ﺗﯜﺭﻛﯩﻴﻪ ﻛﺎﺑﯘﻟﺪﺍ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﻣﺎﻗﭽﻰ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﺭﻛﯩﻴﯩﺪﯨﻜﻰ ﺑﻪﺯﻯ ﺗﯧﻠﯧﯟﯨﺰﻭﺭ ﻗﺎﻧﺎﻟﻠﯩﺮﯨﺪﺍ ﺗﯜﺭﻛﯩﻴﯩﻨﯩﯔ ﻛﺎﺑﯘﻟﺪﺍ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﻣﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﮔﻪ ﻳﻪﺭ ﺑﯧﺮﯨﻠﺪﻯ. ﺧﻪﯞﻩﺭﺩﻩ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺩﯙﻟﯩﺘﯩﻨﯩﯔ ﻛﯧﻴﯩﻨﻜﻰ 17 ﻳﯩﻞ ﺋﯩﭽﯩﺪﻩ ﻗﺎﺯﺍﻗﯩﺴﺘﺎﻥ ﯞﻩ ﻗﯩﺮﻏﯩﺰﯨﺴﺘﺎﻧﺪﺍ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﻏﺎﻧﺪﯨﻦ ﺑﺎﺷﻘﺎ، ﺑﯜﮔﯜﻧﻜﻰ ﻛﯜﻧﺪﻩ ﺋﺎﻓﻐﺎﻧﯩﺴﺘﺎﻥ، ﺷﯩﻤﺎﻟﯩﻲ ﺋﯩﺮﺍﻕ ﯞﻩ ﻛﻮﺳﻮﯞﺍ ﻗﺎﺗﺎﺭﻟﯩﻖ ﺩﯙﻟﻪﺕ ﯞﻩ ﺭﺍﻳﻮﻧﻼﺭﺩﺍ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﯗﺵ ﺋﯜﭼﯜﻥ ﺗﻪﻳﻴﺎﺭﻟﯩﻖ ﻗﯩﻠﯩﯟﺍﺗﻘﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﺪﻯ.

ﺗﯜﺭﻛﯩﻴﻪ ﺑﯩﻠﻪﻥ ﺋﺎﻓﻐﺎﻧﯩﺴﺘﺎﻥ ﺋﻮﺗﺘﯘﺭﯨﺴﯩﺪﺍ ﻗﻪﺩﯨﻤﺪﯨﻦ ﺗﺎﺭﺗﯩﭗ ﺯﯨﭻ ﻣﯘﻧﺎﺳﯩﯟﻩﺕ ﺑﻮﻟﻐﺎﻥ

ﺋﺎﻓﻐﺎﻧﯩﺴﺘﺎﻧﻨﻰ ﻳﯧﯖﯩﺪﯨﻦ ﺑﯩﻨﺎ ﻗﯩﻠﯩﺶ ﯞﻩ ﺋﯘ ﻳﻪﺭﺩﻩ ﻣﯘﻗﯩﻤﻠﯩﻘﻨﻰ ﺑﻪﺭﭘﺎ ﻗﯩﻠﯩﺶ ﺋﯜﭼﯜﻥ ﺑﯘﺭﯗﻧﺪﯨﻦ ﺗﺎﺭﺗﯩﭗ ﻛﯜﭺ ﭼﯩﻘﯩﺮﯨﯟﺍﺗﻘﺎﻥ ﺗﯜﺭﻛﯩﻴﻪ، ﺋﻪﻣﺪﻯ ﺋﺎﻓﻐﺎﻧﯩﺴﺘﺎﻧﻨﯩﯔ ﭘﺎﻳﺘﻪﺧﺘﻰ ﻛﺎﺑﯘﻟﺪﺍ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﻣﺎﻗﭽﻰ. ﺗﯜﺭﻛﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺑﯩﻠﻪﻥ ﺗﯜﺭﻛﯩﻴﻪ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﻰ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﻰ ﺋﻮﺭﺗﺎﻗﻠﯩﺸﯩﭗ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯘ ﺋﯩﺶ ﭘﯩﻼﻧﯩﻐﺎ ﺋﺎﺳﺎﺳﻪﻥ ﻗﯘﺭﯗﻟﯩﺪﯨﻐﺎﻥ ﺗﯜﺭﻙ - ﺋﺎﻓﻐﺎﻥ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﺎﻟﺪﻯ ﺑﯩﻠﻪﻥ، ﭘﯧﺪﺍﮔﻮﮔﯩﻜﺎ ﻓﺎﻛﯘﻟﺘﯧﺘﻰ ﺋﯧﭽﯩﻠﯩﺪﯨﻜﻪﻥ. ﺋﻮﻗﯘﺗﻘﯘﭼﯩﻼﺭ ﺗﯜﺭﻛﯩﻴﯩﺪﯨﻦ ﺋﻪﯞﻩﺗﯩﻠﯩﺪﯨﻐﺎﻥ ﺑﯘ ﺋﯘﻧﯩﯟﯦﺮﺳﯩﺘﯧﺘﺘﺎ ﭘﯜﺗﯜﻥ ﺩﻩﺭﺳﻠﻪﺭ ﺋﯧﻨﮕﯩﻠﯩﺰ ﺗﯩﻠﻰ ﺑﯩﻠﻪﻥ ﺗﯜﺭﻙ ﺗﯩﻠﯩﺪﺍ ﺋﯚﺗﯜﻟﯩﺪﯨﻜﻪﻥ. ﺋﻮﺗﺘﯘﺭﺍ ﺋﺎﺳﯩﻴﺎ ﺗﻪﺗﻘﯩﻘﺎﺕ ﻣﯘﺗﻪﺧﻪﺳﺴﯩﺴﻠﯩﺮﻯ ﺗﯧﻠﯧﯟﯨﺰﻭﺭﻻﺭﺩﺍ ﺑﺎﻳﺎﻥ ﻗﯩﻠﻐﺎﻥ ﻛﯚﺯ ﻗﺎﺭﺍﺷﻠﯩﺮﯨﺪﺍ، ﺗﯜﺭﻛﯩﻴﻪ ﺑﯩﻠﻪﻥ ﺋﺎﻓﻐﺎﻧﯩﺴﺘﺎﻥ ﺋﻮﺗﺘﯘﺭﯨﺴﯩﺪﺍ ﻗﻪﺩﯨﻤﺪﯨﻦ ﺗﺎﺭﺗﯩﭗ ﺯﯨﭻ ﻣﯘﻧﺎﺳﯩﯟﻩﺕ ﺑﺎﺭﻟﯩﻘﯩﻨﻰ، ﺋﺎﻓﻐﺎﻧﯩﺴﺘﺎﻧﺪﺍ ﻣﯘﻗﯩﻤﻠﯩﻘﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﺋﯜﭼﯜﻥ ﭘﻪﻗﻪﺗﻼ ﻫﻪﺭﺑﯩﻲ ﻛﯜﭼﻜﻪ ﺗﺎﻳﯩﻨﯩﺸﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ، ﻫﻪﺭ ﺧﯩﻞ ﻳﺎﺭﺩﻩﻣﻠﻪﺭ ﺑﯩﻠﻪﻥ ﺋﺎﻓﻐﺎﻧﯩﺴﺘﺎﻥ ﺧﻪﻟﻘﯩﻨﯩﯔ ﻛﯚﯕﻠﯩﻨﻰ ﺋﯧﻠﯩﺶ ﻛﯧﺮﻩﻛﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﻤﻪﻛﺘﻪ.

ﻗﺎﺯﺍﻗﯩﺴﺘﺎﻥ ﯞﻩ ﻗﯩﺮﻏﯩﺰﯨﺴﺘﺎﻥ ﺩﯙﻟﻪﺗﻠﯩﺮﻯ ﺑﯩﻠﻪﻥ ﺷﯧﺮﯨﻚ ﺋﯘﻧﯩﯟﯦﺮﺳﯩﺘﯧﺖ ﺋﺎﭼﻘﺎﻥ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ، ﺋﻪﻣﺪﻯ ﺋﻮﺗﺘﯘﺭﺍ ﺷﻪﺭﻕ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﻰ ﺋﺎﺭﻗﯩﻠﯩﻖ ﻳﯧﯖﻰ ﻣﯘﺳﺘﻪﻗﯩﻞ ﺑﻮﻟﻐﺎﻥ ﻛﻮﺳﻮﯞﺍﺩﺍ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﻣﺎﻗﭽﻰ ﺑﻮﻟﯘﯞﺍﺗﯩﺪﯗ.

ﻣﯘﻧﺎﺳﯩﯟﻩﺗﻠﯩﻚ ﺋﻮﺭﮔﺎﻧﻼﺭﺩﯨﻦ ﺋﺎﻟﻐﺎﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺗﯜﺭﻛﯩﻴﻪ ﺑﯩﺮ ﻗﺎﻧﭽﻪ ﻳﯩﻞ ﺑﯘﺭﯗﻥ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺑﯩﻠﻪﻥ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﻰ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﻰ ﺋﻮﺭﺗﺎﻕ ﻛﻮﻣﯩﺘﯧﺖ ﻗﯘﺭﯗﭖ، ﺋﺎﻓﻐﺎﻧﯩﺴﺘﺎﻧﺪﺍ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﯗﺷﻨﯩﯔ ﭘﯩﻼﻧﯩﻨﻰ ﺗﯜﺯﯛﺷﻜﻪ ﺑﺎﺷﻠﯩﻐﺎﻥ، ﺋﯘﻻﺭ ﺑﯘ ﭘﯩﻼﻧﺪﺍ ﺗﯜﺭﻛﯩﻴﯩﻨﯩﯔ ﻗﺎﺯﺍﻗﯩﺴﺘﺎﻥ ﯞﻩ ﻗﯩﺮﻏﯩﺰﯨﺴﺘﺎﻥ ﺑﯩﻠﻪﻥ ﺋﻮﺭﺗﺎﻗﻠﯩﺸﯩﭗ ﻗﯘﺭﻏﺎﻥ ﺋﻪﻫﻤﻪﺕ ﻳﻪﺳﯧﯟﻯ ﺋﯘﻧﯩﯟﯦﺮﺳﯩﺘﯧﺘﻰ ﺑﯩﻠﻪﻥ ﻣﺎﻧﺎﺱ ﺋﯘﻧﯩﯟﯦﺮﺳﯩﺘﯧﺘﯩﻨﻰ ﺋﯚﺭﻧﻪﻙ ﻗﯩﻠﻐﺎﻥ. ﻳﻪﻧﻪ ﺑﯩﺰ ﻣﯘﻧﺎﺳﯩﯟﻩﺗﻠﯩﻚ ﺋﯩﺪﺍﺭﯨﺪﯨﻦ ﺋﺎﻟﻐﺎﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺗﯜﺭﻛﯩﻴﻪ ﻫﺎﺯﯨﺮﻏﯩﭽﻪ ﺋﺎﻓﻐﺎﻧﯩﺴﺘﺎﻧﺪﺍ 20 ﺋﻪﺗﺮﺍﭘﯩﺪﺍ ﺋﻮﺗﺘﯘﺭﺍ ﻣﻪﻛﺘﻪﭖ ﺋﺎﭼﻘﺎﻥ ﺑﻮﻟﯘﭖ، ﺋﻪﻣﺪﻯ ﺋﯘﻧﯩﯟﯦﺮﺳﯩﺘﯧﺖ ﺋﺎﭼﻤﺎﻗﭽﻰ ﺋﯩﻜﻪﻥ. ﺋﺎﻓﻐﺎﻥ ﺋﻮﻗﯘﺗﻘﯘﭼﯩﻼﺭ ﻳﯧﺘﯩﺸﺘﯜﺭﯛﻟﮕﻪﻧﺪﯨﻦ ﻛﯧﻴﯩﻦ، ﺋﺎﺳﺘﺎ - ﺋﺎﺳﺘﺎ ﺑﺎﺷﻘﺎ ﻓﺎﻛﯘﻟﺘﯧﺘﻼﺭ ﺋﯧﭽﯩﻠﯩﺪﯨﻜﻪﻥ.

ﺗﯜﺭﻛﯩﻴﻪ ﺋﺎﻓﻐﺎﻧﯩﺴﺘﺎﻧﺪﺍ ﻧﯧﻤﻪ ﺧﯩﺰﻣﻪﺗﻠﻪﺭﻧﻰ ﻗﯩﻠﺪﻯ

ﺗﯜﺭﻙ ﺷﯩﺮﻛﻪﺗﻠﯩﺮﻯ ﺑﯜﮔﯜﻧﮕﯩﭽﻪ ﺋﺎﻓﻐﺎﻧﯩﺴﺘﺎﻧﺪﺍ ﺑﯩﺮ ﻳﯧﺮﯨﻢ ﻣﯩﻠﻴﺎﺭﺩ ﺩﻭﻟﻼﺭﻟﯩﻖ، 209 ﺋﯩﺶ ﭘﯩﻼﻧﯩﻨﻰ ﺋﯚﺯ ﺋﯜﺳﺘﯩﮕﻪ ﺋﺎﻟﻐﺎﻥ. ﻫﺎﺯﯨﺮﻏﯩﭽﻪ 27 ﻣﻪﻛﺘﻪﭘﻨﯩﯔ ﺑﯩﻨﺎﺳﯩﻨﻰ ﺳﺎﻟﻐﺎﻥ، 38 ﻣﯩﯔ ﺋﻮﻗﯘﻏﯘﭼﯩﻐﺎ ﺋﻮﻗﯘﺵ ﭘﯘﺭﺳﯩﺘﻰ ﻳﺎﺭﯨﺘﯩﭗ ﺑﻪﺭﮔﻪﻥ. ﺑﯘﻻﺭﺩﯨﻦ ﺑﺎﺷﻘﺎ ﺗﯜﺭﻛﯩﻴﻪ ﺋﺎﻓﻐﺎﻧﯩﺴﺘﺎﻧﻠﯩﻘﻼﺭﻏﺎ 5 ﺩﻭﺧﺘﯘﺭﺧﺎﻧﺎ، 5 ﺷﯩﭙﺎﺧﺎﻧﺎ ﺳﯧﻠﯩﭗ ﺑﻪﺭﮔﻪﻧﺪﯨﻦ ﺑﺎﺷﻘﺎ، 78 ﻗﯘﺩﯗﻕ ﺋﯧﭽﯩﭗ ﺑﻪﺭﮔﻪﻥ. ﺑﯘﻻﺭﺩﯨﻦ ﺑﺎﺷﻘﺎ ﺗﯜﺭﻛﯩﻴﻪ ﺋﺎﺭﻣﯩﻴﯩﺴﻰ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺧﻪﻟﻘﺌﺎﺭﺍ ﺑﯩﺨﻪﺗﻪﺭﻟﯩﻚ ﯞﻩ ﻳﺎﺭﺩﻩﻡ ﺋﺎﺭﻣﯩﻴﯩﺴﻰ ﻳﻪﻧﻰ ﺋﯩﺴﺎﻓﺘﺎ ﺋﺎﻛﺘﯩﭗ ﯞﻩﺯﯨﭙﻪ ﺋﯚﺗﻪﭖ ﻛﻪﻟﻤﻪﻛﺘﻪ. ﺗﯜﺭﻛﯩﻴﻪ ﺋﺎﺭﻣﯩﻴﯩﺴﻰ ﻫﺎﺯﯨﺮﻏﯩﭽﻪ ﺋﯩﻜﻜﻰ ﻗﯧﺘﯩﻢ ﺑﯘ ﺧﻪﻟﻘﺌﺎﺭﺍ ﺑﯩﺮﻟﻪﺷﻤﻪ ﺋﺎﺭﻣﯩﻴﯩﺴﯩﻨﯩﯔ ﻗﻮﻣﺎﻧﺪﺍﻧﻠﯩﻖ ﯞﻩﺯﯨﭙﯩﺴﯩﻨﻰ ﺋﯚﺯ ﺋﯜﺳﺘﯩﮕﻪ ﺋﺎﻟﺪﻯ.

ﺋﺎﻓﻐﺎﻧﯩﺴﺘﺎﻧﺪﺍ ﺗﯜﺭﻛﯩﻴﻪ ﺩﯙﻟﯩﺘﻰ ﺋﺎﭼﻘﺎﻥ ﻣﻪﻛﺘﻪﭘﻠﻪﺭﺩﯨﻦ ﺑﺎﺷﻘﺎ، ﺗﯜﺭﻙ ﯞﻩﻗﯩﺒﻠﯩﺮﻯ ﻗﯘﺭﻏﺎﻥ ﻣﻪﻛﺘﻪﭘﻠﻪﺭﻣﯘ ﺑﺎﺭ. ﺋﯚﺗﻜﻪﻥ ﻳﯩﻠﻰ 9 - ﺋﺎﻳﺪﺍ ﺗﯜﺭﻛﯩﻴﯩﮕﻪ ﺭﻩﺳﻤﯩﻲ ﺯﯨﻴﺎﺭﻩﺕ ﺋﯜﭼﯜﻥ ﻛﻪﻟﮕﻪﻥ ﺋﻪﻧﮕﻠﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺩﺍﯞﯨﺪ ﻣﯩﻠﯩﺒﺎﻧﺪ، ﺗﯜﺭﻛﯩﻴﯩﻨﯩﯔ ﺧﻪﻟﻘﺌﺎﺭﺍﺩﺍ ﺋﻮﻳﻨﺎﯞﺍﺗﻘﺎﻥ ﺋﯩﺠﺎﺑﯩﻲ ﺭﻭﻟﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ، ﺗﯜﺭﻛﻠﻪﺭﻧﯩﯔ ﺋﺎﻓﻐﺎﻧﯩﺴﺘﺎﻧﺪﺍ ﺋﺎﭼﻘﺎﻥ ﻗﯩﺰ ﺋﻮﺗﺘﯘﺭﺍ ﻣﻪﻛﺘﯩﭙﯩﻨﻰ ﻣﺎﺧﺘﯩﻐﺎﻥ ﺋﯩﺪﻯ. ﺋﻪﻧﮕﻠﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻣﺎﺧﺘﯩﻐﺎﻥ ﺑﯘ ﻣﻪﻛﺘﻪﭖ ﺳﺎﺑﯩﻖ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺋﺎﺑﺪﯗﻟﻼﻫ ﮔﯜﻟﻨﯩﯔ ﻳﻮﻟﻴﻮﺭﯗﻗﻰ ﺑﻮﻳﯩﭽﻪ ﺋﯧﭽﯩﻠﻐﺎﻥ ﺋﯩﺪﻯ. ﺋﺎﻓﻐﺎﻧﯩﺴﺘﺎﻥ ﺩﯙﻟﻪﺕ ﺑﺎﺷﻠﯩﻘﻰ ﺧﺎﻣﯩﺖ ﻛﺎﺭﺯﺍﻱ ﻳﯧﻘﯩﻨﺪﺍ ﺗﯜﺭﻛﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺭﻩﺟﻪﭖ ﺗﺎﻳﯩﭗ ﺋﻪﺭﺩﻭﻏﺎﻧﻐﺎ ﺗﯧﻠﯧﻔﻮﻥ ﻗﯩﻠﯩﭗ، ﺗﯜﺭﻛﯩﻴﯩﻨﯩﯔ ﻣﺎﺋﺎﺭﯨﭗ ﺟﻪﻫﻪﺗﺘﯩﻦ ﺋﺎﻓﻐﺎﻧﯩﺴﺘﺎﻧﻐﺎ ﻗﯩﻠﻐﺎﻥ ﻳﺎﺭﺩﯨﻤﯩﺪﯨﻦ ﻗﺎﺗﺘﯩﻖ ﺗﻪﺳﯩﺮﻟﻪﻧﮕﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻧﺪﯨﻦ ﻛﯧﻴﯩﻦ، ﺗﯜﺭﻛﯩﻴﯩﻨﯩﯔ ﺋﺎﻓﻐﺎﻧﯩﺴﺘﺎﻧﺪﺍ ﺗﯧﺨﯩﻤﯘ ﻛﯚﭖ ﻣﻪﻛﺘﻪﭖ ﺋﯧﭽﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ.

ﺗﯜﺭﻛﯩﻴﻪ ﺷﯩﻤﺎﻟﯩﻲ ﺋﯩﺮﺍﻕ ﯞﻩ ﻛﻮﺳﻮﯞﺍﺩﯨﻤﯘ ﺋﯘﻧﯩﯟﯦﺮﺳﯩﺘﯧﺖ ﺋﺎﭼﻤﺎﻗﭽﻰ

19 - ﻣﺎﺭﺕ ﻛﯜﻧﻰ ﺗﯜﺭﻛﯩﻴﻪ ﻳﺎﯞﺭﻭ - ﺋﺎﺳﯩﻴﺎ ﮔﯜﻧﺪﻩﻣﻰ ﻧﺎﻣﻠﯩﻖ ﺋﯩﻨﺘﯧﺮﻧﯧﺖ ﮔﯧﺰﯨﺘﯩﺪﻩ ﻳﻪﺭ ﺋﺎﻟﻐﺎﻥ ﺧﻪﯞﻩﺭﮔﻪ ﻗﺎﺭﯨﻐﺎﻧﺪﺍ ﺗﯜﺭﻛﯩﻴﻪ، ﻳﯧﯖﻰ ﻣﯘﺳﺘﻪﻗﯩﻞ ﺑﻮﻟﻐﺎﻥ ﻛﻮﺳﻮﯞﺍ ﺑﯩﻠﻪﻥ ﺷﯩﻤﺎﻟﯩﻲ ﺋﯩﺮﺍﻗﺘﯩﻜﻰ ﺗﯜﺭﻛﻤﻪﻧﻠﻪﺭ ﺯﯨﭻ ﺋﻮﻟﺘﯘﺭﺍﻗﻼﺷﻘﺎﻥ ﺋﻪﺭﺑﯩﻞ ﯞﯨﻼﻳﯩﺘﯩﺪﯨﻤﯘ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﻣﺎﻗﭽﻰ ﺋﯩﻜﻪﻥ. ﻛﻮﺳﻮﯞﺍ ﺩﯙﻟﻪﺕ ﺑﺎﺷﻠﯩﻘﻰ ﻓﺎﺗﻤﯩﺮ ﺳﻪﻳﺪﯨﺌﯘ ﺗﯜﺭﻛﯩﻴﯩﻨﯩﯔ ﺑﯘ ﻳﺎﺭﺩﯨﻤﯩﮕﻪ ﺭﻩﻫﻤﻪﺕ ﺋﯧﻴﺘﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ. ﺗﯜﺭﻛﯩﻴﯩﺪﯨﻜﻰ ﺗﻮﻧﯘﻟﻐﺎﻥ ﺋﯘﻧﯩﯟﯦﺮﺳﯩﺘﯧﺘﻼﺭﺩﯨﻦ ﺑﯩﺮﻯ ﺑﻮﻟﻐﺎﻥ ﺑﯩﻠﻜﻪﻧﺖ ﺋﯘﻧﯩﯟﯦﺮﺳﯩﺘﯧﺘﻨﯩﯔ ﻗﯘﺭﻏﯘﭼﯩﺴﻰ ﭘﺮﻭﻑ. ﺩﺭ. ﺋﯩﻬﺴﺎﻥ ﺩﻭﻏﺮﺍﻣﺎﭼﻰ ﺷﯩﻤﺎﻟﯩﻲ ﺋﯩﺮﺍﻗﻨﯩﯔ ﺋﻪﺭﺑﯩﻞ ﺩﯦﮕﻪﻥ ﻳﯧﺮﯨﺪﻩ ﺗﯘﻏﯘﻟﻐﺎﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﺧﺎﺭﯞﯦﺮﺕ ﺋﯘﻧﯩﯟﯦﺮﺳﯩﺘﯧﺘﯩﻨﻰ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ، ﺗﯜﺭﻛﯩﻴﯩﮕﻪ ﺟﺎﻳﻼﺷﻘﺎﻥ. ﺋﯘ ﻫﺎﺯﯨﺮ ﺋﻪﺭﺑﯩﻞ ﯞﻩﺧﭙﯩﻨﻰ ﻗﯘﺭﯗﭖ، ﺑﯘ ﯞﻩﻗﯩﭗ ﺋﺎﺭﻗﯩﻠﯩﻖ ﺗﯘﻏﯘﻟﻐﺎﻥ ﻳﯘﺭﺗﻰ ﺋﻪﺭﺑﯩﻠﺪﻩ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﯗﺷﻘﺎ ﺗﻪﻳﻴﺎﺭﻟﯩﻨﯩﯟﯦﺘﯩﭙﺘﯘ.

ﺋﺎﻓﻐﺎﻧﯩﺴﺘﺎﻧﻨﯩﯔ ﺗﯜﺭﻙ ﺩﯗﻧﻴﺎﺳﯩﺪﯨﻜﻰ ﺋﻮﺭﻧﻰ

ﺳﻮﯞﯦﺖ ﺋﯩﺘﺘﯩﭙﺎﻗﻰ ﻳﯩﻤﯩﺮﯨﻠﮕﻪﻧﺪﯨﻦ ﻛﯧﻴﯩﻦ ﺗﯜﺭﻛﯩﻴﻪ ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﮕﻪ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﻪﺭﻣﻪﻛﺘﻪ. ﺑﯘ ﺟﯘﻣﻬﯘﺭﯨﻴﻪﺗﻠﻪﺭﺩﻩ ﺋﯘﻧﯩﯟﯦﺮﺳﯩﺘﯧﺘﻼﺭ ﻗﯘﺭﻣﺎﻗﺘﺎ. ﺋﺎﻓﻐﺎﻧﯩﺴﺘﺎﻧﺪﯨﻤﯘ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﯗﺷﺘﯩﻜﻰ ﻣﻪﻗﺴﯩﺪﻯ ﻧﯧﻤﻪ؟ ﻏﺎﺯﻯ ﺋﯘﻧﯩﯟﯦﺮﺳﯩﺘﯧﺘﻰ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭ ﻓﺎﻛﯘﻟﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﺩﺭ. ﻣﻪﻫﻤﻪﺕ ﺳﻪﻳﻔﻪﺗﺘﯩﻦ ﺋﻪﺭﻭﻝ ﺋﻪﭘﻪﻧﺪﻯ ﺑﯘ ﻫﻪﻗﺘﻪ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﺗﯜﺭﻛﯩﻴﻪ ﺗﯜﺭﻙ ﺩﯗﻧﻴﺎﺳﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﻳﯧﯖﻰ ﺋﯩﺶ ﭘﯩﻼﻧﻠﯩﺮﻯ ﺗﯜﺯﯛﭖ ﭼﯩﻘﯩﺸﻘﺎ ﺗﯩﺮﯨﺸﯩﯟﺍﺗﯩﺪﯗ. ﺑﯘ ﺟﻪﻫﻪﺗﺘﯩﻦ ﺩﯦﮕﻪﻧﺪﻩ ﺋﺎﻓﻐﺎﻧﯩﺴﺘﺎﻥ ﺋﺎﺩﻩﺗﺘﯩﻜﻰ ﺑﯩﺮ ﻳﻪﺭ ﺋﻪﻣﻪﺱ، ﺟﻪﻧﯘﺑﯩﻲ ﺗﯜﺭﻛﯩﺴﺘﺎﻧﺪﯗﺭ. ﺋﯩﻜﻜﯩﻨﭽﯩﺪﯨﻦ ﺋﺎﻓﻐﺎﻧﯩﺴﺘﺎﻥ، ﻗﻪﺩﯨﻤﺪﯨﻦ ﺗﺎﺭﺗﯩﭗ، ﺑﻮﻟﯘﭘﻤﯘ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﻐﺎﻥ ﯞﺍﻗﯩﺘﺘﯩﻦ ﺗﺎﺭﺗﯩﭗ ﺗﯜﺭﻛﯩﻴﯩﻨﯩﯔ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻨﻰ ﻛﯜﭼﻪﻳﺘﯩﺸﺘﻪ ﻣﯘﻫﯩﻢ ﺭﻭﻝ ﺋﻮﻳﻨﺎﭖ ﻛﻪﻟﮕﻪﻥ ﺑﯩﺮ ﺩﯙﻟﻪﺕ. ﺷﯘﯕﺎ ﺗﯜﺭﻛﯩﻴﻪ ﺑﯘﺭﯗﻧﺪﯨﻦ ﺗﺎﺭﺗﯩﭗ ﺋﺎﻓﻐﺎﻧﯩﺴﺘﺎﻥ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﮕﻪ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﭗ ﻛﻪﻟﮕﻪﻥ ﺋﯩﺪﻯ. 11 - ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺋﺎﻣﯧﺮﯨﻜﺎ ﺋﺎﻓﻐﺎﻧﯩﺴﺘﺎﻧﻐﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﺋﺎﻓﻐﺎﻧﯩﺴﺘﺎﻧﺪﺍ ﯞﻩ ﺩﯗﻧﻴﺎﺩﺍ ﻳﯧﯖﻰ ﺑﯩﺮ ﯞﻩﺯﯨﻴﻪﺕ ﻣﻪﻳﺪﺍﻧﻐﺎ ﭼﯩﻘﺘﻰ، ﺗﯜﺭﻛﯩﻴﻪ ﺑﯘ ﯞﻩﺯﯨﻴﻪﺗﺘﯩﻦ ﭘﺎﻳﺪﯨﻠﯩﻨﯩﭗ ﺋﺎﻓﻐﺎﻧﯩﺴﺘﺎﻥ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻨﻰ ﻗﺎﻳﺘﯩﺪﯨﻦ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﺋﯜﭼﯜﻥ، ﺋﺎﻓﻐﺎﻧﯩﺴﺘﺎﻧﻐﺎ ﻫﻪﺭ ﺟﻪﻫﻪﺗﺘﯩﻦ ﻳﺎﺭﺩﻩﻡ ﻗﯩﻠﻤﺎﻗﺘﺎ. ﺋﺎﻓﻐﺎﻧﯩﺴﺘﺎﻧﺪﺍ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﯗﺵ ﭘﯩﻼﻧﯩﻤﯘ ﺑﯘﻻﺭﺩﯨﻦ ﺑﯩﺮﻯ ﺩﻩﭖ ﻗﺎﺭﺍﻳﻤﻪﻥ.

ﺩﺭ. ﻣﻪﻫﻤﻪﺕ ﺳﻪﻳﻔﻪﺗﺘﯩﻦ ﺋﻪﺭﻭﻝ ﺋﻪﭘﻪﻧﺪﻯ ﺋﺎﻓﻐﺎﻧﯩﺴﺘﺎﻧﻨﯩﯔ ﺗﯜﺭﻛﯩﻴﯩﻨﯩﯔ ﺗﯜﺭﻙ ﺩﯗﻧﻴﺎﺳﯩﻐﺎ ﺋﯧﭽﯩﻠﻐﺎﻥ ﺋﯩﺸﯩﻜﻰ ﺋﯩﻜﻪﻧﻠﯩﻜﯩﻨﻰ، ﺋﺎﻓﻐﺎﻧﯩﺴﺘﺎﻧﺪﺍ ﻛﯚﭖ ﺳﺎﻧﺪﺍ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺑﺎﺭﻟﯩﻘﯩﻨﻰ، ﺷﯘﯕﺎ ﺗﯜﺭﻛﯩﻴﯩﻨﯩﯔ ﺋﯘ ﻳﻪﺭﺩﻩ ﺋﯘﻧﯩﯟﯦﺮﺳﯩﺘﯧﺖ ﺋﯧﭽﯩﺸﻨﯩﯔ ﺋﯩﻨﺘﺎﻳﯩﻦ ﭼﻮﯓ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﺗﯜﺭﻛﯩﻴﯩﺪﯨﻦ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﺋﺎﻓﻐﺎﻧﯩﺴﺘﺎﻥ ﺗﯜﺭﻛﯩﻴﯩﻨﯩﯔ ﺗﯜﺭﻙ ﺩﯗﻧﻴﺎﺳﯩﻐﺎ ﺋﯧﭽﯩﻠﻐﺎﻥ ﺋﯩﺸﯩﮕﯩﺪﯗﺭ. ﺋﯩﻜﻜﯩﻨﭽﯩﺴﻰ ﺋﺎﻓﻐﺎﻧﯩﺴﺘﺎﻧﺪﺍ ﻣﯘﻗﯩﻤﻠﯩﻖ ﺑﻪﺭﭘﺎ ﺑﻮﻟﺴﺎ، ﺗﯧﺮﺭﻭﺭﻧﻰ ﻳﻮﻗﺎﺗﻘﯩﻠﻰ ﺑﻮﻟﯩﺪﯗ. ﺋﯜﭼﯩﻨﭽﯩﺪﯨﻦ ﺋﺎﻓﻐﺎﻧﯩﺴﺘﺎﻥ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺑﯩﺮ ﭘﺎﺭﭼﯩﺴﻰ، ﭼﯜﻧﻜﻰ ﺋﺎﻓﻐﺎﻧﯩﺴﺘﺎﻧﻨﯩﯔ ﺷﯩﻤﺎﻟﯩﺪﺍ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺋﻮﻟﺘﯘﺭﺍﻗﻼﺷﻘﺎﻥ. ﺗﯚﺗﯩﻨﭽﯩﺪﯨﻦ ﺋﺎﻓﻐﺎﻧﯩﺴﺘﺎﻥ ﺋﻮﺗﺘﯘﺭﺍ ﺋﺎﺳﯩﻴﺎ ﻧﯧﻔﯩﺘﯩﻨﻰ ﻫﯩﻨﺪ ﺋﻮﻛﻴﺎﻧﻰ ﺋﺎﺭﻗﯩﻠﯩﻖ ﺩﯗﻧﻴﺎﻏﺎ ﺳﯧﺘﯩﺶ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻢ ﺑﯩﺮ ﺩﯙﻟﻪﺕ. ﺷﯘﯕﺎ ﺗﯜﺭﻛﯩﻴﻪ ﺗﯜﺭﻙ ﺩﯗﻧﻴﺎﺳﻰ ﺳﯩﻴﺎﺳﯩﺘﯩﺪﻩ ﺋﺎﻓﻐﺎﻧﯩﺴﺘﺎﻧﻐﯩﻤﯘ ﺋﻪﻫﻤﯩﻴﻪﺕ ﺑﯧﺮﯨﺸﻰ ﻛﯧﺮﻩﻙ." (ﺋﻪﺭﻛﯩﻦ ﺗﺎﺭﯨﻢ)