ﻳﺎﯞﺭﻭ ﺋﺎﺳﯩﻴﺎ ﺋﯚﺗﻜﯩﻠﻰ - ﺷﯩﻨﺠﺎﯕﻨﯩﯔ ﺗﺎﺭﯨﺨﻰ (1)

• ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

"ﻳﺎﯞﺭﻭ-ﺋﺎﺳﯩﻴﺎ ﺋﯚﺗﻜﯩﻠﻰ- ﺷﯩﻨﺠﺎﯕﻨﯩﯔ ﺗﺎﺭﯨﺨﻰ" ﻧﺎﻣﻠﯩﻖ ﻛﯩﺘﺎﺑﻨﯩﯔ ﻣﯘﻗﺎﯞﯨﺴﻰ

ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﺪﯨﻜﻰ ﺟﻮﺭﺟﻰ ﺗﻮﯞﻥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ، ﺗﺎﺭﯨﺨﻰ ﭘﻪﻧﻠﯩﺮﻯ ﺩﻭﻛﺘﻮﺭﻯ ﺟﺎﻣﯧﺲ ﻣﯩﻠﻠﯩﯟﺍﺭﺩﻧﯩﯔ "ﻳﺎﯞﺭﻭ –ﺋﺎﺳﯩﻴﺎﻧﯩﯔ ﺋﯚﺗﻜﯩﻠﻰ –ﺷﯩﻨﺠﺎﯕﻨﯩﯔ ﺗﺎﺭﯨﺨﻰ" ﻧﺎﻣﻠﯩﻖ ﻛﯩﺘﺎﺑﻰ ﻳﯧﻘﯩﻨﺪﺍ ﻧﯩﻴﻮﺭﻛﺘﯩﻜﻰ ﻛﻮﻟﻮﻣﺒﯩﻴﻪ ﺋﯘﻧﯩﯟﯦﺮﺳﯩﺘﯧﺘﻰ ﻧﻪﺷﯩﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﻧﻪﺷﯩﺮ ﻗﯩﻠﯩﻨﯩﭗ ﺗﺎﺭﻗﯩﺘﯩﻠﺪﻯ. ﺋﺎﭘﺘﻮﺭﻧﯩﯔ ﭼﯜﺷﻪﻧﺪﯛﺭﯛﺷﯩﭽﻪ، ﻣﻪﺯﻛﯘﺭ ﻛﯩﺘﺎﺏ ﭘﻪﻗﻪﺕ ﺑﯩﺮ ﺩﻩﯞﺭ ﻫﻪﻗﻘﯩﺪﻩ ﻳﺎﻛﻰ ﺋﺎﻳﺮﯨﻢ ﺗﯧﻤﺎ ﺑﻮﻳﯩﭽﻪ ﻳﯧﺰﯨﻠﻐﺎﻥ ﺋﻪﺳﻪﺭ ﺑﻮﻟﻤﺎﺳﺘﯩﻦ ﺑﻪﻟﻜﻰ، ﺋﯘﻳﻐﯘﺭ ﺋﯧﻠﯩﻨﯩﯔ ﻗﻪﺩﯨﻤﺪﯨﻦ ﺗﺎﺭﺗﯩﭗ، ﺗﺎﻛﻰ ﺑﯜﮔﯜﻧﻜﻰ ﻛﯜﻧﮕﯩﭽﻪ ﺑﻮﻟﻐﺎﻥ ﻛﯚﭖ ﺋﻪﺳﯩﺮﻟﯩﻚ ﺗﺎﺭﯨﺨﯩﻲ ﻣﯘﺳﺎﭘﯩﺴﯩﻨﻰ ﺋﻪﻛﯩﺲ ﺋﻪﺗﺘﯜﺭﯨﺪﯨﻐﺎﻥ ﺋﻮﻣﯘﻣﯩﻲ ﺗﺎﺭﯨﺦ ﻛﯩﺘﺎﺑﯩﺪﯗﺭ.

ﺟﺎﻣﯧﺲ ﻣﯩﻠﻠﯩﯟﺍﺭﺩ ﻛﯩﻢ؟

ﭘﺮﻭﻓﯧﺴﺴﻮﺭ ﺟﺎﻣﯧﺲ ﻣﯩﻠﻠﯩﯟﺍﺭﺩ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯘﻳﻐﯘﺭ ﺋﯧﻠﻰ، ﺧﯩﺘﺎﻱ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎ ﺗﺎﺭﯨﺨﻰ ﺑﻮﻳﯩﭽﻪ ﺋﻮﻗﯘﺗﯘﺵ ﻫﻪﻡ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﺑﻮﻟﯘﭖ، ﺋﯘﻧﯩﯔ ﺋﺎﺳﺎﺳﻠﯩﻖ ﺗﻪﺗﻘﯩﻘﺎﺗﻰ ﭼﯩﯔ ﺳﯘﻻﻟﯩﺴﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻫﯚﻛﯜﻣﺮﺍﻧﻠﯩﻖ ﺳﯩﻴﺎﺳﯩﺘﯩﮕﻪ ﻗﺎﺭﯨﺘﯩﻠﻐﺎﻥ ﻫﻪﻡ ﺑﯘ ﻫﻪﻗﺘﻪ ﺳﺘﺎﻧﻔﻮﺭﺩ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺩﻭﻛﺘﻮﺭﻟﯘﻕ ﺩﯨﺴﺴﯧﺮﺗﺎﺗﺴﯩﻴﯩﺴﻰ ﻳﺎﻗﯩﻠﯩﻐﺎﻥ ﺷﯘﻧﯩﯖﺪﻩﻙ ﺑﯩﺮ ﻗﺎﻧﭽﻪ ﺋﻮﻥ ﭘﺎﺭﭼﻪ ﻣﺎﻗﺎﻟﻪ ﻫﻪﻡ ﻛﯩﺘﺎﺑﻠﯩﺮﯨﻨﻰ ﻧﻪﺷﯩﺮ ﻗﯩﻠﺪﯗﺭﻏﺎﻥ. ﺋﺎﭘﺘﻮﺭ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯘﻳﻐﯘﺭﻻﺭﻧﯩﯔ ﻫﺎﺯﯨﺮﻗﻰ ﺳﯩﻴﺎﺳﯩﻲ ﻫﻪﺭﯨﻜﻪﺗﻠﯩﺮﻯ ﯞﻩ ﺋﯘﻳﻐﯘﺭ ﺋﯧﻠﯩﻨﯩﯔ ﻣﻪﯞﺟﯘﺕ ﯞﻩﺯﯨﻴﯩﺘﻰ ﻫﻪﻗﻘﯩﺪﯨﻤﯘ ﺋﯩﺰﺩﯨﻨﯩﺸﻜﻪ ﺑﺎﺷﻠﯩﻐﺎﻥ ﺑﻮﻟﯘﭖ، ﺋﯘﻧﯩﯔ ﺋﻮﺗﺘﯘﺭﺍ ﺋﺎﺳﯩﻴﺎ ﺭﺍﻳﻮﻧﯩﺪﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﺗﻮﻏﺮﯨﺴﯩﺪﺍ ﺋﯧﻼﻥ ﻗﯩﻠﻐﺎﻥ ﻣﺎﻗﺎﻟﯩﺴﻰ ﺧﻪﻟﻘﺌﺎﺭﺍﻟﯩﻖ ﺋﯩﻨﺴﺎﻥ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﻯ، ﺋﯘﻳﻐﯘﺭ ﻣﻪﺳﯩﻠﯩﻠﯩﺮﻯ ﺗﻪﺗﻘﯩﻘﺎﺗﭽﯩﻠﯩﺮﻯ ﯞﻩ ﻛﯚﺯﻩﺗﻜﯜﭼﯩﻠﯩﺮﯨﻨﯩﯔ ﭘﺎﻳﺪﯨﻠﯩﻨﯩﺶ ﻣﻪﻧﺒﻪﻟﯩﺮﯨﻨﯩﯔ ﺑﯩﺮﯨﮕﻪ ﺋﺎﻳﻼﻧﻐﺎﻥ.

ﺋﺎﭘﺘﻮﺭ ﻗﻪﺩﯨﻤﻜﻰ ﺗﺎﺭﯨﺦ ﻫﻪﻗﻘﯩﺪﻩ ﻗﯩﺴﻘﯩﭽﯩﻼ ﺗﻮﺧﺘﯩﻠﯩﺪﯗ

ﭘﺮﻭﻓﯧﺴﺴﻮﺭ ﺟﺎﻣﯧﺲ ﻣﯩﻠﻠﯩﯟﺍﺭﺩﻧﯩﯔ "ﻳﺎﯞﺭﻭ - ﺋﺎﺳﯩﻴﺎﻧﯩﯔ ﺋﯚﺗﻜﯩﻠﻰ –ﺷﯩﻨﺠﺎﯕﻨﯩﯔ ﺗﺎﺭﯨﺨﻰ" ﻧﺎﻣﻠﯩﻖ ﻣﻪﺯﻛﯘﺭ ﻛﯩﺘﺎﺑﻰ ﻛﯩﺮﯨﺶ ﺳﯚﺯ، ﺧﺎﺗﯩﻤﻪ ﯞﻩ ﺳﻪﻛﻜﯩﺰ ﺑﺎﺑﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ ﺑﻮﻟﯘﭖ، ﻛﯩﺘﺎﺑﻨﯩﯔ ﺋﺎﻟﺪﯨﻨﻘﻰ ﺋﯜﭺ ﺑﺎﺑﯩﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﺟﯘﻏﺮﺍﭘﯩﻴﯩﻠﯩﻚ ﯞﻩ ﮔﯧﺌﻮﻟﻮﮔﯩﻴﯩﻠﯩﻚ ﺗﯜﺯﯛﻟﯜﺷﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻗﻪﺩﯨﻤﻜﻰ ﺩﻩﯞﺭﻟﻪﺭﺩﯨﻦ 19 - ﺋﻪﺳﯩﺮﻧﯩﯔ ﺩﻩﺳﻠﻪﭘﻜﻰ ﻳﯧﺮﯨﻤﯩﻐﯩﭽﻪ ﺑﻮﻟﻐﺎﻥ ﺗﺎﺭﯨﺨﯩﻲ ﻣﯘﺳﺎﭘﯩﻠﯩﺮﻯ ﺋﻮﻣﯘﻣﻼﺷﺘﯘﺭﯗﻟﯘﭖ ﻗﯩﺴﻘﯩﭽﻪ ﻳﻮﺭﯨﺘﯩﻠﯩﺪﯗ.

ﻛﯩﺘﺎﺑﻨﯩﯔ ﺑﯩﺮﯨﻨﭽﻰ ﺑﺎﺑﯩﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﺟﯘﻏﺮﺍﭘﯩﻴﯩﻠﯩﻚ، ﮔﯧﺌﻮﻟﻮﮔﯩﻴﯩﻠﯩﻚ ﺗﯜﺯﯛﻟﯜﺵ ﯞﻩ ﺋﯧﻜﻮﻟﻮﮔﯩﻴﯩﻠﯩﻚ ﺋﻪﻫﯟﺍﻟﻰ ﻫﻪﻣﺪﻩ ﺋﯘﻳﻐﯘﺭ ﺋﯧﻠﯩﻨﯩﯔ ﺗﺎﺭﯨﺦ ﺩﻩﯞﺭﯨﮕﻪ ﻛﯩﺮﮔﻪﻧﺪﯨﻦ ﻛﯧﻴﯩﻨﻜﻰ ﻗﻪﺩﯨﻤﻜﻰ ﻗﻪﺑﯩﻠﯩﻠﻪﺭ ﻫﻪﻡ ﺧﯩﺘﺎﻱ ﺋﻮﺗﺘﯘﺭﺍ ﺗﯜﺯﻟﻪﯕﻠﯩﻚ ﺧﺎﻧﺪﺍﻧﻠﯩﻘﻠﯩﺮﯨﺪﯨﻦ ﺧﻪﻥ ﺳﯘﻻﻟﯩﺴﻰ ﺑﯩﻠﻪﻥ ﻫﯘﻧﻼﺭﻧﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﻛﻮﻧﺘﺮﻭﻟﻠﯘﻗﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺋﯧﻠﯩﭗ ﺑﺎﺭﻏﺎﻥ ﻛﯜﺭﻩﺷﻠﯩﺮﻯ ﺷﯘﻧﯩﯖﺪﻩﻙ ﻗﻪﺩﯨﻤﻜﻰ ﺗﯜﺭﻙ ﻗﺎﻏﺎﻧﻠﯩﻘﻰ ﯞﻩ ﺋﯘﻧﯩﯖﺪﯨﻦ ﻛﯧﻴﯩﻨﻜﻰ ﻣﻪﺭﻛﯩﺰﯨﻲ ﻳﺎﯞﺭﻭ - ﺋﺎﺳﯩﻴﺎﻧﯩﯔ ﻳﺎﻳﻼﻕ ﻫﯚﻛﯜﻣﺮﺍﻧﻠﯩﻖ ﺋﻪﻧﻪﻧﯩﺴﯩﻨﻰ ﺩﺍﯞﺍﻣﻼﺷﺘﯘﺭﻏﺎﻥ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺋﻮﻣﯘﻣﻼﺷﺘﯘﺭﯗﭖ ﺑﺎﻳﺎﻥ ﻗﯩﻠﯩﺸﻘﺎ ﻗﺎﺭﯨﺘﯩﻠﻐﺎﻥ.

ﻧﺎﺯﯗﻙ ﺗﯧﻤﺎ: ﺷﯩﻨﺠﺎﯓ ﺧﻪﻥ ﺩﻩﯞﺭﯨﺪﯨﻦ ﺋﯧﺘﯩﺒﺎﺭﻩﻥ ﺟﯘﯕﮕﻮﻧﯩﯔ ﺯﯦﻤﯩﻨﯩﻤﯘ؟

ﺋﯘﻳﻐﯘﺭ ﺋﯧﻠﯩﻨﯩﯔ ﻗﻪﺩﯨﻤﻜﻰ ﺯﺍﻣﺎﻥ ﺳﯩﻴﺎﺳﯩﻲ ﺗﺎﺭﯨﺨﻰ ﺑﻮﻟﯘﭘﻤﯘ، ﺧﻪﻥ ﯞﻩ ﺗﺎﯓ ﺳﯘﻻﻟﯩﺴﯩﻨﯩﯔ ﺑﯘ ﺭﺍﻳﻮﻥ ﺑﯩﻠﻪﻥ ﺑﻮﻟﻐﺎﻥ ﺳﯩﻴﺎﺳﯩﻲ ﻣﯘﻧﺎﺳﯩﯟﻩﺗﻠﻪﺭ ﻣﻪﺳﯩﻠﯩﺴﻰ ﻣﻪﺯﻛﯘﺭ ﺭﺍﻳﻮﻧﻨﯩﯔ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﺋﺎﻟﯩﻤﻼﺭ ﺋﺎﺭﯨﺴﯩﺪﯨﻜﻰ ﺗﺎﻻﺵ - ﺗﺎﺭﺗﯩﺶ ﺗﯧﻤﯩﺴﻰ ﺑﻮﻟﯘﭖ، ﻣﯘﺗﻠﻪﻕ ﻛﯚﭖ ﺳﺎﻧﻠﯩﻖ ﺧﯩﺘﺎﻱ ﺋﺎﻟﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﺑﯩﺮﺩﻩﻙ ﺗﻪﻛﯩﺘﻠﯩﻨﯩﭗ ﻛﯧﻠﯩﯟﺍﺗﻘﺎﻥ "ﺷﯩﻨﺠﺎﯓ ﻏﻪﺭﺑﯩﻲ ﺧﻪﻥ ﺩﻩﯞﺭﯨﺪﯨﻦ ﺋﯧﺘﯩﺒﺎﺭﻩﻥ ﺟﯘﯕﮕﻮﻧﯩﯔ ﺯﯦﻤﯩﻨﻰ ﺑﻮﻟﻐﺎﻥ" ﺩﯦﮕﻪﻥ ﻧﯘﻗﺘﯩﺌﯩﻨﻪﺯﻩﺭ ﺋﻪﻧﻪ ﺗﺎﻻﺵ - ﺗﺎﺭﺗﯩﺸﻼﺭﻧﯩﯔ ﺗﯜﮔﯩﻨﯩﺪﯨﻦ ﺋﯩﺒﺎﺭﻩﺕ. ﭼﯜﻧﻜﻰ، ﻣﻪﺯﻛﯘﺭ ﻧﯘﻗﺘﯩﺌﯩﻨﻪﺯﻩﺭ ﺑﯜﮔﯜﻧﻜﻰ ﻛﯜﻧﺪﻩ ﻏﻪﺭﺏ ﺩﯗﻧﻴﺎﺳﯩﺪﯨﻜﻰ ﯞﻩ ﺑﺎﺷﻘﺎ ﺋﻪﻟﻠﻪﺭﺩﯨﻜﻰ ﺗﺎﺭﯨﺨﺸﯘﻧﺎﺳﻼﺭﻧﯩﯔ ﺷﯘﻧﯩﯖﺪﻩﻙ ﺋﯘﻳﻐﯘﺭﻻﺭﻧﯩﯔ ﺋﯚﺯﻟﯩﺮﯨﻨﯩﯔ ﺗﺎﺭﯨﺨﺸﯘﻧﺎﺳﻠﯩﺮﯨﻨﯩﯔ ﻗﻮﺷﯘﻟﻤﺎﺳﻠﯩﻘﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ ﺧﯩﺘﺎﻱ ﻫﯚﻛﯜﻣﻪﺕ ﺗﺎﺭﯨﺨﭽﯩﻠﯩﺮﻯ ﯞﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ "ﺭﻩﺕ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﭘﺎﻛﯩﺖ" ﺳﯜﭘﯩﺘﯩﺪﻩ ﺑﯧﻜﯩﺘﯩﻠﯩﭗ، ﻗﻮﻳﯘﻕ ﺳﯩﻴﺎﯞﯨﻴﻼﺷﺘﯘﺭﯨﯟﯦﺘﯩﻠﮕﻪﻥ، ﺟﯘﯕﮕﻮ ﻫﯚﻛﯜﻣﯩﺘﻰ ﺑﯘ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ "ﺷﯩﻨﺠﺎﯕﺪﯨﻜﻰ" ﺋﯩﮕﯩﻠﯩﻚ ﻫﻮﻗﯘﻗﯩﻨﻰ ﻗﻮﻏﺪﯨﻤﺎﻗﭽﻰ ﺑﻮﻟﯩﺪﯗ.

ﺋﺎﻣﯧﺮﯨﻜﺎ ﺗﺎﺭﯨﺨﭽﯩﺴﻰ ﺟﺎﻣﯧﺲ ﻣﯩﻠﻠﯩﯟﺍﺭﺩ ﺗﺎﺭﯨﺨﯩﻲ ﭘﺎﻛﯩﺘﻼﺭ ﺑﯩﻠﻪﻥ ﺧﯩﺘﺎﻱ ﺗﺎﺭﯨﺨﭽﯩﻠﯩﺮﯨﻨﯩﯔ ﺑﯘ ﻧﯘﻗﺘﯩﺌﯩﻨﻪﺯﻩﺭﯨﻨﻰ ﺋﯩﻠﻤﯩﻲ ﺋﯘﺳﯘﻟﺪﺍ ﺭﻩﺕ ﻗﯩﻠﯩﭗ ﻣﯩﻼﺩﯨﻨﯩﯔ ﺋﺎﻟﺪﻯ ﻛﻪﻳﻨﯩﺪﯨﻜﻰ ﻫﯘﻧﻼﺭ ﺑﯩﻠﻪﻥ ﺧﻪﻥ ﺳﯘﻻﻟﯩﺴﻰ ﺋﺎﺭﯨﺴﯩﺪﺍ ﻳﯜﺯ ﺑﻪﺭﮔﻪﻥ ﺋﯘﺯﯗﻥ ﻣﯘﺩﺩﻩﺗﻠﯩﻚ ﺋﯘﺭﯗﺵ ﻫﻪﻗﻘﯩﺪﻩ ﺧﯘﻻﺳﯩﻼﭖ، "ﺧﻪﻥ ﺳﯘﻻﻟﯩﺴﻰ ﻫﯧﭻ ﻗﺎﭼﺎﻥ ﻫﯘﻧﻼﺭ ﺑﯩﻠﻪﻥ ﺋﯘﻳﺴﯘﻧﻼﺭ ﺑﺎﺷﺘﯩﻦ ﺋﺎﺧﯩﺮﻯ ﻫﯚﻛﯜﻣﺮﺍﻧﻠﯩﻖ ﻗﯩﻠﻐﺎﻥ ﺟﯘﯕﻐﺎﺭﯨﻴﻪ ﻳﻪﻧﻰ ﺷﯩﻤﺎﻟﯩﻲ ﺷﯩﻨﺠﺎﯕﻨﻰ ﺋﯩﮕﯩﻠﯩﻴﻪﻟﻤﯩﮕﻪﻥ. ﭘﯜﺗﯜﻥ ﺷﯩﻨﺠﺎﯕﻨﻰ ﺧﻪﻥ ﺳﯘﻻﻟﯩﺴﻰ ﻣﻪﺯﮔﯩﻠﯩﺪﻩ ﺟﯘﯕﮕﻮﻧﯩﯔ ﺯﯦﻤﯩﻨﻰ ﺑﻮﻟﻐﺎﻥ ﺩﯦﻴﯩﺶ ﻛﯧﻴﯩﻨﻜﻰ ﺗﺎﺭﯨﺨﭽﯩﻼﺭﻧﯩﯔ ﻫﻪﺭ ﺧﯩﻞ ﻣﻪﻧﺒﻪﻟﻪﺭﻧﯩﯔ ﺑﻪﺯﯨﻠﯩﺮﻯ ﺋﺎﺳﺎﺳﯩﺪﺍ ﺑﯘﺭﻣﯩﻼﭖ ﭼﯩﻘﺎﺭﻏﺎﻥ ﻳﻪﻛﯜﻧﻠﯩﺮﯨﺪﯗﺭ، ﺑﯘ ﻧﯘﻗﺘﯩﺪﯨﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ، ﺗﺎﺭﯨﺨﭽﯩﻼﺭ ﻫﻪﺭﺑﯩﻴﻠﻪﺭﺩﯨﻨﻤﯘ ﻛﯜﭼﻠﯜﻙ ﻛﻪﻟﮕﻪﻥ"، "ﺧﻪﻥ ﺳﯘﻻﻟﯩﺴﻰ ﺩﻩﯞﺭﯨﺪﻩ ﺧﯩﺘﺎﻳﻨﯩﯔ ﺭﻩﺳﻤﯩﻲ ﻫﺎﻟﺪﺍ ﺷﯩﻨﺠﺎﯕﻐﺎ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﺸﯩﻨﯩﯔ ﺑﺎﺷﻼﻧﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﻛﯚﺯ ﻗﺎﺭﺍﺵ ﺗﺎﻻﺵ - ﺗﺎﺭﺗﯩﺶ ﻗﯩﻠﯩﺶ ﻗﯩﻤﻤﯩﺘﯩﮕﻪ ﺋﯩﮕﻪ" ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﯩﺪﯗ.

ﺋﺎﭘﺘﻮﺭﻧﯩﯔ ﻗﺎﺭﯨﺸﯩﭽﻪ، ﺧﻪﻥ ﺳﯘﻻﻟﯩﺴﻰ ﺑﯩﻠﻪﻥ ﻫﯘﻧﻼﺭﻧﯩﯔ ﻛﯜﺭﻩﺷﻠﯩﺮﻯ ﺋﯩﻜﻜﻰ ﻧﯘﻗﺘﯩﺪﯨﻦ ﭼﯩﻘﯩﺶ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯘ ﺑﯩﺮﯨﻨﭽﯩﺪﯨﻦ ﻣﻮﯕﻐﯘﻟﯩﻴﻪ ﯞﻩ ﺟﯘﯕﻐﺎﺭﯨﻴﯩﺪﯨﻜﻰ ﻛﯚﭼﻤﻪﻥ ﻗﻪﺑﯩﻠﯩﻠﻪﺭﻧﯩﯔ ﺗﺎﺭﯨﻢ –ﺗﯘﺭﭘﺎﻥ ﯞﺍﺩﯨﺴﯩﻨﻰ ﺋﯚﺯﯨﻨﯩﯔ ﺋﺎﺷﻠﯩﻖ ﻣﻪﻧﺒﻪﺳﻰ ﻗﯩﻠﯩﺶ ﻛﯜﺭﯨﺸﻰ ﺑﻮﻟﺴﺎ، ﺋﯩﻜﻜﯩﻨﭽﯩﺪﯨﻦ ﺑﯘ ﺷﯩﻤﺎﻟﯩﻲ ﺗﻪﺭﻩﭘﺘﯩﻜﯩﻠﻪﺭﮔﻪ ﻗﺎﺭﺷﻰ ﺋﯘﺭﯗﺵ ﺑﻮﻟﯘﭖ، ﺧﯩﺘﺎﻳﺪﯨﻜﻰ ﻛﯜﭼﻠﻪﺭ ﻛﯚﭼﻤﻪﻥ ﺧﻪﻟﻘﻠﻪﺭﻧﯩﯔ ﻏﻪﺭﺑﻨﻰ ﺑﺎﻳﻠﯩﻖ ﺑﺎﺯﯨﺴﻰ ﻫﻪﻡ ﺑﯘﻧﯩﯖﺪﯨﻦ ﭘﺎﻳﺪﯨﻠﯩﻨﯩﭗ ﺧﯩﺘﺎﻳﻐﺎ ﺧﻪﺗﻪﺭ ﺋﯧﻠﯩﭗ ﻛﯧﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﻐﺎﻥ ﺋﯩﺪﻯ. ﺧﻪﻥ ﺳﯘﻻﻟﯩﺴﯩﻨﯩﯔ ﻏﻪﺭﺑﯩﻲ ﺭﺍﻳﻮﻧﻐﺎ ﻛﯧﯖﯩﻴﯩﺸﻰ ﺑﺎﺷﻘﯩﭽﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ ﺧﻪﻥ ﺳﯘﻻﻟﯩﺴﯩﻨﯩﯔ ﻫﯘﻧﻼﺭ ﺑﯩﻠﻪﻥ ﺑﻮﻟﻐﺎﻥ ﺋﯘﺯﯗﻥ ﻣﻪﺯﮔﯩﻠﻠﯩﻚ ﺩﯛﺷﻤﻪﻧﻠﯩﻜﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﻫﻪﻡ ﺑﯩﺨﻪﺗﻪﺭﻟﯩﻜﻨﻰ ﻗﻮﻏﺪﺍﺵ ﺗﯜﺳﻰ ﺋﺎﻟﻐﺎﻥ، ﺑﯘ ﺳﻮﺩﺍ - ﺗﯩﺠﺎﺭﻩﺕ ﯞﻩ ﻳﯧﯖﻰ ﺯﯦﻤﯩﻨﻠﻪﺭﻧﻰ ﺋﯩﮕﯩﻠﻪﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺋﻪﻣﻪﺱ.

ﺋﺎﭘﺘﻮﺭ ﺋﻪﺳﯩﺮﯨﻨﯩﯔ ﻣﻪﺯﻛﯘﺭ ﺑﺎﺑﯩﺪﺍ ﻳﻪﻧﻪ ﻛﯚﻙ ﺗﯜﺭﻛﻠﻪﺭﻧﯩﯔ ﻫﯚﻛﯜﻣﺮﺍﻧﻠﯩﻘﻰ، ﺋﯘﻧﯩﯔ ﺗﺎﯓ ﺳﯘﻻﻟﯩﺴﻰ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻠﯩﺮﻯ، ﺗﯜﺭﻛﻠﻪﺭ ﺑﯩﻠﻪﻥ ﺗﺎﯓ ﺳﯘﻻﻟﯩﺴﻰ ﺋﺎﺭﯨﺴﯩﺪﺍ ﻳﯜﺯ ﺑﻪﺭﮔﻪﻥ ﻛﯜﺭﻩﺷﻠﻪﺭ ﺟﯜﻣﻠﯩﺪﯨﻦ ﺗﺎﯓ ﺋﯩﻤﭙﯧﺮﯨﻴﯩﺴﯩﻨﯩﯔ ﺋﯘﻳﻐﯘﺭ ﺋﯧﻠﻰ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺗﻪﺳﯩﺮﯨﻨﻰ ﺗﯩﻜﻠﻪﺵ ﻫﻪﻡ ﺑﯘ ﺭﺍﻳﻮﻧﻼﺭﻏﺎ ﻫﯚﻛﯜﻣﺮﺍﻧﻠﯩﻖ ﺋﻮﺭﻧﯩﺘﯩﺶ ﻳﻮﻟﯩﺪﯨﻜﻰ ﻛﯜﺭﻩﺷﻠﯩﺮﻯ ﻗﯩﺴﻘﯩﭽﻪ ﺋﻪﻛﯩﺲ ﺋﻪﺗﺘﯜﺭﯨﻠﯩﺪﯗ.

ﺋﺎﭘﺘﻮﺭﻧﯩﯔ ﻗﺎﺭﯨﺸﯩﭽﻪ، ﮔﻪﺭﭼﻪ ﺗﺎﯓ ﺳﯘﻻﻟﯩﺴﻰ ﺩﻩﺳﻠﻪﭘﻜﻰ ﻣﻪﺯﮔﯩﻠﻠﻪﺭﺩﻩ ﻛﯜﭼﯩﻴﯩﭗ، ﺗﯜﺭﻙ ﻗﺎﻏﺎﻧﻠﯩﻘﯩﻨﯩﯔ ﺭﺍﻳﻮﻧﺪﯨﻜﻰ ﻫﯚﻛﯜﻣﺮﺍﻧﻠﯩﻘﯩﻨﻰ ﺋﺎﻏﺪﯗﺭﯗﭖ ﺗﺎﺷﻠﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﻰ ﻗﯩﺴﯩﻤﯩﻐﺎ ﻧﯩﺴﺒﻪﺗﻪﻥ ﻣﯘﺳﺘﻪﻫﻜﻪﻡ ﻫﯚﻛﯜﻣﺮﺍﻧﻠﯩﻖ ﺋﻮﺭﻧﯩﺘﺎﻟﻤﯩﻐﺎﻥ، ﺑﯘﻧﯩﯖﻐﺎ ﺗﯩﺒﻪﺗﻠﻪﺭ ﺗﻮﺳﻘﯘﻧﻠﯘﻕ ﻗﯩﻠﻐﺎﻥ ﺑﻮﻟﯘﭖ، ﺗﺎﺭﯨﻢ ﯞﺍﺩﯨﺴﻰ ﺩﺍﺋﯩﻢ ﺗﯩﺒﻪﺗﻠﻪﺭ ﺑﯩﻠﻪﻥ ﺗﺎﯓ ﺋﺎﺭﯨﺴﯩﺪﺍ ﺗﺎﻟﯩﺸﯩﺶ ﻧﯘﻗﺘﯩﺴﻰ ﺑﻮﻟﻐﺎﻥ. ﺋﻮﻣﯘﻣﻪﻥ، ﺑﯘ ﻣﻪﺯﮔﯩﻠﻠﻪﺭﺩﻩ ﺗﺎﺭﯨﻢ - ﺗﯘﺭﭘﺎﻥ ﯞﺍﺩﯨﺴﻰ ﺳﯩﻴﺎﺳﯩﻲ ﯞﻩ ﻣﻪﺩﻩﻧﯩﻴﻪﺕ ﻫﺎﺩﯨﺴﯩﻠﯩﺮﯨﻨﯩﯔ ﺋﯘﭼﺮﯨﺸﯩﺶ ﻧﯘﻗﺘﯩﺴﯩﻐﺎ ﺋﺎﻳﻼﻧﻐﺎﻥ.

ﺋﻪﻟﯟﻩﺗﺘﻪ، ﺋﺎﭘﺘﻮﺭ ﺋﻪﺳﯩﺮﯨﺪﻩ ﺋﺎﺳﺎﺳﻠﯩﻘﻰ 19 - ﯞﻩ 20 - ﺋﻪﺳﯩﺮ ﺩﻩﯞﺭﯨﻨﻰ ﺗﻪﺳﯟﯨﺮﻟﻪﺷﻨﻰ ﻣﻪﻗﺴﻪﺕ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ ﺋﯘﻳﻐﯘﺭ ﺋﯧﻠﯩﻨﯩﯔ ﻗﻪﺩﯨﻤﻜﻰ ﺩﻩﯞﺭﻟﻪﺭ ﺗﺎﺭﯨﺨﻰ ﻣﻪﺳﯩﻠﯩﻠﯩﺮﻯ ﺑﻮﻳﯩﭽﻪ ﭘﻪﻗﻪﺕ ﻗﯩﺴﻘﯩﭽﯩﻼ ﺗﻮﺧﺘﺎﻟﻐﺎﭼﻘﺎ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﺗﺎﺭﯨﻢ - ﺗﯘﺭﭘﺎﻥ ﯞﺍﺩﯨﺴﯩﺪﯨﻜﻰ ﺳﯩﻴﺎﺳﯩﻲ ﯞﻩﻗﻪﻟﻪﺭ، ﺋﯧﺘﻨﯩﻚ ﺗﻪﺭﻛﯩﺒﻠﻪﺭ ﯞﻩ ﺋﯘﻻﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﻛﻮﻧﻜﺮﯦﺖ ﻛﯚﺭﯛﻧﯜﺷﻠﯩﺮﯨﻨﻰ ﺑﯩﺮ - ﺑﯩﺮﻟﻪﭖ ﺑﺎﻳﺎﻥ ﻗﯩﻠﻤﺎﻱ، ﭘﻪﻗﻪﺕ ﺑﯘ ﺩﻩﯞﺭﻧﯩﯔ ﺳﯩﻴﺎﺳﯩﻲ، ﺋﯩﺠﺘﯩﻤﺎﺋﯩﻲ - ﺋﯩﻘﺘﯩﺴﺎﺩﯨﻲ ﻫﻪﻡ ﻣﻪﺩﻩﻧﯩﻴﻪﺕ ﻣﯘﺳﺎﭘﯩﻠﯩﺮﻯ ﻫﻪﻗﻘﯩﺪﯨﻜﻰ ﺋﯚﺯ ﻳﻪﻛﯜﻧﻠﯩﺮﯨﻨﯩﻼ ﺋﻮﺗﺘﯘﺭﯨﻐﺎ ﻗﻮﻳﯩﺪﯗ. (ﺋﯜﻣﯩﺪﯞﺍﺭ)