لوندون ئۇيغۇر ئانسامبىلى ئىتالىيىدە ئويۇن قويدى

چەتئەلدىكى ئۇيغۇرلار ئۇيغۇر مەسىلىسىنى دۇنيا جامائەتچىلىكىگە ئاڭلىتىش بىلەن بىر ۋاقىتتا، ئۇيغۇر سەنئىتىنى جۈملىدىن ئۇيغۇر ناخشا-ئۇسۇللىرىنىمۇ دۇنيا جامائەتچىلىكىگە تونۇتماقتا.
ئىختىيارىي مۇخبىرىمىز ئەركىن تارىم
2011-06-06
ئېلخەت
پىكىر
ھەمبەھر
پرىنت
  • پرىنت
  • ھەمبەھر
  • پىكىر
  • ئېلخەت
لوندون ئۇيغۇر ئانسامبىلى ئىتالىيىنىڭ تورىنو شەھەرلىك شەرق مۇزىكا مۇزېيىنىڭ زالىدا ئويۇن قويدى. 2011-يىلى 2-ئىيۇن.
لوندون ئۇيغۇر ئانسامبىلى ئىتالىيىنىڭ تورىنو شەھەرلىك شەرق مۇزىكا مۇزېيىنىڭ زالىدا ئويۇن قويدى. 2011-يىلى 2-ئىيۇن.
RFA/Erkin Tarim

بولۇپمۇ ئەنگلىيىدە پائالىيەت ئېلىپ بېرىۋاتقان لوندون ئۇيغۇر ئانسامبىلى ياۋروپا دۆلەتلىرىدە ئويۇن قويۇپ، ياۋروپالىقلارغا ئۇيغۇرلارنىڭ ناخشا-مۇزىكا، ئۇسۇللىرىنى تونۇشتۇرماقتا. 6-ئاينىڭ 2-كۈنى لوندون ئۇيغۇر ئانسامبىلى ئىتالىيىنىڭ غەربىي شىمالىغا جايلاشقان تورىنو شەھەرلىك شەرق مۇزىكا مۇزېيىنىڭ زالىدا ئويۇن قويدى.

7 كىشىدىن تەركىب تاپقان لوندون ئۇيغۇر ئانسامبىلى 6-ئاينىڭ 2-كۈنى چۈشتىن كېيىن ئىتالىيىنىڭ تورىنو شەھىرىدىكى 40 باشلانغۇچ مەكتەپتىن كەلگەن ئوقۇتقۇچى-ئوقۇغۇچىلاردىن 500 ئەتراپىدا كىشىگە ئۇيغۇر ناخشا-مۇزىكىلىرى ھەققىدە لېكسىيە بەرگەندىن كېيىن، شۇ كۈنى كەچلىك كونسېرتتا ئۇيغۇر ناخشا-مۇزىكىلىرىدىن ئۆرنەكلەر سۇنغان.

london-uygur-ansb-italyede1-385.jpg
لوندون ئۇيغۇر ئانسامبىلى ئىتالىيىدە. 2011-يىلى 2-ئىيۇن. RFA/Erkin Tarim

لوندون ئۇيغۇر ئانسامبىلىنىڭ قۇرغۇچىلىرىدىن راچېل خارس خانىم دۇتار، نىزامەتتىن سامادوف تەمبۈر، ستېپخېن جونېس غېجەك، رۇستەم سالىيېف داپ، كامىل ئابباس غىجەك چالغان كونسېرتتا، رەھىمە مەخمۇت خانىم 12 مۇقامدىن پارچىلار، غۇلجا ۋە قەشقەر خەلق ناخشىلىرىدىن ئۆرنەكلەر سۇنغان.

رەھىمە مەخمۇت ۋە كامىل ئابباسنىڭ ئېيتىشىچە ئىتالىيە خەلقى ئۇيغۇر ناخشا-مۇزىكىلىرىغا بەكلا قىزىقىدىكەن، بۇ كونسېرت ئىتالىيىدىكى ياش-ئۆسمۈرلەرنىڭ قاتتىق ئالقىشىغا سازاۋەر بولغان.

بىز بۇ ھەقتە تېخىمۇ تەپسىلىي مەلۇمات ئېلىش ئۈچۈن نەق مەيدانغا تېلېفون قىلىپ ئانسامبىل مەسئۇلى ئەزىز ئەيسا، سەنئەتچى كامىل ئابباس ۋە ناخشىچى رەھىمە مەخمۇت خانىم قاتارلىقلار بىلەن سۆھبەت ئېلىپ باردۇق.

پىكىرلەر (0)
  • پرىنت
  • ھەمبەھر
  • ئېلخەت
تولۇق بەت