ﺗﺎﺟﯩﻜﯩﺴﺘﺎﻧﻠﯩﻖ ﺋﺎﻟﯩﻢ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ ﻫﻪﻗﻘﯩﺪﻩ ﻛﯩﺘﺎﺏ ﻳﺎﺯﺩﻯ

• ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﺎﺟﯩﻜﯩﺴﺘﺎﻧﻠﯩﻖ ﺗﺎﺭﯨﺦ ﭘﻪﻧﻠﯩﺮﻯ ﺩﻭﻛﺘﻮﺭﻯ ﻛﺎﻣﺎﻝ ﺋﺎﺑﺪﯗﻟﻼﻳﯧﯟ ﻳﯧﻘﯩﻨﺪﺍ 1917- ﻳﯩﻠﯩﺪﯨﻦ 1937- ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ ﻳﯜﺯ ﺑﻪﺭﮔﻪﻥ ﻛﯚﭼﻤﻪﻧﻠﯩﻚ ﺗﺎﺭﯨﺨﻰ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺑﯩﺮ ﻛﯩﺘﺎﺏ ﻳﺎﺯﻏﺎﻥ ﺑﻮﻟﯘﭖ، ﻣﻪﺯﻛﯘﺭ ﻛﯩﺘﺎﺑﻨﯩﯔ ﺧﯧﻠﻰ ﻛﯚﭖ ﺑﻪﺗﻠﯩﺮﻯ 30- ﻳﯩﻠﻼﺭﺩﯨﻜﻰ ﺋﯘﻳﻐﯘﺭ ﺋﯧﻠﯩﻨﯩﯔ ﺳﯩﻴﺎﺳﯩﻲ ﺗﺎﺭﯨﺨﯩﻐﺎ ﺑﯧﻐﯩﺸﻼﻧﻐﺎﻥ. ﻛﺎﻣﺎﻝ ﺋﺎﺑﺪﯗﻟﻼﻳﯧﯟ ﻛﯩﺘﺎﺑﯩﻨﯩﯔ ﺑﯩﺮ ﺑﯚﻟﯜﻣﯩﻨﻰ " ﺷﻪﺧﺴﻠﻪﺭﻧﯩﯔ ﺗﺎﺭﯨﺨﻰ، ﺗﯘﻟﭙﺎﺭ ﺋﺎﺕ - ﻣﺎ ﺟﯘﯕﻴﯩﯔ" ﺩﻩﭖ ﺋﺎﺗﯩﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﺑﯚﻟﻪﻙ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ ﺗﺎﺭﻗﯩﺘﯩﻠﯩﺪﯨﻐﺎﻥ ﺋﯩﻨﺘﯧﺮﻧﯧﺖ ﺗﻮﺭ ﺑﯧﺘﻰ -"ﭘﻪﺭﻏﺎﻧﻪ.ﺭﯗ" ﺩﺍ ﺋﯧﻼﻥ ﻗﯩﻠﯩﻨﺪﻯ.

ﻣﻮﺳﻜﯟﺍ ﺭﯗﺱ ﻛﯚﭼﻤﻪﻧﻠﯩﺮﯨﻨﻰ ﻗﻮﺯﻏﯩﻼﯕﻨﻰ ﺑﺎﺳﺘﯘﺭﯗﺷﻘﺎ ﺋﯩﺸﻠﻪﺗﻜﻪﻥ

ﻛﺎﻣﺎﻝ ﺋﺎﺑﺪﯗﻟﻼﻳﯧﯟﻧﯩﯔ ﻣﻪﺯﻛﯘﺭ ﺋﻪﺳﯩﺮﯨﻨﯩﯔ ﺑﯩﺮﯨﻨﭽﻰ ﻗﯩﺴﯩﻤﻰ 1931- ﻳﯩﻠﯩﺪﯨﻜﻰ ﺧﻮﺟﺎ ﻧﯩﻴﺎﺯ ﻫﺎﺟﯩﻢ ﺭﻩﻫﺒﻪﺭﻟﯩﻜﯩﺪﯨﻜﻰ ﻗﯘﻣﯘﻝ ﻗﻮﺯﻏﯩﻠﯩﯖﯩﺪﯨﻦ ﺗﺎﺭﺗﯩﭗ، ﮔﻪﻧﺴﯘﺩﯨﻜﻰ ﺗﯘﯕﮕﺎﻥ ﻛﯜﭼﻠﯩﺮﯨﻨﯩﯔ ﻣﺎﺟﯘﯕﻴﯩﯖﻨﯩﯔ ﺑﺎﺷﭽﯩﻠﯩﻘﯩﺪﺍ ﺋﯘﻳﻐﯘﺭ ﺋﯧﻠﯩﻐﺎ ﭼﯩﻘﯩﺸﻰ ﻫﻪﻣﺪﻩ ﺋﯘﻻﺭﻧﯩﯔ ﺋﯘﻳﻐﯘﺭﻻﺭ ﺑﯩﻠﻪﻥ ﺑﯩﺮﻟﯩﺸﯩﭗ، ﺟﯩﻦ ﺷﯘﺭﯦﻦ ﯞﻩ ﺷﯧﯔ ﺷﯩﺴﻪﻳﮕﻪ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻛﯜﺭﻩﺷﻠﯩﺮﻯ، ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺑﯘﻧﯩﯖﻐﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﻰ ﻫﻪﻣﺪﻩ ﻣﻮﺳﻜﯟﺍﻧﯩﯔ ﺧﯩﺘﺎﻱ ﻣﯩﻠﯩﺘﺎﺭﯨﺴﺘﻰ ﺷﯧﯔ ﺷﯩﺴﻪﻳﻨﻰ ﻳﯚﻟﻪﭖ ﺗﯘﺭﻏﯘﺯﯗﭖ، ﻫﻪﺗﺘﺎ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺳﻮﯞﯦﺖ ﺭﯗﺳﯩﻴﯩﺴﯩﻨﯩﯔ ﺩﯛﺷﻤﻪﻧﻠﯩﺮﻯ ﻫﯧﺴﺎﺑﻠﯩﻨﯩﺪﯨﻐﺎﻥ ﻗﺎﭼﺎﻕ "ﺋﺎﻕ ﺋﻮﺭﯗﺳﻼﺭ"ﻧﻰ ﻗﻮﺭﺍﻟﻼﻧﺪﯗﺭﯗﭖ، ﺋﯘﻳﻐﯘﺭ ﯞﻩ ﺗﯘﯕﮕﺎﻥ ﻗﻮﺯﻏﯩﻼﯕﭽﯩﻠﯩﺮﯨﻨﻰ ﻣﻪﻏﻠﯘﭖ ﻗﯩﻠﻐﺎﻧﻠﯩﻘﻰ ﺳﯚﺯﻟﯩﻨﯩﺪﯗ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﻨﯩﯔ ﻳﻮﻗﯩﺘﯩﻠﯩﺸﯩﺪﯨﻜﻰ ﺋﺎﺳﺎﺳﯩﻲ ﺳﻪﯞﻩﺑﻠﻪﺭ

ﺋﺎﭘﺘﻮﺭﻧﯩﯔ ﺋﻪﺳﯩﺮﯨﻨﯩﯔ ﺑﯘ ﺑﯚﻟﯜﻣﯩﻨﯩﯔ ﺋﯩﻜﻜﯩﻨﭽﻰ ﻗﯩﺴﻤﯩﺪﺍ ﻣﻪﺧﺴﯘﺱ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﺪﺍ ﻳﯜﺯ ﺑﻪﺭﮔﻪﻥ ﻗﻮﺯﻏﯩﻼﯕﻼﺭ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﻨﯩﯔ ﺩﯙﻟﻪﺕ ﺗﻪﺷﻜﯩﻼﺗﻰ، ﻣﯩﻠﻠﯩﻲ ﺗﻪﺭﻛﯩﺒﻰ ﯞﻩ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻫﻪﻡ ﺋﻪﺗﺮﺍﭘﺘﯩﻜﻰ ﺩﯙﻟﻪﺗﻠﻪﺭﻧﯩﯔ ﺗﯘﺗﻘﺎﻥ ﻣﯘﺋﺎﻣﯩﻠﯩﺴﻰ ﯞﻩ ﺑﺎﺷﻘﯩﻼﺭ ﺳﯚﺯﻟﯩﻨﯩﺪﯗ.

ﺋﺎﭘﺘﻮﺭﻧﯩﯔ ﻗﺎﺭﯨﺸﯩﭽﻪ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﻗﻪﺷﻘﻪﺭﺩﻩ ﻗﯘﺭﯗﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﮕﻪ ﻧﺎﻫﺎﻳﯩﺘﻰ ﺳﻮﻏﯘﻕ ﻣﯘﺋﺎﻣﯩﻠﯩﺪﻩ ﺑﻮﻟﻐﺎﻥ ﺑﻮﻟﯘﭖ، ﺳﻪﯞﻩﺑﻰ، ﺑﺎﺵ ﻣﯩﻨﯩﺴﺘﯩﺮ ﺳﺎﺑﯩﺖ ﺩﺍﻣﻮﻟﻼﻡ ﺗﯜﺭﻙ، ﺋﻪﺭﻩﺏ ﯞﻩ ﺋﺎﻓﻐﺎﻧﯩﺴﺘﺎﻧﻠﯩﻖ ﻣﻪﺳﻠﯩﻬﻪﺗﭽﯩﻠﻪﺭ ﺑﯩﻠﻪﻥ ﻗﻮﺭﺷﯩﯟﯦﻠﯩﻨﻐﺎﻥ. ﺋﯘ, ﺋﻪﻧﮕﯩﻠﯩﻴﻪ ﺑﯩﻠﻪﻥ ﺧﯘﭘﯩﻴﺎﻧﻪ ﺋﺎﻻﻗﯩﺪﻩ ﺑﻮﻟﯘﭖ، ﻟﻮﻧﺪﻭﻧﻨﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﻤﻪﻛﭽﻰ ﺑﻮﻟﻐﺎﻥ ﻫﻪﻣﺪﻩ ﺧﯧﻠﻰ ﻛﻮﭖ ﺩﯙﻟﻪﺗﻠﻪﺭﮔﻪ ﺋﯚﺯﻟﯩﺮﯨﻨﻰ ﺋﯧﺘﯩﺮﺍﭖ ﻗﯩﻠﺪﯗﺭﯗﺵ ﺋﯜﭼﯜﻥ ﺋﻪﻟﭽﯩﻠﻪﺭ ﺋﻪﯞﻩﺗﻜﻪﻥ ﺋﯩﺪﻯ. ﻳﻪﻧﻪ ﺑﯩﺮ ﺋﻪﻫﯟﺍﻝ ﺷﯘﻛﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﺪﻩ ﺋﯘﺯﯗﻥ ﻣﻪﺯﮔﯩﻞ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﻗﺎﺭﺷﻰ ﻗﻮﺭﺍﻟﻠﯩﻖ ﻫﻪﺭﯨﻜﻪﺕ ﻗﯩﻠﯩﭗ، ﺑﺎﺳﻤﯩﭽﯩﻠﯩﻖ ﺑﯩﻠﻪﻥ ﺋﻪﻳﯩﺒﻠﻪﻧﮕﻪﻥ ﺟﺎﻧﯩﺒﯧﻚ ﻗﺎﺯﻯ، ﻳﯜﺳﯜﭘﺠﺎﻥ ﻗﯘﺭﺑﯧﺸﻰ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﻣﯘﻫﯩﻢ ﺳﺎﻻﻫﯩﻴﻪﺗﻜﻪ ﺋﯧﺮﯨﺸﻜﻪﻥ. ﺋﻪﺗﺮﺍﭘﺘﯩﻜﻰ ﺋﺎﻓﻐﺎﻧﯩﺴﺘﺎﻥ ﯞﻩ ﺋﻪﻧﮕﯩﻠﯩﻴﻪ ﻫﻪﺭﮔﯩﺰﻣﯘ ﺋﺎﺷﻜﺎﺭﺍ ﻫﺎﻟﺪﺍ ﺑﯘ ﻫﯚﻛﯜﻣﻪﺗﻨﻰ ﻗﻮﻟﻼﺷﻘﺎ ﺟﯜﺭﺋﻪﺕ ﻗﯩﻼﻟﻤﯩﻐﺎﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻳﻪﻧﻪ ﺧﯩﺘﺎﻱ ﻗﻮﺷﯘﻧﻠﯩﺮﯨﺪﯨﻦ ﺑﺎﺷﻘﺎ ﺗﯘﯕﮕﺎﻧﻼﺭ ﺑﯩﻠﻪﻧﻤﯘ ﺋﯧﻠﯩﺸﻘﺎﻥ.

ﻛﺎﻣﺎﻝ ﺋﺎﺑﺪﯗﻟﻼﻳﯧﯟﻧﯩﯔ ﻗﺎﺭﯨﺸﯩﭽﻪ، ﺋﻮﻣﯘﻣﻪﻥ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﺋﻪﻳﻨﻰ ﯞﺍﻗﯩﺘﺘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﺑﯩﺮﻣﯘ ﺩﻭﺳﺘﻰ ﺑﻮﻟﻤﯩﻐﺎﻥ ﺑﻮﻟﯘﭖ، ﺋﯘﻧﯩﯔ ﺋﻪﺗﺮﺍﭘﻰ ﺩﯛﺷﻤﻪﻧﻠﻪﺭ ﺑﯩﻠﻪﻥ ﺗﻮﻟﻐﺎﻥ. ﺋﻪﻧﻪ ﺷﯘﻧﺪﺍﻕ ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ ﻣﻪﺯﻛﯘﺭ ﻳﯧﯖﻰ ﻫﯚﻛﯜﻣﻪﺕ ﻧﺎﻫﺎﻳﯩﺘﻰ ﺗﯧﺰﻟﯩﻚ ﺑﯩﻠﻪﻥ ﻳﻮﻕ ﻗﯩﻠﯩﻨﻐﺎﻥ.

ﺋﺎﭘﺘﻮﺭ ﻣﺎ ﺟﯘﯕﻴﯩﯖﻨﯩﯔ ﺗﻪﻗﺪﯨﺮﯨﻨﯩﯔ ﺳﯩﺮﯨﻨﻰ ﭘﺎﺵ ﻗﯩﻼﻟﻤﯩﺪﻯ

ﺗﺎﺟﯩﻜﯩﺴﺘﺎﻥ ﺗﺎﺭﯨﺨﭽﯩﺴﻰ ﻛﺎﻣﺎﻝ ﺋﺎﺑﺪﯗﻟﻼﻳﯧﯟ ﺋﯘﻳﻐﯘﺭﻻﺭﻧﯩﯔ 30- ﻳﯩﻠﻼﺭﺩﯨﻜﻰ ﻣﻪﺯﻛﯘﺭ ﺳﯩﻴﺎﺳﯩﻲ ﺗﺎﺭﯨﺨﯩﻨﻰ ﻳﻮﺭﯗﺗﯘﺵ ﺋﯜﭼﯜﻥ ﺭﯗﺳﭽﻪ، ﺋﯩﻨﮕﯩﻠﯩﺰﭼﻪ ﯞﻩ ﺑﺎﺷﻘﺎ ﺗﯩﻠﻼﺭﺩﯨﻜﻰ ﻣﺎﺗﯧﺮﯨﻴﺎﻟﻼﺭ ﻫﻪﻡ ﺑﻪﺯﻯ ﺋﺎﺭﺧﯩﭗ ﻣﺎﺗﯧﺮﯨﻴﺎﻟﻠﯩﺮﯨﺪﯨﻦ ﭘﺎﻳﺪﯨﻼﻧﻐﺎﻥ ﺑﻮﻟﯘﭖ، ﺋﺎﺳﺎﺳﯩﻲ ﻣﻪﺭﻛﯩﺰﯨﻲ ﻧﯘﻗﺘﯩﺴﯩﻨﻰ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺳﯩﻴﺎﺳﯩﺘﯩﮕﻪ ﻗﺎﺭﯨﺘﯩﭗ، ﻣﻮﺳﻜﯟﺍﻧﯩﯔ ﺑﯘ ﺟﺎﻳﺪﺍ ﻣﻪﻳﻠﻰ ﺋﯘﻳﻐﯘﺭﻻﺭﻧﯩﯔ، ﻣﻪﻳﻠﻰ ﺷﯧﯔ ﺷﯩﺴﻪﻳﻨﯩﯔ، ﯞﻩ ﻳﺎﻛﻰ ﺗﯘﯕﮕﺎﻧﻼﺭﻧﯩﯔ ﻗﺎﻧﺪﺍﻕ ﺧﺎﺭﺍﻛﺘﯧﺮﺩﯨﻜﻰ ﺑﻮﻟﺴﯘﻥ، ﻣﯘﺳﺘﻪﻗﯩﻞ ﺑﯩﺮ ﺩﯙﻟﻪﺕ ﻗﯘﺭﯗﺷﯩﻐﺎ ﻳﻮﻝ ﻗﻮﻳﻤﯩﻐﺎﻧﻠﯩﻘﯩﻨﻰ ﺧﯘﻻﺳﯩﻼﻳﺪﯗ. ﺑﯩﺮﺍﻕ، ﺋﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﻨﻰ ﺋﯚﺯ ﻗﻮﻟﻰ ﺑﯩﻠﻪﻥ ﻳﻮﻕ ﻗﯩﻠﻐﺎﻥ ﻣﺎ ﺟﯘﯕﻴﯩﯖﻨﯩﯔ ﺋﯩﺶ ﺗﺎﻣﺎﻡ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻗﻪﺷﻘﻪﺭﺩﯨﻜﻰ ﺳﻮﯞﯦﺖ ﻛﻮﻧﺴﯘﻟﺨﺎﻧﯩﺴﻰ ﺑﯩﻠﻪﻥ ﺋﺎﻻﻗﯩﻠﯩﺸﯩﭗ، ﻣﻮﺳﻜﯟﺍﻏﺎ ﻛﻪﺗﻜﻪﻧﻠﯩﻜﯩﻨﻰ ﻳﺎﺯﺳﯩﻤﯘ، ﻟﯧﻜﯩﻦ، ﺋﯘﻧﯩﯔ ﺋﺎﺧﯩﺮﻗﻰ ﺗﻪﻗﺪﯨﺮﯨﮕﻪ ﺋﺎﺋﯩﺖ ﺳﯩﺮﻻﺭﻧﻰ ﭘﺎﺵ ﻗﯩﻠﯩﺸﻘﺎ ﯞﻩ ﻳﻪﻧﻪ ﺑﻪﺯﻯ ﺳﯩﺮﻻﺭﻧﻰ ﺋﯧﭽﯩﭗ ﺑﯧﺮﯨﺸﻜﻪ ﻣﯘﯞﻩﭘﭙﻪﻕ ﺑﻮﻻﻟﻤﺎﻳﺪﯗ.

ﺋﺎﭘﺘﻮﺭﻧﯩﯔ ﻗﺎﺭﯨﺸﯩﭽﻪ، 1917- ﻳﯩﻠﻰ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ ﭼﺎﺭ ﭘﺎﺩﯨﺸﺎﻫ ﻫﺎﻛﯩﻤﯩﻴﯩﺘﻰ ﻳﯩﻤﯩﺮﯨﻠﮕﻪﻧﺪﯨﻦ ﻛﯧﻴﯩﻦ، ﺑﻮﻟﺸﯧﯟﯨﻜﻼﺭ ﻫﺎﻛﯩﻤﯩﻴﻪﺗﻨﻰ ﺋﯩﮕﯩﻠﻪﺵ ﺑﯩﻠﻪﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺧﻪﻟﻘﻠﯩﺮﯨﻨﯩﯔ ﻣﯘﺳﺘﻪﻗﯩﻠﻠﯩﻖ ﯞﻩ ﺑﻮﻟﺸﯧﯟﯨﻜﻼﺭﻏﺎ ﻗﺎﺭﺷﻰ ﻫﻪﺭﯨﻜﻪﺗﻠﯩﺮﻯ ﺑﺎﺷﻼﻧﺪﻯ. ﺑﯩﺮﺍﻕ، ﺑﯘ ﻗﺎﺭﺷﯩﻠﯩﻘﻼﺭ ﺑﺎﺳﺘﯘﺭﯗﻟﯘﺵ ﺑﯩﻠﻪﻥ ﺧﯘﻻﺳﯩﻠﯩﻨﯩﭗ، ﻧﯘﺭﻏﯘﻧﻠﯩﻐﺎﻥ ﻛﯩﺸﯩﻠﻪﺭﻧﯩﯔ ﺋﺎﻓﻐﺎﻧﯩﺴﺘﺎﻥ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩ ﺑﺎﺷﻘﺎ ﺟﺎﻳﻼﺭﻏﺎ ﻛﯚﭼﯜﭖ ﻛﯧﺘﯩﺶ ﺩﻭﻟﻘﯘﻧﻰ ﻗﻮﺯﻏﺎﻟﺪﻯ. ﺭﯗﺱ ﻛﯚﭼﻤﻪﻧﻠﯩﺮﻯ ﺑﻮﻟﺴﺎ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﯞﻩ ﺧﯩﺘﺎﻱ ﻣﯩﻠﻠﯩﺘﺎﺭﯨﺴﺘﻠﯩﺮﯨﻨﯩﯔ ﺯﻭﺭﻟﯩﺸﻰ ﺑﯩﻠﻪﻥ ﺋﯘﻻﺭ ﺗﻪﺭﯨﭙﯩﺪﻩ ﺗﯘﺭﯗﭖ ﻳﻪﺭﻟﯩﻚ ﺧﻪﻟﻘﻠﻪﺭﻧﻰ ﺑﺎﺳﺘﯘﺭﯗﺷﻘﺎ ﻗﺎﺗﻨﺎﺷﺴﺎ، ﻣﯘﺳﯘﻟﻤﺎﻥ ﻛﯚﭼﻤﻪﻧﻠﯩﺮﻯ ﻳﻪﺭﻟﯩﻚ ﺋﯘﻳﻐﯘﺭ ﻗﺎﺗﺎﺭﻟﯩﻖ ﺧﻪﻟﻘﻠﻪﺭﻧﯩﯔ ﻗﻮﺯﻏﯩﻼﯕﻠﯩﺮﯨﻐﺎ ﺋﺎﻛﺘﯩﭗ ﻗﺎﺗﻨﺎﺷﺘﻰ ﻫﻪﻣﺪﻩ ﻣﻪﻏﻠﯘﺑﯩﻴﻪﺗﻜﻪ ﺋﯘﭼﺮﯨﻐﺎﻧﺪﯨﻦ ﻛﯧﻴﯩﻦ ﺋﯩﻜﻜﯩﻨﭽﻰ ﻗﯧﺘﯩﻢ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﻗﯧﭽﯩﺸﻘﺎ ﻣﻪﺟﺒﯘﺭ ﺑﻮﻟﺪﻯ. ﺑﺎﺷﺘﺎ ﺑﯩﺮﻟﯩﺸﯩﭗ ﺟﻪﯓ ﻗﯩﻠﻐﺎﻥ ﺋﯘﻳﻐﯘﺭﻻﺭ ﺑﯩﻠﻪﻥ ﺗﯘﯕﮕﺎﻧﻼﺭﻧﯩﯔ ﺳﯩﻴﺎﺳﯩﻲ ﻣﻪﻗﺴﻪﺕ ﯞﻩ ﺋﯩﺪﯦﺌﻮﻟﻮﮔﯩﻴﻪ ﺟﻪﻫﻪﺗﺘﯩﻜﻰ ﭘﻪﺭﻗﻰ ﺗﯜﭘﻪﻳﻠﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺯﯨﺪﺩﯨﻴﻪﺗﻠﻪﺭ ﯞﻩ ﺋﯘﻻﺭﻧﯩﯔ ﻣﯘﻧﺎﺳﯩﯟﻩﺗﻠﯩﺮﯨﻨﯩﯔ ﺑﯘﺯﯗﻟﯘﺷﻰ ﻫﻪﺭ ﺋﯩﻜﻜﯩﻼ ﺗﻪﺭﻩﭘﻜﻪ ﺋﯧﻐﯩﺮ ﺋﺎﻗﯩﯟﻩﺗﻠﻪﺭﻧﻰ ﺋﯧﻠﯩﭗ ﻛﻪﻟﺪﻯ.

ﻧﯚﯞﻩﺗﺘﻪ، ﺋﯘﻳﻐﯘﺭﻻﺭﻧﯩﯔ ﻳﯧﻘﯩﻨﻘﻰ ﺯﺍﻣﺎﻥ ﺳﯩﻴﺎﺳﯩﻲ ﺗﺎﺭﯨﺨﻰ ﺧﻪﻟﻘﺌﺎﺭﺍﺩﺍ ﺑﻪﻟﮕﯩﻠﯩﻚ ﻗﯩﺰﯨﻘﯩﺶ ﻗﻮﺯﻏﯩﻤﺎﻗﺘﺎ. (ﺋﯜﻣﯩﺪﯞﺍﺭ)