ﺋﺎﺋﯩﻠﯩﻠﻪﺭ ﭘﻪﺭﺯﻩﻧﺘﻠﯩﺮﯨﻨﯩﯔ ﺋﯘﭼﯘﺭﯨﻨﻰ ﺋﺎﻻﻟﻤﺎﻱ ﺋﺎﯞﺍﺭﻩ. ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﺑﻮﻟﺴﺎ ﯞﻩﻗﻪ ﺗﻮﻏﺮﯨﺴﯩﺪﯨﻜﻰ ﺋﯘﭼﯘﺭﻻﺭﻧﻰ ﻛﻮﻧﺘﺮﻭﻝ ﻗﯩﻠﯩﭗ، ﺋﺎﻣﻤﯩﻨﯩﯔ ﯞﻩﻗﻪ ﺗﻮﻏﺮﯨﺴﯩﺪﺍ ﺋﺎﺷﻜﺎﺭﺍ ﭘﯩﻜﯩﺮ ﻗﯩﻠﯩﺸﯩﻨﻰ ﭼﻪﻛﻠﯩﮕﻪﻥ.

26 ‏ - ﺋﯩﻴﯘﻥ ﻛﯜﻧﻰ ﮔﯘﺍﯕﺪﯗﯓ ﺋﯚﻟﻜﯩﺴﻰ ﺷﺎﯞﮔﯘﻩﻥ ﺷﻪﻫﯩﺮﯨﻨﯩﯔ "ﺷﯜﻳﺮﻯ" ﺋﻮﻳﯘﻧﭽﯘﻕ ﺯﺍﯞﯗﺗﯩﺪﯨﻜﻰ ﺧﯩﺘﺎﻱ ﺋﯩﺸﭽﯩﻼﺭﻧﯩﯔ ﻫﯘﺟﯘﻣﯩﻐﺎ ﺋﯘﭼﺮﺍﭖ، ﺋﯧﻐﯩﺮ ﺗﺎﻻﭘﻪﺕ ﺗﺎﺭﺗﻘﺎﻥ ﺋﯘﻳﻐﯘﺭ ﺋﯩﺸﻠﻪﻣﭽﯩﻠﻪﺭﻧﯩﯔ ﻛﯚﭖ ﻗﯩﺴﯩﻤﻰ ﻗﻪﺷﻘﻪﺭ ﺗﻮﻗﻘﯘﺯﺍﻗﺘﯩﻜﻰ ﻫﻪﺭ ﻗﺎﻳﺴﻰ ﻳﯧﺰﺍ ‏ - ﻛﻪﻧﺘﻠﻪﺭﺩﯨﻦ ﺑﺎﺭﻏﺎﻥ ﻳﺎﺷﻼﺭ ﺋﯩﺪﻯ. ﯞﻩﻗﻪ ﻳﯜﺯ ﺑﻪﺭﮔﻪﻧﻠﯩﻜﯩﮕﻪ ﺑﯩﺮ ﻗﺎﻧﭽﻪ ﻛﯜﻥ ﺑﻮﻟﯘﭖ ﻗﺎﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻳﻪﺭﻟﯩﻚ ﺋﺎﻣﻤﺎ ﯞﻩﻗﻪﻧﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﯩﺪﯨﻦ ﺧﻪﯞﻩﺭﺳﯩﺰ، ﺩﺍﺋﯩﺮﯨﻠﻪﺭ ﺑﻮﻟﺴﺎ ﺑﯘ ﺟﻪﻫﻪﺗﺘﯩﻜﻰ ﺋﯘﭼﯘﺭﻻﺭﻏﺎ ﭼﻪﻛﻠﯩﻤﻪ ﻗﻮﻳﻐﺎﻥ.

ﺑﯩﺰ ﺗﻮﻗﻘﯘﺯﺍﻗﺘﯩﻜﻰ ﺑﻪﺯﻯ ﺋﺎﺋﯩﻠﯩﻠﻪﺭﮔﻪ ﺗﯧﻠﯧﻔﻮﻥ ﻗﯩﻠﯩﭗ، ﺋﯘﻻﺭﻧﯩﯔ ﻣﻪﺯﻛﯘﺭ ﯞﻩﻗﻪﮔﻪ ﺑﻮﻟﻐﺎﻥ ﺋﯩﻨﻜﺎﺳﯩﻨﻰ ﺋﺎﻟﺪﯗﻕ.

ﺑﻪﺯﻯ ﻳﻪﺭﻟﯩﻚ ﭘﯘﻗﺮﺍﻻﺭ ﺷﯘ ﺟﺎﻳﺪﯨﻜﻰ ﺳﺎﻗﭽﯩﺨﺎﻧﺎ ﺩﺍﺋﯩﺮﯨﻠﯩﺮﯨﻨﯩﯔ ﭘﯘﻗﺮﺍﻻﺭﻧﻰ ﺋﺎﮔﺎﻫﻼﻧﺪﯗﺭﯗﭖ، ﯞﻩﻗﻪﺩﻩ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭ ﺑﺎﻟﯩﻼﺭﻧﻰ ﻫﺎﺭﺍﻕ ﺋﯧﭽﯩﭗ ﺟﯩﺪﻩﻝ ﭼﯩﻘﯩﺮﯨﺶ ﯞﻩﻗﻪﺳﯩﺪﻩ ﺋﯚﻟﮕﻪﻥ، ﺩﻩﭖ ﭼﯜﺷﻪﻧﺪﯛﺭﯛﺷﻨﻰ، ﺋﻪﮔﻪﺭ ﺑﺎﺷﻘﯩﭽﻪ ﻗﺎﺭﺍﺷﺘﯩﻜﯩﻠﻪﺭ ﺑﻮﻟﺴﺎ ﺟﺎﯞﺍﺑﻜﺎﺭﻟﯩﻘﻘﺎ ﺗﺎﺭﺗﯩﻠﯩﺪﯗ، ﺩﯦﮕﻪﻧﻠﯩﻜﯩﻨﻰ ﺑﯩﻠﺪﯛﺭﻣﻪﻛﺘﻪ.

ﻟﯧﻜﯩﻦ ﺗﻮﻗﻘﯘﺯﺍﻗﻨﯩﯔ ﺯﻩﻣﯩﻦ ﻳﯧﺰﯨﺴﯩﺪﯨﻜﻰ ﺳﺎﻗﭽﯩﺨﺎﻧﯩﻨﯩﯔ ﺑﯩﺮ ﺧﺎﺩﯨﻤﻰ ﺩﯨﻬﻘﺎﻧﻼﺭﻧﯩﯔ ﺋﺎﮔﺎﻫﻼﻧﺪﯗﺭﯗﻟﻐﺎﻧﻠﯩﻘﯩﻨﻰ ﺭﻩﺕ ﻗﯩﻠﺪﻯ.

ﯞﻩﻗﻪﺩﻩ ﺋﯚﻟﮕﻪﻥ ﺋﯘﻳﻐﯘﺭ ﻳﺎﺷﻼﺭﻧﯩﯔ ﺑﯩﺮﻯ، ﺗﻮﻗﻘﯘﺯﺍﻗﻨﯩﯔ ﺯﻩﻣﯩﻦ ﻳﯧﺰﯨﺴﻰ 16 ‏ - ﻛﻪﻧﺘﯩﺪﯨﻜﻰ ﻫﺎﺷﯩﻤﺠﺎﻥ ﺋﻪﻣﻪﺕ ﺋﯩﺴﯩﻤﻠﯩﻚ ﺑﯩﺮ ﻳﺎﺵ ﺋﯩﺪﻯ. ﻛﻪﻧﺖ ﺧﻪﻟﻘﻰ ﭘﻪﻳﺸﻪﻧﺒﻪ ﻛﯜﻧﻰ ﻣﻪﺭﻫﯘﻣﻨﯩﯔ 3 ﻧﻪﺯﯨﺮﯨﻨﻰ ﺋﯚﺗﻜﯜﺯﮔﻪﻥ.

ﻳﻪﺭﻟﯩﻚ ﭘﯘﻗﺮﺍﻻﺭﻧﯩﯔ ﺋﯧﻴﺘﯩﺸﯩﻐﺎ ﻗﺎﺭﯨﻐﺎﻧﺪﺍ، ﺩﺍﺋﯩﺮﯨﻠﻪﺭ ﻫﺎﺷﯩﻤﺠﺎﻧﻨﯩﯔ ﺋﯚﻳﻰ ﯞﻩ ﻣﺎﺯﯨﺮﯨﻐﺎ ﻛﯚﺯﻩﺗﭽﻰ ﻗﻮﻳﯘﭖ، ﺗﺎﺳﺎﺩﯨﭙﻰ ﯞﻩﻗﻪﻟﻪﺭﻧﯩﯔ ﻳﯜﺯ ﺑﯧﺮﯨﺶ ﺋﯩﻬﺘﯩﻤﺎﻟﯩﻐﺎ ﻗﺎﺭﺷﻰ ﺗﻪﺩﺑﯩﺮﻟﻪﺭﻧﻰ ﻳﻮﻟﻐﺎ ﻗﻮﻳﻐﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ 2006 ‏ - ﻳﯩﻠﺪﯨﻦ ﺑﯧﺮﻯ ﺋﯘﻳﻐﯘﺭ ﺋﯧﻠﯩﺪﯨﻦ ﻳﺎﺵ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺩﯦﯖﯩﺰ ﺑﻮﻳﯩﺪﯨﻜﻰ ﺧﯩﺘﺎﻱ ﺷﻪﻫﻪﺭﻟﯩﺮﯨﮕﻪ ﺗﻪﺷﻜﯩﻠﻠﯩﻚ ﯞﻩ ﻣﻪﺟﺒﯘﺭﯨﻲ ﻳﯚﺗﻜﻪﭖ، ﺋﻪﻣﮕﻪﻛﻜﻪ ﺳﯧﻠﯩﯟﺍﺗﻘﺎﻥ ﺋﯩﺪﻯ. ﻟﯧﻜﯩﻦ ﻫﺎﺷﯩﻤﺠﺎﻥ ﺋﻪﻣﻪﺕ ﺋﻮﻟﺘﯘﺭﺍﻗﻼﺷﻘﺎﻥ ﻛﻪﻧﺘﻨﯩﯔ ﺑﯩﺮ ﻣﻪﺳﺌﯘﻟﻰ ﻛﻪﻧﺖ ﻳﺎﺷﻠﯩﺮﯨﻨﯩﯔ ﻣﻪﺟﺒﯘﺭﯨﻲ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ ﺭﻩﺕ ﻗﯩﻠﺪﻯ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺗﻮﻗﻘﯘﺯﺍﻗﺘﯩﻜﻰ ﻳﻪﺭﻟﯩﻚ ﺋﯘﻳﻐﯘﺭ ﺋﺎﺋﯩﻠﯩﻠﻪﺭ ﺑﯩﻠﻪﻥ ﺷﺎﯞﮔﯜﻩﻧﺪﯨﻜﻰ ﯞﻩﻗﻪ ﺗﻮﻏﺮﯨﺴﯩﺪﺍ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﻪﺕ ﺧﺎﺗﯩﺮﯨﺴﯩﻨﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز