ﺋﯧﻠﯩﻢ - ﺳﯧﺘﯩﻤﺪﯨﻜﻰ ﺋﻪﺧﻼﻗﯩﻲ ﻗﺎﺋﯩﺪﯨﻠﻪﺭ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭﺟﺎﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﮔﯜﺯﻩﻝ ﺋﻪﺧﻼﻕ ﻫﻪﺭ ﻗﺎﻧﺪﺍﻕ ﺋﺎﺩﻩﻡ ﺋﯘﻧﯩﯖﻐﺎ ﺋﯩﻨﺘﯩﻠﯩﺪﯨﻐﺎﻥ، ﻫﻪﺭ ﻛﯩﻢ ﺋﯘﻧﻰ ﻗﻪﺩﯨﺮﻟﻪﻳﺪﯨﻐﺎﻥ ﯞﻩ ﺋﯩﻨﺴﺎﻧﻼﺭﻏﺎ ﺗﻮﻟﯩﻤﯘ ﻳﺎﺭﯨﺸﯩﺪﯨﻐﺎﻥ ﺑﯩﺮ ﺋﯧﺴﯩﻞ ﺧﯩﺴﻠﻪﺗﺘﯘﺭ. ﺋﯩﻨﺴﺎﻧﯩﻲ ﮔﯜﺯﻩﻝ ﺋﻪﺧﻼﻗﻨﯩﯔ ﺩﺍﺋﯩﺮﯨﺴﻰ ﺋﯩﻨﺘﺎﻳﯩﻦ ﻛﻪﯓ ﺑﻮﻟﯘﭖ، ﺋﯩﻨﺴﺎﻧﻼﺭﻧﯩﯔ ﻛﯜﻧﺪﯨﻠﯩﻚ ﺗﯘﺭﻣﯘﺷﯩﺪﺍ ﻳﯜﺯ ﺑﯧﺮﯨﭗ ﭘﯜﺗﯜﻥ ﺋﯩﺸﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﺳﻮﺩﯨﺪﺍ ﺋﺎﺩﺍﻟﻪﺗﻠﯩﻚ ﯞﻩ ﺭﺍﺳﺘﭽﯩﻞ ﺑﻮﻟﯘﺷﻤﯘ ﺋﯩﻨﺴﺎﻧﯩﻲ ﮔﯜﺯﻩﻝ ﺋﻪﺧﻼﻗﻼﺭﻧﯩﯔ ﻗﺎﺗﺎﺭﯨﺪﯨﻦ ﺳﺎﻧﯩﻠﯩﺪﯗ.

ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺳﻮﺩﺍ - ﺳﯧﺘﯩﻖ ﺋﯩﺸﻠﯩﺮﯨﺪﯨﻜﻰ ﺋﻪﺧﻼﻗﯩﻲ ﻗﺎﺋﯩﺪﯨﻠﻪﺭ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯨﺪﻯ: « ﻫﻪﺭﺧﯩﻞ ﺳﻮﺩﺍ - ﺳﯧﺘﯩﻘﻨﻰ ﻗﺎﺋﯩﺪﯨﮕﻪ ﺋﯘﻳﻐﯘﻥ ﻛﯧﻠﯩﺪﯨﻐﺎﻥ ﺩﺍﺋﯩﺮﻩ ﺋﯩﭽﯩﺪﻩ ﺋﯧﻠﯩﭗ ﺑﯧﺮﯨﺶ ﺭﺍﺳﺘﭽﯩﻠﻠﯩﻖ ﺑﯩﻠﻪﻥ ﺳﻮﺩﺍ ﻗﯩﻠﯩﺸﻨﯩﯔ ﺋﯘﺳﯘﻟﯩﺪﯗﺭ. ﺋﯩﻨﺴﺎﻧﻼﺭ ﺳﻮﺩﺍ - ﺳﯧﺘﯩﻖ ﺋﯩﺸﻠﯩﺮﯨﺪﺍ ﺩﯙﻟﻪﺕ ﻗﺎﻧﯘﻧﯩﻐﺎ ﺑﻮﻳﺴﯘﻧﯘﭘﻼﺭ ﻗﺎﻟﻤﺎﻱ، ﻳﻪﻥ ﺋﯚﺯﻟﯩﺮﻯ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺩﯨﻨﻨﯩﯔ ﺳﻮﺩﺍ - ﺳﯧﺘﯩﻖ ﺋﻪﺧﻼﻗﯩﻐﯩﻤﯘ ﺋﻪﻣﻪﻝ ﻗﯩﻠﯩﺸﻰ ﻛﯧﺮﻩﻙ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻣﺪﯨﻦ ﻗﺎﻳﺴﻰ ﻣﯧﻬﻨﻪﺕ ﺋﻪﯓ ﺋﻪﯞﺯﻩﻝ. ﺩﻩﭖ ﺳﻮﺭﺍﻟﻐﺎﻧﺪﺍ، ﺋﯘ « ﻛﯩﺸﯩﻨﯩﯔ ﺋﯚﺯ ﻗﻮﻟﻰ ﺑﯩﻠﻪﻥ ﻗﯩﻠﻐﺎﻥ ﺋﻪﻣﮕﯩﻜﻰ ﯞﻩ ﺗﻮﻏﺮﺍ ﺭﻩﯞﯨﺸﺘﻪ ﻗﯩﻠﯩﻨﻐﺎﻥ ﺳﻮﺩﺍ»ﺩﻩﭖ ﺟﺎﯞﺍﺏ ﺑﻪﺭﮔﻪﻥ.

ﺟﻪﻣﺌﯩﻴﻪﺕ ﺋﯧﻬﺘﯩﻴﺎﺟﻠﯩﻖ ﺑﻮﻟﻐﺎﻥ ﻫﻪﻡ ﺋﻪﺧﻼﻕ ﺋﯚﻟﭽﯩﻤﯩﮕﻪ ﺋﯘﻳﻐﯘﻥ ﻛﯧﻠﯩﺪﯨﻐﺎﻥ ﺳﻮﺩﺍ - ﺳﯧﺘﯩﻘﻨﯩﯔ ﻫﻪﻣﻤﯩﺴﻰ ﻫﺎﻻﻟﺪﯗﺭ. ﺋﯘﻧﯩﯔ ﺋﻪﻛﺴﯩﭽﻪ، ﺋﯩﺠﺘﯩﻤﺎﺋﯩﻲ ﻫﺎﻳﺎﺗﻘﺎ ﺳﻪﻟﺒﯩﻲ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ، ﺟﻪﻣﺌﯩﻴﻪﺗﻨﯩﯔ ﺋﻪﺧﻼﻕ ﺋﯚﻟﭽﯩﻤﯩﮕﻪ ﺋﯘﻳﻐﯘﻥ ﻛﻪﻟﻤﻪﻳﺪﯨﻐﺎﻥ ﺳﻮﺩﺍ ﺳﯧﺘﯩﻘﻨﯩﯔ ﻫﻪﻣﻤﯩﺴﻰ ﻫﺎﺭﺍﻣﺪﯗﺭ. ﺋﯩﻨﺴﺎﻧﻼﺭﻧﯩﯔ، ﺋﯩﺠﺘﯩﻤﺎﺋﯩﻲ ﮔﯘﺭﯗﻫﻼﺭﻧﯩﯔ ﻣﻪﻧﭙﻪﺋﻪﺗﯩﮕﻪ ﺯﯨﻴﺎﻥ - ﺯﻩﺧﻤﻪﺕ ﻳﻪﺗﻜﯜﺯﯨﺪﯨﻐﺎﻥ ﻫﻪﺭ ﻗﺎﻧﺪﺍﻕ ﺗﯩﺮﯨﻜﭽﯩﻠﯩﻚ ﺋﯘﺳﯘﻟﻰ ﺋﯧﻴﯩﺒﻠﯩﻨﯩﺸﻘﺎ ﺗﯧﮕﯩﺸﻠﯩﻚ.

ﻗﺎﺋﯩﺪﯨﮕﻪ ﺋﯘﻳﻐﯘﻥ ﺳﻮﺩﺍ - ﺳﯧﺘﯩﻖ ﻫﻪﺭ ﺋﯩﻜﻜﻰ ﺗﻪﺭﻩﭘﻨﯩﯔ ﺋﯩﺨﺘﯩﻴﺎﺭﻟﯩﻘﻰ ﺑﻮﻳﯩﭽﻪ، ﺑﯩﺮ - ﺑﯩﺮﯨﮕﻪ ﻣﻪﻧﭙﻪﺋﻪﺕ ﯞﻩ ﭘﺎﻳﺪﺍ ﻳﻪﺗﻜﯜﺯﯛﺵ ﺋﺎﺳﺎﺳﯩﺪﺍ ﺑﻮﻟﯩﺪﯗ. ﺳﻮﺩﺍ - ﺳﯧﺘﯩﻖ ﻫﻪﺭ ﺋﯩﻜﻜﻰ ﺗﻪﺭﻩﭘﻨﯩﯔ ﺭﺍﺯﯨﻠﯩﻘﯩﻨﻰ ﺷﻪﺭﺕ ﻗﯩﻠﯩﺪﯗ. ﺋﻪﮔﻪﺭ ﺑﯩﺮ ﺗﻪﺭﻩﭘﻨﯩﯔ ﺗﻪﻟﯩﭙﻰ ﺑﻮﻟﯘﭖ، ﻗﺎﺭﺷﻰ ﺗﻪﺭﻩﭘﻨﯩﯔ ﻗﻮﺑﯘﻝ ﻗﯩﻠﻐﺎﻧﻠﯩﻘﻰ ﻫﺎﺳﯩﻞ ﺑﻮﻟﻤﯩﺴﺎ، ﺯﻭﺭﻟﯘﻕ ﺑﯩﻠﻪﻥ ﺳﻮﺩﯨﻠﯩﺸﯩﺶ ﻛﯧﻠﯩﭗ ﭼﯩﻘﯩﺪﯗ - ﺩﻩ، ﺑﯘ ﺋﯩﻨﺴﺎﻧﯩﻲ ﺋﻪﺧﻼﻕ ﺋﯚﻟﭽﯩﻤﯩﮕﻪ ﺋﯘﻳﻐﯘﻥ ﻛﻪﻟﻤﯩﮕﻪﻥ ﺑﻮﻟﯩﺪﯗ.»

ﺳﻮﺩﺍ ﻗﺎﺋﯩﺪﻩ - ﻳﻮﺳﯘﻧﯩﻐﺎ ﺋﻪﻣﻪﻝ ﻗﯩﻠﯩﺶ ﺭﺍﺳﺘﭽﯩﻠﻠﯩﻘﻨﯩﯔ ﺋﯩﭙﺎﺩﯨﺴﻰ

ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺳﻮﺩﺍ ﻗﺎﺋﯩﺪﻩ ﻳﻮﺳﯘﻧﯩﻐﺎ ﺋﻪﻣﻪﻝ ﻗﯩﻠﯩﺸﻨﯩﯔ ﺯﯙﺭﯛﺭﻟﯩﻜﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯨﺪﻯ:«ﭘﻪﻳﻐﻪﻣﻴﺒﻪﺭ ﺋﻪﻟﻪﻳﻬﯩﺴﺴﺎﻻﻡ «ﻣﯘﺳﯘﻟﻤﺎﻧﻼﺭ ﺋﯚﺯﻟﯩﺮﻯ ﻛﯧﻠﯩﺸﻜﻪﻥ ﺷﻪﺭﺗﻠﯩﺮﯨﮕﻪ ﺑﺎﻏﻠﯩﻘﺘﯘﺭ»ﺩﻩﭖ ﻛﯚﺭﺳﻪﺗﻜﻪﻥ. «ﺷﻪﺭﺕ» ﻫﻪﺭ ﺧﯩﻞ ﺋﯚﻟﭽﻪﻣﺪﯨﻦ ﺋﯩﺒﺎﺭﻩﺕ. ﺑﯘ ﻫﻪﺩﯨﺲ ﺷﯘﻧﻰ ﺋﯩﭙﺎﺩﯨﻠﻪﻳﺪﯗﻛﻰ، ﺟﻪﻣﺌﯩﻴﻪﺗﺘﻪ ﻳﺎﺷﺎﯞﺍﺗﻘﺎﻧﻼﺭ ﻫﻪﺭ ﺧﯩﻞ ﺋﯚﻟﭽﻪﻡ ﯞﻩ ﺑﻪﻟﮕﯩﻠﯩﻤﯩﻠﻪﺭﻧﯩﯔ ﭼﻪﻛﻠﯩﻤﯩﺴﯩﺪﻩ ﺑﻮﻟﯩﺪﯗ. ﺷﯘﯕﺎ ﻫﻪﺭ ﺧﯩﻞ ﻗﺎﺋﯩﺪﯨﻠﻪﺭﮔﻪ ﺋﻪﻣﻪﻝ ﻗﯩﻠﯩﺸﻰ ﺗﻪﻟﻪﭖ ﻗﯩﻠﯩﻨﯩﺪﯗ. ﻫﻪﺭ ﻛﯩﻢ ﺳﻮﺩﺍ - ﺳﯧﺘﯩﻖ ﺋﯩﺸﻠﯩﺮﯨﻨﻰ ﺋﻪﺧﻼﻗﯩﻲ ﻗﺎﺋﯩﺪﯨﻠﻪﺭ ﺑﻮﻳﯩﭽﻪ ﺋﯧﻠﯩﭗ ﺑﺎﺭﺳﺎ، ﺋﯚﺯﯨﻨﻰ ﺋﯩﻨﺘﺎﻳﯩﻦ ﺋﺎﺯﺍﺩﻩ ﻫﯧﺲ ﻗﯩﻠﯩﺪﯗ - ﺩﻩ، ﻗﺎﻧﯘﻧﻨﯩﯔ ﺑﺎﺭﻟﯩﻘﯩﻨﯩﻤﯘ ﺳﻪﺯﻣﻪﻱ ﻗﺎﻟﯩﺪﯗ. ﺋﻪﮔﻪﺭ ﺋﯘ ﻗﺎﻧﯘﻧﺴﯩﺰ ﯞﻩ ﺋﻪﺧﻼﻗﻘﺎ ﺋﯘﻳﻐﯘﻥ ﻛﻪﻟﻤﻪﻳﺪﯨﻐﺎﻥ ﺭﻩﯞﯨﺸﺘﻪ ﺳﻮﺩﺍ - ﺳﯧﺘﯩﻖ ﺑﯩﻠﻪﻥ ﺷﯘﻏﯘﻟﻼﻧﺴﺎ، ﻗﺎﻧﯘﻧﻨﯩﯔ ﻫﻪﻣﻤﯩﻼ ﺟﺎﻳﺪﺍ ﻣﻪﯞﺟﯘﺩﻟﯩﻘﯩﻨﻰ ﯞﻩ ﺋﯚﺯﯨﻨﯩﯔ ﺗﻪﺭﻩﭖ - ﺗﻪﺭﻩﭘﺘﯩﻦ ﭼﻪﻛﻠﯩﻤﯩﻠﻪﺭﮔﻪ ﺋﯘﭼﺮﺍﭖ ﺗﯘﺭﯨﯟﺍﺗﻘﺎﻧﻠﯩﻘﯩﻨﻰ ﻛﯚﺭﯨﺪﯗ.

ﺳﻮﺩﯨﺪﺍ ﻳﺎﻟﻐﺎﻥ ﺳﯚﺯﻟﯩﻤﻪﺳﻠﯩﻚ ﺋﻪﺧﻼﻗﯩﻲ ﻣﻪﺟﺒﯘﺭﯨﻴﻪﺕ

ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺑﯩﺮ ﻛﯜﻧﻰ ﺳﻮﺩﯨﮕﻪﺭﻟﻪﺭﮔﻪ ﻧﻪﺳﯩﻬﻪﺕ ﻗﯩﻠﯩﭗ،« ﺋﻪﻱ ﺳﻮﺩﯨﮕﻪﺭﻟﻪﺭ ﺟﺎﻣﺎﺋﻪﺳﻰ! ﺳﻮﺩﺍ ﺋﯜﺳﺘﯩﺪﻩ ﻳﺎﻟﻐﺎﻥ ﺋﯧﻴﺘﯩﺸﺘﯩﻦ ﻫﻪﺯﻩﺭ ﻗﯩﻠﯩﯖﻼﺭ»ﺩﻩﭖ ﻛﯚﺭﺳﻪﺗﻜﻪﻥ. ﺳﻮﺩﺍ - ﺳﯧﺘﯩﻖ ﻗﯩﻠﻐﺎﻧﺪﺍ ﻛﯩﺸﯩﻠﻪﺭﻧﻰ ﺋﺎﻟﺪﺍﺵ ﻳﺎﻛﻰ ﻛﯚﺯ ﺑﻮﻳﺎﻣﭽﯩﻠﯩﻖ ﻳﻮﻟﻰ ﺑﯩﻠﻪﻥ ﻳﺎﺧﺸﯩﭽﺎﻕ ﺑﻮﻟﯩﯟﯦﻠﯩﺸﻨﯩﯔ ﻫﻪﻣﻤﯩﺴﻰ ﺋﺎﺩﯨﻞ ﺑﻮﻟﻤﯩﻐﺎﻥ ﺋﯧﻠﯩﻢ - ﺳﯧﺘﯩﻢ ﻗﯩﻠﻤﯩﺸﻠﯩﺮﯨﺪﯨﻨﺪﯗﺭ. ﺑﯘ ﺋﯩﻨﺴﺎﻧﯩﻲ ﺧﯩﺴﻠﻪﺗﮕﻪ ﺋﯩﮕﻪ ﺑﻮﻟﻐﺎﻥ ﻛﯩﺸﯩﻠﻪﺭﻧﯩﯔ ﻗﯩﻠﯩﺪﯨﻐﺎﻥ ﺋﯩﺸﻰ ﺋﻪﻣﻪﺱ. ﺳﻮﺩﺍ -ﺳﯧﺘﯩﻘﺘﺎ ﺋﺎﺩﺍﻟﻪﺗﻠﯩﻚ ﺑﻮﻟﯘﺵ ﺋﯩﻨﺴﺎﻧﯩﻲ ﮔﯜﺯﻩﻝ ﺋﻪﺧﻼﻗﻨﯩﯔ ﺟﯜﻣﻠﯩﺴﯩﺪﯨﻦ ﺳﺎﻧﯩﻠﯩﺪﯗ. ﻣﯘﺳﯘﻟﻤﺎﻧﻼﺭ ﺋﯜﭼﯜﻥ ﺑﻮﻟﺴﺎ ﭘﻪﺭﺯﺩﯗﺭ.

ﺳﻮﺩﯨﺪﯨﻜﻰ ﻳﺎﻟﻐﺎﻥ ﮔﻪﭖ ﻗﯩﻠﯩﺶ ﯞﻩ ﺋﺎﻟﺪﺍﻣﭽﯩﻠﯩﻖ ﻗﺎﺗﺎﺭﻟﯩﻖ ﻗﯩﻠﻤﯩﺸﻼﺭ ﺋﺎﻗﯩﯟﻩﺗﺘﻪ ﻛﯩﺸﯩﮕﻪ ﭘﺎﻳﺪﺍ ﺑﻪﺭﻣﻪﻳﺪﯗ. ﻧﯘﺭﻏﯘﻧﻠﯩﻐﺎﻥ ﭘﺎﻛﯩﺘﻼﺭ ﺷﯘﻧﻰ ﺋﯩﺴﭙﺎﺗﻼﻳﺪﯗ، ﺟﻪﻣﺌﯩﻴﻪﺗﺘﯩﻜﻰ ﻳﺎﻟﻐﺎﻥ ﻣﺎﻝ ﺳﯧﺘﯩﺶ، ﺑﺎﺷﻘﯩﻼﺭﻧﻰ ﺋﺎﻟﺪﺍﺵ ﻗﺎﺗﺎﺭﻟﯩﻖ ﻗﯩﻠﻤﯩﺸﻼﺭ ﺑﯩﺮ ﻣﻪﻫﻪﻝ ﭘﺎﻳﺪﺍ ﺑﻪﺭﮔﻪﻧﺪﻩﻙ ﻗﯩﻠﻐﺎﻥ ﺑﯩﻠﻪﻥ، ﺋﯘﺯﯗﻧﻐﺎ ﻗﺎﻟﻤﺎﻱ ﺋﯩﮕﯩﺴﯩﮕﻪ ﻫﺎﻻﻛﻪﺕ ﯞﻩ ﯞﻩﻳﺮﺍﻧﭽﯩﻠﯩﻖ ﺋﯧﻠﯩﭗ ﻛﯧﻠﯩﺪﯗ. ﭼﯜﻧﻜﻰ ﻳﺎﻟﻐﺎﻧﭽﯩﻠﯩﻖ ﺑﯩﻠﻪﻥ ﺋﺎﻟﺪﺍﻣﭽﯩﻠﯩﻖ ﺋﯩﻨﺴﺎﻥ ﺗﻪﺑﯩﺌﯩﺘﯩﮕﻪ ﻳﺎﺕ ﻛﯧﻠﯩﺪﯨﻐﺎﻥ ﯞﺍﻗﯩﺘﻠﯩﻖ ﻧﻪﭘﺴﯩﻲ ﻫﻪﯞﻩﺳﻠﻪﺭﺩﯗﺭ. ﺋﻪﻣﻤﺎ ﺭﺍﺳﺘﭽﯩﻠﻠﯩﻖ ﺑﯩﻠﻪﻥ ﺳﻮﺩﺍ ﻗﯩﻠﯩﺶ ﮔﻪﺭﭼﻪ ﻛﯚﺭﯛﻧﯜﺷﺘﻪ ﺟﺎﭘﺎﻟﯩﻖ، ﭘﺎﻳﺪﯨﺴﻰ ﺋﺎﺯ ﺑﻮﻟﺴﯩﻤﯘ، ﻟﯧﻜﯩﻦ ﺋﯘ ﭘﯘﺧﺘﺎ، ﺩﺍﺋﯩﻤﻠﯩﻖ ﯞﻩ ﺧﺎﺗﯩﺮﺟﻪﻣﻠﯩﻚ ﺋﯩﺸﺘﯘﺭ. ﻣﯘﻧﺪﺍﻗﻼﺭ ﻛﯩﺸﯩﻠﻪﺭﻧﯩﯔ ﻫﯚﺭﻣﯩﺘﯩﮕﻪ ﺳﺎﺯﺍﯞﻩﺭ ﺑﻮﻟﻐﯘﭼﯩﻼﺭﺩﯗﺭ».

ﺳﻮﺩﺍ - ﺳﯧﺘﯩﻖ ﻗﯩﻠﻐﺎﻧﺪﺍ ﺋﯚﻟﭽﻪﻣﺪﻩ ﻛﻪﻡ ﺑﻪﺭﻣﻪﺳﻠﯩﻚ ﻻﺯﯨﻢ

ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﺳﻮﺩﺍ - ﺳﯧﺘﯩﻖ ﻗﯩﻠﻐﺎﻧﺪﺍ ﺗﺎﺭﺍﺯﯨﺪﺍ ﻛﻪﻡ ﺗﺎﺭﺗﯩﭗ ﺑﯧﺮﯨﺶ ﺋﺎﺭﻗﯩﻠﯩﻖ ﻛﯩﺸﯩﻠﻪﺭﻧﻰ ﺋﺎﻟﺪﺍﺵ ﻧﻪ ﻣﯘﺳﯘﻟﻤﺎﻧﭽﯩﻠﯩﻖ، ﻧﻪ ﺋﯩﻨﺴﺎﻧﻰ ﺋﻪﺧﻼﻕ ﻗﺎﺋﯩﺪﯨﺴﯩﮕﻪ ﺋﻮﻳﻐﯘﻥ ﻛﻪﻟﻤﻪﻳﺪﯗ. ﺗﺎﺭﺍﺯﯨﺪﺍ ﺋﺎﺩﺍﻟﻪﺗﻠﯩﻚ ﺑﻮﻟﯘﺵ ﻣﯘﺳﯘﻟﻤﺎﻧﻼﺭ ﺋﯜﭼﯜﻥ ﭘﻪﺭﺯﺩﯗﺭ. ﻗﯘﺭﺋﺎﻥ ﻛﻪﺭﯨﻢ ﺋﯩﻨﺴﺎﻧﻼﺭﻏﺎ ﺗﻪﻟﯩﻢ ﺑﯧﺮﯨﭗ:« ﺳﯩﻠﻪﺭ ﺑﺎﺷﻘﯩﻼﺭﻏﺎ (ﺋﺎﺷﻠﯩﻖ ﻗﺎﺗﺎﺭﻟﯩﻘﻼﺭﻧﻰ)ﺋﯚﻟﭽﻪﭖ ﺑﻪﺭﮔﻪﻧﺪﻩ، ﺗﻮﻟﯘﻕ ﺋﯚﻟﭽﻪﯕﻼﺭ ﯞﻩ ﺗﻮﻏﺮﺍ ﺗﺎﺭﺍﺯﯨﺪﺍ ﺗﺎﺭﺗﯩﭗ ﺑﯧﺮﯨﯖﻼﺭ، ﺑﯘﻧﺪﺍﻕ ﻗﯩﻠﯩﺶ ﺳﯩﻠﻪﺭ ﺋﯜﭼﯜﻥ ﺋﻪﯓ ﻳﺎﺧﺸﯩﺪﯗﺭ» ﺩﯦﮕﻪﻥ. ﺗﺎﺭﺍﺯﯨﺪﺍ ﻛﻪﻡ ﺑﯧﺮﯨﺶ ﺋﯩﻨﺴﺎﻧﻼﺭﻧﻰ ﺋﻮﭘﺌﻮﭼﯘﻕ ﺋﺎﻟﺪﯨﻐﺎﻧﻠﯩﻖ ﯞﻩ ﺋﯘﻻﺭﻧﯩﯔ ﻣﯧﻠﯩﻨﻰ ﻫﻪﻗﺴﯩﺰ ﻫﺎﻟﺪﺍ ﻳﻪﯞﺍﻟﻐﺎﻧﻠﯩﻘﺘﯘﺭ. ﺩﯗﻧﻴﺎﺩﯨﻜﻰ ﭘﯜﺗﯜﻥ ﺩﯨﻨﻼﺭ ﯞﻩ ﺑﺎﺭﭼﻪ ﻗﺎﻧﯘﻧﻼﺭ ﺑﯘ ﻗﯩﻠﯩﻘﻨﻰ ﺋﯧﻴﭙﻼﻳﺪﯗ.(ﺋﯚﻣﻪﺭﺟﺎﻥ)

ﻳﯘﻗﯩﺮﯨﺪﯨﻜﻰ ﺋﯘﻟﯩﻨﯩﺸﺘﯩﻦ، ﻣﯘﺧﺒﯩﺮﯨﻤﯩﺰ ﺋﯚﻣﻪﺭﺟﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻨﻰ ﺋﺎﯕﻼﻳﺴﯩﺰ.