ﺋﯘ ﻳﻪﻧﻪ، ﻣﻪﻫﺒﯘﺑﻪﻧﯩﯔ ﺳﯩﭽﯜﻩﻧﺪﯨﻜﻰ ﻳﻪﺭ ﺗﻪﯞﺭﻩﺷﻜﻪ ﺋﯘﻳﻐﯘﺭﻻﺭﺩﯨﻦ ﺋﯩﺌﺎﻧﻪ ﺗﻮﭘﻼﺵ ﻣﻪﺳﯩﻠﯩﺴﻰ ﯞﻩ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﻯ ﻫﻪﻗﻘﯩﺪﻩ ﺗﻮﺭ ﺑﻪﺗﻠﻪﺭﺩﻩ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﻪﻣﻤﺎ ﺋﯘ، ﻣﻪﻫﺒﯘﺑﻪﻧﯩﯔ ﺗﻮﺭ ﺑﻪﺗﺘﯩﻜﻰ ﭘﯩﻜﯩﺮﻟﯩﺮﯨﻨﯩﯔ ﺧﯩﺘﺎﻳﻨﯩﯔ ﻗﺎﻧﯘﻧﻠﯩﺮﯨﻐﺎ ﺧﯩﻼﭖ ﮔﻪﭘﻠﻪﺭ ﺋﻪﻣﻪﺳﻠﯩﻜﯩﻨﻰ، ﺋﻪﻛﺴﯩﭽﻪ، ﻣﻪﻫﺒﯘﺑﻪﻧﯩﯔ ﺗﯘﺗﻘﯘﻥ ﻗﯩﻠﯩﻨﯩﺸﯩﻨﯩﯔ ﺋﯚﺯﻯ ﺧﯩﺘﺎﻳﻨﯩﯔ ﻗﺎﻧﯘﻧﻠﯩﺮﯨﻐﺎ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﺘﻰ.

ﺑﯩﺰ ﺋﯩﻜﻜﻰ ﻛﯜﻧﻨﯩﯔ ﺋﺎﻟﺪﯨﺪﺍ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﺎﻳﺎﻟﻼﺭ ﺑﯩﺮﻟﻪﺷﻤﯩﺴﯩﺪﯨﻦ ﻣﻪﻫﺒﯘﺑﻪ ﺋﺎﺑﻠﻪﺵ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺳﻮﺭﯨﻐﺎﻥ ﺋﯩﺪﯗﻕ. ﺑﯩﺮﺍﻕ، ﺑﯩﺰ ﺑﯜﮔﯜﻥ ﺗﻪﻛﺮﺍﺭ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ ﻗﺎﻧﺎﺋﻪﺗﻠﯩﻨﻪﺭﻟﯩﻚ ﺟﺎﯞﺍﺑﻘﺎ ﺋﯧﺮﯨﺸﻪﻟﻤﯩﺪﯗﻕ.

ﻣﻪﻫﺒﯘﺑﻪ ﺋﺎﺑﻠﻪﺷﻨﻰ ﻳﯧﻘﯩﻨﺪﯨﻦ ﺗﻮﻧﯘﻳﺪﯨﻐﺎﻥ ﯞﻩ ﺋﯘﺯﯗﻥ ﻣﻪﺯﮔﯩﻞ ﭘﯩﻜﯩﺮﺩﺍﺵ ﺩﻭﺳﺖ ﺑﻮﻟﯘﭖ ﻣﯘﻧﺎﺳﯩﯟﻩﺕ ﻗﯩﻠﯩﭗ ﻛﻪﻟﮕﻪﻥ ﻳﻪﻧﻪ ﺑﯩﺮ ﺋﯩﻨﻜﺎﺳﭽﻰ، ﺋﯚﺯﯨﻨﯩﯔ ﻣﻪﻫﺒﯘﺑﻪ ﺋﺎﺑﻠﻪﺵ ﺑﯩﻠﻪﻥ 4 ﺋﺎﻳﻨﯩﯔ ﺋﺎﻟﺪﯨﺪﺍ ﺗﯧﻠﯧﻔﻮﻧﺪﺍ ﻛﯚﺭﯛﺷﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﺋﯩﻨﻜﺎﺳﭽﻰ ﺑﯩﻠﻪﻥ ﻣﻪﻫﺒﯘﺑﻪ ﺋﺎﺑﻠﻪﺵ ﻫﻪﻗﻘﯩﺪﻩ ﺋﯚﺗﻜﯜﺯﮔﻪﻥ ﺳﯚﻫﺒﯩﺘﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.