ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺋﺎﺳﯩﻴﺎ ﺋﯩﺸﻠﯩﺮﻯ ﻣﻪﺳﺌﯘﻟﻰ ﯞﯨﻨﺴﯩﻨﺖ ﺑﺮﯗﺳﯧﻞ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻫﻪﺭﯨﻜﯩﺘﻰ ﭘﯩﻜﯩﺮ ﺋﻪﺭﻛﯩﻨﻠﯩﻜﯩﮕﻪ ﭘﯜﺗﯜﻧﻠﻪﻱ ﺧﯩﻼﭖ، ﺩﻩﭖ ﻛﯚﺭﺳﻪﺗﺘﻰ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﭼﺎﺭﺷﻪﻧﺒﻪ ﻛﯜﻧﻰ "ﺷﯩﻨﺠﺎﯓ" ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺧﯩﺰﻣﻪﺗﭽﯩﺴﻰ ﻣﻪﻫﺒﯘﺑﻪ ﺋﺎﺑﻠﻪﺷﻨﯩﯔ ﺧﯩﺰﻣﯩﺘﯩﺪﯨﻦ ﭼﯩﻘﯩﺮﯨﻠﻐﺎﻧﻠﯩﻘﻰ ﯞﻩ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺋﻪﻳﯩﺒﻠﻪﭖ ﺋﯧﻼﻥ ﻗﯩﻠﻐﺎﻥ ﺑﺎﻳﺎﻧﺎﺗﯩﺪﺍ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯘ ﻫﻪﺭﯨﻜﯩﺘﻰ ﭘﯩﻜﯩﺮ ﺋﻪﺭﻛﯩﻨﻠﯩﻜﯩﮕﻪ ﺧﯩﻼﭖ ﺋﯩﻜﻪﻧﻠﯩﻜﻰ ﺷﯘﻧﺪﺍﻗﻼ ﺩﺍﺋﯩﺮﯨﻠﻪﺭﻧﯩﯔ ﻣﻪﻫﺒﯘﺑﻪ ﺋﺎﺑﻠﻪﺷﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺗﯜﺭﻣﯩﺪﯨﻜﻰ ﺋﯘﻳﻐﯘﺭ ﺋﺎﺧﺒﺎﺭﺍﺕ ﺧﯩﺰﻣﻪﺗﭽﯩﻠﯩﺮﯨﻨﻰ ﻗﻮﻳﯘﭖ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﺪﻯ.

ﻣﻪﻫﺒﯘﺑﻪ ﺋﺎﺑﻠﻪﺷﻨﯩﯔ ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻦ، ﻛﯜﺭﻩﺵ ﻫﯜﺳﻪﻳﯩﻦ، ﺋﺎﺑﺪﯗﻏﻪﻧﻰ ﻣﻪﻣﺘﯩﻤﯩﻦ ﻗﺎﺗﺎﺭﻟﯩﻖ ﻳﺎﺯﻏﯘﭼﻰ، ﻣﯘﻫﻪﺭﺭﯨﺮ ﯞﻩ ﺋﺎﺧﺒﺎﺭﺍﺗﭽﯩﻼﺭﻏﺎ ﺋﻮﺧﺸﺎﺵ ﺋﺎﺩﺍﻟﻪﺗﺴﯩﺰ ﺟﺎﺯﺍﻻﻧﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺑﺎﻳﺎﻧﺎﺗﺘﺎ، "ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺷﯘﻧﯩﯖﻐﺎ ﺋﯩﺸﯩﻨﯩﺪﯗﻛﻰ، ﺑﯘ ﺋﯘﻳﻐﯘﺭﻻﺭﻧﯩﯔ ﻫﻪﻣﻤﯩﺴﻰ ﺋﯚﺯ ﭘﯩﻜﯩﺮﯨﻨﻰ ﺋﺎﺷﻜﺎﺭﺍ ﺋﯩﭙﺎﺩﯨﻠﯩﮕﻪﻧﻠﯩﻜﻰ ﺋﯜﭼﯜﻧﻼ ﺋﺎﺩﺍﻟﻪﺗﺴﯩﺰ ﺟﺎﺯﺍﻻﻧﻐﺎﻥ ﺑﻮﻟﯘﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﯘﻻﺭﻧﻰ ﻗﻮﻳﯘﭖ ﺑﯧﺮﯨﺸﻜﻪ ﭼﺎﻗﯩﺮﯨﺪﯗ" ﺩﻩﭖ ﻛﯚﺭﺳﻪﺗﺘﻰ. ﺑﺎﻳﺎﻧﺎﺗﺘﺎ ﻣﻪﺗﺒﯘﺋﺎﺕ ﭼﻪﻛﻠﯩﻤﯩﺴﻰ ﯞﻩ ﻛﻮﻧﺘﺮﻭﻟﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻧﺎﻫﺎﻳﯩﺘﻰ ﻗﺎﺗﺘﯩﻖ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻧﻠﯩﻘﻰ ﺗﻪﻧﻘﯩﺪﻟﻪﻧﮕﻪﻥ ﺷﯘﻧﺪﺍﻗﻼ ﺋﯘﻳﻐﯘﺭ ﺋﺎﺧﺒﺎﺭﺍﺗﭽﯩﻠﯩﺮﯨﻨﯩﯔ ﺋﯚﺯ ﭘﯩﻜﯩﺮﯨﻨﻰ ﺋﻪﺭﻛﯩﻦ ﺋﯩﭙﺎﺩﯨﻠﻪﺷﻜﻪ ﻳﻮﻝ ﻗﻮﻳﯘﺷﻨﯩﯔ ﻧﺎﻫﺎﻳﯩﺘﻰ ﺟﯩﺪﺩﯨﻲ ﻣﻪﺳﯩﻠﻪ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ ﺑﯩﻠﺪﯛﺭﯛﻟﮕﻪﻥ.

ﺑﺎﻳﺎﻧﺎﺗﺘﺎ ﻣﯘﻧﺪﺍﻕ ﺩﯦﻴﯩﻠﯩﺪﯗ": ﺷﯩﻨﺠﺎﯕﺪﺍ ﻣﻪﺗﺒﯘﺋﺎﺕ ﭼﻪﻛﻠﯩﻤﯩﺴﻰ ﯞﻩ ﺳﺎﻗﭽﯩﻼﺭﻧﯩﯔ ﻛﻮﻧﺘﺮﻭﻟﻰ ﺧﯩﺘﺎﻳﻨﯩﯔ ﺑﺎﺷﻘﺎ ﺋﯚﻟﻜﯩﻠﯩﺮﯨﮕﻪ ﻗﺎﺭﯨﻐﺎﻧﺪﺍ ﻧﺎﻫﺎﻳﯩﺘﻰ ﻗﺎﺗﺘﯩﻖ ﻳﻮﻟﻐﺎ ﻗﻮﻳﯘﻟﻤﺎﻗﺘﺎ، ﺑﻮﻟﯘﭘﻤﯘ ﺭﺍﻣﯩﺰﺍﻥ ﺋﯧﻴﯩﺪﺍ ﺗﯧﺨﯩﻤﯘ ﻗﺎﺗﺘﯩﻖ ﻳﯜﺭﮔﯜﺯﯛﻟﻤﻪﻛﺘﻪ " ﺷﯘﻧﺪﺍﻗﻼ " ﺋﯘﻳﻐﯘﺭ ﺋﺎﺧﺒﺎﺭﺍﺗﭽﯩﻠﯩﺮﯨﻨﯩﯔ ﺯﻭﺭﺍﯞﺍﻧﻠﯩﻘﻘﺎ ﻛﯜﺷﻜﯜﺭﺗﯜﺵ ﻳﺎﻛﻰ ﺩﯙﻟﻪﺗﻨﯩﯔ ﺯﯦﻤﯩﻦ ﭘﯜﺗﯜﻧﻠﯜﻛﯩﮕﻪ ﺗﻪﻫﺪﯨﺖ ﺳﯧﻠﯩﺶ ﺩﯦﮕﻪﻧﺪﻩﻙ ﺗﻮﻗﯘﻟﻤﺎ ﺟﯩﻨﺎﻳﻪﺗﻠﻪﺭ ﺑﯩﻠﻪﻥ ﺟﺎﺯﺍﻻﻧﻤﺎﻱ، ﻣﺎﻗﺎﻟﻪ ﻳﯧﺰﯨﺶ ﯞﻩ ﺋﯚﺯ ﭘﯩﻜﯩﺮﯨﻨﻰ ﺋﻪﺭﻛﯩﻦ ﺋﯩﭙﺎﺩﯨﻠﻪﺷﻜﻪ ﻳﻮﻝ ﻗﻮﻳﯘﺷﻘﺎ ﺟﯩﺪﺩﯨﻲ ﺯﯙﺭﯛﺭﯨﻴﻪﺕ ﺗﯘﻏﯘﻟﻤﺎﻗﺘﺎ."

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺋﺎﺳﯩﻴﺎ ﺋﯩﺸﻠﯩﺮﻯ ﻣﻪﺳﺌﯘﻟﻰ ﯞﯨﻨﺴﯧﻨﺖ ﺑﺮﯗﺳﯧﻞ ﭼﺎﺭﺷﻪﻧﺒﻪ ﻛﯜﻧﻰ ﻣﻪﻫﺒﯘﺑﻪ ﺋﺎﺑﻠﻪﺷﻨﯩﯔ ﻗﻮﻟﻐﺎ ﺋﯧﻠﯩﻨﯩﺶ ﯞﻩﻗﻪﺳﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﯨﻐﺎ ﺳﯚﻫﺒﻪﺕ ﺋﯧﻼﻥ ﻗﯩﻠﯩﭗ، ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺧﯩﺘﺎﻱ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﺪﯨﻦ ﻣﻪﻫﺒﯘﺑﻪﻧﯩﯔ ﺋﻪﻫﯟﺍﻟﻰ ﺗﻮﻏﺮﯨﺴﯩﺪﺍ ﺗﻪﭘﺴﯩﻠﯩﻲ ﺋﯘﭼﯘﺭ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﯞﯨﻨﺴﯧﻨﺖ ﺑﺮﯗﺳﯧﻞ،" ﺑﯩﺰ ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﺋﯘﻧﯩﯔ ﻗﻮﻟﻐﺎ ﺋﯧﻠﯩﻨﯩﺸﯩﯩﻨﯩﯔ ﻗﺎﻧﯘﻧﯩﻲ ﺋﺎﺳﺎﺳﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺗﻪﭘﺴﯩﻠﯩﻲ ﻣﻪﻟﯘﻣﺎﺗﻼﺭ ﺑﯩﻠﻪﻥ ﺗﻪﻣﯩﻨﻠﯩﺸﯩﻨﻰ ﺗﻪﻟﻪﭖ ﻗﯩﻠﺪﯗﻕ.

ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ ﺩﺍﺋﯩﺮﯨﻠﯩﺮﯨﻨﯩﯔ ﺧﯩﺰﻣﻪﺗﭽﯩﻠﻪﺭﮔﻪ ﭼﯜﺷﻪﻧﺪﯛﺭﯛﺷﯩﭽﻪ، ﺋﯘ ﺗﻮﺭ ﺑﯧﺘﯩﺪﻩ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ ﻗﻮﻟﻐﺎ ﺋﯧﻠﯩﻨﻐﺎﻥ. ﺑﯩﺮﺍﻕ ﺗﻮﺭ ﺑﯧﺘﯩﺪﻩ ﺗﻪﻧﻘﯩﺪﻯ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺶ ﺟﯩﻨﺎﻳﻪﺕ ﺋﻪﻣﻪﺱ. ﻫﻪﺗﺘﺎ ﺑﯘ ﭘﯩﻜﯩﺮ ﺳﻪﺯﮔﯜﺭ ﻣﻪﺳﯩﻠﯩﻠﻪﺭﮔﻪ ﭼﯧﺘﯩﻠﻐﺎﻥ ﺗﻪﻗﺪﯨﺮﺩﯨﻤﯘ. ﺷﯘﯕﺎ ﺑﯩﺰ ﻫﯚﻛﯜﻣﻪﺗﻨﯩﯔ ﺋﯘﻧﯩﯔ ﺗﻮﻏﺮﯨﺴﯩﺪﺍ ﺗﯧﺨﯩﻤﯘ ﻛﯚﭖ ﺋﯘﭼﯘﺭ ﺑﯩﻠﻪﻥ ﺗﻪﻣﯩﻨﻠﯩﺸﯩﻨﻰ، ﻣﻪﻫﺒﯘﺑﻪ ﺋﺎﺑﻠﻪﺷﻨﯩﯔ ﻛﯜﻧﺪﯨﻠﯩﻚ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺋﯘﭼﯘﺭ ﺑﯧﺮﯨﭗ ﺗﯘﺭﯗﺷﯩﻨﻰ ﺗﻪﻟﻪﭖ ﻗﯩﻠﺪﯗﻕ. ﭼﯜﻧﻜﻰ ﺑﯘ ﻳﻪﺭﺩﯨﻜﻰ ﻣﻪﺳﯩﻠﻪ ﭘﯩﻜﯩﺮ ﺋﻪﺭﻛﯩﻨﻠﯩﻜﯩﺪﯨﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺱ. ﺷﯘﯕﺎ ﻫﻪﻣﻤﻪ ﻧﻪﺭﺳﻪ ﺋﻮﭼﯘﻕ - ﺋﺎﺷﻜﺎﺭﺍ ﺑﻮﻟﯘﺷﻰ ﻛﯧﺮﻩﻙ. ﺋﻪﮔﻪﺭ ﺋﯘ ﻣﯘﺷﯘ ﺳﻪﯞﻩﺑﺘﯩﻦ ﻗﻮﻟﻐﺎ ﺋﯧﻠﯩﻨﻐﺎﻥ ﺑﻮﻟﺴﺎ ﺋﯘ ﻗﻮﻳﯘﭖ ﺑﯧﺮﯨﻠﯩﺸﻰ ﻻﺯﯨﻢ" ﺩﻩﭖ ﻛﯚﺭﺳﻪﺗﺘﻰ.

ﯞﯦﻨﺴﯩﻨﺖ ﺑﺮﯗﺳﯧﻠﻨﯩﯔ ﺋﻪﺳﻜﻪﺭﺗﯩﺸﯩﮕﻪ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﻫﺎﺯﯨﺮﻏﺎ ﻗﻪﺩﻩﺭ ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﻣﻪﻫﺒﯘﺑﻪ ﺋﺎﺑﻠﻪﺵ ﺗﻮﻏﺮﯨﺴﯩﺪﯨﻜﻰ ﺗﻪﻟﯩﭙﯩﮕﻪ ﺟﺎﯞﺍﺏ ﺑﻪﺭﻣﯩﮕﻪﻥ. ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺑﺎﻳﺎﻧﺎﺗﯩﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﻣﻪﻫﺒﯘﺑﻪ ﺋﺎﺑﻠﻪﺵ ﺑﯩﻠﻪﻥ ﺑﯩﺮ ﻗﺎﺗﺎﺭﺩﺍ ﻳﻪﻧﻪ ﺧﯩﺘﺎﻱ ﺗﯜﺭﻣﯩﺴﯩﺪﯨﻜﻰ "ﻳﺎﯞﺍ ﻛﻪﭘﺘﻪﺭ" ﺩﯦﮕﻪﻥ ﺋﻪﺳﻪﺭﻧﯩﯔ ﺋﺎﭘﺘﻮﺭﻯ ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻦ، ﻗﻪﺷﻘﻪﺭﻟﯩﻚ ﺋﻮﻗﯘﺗﻘﯘﭼﻰ، ﺗﻪﺭﺟﯩﻤﺎﻥ ﯞﻩ ﺋﺎﺧﺒﺎﺭﺍﺗﭽﻰ ﺋﺎﺑﺪﯗﻏﻪﻧﻰ ﻣﻪﻣﺘﯩﻤﯩﻦ ﻗﺎﺗﺎﺭﻟﯩﻘﻼﺭﻧﻰ ﻗﻮﻳﯘﭖ ﺑﯧﺮﯨﺸﻜﻪ ﭼﺎﻗﯩﺮﯨﭗ، ﺑﯘ ﻛﯩﺸﯩﻠﻪﺭﻧﯩﯔ ﺋﯚﺯ ﭘﯩﻜﯩﺮﯨﻨﻰ ﺋﻪﺭﻛﯩﻦ ﺋﯩﭙﺎﺩﯨﻠﯩﮕﻪﻧﻠﯩﻚ ﺗﯜﭘﻪﻳﻠﻰ ﺋﺎﺩﺍﻟﻪﺗﺴﯩﺰ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﺪﯨﻜﻰ ﯞﯦﻨﺴﯧﻨﺖ ﺑﺮﯗﺳﯧﻞ ﺋﯘﻻﺭﻧﻰ ﻗﻮﻳﯘﭖ ﺑﯧﺮﯨﺸﻜﻪ ﭼﺎﻗﯩﺮﺩﻯ. ﺋﯘ ﻣﯘﻧﺪﺍﻕ ﺩﻩﻳﺪﯗ": ﺑﯘ ﻛﯩﺸﯩﻠﻪﺭﻧﯩﯔ ﻫﻪﻣﻤﯩﺴﻰ ﻗﻮﻳﯘﭖ ﺑﯧﺮﯨﻠﯩﺸﻰ ﻛﯧﺮﻩﻙ. ﭼﯜﻧﻜﻰ ﺋﯘﻻﺭ ﺋﯚﺯﯨﻨﯩﯔ ﭘﯩﻜﯩﺮ ﺋﻪﺭﻛﯩﻨﻠﯩﻚ ﻫﻮﻗﯘﻗﯩﻨﻰ ﻗﻮﻟﻼﻧﻐﺎﻥ ﺷﯘﻧﺪﺍﻗﻼ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭ ﺑﯩﻠﻪﻥ ﺋﺎﻻﻗﻪ ﻗﯩﻠﻐﺎﻥ ﯞﻩ ﺋﯘﻻﺭﻧﯩﯔ ﭘﺎﺋﺎﻟﯩﻴﯩﺘﻰ ﺋﯜﺳﺘﯩﺪﻩ ﻛﯜﺯﯨﺘﯩﺶ ﺋﯧﻠﯩﭗ ﺑﺎﺭﻏﺎﻥ ﺧﺎﻻﺱ. ﺷﯘﯕﺎ ﻣﻪﻫﺒﯘﺑﻪ ﺋﺎﺑﻠﻪﺵ، ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻦ ﯞﻩ ﺋﺎﺑﺪﯗﻏﻪﻧﻰ ﻣﻪﻣﺘﯩﻤﯩﻨﻠﻪﺭﻧﻰ ﻗﻮﻟﻐﺎ ﺋﯧﻠﯩﺸﻨﯩﯔ ﻫﯧﭽﻘﺎﻧﺪﺍﻕ ﺳﻪﯞﻩﺑﻰ ﻳﻮﻕ. ﺋﯘﻻﺭ ﺩﻩﺭﻫﺎﻝ ﻗﻮﻳﯘﭖ ﺑﯧﺮﯨﻠﯩﺸﻰ ﻛﯧﺮﻩﻙ."

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺗﯩﺰﯨﻤﻠﯩﻜﯩﺪﯨﻜﻰ ﻳﺎﺯﻏﯘﭼﻰ ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻦ 2004 ‏ - ﻳﯩﻠﻰ "ﻗﻪﺷﻘﻪﺭ ﺋﻪﺩﻩﺑﯩﻴﺎﺗﻰ" ﺩﺍ ﺋﯧﻼﻥ ﻗﯩﻠﯩﻨﻐﺎﻥ "ﻳﺎﯞﺍ ﻛﻪﭘﺘﻪﺭ" ﺩﯦﮕﻪﻥ ﻫﯧﻜﺎﻳﯩﺴﻰ ﺳﻪﯞﻩﺑﯩﺪﯨﻦ ﻗﻮﻟﻐﺎ ﺋﯧﻠﯩﻨﯩﭗ، 10 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻥ ﺋﯩﺪﻯ. " ﻗﻪﺷﻘﻪﺭ ﺋﻪﺩﻩﺑﯩﻴﺎﺗﻰ" ﮊﻭﺭﻧﯩﻠﯩﻨﯩﯔ ﻣﯘﻫﻪﺭﺭﯨﺮﻯ ﻛﯜﺭﻩﺵ ﻫﯜﺳﻪﻳﯩﻦ ﺑﻮﻟﺴﺎ ﻣﻪﺯﻛﯘﺭ ﻫﯧﻜﺎﻳﯩﻨﻰ ﮊﻭﺭﻧﺎﻟﺪﺍ ﺗﻪﻫﺮﯨﺮﻟﯩﮕﻪﻧﻠﯩﻚ ﺳﻪﯞﻩﺑﯩﺪﯨﻦ 3 ﻳﯩﻞ ﺗﯜﺭﻣﯩﺪﻩ ﻳﺎﺗﻘﺎﻥ. ﺋﺎﺑﺪﯗﻏﻪﻧﻰ ﻣﻪﻣﺘﯩﻤﯩﻦ ﺑﻮﻟﺴﺎ 2003 ‏ - ﻳﯩﻠﻰ ﮔﯧﺮﻣﺎﻧﯩﻴﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯘﭼﯘﺭ ﻣﻪﺭﻛﯩﺰﯨﮕﻪ ﺧﻪﯞﻩﺭ ﺋﻪﯞﻩﺗﻜﻪﻧﻠﯩﻚ ﺗﯜﭘﻪﻳﻠﻰ 9 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻥ ﺋﯩﺪﻯ.

ﯞﯦﻨﺴﯩﻨﺖ ﺑﺮﯗﺳﯧﻞ ﺋﻮﻟﯩﻤﭙﯩﻚ ﻳﯩﻐﯩﻨﻰ ﺋﯘﻳﻐﯘﺭ ﺋﯧﻠﯩﺪﻩ ﺋﯘﺯﯗﻥ ﻣﻪﺯﮔﯩﻠﻠﯩﻚ ﭘﯩﻜﯩﺮ ﺋﻪﺭﻛﯩﻨﻠﯩﻚ ﻣﯘﻫﯩﺘﻰ ﻳﺎﺭﯨﺘﺎﻟﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ، " ﺑﯘﻧﯩﯔ ﺋﯩﺠﺎﺑﯩﻲ ﺗﻪﺳﯩﺮﻯ ﺑﻮﻟﺪﻯ ﺩﯦﮕﯩﻠﻰ ﺑﻮﻟﻤﺎﻳﺪﯗ. ﻟﯧﻜﯩﻦ ﻗﯩﺴﻘﺎ ﯞﺍﻗﯩﺘﻨﻰ ﻛﯚﺯﺩﻩ ﺗﯘﺗﻘﺎﻧﺪﺍ ﺑﯘﻧﯩﯔ ﻣﻪﻟﯘﻡ ﺋﯩﺠﺎﺑﯩﻲ ﺗﻪﺳﯩﺮﻯ ﺑﻮﻟﺪﻯ. ﺑﻪﺯﻯ ﻣﻪﺗﺒﯘﺋﺎﺗﻼﺭ ﺷﯩﻨﺠﺎﯕﻐﺎ ﻣﯘﺧﺒﯩﺮﻻﺭﻧﻰ ﺋﻪﯞﻩﺗﺘﻰ، ﺑﯘ ﻳﻪﺭﺩﻩ ﺧﯩﺰﻣﻪﺕ ﻗﯩﻠﺪﻯ. ﻫﺎﺯﯨﺮ ﺋﻮﻟﯩﻤﭙﯩﻚ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ ﻣﻪﺗﺒﯘﺋﺎﺗﻼﺭﻧﯩﯔ ﻗﯩﺰﯨﻘﯩﺸﻰ ﺑﯩﺮ ﺋﺎﺯ ﺳﯘﺳﻼﺷﻘﺎﻧﻠﯩﻘﯩﻨﻰ ﻛﯚﺭﯛﯞﺍﺗﯩﻤﯩﺰ. ﺷﯘﻧﯩﯔ ﺑﯩﻠﻪﻥ ﺗﻪﯓ ﻛﻮﻧﺘﺮﻭﻟﻠﯘﻕ ﺑﻮﻟﯘﭘﻤﯘ ﺭﺍﻣﯩﺰﺍﻥ ﺋﯧﻴﯩﺪﺍ ﻛﻮﻧﺘﺮﻭﻟﻠﯘﻕ ﺗﯧﺨﯩﻤﯘ ﻛﯜﭼﻪﻳﺘﯩﻠﺪﻯ. ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﻳﯜﺯ ﺑﻪﺭﮔﻪﻥ ﺗﯧﺮﺭﻭﺭﻟﯘﻕ ﻫﯘﺟﯘﻣﻼﺭ ﺗﯜﭘﻪﻳﻠﻰ ﻛﻮﻧﺘﺮﻭﻟﻠﯘﻕ ﻛﯜﭼﻪﻳﮕﻪﻥ، ﺑﯘ ﻛﯩﺸﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﺎﻥ ﺋﯩﺪﻯ. ﻟﯧﻜﯩﻦ ﺑﯘ ﯞﻩﻗﻪﻟﻪﺭﺩﻩ ﺧﻪﻟﻖ ﺋﺎﻣﻤﯩﺴﻰ ﻫﻪﺭ ﺋﯩﻜﻜﻰ ﺗﻪﺭﻩﭘﻨﯩﯔ ﻳﻪﻧﻰ ﺑﯚﻟﮕﯜﻧﭽﻰ ﮔﯘﺭﯗﻫﻼﺭ ﯞﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻗﻮﻟﻼﻧﻐﺎﻥ ﺯﻭﺭﺍﯞﺍﻧﻠﯩﻘﻨﯩﯔ ﻗﯘﺭﺑﺎﻧﯩﻐﺎ ﺋﺎﻳﻼﻧﺪﻯ."

ﻣﻪﻫﺒﯘﺑﻪ ﺋﺎﺑﻠﻪﺵ، "ﺷﯩﻨﺠﺎﯓ" ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺋﯧﻼﻥ ﺳﻪﻧﺌﻪﺕ ﺑﯚﻟﯜﻣﯩﺪﻩ ﺧﯩﺰﻣﻪﺕ ﻗﯩﻠﯩﺪﯨﻐﺎﻥ ﻫﯚﻛﯜﻣﻪﺕ ﺳﯩﻴﺎﺳﯩﺘﯩﮕﻪ ﺗﻪﻧﻘﯩﺪﻯ ﻗﺎﺭﺍﺷﺘﯩﻜﻰ ﺋﺎﺧﺒﺎﺭﺍﺕ ﺧﺎﺩﯨﻤﻰ ﺑﻮﻟﯘﭖ، ﺋﯘ ﺗﻮﺭ ﺑﯧﺘﯩﺪﻩ ﻣﺎﻗﺎﻟﻪ ﻳﯧﺰﯨﭗ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺭﻩﻫﺒﻪﺭﻟﯩﺮﯨﻨﻰ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺳﯩﻴﺎﺳﯩﺘﯩﻨﻰ ﺗﻪﻧﻘﯩﺪﻟﯩﮕﻪﻥ. "ﺷﯩﻨﺠﺎﯓ" ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ 8 ‏ - ﺋﺎﻳﺪﺍ ﺋﯘﻧﯩﯔ ﺧﯩﺰﻣﯩﺘﯩﻨﻰ ﺗﻮﺧﺘﺎﺗﻘﺎﻥ ﯞﻩ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺋﻮﺭﮔﺎﻧﻠﯩﺮﻯ ﺗﻪﺭﯨﭙﯩﺪﯨﻦ ﻗﻮﻟﻐﺎ ﺋﯧﻠﯩﻨﻐﺎﻥ ﺋﯩﺪﻯ. ﺋﯘ، ﺋﯘﻳﻐﯘﺭ ﺋﯧﻠﯩﻨﯩﯔ ﻧﯚﯞﻩﺗﺘﯩﻜﻰ ﯞﻩﺯﯨﻴﯩﺘﻰ ﻧﺎﻫﺎﻳﯩﺘﻰ ﯞﻩﻫﯩﻤﯩﻠﯩﻚ ﺋﻪﻫﯟﺍﻟﺪﺍ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﯞﯦﻨﺴﯩﻨﺖ ﺑﺮﯗﺳﯧﻞ ﻣﯘﻧﺪﺍﻕ ﺩﻩﻳﺪﯗ": ﯞﻩﺯﯨﻴﻪﺗﻨﻰ ﻧﺎﻫﺎﻳﯩﺘﻰ ﯞﻩﻫﯩﻤﯩﻠﯩﻚ، ﺩﯦﻴﯩﺸﻜﻪ ﺑﻮﻟﯩﺪﯗ. ﺷﯘ ﻧﻪﺭﺳﻪ ﻧﺎﻫﺎﻳﯩﺘﻰ ﺋﯧﻨﯩﻘﻜﻰ،ﭼﻪﺗﺌﻪﻝ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﯩﯔ ﺭﺍﻳﻮﻧﺪﯨﻦ ﺑﻪﺭﮔﻪﻥ ﺑﯘﺭﯗﻧﻘﻰ ﺧﻪﯞﻩﺭﻟﯩﺮﯨﺪﻩ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﺎﺩﻩﺗﺘﯩﻜﻰ ﻧﻮﺭﻣﺎﻝ ﺋﯘﻳﻐﯘﺭ ﭘﯘﻗﺮﺍﻟﯩﺮﯨﻨﯩﯔ ﻫﻪﺗﺘﺎ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﺑﯩﻠﻪﻥ ﺳﯚﺯﻟﯩﺸﯩﺸﺘﯩﻨﻤﯘ ﻗﻮﺭﻗﯩﺪﯨﻐﺎﻧﻠﯩﻘﻰ ﻣﻪﻟﯘﻡ. ﺑﯘﻧﯩﯔ ﺋﯚﺯﻯ ﺳﯚﺯ ﺋﻪﺭﻛﯩﻨﻠﯩﻜﯩﻨﯩﯔ ﻧﺎﻫﺎﻳﯩﺘﻰ ﺋﯧﻬﺘﯩﻴﺎﺕ ﻗﯩﻠﯩﺪﯨﻐﺎﻥ ﺋﻪﻫﯟﺍﻟﺪﺍ ﺋﯩﻜﻪﻧﻠﯩﻜﯩﻨﻰ ﺋﯩﺴﭙﺎﺗﻼﻳﺪﯗ. ﺧﯩﺘﺎﻳﺪﺍ ﺳﯚﺯ ﺋﻪﺭﻛﯩﻨﻠﯩﻜﯩﻨﯩﯔ ﻳﺎﺧﺸﻰ ﺋﻪﻣﻪﺳﻠﯩﻜﯩﻨﻰ ﺑﯩﺰ ﻫﻪﻣﻤﯩﻤﯩﺰ ﺑﯩﻠﯩﻤﯩﺰ. ﻟﯧﻜﯩﻦ ﺑﯘ ﺋﻪﻫﯟﺍﻝ ﺗﯩﺒﻪﺕ، ﺷﯩﻨﺠﺎﯓ ﯞﻩ ﺋﯩﭽﻜﻰ ﻣﻮﯕﻐﯘﻟﻐﺎ ﺋﻮﺧﺸﺎﺵ ﺋﺎﭘﺘﻮﻧﻮﻣﯩﻴﻪ ﻫﻮﻗﯘﻗﻰ ﯞﻩ ﻣﻪﺩﻩﻧﯩﻴﻪﺕ ﻫﻮﻗﯘﻗﻰ ﺗﻪﻟﻪﭖ ﻗﯩﻠﯩﯟﺍﺗﻘﺎﻥ ﺭﺍﻳﻮﻧﻼﺭﺩﺍ ﺗﯧﺨﯩﻤﯘ ﺋﯧﻐﯩﺮ. ﺑﯩﺰ ﺷﯘﻧﻰ ﻫﯧﺲ ﻗﯩﻠﯩﯟﺍﺗﯩﻤﯩﺰ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﯚﺯ ﻣﻪﺩﻩﻧﯩﻴﯩﺘﯩﻨﻰ، ﺩﯨﻨﯩﻨﻰ ﻗﻮﻏﺪﺍﺵ ﺗﻪﻟﻪﭘﻠﯩﺮﯨﮕﻪ ﻗﯩﻠﭽﯩﻤﯘ ﭘﯘﺭﺳﻪﺕ ﺑﻪﺭﻣﻪﻱ ﻛﯧﻠﯩﯟﺍﺗﯩﺪﯗ."

ﺧﯩﺘﺎﻱ ﻫﯚﻛﯜﻣﯩﺘﻰ ﯞﻩ ﺭﺍﻳﻮﻧﺪﯨﻜﻰ ﻳﻪﺭﻟﯩﻚ ﻣﻪﺗﺒﯘﺋﺎﺗﻼﺭ ﻣﻪﻫﺒﯘﺑﻪ ﺋﺎﺑﻠﻪﺷﻨﯩﯔ ﻗﺎﻳﺴﻰ ﮔﯘﻧﺎﻫ ﺑﯩﻠﻪﻥ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ، ﺋﻪﺩﻟﯩﻴﻪ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻧﻰ ﺋﻪﻳﯩﺒﻠﯩﮕﻪﻥ ﻳﺎﻛﻰ ﺋﻪﻳﯩﺒﻠﯩﻤﯩﮕﻪﻧﻠﯩﻜﻰ، ﻫﺎﺯﯨﺮ ﻗﻪﻳﻪﺭﺩﻩ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﻫﯧﭽﻘﺎﻧﺪﺍﻕ ﻣﻪﻟﯘﻣﺎﺕ ﺋﯧﻼﻥ ﻗﯩﻠﯩﭗ ﺑﺎﻗﻤﯩﺪﻯ. ﻫﺎﺯﯨﺮﻗﻰ ﺋﻪﯓ ﺋﯩﺸﻪﻧﭽﯩﻠﯩﻚ ﺧﻪﯞﻩﺭ "ﺷﯩﻨﺠﺎﯓ" ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ ﺩﺍﺋﯩﺮﯨﻠﯩﺮﯨﻨﯩﯔ ﯞﻩ ﻣﻪﻫﺒﯘﺑﻪﻧﯩﯔ ﺩﻭﺳﺖ ‏ - ﻳﺎﺭﻩﻧﻠﯩﺮﯨﻨﯩﯔ ﻣﻪﻫﺒﯘﺑﻪ ﻫﯚﻛﯜﻣﻪﺗﻨﯩﯔ ﺳﯩﻴﺎﺳﯩﺘﯩﮕﻪ ﻗﺎﺭﺷﻰ ﭼﯩﻘﻘﺎﻧﻠﯩﻘﻰ ﺋﯜﭼﯜﻥ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﻐﺎﻧﻠﯩﻘﯩﺪﯗﺭ.