﺗﻜﻪ ﺋﻪﺭﺯﯨﻴﺪﯨﻐﺎﻥ ﺑﯩﺮ ﻗﺎﻧﭽﻪ ﻣﻪﻧﯩﺪﯨﻦ ﺑﯩﺸﺎﺭﻩﺕ ﺑﻪﺭﮔﻪﻥ. ﺑﯩﺮﻯ، ﺋﯘﻳﻐﯘﺭ ﯞﻩﺗﯩﻨﻰ ﯞﻩ ﺗﯩﺒﻪﺗﻨﯩﯔ ﺋﻪﺯﻩﻟﺪﯨﻦ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ ﺋﻪﻣﻪﺳﻠﯩﻜﻰ ﻛﯚﺭﺳﯩﺘﯩﻠﮕﻪﻥ. ﺋﯩﻜﻜﯩﻨﭽﯩﺪﯨﻦ، ﺗﯩﺒﻪﺗﻠﯩﻜﻠﻪﺭﻧﯩﯔ ﻫﯧﭻ ﻗﺎﭼﺎﻥ ﺧﯩﺘﺎﻳﻐﺎ ﺗﯩﺒﻪﺗﺘﻪ ﻳﺎﺷﺎﺵ ﻫﻪﻗﻘﻰ ﺑﻪﺭﻣﯩﮕﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ. ﺋﯜﭼﯩﻨﭽﯩﺪﯨﻦ، 1950 - ﻳﯩﻠﻼﺭﻏﯩﭽﻪ ﺋﯘﻳﻐﯘﺭ ﯞﻩﺗﯩﻨﯩﺪﻩ ﻳﺎﺷﯩﻐﺎﻥ ﺧﯩﺘﺎﻳﻨﯩﯔ ﻧﻮﭘﯘﺳﯩﻨﯩﯔ 300 ﻣﯩﯖﺪﯨﻦ ﺋﺎﺷﻤﯩﻐﺎﻧﻠﯩﻘﻰ ﺋﯧﺘﯩﺮﺍﭖ ﻗﯩﻠﯩﻨﻐﺎﻥ. ﺗﯚﺗﯩﻨﭽﯩﺪﯨﻦ، ﺋﯘﻳﻐﯘﺭ ﯞﻩﺗﯩﻨﻰ ﯞﻩ ﺗﯩﺒﻪﺗﻨﯩﯔ ﺧﯩﺘﺎﻱ ﻗﯩﺰﯨﻞ ﺋﺎﺭﻣﯩﻴﯩﺴﻰ ﺗﻪﺭﯨﭙﯩﺪﯨﻦ ﺑﯧﺴﯩﯟﯦﻠﯩﻨﻐﺎﻥ ﺯﯦﻤﯩﻦ ﺋﯩﻜﻪﻧﻠﯩﻜﻰ ﺋﯩﺴﭙﺎﺗﻼﻧﻐﺎﻥ.

ﺳﯘﻧﺠﻮﯕﺸﻪﻥ: ﺋﯘﻳﻐﯘﺭﻻﺭ ﺋﯩﮕﯩﻠﯩﻚ ﻫﻮﻗﯘﻗﯩﻨﻰ ﺗﻪﻟﻪﭖ ﻗﯩﻠﺴﺎ ﺑﻮﻟﯩﺪﯗ

ﻣﻪﻟﯘﻣﻜﻰ، ﺩﺭ. ﺳﯘﻧﺠﻮﯕﺸﻪﻥ ﺟﯘﯕﺨﯘﺍ ﻣﯩﻨﮕﻮﻧﻰ ﻗﯘﺭﻏﺎﻥ ﯞﺍﻗﺘﯩﺪﺍ، ﺋﯘﻳﻐﯘﺭﻻﺭ، ﺗﯩﺒﻪﺗﻠﻪﺭ ﯞﻩ ﻣﻮﯕﻐﯘﻟﻼﺭﻧﯩﯔ ﺧﺎﻟﯩﺴﺎ ﺋﯚﺯﻟﯩﺮﯨﻨﯩﯔ ﺋﯩﮕﯩﻠﯩﻚ ﻫﻮﻗﯘﻗﯩﻨﻰ ﺗﻪﻟﻪﭖ ﻗﯩﻠﺴﺎ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ. ﺑﯘﻧﯩﯔ ﭘﺎﻛﯩﺘﻰ ﺋﯘﻳﻐﯘﺭ ﺳﯩﻴﺎﺳﯩﻴﻮﻧﻠﯩﺮﯨﻨﯩﯔ ﻗﻮﻟﯩﺪﺍ ﻫﺎﺯﯨﺮﻣﯘ ﻣﻪﯞﺟﯘﺩ. ﺋﯘﻧﯩﯔ ﯞﺍﭘﺎﺗﯩﺪﯨﻦ ﻛﯧﻴﯩﻦ ﻫﺎﻛﯩﻤﯩﻴﻪﺕ ﺑﯧﺸﯩﻐﺎ ﭼﯩﻘﻘﺎﻥ ﺟﻴﺎﯓ ﺟﻴﯧﺸﻰ ﺋﯘﻳﻐﯘﺭﻻﺭ، ﺗﯩﺒﻪﺗﻠﻪﺭ ﯞﻩ ﻣﻮﯕﻐﯘﻟﻼﺭﻧﯩﯔ ﺋﯩﮕﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﻨﻰ ﻳﺎﭘﻮﻥ ﺋﯘﺭﯗﺷﻰ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ ﺑﯩﺮ ﺗﻪﺭﻩﭖ ﻗﯩﻠﯩﺸﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺩﺭ. ﺳﯘﻧﺠﻮﯕﺸﻪﻧﻨﯩﯔ ﯞﻩﺩﯨﺴﯩﮕﻪ ﺧﯩﻴﺎﻧﻪﺕ ﻗﯩﻠﻐﺎﻥ.

1949 - ﻳﯩﻠﻰ ﺋﯘﻳﻐﯘﺭ ﯞﻩﺗﯩﻨﯩﮕﻪ ﺑﯧﺴﯩﭗ ﻛﯩﺮﮔﻪﻥ ﺧﯩﺘﺎﻱ ﻗﯩﺰﯨﻞ ﺋﺎﺭﻣﯩﻴﯩﺴﻰ ﺑﻮﻟﺴﺎ، ﮔﻮﻣﯩﻨﺪﺍﯕﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻗﺎﻟﺪﯗﻕ ﻛﯜﭼﻠﯩﺮﯨﻨﻰ ﺗﺎﺯﯨﻼﭖ ﺑﻮﻟﯘﭘﻼ ﭼﯩﻘﯩﭗ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﯞﻩﺩﻩ ﻗﯩﻠﯩﭗ، ﺋﯘﻳﻐﯘﺭ ﺯﯦﻤﯩﻨﯩﻨﻰ ﻣﯘﺳﺘﻪﻣﻠﯩﻜﯩﺴﯩﮕﻪ ﺋﯧﻠﯩﯟﺍﻟﻐﺎﻥ. ﻫﺎﻟﺒﯘﻛﻰ، ﻣﺎﯞﺯﯦﺪﯗﯓ، 1927 - ﻳﯩﻠﻰ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﻨﯩﯔ ﺑﯩﺮ ﻳﯩﻐﯩﻨﯩﺪﺍ، ﺋﯘﻳﻐﯘﺭﻻﺭﻧﯩﯔ ﺋﯩﮕﯩﻠﯩﻚ ﻫﻮﻗﯘﻗﯩﻨﻰ ﺗﻮﻧﯘﺷﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻥ. ﺑﯘﻧﯩﯔ ﭘﺎﻛﯩﺘﻠﯩﺮﯨﻤﯘ ﻫﯧﻠﯩﻬﻪﻡ ﺳﺎﻗﻼﻧﻤﺎﻗﺘﺎ. ﻣﻪﺯﻛﯘﺭ ﻣﯘﻧﺎﺯﯨﺮﯨﺪﻩ ﻫﯧﭻ ﺑﯩﺮ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﯞﻩ ﺋﯘﻧﯩﯔ ﺭﻩﻫﺒﻪﺭﻟﯩﺮﯨﻨﯩﯔ ﺋﯚﺯﻟﯩﺮﻯ ﺑﻪﺭﮔﻪﻥ ﯞﻩﺩﯨﺪﻩ ﺗﯘﺭﻣﯩﻐﺎﻧﻠﯩﻘﻰ ﮔﯧﺮﻣﺎﻥ ﺯﯨﻴﺎﻟﯩﻠﯩﺮﯨﻨﯩﯔ ﺋﺎﻏﺰﻯ ﺋﺎﺭﻗﯩﻠﯩﻖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﮔﯧﺮﻣﺎﻧﯩﻴﻪ ﻣﻪﺗﺒﯘﺋﺎﺗﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭ ﯞﻩ ﺗﯩﺒﻪﺗﻠﯩﻜﻠﻪﺭﮔﻪ ﺋﺎﺋﯩﺖ ﺑﯘ ﻣﯘﻧﺎﺯﯨﺮﯨﻨﯩﯔ ﻣﻪﺯﻣﯘﻥ ﺩﺍﺋﯩﺮﯨﺴﻰ ﻛﻪﯓ، ﭘﯩﻜﯩﺮ ﻗﺎﺗﻨﺎﺷﺘﯘﺭﻏﯘﭼﯩﻼﺭ ﺳﺎﻧﻰ ﻛﯚﭖ ﺑﻮﻟﯘﭖ، ﻫﯧﻠﯩﻤﯘ ﻗﯩﺰﺯﯨﻖ ﺑﯩﺮ ﺗﯧﻤﺎ ﺳﯜﭘﯩﺘﯩﺪﻩ ﺩﺍﯞﺍﻡ ﻗﯩﻠﻤﺎﻗﺘﺎ. ﺑﯩﺰ ﺑﯘ ﻣﯘﻧﺎﺯﯨﺮﯨﺪﯨﻦ ﭘﻪﻗﻪﺕ ﻗﯩﺴﻘﯩﭽﻪ ﺋﯜﺯﯛﻧﺪﯨﻠﻪﺭ ﺗﻪﻗﺪﯨﻢ ﻗﯩﻠﯩﺶ ﺑﯩﻠﻪﻥ ﭼﻪﻛﻠﻪﻧﺪﯗﻕ. (ﺋﻪﻛﺮﻩﻡ)