ﻳﯧﯖﯩﻴﻪﺭ ﻳﯧﺰﯨﺴﯩﺪﯨﻜﻰ ﺑﻪﺵ ﺋﺎﻛﺎ - ﺋﯘﻛﺎ ﻗﯧﺮﯨﻨﺪﺍﺷﻼﺭﻧﯩﯔ ﻗﻮﺭﻭﺳﯩﺪﯨﻦ ﻗﻮﺭﺍﻝ ﺗﯧﭙﯩﻠﻐﺎﻥ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

4 - ﺋﺎﻳﻨﯩﯔ 2 - ﻛﯜﻧﻰ، "ﻧﻴﯘﻳﻮﺭﻙ ﯞﺍﻗﯩﺖ ﮔﯧﺰﯨﺘﻰ" ﺋﯘﻳﻐﯘﺭ ﺋﯧﻠﻰ ﯞﻩﺯﯨﻴﯩﺘﻰ ﺗﻮﻏﺮﯨﺴﯩﺪﺍ ﺑﻪﺭﮔﻪﻥ ﻣﻪﺧﺴﯘﺱ ﺧﻪﯞﯨﺮﯨﺪﯨﻜﻰ ﺳﯜﺭﻩﺗﺘﻪ، ﺧﯩﺘﺎﻱ ﺳﺎﻗﭽﯩﻠﯩﺮﯨﻐﺎ ﺗﻮﻟﻐﺎﻥ ﻗﻪﺷﻘﻪﺭ ﻛﻮﭼﯩﺴﯩﻨﯩﯔ ﻛﯚﺭﯛﻧﯜﺷﻰ. AFP Photo

ﺋﺎﻟﺪﯨﻨﻘﻰ ﻛﯜﻧﻰ ﺭﺍﺩﯨﺌﻮﻣﯩﺰﻏﺎ ﻛﻪﻟﮕﻪﻥ ﺑﯩﺮ ﺋﯩﻨﻜﺎﺳﺘﺎ، ﻏﯘﻟﺠﺎ ﺷﻪﻫﯩﺮﯨﻨﯩﯔ ﻳﯧﯖﯩﻴﻪﺭ ﻳﯧﺰﯨﺴﯩﺪﺍ ﺳﺎﻗﭽﯩﻼﺭﻧﯩﯔ ﺟﯩﺪﺩﯨﻲ ﺧﺎﺭﺍﻛﺘﯧﺮﻟﯩﻚ ﺋﯚﻱ ﺋﺎﺧﺘﯘﺭﯗﺵ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ، ﺋﺎﺧﺘﯘﺭﯗﺷﺘﺎ، ﺳﺎﻗﭽﯩﻼﺭﻧﯩﯔ ﺗﻮﭘﺎ ﺗﯜﺭﺗﯜﺵ ﻣﺎﺷﯩﻨﯩﺴﻰ ﺑﯩﻠﻪﻥ ﺗﯚﺕ ﺋﻮﻳﻨﻰ ﺋﯚﺭﯛﭖ، ﻣﯧﺘﺎﻝ ﺗﻪﻛﺸﯜﺭﯛﺵ ﺋﺎﭘﭙﺎﺭﺍﺗﻠﯩﺮﻯ ﺑﯩﻠﻪﻥ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ ﺑﯘﻧﯩﯔ ﺑﯩﻠﻪﻥ ﺗﻪﯓ ﻛﻪﯓ ﻛﯚﻟﻪﻣﻠﯩﻚ ﺗﯘﺗﻘﯘﻥ ﻗﯩﻠﯩﺶ ﺑﺎﺷﻼﻧﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺑﯩﺰ ﺋﯩﻜﻜﻰ ﻛﯜﻧﺪﯨﻦ ﺑﯘﻳﺎﻥ ﯞﻩﻗﻪﮔﻪ ﺋﺎﻻﻗﯩﺪﺍﺭ ﺋﻮﺭﯗﻧﻼﺭﺩﯨﻦ ﻣﻪﻟﯘﻣﺎﺕ ﺋﯩﮕﯩﻠﯩﺪﯗﻕ. ﻧﻪﺗﯩﺠﯩﺴﯩﺪﻩ، ﺑﯘ ﻳﯩﻞ 3 ‏ - ﺋﺎﻳﻨﯩﯔ 28 ‏ - ﻛﯜﻧﻰ، ﺳﺎﻗﭽﯩﻼﺭﻧﯩﯔ ﻳﯧﯖﯩﻴﻪﺭ ﻳﯧﺰﯨﺴﯩﺪﺍ ﺋﯩﻜﻜﻰ ﭼﻮﯓ ﻫﻪﺭﻛﻪﺕ ﺋﯧﻠﯩﭗ ﺑﺎﺭﻏﺎﻧﻠﯩﻘﻰ ﺋﺎﺷﻜﺎﺭﯨﻼﻧﺪﻯ.

" ﻫﻪﺭﻛﻪﺕ ﻣﻪﺧﭙﯩﻲ ﻫﻪﻡ ﺳﻪﺯﮔﯜﺭ"

ﻣﻪﺳﺌﯘﻝ ﺧﺎﺩﯨﻤﻼﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﺋﯩﻜﻜﻰ ﻫﻪﺭﯨﻜﻪﺗﻨﯩﯔ ﺑﯩﺮﻯ ﻗﻮﺭﺍﻝ ﻳﻮﺷﯘﺭﯗﻟﻐﺎﻥ ﺩﻩﭖ ﻗﺎﺭﺍﻟﻐﺎﻥ ﺋﺎﻛﺎ - ﺋﯘﻛﺎ ﻗﯧﺮﯨﻨﺪﺍﺷﻼﺭﻧﯩﯔ ﻗﻮﺭﯗ - ﺟﺎﻳﻠﯩﺮﯨﻨﻰ ﺋﺎﺧﺘﯘﺭﯗﺵ ﻫﻪﺭﯨﻜﯩﺘﻰ؛ ﻳﻪﻧﻪ ﺑﯩﺮﻯ ﻗﺎﻧﯘﻧﺴﯩﺰ ﻣﻪﺷﺮﻩﭖ ﺋﯘﻳﯘﺷﺘﯘﺭﻏﺎﻥ ﺩﻩﭖ ﻗﺎﺭﺍﻟﻐﺎﻥ 25 ﻧﻪﭘﻪﺭ ﻳﺎﺷﻨﻰ ﻗﻮﻟﻐﺎ ﺋﯧﻠﯩﺶ ﻫﻪﺭﯨﻜﯩﺘﻰ. ﺑﯩﺰ ﻫﻪﺭﯨﻜﻪﺗﻨﻰ ﺋﯩﺠﺮﺍ ﻗﯩﻠﻐﺎﻥ ﻳﯧﯖﯩﻴﻪﺭ ﻳﯧﺰﯨﻠﯩﻖ ﺳﺎﻗﭽﻰ ﭘﻮﻧﻜﯩﺘﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﭘﻮﻧﻜﯩﺖ ﺑﺎﺷﻠﯩﻐﻰ ﻫﻪﺭﻛﻪﺕ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﺪﻯ، ﺋﻪﻣﻤﺎ ﺗﻪﭘﺴﯩﻠﯩﻲ ﻣﻪﻟﯘﻣﺎﺗﻨﻰ ﻳﯘﻗﯩﺮﻯ ﺭﻩﻫﺒﻪﺭﻟﯩﻚ ﺋﻮﺭﻧﯩﻨﯩﯔ ﺭﯗﺧﺴﯩﺘﻰ ﺑﻮﻟﻤﺎﻱ ﺗﯘﺭﯗﭖ ﺋﺎﺷﻜﺎﺭﯨﻠﯩﻴﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻏﯘﻟﺠﺎ ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻨﯩﯔ ﺑﯩﺮ ﻣﻪﺳﺌﯘﻝ ﺧﺎﺩﯨﻤﻰ، ﺑﯘ ﻫﻪﺭﯨﻜﻪﺗﻨﯩﯔ ﻧﺎﻫﺎﻳﯩﺘﻰ ﻣﻪﺧﭙﯩﻲ، ﺟﯩﺪﺩﯨﻲ ﯞﻩ ﺳﻪﺯﮔﯜﺭ ﻫﻪﺭﻛﻪﺕ ﺋﯩﻜﻪﻧﻠﯩﻜﯩﻨﻰ، ﺑﯩﻠﺪﯛﺭﺩﻯ. ﺋﯘ ﻳﻪﻧﻪ، ﺑﯘ ﻫﻪﺭﯨﻜﻪﺗﻨﯩﯔ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺳﺎﻗﭽﻰ ﻧﺎﺯﺍﺭﯨﺘﯩﻨﯩﯔ ﻗﻮﻣﺎﻧﺪﺍﻧﻠﯩﻘﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ، ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻨﯩﯖﻤﯘ ﯞﻩﻗﻪﺩﯨﻦ ﺧﻪﯞﻩﺭﺩﺍﺭ ﺋﯩﻜﻪﻧﻠﯩﻜﯩﻨﻰ، ﺷﯘﯕﺎ ﯞﻩﻗﻪ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﻩﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

" ﯞﺍﯓ ﻟﯧﭽﯜﺋﻪﻥ ﺑﯩﺰﮔﻪ ﺋﯘﻧﺪﺍﻕ ﺩﯦﻤﻪﻳﺪﯗ"

ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﺋﻪﻥ ﺋﯚﺗﻜﻪﻥ ﻫﻪﭘﺘﯩﺪﯨﻜﻰ ﺑﯩﺮ ﺑﺎﻳﺎﻧﯩﺪﺍ، ﺭﺍﻳﻮﻧﺪﯨﻜﻰ ﺗﻪﺷﯟﯨﻘﺎﺕ ﺳﯧﭙﯩﻨﻰ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﯩﻨﻰ ﺧﻪﯞﻩﺭ ﻗﯩﻠﯩﺸﻘﺎ ﭼﺎﻗﯩﺮﻏﺎﻥ ﺋﯩﺪﻯ. ﻳﯘﻗﯩﺮﯨﻘﻰ ﻣﻪﺳﺌﯘﻝ ﺧﺎﺩﯨﻢ، ﯞﺍﯓ ﻟﯧﭽﯜﺋﻪﻧﻨﯩﯔ ﺑﯘ ﺳﯚﺯﻟﯩﺮﯨﻨﯩﯔ ﭘﻪﻗﻪﺕ ﺳﯩﺮﺗﻘﺎ ﻗﺎﺭﯨﺘﺎ ﺑﯩﺮ ﺗﻪﺷﯟﯨﻘﺎﺕ ﺋﯩﻜﻪﻧﻠﯩﻜﯩﻨﻰ، ﺋﻪﻣﻪﻟﯩﻴﻪﺗﺘﻪ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﯨﻜﻪﺗﻠﻪﺭﻧﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﯩﺪﯨﻦ ﺳﺎﻗﭽﯩﻼﺭﻧﯩﯔ ﺋﯚﺯﯨﻨﯩﯖﻤﯘ ﺧﻪﯞﻩﺭﺳﯩﺰ ﺋﯩﻜﻪﻧﻠﯩﻜﯩﻨﻰ ﺋﺎﺷﻜﺎﺭﯨﻠﯩﺪﻯ. ﻏﯘﻟﺠﺎ ﺷﻪﻫﻪﺭﻟﯩﻚ ﺗﻪﺷﯟﯨﻘﺎﺕ ﺋﯩﺪﺍﺭﯨﺴﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺑﯩﺮ ﺧﺎﺩﯨﻢ ﯞﻩﻗﻪﺩﯨﻦ ﺗﻪﺷﯟﯨﻘﺎﺕ ﺑﯚﻟﯜﻣﯩﻨﯩﯔ ﺧﻪﯞﻩﺭﺩﺍﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻳﯧﯖﯩﻴﻪﺭ ﻳﯧﺰﯨﻠﯩﻖ ﻫﯚﻛﯜﻣﻪﺗﻨﯩﯔ ﺑﯩﺮ ﻛﺎﺩﯨﺮﻯ، 3 ‏ - ﺋﺎﻳﻨﯩﯔ 28 ‏ - ﻛﯜﻧﻰ ﺳﺎﻗﭽﯩﻼﺭ ﺋﯚﻱ ﺋﺎﺧﺘﯘﺭﯗﭖ ﻗﻮﺭﺍﻝ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻧﺪﯨﻦ ﻛﯧﻴﯩﻦ، ﻳﯧﺰﯨﻠﯩﻖ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻐﺎ ﻳﯩﻐﯩﻦ ﺋﯧﭽﯩﻠﯩﭗ ﺋﻪﻫﯟﺍﻟﺪﯨﻦ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﯧﺮﯨﻠﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻣﻪﺳﺌﯘﻝ ﺧﺎﺩﯨﻢ: " ﺋﯚﻱ ﺋﯚﺭﯛﻟﮕﻪﻧﻠﯩﻜﻰ ﻳﺎﻟﻐﺎﻥ"

ﺷﻪﻫﻪﺭﻟﯩﻚ ﭘﺎﺭﺗﻜﻮﻣﻨﯩﯔ ﺗﻪﺷﯟﯨﻘﺎﺗﻘﺎ ﻣﻪﺳﺌﯘﻝ ﺑﯩﺮ ﺭﻩﻫﺒﯩﺮﻯ، ﻧﻪﻕ ﻣﻪﻳﺪﺍﻧﺪﯨﻦ ﻳﻪﻧﻰ ﻳﯧﯖﯩﻴﻪﺭ ﻳﯧﺰﯨﺴﯩﺪﺍ ﺧﯩﺰﻣﻪﺕ ﺋﯩﺸﻠﻪﯞﺍﺗﻘﺎﻥ ﻣﻪﻳﺪﺍﻧﯩﺪﺍ ﺗﯘﺭﯗﭖ ﻣﻪﻟﯘﻣﺎﺕ ﺑﻪﺭﺩﻯ. ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﻗﻮﺭﺍﻝ ﺋﺎﺧﺘﯘﺭﯗﺵ ﺑﯩﻠﻪﻥ، ﻗﺎﻧﯘﻧﺴﯩﺰ ﻣﻪﺷﺮﻩﭖ ﺋﯘﻳﯘﺷﺘﯘﺭﻏﯘﭼﯩﻼﺭﻧﻰ ﺗﯘﺗﯘﺵ ﺑﯩﺮ - ﺑﯩﺮﯨﮕﻪ ﻣﯘﻧﺎﺳﯩﯟﻩﺗﺴﯩﺰ ﺋﯩﻜﻜﻰ ﻫﻪﺭﻛﻪﺕ؛ ﻗﻮﺭﺍﻝ ﺋﺎﺧﺘﯘﺭﯗﺵ ﻳﯧﯖﯩﻴﻪﺭ ﻳﯧﺰﯨﺴﯩﻨﯩﯔ ﻳﯧﯖﯩﻴﻪﺭ ﻛﻪﻧﺘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ، ﻗﺎﻧﯘﻧﺴﯩﺰ ﻣﻪﺷﺮﻩﭖ ﺋﯘﻳﯘﺷﺘﯘﺭﻏﯘﭼﯩﻼﺭﻧﻰ ﺗﯘﺗﯘﺵ، ﻳﯧﯖﯩﻴﻪﺭ ﻳﯧﺰﯨﺴﯩﻨﯩﯔ ﺋﺎﻟﻤﯘﺗﯩﻴﺎﺭ ﻛﻪﻧﺘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ.

ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﻣﻪﺷﺮﻩﭖ ﺋﻪﺯﺍﻟﯩﺮﯨﺪﯨﻦ ﻗﻮﻟﻐﺎ ﺋﯧﻠﯩﻨﻐﺎﻧﻼﺭﻧﯩﯔ ﺳﺎﻧﻰ 25، ﻗﻮﺭﯗ - ﺟﺎﻳﯩﺪﯨﻦ ﻗﻮﺭﺍﻝ ﺗﯧﭙﯩﻠﻐﺎﻥ ﺑﻪﺵ ﺋﺎﻛﺎ - ﺋﯘﻛﯩﻨﯩﯔ ﺑﯩﺮﯨﻨﯩﯔ ﺋﯩﺴﻤﻰ ﺋﺎﺑﺪﯗﺭﯦﻬﯩﻢ. ﻳﻪﻧﻪ ﺑﯩﺮ ﻳﯧﺰﺍ ﻛﺎﺩﯨﺮﯨﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ ﻗﻮﻟﻐﺎ ﺋﯧﻠﯩﻨﻐﺎﻧﻼﺭﻧﯩﯔ ﺑﯩﺮﯨﻨﯩﯔ ﺋﯩﺴﻤﻰ ﺋﻪﻟﻰ ﻗﯘﻧﺎﺧﯘﻥ. ﻳﯘﻗﯘﺭﻗﻰ ﻣﻪﺳﺌﯘﻝ ﺧﺎﺩﯨﻢ، ﻗﻮﺭﺍﻝ ﺋﺎﺧﺘﯘﺭﯗﺵ ﺟﻪﺭﻳﺎﻧﯩﺪﺍ، ﺋﯚﻳﻠﻪﺭﻧﯩﯔ ﺗﺮﺍﻛﺘﻮﺭ ﺑﯩﻠﻪﻥ ﺋﯚﺭﯛﯞﯦﺘﯩﻠﮕﻪﻧﻠﯩﻜﯩﻨﻰ ﺋﯩﻨﻜﺎﺭ ﻗﯩﻠﺪﻯ. ﺋﻪﻣﻤﺎ، ﺋﯘ ﺑﯩﻠﺪﯛﺭﮔﻪﻥ ﺑﻪﺵ ﺋﺎﻛﺎ - ﺋﯘﻛﯩﻨﯩﯔ ﻗﻮﺭﯗ - ﺟﺎﻳﯩﻨﻰ ﺋﺎﺧﺘﯘﺭﻏﺎﻧﻠﯩﻖ ﻫﻪﻗﻘﯩﺪﯨﻜﻰ ﻣﻪﻟﯘﻣﺎﺕ ﺑﯩﺰﮔﻪ ﻛﻪﻟﮕﻪﻥ ﺋﯩﻨﻜﺎﺳﺘﯩﻜﻰ 4 ﻗﻮﺭﯗ - ﺟﺎﻱ ﺋﯚﺭﯛﻟﯜﭖ ﺋﺎﺧﺘﯘﺭﯗﻟﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﻣﻪﻟﯘﻣﺎﺗﻨﻰ ﺳﺎﻥ ﺟﻪﻫﻪﺗﺘﯩﻦ ﺋﺎﺳﺎﺳﻪﻥ ﺗﻮﻏﺮﯨﻠﯩﻘﻨﻰ ﺋﯩﺴﭙﺎﺗﻠﯩﺪﻯ.

ﻣﯘﻗﯩﻤﻠﯩﻖ ﺗﺎﺭﯨﺨﺘﯩﻜﻰ ﺋﻪﯓ ﻳﺎﺧﺸﻰ ﺑﺎﺳﻘﯘﭼﺘﯩﻤﯘ؟

ﺑﯘ ﻗﯧﺘﯩﻢ ﻳﯧﯖﻰ ﻳﻪﺭ ﻳﯧﺰﯨﺴﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯚﻱ ﺋﺎﺧﺘﯘﺭﯗﺵ ﯞﻩ ﺋﺎﺩﻩﻡ ﺗﯘﺗﯘﺵ ﻫﻪﺭﻛﯩﺘﯩﻨﻰ ﺑﻪﺯﻯ ﺋﯩﻨﻜﺎﺳﭽﯩﻼﺭ، ﺑﯘ ﻳﯩﻞ ﺋﯜﺭﯛﻣﭽﻰ ﺷﻪﻫﯩﺮﯨﻨﯩﯔ ﺑﻪﺧﺖ ﻳﻮﻟﻰ ﺭﺍﻳﻮﻧﯩﺪﺍ ﻳﯜﺯ ﺑﻪﺭﮔﻪﻥ 27 ‏ - ﻳﺎﻧﯟﺍﺭ ﺗﻮﻗﯘﻧﯘﺷﯩﻐﺎ ﺋﺎﻻﻗﯩﺪﺍﺭ ﻫﻪﺭﻛﻪﺕ ﺩﻩﭖ ﻗﺎﺭﯨﺴﺎ، ﻳﻪﻧﻪ ﺑﯩﺮ ﺋﯩﻨﻜﺎﺳﭽﻰ، 1997 ‏ - ﻳﯩﻠﺪﯨﻜﻰ 5 ‏ - ﻓﯧﯟﺭﺍﻝ ﯞﻩﻗﻪﺳﯩﻨﯩﯔ ﻳﻮﺷﯘﺭﯗﻧﯘﭖ ﻳﯜﺭﮔﻪﻥ ﺑﯩﺮ ﻳﯧﺘﻪﻛﭽﯩﺴﯩﻨﻰ ﻗﻮﻟﻐﺎ ﭼﯜﺷﯜﺭﯛﺵ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺩﻩﭖ ﺑﯩﻠﺪﯛﺭﻣﻪﻛﺘﻪ. ﺑﻪﺵ ﺋﺎﻛﺎ - ﺋﯘﻛﯩﻼﺭ ﻗﻮﺭﻭﺳﯩﺪﯨﻦ ﺗﯧﭙﯩﻠﻐﺎﻥ ﻗﻮﺭﺍﻟﻨﯩﯔ ﺗﯩﭙﻰ ﺳﺎﻧﻰ ﻫﺎﺯﯨﺮﻏﯩﭽﻪ ﺋﯧﻨﯩﻖ ﺋﻪﻣﻪﺱ. ﺑﯩﺮ ﻳﯧﺰﺍ ﻛﺎﺩﯨﺮﯨﻨﯩﯔ ﺑﯩﻠﺪﯛﺭﯨﺸﯩﭽﻪ ﺗﯧﭙﯩﻠﻐﺎﻥ ﻗﻮﺭﺍﻝ ﺗﯩﭙﻰ ﭘﺎﺭﺗﻼﺗﻘﯘﭺ ﺩﻭﺭﺍ.

ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﻰ ﺋﺎﻟﺪﯨﻨﻘﻰ ﻫﻪﭘﺘﯩﺪﯨﻜﻰ ﺑﺎﻳﺎﻧﺎﺗﯩﺪﺍ، ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﻗﯩﻤﻠﯩﻖ ﺟﻪﻫﻪﺗﺘﯩﻦ ﺗﺎﺭﯨﺨﺘﯩﻜﻰ ﺋﻪﯓ ﻳﺎﺧﺸﻰ ﺑﺎﺳﻘﯘﭼﺘﺎ ﺗﯘﺭﯨﯟﺍﺗﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ ﺋﯩﺪﻯ. ﻳﯘﻗﯩﺮﯨﺪﺍ ﺋﯩﮕﻪﻟﻠﯩﮕﻪﻥ ﻣﻪﻟﯘﻣﺎﺗﻠﯩﺮﯨﻤﯩﺰ، ﻧﺎﺯﯨﺮ ﺋﻪﭘﻪﻧﺪﯨﻨﯩﯔ ﺩﯦﮕﻪﻧﻠﯩﺮﯨﻨﯩﯔ ﺗﻪﺗﯜﺭﯨﻨﻰ ﺋﻪﻛﺲ ﺋﻪﺗﺘﯜﺭﻣﻪﻛﺘﻪ. (ﺷﯚﻫﺮﻩﺕ ﻫﻮﺷﯘﺭ)