ﺧﯩﺘﺎﻱ ﮬﯚﻛﯜﻣﯩﺘﻰ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺭﺍﺗﻘﺎﻥ ﻛﻮﻧﺘﺮﻭﻟﻠﯘﻗﯩﻨﻰ ﻛﯜﭼﻪﻳﻤﻪﻛﺘﻪ
2004-11-03
ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﮬﯚﻛﯜﻣﯩﺘﻰ ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﺪﯨﻜﻰ ﮬﻪﺭ ﻗﺎﻳﺴﻰ ﯞﯨﻼﻳﻪﺕ، ﻧﺎﮬﯩﻴﯩﻠﻪﺭﮔﻪ ﺋﺎﻟﺘﻪ ﻣﺎﺩﺩﯨﻠﯩﻖ ﺋﯘﻗﺘﯘﺭﯗﺵ ﭼﯜﺷﯜﺭﯛﭖ، ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﺑﻮﻟﻐﺎﻥ ﻛﻮﻧﺘﺮﻭﻟﻠﯘﻗﯩﻨﻰ ﻛﯜﭼﻪﻳﺘﯩﺶ ﮬﻪﻗﻘﯩﺪﻩ ﻳﻮﻟﻴﻮﺭﯗﻕ ﺑﻪﺭﮔﻪﻥ.
ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺗﻪﻣﯩﻨﻠﯩﮕﻪﻥ ﻣﻪﺯﻛﯘﺭ ﺋﯘﻗﺘﯘﺭﯗﺷﻨﯩﯔ ﺑﯩﺮ ﻛﯚﭼﯜﺭﯛﻟﻤﻪ ﻧﯘﺳﺨﯩﺴﯩﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻗﺘﯘﺭﯗﺷﺘﺎ ﺋﺎﻟﺪﻯ ﺑﯩﻠﻪﻥ، ﺩﯨﻨﯩﻲ ﺳﻮﺭﯗﻧﻼﺭﻏﺎ ﻗﺎﺭﺍﺗﻘﺎﻥ ﻧﺎﺯﺍﺭﻩﺗﻨﻰ ﻛﯜﭼﻪﻳﺘﯩﺶ، ﻳﻪﻧﻰ ﻳﯩﻠﺪﺍ ﺗﻪﻛﺸﯜﺭﯛﭖ ﺗﯘﺭﯗﺵ، ﺑﺎﮬﺎﻻﺵ ﺋﯧﻠﯩﭗ ﺑﯧﺮﯨﺶ، ﺋﺎﻧﺪﯨﻦ ﺩﯨﻨﯩﻲ ﺯﺍﺗﻼﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﺶ، ﻗﺎﻧﯘﻧﺴﯩﺰ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺭﺷﻰ ﺗﯘﺭﯗﭖ، ﺩﯨﻨﯩﻲ ﺋﻪﺳﻪﺑﯩﻴﻠﻪﺭﮔﻪ ﺯﻩﺭﺑﻪ ﺑﯧﺮﯨﺶ، ﺗﻪﺑﯩﺮ ﻣﻪﺯﻣﯘﻧﻠﯩﺮﯨﻐﺎ ﺑﻮﻟﻐﺎﻥ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﺶ، ﭘﻪﻗﻪﺕ ﮬﯚﻛﯜﻣﻪﺕ ﺑﻪﻟﮕﯩﻠﯩﮕﻪﻥ ﻣﻪﺯﻣﯘﻧﻼﺭﺩﺍ ﺗﻪﺑﯩﺮ ﺑﯧﺮﯨﺶ، ﻳﯧﺰﯨﻼﺭﺩﺍ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺩﯨﻨﯩﻲ ﺳﯩﻴﺎﺳﯩﻲ ﺗﻪﺷﯟﯨﻘﻠﯩﺮﯨﻨﻰ ﻛﯜﭼﻪﻳﺘﯩﺶ ﻗﺎﺗﺎﺭﻟﯩﻘﻼﺭﻧﻰ ﺑﻪﻟﮕﯩﻠﯩﮕﻪﻥ.
ﺩﯨﻨﯩﻲ ﺯﺍﺗﻼﺭﻏﺎ ﺑﻮﻟﻐﺎﻥ "ﯞﻩﺗﻪﻧﭙﻪﺭﯞﻩﺭﻟﯩﻚ"
ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺋﯘﻗﺘﯘﺭﯗﺷﯩﺪﺍ ﻳﻪﻧﻪ، ﺩﯨﻨﯩﻲ ﺯﺍﺗﻼﺭﻏﺎ ﺑﻮﻟﻐﺎﻥ "ﯞﻩﺗﻪﻧﭙﻪﺭﯞﻩﺭﻟﯩﻚ" ﺗﻪﺭﺑﯩﻴﯩﺴﯩﻨﻰ ﻛﯜﭼﻪﻳﺘﯩﺸﻤﯘ ﺋﺎﻻﮬﯩﺪﻩ ﺗﻪﻛﯩﺘﻠﻪﻧﮕﻪﻥ.
ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻤﯘ ﺳﻪﻳﺸﻪﻧﺒﻪ ﻛﯜﻧﻰ ﺑﯘ ﮬﻪﻗﺘﻪ ﻣﻪﻟﯘﻣﺎﺕ ﺑﯧﺮﯨﭗ، ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻣﻨﯩﯔ ﺋﺎﻟﺘﯩﻨﭽﻰ ﻧﯚﯞﻩﺗﻠﯩﻚ ﺳﻪﻛﻜﯩﺰﯨﻨﭽﻰ ﺋﻮﻣﯘﻣﯩﻲ ﻳﯩﻐﯩﻨﻰ ﺟﻪﺭﻳﺎﻧﯩﺪﺍ ﺩﯨﻨﯩﻲ ﺋﯩﺸﻼﺭﻏﺎ ﺑﻮﻟﻐﺎﻥ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﺶ ﮬﻪﻗﻘﯩﺪﻩ ﮬﻪﺭ ﻗﺎﻳﺴﻰ ﯞﯨﻼﻳﻪﺕ، ﻧﺎﮬﯩﻴﯩﻠﻪﺭﮔﻪ ﺋﯘﻗﺘﯘﺭﯗﺵ ﭼﯜﺷﯜﺭﮔﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.
ﺭﺍﻣﯩﺰﺍﻥ ﻣﻪﺯﮔﯩﻠﯩﺪﯨﻜﻰ ﻛﯜﭼﻪﻳﺘﯩﻠﮕﻪﻥ ﺑﺎﺷﻘﯘﺭﯗﺵ
ﺧﯩﺘﺎﻱ ﮬﯚﻛﯜﻣﯩﺘﻰ ﭼﯜﺷﯜﺭﮔﻪﻥ ﺑﯘ ﺋﯘﻗﺘﯘﺭﯗﺷﻨﯩﯔ ﯞﯨﻼﻳﻪﺕ - ﻧﺎﮬﯩﻴﯩﻠﻪﺭﺩﻩ ﻗﺎﻧﺪﺍﻕ ﺋﯩﺠﺮﺍ ﻗﯩﻠﯩﻨﯩﯟﺍﺗﻘﺎﻧﻠﯩﻘﻰ ﮬﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯩﮕﯩﻠﻪﺵ ﺋﯜﭼﯜﻥ ﺧﻮﺗﻪﻥ ﻟﻮﭖ ﻧﺎﮬﯩﻴﯩﻠﯩﻚ ﺩﯨﻨﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ. ﺯﯨﻴﺎﺭﯨﺘﯩﻤﯩﺰﻧﻰ ﻗﯘﺑﯘﻝ ﻗﯩﻠﻐﺎﻥ ﺑﯩﺮ ﻣﻪﺳﺌﯘﻝ ﺧﺎﺩﯨﻢ، ﺋﯚﺯﯨﻨﯩﯔ ﺑﯘ ﺋﯘﻗﺘﯘﺭﯗﺷﺘﯩﻦ ﺋﺎﻧﭽﻪ ﺧﻪﯞﻩﺭ ﺗﯧﭙﯩﭗ ﻛﻪﺗﻤﯩﮕﻪﻧﻠﯩﻜﯩﻨﻰ، ﺑﯩﺮﺍﻕ ﻣﻪﺯﻛﯘﺭ ﻧﺎﮬﯩﻴﯩﻨﯩﯔ ﯞﯨﻼﻳﻪﺗﻨﯩﯔ ﻳﻮﻟﻴﻮﺭﯗﻗﻰ ﺑﻮﻳﯩﭽﻪ ﺭﺍﻣﯩﺰﺍﻥ ﻣﻪﺯﮔﯩﻠﯩﺪﻩ ﺩﯨﻨﯩﻲ ﺋﯩﺸﻼﺭﻏﺎ ﻗﺎﺭﺍﺗﻘﺎﻥ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﺶ ﮬﻪﻗﻘﯩﺪﻩ ﺋﻮﺭﯗﻧﻼﺷﺘﯘﺭﯗﺵ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺧﻮﺗﻪﻥ ﯞﻩ ﺑﺎﺷﻘﺎ ﺟﺎﻳﻼﺭﺩﯨﻜﻰ ﺑﯩﺮ ﻗﯩﺴﯩﻢ ﺋﺎﮬﺎﻟﯩﻠﻪﺭﻣﯘ ﺭﺍﻣﯩﺰﺍﻥ ﺋﯧﻴﻰ ﺟﻪﺭﻳﺎﻧﯩﺪﺍ ﺋﯘﻻﺭﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﯩﻨﯩﯔ ﺗﯧﺨﯩﻤﯘ ﺑﻪﻙ ﭼﻪﻛﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.
ﺭﺍﻣﯩﺰﺍﻥ ﺋﯧﻴﯩﺪﺍ ﺭﻭﺯﻯ ﺗﯘﺗﯘﺵ، ﺟﺎﻣﺎﺋﻪﺕ ﺧﺎﻟﯩﻐﺎﻥ ﻳﻪﺭﮔﻪ ﺗﻮﭘﻠﯩﺸﯩﭗ ﺋﯩﺒﺎﺩﻩﺕ ﻗﯩﻠﯩﺶ، ﺩﯨﻨﯩﻲ ﺗﻪﻟﯩﻢ ﺗﻪﺭﺑﯩﻴﻪ ﺋﯧﻠﯩﺶ ﻗﺎﺗﺎﺭﻟﯩﻖ ﭘﯘﻗﺮﺍﻻﺭﻧﯩﯔ ﺋﻪﯓ ﺋﺎﺳﺎﺳﻠﯩﻖ ﺩﯨﻨﯩﻲ ﯞﻩ ﻛﯩﺸﯩﻠﯩﻚ ﮬﻮﻗﯘﻗﯩﻨﯩﯖﻤﯘ ﺑﯘﻧﯩﯖﺪﻩﻙ ﮬﻪﻗﺴﯩﺰﻻﺭﭼﻪ ﺩﻩﭘﺴﻪﻧﺪﻩ ﻗﯩﻠﯩﻨﯩﺸﻰ ﻛﯩﺸﯩﻨﻰ ﺗﻮﻟﯩﻤﯘ ﺋﯧﭽﯩﻨﺪﯗﺭﯨﺪﯨﻐﺎﻥ ﺑﯩﺮ ﺋﻪﮬﯟﺍﻝ. ﺷﯘﯕﯩﻤﯘ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﮬﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﯞﻩ ﺋﺎﻣﯧﺮﯨﻜﺎ ﻗﺎﺗﺎﺭﻟﯩﻖ ﻏﻪﺭﺏ ﺩﯙﻟﻪﺗﻠﯩﺮﻯ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯨﯟﺍﺗﻘﺎﻥ ﺩﯨﻨﯩﻲ ﺳﯩﻴﺎﺳﻪﺗﻠﯩﺮﯨﻨﻰ ﺑﯩﺮﺩﻩﻙ ﺋﻪﻳﯩﺒﻠﻪﭖ ﻛﻪﻟﻤﻪﻛﺘﻪ.
ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺩﯨﻨﯩﻲ ﺋﻪﺭﻛﯩﻨﻠﯩﻜﻨﻰ ﺑﺎﺳﺘﯘﺭﯗﺷﯩﻨﯩﯔ ﺳﻪﯞﻩﺑﯩﻨﻰ ﭼﯜﺷﻪﻧﺪﯛﺭﯛﭖ، ﻣﯘﻧﺪﺍﻕ ﺩﻩﭖ ﺑﯩﻠﺪﯛﺭﺩﻯ.
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺧﯩﺘﺎﻱ ﮬﯚﻛﯜﻣﯩﺘﻰ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﻧﻰ ﻛﻮﻧﺘﺮﯗﻝ ﻗﯩﻠﯩﺸﻨﻰ ﻳﻪﻧﯩﻤﯘ ﻛﯜﭼﻪﻳﺘﺘﻰ
- ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺩﯨﻨﯩﻲ ﺯﺍﺗﻼﺭﻧﻰ ﻛﻮﻣﻤﯘﻧﯩﺴﺘﯩﻚ ﺋﺎﯕﺪﺍ ﺗﻪﺭﺑﯩﻴﯩﻠﻪﭖ ﭼﯩﻘﺘﻰ
- ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﺪﻩ ﺩﯨﻨﯩﻲ ﺋﻪﺭﻛﯩﻨﻠﯩﻜﻨﻰ ﺑﻮﻏﯩﯟﺍﺗﯩﺪﯗ
- ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﺪﻩ 50 ﻛﯜﻧﻠﯜﻙ "ﻗﺎﻗﺸﺎﺗﻘﯘﭺ ﺯﻩﺭﺑﻪ ﺑﯧﺮﯨﺶ" ﮬﻪﺭﯨﻜﯩﺘﯩﻨﻰ ﺑﺎﺷﻠﯩﺪﻯ
- ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﯩﯔ ﮬﻪﺝ ﭘﺎﺋﺎﻟﯩﻴﯩﺘﯩﻨﻰ ﭼﻪﻛﻠﯩﻤﻪﻛﺘﻪ
- ﻛﺎﻧﺎﺩﺍﺩﯨﻜﻰ ﺋﯘﻳﻐﯘﺭﻻﺭ ﺭﺍﻣﯩﺰﺍﻥ ﺋﯧﻴﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻳﯩﻐﯩﻠﯩﺶ ﺋﯚﺗﻜﯜﺯﺩﻯ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
