ﺧﯩﺘﺎﻱ ﯞﻩ ﺋﯘﻳﻐﯘﺭ ﺋﯧﻠﯩﺪﻩ ﺳﺎﯞﺍﺗﺴﯩﺰﻻﺭ ﺳﺎﻧﻰ ﻳﻪﻧﯩﻤﯘ ﻛﯚﭘﻪﻳﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2006 – ﻳﯩﻠﻰ 13 – ﺋﯚﻛﺘﻪﺑﯩﺮ ﻛﯜﻧﻰ ﺧﻮﺗﻪﻧﺪﯨﻜﻰ ﺑﯩﺮ ﻗﻮﺵ ﺗﯩﻠﻠﯩﻖ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﺘﯩﻜﻰ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺋﯘﻳﻐﯘﺭ ﺗﯩﻠﻰ ﺩﻩﺭﺳﻰ ﺋﺎﯕﻠﯩﻤﺎﻗﺘﺎ. ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ 12 ﻳﯩﻠﻠﯩﻖ ﻣﻪﺟﺒﯘﺭﻯ ﻣﺎﺋﺎﺭﯨﭙﻨﻰ ﺗﻪﻛﯩﺘﻠﻪﭖ ﻛﻪﻟﮕﻪﻥ ﺑﻮﻟﺴﯩﻤﯘ، ﻣﻪﻛﺘﻪﭘﻠﻪﺭﮔﻪ ﺗﯚﻟﯩﻨﯩﺪﯨﻐﺎﻥ ﻫﻪﺭ ﺧﯩﻞ ﺋﻮﻗﯘﺵ ﭼﯩﻘﯩﻤﻠﯩﺮﻯ ﻛﯩﺸﯩﻠﻪﺭﻧﻰ ﺑﺎﻟﯩﻠﯩﺮﯨﻨﻰ ﺋﻮﻗﯘﺷﻘﺎ ﺋﻪﯞﻩﺗﯩﺸﺘﯩﻦ ﻳﺎﻟﺘﺎﻳﺘﻤﺎﻗﺘﺎ. AFP

ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺧﯩﺘﺎﻳﺪﯨﻜﻰ ﺳﺎﯞﺍﺗﺴﯩﺰﻟﯩﻖ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﻫﻪﻗﻘﯩﺪﻩ ﻧﯘﺭﻏﯘﻥ ﻛﯜﭺ ﺳﻪﺭﭖ ﻗﯩﻠﯩﯟﺍﺗﻘﺎﻧﺪﻩﻙ ﻛﯚﺭﯛﻧﺴﯩﻤﯘ، ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺑﯩﺮ ﺋﻪﻣﻪﻟﺪﺍﺭﻯ ﺧﯩﺘﺎﻳﺪﯨﻜﻰ ﺳﺎﯞﺍﺗﺴﯩﺰ ﻗﺎﻟﻐﺎﻧﻼﺭ ﺳﺎﻧﯩﻨﯩﯔ ﻳﯧﻘﯩﻨﻘﻰ ﺑﯩﺮ ﻧﻪﭼﭽﻪ ﻳﯩﻠﺪﯨﻦ ﺑﯘﻳﺎﻥ ﺋﺎﺯﺍﻳﻤﺎﺳﺘﯩﻦ ﺑﻪﻟﻜﻰ ﻳﻪﻧﯩﻼ ﺋﯩﺰﭼﯩﻞ ﻫﺎﻟﺪﺍ ﺋﯚﺭﻟﻪﯞﺍﺗﻘﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ. ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺑﯘ ﺋﻪﻣﻪﻟﺪﺍﺭﯨﻨﯩﯔ ﺑﯩﻠﺪﯛﺭﯛﺷﯩﭽﻪ، 2005 ‏- ﻳﯩﻠﻰ ﺋﺎﺧﯩﺮﯨﺪﺍ، ﺧﯩﺘﺎﻳﺪﯨﻜﻰ ﺳﺎﯞﺍﺗﺴﯩﺰ ﻛﯩﺸﯩﻠﻪﺭﻧﯩﯔ ﺋﻮﻣﯘﻣﯩﻲ ﺳﺎﻧﻰ 116 ﻣﯩﻠﻴﻮﻧﻐﺎ ﻳﻪﺗﻜﻪﻥ ﺑﻮﻟﯘﭖ، ﺋﻪﺳﻠﯩﺪﯨﻜﻰ ﺳﺎﻧﺪﯨﻦ 30 ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﺋﯧﺸﯩﭗ ﻛﻪﺗﻜﻪﻥ؛ ﺷﯘﻧﺪﺍﻗﻼ ﻫﺎﺯﯨﺮ ﺩﯗﻧﻴﺎﺩﺍ ﻫﯩﻨﺪﯨﺴﺘﺎﻧﺪﯨﻦ ﻗﺎﻟﺴﺎ، ﺧﯩﺘﺎﻱ ﺳﺎﯞﺍﺗﺴﯩﺰﻻﺭ ﺳﺎﻧﻰ ﺋﻪﯓ ﻛﯚﭖ ﺑﻮﻟﻐﺎﻥ ﺩﯙﻟﻪﺕ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ.

ﺧﯩﺘﺎﻳﻨﯩﯔ ﺳﺎﯞﺍﺗﺴﯩﺰﻟﯩﻘﻨﻰ ﺗﯜﮔﯩﺘﯩﺶ ﺋﯜﭼﯜﻥ ﺳﻪﺭﭖ ﻗﯩﻠﯩﯟﺍﺗﻘﺎﻥ ﭘﯘﻟﻰ ﺑﻪﻛﻼ ﻳﯧﺘﻪﺭﺳﯩﺰ

ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺳﺎﯞﺍﺗﺴﯩﺰﻟﯩﻖ ﻣﻪﺳﯩﻠﯩﺴﯩﮕﻪ ﻣﻪﺳﺌﯘﻝ ﺑﯚﻟﯜﻡ ﻣﯘﺩﯨﺮﻯ ﮔﺎﯞ ﺷﯚﮔﯜﻱ "ﻫﺎﺯﯨﺮ ﺑﯩﺰﺩﯨﻜﻰ ﺳﺎﯞﺍﺗﺴﯩﺰﻟﯩﻖ ﻣﻪﺳﯩﻠﯩﺴﻰ ﭘﻪﻗﻪﺕ ﻣﺎﺋﺎﺭﯨﭗ ﻣﻪﺳﯩﻠﯩﺴﻰ ﺋﻪﻣﻪﺱ، ﺑﻪﻟﻜﻰ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﮕﻪ ﺋﺎﻳﻼﻧﺪﻯ. ﻣﻪﺯﻛﯘﺭ ﻣﻪﺳﯩﻠﯩﻨﯩﯔ ﺟﻪﻣﺌﯩﻴﻪﺗﻜﻪ ﺑﻮﻟﻐﺎﻥ ﺗﻪﺳﯩﺮﻯ ﺑﻪﻛﻤﯘ ﺯﻭﺭ" ﺩﻩﭖ ﻛﯚﺭﺳﻪﺗﺘﻰ.

ﮔﺎﯞ ﺷﯚﮔﯜﻱ ﺳﯚﺯﯨﺪﻩ ﻳﻪﻧﻪ، ﺳﺎﯞﺍﺗﺴﯩﺰﻟﯩﻖ ﻣﻪﺳﯩﻠﯩﺴﯩﻨﯩﯔ ﺭﺍﻳﻮﻥ ﺧﺎﺭﺍﻛﺘﯧﺮﻟﯩﻚ ﻣﻪﺳﯩﻠﯩﮕﻪ ﺋﺎﻳﻼﻧﻐﺎﻧﻠﯩﻘﯩﻨﻰ ﻫﻪﻣﺪﻩ ﻏﻪﺭﺑﯩﻲ ﺭﺍﻳﻮﻧﻼﺭﻏﺎ ﻗﺎﺭﯨﻐﺎﻧﺪﺍ ﺷﻪﺭﻗﯩﻲ ﺭﺍﻳﻮﻧﻼﺭﺩﯨﻜﻰ ﺳﺎﯞﺍﺗﺴﯩﺰﻻﺭ ﺳﺎﻧﯩﻨﯩﯔ ﺗﯧﺨﯩﻤﯘ ﺗﯧﺰ ﻛﯚﭘﯩﻴﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ. ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ 2005 ‏- ﻳﯩﻠﯩﻐﺎ ﻗﻪﺩﻩﺭ 10 ﻣﯩﻠﻴﻮﻧﻐﺎ ﻳﯧﻘﯩﻦ ﺋﺎﺩﻩﻣﻨﻰ ﺳﺎﯞﺍﺗﺴﯩﺰﻟﯩﻘﺘﯩﻦ ﻗﯘﺗﻘﯘﺯﯗﭖ ﻗﺎﻟﺪﯗﻕ ﺩﯦﮕﻪﻥ ﺑﻮﻟﺴﯩﻤﯘ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺳﺎﯞﺍﺗﺴﯩﺰﻟﯩﻖ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﺋﺎﺟﺮﺍﺗﻘﺎﻥ ﻣﻪﺑﻠﯩﻐﻰ ﭘﻪﻗﻪﺕ 8 ﻣﯩﻠﻴﻮﻥ ﺧﯩﺘﺎﻱ ﭘﯘﻟﻰ ﺑﻮﻟﯘﭖ، ﻛﯩﺸﻰ ﺑﯧﺸﯩﻐﺎ ﺋﺎﺭﺍﻥ 8 ﭘﯘﯕﺪﯨﻦ ﺗﻮﻏﺮﻯ ﻛﯧﻠﯩﺪﯨﻜﻪﻥ.

ﺑﯘﻧﺪﯨﻦ ﺋﯩﻠﮕﯩﺮﻯ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ 2015 - ﻳﯩﻠﯩﻐﯩﭽﻪ، ﺳﺎﯞﺍﺗﺴﯩﺰﻻﺭ ﺳﺎﻧﯩﻨﻰ 50% ﺗﯚﯞﻩﻧﻠﯩﺘﯩﺸﻜﻪ ﺋﯜﻧﺪﯨﮕﻪﻥ. ﻟﯧﻜﯩﻦ ﺑﯩﺮ ﻗﯩﺴﯩﻢ ﺧﯩﺘﺎﻱ ﺯﯨﻴﺎﻟﯩﻴﻠﯩﺮﻯ " ﺧﯩﺘﺎﻱ ﻫﺎﺯﯨﺮﻗﻰ ﺑﯘ ﺧﯩﻞ ﻫﺎﻟﻪﺗﺘﻪ 2015 ‏- ﻳﯩﻠﯩﻐﺎ ﺑﺎﺭﻏﺎﻧﺪﺍ، ﻫﻪﺭﮔﯩﺰﻣﯘ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ ﺑﯘ ﯞﻩﺯﯨﭙﯩﻨﻰ ﺋﻮﺭﯗﻧﺪﯨﻴﺎﻟﻤﺎﻳﺪﯗ" ﺩﻩﭖ ﺑﯩﻠﺪﯛﺭﻣﻪﻛﺘﻪ.

ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﻨﯩﯔ ﻗﺎﺭﺍﺷﻠﯩﺮﻯ

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﻤﯘ، ﺳﺎﯞﺍﺗﺴﯩﺰﻟﯩﻖ ﻫﻪﻗﻘﯩﺪﯨﻜﻰ ﺋﯚﻟﭽﻪﻡ ﻣﻪﺳﯩﻠﯩﺴﻰ ﺷﯘﻧﺪﺍﻗﺘﺎ ﺧﯩﺘﺎﻱ ﯞﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﺎﯞﺍﺗﺴﯩﺰﻟﯩﻖ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺋﯚﺯ ﻛﯚﺯ- ﻗﺎﺭﺍﺷﻠﯩﺮﯨﻨﻰ ﺑﯩﻠﺪﯛﺭﻣﻪﻛﺘﻪ.

ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﻛﺎﻧﺎﺩﺍﺩﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﻣﯘﻫﻪﻣﻤﻪﺕ ﺗﻮﺧﺘﻰ ﺋﻪﭘﻪﻧﺪﻯ ﺧﯩﺘﺎﻱ ﯞﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﺎﯞﺍﺗﺴﯩﺰﻻﺭ ﺳﺎﻧﯩﻨﯩﯔ ﻛﯜﻧﺴﯧﺮﻯ ﻛﯜﭘﯩﻴﯩﭗ ﻛﯧﺘﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﻣﯘﻫﻪﻣﻤﻪﺕ ﺗﻮﺧﺘﻰ ﺋﻪﭘﻪﻧﺪﻯ ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﯞﺍﺗﻘﺎﻥ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﯩﯔ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﻰ ﯞﻩ ﺋﯘﻳﻐﯘﺭ ﺗﯩﻠﯩﻨﻰ ﻳﻮﻕ ﻗﯩﻠﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺋﯘﻳﻐﯘﺭ ﺋﻪﯞﻻﺩﻟﯩﺮﯨﻨﻰ ﻣﻪﻟﯘﻡ ﺟﻪﻫﻪﺗﺘﻪ ﺳﺎﯞﺍﺗﺴﯩﺰ ﻗﯩﻠﯩﭗ ﻳﯧﺘﯩﻠﺪﯛﺭﯨﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﻳﯧﻘﯩﻨﺪﺍ ﺋﺎﻣﯧﺮﯨﻜﯩﻐﺎ ﻛﻪﻟﮕﻪﻥ ﺋﯩﺴﻤﯩﻨﻰ ﻣﻪﻟﯘﻡ ﻗﯩﻠﯩﺸﻨﻰ ﺧﺎﻟﯩﻤﯩﻐﺎﻥ ﺑﯩﺮ ﺋﯘﻳﻐﯘﺭ ﺯﯨﻴﺎﻟﯩﻲ ﺋﺎﻳﺎﻝ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﺎﯞﺍﺗﺴﯩﺰﻟﯩﻖ ﻣﻪﺳﯩﻠﯩﺴﻰ ﻳﻪﻧﻰ ﺧﯩﺘﺎﻱ ﻣﺎﺋﺎﺭﯨﭗ ﺳﯩﺴﺘﯧﻤﯩﺴﯩﻨﯩﯔ ﺋﯘﻳﻐﯘﺭ ﻣﺎﺋﺎﺭﯨﭙﯩﻐﺎ ﺋﻪﻛﯩﻠﯩﯟﺍﺗﻘﺎﻥ ﺋﺎﭘﻪﺕ ﺧﺎﺭﺍﻛﺘﯧﺮﻟﯩﻚ ﺗﻪﺳﯩﺮﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺋﯚﺯ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﯩﭙﺎﺩﯨﻠﯩﺪﻯ. (ﻣﯧﻬﺮﯨﺒﺎﻥ)