ﻣﯘﻻﻫﯩﺰﻩ ﺋﯘﻳﻐﯘﺭ ﺋﯧﻠﯩﮕﻪ ﻳﻪﺭﻟﻪﺷﺘﯜﺭﯛﻟﮕﻪﻥ ﺑﯩﯖﺘﯘﻩﻥ ﺗﻪﯞﻩﻟﯩﻜﯩﺪﻩ ﺧﯩﺰﻣﻪﺗﭽﻰ ﻗﻮﺑﯘﻝ ﻗﯩﻠﯩﺸﺘﺎ ﻣﯩﻠﻠﯩﻲ ﻛﻪﻣﺴﯩﺘﯩﺶ ﺧﺎﻫﯩﺸﻠﯩﺮﯨﻨﯩﯔ ﺋﯩﺰﭼﯩﻞ ﺩﺍﯞﺍﻣﻠﯩﺸﯩﭗ ﻛﻪﻟﮕﻪﻧﻠﯩﻜﻰ، ﺋﻮﻗﯘﺗﻘﯘﭼﻰ ﯞﻩ ﺑﺎﺷﻘﺎ ﺧﯩﺰﻣﻪﺗﭽﯩﻠﻪﺭﻧﻰ ﻗﻮﺑﯘﻝ ﻗﯩﻠﯩﺸﺘﺎ ﺧﯩﺘﺎﻱ ﺑﻮﻟﻤﯩﻐﺎﻥ ﻛﺎﻧﺪﯨﺪﺍﺗﻼﺭﻧﯩﯔ ﻛﻪﻣﺴﯩﺘﯩﺪﯨﻐﺎﻧﻠﯩﻘﻰ ﯞﻩ ﺧﯩﺘﺎﻱ ﺑﻮﻟﻤﯩﻐﺎﻥ ﺋﺎﻟﯩﻲ ﻣﻪﻛﺘﻪﭖ ﺳﺘﯘﺩﯦﻨﺘﻠﯩﺮﯨﻨﯩﯔ ﺧﯩﺰﻣﻪﺕ ﺗﯧﭙﯩﺸﺘﺎ ﺋﯧﻐﯩﺮ ﺗﻮﺳﺎﻟﻐﯘﻻﺭﻏﺎ ﻳﻮﻟﯘﻗﯩﺪﯨﻐﺎﻧﻠﯩﻘﯩﺪﯨﻦ ﺋﯩﺒﺎﺭﻩﺕ ﻣﻪﺯﻣﯘﻧﻼﺭ ﺑﻮﻳﯩﭽﻪ ﻗﺎﻧﺎﺕ ﻳﺎﻳﺪﯗﺭﯗﻟﻐﺎﻥ.

ﻣﯘﻻﻫﯩﺰﯨﺪﻩ، ﺑﯘ ﻳﯩﻞ 7 - ﻣﺎﻳﺪﺍ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯩﺸﻠﻪﭘﭽﯩﻘﯩﺮﯨﺶ ﻗﯘﺭﯗﻟﯘﺵ ﺩﯦﯟﯨﺰﯨﻴﯩﺴﯩﻨﯩﯔ ﺋﯚﺯ ﺗﻪﯞﻩﺳﯩﮕﻪ 984 ﺧﯩﺰﻣﻪﺗﭽﻰ ﻗﻮﺑﯘﻝ ﻗﯩﻠﯩﺪﯨﻐﺎﻧﻠﯩﻘﻰ، ﺋﻪﻣﻤﺎ ﺑﯘ ﺋﻮﺭﯗﻧﻼﺭﻧﯩﯔ 744 ﻧﯩﯔ ﺧﯩﺘﺎﻱ ﺧﯩﺰﻣﻪﺗﭽﯩﻠﻪﺭﮔﻪ ﻗﺎﻟﺪﯗﺭﯗﻟﯘﭖ، ﻗﺎﻟﻐﺎﻥ 137 ﺋﻮﺭﯗﻧﻨﯩﯔ 11 ﻧﯩﯔ ﺋﯘﻳﻐﯘﺭﻏﺎ، 2 ﺳﯩﻨﯩﯔ ﻗﺎﺯﺍﻗﻼﺭﻏﺎ، ﺋﯧﺸﯩﭗ ﻗﺎﻟﻐﺎﻧﻠﯩﺮﯨﻨﯩﯔ ﺧﯩﺘﺎﻱ ﯞﻩ ﺑﺎﺷﻘﺎ ﻣﯩﻠﻠﻪﺗﻠﻪﺭﮔﻪ ﺋﻮﺭﺗﺎﻕ ﻗﺎﻟﺪﯗﺭﯗﻟﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ ﯞﻩ ﺑﯘ ﺧﯩﻞ ﻛﻪﻣﺴﯩﺘﯩﺶ ﺧﺎﺭﺍﻛﺘﯧﺮﻟﯩﻚ ﺧﯩﺰﻣﻪﺗﭽﻰ ﻗﻮﺑﯘﻝ ﻗﯩﻠﯩﺶ ﺧﺎﻫﯩﺸﻠﯩﺮﯨﻨﯩﯔ، "2006 - ﻳﯩﻠﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﭼﯩﻘﯩﺮﯨﻠﻐﺎﻥ ﺧﯩﺰﻣﻪﺗﭽﻰ ﻗﻮﺑﯘﻝ ﻗﯩﻠﯩﺶ ﺋﯧﻼﻧﻠﯩﺮﯨﺪﯨﻤﯘ ﺳﺎﺩﯨﺮ ﺑﻮﻟﻐﺎﻥ" ﻟﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺩﻭﻛﻼﺗﻨﯩﯔ ﺋﻮﻗﯘﺗﻘﯘﭼﯩﻠﯩﻖ ﺧﯩﺰﻣﻪﺕ ﺋﯧﻼﻧﻠﯩﺮﯨﺪﯨﻤﯘ ﻣﯩﻠﻠﯩﻲ ﻛﻪﻣﺴﯩﺘﯩﺶ ﻣﻪﯞﺟﯘﺕ ﻧﺎﻣﻠﯩﻖ ﺑﯚﻟﯜﻣﯩﺪﻩ،  ﺋﯘﻳﻐﯘﺭ ﺋﯧﻠﯩﻨﯩﯔ ﺑﯩﺮ ﻗﯩﺴﯩﻢ ﯞﯨﻼﻳﻪﺕ ، ﺋﻮﺑﻼﺳﺘﻠﯩﺮﯨﺪﺍ ﺗﺎﺭﻗﯩﺘﯩﻠﻐﺎﻥ ، ﻣﻪﻛﺘﻪﭘﻠﻪﺭﮔﻪ ﺧﯩﺰﻣﻪﺗﭽﻰ ﻗﻮﺑﯘﻝ ﻗﯩﻠﯩﺶ ﺋﯧﻼﻧﻠﯩﺮﯨﺪﺍ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﻛﻪﻣﺴﯩﺘﯩﺶ ﺧﺎﻫﯩﺸﻠﯩﺮﯨﻨﯩﯔ ﻣﻪﯞﺟﯘﺗﻠﯘﻗﻰ ﻛﯚﺭﺳﯩﺘﯩﻠﯩﭗ،:"ﺋﺎﻗﺴﯘ ﯞﯨﻼﻳﯩﺘﯩﺪﻩ ﻣﻪﺯﻛﯘﺭ ﯞﯨﻼﻳﻪﺕ ﺗﻪﯞﻩﺳﯩﺪﯨﻜﻰ 436 ﺋﻮﻗﯘﺗﻘﯘﭼﯩﻠﯩﻖ ﺧﯩﺰﻣﻪﺕ ﺋﻮﺭﻧﯩﻨﯩﯔ  347 ﺳﻰ ﺧﯩﺘﺎﻳﻼﺭﻏﺎ، ﻗﺎﻟﻐﺎﻥ 89 ﺋﻮﺭﯗﻥ ﺋﯘﻳﻐﯘﺭﻻﺭﻏﺎ ﻗﺎﻟﺪﯗﺭﯗﻟﺪﻯ" ﺩﯦﻴﯩﻠﮕﻪﻥ ﯞﻩ ﺑﯘ ﻳﯩﻞ 8 ﻣﺎﻱ، ﺷﺎﻳﺎﺭ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺗﻮﺭﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺧﯩﺰﻣﻪﺕ ﺋﯧﻼﻧﯩﻐﺎ، ﺋﺎﺯ ﺳﺎﻧﻠﻖ ﻣﯩﻠﻠﻪﺕ ﻛﺎﻧﺪﯨﺪﺍﺗﻠﯩﺮﯨﻨﯩﯔ ﻣﯩﻠﻠﻪﺕ ﭼﻪﻛﻠﯩﻤﯩﺴﯩﺪﯨﻦ ﺑﺎﺷﻘﺎ ﻳﻪﻧﻪ، ﺩﯨﻨﻐﺎ ﺋﯩﺸﻪﻧﻤﻪﻳﺪﯨﻐﺎﻥ ﺑﻮﻟﯘﺷﻰ ﯞﻩ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﺎﺷﻤﺎﺳﻠﯩﻖ ﺷﻪﺭﺗﻠﯩﺮﻯ ﻗﻮﻳﯘﻟﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﺋﯘﻧﯘﯕﺪﯨﻦ ﺑﺎﺷﻘﺎ ، ﺑﺎﻳﯩﻨﻐﻮﻟﯩﻦ ﻣﻮﯕﻐﯘﻝ ﺋﺎﭘﺘﻮﻧﻮﻡ ﺋﻮﺑﻼﺳﺘﻰ ﺗﻪﯞﻩﺳﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ 500 ﺧﯩﺰﻣﻪﺕ ﺋﻮﺭﻧﯩﻨﯩﯔ 413ﻧﯩﯔ ﺧﯩﺘﺎﻳﻼﺭﻏﺎ ﺳﺎﻗﻠﯩﻨﯩﭗ، ﻗﺎﻟﻐﺎﻧﻠﯩﺮﯨﻨﯩﯔ ﺑﺎﺷﻘﺎ ﻣﯩﻠﻠﻪﺗﻠﻪﺭﮔﻪ ﻗﺎﻟﺪﯗﺭﯗﻟﻐﺎﻧﻠﯩﻘﻰ ﯞﻩ ﺋﯘﻳﻐﯘﺭ ﻗﺎﺗﺎﺭﻟﯩﻖ ﺑﺎﺷﻘﺎ ﻣﯩﻠﻠﻪﺗﻠﻪﺭﮔﻪ ﻫﯚﻛﯜﻣﻪﺕ ﺧﯩﺰﻣﻪﺗﭽﯩﺴﻰ ﺑﻮﻟﯘﺵ ﺳﺎﻻﻫﯩﻴﯩﺘﯩﮕﻪ ﺋﯩﮕﻪ ﺑﻮﻟﯘﺵ ﺋﯜﭼﯜﻥ ﺋﯘﻻﻏﺎ ﺗﯩﻞ ﭼﻪﻛﻠﯩﺴﯩﻤﯘ ﻗﻮﻳﯘﻟﯩﺪﯨﻐﺎﻧﻠﯩﻘﻰ، ﻛﺎﻧﺪﯨﺪﺍﺗﻼﺭﻧﯩﯔ ﺧﯩﺘﺎﻱ ﺗﯩﻠﻰ ﺋﯚﺗﻜﻪﻝ ﺋﯩﻤﺘﯩﻬﺎﻧﯩﺪﯨﻦ ﭼﻮﻗﯘﻡ ﺋﯚﺗﯜﺷﻰ ﺷﻪﺭﺗﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ.

ﻣﯘﻻﻫﯩﺰﯨﺪﻩ، ﺧﯩﺘﺎﻱ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﻛﺎﻧﺪﯨﺪﺍﺗﻠﯩﺮﯨﻐﺎ ﺑﯘ ﺧﯩﻠﺪﯨﻜﻰ ﺷﻪﺭﺗﻠﻪﺭﻧﻰ ﻗﻮﻳﯘﺷﺘﯩﻜﻰ ﺳﻪﯞﻩﺑﻨﯩﯔ ﺋﺎﺭﻗﯩﺴﯩﻐﺎ، "ﺧﯩﺘﺎﻱ ﺗﯩﻠﻰ ﺋﺎﺳﺎﺱ ﻗﯩﻠﯩﻨﻐﺎﻥ ﻗﻮﺵ ﺗﯩﻞ ﻣﺎﺋﺎﺭﯨﭗ" ﺳﯩﻴﺎﺳﯩﺘﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﻗﻪﺳﺘﻰ ﻳﻮﺷﯘﺭﯗﻧﻐﺎﻧﻠﯩﻘﻰ ﻛﯚﺭﺳﯩﺘﯩﻠﯩﭗ، ﻫﻪﺗﺘﺎ ﺋﺎﻗﺴﯘ ﯞﯨﻼﻳﯩﺘﻰ ﺗﻪﯞﻩﺳﯩﺪﻩ ﺋﯘﻳﻐﯘﺭﻻﺭ ﺋﯜﭼﯜﻥ ﻗﺎﻟﺪﯗﺭﯗﻟﻐﺎﻥ 89 ﺋﻮﺭﯗﻧﻨﯩﯔ 56 ﺳﯩﻨﯩﯔ ﺑﺎﺷﻼﻧﻐﯘﭼﺘﯩﻦ ﺑﺎﺷﻼﭖ ﺧﯩﺘﺎﻳﭽﻪ ﻣﻪﻛﺘﻪﭘﺘﻪ ﺋﻮﻗﯘﻏﺎﻥ ﺋﯘﻳﻐﯘﺭﻻﺭﻏﺎ ﺑﯧﺮﯨﻠﯩﺪﯨﻐﺎﻧﻠﯩﻘﯩﻨﻰ ﺋﯘﻗﺘﯘﺭﻏﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﻣﯘﻻﻫﯩﺰﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺧﯩﺰﻣﻪﺕ ﭘﯘﺭﺳﯩﺘﻰ ﻫﻪﻗﻘﯩﺪﯨﻜﻰ ﻗﯩﺴﻤﯩﺪﺍ، ﺋﯘﻳﻐﯘﺭ ﺋﯧﻠﯩﺪﻩ ﺋﻮﻗﯘﺵ ﭘﯜﺗﺘﯜﺭﮔﻪﻥ ﻣﯩﻠﻠﯩﻲ ﺋﻮﻗﯘﻏﯘﭼﯩﻼﺭﻧﯩﯔ ﺧﯩﺰﻣﻪﺕ ﺗﯧﭙﯩﺸﺘﺎ ﻫﻪﺭ ﺧﯩﻞ ﺗﻮﺳﺎﻟﻐﯘﻻﺭﻏﺎ ﺩﯗﭺ ﻛﯧﻠﯩﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﯩﭗ، ﮔﻪﺭﭼﻪ ﺋﺎﭘﺘﻮﻧﻮﻡ ﺭﺍﻳﻮﻥ ﻫﯚﻛﯜﻣﯩﺘﻰ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻥ ﻛﺎﻧﺪﯨﺪﺍﺗﻼﺭﻧﯩﯔ ﺧﯩﺰﻣﻪﺗﻜﻪ ﺋﻮﺭﯗﻧﻠﯩﺸﯩﺶ ﻧﯩﺴﺒﯩﺘﯩﻨﻰ 70 ﭘﯩﺮﺳﻪﻧﺘﺘﯩﻦ ﻳﯘﻗﯩﺮﻯ ﻫﺎﻟﻪﺗﺘﻪ ﺳﺎﻗﻼﭖ ﺗﯘﺭﯗﺵ ﺗﻮﻏﺮﯨﺴﯩﺪﺍ ﯞﻩﺩﻩ ﺑﻪﺭﮔﻪﻥ ﺑﻮﻟﯩﺴﯩﻤﯘ: " ﺋﻪﻣﻤﺎ ﻣﯩﻠﻠﯩﻲ ﻛﻪﻣﺴﯩﺘﯩﺶ ﻗﯩﻠﻤﯩﺸﻠﯩﺮﻯ ﻫﻪﻗﻘﯩﺪﯨﻜﻰ ﺩﻩﻟﯩﻞ ، ﺋﯩﺴﭙﺎﺗﻼﺭ ﻫﻪﻣﺪﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﺧﯩﺰﻣﻪﺗﻜﻪ ﺋﻮﺭﯗﻧﻠﯩﺸﯩﺸﻰ ﻫﻪﻗﻘﯩﺪﯨﻜﻰ ﺑﻪﻟﮕﯩﻠﯩﻤﯩﻠﻪﺭﻧﯩﯔ ﻳﻮﻟﻐﺎ ﻗﻮﻳﯘﻟﯘﺷﻰ ﻫﻪﻗﻘﯩﺪﯨﻜﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﯩﯔ ﻛﻪﻡ ﺑﻮﻟﯘﺷﻰ، ﻳﯘﻗﯩﺮﯨﻘﻰ ﺑﺎﻳﺎﻧﺎﺗﻼﺭﻧﯩﯔ ﻫﻪﻣﻤﯩﺴﯩﮕﻪ ﺷﯜﺑﻬﻪ ﺗﯘﻏﺪﯗﺭﯨﺪﯗ،" ﺩﯦﻴﯩﻠﮕﻪﻥ.

ﻣﯘﻻﻫﯩﺰﯨﺪﻩ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺋﯘﻳﻐﯘﺭ ﺋﯧﻠﻰ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺋﯘﭼﯘﻥ 7000 ﺧﯩﺰﻣﻪﺕ ﺋﻮﺭﻧﻰ ﻫﺎﺯﯨﺮ ﻗﯩﻠﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﻪﯞﻩﺭ ﺑﻪﺭﮔﻪﻧﻠﯩﻜﻰ، ﺋﻪﻣﻤﺎ ﺑﯘﻻﺭﻧﯩﯔ ﺋﯩﭽﯩﺪﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﻗﺎﻧﭽﯩﻠﯩﻚ ﻧﯩﺴﺒﻪﺗﻨﻰ ﺋﯩﮕﯩﻠﻪﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﻪﺭﻣﯩﮕﻪﻧﻠﯩﻜﻰ، ﺑﯩﯖﺘﯘﻩﻥ ﺩﺍﺋﯩﺮﯨﻠﯩﺮﯨﻨﯩﯔ ﺋﯚﺯ ﺗﻪﯞﻩﻟﯩﻜﯩﺪﯨﻜﻰ ﺧﯩﺰﻣﻪﺕ ﺋﻮﺭﯗﻧﻠﯩﺮﯨﻐﺎ ﮔﻪﻧﺴﯘ ﺋﯚﻟﻜﯩﺴﯩﺪﯨﻦ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻥ 4400 ﺋﻮﻗﯘﻏﯘﭼﯩﻨﻰ ﺋﯧﻠﯩﭗ ﺋﻮﺭﯗﻧﻼﺷﺘﯘﺭﻏﺎﻧﻠﯩﻘﻰ ﯞﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻫﺎﺯﯨﺮ ﺑﻮﻟﻐﺎﻥ 6558 ﺧﯩﺰﻣﻪﺕ ﺋﻮﺭﻧﯩﻨﯩﯔ ﻛﯚﭘﯩﻨﭽﯩﺴﻰ ﺑﺎﺭﻟﯩﻖ ﻣﯩﻠﻠﻪﺗﻠﻪﺭﮔﻪ ﺋﻮﺧﺸﺎﺵ ﺩﻩﭖ ﻛﯚﺭﺳﯩﺘﯩﻠﮕﻪﻥ ﺑﻮﻟﺴﯩﻤﯘ، ﺧﯩﺰﻣﻪﺗﻨﯩﯔ ﻳﻪﻧﻪ ﺑﯩﺮ ﻗﯩﺴﻤﯩﻨﯩﯔ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺧﺎﺩﯨﻤﻠﯩﺮﯨﻐﺎ ﻗﺎﻟﺪﯗﺭﯗﻟﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﯞﻩ ﻣﯘﻻﻫﯩﺰﻩ ﺋﺎﺧﯩﺮﯨﺪﺍ ﺧﯘﻻﺳﻪ ﺳﯜﭘﯩﺘﯩﺪﻩ: “ﺷﯩﻨﺠﺎﯓ ﺋﯘﻳﻐﯘ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺧﯩﺰﻣﻪﺗﭽﻰ ﻗﻮﺑﯘﻝ ﻗﯩﻠﯩﺸﺘﺎ ﻫﯚﻛﯜﻣﻪﺕ ﻗﻮﻟﻼﻳﺪﯨﻐﺎﻥ ﻣﯩﻠﻠﯩﻲ ﻛﻪﻣﺴﯩﺘﯩﺶ ﺧﺎﻫﯩﺸﻠﯩﺮﯨﻨﯩﯔ ﺩﺍﯞﺍﻡ ﺋﯧﺘﯩﺸﻰ ﯞﻩ ﺑﺎﺷﻘﺎ ﺳﯩﻴﺎﺳﻪﺗﻠﻪﺭ ﺑﯘ ﺭﺍﻳﻮﻧﺪﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﭘﯘﻗﺮﺍﻟﯩﺮﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﺩﻩﭘﺴﻪﻧﺪﻩ ﻗﯩﻠﻤﺎﻗﺘﺎ ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺑﺎﺷﻘﯘﺭﯗﺷﯩﺪﯨﻜﻰ ﺧﯩﺘﺎﻱ ﺋﯩﺸﻠﯩﺮﻯ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﻰ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﺋﺎﻣﯧﺮﯨﻜﯩﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺩﯙﻟﻪﺕ ﺋﺎﭘﭙﺎﺭﺍﺗﻠﯩﺮﯨﻐﺎ ﺧﯩﺘﺎﻱ ﺳﯩﻴﺎﺳﯩﺘﻰ ﯞﻩ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﻣﻪﺳﻠﯩﻬﻪﺕ ﯞﻩ ﺗﻪﻛﻠﯩﭗ ﺑﯧﺮﯨﭗ ﺗﯘﺭﯨﺪﯨﻐﺎﻥ ﻫﯚﻛﯜﻣﻪﺕ ﺋﻮﺭﮔﯩﻨﻰ ﺑﻮﻟﯘﭖ، 2001 - ﻳﯩﻠﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺗﻪﺭﯨﭙﯩﺪﯨﻦ ﻗﯘﺭﯗﻟﻐﺎﻥ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز