ﺋﯩﺴﺘﺎﻧﺒﯘﻟﻨﯩﯔ ﺳﯘﻟﺘﺎﻥ ﺋﻪﺧﻤﻪﺕ ﻣﻪﻳﺪﺍﻧﯩﺪﺍ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﮕﻪ ﻗﺎﺭﺷﻰ ﻧﺎﻣﺎﻳﯩﺶ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯧﻴﺠﯩﯔ 2008 ‏ - ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺋﺎﻓﯩﻨﺎ، ﺑﯧﻴﺠﯩﯔ ﯞﻩ ﺋﺎﻟﻤﺎﺗﺎﺩﯨﻦ ﻛﯧﻴﯩﻦ 4 - ﺑﯧﻜﯩﺘﻰ ﺑﻮﻟﻐﺎﻥ ﺋﯩﺴﺘﺎﻧﺒﯘﻟﻐﺎ ﻳﯧﺘﯩﭗ ﻛﻪﻟﺪﻯ. ﺋﻪﻧﻘﻪﺭﻩ، ﺋﯩﺴﺘﺎﻧﺒﯘﻝ ﯞﻩ ﻗﻪﻳﺴﻪﺭﯨﺪﯨﻦ ﻛﻪﻟﮕﻪﻥ ﺋﯘﻳﻐﯘﺭ ﯞﻩ ﺗﯜﺭﻛﻠﻪﺭﺩﯨﻦ ﺑﻮﻟﯘﭖ 1000ﺩﯨﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﺘﻰ. RFA Photo / Erkin Tarim

ﺑﯧﻴﺠﯩﯔ 2008 ‏ - ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺋﺎﻓﯩﻨﺎ، ﺑﯧﻴﺠﯩﯔ ﯞﻩ ﺋﺎﻟﻤﺎﺗﺎﺩﯨﻦ ﻛﯧﻴﯩﻦ 4 - ﺑﯧﻜﯩﺘﻰ ﺑﻮﻟﻐﺎﻥ ﺋﯩﺴﺘﺎﻧﺒﯘﻟﻐﺎ ﻳﯧﺘﯩﭗ ﻛﻪﻟﺪﻯ. ﻣﻪﺷﺌﻪﻝ ﺋﯩﺴﺘﺎﻧﺒﯘﻝ ﺳﯘﻟﺘﺎﻥ ﺋﻪﺧﻤﻪﺕ ﻣﻪﻳﺪﺍﻧﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻣﯘﺭﺍﺳﯩﻢ ﺑﯩﻠﻪﻥ ﺗﯜﺭﻙ ﺗﻪﻧﺘﻪﺭﺑﯩﻴﻪﭼﯩﻠﯩﺮﯨﮕﻪ ﺑﯧﺮﯨﻠﺪﻯ.

80 ﺗﯜﺭﻙ ﺗﻪﻧﺘﻪﺭﺑﯩﻴﯩﭽﻰ ﯞﻩ ﺗﻮﻧﯘﻟﻐﺎﻥ ﺳﻪﻧﺌﻪﺗﭽﯩﻠﻪﺭ ﺗﻪﺭﯨﭙﯩﺪﯨﻦ ﻛﯚﺗﯜﺭﯛﻟﮕﻪﻥ ﻣﻪﺷﺌﻪﻟﻨﻰ ﻗﺎﺭﺷﻰ ﺋﯧﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺭﺷﻰ ﺩ ﺋﯘ ﻕ ﻧﯩﯔ ﻳﻮﻟﻴﻮﺭﯗﻗﯩﻐﺎ ﺑﯩﻨﺎﺋﻪﻥ ﺗﯜﺭﻛﯩﻴﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﻯ ﺗﻪﺷﻜﯩﻼﺗﻠﯩﺮﻯ ﺋﻮﺭﺗﺎﻗﻠﯩﺸﯩﭗ ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﻣﯘﺳﺎﺑﯩﻘﯩﺴﯩﻨﯩﯔ ﺧﯩﺘﺎﻳﺪﺍ ﺋﯧﻠﯩﭗ ﺑﯧﺮﯨﻠﯩﺸﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺵ ﺋﯜﭼﯜﻥ ﻧﺎﻣﺎﻳﯩﺶ ﺋﯚﺗﻜﯜﺯﺩﻯ.

ﺋﯩﺴﺘﺎﻧﺒﯘﻟﻨﯩﯔ ﺳﯘﻟﺘﺎﻥ ﺋﻪﺧﻤﻪﺕ ﻣﻪﻳﺪﺍﻧﯩﺪﺍ ﻳﯩﻐﯩﻠﻐﺎﻥ ﺋﯘﻳﻐﯘﺭ ﯞﻩ ﻗﺎﺯﺍﻗﻼﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ ﻧﺎﻣﺎﻳﯩﺸﭽﯩﻼﺭ ﻗﻮﻟﻠﯩﺮﯨﺪﺍ ﺋﺎﻱ ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻕ، ﺗﯩﺒﻪﺕ ﺑﺎﻳﺮﯨﻘﻰ، ﺗﯜﺭﻙ ﺑﺎﻳﺮﯨﻘﻰ ﯞﻩ ﻟﻮﺯﯗﻧﻜﯩﻼﺭﻧﻰ ﻛﯚﺗﯜﺭﮔﻪﻥ ﻫﺎﻟﺪﺍ ﻧﺎﻣﺎﻳﯩﺶ ﺋﯚﺗﻜﯜﺯﺩﻯ. ﺑﯘ ﻧﺎﻣﺎﻳﯩﺸﺘﺎ ﻫﻪﻣﻤﻪ ﺑﯩﺮﺩﻩﻙ "ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺑﯩﮕﯘﻧﺎﻫ ﺋﯩﻨﺴﺎﻧﻼﺭﻧﻰ ﻛﯚﻳﺪﯛﺭﯛﯞﺍﺗﯩﺪﯗ، ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﻣﯘﺳﺎﺑﯩﻘﯩﺴﯩﻨﻰ ﺧﯩﺘﺎﻳﻐﺎ ﺑﻪﺭﮔﻪﻧﻠﻪﺭ ﺧﯩﺘﺎﻳﻼﺭ ﺋﯚﺗﻜﯜﺯﯛﯞﺍﺗﻘﺎﻥ ﺟﯩﻨﺎﻳﻪﺗﻜﻪ ﺋﻮﺭﺗﺎﻕ ﺑﻮﻟﻐﺎﻧﻼﺭ، ﺧﯩﺘﺎﻳﻼﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻦ ﯞﻩ ﺗﯩﺒﻪﺗﺘﯩﻦ ﭼﯩﻘﯩﭗ ﻛﻪﺕ، ﺋﯘﻳﻐﯘﺭﻻﺭﻏﺎ ﯞﻩ ﺗﯩﺒﻪﺗﻠﻪﺭﮔﻪ ﺋﻪﺭﻛﯩﻨﻠﯩﻚ" ﺩﯦﮕﻪﻧﮕﻪ ﺋﻮﺧﺸﺎﺵ ﺷﻮﺋﺎﺭﻻﺭﻧﻰ ﺗﻮﯞﻻﺷﺘﻰ.

ﺋﻪﻧﻘﻪﺭﻩ، ﺋﯩﺴﺘﺎﻧﺒﯘﻝ ﯞﻩ ﻗﻪﻳﺴﻪﺭﯨﺪﯨﻦ ﻛﻪﻟﮕﻪﻥ ﺋﯘﻳﻐﯘﺭ ﯞﻩ ﺗﯜﺭﻛﻠﻪﺭﺩﯨﻦ ﺑﻮﻟﯘﭖ 1000ﺩﯨﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﺘﻰ. ﺳﯜﺭﻩﺗﺘﻪ، ﺳﺎﻗﭽﯩﻼﺭ ﺗﻮﺳﺎﻗﻨﻰ ﺑﯘﺯﯗﭖ، ﻣﻪﺷﺌﻪﻟﮕﻪ ﻗﺎﺭﺍﭖ ﺋﯧﺘﯩﻠﻐﺎﻥ ﺑﯩﺮ ﺋﯘﻳﻐﯘﺭ ﺑﺎﻟﯩﻨﻰ ﺗﯘﺗﯘﭖ ﺋﯧﻠﯩﭗ ﻛﯧﺘﯩﯟﺍﺗﯩﺪﯗ. Source: http://sports.espn.go.com

ﺋﯘﻻﺭ ﻗﻮﻟﻠﯩﺮﯨﺪﺍ ﻛﯚﺗﯜﺭﮔﻪﻥ ﻟﯘﺯﯗﻧﻜﯩﻼﺭﺩﺍ ﻳﻪﻧﻪ "ﺗﯩﺒﻪﺗﻠﻪﺭﮔﻪ ﻣﯘﺳﺘﻪﻗﯩﻠﻠﯩﻖ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭﻏﺎ ﻣﯘﺳﺘﻪﻗﯩﻠﻠﯩﻖ ﺋﯘﻳﻐﯘﺭﻻﺭﻏﺎ ﻣﯘﺳﺘﻪﻗﯩﻠﻠﯩﻖ، ﻛﻮﻣﻤﯘﻧﯩﺴﺖ ﺧﯩﺘﺎﻳﻼﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭﻏﺎ ﯞﻩ ﺗﯩﺒﻪﺗﻠﻪﺭﮔﻪ ﻗﯩﻠﯩﯟﺍﺗﻘﺎﻥ ﺯﯗﻟﯘﻣﻨﻰ ﺗﻮﺧﺘﺎﺕ، ﺋﯘﻳﻐﯘﺭﻻﺭﻏﺎ ﺋﻪﺭﻛﯩﻨﻠﯩﻚ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯘﻳﻐﯘﺭ ﺗﯘﭘﺮﯨﻘﯩﺪﯗﺭ، ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺑﯩﮕﯘﻧﺎﻫ ﺋﯩﻨﺴﺎﻧﻼﺭﻧﻰ ﻛﯚﻳﺪﯛﺭﯛﯞﺍﺗﯩﺪﯗ، ﺧﯩﺘﺎﻳﺪﺍ ﺋﯚﺗﻜﯜﺯﯨﻠﯩﺪﯨﻐﺎﻥ ﺋﻮﻟﯩﻤﭙﯩﻜﻜﻪ ﻗﺎﺭﺷﻰ ﺗﯘﺭﯨﻤﯩﺰ" ﺩﯦﮕﻪﻧﮕﻪ ﺋﻮﺧﺸﺎﺵ ﺷﯘﺋﺎﺭﻻﺭ ﻳﯧﺰﯨﻠﻐﺎﻥ.

ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻨﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ، ﻗﻪﻳﺴﻪﺭﯨﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺩﻩﻧﯩﻴﻪﺕ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ، ﺋﯩﺴﺘﺎﻧﺒﯘﻟﺪﺍ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﺎﺷﻠﯩﺮﻯ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ، ﺗﯜﺭﻙ ﺩﯗﻧﻴﺎﺳﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺟﻪﻣﺌﯩﻴﯩﺘﻰ، ﺋﻮﺭﺗﺎﻗﻠﯩﺸﯩﭗ ﺋﯧﻠﯩﭗ ﺑﺎﺭﻏﺎﻥ ﺑﻮﻟﯘﭖ، ﻧﺎﻣﺎﻳﯩﺸﻘﺎ ﻗﺎﺗﻨﯩﺸﯩﺶ ﺋﯜﭼﯜﻥ ﻗﻪﻳﺴﻪﺭﯨﺪﯨﻦ ﻣﻪﺧﺴﯘﺱ ﺋﺎﭘﺘﻮﺑﯘﺱ ﺑﯩﻠﻪﻥ 100 ﻛﯩﺸﻰ ﻛﻪﻟﮕﻪﻥ.

ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻘﺎ ﺋﻪﻧﻘﻪﺭﻩ، ﺋﯩﺴﺘﺎﻧﺒﯘﻝ ﯞﻩ ﻗﻪﻳﺴﻪﺭﯨﺪﯨﻦ ﻛﻪﻟﮕﻪﻥ ﺋﯘﻳﻐﯘﺭ ﯞﻩ ﺗﯜﺭﻛﻠﻪﺭﺩﯨﻦ ﺑﻮﻟﯘﭖ 1000ﺩﯨﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﺘﻰ. ﻛﯩﺸﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ ﻧﻪﺭﺳﻪ ﺑﯘ ﻧﺎﻣﺎﻳﯩﺸﻘﺎ 4 - 5 ﻳﺎﺷﻠﯩﻖ ﺑﺎﻟﯩﻼﺭﺩﯨﻦ 85 ﻳﺎﺷﺘﯩﻜﻰ ﺑﻮﯞﺍﻱ ﻣﻮﻣﺎﻳﻼﺭﻏﯩﭽﻪ ﻛﯚﭖ ﺳﺎﻧﺪﺍ ﻛﯩﺸﯩﻨﯩﯔ ﻗﺎﺗﻨﺎﺷﻘﺎﻧﻠﯩﻘﯩﺪﯗﺭ. ﺋﯩﺴﺘﺎﻧﺒﯘﻟﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻗﺎﺭﺷﻰ ﺋﯧﻠﯩﺶ ﻣﯘﺭﺍﺳﯩﻤﯩﻨﻰ ﺗﯜﺭﻙ ﺳﺎﻗﭽﯩﻠﯩﺮﻯ ﺋﺎﺳﻤﺎﻧﺪﺍ ﺗﯩﻚ ﺋﯘﭼﺎﺭ ﺋﺎﻳﺮﻭﭘﯩﻼﻥ، ﻳﻪﺭﺩﻩ ﻛﯚﭖ ﺳﺎﻧﺪﺍ ﺳﺎﻗﭽﯩﻼﺭ ﺑﯩﻠﻪﻥ ﻗﻮﻏﺪﺍﺷﻘﺎ ﺗﯩﺮﯨﺸﻘﺎﻥ ﺑﻮﻟﺴﯩﻤﯘ ﺑﻪﺯﻯ ﺋﯘﻳﻐﯘﺭ ﻳﺎﺷﻠﯩﺮﻯ ﺑﯩﻠﻪﻥ ﺗﯜﺭﻛﻠﻪﺭ ﻣﯘﺭﺍﺳﯩﻢ ﻣﻪﻳﺪﺍﻧﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﺎﻱ ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﯨﻘﯩﻨﻰ ﺋﯧﭽﯩﭗ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺋﻪﺭﻛﯩﻨﻠﯩﻚ ﺩﻩﭖ ﺷﯘﺋﺎﺭ ﺗﻮﯞﻻﺵ ﺑﯩﻠﻪﻥ ﺗﻪﯓ ﺗﯜﺭﻙ ﺳﺎﻗﭽﯩﻠﯩﺮﻯ ﺗﯘﺗﯘﯞﯦﻠﯩﭗ ﺋﯘﻻﺭﻧﻰ ﻣﯘﺭﺍﺳﯩﻢ ﻣﻪﻳﺪﺍﻧﯩﺪﯨﻦ ﺋﯘﺯﺍﻗﻼﺷﺘﯘﺭﺩﻯ.

ﺋﻪﻧﻘﻪﺭﻩ، ﺋﯩﺴﺘﺎﻧﺒﯘﻝ ﯞﻩ ﻗﻪﻳﺴﻪﺭﯨﺪﯨﻦ ﻛﻪﻟﮕﻪﻥ ﺋﯘﻳﻐﯘﺭ ﯞﻩ ﺗﯜﺭﻛﻠﻪﺭﺩﯨﻦ ﺑﻮﻟﯘﭖ 1000 ﺩﯨﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﺘﻰ. ﺳﯜﺭﻩﺗﺘﻪ، "ﺧﯩﺘﺎﻳﺪﯨﻜﻰ ﺋﻮﻟﯩﻤﭙﯩﻚ ﺋﯘﻳﻐﯘﺭ ﯞﻩ ﺗﯩﺒﻪﺗﻠﻪﺭﻧﯩﯔ ﻗﯧﻨﻰ ﺑﯩﻠﻪﻥ ﺑﺎﺭﺍﯞﻩﺭ" ﺩﯦﮕﻪﻥ ﻟﻮﺯﯗﻧﻜﺎﻧﯩﯔ ﻛﯚﺭﯛﻧﯜﺷﻰ. AFP Photo

ﺋﯘﻳﻐﯘﺭﻻﺭ ﺋﯧﻠﯩﭗ ﺑﺎﺭﻏﺎﻥ ﺑﯘ ﻧﺎﻣﺎﻳﯩﺶ ﺳﯘﻟﺘﺎﻥ ﺋﻪﺧﻤﻪﺕ ﻣﻪﻳﺪﺍﻧﯩﺪﯨﻜﻰ ﻣﯘﺭﺍﺳﯩﻢ ﻣﻪﻳﺪﺍﻧﯩﻐﺎ ﻳﯧﻘﯩﻦ ﺑﯩﺮ ﻳﻪﺭﺩﻩ ﺋﯚﺗﻜﯜﺯﯛﻟﺪﻯ، ﺗﯜﺭﻙ ﺳﺎﻗﭽﯩﻠﯩﺮﻯ ﻫﻪﻣﻤﻪ ﺗﻪﺭﻩﭘﻨﻰ ﻗﻮﺭﺷﯩﯟﯦﻠﯩﭗ ﻣﯘﺭﺍﺳﯩﻢ ﻣﻪﻳﺪﺍﻧﯩﻐﺎ ﺑﺎﺭﻏﯩﻠﻰ ﻗﻮﻳﻤﯩﻐﺎﻥ ﺋﯩﺪﻯ. ﻧﺎﻣﺎﻳﯩﺸﭽﯩﻼﺭ ﺋﺎﺧﯩﺮﯨﺪﺍ ﺗﯜﺭﻙ ﺳﺎﻗﭽﯩﻠﯩﺮﯨﻨﯩﯔ ﺗﻮﺳﯘﺷﯩﻐﺎ ﻗﺎﺭﯨﻤﺎﺳﺘﯩﻦ، ﺳﯘﻟﺘﺎﻥ ﺋﻪﺧﻤﻪﺕ ﻣﻪﻳﺪﺍﻧﯩﺪﺍ ﺷﯘﺋﺎﺭ ﺗﻮﯞﻻﭖ ﻣﯧﯖﯩﭗ، ﻧﺎﺭﺍﺯﯨﻠﯩﻘﯩﻨﻰ ﺑﯩﻠﺪﯛﺭﯛﭖ ﻧﺎﻣﺎﻳﯩﺸﻨﻰ ﺋﺎﺧﯩﺮﻻﺷﺘﯘﺭﺩﻯ.

ﻳﯘﻗﯩﺮﯨﺪﯨﻜﻰ ﺋﯘﻟﯩﻨﯩﺸﺘﯩﻦ، ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻧﺎﻣﺎﻳﯩﺶ ﻫﻪﻗﻘﯩﺪﯨﻜﻰ ﻧﻪﻕ ﻣﻪﻳﺪﺍﻥ ﺧﻪﯞﯨﺮﯨﻨﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﺰ.