ﺷﻪﺭﻗﻰ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ-ﺋﯘﻳﻐﯘﺭ ﺗﺎﺭﯨﺨﯩﺪﯨﻜﻰ ﺋﯘﻧﺘﯘﻟﻤﺎﺱ ﺳﻪﻫﯩﭙﻪ

• ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺷﻪﺭﻗﻰ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﺋﺎﺗﻠﯩﻖ ﻗﯩﺴﯩﻤﻠﯩﺮﯨﺪﯨﻦ ﺑﯩﺮ ﻛﯚﺭﯛﯗﻧﯜﺵ. UAA Photo

1933 - ﻳﯩﻠﻰ 12 - ﻧﻮﻳﺎﺑﯩﺮ ﯞﻩ 1944 - ﻳﯩﻠﻰ 12-ﻧﻮﻳﺎﺑﯩﺮﺩﯨﻦ ﺋﯩﺒﺎﺭﻩﺕ ﺋﻮﺧﺸﺎﺵ ﺑﯩﺮ ﻛﯜﻧﺪﻩ ﺋﯘﻳﻐﯘﺭ ﺧﻪﻟﻘﻰ ﺋﯩﻜﻜﻰ ﻗﯧﺘﯩﻢ ﺋﯚﺯ ﻣﯘﺳﺘﻪﻗﯩﻠﻠﯩﻘﯩﻨﻰ ﺟﺎﻛﺎﺭﻻﭖ،20-ﺋﻪﺳﯩﺮﺩﯨﻜﻰ، ﺋﯚﺯ-ﺋﯚﺯﻯ ﺧﻮﺟﺎ ﺑﻮﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﻰ ﻗﯘﺭﻏﺎﻥ ﺋﯩﺪﻯ. ﺋﻪﻧﻪ ﺷﯘ ﻛﯜﻧﯩﺪﯨﻦ ﺋﯧﺘﯩﺒﺎﺭﻩﻥ 12-ﻧﻮﻳﺎﺑﯩﺮ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺗﺎﺭﯨﺨﯩﺪﯨﻜﻰ ﺋﯘﻧﺘﯘﻟﻤﺎﺱ ﯞﻩ ﺷﻪﺭﻩﭘﻠﯩﻚ ﺳﻪﻫﯩﭙﻪ ﺑﻮﻟﯘﭖ ﻗﺎﻟﺪﻯ.

ﺑﯩﺮﯨﻨﭽﻰ ﺟﯘﻣﻬﯘﺭﯨﻴﻪﺕ-ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ

ﻣﻪﻟﯘﻣﻜﻰ،1931-ﻳﯩﻠﻰ ﺋﯘﻳﻐﯘﺭ ﺧﻪﻟﻘﯩﻨﯩﯔ 20-ﺋﻪﺳﯩﺮﺩﯨﻜﻰ ﻛﻪﯓ ﻛﯚﻟﻪﻣﻠﯩﻚ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﻗﻮﺯﻏﯩﻠﯩﯖﯩﻨﯩﯔ ﺗﯘﻧﺠﻰ ﺋﻮﻗﻠﯩﺮﻯ ﻗﯘﻣﯘﻝ ﺗﺎﻏﻠﯩﺮﯨﺪﺍ ﺋﯧﺘﯩﻠﺪﻯ.

ﺧﻮﺟﺎ ﻧﯩﻴﺎﺯ ﻫﺎﺟﯩﻢ ﺑﺎﺷﭽﯩﻠﯩﻘﯩﺪﯨﻜﻰ ﺑﯘ ﻗﻮﺯﻏﯩﻼﯓ ﻏﻪﻟﯩﺒﯩﺴﯧﺮﻯ ﻛﯧﯖﯩﻴﯩﭗ، ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﻣﻤﻪ ﺟﺎﻳﻠﯩﺮﯨﻐﺎ ﻛﯜﭼﻠﯜﻙ ﺗﻪﺳﯩﺮ ﻛﯚﺭﺳﯩﺘﯩﺶ ﺑﯩﻠﻪﻥ ﺧﻪﻟﻘﻨﯩﯔ ﺋﺎﺯﺍﺩﻟﯩﻘﻘﺎ،ﻣﯘﺳﺘﻪﻗﯩﻠﻠﯩﻘﻘﺎ ﺑﻮﻟﻐﺎﻥ ﺋﯩﺸﻪﻧﭽﯩﺴﯩﻨﻰ ﺋﺎﺷﯘﺭﺩﻯ.ﻧﻪﺗﯩﺠﯩﺪﻩ، 1933-ﻳﯩﻠﻰ.2-ﺋﺎﻳﻨﯩﯔ 13-ﻛﯜﻧﻰ ﺧﻮﺗﻪﻥ ﺧﻪﻟﻘﻰ ﻣﯘﻫﻪﻣﻤﻪﺩ ﺋﯩﻤﯩﻦ ﺑﯘﻏﺮﺍﻧﯩﯔ ﺭﻩﻫﺒﻪﺭﻟﯩﻜﯩﺪﻩ ﻗﻮﺯﻏﯩﻼﯓ ﻛﯚﺗﯩﺮﯨﭗ، ﺷﯘ ﻳﯩﻠﻰ 4-ﺋﺎﻳﻨﯩﯔ11-ﻛﯜﻧﻰ ﺧﻮﺗﻪﻥ ﻫﯚﻛﯜﻣﯩﺘﯩﻨﻰ ﻗﯘﺭﺩﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﺗﯘﺭﭘﺎﻥ، ﻛﯘﭼﺎﺭ،ﺋﺎﻗﺴﯘ،ﻗﻪﺷﻘﻪﺭ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻤﯘ ﺋﺎﺭﻗﯩﻤﯘ-ﺋﺎﺭﻗﯩﺪﯨﻦ ﻗﻮﺯﻏﯩﻼﯓ ﻛﯚﺗﯩﺮﯨﻠﯩﭗ، ﺑﯘ ﺟﺎﻳﻼﺭﺩﯨﻜﻰ ﺟﯩﻨﺸﯘﺭﯦﻦ ﻫﯚﻛﯜﻣﺮﺍﻧﻠﯩﻘﻰ ﺋﺎﻏﺪﯗﺭﯗﭖ ﺗﺎﺷﻠﯩﻨﯩﭗ، ﻫﺎﻛﯩﻤﯩﻴﻪﺕ ﻗﻮﺯﻏﯩﻼﯕﭽﯩﻼﺭ ﻗﻮﻟﯩﻐﺎ ﺋﯚﺗﺘﻰ. ﺧﻮﺟﺎ ﻧﯩﻴﺎﺯ ﻫﺎﺟﯩﻢ ﯞﻩ ﻣﻪﻫﻤﯘﺕ ﻣﯘﻫﯩﺘﯩﻼﺭ ﺑﺎﺷﭽﯩﻠﯩﻘﯩﺪﯨﻜﻰ ﻗﯘﻣﯘﻝ-ﺗﯘﺭﭘﺎﻥ ﻗﻮﺯﻏﯩﻼﯕﭽﯩﻠﯩﺮﯨﻤﯘ ﺗﻪﯕﺮﻯ ﺗﺎﻏﻠﯩﺮﯨﻨﯩﯔ ﺟﻪﻧﯘﭖ ﺗﻪﺭﻩﭘﻠﯩﺮﯨﮕﻪ ﻛﯧﯖﻪﻳﺪﻯ. ﻣﺎﻧﺎ ﻣﯘﺷﯘﻧﺪﺍﻕ ﺷﺎﺭﺍﺋﯩﺘﺘﯩﻦ ﭘﺎﻳﺪﯨﻠﯩﻨﯩﭗ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻞ ﺟﯘﻣﻬﯘﺭﯨﻴﯩﺘﯩﻨﻰ ﺑﻪﺭﭘﺎ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺳﺎﺑﯩﺖ ﺩﺍﻣﻮﻟﻼﻡ 1933-ﻳﯩﻠﯩﻨﯩﯔ ﻛﯜﺯ ﺋﺎﻳﻠﯩﺮﯨﺪﺍ ﺧﻮﺗﻪﻧﺪﯨﻦ ﻗﻪﺷﻘﻪﺭﮔﻪ ﻛﯧﻠﯩﭗ، ﻗﻪﺷﻘﻪﺭﻧﻰ ﺋﺎﺯﺍﺩ ﻗﯩﻠﻐﺎﻥ ﺗﯚﻣﯜﺭ ﺋﯧﻠﻰ ﺑﯩﻠﻪﻥ ﻛﯚﺭﯛﺷﺘﻰ ﻫﻪﻣﺪﻩ "ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﺘﯩﻘﻼﻝ ﺟﻪﻣﺌﯩﻴﯩﺘﻰ"ﻧﻰ ﻗﯘﺭﺩﻯ ﯞﻩ ﺟﯩﺪﺩﻯ ﺗﻪﻳﻴﺎﺭﻟﯩﻘﻼﺭﺩﯨﻦ ﻛﯧﻴﯩﻦ 1933-ﻳﯩﻠﻰ 12-ﻧﻮﻳﺎﺑﯩﺮ ﻛﯜﻧﻰ ﻗﻪﺷﻘﻪﺭ ﺷﻪﻫﺮﯨﺪﻩ ﺩﺍﻏﺪﯗﻏﯩﻠﯩﻖ ﻣﯘﺭﺍﺳﯩﻤﻼﺭ ﺑﯩﻠﻪﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﻐﺎﻧﻠﯩﻘﻰ ﺟﺎﻛﺎﺭﻻﻧﺪﻯ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ ﺋﯚﺯﯨﻨﯩﯔ ﺋﺎﺳﺎﺳﯩﻲ ﻗﺎﻧﯘﻧﻰ، ﺩﯙﻟﻪﺕ ﺑﻪﻟﮕﯩﺴﻰ، ﺩﯙﻟﻪﺕ ﮔﯧﻤﻨﻰ، ﺩﯙﻟﻪﺕ ﺑﺎﻳﺮﯨﻘﻰ ﻗﺎﺗﺎﺭﻟﯩﻖ ﺩﯙﻟﻪﺗﭽﯩﻠﯩﻚ ﺋﯩﭙﺎﺩﯨﻠﯩﺮﯨﮕﻪ ﺋﯩﮕﻪ ﺑﻮﻟﻐﺎﻧﺪﯨﻦ ﺳﯩﺮﺕ ﻳﻪﻧﻪ ﻫﻪﺭ ﻗﺎﻳﺴﻰ ﻣﯩﻨﯩﺴﺘﯩﺮﻟﯩﻘﻼﺭ ﺗﻪﺳﯩﺲ ﻗﯩﻠﺪﻯ. ﺧﻮﺟﺎ ﻧﯩﻴﺎﺯ ﻫﺎﺟﯩﻢ ﻣﻪﯕﮕﯜﻟﯜﻙ ﭘﺮﯦﺰﯨﺪﯦﻨﺖ، ﺳﺎﺑﯩﺖ ﺩﺍﻣﻮﻟﻼﻡ ﺑﺎﺵ ﻣﯩﻨﯩﺴﺘﯩﺮﻟﯩﻖ ﯞﻩﺯﯨﭙﯩﺴﯩﮕﻪ ﺗﻪﻳﯩﻨﻠﻪﻧﺪﻯ.

1934-ﻳﯩﻠﻰ، ﻓﯧﯟﺭﺍﻝ ﺋﯧﻴﯩﺪﺍ ﺑﯘ ﻳﺎﺵ ﻫﺎﻛﯩﻤﯩﻴﻪﺕ ﺗﺎﺷﻘﻰ ﺳﯩﻴﺎﺳﻰ ﺟﻪﻫﻪﺗﺘﯩﻦ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺋﺎﺭﯨﻠﯩﺸﯩﭗ، ﺷﯧﯔ ﺷﯩﺴﻪﻳﻨﻰ ﻫﻪﺭﺑﯩﻲ-ﺳﯩﻴﺎﺳﯩﻲ ﺟﻪﻫﻪﺗﺘﯩﻦ ﻗﻮﻟﻠﯩﺸﻰ، ﺋﯩﭽﻜﻰ ﺟﻪﻫﻪﺗﺘﻪ ﻣﺎ ﺟﯘﯕﻴﯩﯔ ﺗﻪﺭﻩﭘﺪﺍﺭﻟﯩﺮﻯ ﺑﻮﻟﻐﺎﻥ ﺗﯘﯕﮕﺎﻥ ﻗﻮﺭﺍﻟﻠﯩﻖ ﻛﯜﭼﻠﯩﺮﯨﻨﯩﯔ ﺑﯩﯟﺍﺳﺘﻪ ﻫﻪﺭﺑﯩﻲ ﻫﯘﺟﯘﻣﻠﯩﺮﻯ ﺷﯘﻧﺪﺍﻗﻼ ﻗﻮﺯﻏﯩﻼﯕﭽﯩﻼﺭﻧﯩﯔ ﺋﯩﭽﻜﻰ ﻧﯩﺰﺍﻟﯩﺮﻯ ﻫﻪﻡ ﺋﯩﺘﺘﯩﭙﺎﻗﺴﯩﺰﻟﯩﻘﻼﺭ ﻗﺎﺗﺎﺭﻟﯩﻖ ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ ﺋﯜﺯﯛﻝ-ﻛﯧﺴﯩﻞ ﺋﺎﻏﺪﯗﺭﯨﯟﯦﺘﯩﻠﺪﻯ.

ﮔﻪﺭﭼﻪ ﺑﯘ ﻫﺎﻛﯩﻤﯩﻴﻪﺕ ﻗﯩﺴﻘﺎ ﯞﺍﻗﯩﺖ ﻣﻪﯞﺟﯘﺕ ﺑﻮﻟﺴﯩﻤﯘ، ﻟﯧﻜﯩﻦ ﺋﯘ ﺋﯘﻳﻐﯘﺭ ﺗﺎﺭﯨﺨﯩﺪﯨﻜﻰ ﺗﯘﻧﺠﻰ ﻣﯩﻠﻠﯩﻲ ﺟﯘﻣﻬﯘﺭﯨﻴﻪﺕ ﺑﻮﻟﯘﭖ، ﺋﻪﻳﻨﻰ ﯞﺍﻗﯩﺘﺘﺎ ﺋﺎﺳﯩﻴﺎ ﻗﯩﺘﺌﻪﺳﯩﺪﻩ ﻛﯜﭼﯩﻴﯩﺸﻜﻪ ﻳﯜﺯﻟﻪﻧﮕﻪﻥ ﺟﯘﻣﻬﯘﺭﯨﻴﻪﺗﭽﯩﻠﯩﻚ ﭘﯩﻜﯩﺮﻟﯩﺮﯨﻨﯩﯔ ﺷﯘﻧﯩﯖﺪﻩﻙ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﯩﭽﻜﻰ-ﺗﺎﺷﻘﻰ ﺋﺎﻣﯩﻠﻼﺭ ﺗﻪﺳﯩﺮﯨﻨﯩﯔ ﻧﻪﺗﯩﺠﯩﺴﯩﺪﯨﻦ ﺋﯩﺒﺎﺭﻩﺕ ﺋﯩﺪﻯ.

1934-ﻳﯩﻠﯩﻨﯩﯔ ﺋﻪﺗﯩﻴﺎﺯ ﺋﯧﻴﯩﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﯞﺍﺳﺘﯩﭽﯩﻠﯩﻘﻰ ﺑﯩﻠﻪﻥ ﺧﻮﺟﺎ ﻧﯩﻴﺎﺯ ﻫﺎﺟﯩﻢ ﺋﺎﻗﺴﯘﺩﺍ ﺷﯧﯔ ﺷﯩﺴﻪﻱ ﯞﻩﻛﯩﻠﻠﯩﺮﻯ ﺑﯩﻠﻪﻥ ﻛﯧﻠﯩﺸﯩﻢ ﺗﯜﺯﯛﭖ، ﺑﯩﺮﻟﻪﺷﻤﻪ ﻫﯚﻛﯜﻣﻪﺕ ﻗﯘﺭﯗﺷﻘﺎ ﺭﺍﺯﻯ ﺑﻮﻟﯘﭖ، ﺋﯜﺭﯛﻣﭽﯩﮕﻪ ﺑﯧﺮﯨﭗ، ﻣﯘﺋﺎﯞﯨﻦ ﺋﯚﻟﻜﻪ ﺭﻩﺋﯩﺴﻠﯩﻚ ﯞﻩﺯﯨﭙﯩﺴﯩﻨﻰ ﺗﺎﭘﺸﯘﺭﯗﯞﺍﻟﺪﻯ. ﺷﯘﻧﯩﯔ ﺑﯩﻠﻪﻥ ﻣﯩﻠﻠﯩﻲ ﺋﯩﻨﻘﯩﻼﺑﻘﺎ ﻗﺎﺗﻨﺎﺷﻘﺎﻥ ﻫﻪﻡ ﺧﯧﻠﻰ ﻛﯚﭖ ﺳﺎﻧﺪﯨﻜﻰ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﻣﻪﺳﯩﻠﻪﻥ ﻳﯘﻧﯘﺱ ﺑﻪﮒ، ﻣﻪﺧﻤﯘﺕ ﻣﯘﻫﯩﺘﻰ، ﺳﺎﻟﻰ ﺩﻭﺭﻏﺎ ﯞﻩ ﺑﺎﺷﻘﯩﻼﺭ ﺋﯚﻟﻜﯩﻨﯩﯔ ﻧﺎﺯﯨﺮﯨﺪﯨﻦ ﺗﺎﺭﺗﯩﭗ، ﯞﺍﻟﻰ ﻫﻪﻡ ﻫﺎﻛﯩﻤﻠﯩﻖ ﯞﻩﺯﯨﭙﯩﻠﯩﺮﯨﮕﻪ ﺋﯧﺮﯨﺸﺘﻰ. ﺋﻪﭘﺴﯘﺳﻜﻰ، 1937-ﻳﯩﻠﯩﺪﯨﻦ ﻛﯧﻴﯩﻦ ﺷﯧﯖﺸﯩﺴﻪﻱ ﺋﻪﺳﻠﻰ ﻣﺎﻫﯩﻴﯩﺘﯩﻨﻰ ﺑﯩﺮﺍﻗﻼ ﺋﺎﺷﻜﺎﺭﯨﻼﭖ، ﺋﯚﺯﻯ ﺑﯩﻠﻪﻥ ﺋﯩﺘﺘﯩﭙﺎﻕ ﺗﯜﺯﮔﻪﻥ ﺧﻮﺟﺎ ﻧﯩﻴﺎﺯ ﻫﺎﺟﯩﻢ ﺑﺎﺷﻠﯩﻖ ﺑﺎﺭﻟﯩﻖ ﻣﯩﻠﻠﯩﻲ ﺑﺎﺷﻠﯩﻘﻼﺭﻧﻰ ﺗﯘﺗﻘﯘﻥ ﻗﯩﻠﯩﭗ، ﺗﯜﺭﻣﯩﮕﻪ ﺗﺎﺷﻠﯩﺪﻯ ﻫﻪﻣﺪﻩ ﺋﯚﻟﺘﯜﺭﺩﻯ. ﺷﯩﯔ ﺷﯩﺴﻪﻳﻨﯩﯔ ﺗﯧﺮﺭﻭﺭﻟﯘﻕ ﺳﯩﻴﺎﺳﯩﺘﻰ ﺑﯩﻠﻪﻥ 1943-ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ 100 ﻣﯩﯖﺪﯨﻦ ﺋﺎﺭﺗﯘﻕ ﺋﺎﺩﻩﻣﻨﯩﯔ ﺗﯘﺗﻘﯘﻥ ﻗﯩﻠﯩﻨﯩﭗ ﺋﯚﻟﺘﯜﺭﯛﻟﮕﻪﻧﻠﯩﻜﻰ ﻣﻪﻟﯘﻡ.

ﺋﯩﻜﻜﻰ ﻗﯧﺘﯩﻢ ﻗﯘﺭﯗﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ

ﺋﺎﺭﯨﻠﯩﻘﺘﺎ 11 ﻳﯩﻞ ﺋﯚﺗﯜﭖ، 1944-ﻳﯩﻠﻰ 9-ﺋﺎﻳﺪﺍ ﻧﯩﻠﻘﯩﻨﯩﯔ ﺋﯘﻻﺳﺘﺎﻱ ﺗﺎﻏﻠﯩﺮﯨﺪﺍ ﻓﺎﺗﯩﺦ ﺑﺎﺗﯘﺭ، ﻏﻪﻧﻰ ﺑﺎﺗﯘﺭ ﺋﻪﻛﺒﻪﺭ، ﻧﯘﺭﯗﻡ، ﺋﻮﺳﻤﺎﻥ ﯞﻩ ﺧﻪﻣﯩﺖ ﻗﺎﺗﺎﺭﻟﯩﻘﻼﺭﻧﯩﯔ ﺑﺎﺷﻼﻣﭽﯩﻠﯩﻘﯩﺪﺍ ﻗﻮﺯﻏﯩﻼﯓ ﭘﺎﺭﺗﻼﭖ، ﻣﯩﻠﻠﯩﻲ ﺋﺎﺯﺍﺩﻟﯩﻖ ﺋﯩﻨﻘﯩﻼﺑﻰ ﺋﯩﻠﻰ ﺗﺎﻏﻠﯩﺮﯨﺪﺍ ﻛﯧﯖﯩﻴﯩﺸﻜﻪ ﻗﺎﺭﺍﭖ ﻳﯜﺯﻟﻪﻧﮕﻪﻧﺪﻩ، 1944-ﻳﯩﻠﻰ 4-ﺋﺎﻳﺪﺍ ﻏﯘﻟﺠﺎ ﺷﻪﻫﺮﯨﺪﻩ ﻗﯘﺭﯗﻟﻐﺎﻥ" ﺋﺎﺯﺍﺩﻟﯩﻖ ﺗﻪﺷﻜﯩﻼﺗﻰ" ﻣﻪﺧﭙﯩﻲ ﺗﯜﺭﺩﻩ ﻏﯘﻟﺠﺎ ﻗﻮﺯﻏﯩﻠﯩﯖﯩﻐﺎ ﺗﻪﻳﻴﺎﺭﻟﯩﻖ ﻗﯩﻠﺪﻯ.

10-ﺋﺎﻳﺪﺍ ﻧﯩﻠﻘﺎ ﺋﺎﺯﺍﺩ ﺑﻮﻟﺪﻯ. 7-ﻧﻮﻳﺎﺑﯩﺮ ﻛﯜﻧﻰ ﺋﺎﺯﺍﺩﻟﯩﻖ ﺗﻪﺷﻜﯩﻼﺗﻰ ﻏﯘﻟﺠﺎ ﺷﻪﻫﯩﺮﯨﺪﻩ ﻧﯩﻠﻘﺎ ﭘﺎﺭﺗﯩﺰﺍﻧﻠﯩﺮﻯ ﺑﯩﻠﻪﻥ ﺑﯩﺮﻟﯩﺸﯩﭗ ﻗﻮﺯﻏﯩﻼﯓ ﻛﯚﺗﯩﺮﯨﭗ، 12-ﻧﻮﻳﺎﺑﯩﺮ ﻛﯜﻧﯩﮕﯩﭽﻪ ﻏﯘﻟﺠﺎ ﺷﻪﻫﯩﺮﯨﺪﯨﻜﻰ ﻫﻪﺭﻩﻣﺒﺎﻍ، ﻻﯕﺸﺎﯓ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻦ ﺑﺎﺷﻘﺎ ﭘﯜﺗﯜﻥ ﺷﻪﻫﻪﺭﻧﻰ ﺋﺎﺯﺍﺕ ﻗﯩﻠﺪﻯ. 1944-ﻳﯩﻠﻰ 12-ﻧﻮﻳﺎﺑﯩﺮ ﻛﯜﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﯞﺍﻗﯩﺘﻠﯩﻖ ﻫﯚﻛﯜﻣﯩﺘﯩﻨﯩﯔ ﻗﯘﺭﯗﻟﻐﺎﻧﻠﯩﻘﻰ ﺟﺎﻛﺎﺭﻻﻧﺪﻯ. ﺋﻪﻟﯩﺨﺎﻥ ﺗﯚﺭﻩ ﺭﻩﺋﯩﺲ، ﻫﺎﻛﯩﻤﺒﻪﮒ ﻏﻮﺟﺎ ﺑﯩﻠﻪﻥ ﻗﺎﺯﺍﻗﻼﺭﺩﯨﻦ ﺋﻮﺑﯘﻝ ﺧﻪﻳﯩﺮ ﺗﯚﺭﻩ ﻣﯘﺋﺎﯞﯨﻦ ﺭﻩﺋﯩﺲ ﺑﻮﻟﺪﻯ ﻫﻪﻣﺪﻩ ﺋﯘﺯﯗﻥ ﺋﯚﺗﻤﻪﻳﻼ 9 ﻣﺎﺩﺩﯨﻠﯩﻖ ﺳﯩﻴﺎﺳﻰ ﺧﯩﺘﺎﺑﻨﺎﻣﻪ ﺋﯧﻼﻥ ﻗﯩﻠﯩﻨﺪﻯ. 1 6 ﻛﯩﺸﻰ ﻫﯚﻛﯜﻣﻪﺕ ﺋﻪﺯﺍﻟﯩﺮﻯ ﺑﯧﻜﯩﺘﯩﻠﺪﻯ ﻫﻪﻣﺪﻩ ﺳﻪﻫﯩﻴﻪ، ﻣﺎﺋﺎﺭﯨﭗ، ﺩﯦﻬﻘﺎﻧﭽﯩﻠﯩﻖ-ﺋﻮﺭﻣﺎﻧﭽﯩﻠﯩﻖ، ﺩﯨﻨﻰ ﺋﯩﺸﻼﺭ، ﺑﺎﺝ، ﺳﻮﺩﺍ ﯞﻩ ﭼﺎﺭﯞﯨﭽﯩﻠﯩﻖ ﻣﯩﻨﯩﺴﺘﯩﺮﻟﯩﻜﻠﯩﺮﻯ ﻗﯘﺭﯗﻟﺪﻯ. ﺷﯘﻧﯩﯖﺪﯨﻦ ﺗﺎﺭﺗﯩﭗ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﯚﻛﯜﻣﯩﺘﯩﻨﯩﯔ ﺭﻩﻫﺒﻪﺭﻟﯩﻜﯩﺪﻩ ﺋﯩﻠﻰ ﺧﻪﻟﻘﻰ ﺗﯧﺰﺩﯨﻦ ﺋﯩﻠﯩﻨﻰ ﺗﻮﻟﯘﻕ ﺋﺎﺯﺍﺕ ﻗﯩﻠﺪﻯ.

1945-ﻳﯩﻠﻰ 8-ﺋﺎﭘﺮﯨﻠﺪﺍ ﻣﯩﻠﻠﯩﻲ ﺋﺎﺭﻣﯩﻴﯩﺴﯩﻨﻰ ﻗﯘﺭﯗﻟﯘﭖ، 6-ﺋﺎﻳﺪﯨﻦ ﺑﺎﺷﻼﭖ ﺋﯜﭺ ﻳﯚﻧﯩﻠﯩﺶ ﺑﻮﻳﯩﭽﻪ ﻫﯘﺟﯘﻣﻐﺎ ﺋﯚﺗﯜﭖ، ﺗﺎﺭﺑﺎﻏﺎﺗﺎﻱ ﯞﻩ ﺋﺎﻟﺘﺎﻱ ﯞﯨﻼﻳﻪﺗﻠﯩﺮﯨﻨﻰ ﻫﻪﻣﺪﻩ ﺟﻪﻧﯘﺏ ﺗﻪﺭﻩﭘﺘﻪ ﺋﺎﻗﺴﯘ، ﻗﻪﺷﻘﻪﺭ ﻫﻪﻡ ﻳﻪﻛﻪﻥ ﯞﯨﻼﻳﻪﺗﻠﯩﺮﯨﻨﯩﯔ ﺑﯩﺮ ﻗﯩﺴﯩﻢ ﻳﻪﺭﻟﯩﺮﯨﻨﻰ ﺋﺎﺯﺍﺩ ﻗﯩﻠﺪﻯ. ﺑﯩﺮﺍﻕ، ﺧﻪﻟﻘﺌﺎﺭﺍ ﯞﻩﺯﯨﻴﻪﺗﻨﯩﯔ ﺗﻪﻗﻪﺯﺯﺍﺳﻰ ﻫﻪﻣﺪﻩ ﺳﺘﺎﻟﯩﻦ ﻫﯚﻛﯜﻣﯩﺘﯩﻨﯩﯔ ﺑﯧﺴﯩﻤﻰ ﺳﻪﯞﻩﺑﯩﺪﯨﻦ 1945-ﻳﯩﻠﻰ 10-ﺋﺎﻳﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﻪﺕ ﻫﯚﻛﯜﻣﯩﺘﻰ ﺑﯩﻠﻪﻥ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺋﻮﺗﺘﯘﺭﯨﺴﯩﺪﺍ ﺗﯧﭽﻠﯩﻖ ﺳﯚﻫﺒﯩﺘﻰ ﺑﺎﺷﻠﯩﻨﯩﭗ، 1946-ﻳﯩﻠﻰ،7-ﺋﺎﻳﺪﺍ ﺑﯩﺮﻟﻪﺷﻤﻪ ﻫﯚﻛﯜﻣﻪﺕ ﺗﻪﺳﯩﺲ ﻗﯩﻠﯩﻨﺪﻯ. ﺋﻪﻣﻤﺎ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺗﯩﻨﭽﻠﯩﻖ ﻛﯧﻠﯩﺸﯩﻤﯩﻨﯩﯔ ﺭﻭﻫﻰ ﺑﻮﻳﯩﭽﻪ ﻗﯘﺭﯗﻟﻐﺎﻥ ﺑﯩﺮﻟﻪﺷﻤﻪ ﻫﯚﻛﯜﻣﻪﺕ ﺑﯩﺮ ﻳﯩﻠﻐﺎ ﻳﯧﻘﯩﻦ ﻣﻪﯞﺟﯘﺕ ﺑﻮﻟﯘﭖ، ﺳﯩﻴﺎﺳﻰ ﻛﯜﺭﻩﺵ ﺋﻪﯞﺟﻰ ﺋﺎﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻣﻪﺯﻛﯘﺭ ﻫﯚﻛﯜﻣﻪﺕ ﺑﯘﺯﯗﻟﯘﭖ، ﺋﻪﺧﻤﻪﺗﺠﺎﻥ ﻗﺎﺳﯩﻤﻰ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮﻟﻪﺷﻤﻪ ﻫﯚﻛﯜﻣﻪﺗﻜﻪ ﻗﺎﺗﻨﺎﺷﻘﺎﻥ ﯞﻩﻛﯩﻠﻠﻪﺭ ﻏﯘﻟﺠﯩﻐﺎ ﻗﺎﻳﺘﺘﻰ.

ﺋﻪﻧﻪ ﺷﯘﻧﯩﯖﺪﯨﻦ ﺗﺎﺭﺗﯩﭗ ﺗﺎﻛﻰ 1949-ﻳﯩﻠﻰ 10-ﺋﺎﻳﻐﯩﭽﻪ ﺋﯩﻠﻰ، ﺗﺎﺭﺑﺎﻏﺎﺗﺎﻱ ﯞﻩ ﺋﺎﻟﺘﺎﻳﻨﻰ ﺑﯩﺮ ﮔﻪﯞﺩﻩ ﻗﯩﻠﻐﺎﻥ ﻣﻪﺯﻛﯘﺭ ﻫﯚﻛﯜﻣﻪﺕ ﻣﯘﺳﺘﻪﻗﯩﻞ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﻨﻰ ﺩﺍﯞﺍﻣﻼﺷﺘﯘﺭﻏﺎﻥ ﺑﻮﻟﺴﯩﻤﯘ، ﺑﯩﺮﺍﻕ 1949-ﻳﯩﻠﻰ 9-ﺋﺎﻳﺪﺍ ﺋﻪﺧﻤﻪﺗﺠﺎﻥ ﻗﺎﺳﯩﻤﻰ، ﺋﯩﺴﻬﺎﻕ ﺑﻪﮒ ﻣﯘﻧﻮﻧﻮﻑ ﻗﺎﺗﺎﺭﻟﯩﻖ ﺋﯩﻨﻘﯩﻼﺏ ﺭﻩﻫﺒﻪﺭﻟﯩﺮﻯ ﺳﻮﯞﯦﺖ ﺗﯧﺮﺭﯨﺘﻮﺭﯨﻴﯩﺴﯩﺪﻩ "ﺋﺎﻳﺮﻭﭘﯩﻼﻥ ﻫﺎﺩﯨﺴﯩﺴﻰ" ﺩﯦﮕﻪﻥ ﻧﺎﻡ ﺋﺎﺳﺘﯩﺪﺍ ﺳﯩﺮﻟﯩﻖ ﺗﯜﺭﺩﻩ ﻗﺎﺯﺍﻏﺎ ﺋﯘﭼﺮﯨﺪﻯ. ﻛﯚﭘﯩﻨﭽﻪ ﺗﺎﺭﯨﺨﭽﯩﻼﺭ ﺋﻪﺧﻤﻪﺗﺠﺎﻥ ﻗﺎﺳﯩﻤﻰ ﻗﺎﺗﺎﺭﻟﯩﻘﻼﺭﻧﯩﯔ ﺳﺘﺎﻟﯩﻦ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﯜﭖ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﯚﻛﯜﻣﯩﺘﻰ ﺟﯜﻣﻠﯩﺪﯨﻦ ﭘﯜﺗﯜﻥ ﺋﯘﻳﻐﯘﺭ ﺋﯧﻠﯩﻨﯩﯔ ﺳﺘﺎﻟﯩﻦ ﺗﻪﺭﯨﭙﯩﺪﯨﻦ ﻣﺎﯞﺯﯦﺪﯗﯓ ﺑﺎﺷﭽﯩﻠﯩﻘﯩﺪﯨﻜﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﮕﻪ ﺳﻮﻏﺎ ﻗﯩﻠﯩﻨﻐﺎﻧﻠﯩﻘﯩﻨﻰ ﺧﯘﻻﺳﯩﻼﻳﺪﯗ.

ﺷﯘﻧﺪﺍﻕ ﻗﯩﻠﯩﭗ، 1949-ﻳﯩﻠﻰ 10-ﺋﺎﻳﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺑﯩﻠﻪﻥ ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﻯ ﺋﺎﺭﯨﺴﯩﺪﯨﻜﻰ ﻫﻪﻣﻜﺎﺭﻟﯩﻖ ﯞﻩ ﭘﯜﺗﯜﺷﯜﺵ ﺑﻮﻳﯩﭽﻪ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﻰ ﺋﯘﻳﻐﯘﺭ ﺋﯧﻠﯩﻐﺎ ﻛﯩﺮﺩﻯ. ﻣﯩﻠﻠﯩﻲ ﺋﺎﺭﻣﯩﻴﻪ 5-ﻛﻮﺭﭘﯘﺱ ﻗﯩﻠﯩﭗ ﺋﯚﺯﮔﻪﺭﺗﯩﻠﯩﭗ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻧﺎﻣﻰ ﺑﯩﻠﻪﻥ ﻗﯘﺭﯗﻟﯘﭖ، ﺋﯜﭺ ﯞﯨﻼﻳﻪﺗﺘﻪ ﺑﻪﺵ ﻳﯩﻞ ﻣﻪﯞﺟﯘﺕ ﺑﻮﻟﯘﭖ ﺗﯘﺭﻏﺎﻥ ﻫﺎﻛﯩﻤﯩﻴﻪﺕ ﺋﺎﺧﯩﺮﻻﺷﺘﯘﺭﯗﻟﺪﻯ.(ﺋﯜﻣﯩﺪﯞﺍﺭ)