ﺋﻪﻧﻘﻪﺭﻩﺩﻩ ﻛﯘﯕﺰﻯ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻗﯘﺭﯗﻟﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻫﯚﺭﯨﻴﻪﺕ ﮔﯧﺰﯨﺘﯩﻨﯩﯔ 24- ﺩﯦﻜﺎﺑﯩﺮ ﻛﯜﻧﯩﺪﯨﻜﻰ ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ "ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﻛﯘﯕﺰﻯ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻗﯘﺭﯗﻟﺪﻯ" ﻣﺎﯞﺯﯗﻟﯘﻕ ﺧﻪﯞﻩﺭ. Newspaper Source / Erkin Tarim

ﺗﯜﺭﻛﯩﻴﯩﻨﯩﯔ ﺗﻮﻧﯘﻟﻐﺎﻥ ﺋﯘﻧﯩﯟﯦﺮﺳﯩﺘﯧﺘﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﻛﯘﯕﺰﻯ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺭﻩﺳﻤﯩﻲ ﻗﯘﺭﯗﻟﻐﺎﻥ. ﺗﯜﺭﻛﯩﻴﯩﻨﯩﯔ ﺋﻪﯓ ﻧﻮﭘﯘﺯﻟﯘﻕ ﮔﯧﺰﯨﺘﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻫﯚﺭﯨﻴﻪﺕ ﮔﯧﺰﯨﺘﯩﻨﯩﯔ 24- ﺩﯦﻜﺎﺑﯩﺮ ﻛﯜﻧﯩﺪﯨﻜﻰ ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ "ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﻛﯘﯕﺰﻯ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻗﯘﺭﯗﻟﺪﻯ" ﻣﺎﯞﺯﯗﻟﯘﻕ ﺧﻪﯞﻩﺭﺩﻩ ﺋﯘﻧﯩﯟﯦﺮﺳﯩﺘﯧﺘﻨﯩﯔ ﻣﯘﺩﯨﺮﻯ ﭘﺮﻭﻑ. ﺩﺭ. ﺋﯘﺭﺍﻝ ﺋﺎﻗﺒﯘﻟﯘﺕ ﺋﻪﭘﻪﻧﺪﯨﻨﯩﯔ ﮔﯧﺰﯨﺘﻜﻪ ﺑﻪﺭﮔﻪﻥ ﺑﺎﻳﺎﻧﺎﺗﯩﻐﺎ ﻳﻪﺭ ﺑﯧﺮﯨﻠﮕﻪﻥ. ﺋﯘ ﺑﺎﻳﺎﻧﺎﺗﯩﺪﺍ ﺧﯩﺘﺎﻱ ﺗﯩﻠﯩﻨﻰ ﺋﯚﮔﯩﺘﯩﺶ، ﺧﯩﺘﺎﻱ ﻣﻪﺩﻩﻧﯩﻴﯩﺘﯩﻨﻰ ﯞﻩ ﺗﯜﺭﻙ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺶ ﺋﯜﭼﯜﻥ ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﻰ ﺗﺎﺭﻣﯩﻘﯩﺪﺍ ﻛﯘﯕﺰﻯ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻗﯘﺭﯗﻟﻐﺎﻧﻠﯩﻘﯩﻨﻰ، ﺑﯘ ﻣﻪﺭﻛﻪﺯﻧﯩﯔ ﺗﯜﺭﻛﯩﻴﯩﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﮔﺎﻧﻠﯩﺮﻯ ﺗﻪﺭﯨﭙﯩﺪﯨﻦ ﺗﻪﺳﺘﯩﻘﻼﻧﻐﺎﻧﻠﯩﻘﯩﻨﻰ، 2008- ﻳﯩﻠﻰ 2- ﺋﺎﻳﺪﯨﻦ ﺋﯧﺘﯩﺒﺎﺭﻩﻥ ﺧﯩﺘﺎﻳﭽﻪ ﺋﯚﮔﯩﺘﯩﺶ ﺑﺎﺷﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﯧﻴﯩﺘﻘﺎﻥ.

ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﻰ ﻣﯘﺩﯨﺮﻯ ﭘﺮﻭﻑ. ﺩﺭ. ﺋﯘﺭﺍﻝ ﺋﺎﻗﺒﯘﻟﯘﺕ ﺋﻪﭘﻪﻧﺪﻯ ﻫﯚﺭﯨﻴﻪﺕ ﮔﯧﺰﯨﺘﯩﮕﻪ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ ﺗﯜﺭﻛﻠﻪﺭﻧﯩﯔ ﺧﯩﺘﺎﻳﻨﻰ ﻳﺎﺧﺸﻰ ﭼﯜﺷﻪﻧﻤﻪﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﮕﻪﻥ: "ﺧﯩﺘﺎﻱ ﺗﺎﺭﯨﺨﻰ ﻣﻪﻧﺒﻪﻟﯩﺮﯨﺪﻩ ﺗﯜﺭﻛﻠﻪﺭ ﻫﻪﻗﻘﯩﺪﻩ ﻧﯘﺭﻏﯘﻥ ﻣﻪﻟﯘﻣﺎﺗﻼﺭ ﺑﺎﺭ. ﺗﯜﺭﻛﯩﻴﯩﺪﻩ ﺧﯩﺘﺎﻳﭽﻪ ﺑﯩﻠﯩﺪﯨﻐﺎﻥ ﻣﯘﺗﻪﺧﻪﺳﺴﯩﺴﻠﯩﺮﯨﻤﯩﺰ ﺋﺎﺯ ﺑﻮﻟﻐﺎﭼﻘﺎ ﺗﯜﺭﻙ ﺗﺎﺭﯨﺨﯩﻨﻰ ﺗﻮﻟﯘﻕ ﺑﯩﻠﻤﻪﻳﻤﯩﺰ. ﭼﯜﻧﻜﻰ ﺗﺎﺭﯨﺨﺘﺎ ﺗﯜﺭﻛﻠﻪﺭ ﺋﻪﯓ ﻛﯚﭖ ﺋﺎﻻﻗﻪ ﻗﯩﻠﻐﺎﻥ ﺩﯙﻟﻪﺕ ﺧﯩﺘﺎﻳﺪﯗﺭ. ﺷﯘﯕﺎ ﺧﯩﺘﺎﻳﭽﯩﻨﻰ ﻳﺎﺧﺸﻰ ﺑﯩﻠﯩﺪﯨﻐﺎﻥ ﻣﯘﺗﻪﺧﻪﺳﺴﯩﺴﻠﻪﺭ ﺗﯜﺭﻙ ﺗﺎﺭﯨﺨﯩﻨﻰ ﻳﻮﺭﯗﻗﻘﺎ ﭼﯩﻘﯩﺮﯨﺶ ﺋﯜﭼﯜﻧﻤﯘ ﭘﺎﻳﺪﯨﻠﯩﻖ. ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺧﯩﺘﺎﻱ ﺩﯙﻟﯩﺘﻰ ﺯﻭﺭﯨﻴﯩﯟﺍﺗﻘﺎﻥ ﺑﯩﺮ ﻛﯜﭺ."

ﭘﺮﻭﻑ. ﺩﺭ. ﺋﯘﺭﺍﻝ ﺋﺎﻗﺒﯘﻟﯘﺕ ﺋﻪﭘﻪﻧﺪﻯ ﺑﺎﻳﺎﻧﺎﺗﯩﺪﺍ ﻛﯘﯕﺰﻯ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﻰ ﺧﯩﺘﺎﻳﻼﺭ ﺑﯩﻠﻪﻥ ﺋﻮﺭﺗﺎﻕ ﻗﯘﺭﻏﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﮕﻪﻥ:"ﺑﯩﺮ ﻗﺎﻧﭽﻪ ﺋﺎﻱ ﺑﯘﺭﯗﻥ ﺧﯩﺘﺎﻱ ﺋﻪﻟﭽﯩﺴﻰ ﺧﯩﺘﺎﻱ ﻣﻪﺩﻩﻧﯩﻴﯩﺘﯩﻨﻰ ، ﺧﯩﺘﺎﻱ ﺗﯩﻠﯩﻨﻰ ﺋﯚﮔﯩﺘﯩﺶ ﺋﯜﭼﯜﻥ ﺑﯩﺰﻧﯩﯔ ﺋﯘﻧﯩﯟﯦﺮﺳﯩﺘﯧﺖ ﺑﯩﻠﻪﻥ ﺋﻮﺭﺗﺎﻕ ﺑﯩﺮ ﻣﻪﺭﻛﻪﺯ ﻗﯘﺭﯗﺵ ﺗﻪﻛﻠﯩﭙﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺑﯩﺰ ﻣﯘﺯﺍﻛﯩﺮﻩ ﻗﯩﻠﯩﺶ ﻧﻪﺗﯩﺠﯩﺴﯩﺪﻩ ﻣﯘﯞﺍﭘﯩﻖ ﻛﯚﺭﺩﯗﻕ. ﻣﻪﺭﻛﯩﺰﯨﻤﯩﺰﮔﻪ ﺧﯩﺘﺎﻳﻼﺭ ﺋﻮﻗﯘﺗﻘﯘﭼﻰ ﺋﻪﯞﻩﺗﻤﻪﻛﭽﻰ، ﺋﯩﻘﺘﯩﺴﺎﺩﯨﻲ ﭼﯩﻘﯩﻤﻨﯩﯔ ﻳﯧﺮﯨﻤﯩﻨﻰ ﺧﯩﺘﺎﻱ ﺩﯙﻟﯩﺘﻰ ﺋﯚﺗﯩﻤﻪﻛﭽﻰ. ﺧﯩﺘﺎﻱ ﺩﯙﻟﯩﺘﻰ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﻛﯘﯕﺰﻯ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻗﯘﺭﯨﯟﺍﺗﯩﺪﯗ. ﺗﯜﺭﻛﯩﻴﯩﺪﻩ ﻗﯘﺭﯗﻟﻐﺎﻥ ﺑﯘ ﻣﻪﺭﻛﻪﺯﻣﯘ ﺋﯘﻻﺭﻧﯩﯔ ﺑﯩﺮﯨﺪﯗﺭ."

ﺧﯩﺘﺎﻱ ﻫﯚﻛﯜﻣﯩﺘﻰ 1990- ﻳﯩﻠﻼﺭﺩﯨﻦ ﺗﺎﺭﺗﯩﭗ ﺗﯜﺭﻛﯩﻴﻪ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﮕﻪ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﭗ ﻛﻪﻟﻤﻪﻛﺘﻪ. ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﻗﻪﻳﺴﯩﺮﯨﺪﯨﻜﻰ ﺋﻪﺭﺟﯩﻴﻪﺱ ﺋﯘﻧﯩﯟﯦﺮﺳﯩﺘﯧﺘﯩﺪﺍ، ﺋﯩﺴﺘﺎﻧﺒﯘﻟﺪﯨﻜﻰ ﺋﻮﻗﺎﻥ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺧﯩﺘﺎﻳﭽﻪ ﺑﯚﻟﯜﻡ ﺋﯧﭽﯩﻠﺪﻯ، ﺋﻪﻣﺪﻯ ﺑﻮﻟﺴﺎ ﺗﯜﺭﻛﯩﻴﯩﻨﯩﯔ ﺗﻮﻧﯘﻟﻐﺎﻥ ﺋﯘﻧﯩﯟﯦﺮﺳﯩﺘﯧﺘﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﻛﯘﯕﺰﻯ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻗﯘﺭﯗﻟﺪﻯ. ﺑﯘ ﻧﯧﻤﯩﻨﯩﯔ ﺋﯩﭙﺎﺩﯨﺴﻰ؟ ﺧﯩﺘﺎﻱ ﻫﯚﻛﯜﻣﯩﺘﻰ ﻧﯧﻤﻪ ﺋﯜﭼﯜﻥ ﺋﯩﻘﺘﯩﺴﺎﺩﯨﻲ ﻳﺎﺭﺩﻩﻣﻠﻪﺭﻧﻰ ﻗﯩﻠﯩﭗ ﺑﯘ ﺧﯩﻞ ﻣﻪﺭﻛﻪﺯﻟﻪﺭﻧﻰ ﻗﯘﺭﺩﯗﺭﯨﺪﯗ؟ ﺑﯘﻧﯩﯔ ﺋﯘﻳﻐﯘﺭ ﺩﺍﯞﺍﺳﯩﻐﺎ ﺑﻮﻟﻐﺎﻥ ﺗﻪﺳﯩﺮﻯ ﻗﺎﻧﺪﺍﻕ ﺑﻮﻻﺭ؟ (ﺋﻪﺭﻛﯩﻦ ﺗﺎﺭﯨﻢ)