ﺋﻪﻣﯩﻠﯩﻴﻪﺗﺘﻪ ﺑﻮﻟﺴﺎ، ﻏﻪﺭﺏ ﺋﻪﻟﻠﯩﺮﯨﻨﯩﯔ ﺑﯘ ﺳﻮﺋﺎﻟﻨﯩﯔ ﻫﻪﻗﯩﻘﯩﻲ ﺟﺎﯞﺍﺑﯩﻐﺎ ﻗﯩﺰﯨﻘﯩﺸﯩﻨﯩﯔ ﻣﻪﻟﯘﻡ ﺳﻪﯞﻩﺑﻠﯩﺮﻯ ﺑﺎﺭ، ﭼﯜﻧﻜﻰ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺋﺎﻣﯧﺮﯨﻜﯩﺪﺍ ﻳﯜﺯ ﺑﻪﺭﮔﻪﻥ "11 - ﺳﯩﻨﺘﻪﺑﯩﺮ " ﺗﯧﺮﺭﻭﺭ ﯞﻩﻗﻪﺳﯩﺪﯨﻦ ﺑﯘﻳﺎﻥ ﭘﯜﺗﯜﻥ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﺩﯗﻧﻴﺎ ﺳﯩﻴﺎﺳﯩﻲ ﺳﻪﻫﻨﯩﻠﯩﺮﯨﺪﻩ ﻗﺎﻧﺪﺍﻗﺘﯘﺭ ﺋﻮﺳﺎﻣﺎ ﺑﯩﻨﻼﺩﯨﻦ ﯞﻩ ﺋﯘﻧﯩﯔ ﺋﻪﻝ ﻗﺎﺋﯩﺪﻩ ﺗﻪﺷﻜﯩﻼﺗﻰ ﺑﯩﻠﻪﻥ ﺋﺎﻻﻗﯩﺴﻰ ﺑﺎﺭ " ﺗﯧﺮﺭﻭﺭﭼﻰ ﻫﻪﺭﯨﻜﻪﺕ" ﺩﻩﭖ ﻗﺎﺭﯨﻼﭖ ﻛﻪﻟﻤﻪﻛﺘﻪ.

ﻣﻪﻳﻠﻰ ﺗﯩﻨﭽﻠﯩﻖ ﺷﻪﻛﻠﯩﺪﻩ ﻫﻪﺭﯨﻜﻪﺕ ﺋﯧﻠﯩﭗ ﺑﺎﺭﻏﺎﻥ ﺑﻮﻟﺴﯘﻥ ﻳﺎﻛﻰ ﻗﻮﺭﺍﻟﻠﯩﻖ ﻛﯜﺭﻩﺵ ﻗﯩﻠﻐﺎﻥ ﺑﻮﻟﺴﯘﻥ، ﺋﻮﻣﯘﻣﻪﻥ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﯞﻩ ﺋﯘﻧﯩﯔ ﺯﯗﻟﻤﯩﻐﺎ ﻗﺎﺭﺷﻰ ﺗﯘﺭﻏﺎﻥ ﻳﺎﻛﻰ ﺋﯧﺘﯩﺮﺍﺯ ﺑﯩﻠﺪﯛﺭﮔﻪﻥ ﺋﯘﻳﻐﯘﺭﻻﺭﻧﯩﯔ ﻫﻪﻣﻤﯩﺴﯩﮕﯩﻼ ﻗﺎﺭﺍ - ﻗﻮﻳﯘﻕ ﻫﺎﻟﺪﺍ " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﻯ " ﺩﯦﮕﻪﻥ ﻗﺎﻟﭙﺎﻕ ﻛﻪﻳﺪﯛﺭﯛﻟﮕﻪﻥ ﺑﻮﻟﯘﭖ، ﺧﯩﺘﺎﻳﻨﯩﯔ ﻣﻪﻗﺴﯩﺘﻰ، ﺋﯘﻳﻐﯘﺭﻻﺭﻧﯩﯔ ﻫﻪﻗﻘﺎﻧﯩﻲ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﺧﻪﻟﻘﺌﺎﺭﺍ ﺗﯧﺮﺭﻭﺭﭼﯩﻠﯩﻘﻨﯩﯔ ﺑﯩﺮ ﭘﺎﺭﭼﯩﺴﻰ ﻗﯩﻠﯩﭗ ﻛﯚﺭﺳﯩﺘﯩﺶ ﺋﯩﺪﻯ.

ﺧﯩﺘﺎﻳﻨﯩﯔ ﺑﯘ ﺟﻪﻫﻪﺗﺘﻪ ﺗﯩﻨﯩﻤﺴﯩﺰ ﻫﺎﻟﺪﺍ ﺋﯧﻠﯩﭗ ﺑﺎﺭﻏﺎﻥ ﻗﺎﺭﯨﻼﺵ ﻫﻪﺭﯨﻜﯩﺘﻰ، ﻏﻪﺭﺏ ﺋﻪﻟﻠﯩﺮﻯ ﺋﺎﺭﯨﺴﯩﺪﺍ ﻗﯩﺴﻤﻪﻥ ﻗﺎﻳﻤﯘﻗﺘﯘﺭﯗﺵ ﺭﻭﻟﯩﻨﯩﻤﯘ ﺋﻮﻳﻨﯩﻐﺎﻥ، ﻣﻪﺳﯩﻠﻪﻥ، " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﻰ" ﺗﻪﺷﻜﯩﻼﺗﯩﻨﯩﯔ ﺑﯩﺮﻟﻪﺷﻜﻪﻥ ﺩﯙﯞﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﻪﺭﯨﭙﯩﺪﯨﻦ " ﺗﯧﺮﺭﻭﺭﭼﻰ ﺗﻪﺷﻜﯩﻼﺕ " ﺩﻩﭖ ﺋﯧﻼﻥ ﻗﯩﻠﯩﻨﻐﺎﻧﻠﯩﻘﻰ ﯞﻩ 22 ﻧﻪﭘﻪﺭ ﺋﯘﻳﻐﯘﺭﻧﯩﯔ ﺋﺎﻓﻐﺎﻧﯩﺴﺘﺎﻥ ﯞﻩ ﭘﺎﻛﯩﺴﺘﺎﻧﻼﺭﺩﺍ ﺋﺎﻣﯧﺮﯨﻜﺎ ﺗﻪﺭﯨﭙﯩﺪﯨﻦ " ﺗﯧﺮﺭﻭﺭ ﮔﯘﻣﺎﻧﺪﺍﺭﻯ " ﺩﻩﭖ ﺗﯘﺗﻘﯘﻥ ﻗﯩﻠﯩﻨﯩﭗ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﮕﻪ ﻗﺎﻣﺎﻟﻐﺎﻧﻠﯩﻘﻰ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﭼﻪﺗﺌﻪﻟﻠﻪﺭﺩﻩ ﺋﯧﻠﯩﭗ ﺑﺎﺭﻏﺎﻥ ﻏﺎﻳﻪﺕ ﺯﻭﺭ ﻗﺎﺭﯨﻼﺵ ﻛﺎﻣﭙﺎﻧﯩﻴﯩﺴﯩﻨﯩﯔ ﯞﻩ ﺗﯚﻫﻤﻪﺗﺨﻮﺭﻟﯘﻗﯩﻨﯩﯔ ﺑﯩﯟﺍﺳﺘﻪ ﻣﻪﻫﺴﯘﻟﻰ ﺋﯩﺪﻯ.

ﺋﻪﺳﻠﯩﺪﻩ ﺧﯩﺘﺎﻳﻨﯩﯔ ﻛﯚﯕﻠﯩﮕﻪ ﭘﯜﻛﻜﻪﻥ ﻣﯘﺩﺩﯨﺌﺎﺳﻰ، " ﺋﯘﻳﻐﯘﺭﻻﺭﻧﯩﯔ ﺩﯛﺷﻤﯩﻨﻰ ﭘﻪﻗﻪﺕ ﺑﯩﺰﻻ ﺋﻪﻣﻪﺱ، ﺋﻪﻝ - ﻗﺎﺋﯩﺪﻩﻧﯩﯔ ﺩﯛﺷﻤﯩﻨﻰ ﺋﯘﻳﻐﯘﺭﻧﯩﯖﻤﯘ ﺩﯛﺷﻤﯩﻨﻰ " ﺩﯦﮕﻪﻥ ﻗﺎﺭﺍﺷﻨﻰ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﻛﺎﻟﻠﯩﺴﯩﻐﺎ ﺳﯩﯖﺪﯛﺭﯛﺵ، ﺑﯘ ﺋﺎﺭﻗﯩﻠﯩﻖ ﺋﯚﺯﻟﯩﺮﯨﻨﯩﯔ ﺋﯘﻳﻐﯘﺭ ﺧﻪﻟﻘﻰ ﺋﯜﺳﺘﯩﺪﯨﻦ ﺋﯧﻠﯩﭗ ﺑﺎﺭﻏﺎﻥ ﺟﯩﻨﺎﻳﻰ ﻗﯩﻠﻤﯩﺸﻠﯩﺮﯨﻨﻰ ﻳﻮﺷﯘﺭﯗﺷﺘﯩﻦ ﺋﯩﺒﺎﺭﻩﺕ ﺋﯩﺪﻯ.

ﭼﯜﻧﻜﻰ ﺧﻪﻟﻘﺌﺎﺭﺍ ﺗﯧﺮﺭﻭﺭﻟﯘﻗﻨﯩﯔ ﺑﺎﺵ ﻣﻪﻧﺒﯩﻴﻰ ﻫﯧﺴﺎﺑﻼﻧﻐﺎﻥ ﺋﻪﻝ ﻗﺎﺋﯩﺪﻩ ﯞﻩ ﺋﯘﻧﯩﯔ ﺋﯩﺘﺘﭙﺎﻗﺪﯨﺸﻰ ﺗﺎﻟﯩﺒﺎﻧﻨﯩﯔ " ﺩﯛﺷﻤﻪﻥ " ﻟﯩﺮﯨﻨﻰ ﺳﺎﻧﺎﭖ ﺗﯜﮔﯩﺘﯩﺶ ﻣﯘﻣﻜﯩﻦ ﺋﻪﻣﻪﺱ، ﺋﯘﻻﺭﻧﯩﯔ ﻧﻪﺯﯨﺮﯨﺪﻩ ﺋﯚﺯﻟﯩﺮﯨﻨﯩﯔ ﺋﻪﺳﻪﺑﯩﻲ ﯞﻩ ﺭﺍﺩﯨﻜﺎﻝ ﺋﯩﺪﯦﺌﻮﻟﻮﮔﯩﻴﯩﺴﯩﮕﻪ ﻗﺎﺭﺷﻰ ﺗﯘﺭﻏﺎﻧﻠﯩﻜﻰ ﭘﯜﺗﯜﻥ ﺋﯩﻨﺴﺎﻧﻼﺭ، ﺷﯘﻧﺪﺍﻗﻼ ﺩﯦﻤﻮﻛﺮﺍﺗﯩﻴﻪ ﯞﻩ ﻛﯩﺸﯩﻠﯩﻚ ﻫﻮﻗﻮﻗﻨﻰ ﻳﺎﻗﻠﯩﻐﯘﭼﻰ ﺩﯦﻤﻮﻛﺮﺍﺗﯩﻚ ﺋﻪﻟﻠﻪﺭﻧﯩﯔ ﻫﻪﻣﻤﯩﺴﯩﻼ " ﺩﯛﺷﻤﻪﻥ ﻛﯜﭺ " ﺗﯩﻦ ﺋﯩﺒﺎﺭﻩﺕ.

ﺋﯘﻻﺭﻣﯘ ﺧﯘﺩﺩﻯ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﺪﻩﻙ، " ﺩﯦﻤﻮﻛﺮﺍﺗﯩﻴﻪ " ﯞﻩ " ﻛﯩﺸﯩﻠﯩﻚ ﻫﻮﻗﻮﻕ " ﺩﯦﮕﻪﻥ ﻛﻪﻟﯩﻤﯩﻠﻪﺭﺩﯨﻦ ﻧﻪﭘﺮﻩﺕ ﻗﯩﻠﯩﺪﯗ، ﺋﯚﺯﻟﯩﺮﯨﻨﯩﯔ ﺩﯗﻧﻴﺎ ﻗﺎﺭﯨﺸﯩﻨﻰ ﯞﻩ ﺋﯩﺪﯦﺌﻮﻟﻮﮔﯩﻴﯩﺴﯩﻨﻰ ﺑﺎﺷﻘﯩﻼﺭﻏﺎ ﺗﻪﻫﺪﯨﺖ ﯞﻩ ﺗﯧﺮﺭﻭﺭﻟﯩﻖ ﺋﯘﺳﻮﻟﻼﺭ ﺑﯩﻠﻪﻥ ﺯﻭﺭﻻﭖ ﻗﻮﺑﯘﻝ ﻗﯩﻠﺪﯗﺭﯗﺷﻘﺎ ﺗﯩﺮﯨﺸﯩﺪﯗ.

ﺩﯦﻤﻪﻙ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﺋﻪﻝ ﻗﺎﺋﯩﺪﻩ ﺑﯩﻠﻪﻥ ﺋﺎﻻﻗﯩﺪﺍﺭ ﻗﯩﻠﯩﭗ ﻛﯚﺭﺳﯩﺘﯩﺸﻜﻪ ﺋﯘﺭﯗﻧﯘﺷﻰ، ﺋﯘﻳﻐﯘﺭﻻﺭ ﺋﯜﭼﯜﻥ ﺳﯜﻧﺌﯩﻲ ﺩﯛﺷﻤﻪﻥ ﭘﻪﻳﺪﺍ ﻗﯩﻠﯩﺶ ﯞﻩ ﺩﯦﻤﻮﻛﺮﺍﺗﯩﻚ ﺋﻪﻟﻠﻪﺭﺩﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﮕﻪ ﻗﺎﺭﯨﺘﺎ ﺋﯚﭼﻤﻪﻧﻠﯩﻚ ﯞﻩ ﮔﯘﻣﺎﻥ ﺗﯘﻳﻐﯘﺳﻰ ﭘﻪﻳﺪﺍ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺋﯩﻨﺘﺎﻳﯩﻦ ﺋﻪﺧﻼﻗﺴﯩﺰ ﯞﻩ ﺯﻩﻫﻪﺭﺧﻪﻧﺪﻩ ﺑﯩﺮ ﻫﻪﺭﯨﻜﻪﺕ ﺋﯩﺪﻯ.

ﺋﻪﻣﻤﺎ ﺋﯘﻳﻐﯘﺭ ﺧﻪﻟﻘﻰ ﯞﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﻰ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺑﯘ ﺧﯩﻞ ﺳﯩﻴﺎﺳﯩﻲ ﺳﯜﻳﯩﻘﻪﺳﺘﯩﮕﻪ ﺋﯚﺯﻟﯩﺮﯨﻨﯩﯔ ﺋﻪﻣﻪﻟﯩﻲ ﻫﻪﺭﯨﻜﯩﺘﻰ ﺋﺎﺭﻗﯩﻠﯩﻖ ﺟﺎﯞﺍﺏ ﻗﺎﻳﺘﯘﺭﺩﻯ ﯞﻩ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﻰ ﺋﺎﻟﺪﯨﺪﯨﻤﯘ ﺋﯚﺯﻟﯩﺮﯨﮕﻪ ﺯﯗﻟﯘﻡ ﺳﯩﻠﯩﯟﺍﺗﻘﺎﻥ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﺪﯨﻦ ﺑﺎﺷﻘﺎ ﺩﯛﺷﻤﯩﻨﯩﻨﯩﯔ ﻣﻪﯞﺟﯘﺕ ﺋﻪﻣﻪﺳﻠﯩﻜﯩﻨﻰ ﺋﯩﺴﭙﺎﺗﻠﯩﺪﻯ.

ﻣﻪﺳﯩﻠﻪﻥ، ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ ﺭﺍﺩﯨﺌﻮﺳﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ، " 4 ﻧﻪﭘﻪﺭ ﺋﯘﻳﻐﯘﺭ ﺗﯘﺗﻘﯘﻥ ﺑﯧﺮﻣﯘﺩﺍ ﺋﺎﺭﺍﻟﻠﯩﺮﯨﺪﺍ ﻳﯧﯖﻰ ﻫﺎﻳﺎﺗﻘﺎ ﻗﻪﺩﻩﻡ ﺑﺎﺳﺘﻰ " ﺩﯦﮕﻪﻥ ﻣﺎﯞﺯﯗﺩﯨﻜﻰ ﺑﯩﺮ ﻣﺎﻗﺎﻟﯩﺪﻩ ﺋﯘﻳﻐﯘﺭﻻﺭﻧﯩﯔ ﺩﯛﺷﻤﯩﻨﻰ ﻛﯩﻢ ﺩﯦﮕﻪﻥ ﺳﻮﺋﺎﻟﻐﺎ ﺟﺎﯞﺍﺑﻪﻥ، ﮔﯜﻩﻧﺘﺎﻧﺎﻣﻮﺩﯨﻜﻰ ﺑﯩﺮ ﺋﯘﻳﻐﯘﺭ ﺗﯘﺗﻘﯘﻧﻨﯩﯔ ﺋﺎﻣﯧﺮﯨﻜﺎ ﺳﻮﺗﯩﺪﺍ ﻗﯩﻠﻐﺎﻥ، " ﺑﯩﺰﻧﯩﯔ ﭘﻪﻗﻪﺕ ﺑﯩﺮﻻ ﺩﯛﺷﻤﯩﻨﯩﻤﯩﺰ ﺑﺎﺭ، ﺋﯘ ﺑﻮﻟﺴﯩﻤﯘ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﺪﯨﻦ ﺋﯩﺒﺎﺭﻩﺕ. ﺧﯩﺘﺎﻳﻼﺭ ﭼﻮﯓ - ﻛﯩﭽﯩﻚ، ﺋﻪﺭ - ﺋﺎﻳﺎﻝ ﺩﻩﭖ ﺋﺎﻳﺮﯨﻤﺎﺳﺘﯩﻦ ﻫﻪﻣﻤﯩﻤﯩﺰﮔﻪ ﺯﯗﻟﯘﻡ ﺳﺎﻟﺪﻯ، ﺧﻮﺭﻟﯩﺪﻯ، ﻫﻪﺗﺘﺎ ﺋﺎﻧﯩﻼﺭﻧﯩﯔ ﻗﻮﺳﯩﻘﯩﺪﯨﻜﻰ ﺑﻮﯞﺍﻗﻼﺭﻧﯩﻤﯘ ﺳﺎﻕ ﻗﻮﻳﻤﯩﺪﻯ!" ﺩﯦﮕﻪﻥ ﺳﯚﺯﻟﯩﺮﻯ ﻳﻪﺭ ﺋﺎﻟﻐﺎﻥ ﺋﯩﺪﻯ.

ﻳﯘﻗﯩﺮﯨﻘﻰ ﺟﺎﯞﺍﺏ ﻣﺎﻫﯩﻴﻪﺗﺘﻪ ﺑﻮﻟﺴﺎ، ﺧﯩﺘﺎﻳﻨﯩﯔ ﺩﯙﻟﻪﺕ ﺗﯧﺮﺭﻭﺭ ﺳﯩﻴﺎﺳﯩﺘﻰ ﺋﺎﺳﺘﯩﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺋﻮﺭﺗﺎﻕ ﺗﯘﻳﻐﯘﺳﻰ ﯞﻩ ﻗﺎﺭﯨﺸﯩﺪﯨﻦ ﺋﯩﺒﺎﺭﻩﺕ. ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﻰ ﺩﯛﺷﻤﻪﻥ ﺩﻩﭖ ﻗﺎﺭﯨﺸﻰ ﯞﻩ ﺋﯘﻧﯩﯖﻐﺎ ﻗﺎﺭﺷﻰ ﻫﻪﺭﯨﻜﻪﺕ ﺋﯩﻠﯩﭗ ﺑﯧﺮﯨﺸﯩﻨﯩﯔ ﺋﻪﺟﻪﺑﻠﻪﻧﮕﯩﺪﻩﻙ ﻳﯩﺮﻯ ﻳﻮﻕ.

ﭼﯜﻧﻜﻰ ﺯﯗﻟﯘﻣﻐﺎ، ﺑﯧﺴﯩﻤﻐﺎ، ﺧﻮﺭﻟﯘﻗﻘﺎ ﯞﻩ ﺋﺎﺩﺍﻟﻪﺗﺴﯩﺰﻟﯩﻜﻜﻪ ﻗﺎﺭﺷﻰ ﺋﯚﺯﯨﻨﻰ ﻣﯘﺩﺍﭘﯩﺌﻪ ﻗﯩﻠﯩﺶ ﯞﻩ ﺋﯘﻧﯩﯖﺪﯨﻦ ﻗﯘﺗﯘﻟﯘﺵ ﺋﯜﭼﯜﻥ ﻛﯜﺭﻩﺵ ﻗﯩﻠﯩﺶ ﺑﻮﻟﺴﺎ، ﺑﯩﺮ ﺋﯩﻨﺴﺎﻥ ﻳﺎﻛﻰ ﻣﯩﻠﻠﻪﺗﻨﯩﯔ ﺋﻪﯓ ﺋﻪﻗﻪﻟﻠﻰ ﺩﯦﻤﻮﻛﺮﺍﺗﯩﻚ ﻫﻪﻕ - ﻫﻮﻗﯘﻗﻰ ﻫﯧﺴﺎﺑﻠﯩﻨﯩﺪﯗ.

ﺋﻪﺳﻠﯩﺪﻩ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﯚﺯﯨﻨﯩﯔ ﻣﯘﺳﺘﻪﻣﻠﯩﻜﯩﺴﻰ ﯞﻩ ﺯﯗﻟﻤﻰ ﺋﺎﺳﺘﯩﺪﺍ ﺧﻮﺭﻟﯩﻨﯩﭗ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺧﻪﻟﻘﯩﺪﯨﻦ ﺧﯩﺘﺎﻳﻼﺭ ﺑﯩﻠﻪﻥ ﺋﯩﺘﺘﯩﭙﺎﻗﻠﯩﺸﯩﺸﻨﻰ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺭﺍﻳﻮﻧﯩﻨﯩﯔ ﻣﯘﻗﯩﻤﻠﯩﻘﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﯩﺸﯩﻨﯩﯔ ﺋﯚﺯﯨﻼ ﭼﯩﻜﯩﺪﯨﻦ ﺋﺎﺷﻘﺎﻥ ﺑﯩﺮ ﻣﯘﺗﯩﻬﻪﻣﻠﯩﻚ ﺋﯩﺪﻯ.

ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ ﺭﺍﺩﯨﺌﻮﺳﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﻣﻪﺯﻛﯘﺭ ﻣﺎﻗﺎﻟﯩﺪﻩ ﻳﻪﻧﻪ، " ﺋﺎﻣﯧﺮﯨﻜﺎ ﺳﻮﺗﻰ ﺑﯘ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﮔﯘﻧﺎﻫﺴﯩﺰ ﺩﻩﭖ ﻫﯚﻛﯜﻡ ﭼﯩﻘﺎﺭﻏﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻻﺭﻧﻰ ﺧﯩﺘﺎﻳﻐﺎ ﻗﺎﻳﺘﯘﺭﯗﺵ ﻣﯘﻣﻜﯩﻦ ﺋﻪﻣﻪﺱ، ﭼﯜﻧﻜﻰ ﺧﯩﺘﺎﻱ ﺑﯘﻻﺭﻧﻰ ﺩﯙﻟﻪﺕ ﺩﯛﺷﻤﯩﻨﻰ ﺩﻩﭖ ﻗﺎﺭﺍﻳﺪﯗ، ﺧﯩﺘﺎﻳﺪﺍ ﺋﯘﻻﺭﻧﻰ ﻛﯜﺗﯜﭖ ﺗﯘﺭﻏﯩﻨﻰ ﭘﻪﻗﻪﺗﻼ ﻗﯩﻴﯩﻦ - ﻗﯩﺴﺘﺎﻗﺘﯩﻦ ﺋﯩﺒﺎﺭﻩﺕ " ﺩﻩﭖ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﻧﻪﺯﯨﺮﯨﺪﯨﻤﯘ ﺋﯚﺯﯨﮕﻪ ﻗﺎﺭﺷﻰ ﭼﯩﻘﻘﯘﭼﻰ ﺋﯘﻳﻐﯘﺭﻻﺭﻧﯩﯔ ﻫﻪﻣﻤﯩﺴﯩﻨﯩﯔ ﺩﯙﻟﻪﺕ ﺩﯛﺷﻤﯩﻨﻰ ﺩﻩﭖ ﻗﺎﺭﯨﻠﯩﭗ ﺋﯚﭺ ﺋﯩﻠﯩﺶ ﻧﯩﺸﺎﻧﻰ ﻗﯩﻠﯩﻨﯩﺪﯨﻐﺎﻧﻠﯩﻘﻰ ﺋﻮﭼﯘﻗﭽﻪ ﺋﯩﭙﺎﺩﻩ ﻗﯩﻠﯩﻨﻐﺎﻥ ﺋﯩﺪﻯ.

ﻣﺎﻫﯩﻴﻪﺗﺘﻪ ﺑﻮﻟﺴﺎ، ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﻨﯩﯔ، " ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻳﺪﯨﻦ ﺑﺎﺷﻘﺎ ﺩﯛﺷﻤﯩﻨﻰ ﻳﻮﻕ " ﺩﻩﭖ ﺑﺎﻫﺎ ﺑﯩﺮﯨﺸﯩﻨﯩﯖﻤﯘ ﺑﻪﻟﮕﯩﻠﯩﻚ ﺗﺎﺭﯨﺨﯩﻲ ﺋﺎﺳﺎﺳﻰ ﺑﺎﺭ ﺋﯩﺪﻯ.

ﭼﯜﻧﻜﻰ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺋﯩﺸﻐﺎﻝ ﻗﯩﻠﻐﺎﻥ 1949 - ﻳﯩﻠﯩﺪﯨﻦ ﺗﺎﻛﻰ ﻫﺎﺯﯨﺮﻏﯩﭽﻪ ﺑﻮﻟﻐﺎﻥ ﺋﯘﺯﯗﻥ ﺑﯩﺮ ﺟﻪﺭﻳﺎﻥ ﺋﯩﭽﯩﺪﻩ، ﺋﯘﻳﻐﯘﺭﻻﺭﻧﯩﯔ ﯞﻩﺗﻪﻥ ﺋﯩﭽﻰ ﯞﻩ ﺳﯩﺮﺗﯩﺪﺍ ﺋﯩﻠﯩﭗ ﺑﺎﺭﻏﺎﻥ ﻣﯩﻠﻠﯩﻲ ﻫﻪﺭﯨﻜﻪﺗﻠﯩﺮﯨﺪﻩ ﺧﯩﺘﺎﻳﺪﯨﻦ ﺑﺎﺷﻘﺎ ﺑﯩﺮ ﺩﯙﻟﻪﺕ ﻳﺎﻛﻰ ﻣﯩﻠﻠﻪﺕ ﺯﻩﺭﺑﻪ ﺑﯩﺮﯨﺶ ﻧﯩﺸﺎﻧﻰ ﻗﯩﻠﯩﻨﻐﺎﻥ ﺑﯩﺮﻣﯘ ﻫﻪﺭﯨﻜﻪﺕ ﺳﺎﺩﯨﺮ ﺑﻮﻟﻤﯩﺪﻯ.

ﺧﯩﺘﺎﻳﻨﯩﯔ ﺭﻩﺳﻤﯩﻲ ﺳﺘﺎﺗﯩﺴﺘﯩﻜﯩﻠﯩﺮﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻧﯚﯞﻩﺗﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻣﻪﺑﻠﻪﻍ ﺳﺎﻟﻐﺎﻥ ﺩﯙﻟﻪﺗﻠﻪﺭﻧﯩﯔ ﺳﺎﻧﻰ 100 ﮔﻪ ﻳﯩﻘﯩﻦ ﺑﻮﻟﯘﭖ، ﺋﯘﻻﺭ ﺗﻪﺭﯨﭙﯩﺪﯨﻦ ﻗﯘﺭﯗﻟﻐﺎﻥ ﺯﺍﯞﯗﺕ، ﻛﺎﻥ - ﻛﺎﺭﺧﺎﻧﯩﻼﺭﻧﯩﯔ ﺳﺎﻧﻰ ﺑﯩﺮ ﻗﺎﻧﭽﻪ ﻳﯜﺯﺩﯨﻦ ﺋﺎﺷﯩﺪﯗ، ﺋﻪﻣﻤﺎ ﺗﺎﻛﻰ ﻫﺎﺯﯨﺮﻏﺎ ﻗﻪﺩﻩﺭ ﺑﯘ ﺭﺍﻳﻮﻧﺪﯨﻜﻰ ﺑﯩﺮﻣﯘ ﭼﻪﺗﺌﻪﻝ ﻛﺎﺭﺧﺎﻧﯩﺴﻰ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺯﻩﺭﺑﯩﺴﯩﮕﻪ ﻳﺎﻛﻰ ﺑﯘﺯﻏﯘﻧﭽﯩﻠﯩﻘﯩﻐﺎ ﺋﯘﭼﺮﺍﭖ ﺑﺎﻗﻘﺎﻥ ﺋﻪﻣﻪﺱ.

ﻧﯚﯞﻩﺗﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻳﯩﻠﺪﺍ ﻛﯩﻠﯩﺪﯨﻐﺎﻥ ﭼﻪﺗﺌﻪﻟﻠﯩﻚ ﺳﺎﻳﺎﻫﻪﺗﭽﯩﻠﻪﺭﻧﯩﯔ ﺳﺎﻧﻰ ﺋﻮﺗﺘﯘﺭﺍ ﻫﯧﺴﺎﺏ ﺑﯩﻠﻪﻥ 500 ﻣﯩﯖﺪﯨﻦ ﺋﺎﺷﯩﺪﯗ، ﻫﺎﺯﯨﺮﻏﯩﭽﻪ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﻰ ﺋﯘﻻﺭﻧﯩﯔ ﺋﺎﻣﺎﻧﻠﯩﻘﯩﻐﺎ ﺧﻪﯞﭖ ﻛﻪﻟﺘﯜﺭﯨﺪﯨﻐﺎﻥ ﺑﯩﺮﻣﯘ ﻫﻪﺭﯨﻜﻪﺗﺘﻪ ﺑﻮﻟﻐﺎﻥ ﺋﻪﻣﻪﺱ !
ﺩﯗﻧﻴﺎﺩﺍ ﺋﺎﺯ ﻛﯚﺭﯛﻟﯩﺪﯨﻐﺎﻥ ﺑﯘ ﺋﯚﺭﻧﻪﻛﻠﻪﺭ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﻧﻪﻗﻪﺩﻩﺭ ﺗﯩﻨﭽﻠﯩﻘﭙﻪﺭﯞﻩﺭ ﺧﻪﻟﻖ ﺋﯩﻜﻪﻧﻠﯩﻜﯩﻨﻰ ﻣﯘﻧﺎﺯﯨﺮﻩ ﺗﻪﻟﻪﭖ ﻗﯩﻠﻤﺎﻳﺪﯨﻐﺎﻥ ﻫﺎﻟﺪﺍ ﺋﻮﭼﯘﻗﭽﻪ ﻛﯚﺭﺳﯩﺘﯩﭗ ﺗﯘﺭﻣﺎﻗﺘﺎ !

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز