ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭﻻﺭ ﻧﻮﺭﯗﺯ ﺑﺎﻳﺮﯨﻤﯩﻨﻰ ﺗﻪﻧﺘﻪﻧﯩﻠﯩﻚ ﺗﻪﺑﺮﯨﻜﻠﯩﻤﻪﻛﺘﻪ
2008-03-21
ﻧﻮﺭﯗﺯ ﺗﯜﺭﻛﯩﻲ ﻣﯩﻠﻠﻪﺗﻠﯩﺮﯨﻨﯩﯔ ﺋﻪﯓ ﻗﻪﺩﯨﻤﯩﻲ ﺑﺎﻳﺮﺍﻣﻠﯩﺮﯨﺪﯨﻦ ﺑﯩﺮﻯ ﺑﻮﻟﯘﭖ، ﺑﻪﺯﻯ ﺗﺎﺭﯨﺨﭽﯩﻼﺭﻧﯩﯔ ﺋﯩﻠﮕﯩﺮﻯ ﺳﯜﺭﯛﺷﯩﭽﻪ، ﺑﯘ ﺑﺎﻳﺮﺍﻡ 5 ﻣﯩﯔ ﻳﯩﻠﺪﯨﻦ ﺑﯧﺮﻯ ﺗﻪﺑﺮﯨﻜﻠﯩﻨﯩﭗ ﻛﻪﻟﻤﻪﻛﺘﻪ ﺋﯩﻜﻪﻥ. ﺑﺎﻫﺎﺭ ﻛﻪﻟﮕﻪﻧﻠﯩﻜﯩﻨﯩﯔ ﺑﯧﺸﺎﺭﯨﺘﻰ ﺩﻩﭖ ﻗﺎﺭﺍﻟﻐﺎﻥ ﻧﻮﺭﯗﺯ ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﯨﻤﯘ ﺗﻪﻧﺘﻪﻧﯩﻠﯩﻚ ﺗﻪﺑﺮﯨﻜﻠﻪﻧﻤﻪﻛﺘﻪ.
ﻳﯧﯖﻰ ﻛﯜﻥ ﻣﻪﻧﯩﺴﯩﻨﻰ ﺋﯩﭙﺎﺩﯨﻠﯩﮕﻪﻥ ﻧﻮﺭﯗﺯﻧﻰ ﺑﻪﺯﻯ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺗﻪﯕﺮﯨﻨﯩﯔ ﺩﯗﻧﻴﺎﻧﻰ ﻳﺎﺭﺍﺗﻘﺎﻥ ﻛﯜﻧﻰ ﺩﻩﭖ ﻫﯧﺴﺎﺑﻠﯩﺴﺎ، ﺑﻪﺯﻯ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﻧﯘﻫ ﭘﻪﻳﻐﻪﻣﺒﻪﺭﻧﯩﯔ ﺋﺎﻟﻪﻣﮕﻪ ﻗﻪﺩﻩﻡ ﻗﻮﻳﻐﺎﻥ ﻛﯜﻧﻰ ﺩﻩﭖ ﻫﯧﺴﺎﺑﻼﻳﺪﯨﻜﻪﻥ. ﺑﺎﻫﺎﺭ ﺑﺎﺷﻠﯩﻐﺎﻥ ﻛﯜﻥ ﺩﻩﭖ ﻗﺎﺭﺍﻟﻐﺎﻥ ﻧﻮﺭﯗﺯ ﻛﯧﭽﻪ ﺑﯩﻠﻪﻥ ﻛﯜﻧﺪﯛﺯ ﺗﻪﯕﻠﻪﺷﻜﻪﻥ ﻛﯜﻥ ﺑﻮﻟﻐﺎﻥ 21 - ﻣﺎﺭﺕ ﻛﯜﻧﻰ ﻗﯘﺗﻠﯩﻨﯩﭗ ﻛﻪﻟﻤﻪﻛﺘﻪ.
ﺑﯜﮔﯜﻥ ﺋﻪﺯﻩﺭﺑﻪﻳﺠﺎﻥ، ﻗﺎﺯﺍﻗﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ، ﺗﯜﺭﻛﻤﻪﻧﯩﺴﺘﺎﻥ ﯞﻩ ﺋﯚﺯﺑﯧﻜﯩﺴﺘﺎﻥ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﻩ ﺭﻩﺳﻤﯩﻲ ﺑﺎﻳﺮﺍﻡ ﺳﯜﭘﯩﺘﯩﺪﻩ ﺗﻪﺑﺮﯨﻜﻠﯩﻨﯩﯟﺍﺗﻘﺎﻥ ﺑﯘ ﺑﺎﻳﺮﺍﻣﻐﺎ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻤﯘ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﭗ ﻗﯘﺗﻠﯘﻗﻠﯩﻤﺎﻗﺘﺎ. ﺑﯜﮔﯜﻥ ﺋﯩﺴﺘﺎﻧﺒﯘﻝ، ﺋﻪﻧﻘﻪﺭﻩ، ﺋﯩﺰﻣﯩﺮ ﯞﻩ ﻗﻪﻳﺴﻪﺭﻯ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﺩﻩ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﺗﯜﺭﻛﯩﻴﯩﮕﻪ ﻛﯧﻠﯩﭗ ﺋﻮﻟﺘﯘﺭﺍﻗﻠﯩﺸﯩﭗ ﻗﺎﻟﻐﺎﻥ ﻳﺎﻛﻰ ﺑﯘ ﻳﻪﺭﺩﻩ ﺋﻮﻗﯘﯞﺍﺗﻘﺎﻥ ﻫﻪﺭﻗﺎﻳﺴﻰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﻛﯩﺸﯩﻠﻪﺭ ﺑﯩﺮ ﻳﻪﺭﮔﻪ ﺟﻪﻡ ﺑﻮﻟﯘﭖ ﺑﯘ ﺑﺎﻳﺮﺍﻣﻨﻰ ﺷﺎﺩ ﺧﯘﺭﺍﻣﻠﯩﻖ ﺋﯩﭽﯩﺪﻩ ﻗﯘﺗﻠﯘﻗﻠﯩﻤﺎﻗﺘﺎ. ﺋﻪﻧﻘﻪﺭﻩﺩﻩ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ ﺗﯜﺭﻛﯩﻲ ﻣﯩﻠﻠﻪﺕ ﺋﻮﻗﯘﻏﯘﭼﯩﻼﺭ ﻫﺎﺟﻪﺗﺘﻪﭘﻪ ﺋﯘﻧﯩﯟﯦﺮﺳﯩﺘﯩﯧﺘﯩﮕﻪ ﺟﻪﻡ ﺑﻮﻟﯘﭖ، ﺋﯚﺯ ﻣﯩﻠﻠﻰ ﺗﺎﻣﺎﻗﻠﯩﺮﯨﻨﻰ ﯞﻩ ﻣﯩﻠﻠﻰ ﻧﺎﺧﺸﺎ ﺋﯘﺳﺴﯘﻟﻠﯩﺮﯨﻨﻰ ﻛﯚﺭﺳﻪﺗﻤﻪﻛﺘﻪ.
ﺋﯩﺰﻣﯩﺮﺩﻩ ﺋﻪﮔﻪ ﺋﯘﻧﯩﯟﯦﺮﺳﯩﺘﯧﺘﻰ ﺯﺍﻟﯩﺪﺍ `ﺗﯜﺭﻙ ﺩﯗﻧﻴﺎﺳﯩﺪﺍ ﻧﻮﺭﯗﺯ` ﻣﺎﯞﺯﯗﻟﯘﻕ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺋﯚﺗﻜﯜﺯﯛﻟﮕﻪﻥ ﺑﻮﻟﯘﭖ، ﻳﯩﻐﯩﻨﺪﺍ ﭘﺮﻭﻑ. ﺩﺭ. ﺋﺎﻟﯩﻤﺠﺎﻥ ﺋﯩﻨﺎﻳﻪﺕ `ﺋﯘﻳﻐﯘﺭﻻﺭﺩﺍ ﻧﻮﺭﯗﺯ` ﺗﯧﻤﯩﺴﯩﺪﺍ ﺳﯚﺯ ﻗﯩﻠﻐﺎﻥ. ﺳﯚﺯﯨﺪﻩ ﺋﯘﻳﻐﯘﺭﻻﺭﻧﯩﯔ ﻧﻮﺭﯗﺯ ﺋﻪﻧﺌﻪﻧﯩﺴﯩﻨﻰ ﺋﺎﯕﻼﺗﻘﺎﻧﺪﯨﻦ ﺑﺎﺷﻘﺎ، ﺋﯘﻳﻐﯘﺭﻻﺭﻧﯩﯔ ﺑﯜﮔﯜﻧﻜﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﯨﻤﯘ ﻣﻪﻟﯘﻣﺎﺕ ﺑﻪﺭﮔﻪﻥ.
ﺑﯘﻻﺭﺩﯨﻦ ﺑﺎﺷﻘﺎ ﺋﯘﻳﻐﯘﺭﻻﺭ ﺋﻪﯓ ﻛﯚﭖ ﺋﻮﻟﺘﯘﺭﺍﻗﻼﺷﻘﺎﻥ ﻗﻪﻳﺴﯩﺮﯨﺪﯨﻜﻰ ﺋﯘﻳﻐﯘﺭﻻﺭﻣﯘ ﻧﻮﺭﯗﺯ ﺑﺎﻳﺮﯨﻤﯩﻨﻰ ﻗﺎﺯﺍﻕ، ﻗﯩﺮﻏﯩﺰ، ﺋﯚﺯﺑﻪﻙ، ﺋﺎﺯﺍﺭﻯ ﯞﻩ ﺗﯜﺭﻛﻤﻪﻧﻠﻪﺭﮔﻪ ﺋﻮﺧﺸﺎﺵ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﺑﻮﻟﻐﺎﻥ ﺋﻮﻗﯘﻏﯘﭼﯩﻼﺭ ﺑﯩﻠﻪﻥ ﺑﯩﺮﻟﯩﻜﺘﻪ ﺗﻪﻧﺘﻪﻧﯩﻠﯩﻚ ﻫﺎﻟﺪﺍ ﺋﯚﺗﻜﯜﺯﻣﻪﻛﺘﻪ. ﻗﯩﺴﻘﯩﺴﻰ ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭﻻﺭ ﻧﻮﺭﯗﺯ ﺑﺎﻳﺮﯨﻤﯩﻨﻰ ﻗﺎﻧﺪﺍﻕ ﺋﯚﺗﻜﯜﺯﻣﻪﻛﺘﻪ؟ (ﺋﻪﺭﻛﯩﻦ ﺗﺎﺭﯨﻢ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺗﯜﺭﻛﯩﻴﻪ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻣﻪﻫﻤﻪﺕ ﺋﺎﻳﺪﯨﻦ ﺧﯩﺘﺎﻳﺪﺍ ﺯﯨﻴﺎﺭﻩﺕ ﺋﯧﻠﭗ ﺑﺎﺭﻣﺎﻗﺘﺎ
- ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﺳﺎﻻﻫﯩﻴﻪﺕ ﺑﺎﻳﺮﯨﻤﻰ ﻧﻮﺭﯗﺯ
- ﺑﯧﺸﻜﻪﻛﺘﯩﻜﻰ ﺋﯘﻳﻐﯘﺭﻻﺭ ﻧﻮﺭﯗﺯ ﻫﺎﺯﯨﺮﻟﯩﻘﻠﯩﺮﯨﻨﻰ ﺑﺎﺷﻠﯩﯟﻩﺗﺘﻰ
- ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻣﻪﻫﻤﻪﺕ ﺋﻪﻛﯩﭽﻰ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ
- ﻗﻪﻳﺴﻪﺭﻯ ﯞﺍﻟﯩﺴﯩﻨﯩﯔ ﺧﻮﺷﻠﯩﺸﯩﺶ ﺯﯨﻴﺎﭘﯩﺘﯩﮕﻪ ﺩ ﺋﯘ ﻕ ﻣﻪﺳﺌﯘﻟﻠﯩﺮﻯ ﻗﺎﺗﻨﺎﺷﺘﻰ
- ﺳﺎﺑﯩﻖ ﻣﯩﻨﯩﺴﺘﯩﺮ ﺋﺎﺑﺪﯗﺧﺎﻟﯩﻖ ﭼﺎﻱ ﺑﯩﻠﻪﻥ ﺳﯚﻫﺒﻪﺕ
- ﺗﯜﺭﻙ ﺩﯗﻧﻴﺎﺳﯩﻨﯩﯔ ﺋﺎﻟﺪﯨﻨﻰ ﻫﯧﭽﻜﯩﻢ ﺗﻮﺳﺎﻟﻤﺎﻳﺪﯗ
- 11 - ﻧﯚﯞﻩﺗﻠﯩﻚ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭ ﯞﻩ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺩﻭﺳﺘﻠﯘﻕ - ﻗﯧﺮﯨﻨﺪﺍﺷﻠﯩﻖ - ﻫﻪﻣﻜﺎﺭﻟﯩﻖ ﻗﯘﺭﯗﻟﺘﯩﻴﻰ
- ﺋﯩﺴﺘﺎﻧﺒﯘﻟﺪﺍ ﺋﯧﭽﯩﻠﻐﺎﻥ ﺧﻪﻟﻘﺌﺎﺭﺍﻟﯩﻖ ﻛﯚﺭﮔﻪﺯﻣﻪ ﭘﺎﺋﺎﻟﯩﻴﯩﺘﯩﮕﻪ ﺋﯘﻳﻐﯘﺭﻻﺭﻣﯘ ﻗﺎﺗﻨﺎﺷﺘﻰ
- ﺗﯜﺭﻛﯩﻴﯩﻨﯩﯔ ﻫﻪﺭ ﻗﺎﻳﺴﻰ ﺷﻪﻫﻪﺭﻟﯩﺮﯨﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﻪﺗﻠﯩﺮﻯ ﺧﺎﺗﯩﺮﯨﻠﻪﻧﺪﻯ
- ﺋﻮﺭﺗﺎﻕ ﺩﯦﮕﻪﻥ ﺩﯙﻟﻪﺕ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻤﯩﺰﻧﻰ ﺑﯘﺯﯨﺪﯗ
- ﺗﯜﺭﻛﯩﻴﻪ ﻫﯚﻛﯜﻣﯩﺘﻰ ﺗﯜﺭﻙ ﺳﻮﺩﺍ - ﺳﺎﻧﺎﺋﻪﺗﭽﯩﻠﯩﺮﯨﻨﻰ ﺋﯘﻳﻐﯘﺭ ﺩﯨﻴﺎﺭﯨﻐﺎ ﻣﻪﺑﻠﻪﻍ ﺳﯧﻠﯩﺸﻘﺎ ﭼﺎﻗﯩﺮﻣﺎﻗﺘﺎ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
