ﭘﻪﻟﺴﻪﭘﻪ، ﺟﯩﻤﻠﯩﻖ ﺋﯩﭽﯩﺪﻩ ﻫﻪﺭﯨﻜﻪﺕ ﺑﻮﻟﯩﺪﯗ، ﻫﻪﺭﯨﻜﻪﺕ ﺟﻪﺭﻳﺎﻧﯩﺪﺍ ﺟﯩﻤﻠﯩﻖ ﺑﻮﻟﯩﺪﯗ، ﺟﻪﻣﺌﯩﻴﻪﺕ ﺗﻪﺭﻩﻗﻘﯩﻴﺎﺗﯩﻨﯩﯔ ﭼﻪﻛﺴﯩﺰ ﺯﺍﻣﺎﻧﯩﺪﺍ ﺟﯩﻤﻠﯩﻘﻤﯘ ﻧﯩﺴﭙﻰ ﺑﻮﻟﯩﺪﯗ، ﻫﻪﺭﯨﻜﻪﺗﻤﯘ ﻧﯩﺴﭙﻰ ﺑﻮﻟﯩﺪﯗ ﺩﻩﭖ ﺗﻪﻟﯩﻢ ﺑﻪﺭﮔﻪﻥ. ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﺟﻪﻣﺌﯩﻴﯩﺘﻰ ﺋﺎﺳﺎﺳﻰ ﺟﻪﻫﻪﺗﺘﯩﻦ ﺟﯩﻤﻠﯩﻖ ﺋﯩﭽﯩﺪﻩ ﻫﻪﺭﯨﻜﻪﺕ ﻗﯩﻠﺪﻯ. ﺧﯩﺘﺎﻱ ﺯﯨﻴﺎﻟﯩﻴﻠﯩﺮﻯ 2009‏ - ﻳﯩﻠﻰ ﺧﯩﺘﺎﻱ ﺟﻪﻣﺌﯩﻴﯩﺘﯩﺪﻩ ﺋﯩﻨﺘﺎﻳﯩﻦ ﺯﻭﺭ ﺋﯚﺯﮔﯩﺮﯨﺶ ﺑﻮﻟﯩﺪﯗ، ﺩﻩﻳﺪﯨﻐﺎﻥ ﻗﯩﻴﺎﺱ ﺑﯩﻠﻪﻧﻼ ﻗﯧﻠﯩﺸﻘﺎﻥ ﺋﯩﺪﻯ. ﻛﯜﺗﯜﻟﻤﯩﮕﻪﻧﺪﻩ ﺷﯩﺸﯘ ﺷﻪﻫﯩﺮﯨﺪﻩ ﭘﺎﺭﺗﻠﯩﻐﺎﻥ ﻧﺎﻣﺎﻳﯩﺶ، ﺑﯧﻴﺠﯩﯖﺪﺍ ﭘﺎﺭﺗﻠﯩﻐﺎﻥ ﻧﺎﻣﺎﻳﯩﺶ،ﺷﻪﻧﺪﯗﯓ ﺋﯚﻟﻜﯩﺴﯩﻨﯩﯔ ﺩﯗﯕﻤﯩﯔ ﻧﺎﻫﯩﻴﯩﺴﯩﺪﻩ ﺑﯘﻟﻐﯩﻨﯩﺸﺘﯩﻦ ﺭﺍﻙ ﻛﯧﺴﯩﻠﯩﮕﻪ ﮔﯧﺮﯨﭙﺘﺎﺭ ﺑﻮﻟﻐﺎﻥ ﻛﯩﺸﯩﻠﻪﺭﻧﯩﯔ "ﻗﻮﺯﻏﯩﻼﯓ ﺧﯩﺘﺎﺑﻨﺎﻣﯩﺴﻰ" ﺋﯧﻼﻥ ﻗﯩﻠﯩﭗ: ﻣﻪﻏﻠﯘﭖ ﺑﻮﻟﯩﻤﯩﺰ، ﺋﯚﻟﯜﭖ ﻛﯩﺘﯩﻤﯩﺰ، ﻟﯧﻜﯩﻦ ﺋﺎﺩﺍﻟﻪﺕ ﺋﯘﭼﯜﻥ ﺟﻪﯓ ﻗﯩﻠﯩﭗ ﺋﯚﻟﯜﭖ ﻛﯧﺘﻪﻳﻠﻰ، ﺩﯦﻴﯩﺸﻰ ﺑﯩﻠﻪﻥ 40 - 50 ﻣﯩﯔ ﻛﯩﺸﯩﻨﯩﯔ ﻧﺎﻣﺎﻳﯩﺸﻘﺎ ﭼﯩﻘﯩﺸﻰ، ﻫﻪﻗﯩﻘﻪﺗﻪﻥ ﺟﯩﻤﻠﯩﻖ ﺋﯩﭽﯩﺪﻩ ﺗﯘﺭﻏﺎﻥ ﺧﯩﺘﺎﻱ ﺟﻪﻣﺌﯩﻴﯩﺘﯩﻨﻰ ﻫﻪﺭﯨﻜﻪﺗﺘﯩﻜﻰ ﺟﻪﻣﺌﯩﻴﻪﺗﻜﻪ ﺋﺎﻳﻼﻧﺪﯗﺭﯗﯞﻩﺗﺘﻰ. ﺭﯨﻴﺎﻟﻠﯩﻘﯩﻤﯘ ﺗﺎﺭﯨﺨﺘﯘﺭ. ﺷﯘﯕﺎ ﺗﺎﺭﯨﺨﻨﯩﯔ، ﺭﯨﻴﺎﻝ ﺯﺍﻣﺎﻧﻨﯩﯔ ﺋﯩﻨﺘﺎﻳﯩﻦ ﺳﻪﺯﮔﯜﺭ ﺩﻩﻗﯩﻘﯩﻠﯩﺮﻯ ﺑﻮﻟﯩﺪﯗ. ﺑﯘ ﺩﻩﻗﯩﻘﯩﻠﻪﺭﺩﻩ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﻧﯩﯔ ﺋﯩﺪﯨﻴﯩﯟﻯ ﺧﺎﻫﯩﺸﻰ ﺑﯩﺮ ﺟﻪﻣﺌﯩﻴﻪﺕ ﺗﺎﺭﯨﺨﯩﻨﯩﯔ ﺋﯚﺗﻤﯜﺷﯩﮕﻪ ﺑﺎﻫﺎ ﺑﯧﺮﯨﭗ،ﻛﻪﻟﮕﯜﺳﯩﻨﯩﻤﯘ ﺑﻪﻟﮕﯩﻠﻪﭖ ﻗﻮﻳﯩﺪﯗ. 1989‏ - ﻳﯩﻠﻰ ﻳﯜﺯ ﺑﻪﺭﮔﻪﻥ "4 - ﺋﯩﻴﯘﻥ" ﯞﻩﻗﻪﺳﻰ ﺧﯩﺘﺎﻱ ﺟﻪﻣﺌﯩﻴﯩﺘﯩﻨﯩﯔ ﺋﯚﺗﻤﯜﺷﯩﮕﻪ ﺑﺎﻫﺎ ﺑﻪﺭﮔﻪﻧﺪﻩ، ﺋﻪﻣﺪﻯ ﺧﯩﺘﺎﻱ ﺟﻪﻣﺌﯩﻴﯩﺘﯩﮕﻪ ﺟﻴﺎﯓ ﺟﯧﺸﯩﭽﻪ ﺯﻭﺭﺍﯞﺍﻧﻠﯩﻘﻨﯩﯔ، ﻣﺎﯞﺯﯦﺪﯗﯕﭽﻪ ﺯﻭﺭﺍﯞﺍﻧﻠﯩﻘﻨﯩﯔ ﻛﯧﺮﯨﻜﻰ ﻳﻮﻕ ﺩﯦﮕﻪﻥ.

ﺑﯜﮔﯜﻥ ﺷﯩﺸﯘ ﺷﻪﻫﯩﺮﯨﻨﯩﯔ ﻗﻪﻫﺮﯨﻤﺎﻧﻠﯩﺮﻯ ﻳﻪﻧﻪ ﺋﻮﺧﺸﺎﺷﻼ ﺗﯩﻨﭻ ﻳﻮﻝ ﺑﯩﻠﻪﻥ ﻧﺎﻣﺎﻳﯩﺶ ﻗﯩﻠﯩﭗ ﺟﻪﺳﻪﺗﻨﯩﯔ ﺳﻪﯞﻩﺑﯩﻨﻰ ﺋﯧﻨﯩﻘﻼﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻧﺪﺍ، ﻳﯩﺘﯩﭗ ﻛﻪﻟﮕﻪﻥ 8 ﻣﯩﯔ ﻧﻪﭘﻪﺭ ﺳﺎﻗﭽﯩﻐﺎ ﺩﯗﭺ ﻛﻪﻟﺪﻯ. ﻫﻪﺗﺘﺎ ﺷﯩﺸﯘ ﺷﻪﻫﯩﺮﯨﻨﯩﯔ ﺋﺎﻳﺎﻟﻠﯩﺮﻯ ﺑﯩﺮ ﺗﻪﺭﻩﭘﺘﯩﻦ ﻳﯩﻐﻼﭖ ﺗﯘﺭﯗﭖ، ﺑﯩﺮ ﺗﻪﺭﻩﭘﺘﯩﻦ ﺳﺎﻗﭽﯩﻼﺭﻏﺎ ﺗﺎﺵ ﺋﯧﺘﯩﭗ ﺋﺎﺩﺍﻟﻪﺕ ﺗﻪﻟﻪﭖ ﻗﯩﻠﺪﻯ. ﺋﻪﮔﻪﺭ ﺩﺍﺋﯩﺮﯨﻠﻪﺭ ﺩﯙﻟﻪﺕ ﻣﺎﺷﯩﻨﯩﺴﯩﻨﻰ ﺋﯩﺸﻘﺎ ﺳﺎﻟﯩﺪﯨﻐﺎﻥ ﺑﻮﻟﺴﺎ، ﭘﯘﻗﺮﺍﻻﺭ ﺋﯚﻟﯜﻡ ﺑﯩﻠﻪﻥ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺪﯗ ﺩﻩﻳﺪﯨﻐﺎﻥ، ﺯﻭﺭﺍﯞﺍﻧﻠﯩﻘﻘﺎ ﺯﻭﺭﺍﯞﺍﻧﻠﯩﻖ ﺑﯩﻠﻪﻥ ﻗﺎﺭﺷﻰ ﺗﯘﺭﻣﺎﻗﺘﯩﻦ ﺑﺎﺷﻘﺎ ﭼﺎﺭﻩ ﻳﻮﻕ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ ﻗﻮﻳﺪﻯ. ﻛﯩﺸﯩﻠﻪﺭﻧﻰ ﻫﻪﻳﺮﺍﻥ ﻗﯩﻠﯩﺪﯨﻐﺎﻥ ﻛﯚﺭﯛﻧﯜﺵ ﺷﯘ ﺑﻮﻟﺪﯨﻜﻰ، ﺧﯩﺘﺎﻳﻨﯩﯔ ﺳﺎﻗﭽﻰ ﻗﻮﺷﯘﻧﻠﯩﺮﻯ ﭘﯘﻗﺮﺍﻻﺭﻧﯩﯔ ﺯﻩﺭﺑﯩﺴﯩﺪﯨﻦ ﭼﯧﻜﯩﻨﯩﺸﻜﻪ ﺑﺎﺷﻠﯩﺪﻯ.

ﺷﯩﻨﺨﻪﻱ ﺋﯩﻨﻘﯩﻼﺑﯩﺪﯨﻦ ﻛﯧﻴﯩﻦ، ﺋﯩﭽﻜﻰ ﺋﯘﺭﯗﺷﻘﺎ ﻛﯩﺮﯨﭗ ﻗﺎﻟﻐﺎﻥ ﺟﯘﯕﮕﻮ ﺟﻪﻣﺌﯩﻴﯩﺘﻰ، ﻳﺎﭘﯘﻧﯩﻴﻪ ﺗﻪﺳﻠﯩﻢ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺳﺘﺎﻟﯩﻨﻨﯩﯔ ﻗﻮﻝ ﺗﯩﻘﯩﺸﻰ ﺋﺎﺭﻗﯩﻠﯩﻖ ﻳﻪﻧﻪ ﺑﯩﺮ ﻗﯧﺘﯩﻢ ﺋﯩﭽﻜﻰ ﺋﯘﺭﯗﺷﻨﯩﯔ ﻗﺎﻳﻨﯩﻤﯩﻐﺎ ﻛﯩﺮﯨﭗ ﻗﺎﻟﻐﺎﻥ ﺟﯘﯕﮕﻮ ﺟﻪﻣﺌﯩﻴﯩﺘﻰ، ﺟﻴﺎﯓ ﺟﯧﺸﻰ ﺑﯩﻠﻪﻥ ﻣﺎﯞﺯﯦﺪﯗﯕﻨﯩﯔ ﻫﻮﻗﯘﻕ ﺗﺎﻟﯩﺸﯩﺸﻰ ﺋﺎﺭﻗﯩﻠﯩﻖ ﻗﺎﻥ ﺗﯚﻛﯜﺷﻜﯩﻼ ﻣﻪﺟﺒﯘﺭ ﺑﯘﻟﯘﭖ ﻗﺎﻟﻐﺎﻥ ﺟﻪﻣﺌﯩﻴﻪﺕ ﺋﯩﺪﻯ. ﺷﯩﻨﺨﻪﻱ ﺋﯩﻨﻘﯩﻼﺑﯩﺪﯨﻦ ﻛﯧﻴﯩﻦ ﺋﯚﺗﻜﻪﻥ 40 ﻳﯩﻞ، ﮔﻮﻣﯩﻨﺪﺍﯓ ﺧﯩﺘﺎﻳﻠﯩﺮﯨﻨﯩﯔ ﻗﻮﻟﯩﺪﺍ ﺋﯘﺭﯗﺵ ﺑﯩﻠﻪﻥ ﺋﺎﻳﺎﻗﻼﺷﺘﻰ. ﻣﺎﯞﺯﯦﺪﯗﯓ ﻫﯚﻛﯜﻣﺮﺍﻧﻠﯩﻖ ﻗﯩﻠﻐﺎﻥ 26 ﻳﯩﻞ ﺳﯩﻴﺎﺳﯩﻲ ﻫﻪﺭﯨﻜﻪﺕ ﯞﻩ ﺑﺎﺳﺘﯘﺭﯗﺵ ﺑﯩﻠﻪﻥ ﺋﯚﺗﺘﻰ.

ﺋﻪﻣﺪﯨﻠﯩﻜﺘﻪ ﺋﯩﺴﻼﻫﺎﺕ ﻣﯘﺳﺎﭘﯩﺴﯩﻨﻰ ﺑﯧﺴﯩﭗ، ﺋﯩﻜﻜﻰ ﻗﯘﺗﯘﭘﻘﺎ ﺋﺎﻳﺮﯨﻠﻐﺎﻥ ﺧﯩﺘﺎﻱ ﺟﻪﻣﺌﯩﻴﯩﺘﻰ ﺑﯩﻴﻮﻛﺮﺍﺕ ﻛﺎﭘﯩﺘﺎﻟﯩﺰﻡ، ﺋﯩﭙﺘﯩﺪﺍﺋﯩﻲ ﻛﺎﭘﯩﺘﺎﻟﯩﺰﻣﻨﯩﯔ ﺋﯩﭙﺘﯩﺪﺍﺋﯩﻲ ﺋﯚﺗﻜﯜﻧﭽﻰ ﺩﻩﯞﺭﻯ ﻳﻪﻧﻰ ﻛﺎﭘﯩﺘﺎﻟﯩﺰﻣﻨﯩﯔ ﺩﻩﺳﻠﻪﭘﻜﻰ ﺑﺎﺳﻘﯘﭼﯩﺪﯨﻜﻰ ﻳﺎﯞﯗﺯﻟﯘﻕ، ﺋﯩﻘﺘﯩﺴﺎﺩ ﺑﯩﻠﻪﻥ ﺳﯩﻴﺎﺳﻪﺗﻨﻰ ﺋﺎﺯ ﺳﺎﻧﻠﯩﻘﻼﺭﻧﯩﯔ ﻗﻮﻟﯩﻐﺎ ﻣﻪﺭﻛﻪﺯﻟﻪﺷﺘﯜﺭﮔﻪﻥ ﺋﯩﻤﺘﯩﻴﺎﺯﻟﯩﻖ ﻛﺎﭘﯩﺘﺎﻟﯩﺰﻡ ﺋﺎﻻﻫﯩﺪﯨﻠﯩﻜﯩﮕﻪ ﺋﯩﮕﻪ ﺑﯩﺮ ﺟﻪﻣﺌﯩﻴﻪﺗﻨﻰ ﺑﻪﺭﭘﺎ ﻗﯩﻠﻐﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﭘﯘﻗﺮﺍﻻﺭﻧﯩﯔ ﺋﻪﻗﻪﻟﻠﻰ ﺗﻪﻟﻪﭘﻠﯩﺮﯨﻨﯩﻤﯘ ﺟﺎﯞﺍﺑﺴﯩﺰ ﻗﺎﻟﺪﯗﺭﺩﻯ. ﺷﯩﺸﯘ ﺷﻪﻫﻪﺭ ﭘﯘﻗﺮﺍﻟﯩﺮﻯ ﺳﺎﻗﭽﻰ ﯞﻩ ﻫﯚﻛﯜﻣﻪﺗﻨﯩﯔ ﺯﻭﺭﺍﯞﺍﻧﻠﯩﻘﻰ ﺋﺎﻟﺪﯨﺪﺍ ﺗﻪﻣﺘﯩﺮﻩﭖ ﻗﺎﻟﻤﯩﺪﻯ. ﺷﯩﺸﯘ ﯞﻩﻗﻪﺳﻰ ﺋﯩﻨﺘﺎﻳﯩﻦ ﻧﺎﺯﯗﻙ ﺑﯩﺮ ﭘﻪﻳﺘﺘﻪ ﭘﺎﺭﺗﻼﭖ ﭼﯩﻘﺘﻰ. ﺑﯘ ﯞﻩﻗﻪﻣﯘ ﺧﯘﺩﺩﻯ "4 - ﺋﯩﻴﯘﻥ" ﯞﻩﻗﻪﺳﯩﮕﻪ ﺋﻮﺧﺸﺎﺵ ﺧﯩﺘﺎﻱ ﺟﻪﻣﺌﯩﻴﯩﺘﯩﻨﯩﯔ ﺋﯚﺗﻤﯜﺷﯩﺪﯨﻦ ﺧﯘﻻﺳﻪ ﭼﯩﻘﯩﺮﯨﭗ، ﺑﺎﻫﺎ ﺑﯧﺮﯨﭗ، ﻳﻪﻧﻪ ﺧﯩﺘﺎﻱ ﺟﻪﻣﺌﯩﻴﯩﺘﯩﻨﯩﯔ ﻛﻪﻟﮕﯜﺳﯩﻨﻰ ﺑﻪﻟﮕﯩﻠﻪﭖ ﻗﻮﻳﺪﻯ.

ﺟﯘﯕﮕﻮ ﺗﯩﻨﭻ ﻳﻮﻝ ﺑﯩﻠﻪﻥ ﺋﯚﺯﮔﯩﺮﯨﺶ ﺩﻩﯞﺭﯨﮕﻪ ﻛﯩﺮﯨﺸﻰ ﻛﯧﺮﻩﻛﻤﯘ‏ - ﻳﻮﻕ؟ ﻳﺎﻛﻰ ﺧﯩﺘﺎﻱ ﺟﻪﻣﺌﯩﻴﯩﺘﻰ ﻳﻪﻧﯩﻼ ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﻰ ﺑﯧﺴﯩﭗ ﺋﯚﺗﻜﻪﻥ ﻳﻮﻟﻨﻰ، ﺧﯩﺘﺎﻳﻨﯩﯔ ﻛﻮﻣﻤﻮﻧﯩﺴﺘﯩﻚ ﭘﺎﺭﺗﯩﻴﯩﺴﻰ ﺑﯧﺴﯩﭗ ﺋﯚﺗﻜﻪﻥ ﻳﻮﻟﻨﻰ ﺑﻮﻳﻼﭖ ﻳﻪﻧﻪ ﺑﯩﺮ ﻗﯧﺘﯩﻢ ﺋﯩﭽﻜﻰ ﺋﯘﺭﯗﺷﻨﯩﯔ ﭘﺎﺗﻘﯩﻘﯩﻐﺎ ﭘﯧﺘﯩﭗ ﻗﯧﻠﯩﺸﻰ ﻛﯧﺮﻩﻛﻤﯘ؟