ﺑﻮﻟﯘﭘﻤﯘ ﺑﯘ، ﺋﺎﺳﺎﺳﻠﯩﻖ ﺯﻩﻫﻪﺭ ﻛﯩﺮﯨﺶ ﻣﻪﻧﺒﻪﺳﻰ ﺑﻮﻟﻐﺎﻥ ﺋﯩﻠﮕﯩﺮﯨﻜﻰ "ﺋﺎﻟﺘﯘﻥ ﺋﯜﭺ ﺑﯘﺭﺟﻪﻙ" ﺭﺍﻳﻮﻧﯩﻨﯩﯔ ﺋﻮﺭﻧﯩﻨﻰ ﻧﯚﯞﻩﺗﺘﻪ "ﺋﺎﻟﺘﯘﻥ ﻫﯩﻼﻝ ﺋﺎﻱ " ﺋﺎﺗﺎﻟﻐﺎﻥ ﺋﺎﻓﻐﺎﻧﯩﺴﺘﺎﻥ، ﭘﺎﻛﯩﺴﺘﺎﻥ ﻗﺎﺗﺎﺭﻟﯩﻖ ﺟﺎﻳﻼﺭﻧﯩﯔ ﺋﯩﮕﯩﻠﯩﺸﻰ، ﺋﯘﻳﻐﯘﺭ ﺋﯧﻠﯩﻨﯩﯔ ﺯﻩﻫﻪﺭ ﻛﯩﺮﯨﺪﯨﻐﺎﻥ ﺟﺎﻳﺪﯨﻦ ﺯﻩﻫﻪﺭ ﺋﯩﺴﺘﯩﻤﺎﻝ ﻗﯩﻠﯩﻨﯩﺪﯨﻐﺎﻥ ﭼﻮﯓ ﺭﺍﻳﻮﻧﻐﺎ ﺋﺎﻳﻼﻧﻐﺎﻧﻠﯩﻘﯩﻨﻰ، ﺷﯘﻧﺪﺍﻗﻼ ﺋﯘﻳﻐﯘﺭ ﺋﯧﻠﯩﻨﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﯞﻩﺯﯨﻴﯩﺘﯩﻨﯩﯔ ﺋﯩﻨﺘﺎﻳﯩﻦ ﺟﯩﺪﺩﯨﻴﻠﯩﻜﯩﻨﻰ ﻛﯚﺭﺳﯩﺘﯩﭗ ﺗﯘﺭﻣﺎﻗﺘﺎ.

ﺋﺎﻟﺘﯘﻥ ﻫﯩﻼﻝ ﺋﺎﻱ ﺋﯘﻳﻐﯘﺭ ﺩﯨﻴﺎﺭﯨﻨﻰ ﺳﯧﺘﯩﺶ ﺑﺎﺯﯨﺴﻰ ﻗﯩﻠﯩﯟﺍﻟﺪﻯ

ﺋﯘﻳﻐﯘﺭ ﺋﯧﻠﯩﺪﻩ ﻳﯜﺯ ﺑﯧﺮﯨﯟﺍﺗﻘﺎﻥ ﺯﻩﻫﻪﺭﮔﻪ ﭼﯧﺘﯩﺸﻠﯩﻖ ﻗﯩﻠﻤﯩﺸﻼﺭﻧﯩﯔ ﻳﯜﺯ ﺑﯧﺮﯨﺶ ﺋﻪﻫﯟﺍﻟﯩﺪﯨﻦ ﻗﺎﺭﯨﻐﺎﻧﺪﺍ، ﺑﯘ ﻳﯩﻞ ﻛﯩﺮﮔﻪﻧﺪﯨﻦ ﺑﯘﻳﺎﻥ " ﺋﺎﻟﺘﯘﻥ ﻫﺎﻻﻝ ﺋﺎﻱ " ﺯﻩﻫﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﮕﻪ ﺳﯩﯖﯩﭗ ﻛﯩﺮﯨﺶ ﯞﻩﺯﯨﻴﯩﺘﻰ ﻳﻪﻧﯩﻤﯘ ﺟﯩﺪﺩﯨﻴﻠﻪﺷﻜﻪﻥ. ﺯﻩﻫﻪﺭ ﺗﯜﺭﻟﯩﺮﯨﻤﯘ ﺑﺎﺭﻏﺎﻧﭽﻪ ﻛﯚﭘﻪﻳﮕﻪﻥ. ﺯﻩﻫﻪﺭ ﺳﯧﺘﯩﺶ ﻣﻪﺳﯩﻠﯩﺴﻰ ﮔﻪﯞﺩﯨﻠﯩﻚ ﺑﻮﻟﻐﺎﻥ. ﭼﯧﮕﺮﺍ، ﺗﺎﻣﻮﮊﻧﺎ، ﺗﺎﺵ ﻳﻮﻝ، ﻫﺎﯞﺍ ﻗﺎﺗﻨﺎﺵ ﻫﻪﻡ ﭘﻮﻳﯩﺰﻏﺎ ﺋﻮﺧﺸﺎﺵ ﺗﯜﺭﻟﯜﻙ ﻗﺎﺗﻨﺎﺵ ﺗﺮﺍﻧﺴﯩﭙﻮﺭﺕ ﻳﻮﻟﻠﯩﺮﻯ ﺋﺎﺭﻗﯩﻠﯩﻖ " ﺋﺎﻟﺘﯘﻥ ﻫﯩﻼﻝ ﺋﺎﻱ" ﺩﯨﻦ ﻛﯩﺮﯨﭗ ﭘﺎﺵ ﺑﻮﻟﻐﺎﻥ ﺯﻩﻫﻪﺭﻧﯩﯔ ﻣﯩﻘﺪﺍﺭﻯ 5.788 ﻛﯩﻠﻮﮔﺮﺍﻣﻐﺎ ﻳﻪﺗﻜﻪﻥ.

ﺷﯘﻧﺪﺍﻗﻼ ﺑﯘ ﻳﯩﻞ ﻳﺎﻧﯟﺍﺭﺩﯨﻦ ﻫﺎﺯﯨﺮﻏﺎ ﻗﻪﺩﻩﺭ ﺑﻮﻟﻐﺎﻥ ﻳﯧﺮﯨﻢ ﻳﯩﻠﻐﺎ ﻳﻪﺗﻤﯩﮕﻪﻥ ﯞﺍﻗﯩﺖ ﺋﯩﭽﯩﺪﻩ ﭘﯜﺗﯜﻥ ﺋﯘﻳﻐﯘﺭ ﺋﯧﻠﯩﺪﻩ ﺯﻩﻫﻪﺭ ﺩﯦﻠﻮﺳﯩﺪﯨﻦ 749 ﻯ ﭘﺎﺵ ﺑﻮﻟﻐﺎﻥ، 9 ﻛﯩﻠﻮﮔﺮﺍﻣﻐﺎ ﻳﯧﻘﯩﻦ ﺯﻩﻫﻪﺭ ﻗﻮﻟﻐﺎ ﭼﯜﺷﯜﺭﯛﻟﮕﻪﻥ. ﺑﯘ ﺟﻪﺭﻳﺎﻧﺪﺍ 740 ﺟﯩﻨﺎﻳﻪﺕ ﮔﯘﻣﺎﻧﺪﺍﺭﻯ ﺗﯘﺗﯘﻟﻐﺎﻥ. ﺑﯘ ﻫﯧﭽﻘﺎﭼﺎﻥ ﺋﯘﻳﻐﯘﺭ ﺋﯧﻠﯩﺪﻩ ﺯﻩﻫﻪﺭ ﭼﻪﻛﻠﻪﺷﻨﯩﯔ ﻳﺎﺧﺸﻰ ﺋﯜﻧﯜﻡ ﺑﻪﺭﮔﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ ﺑﻪﺭﻣﻪﻳﺪﯗ ﺋﻪﻟﯟﻩﺗﺘﻪ، ﻫﺎﻟﺒﯘﻛﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﺎﻻﻗﯩﺪﺍﺭ ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، 2000 - ﻳﯩﻠﻰ ﺋﯘﻳﻐﯘﺭ ﺋﯧﻠﯩﺪﻩ ﺗﯩﺰﯨﻤﻐﺎ ﺋﯧﻠﯩﻨﻐﺎﻥ ﺯﻩﻫﻪﺭ ﭼﻪﻛﻜﯜﭼﯩﻠﻪﺭ 12 ﻣﯩﯔ 590 ﺑﻮﻟﻐﺎﻥ ﺑﻮﻟﺴﺎ، ﺑﯘ ﻳﯩﻞ ﺑﯘ ﺳﺎﻥ 26 ﻣﯩﯔ 765 ﻛﻪ ﻳﯧﺘﯩﭗ ﺗﻮﻗﻘﯘﺯ ﻳﯩﻠﺪﯨﻦ ﺑﯘﻳﺎﻧﻘﻰ ﺋﻪﯓ ﻳﯧﯖﻰ ﺭﯦﻜﻮﺭﺗﻨﻰ ﻳﺎﺭﺍﺗﻘﺎﻥ.

ﭼﯜﻧﻜﻰ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﺎﻟﺘﯘﻥ ﻫﯩﻼﻝ ﺋﺎﻱ ﺯﻩﻫﻪﺭ ﺋﯩﺸﻠﻪﭘﭽﯩﻘﯩﺮﯨﺶ ﺑﺎﺯﯨﺴﯩﻨﯩﯔ ﺩﯗﻧﻴﺎﺩﯨﻜﻰ ﭼﻮﯓ ﺯﻩﻫﻪﺭ ﺋﯩﺸﻠﻪﭘﭽﯩﻘﯩﺮﯨﺶ ﺋﻮﺭﻧﯩﻐﺎ ﺋﺎﻳﻠﯩﻨﯩﺸﻰ ﯞﻩ ﺯﻩﻫﻪﺭ ﺋﻪﺗﻜﻪﺳﭽﯩﻠﯩﺮﯨﻨﯩﯔ ﺋﺎﺳﯩﻴﺎ ﻗﯩﺘﺌﻪﻟﯩﺮﯨﮕﻪ ﺗﯘﺗﺎﺷﻘﺎﻥ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺗﻮﺷﯘﺵ ﻳﻮﻟﯩﻨﯩﯔ ﺑﯩﺮﯨﻨﭽﻰ ﺋﯚﺗﻜﯩﻠﻰ ﺋﯘﻳﻐﯘﺭ ﺋﯧﻠﻰ ﺑﻮﻟﻐﺎﭼﻘﺎ، ﺋﯘﻳﻐﯘﺭ ﺋﯧﻠﻰ ﻫﻪﻡ ﺋﯘﻳﻐﯘﺭﻻﺭ ﺋﺎﻟﺘﯘﻥ ﻫﯩﻼﻝ ﺋﺎﻳﻨﯩﯔ ﺋﻪﯓ ﺯﻭﺭ ﺯﯨﻴﯩﻨﯩﻐﺎ ﺋﯘﭼﺮﯨﻐﺎﻥ، ﻳﻪﻧﻰ ﺑﯘ ﺩﯨﻴﺎﺭ ﺋﺎﻟﺘﯘﻥ ﻫﯩﻼﻝ ﺋﺎﻳﺪﯨﻦ ﺯﻩﻫﻪﺭ ﻛﯩﺮﯨﺪﯨﻐﺎﻥ ﯞﻩ ﻳﻪﻧﻪ ﺋﯩﺴﺘﯩﻤﺎﻝ ﻗﯩﻠﯩﻨﯩﺪﯨﻐﺎﻥ ﺟﺎﻳﻐﺎ ﺋﺎﻳﻼﻧﻐﺎﻥ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﻰ ﺯﻩﻫﻪﺭ ﭼﻪﻛﻠﻪﺵ ﺑﺎﺵ ﺋﻪﺗﺮﯨﺘﻰ ﻣﻪﺳﺌﯘﻟﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﺎﻟﺘﯘﻥ ﻫﯩﻼﻝ ﺋﺎﻱ ﺯﻩﻫﻪﺭ ﺋﻪﺗﻜﻪﺳﭽﯩﻠﯩﻚ ﮔﯘﺭﯗﻫﻠﯩﺮﯨﻨﯩﯔ ﻫﻪﺭﯨﻜﯩﺘﻰ ﭼﯧﮕﺮﯨﺪﯨﻦ ﺷﻪﻫﻪﺭﻟﻪﺭﮔﻪ ﻳﯚﺗﻜﻪﻟﮕﻪﭼﻜﻪ، ﯞﻩﺯﯨﻴﻪﺕ ﺗﯧﺨﯩﻤﯘ ﻛﻪﺳﻜﯩﻨﻠﻪﺷﻜﻪﻥ.

ﻗﻪﺷﻘﻪﺭﺩﯨﻜﻰ ﻣﻪﻟﯘﻡ ﺳﺎﻗﭽﯩﺨﺎﻧﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺯﻩﻫﻪﺭﮔﻪ ﺋﯚﮔﯩﻨﯩﭗ ﻗﯧﻠﯩﭗ ﺋﻮﻏﺮﯨﻠﯩﻖ ﻗﯩﻠﻐﺎﻥ ﺑﯩﺮ ﺋﯘﻳﻐﯘﺭ ﻳﺎﺷﻨﻰ ﺳﻮﺭﺍﻕ ﻗﯩﻠﯩﯟﺍﺗﻘﺎﻥ ﺑﯩﺮ ﺋﯘﻳﻐﯘﺭ ﺳﺎﻗﭽﻰ ﯞﻩﺯﯨﭙﻪ ﺋﯜﺳﺘﯩﺪﻩ ﺳﻮﺋﺎﻟﻠﯩﺮﯨﻤﯩﺰﻏﺎ ﻗﯩﺴﻘﯩﻼ ﺟﺎﯞﺍﺏ ﺑﯧﺮﯨﭗ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﻪﻛﻜﯜﭼﯩﻠﻪﺭﻧﯩﯔ ﺑﺎﺭﻏﺎﻧﭽﻪ ﻛﯚﭘﯩﻴﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ:

ﺯﻩﻫﻪﺭ ﭼﻪﻛﻜﻪﻧﻠﻪﺭﻧﯩﯔ ﺯﻩﻫﻪﺭ ﺋﺎﺭﺗﯘﻕ ﻛﯧﺘﯩﭗ ﺋﯚﻟﯜﺵ ﻫﺎﺩﯨﺴﯩﺴﻰ ﻛﯚﭘﻪﻳﻤﻪﻛﺘﻪ

ﺯﻩﻫﻪﺭﻧﯩﯔ ﺋﺎﺩﻩﻣﮕﻪ ﺑﻮﻟﻐﺎﻥ ﺯﯨﻴﯩﻨﻰ ﻛﯚﭖ ﺗﻪﺭﻩﭘﻠﯩﻤﻪ، ﻓﯩﺰﯨﺌﻮﻟﻮﮔﯩﻴﯩﻠﯩﻚ ﺟﻪﻫﻪﺗﺘﯩﻦ ﺋﯘ ﺯﻩﻫﻪﺭ ﭼﻪﻛﻜﯜﭼﯩﻨﻰ ﺋﺎﺟﯩﺰﻻﺷﺘﯘﺭﯗﭖ ﭘﯜﺗﯜﻥ ﺑﻪﺩﻩﻥ ﺋﻮﺭﮔﺎﻧﻠﯩﺮﯨﻨﻰ ﺋﯧﻐﯩﺮ ﺯﻩﺧﻤﯩﻠﻪﻧﺪﯛﺭﺳﻪ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺭﻭﻫﯩﻲ ﺟﻪﻫﻪﺗﺘﯩﻦ ﭼﯜﺷﻜﯜﻧﻠﻪﺷﺘﯜﺭﯛﭖ، ﺑﯧﻘﯩﻨﺪﯛﺭﯛﭖ ﭘﯜﺗﯜﻧﻠﻪﻱ ﺑﺎﺷﻘﺎ ﻣﻪﺧﻠﯘﻗﻘﺎ ﺋﺎﻳﻼﻧﺪﯗﺭﺍﻻﻳﺪﯗ.

ﺯﻩﻫﻪﺭ ﭼﯧﻜﯩﺸﺘﯩﻜﻰ ﻳﯘﻗﯩﺮﻯ ﺧﻪﺗﻪﺭﻟﯩﻚ ﻗﯩﻠﻤﯩﺶ، ﺑﺎﺷﻘﯩﻼﺭ ﺋﯩﺸﻠﻪﺗﻜﻪﻥ ﺷﭙﺮﯨﺴﻨﻰ ﻳﺎﻛﻰ ﻳﯩﯖﻨﯩﻨﻰ ﺋﻮﺭﺗﺎﻕ ﺋﯩﺸﻠﯩﺘﯩﺶ، ﺑﯘﻧﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﻪﻛﻜﯜﭼﯩﻠﻪﺭﻧﯩﯔ ﺋﻪﻳﺪﯨﺰ ﯞﻩ ﺑﺎﺷﻘﺎ ﻛﯧﺴﻪﻟﻠﻪﺭ ﺑﯩﻠﻪﻥ ﻳﯘﻗﯘﻣﻠﯩﻨﯩﺸﺘﯩﻜﻰ ﺋﻪﯓ ﺋﺎﺳﺎﺳﻠﯩﻖ ﺋﺎﻣﯩﻞ ﺑﻮﻟﯘﯞﺍﺗﻘﺎﻧﻠﯩﻘﻰ ﻫﻪﻣﻤﯩﮕﻪ ﻣﻪﻟﯘﻡ، ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ، ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﻰ ﺋﻮﻛﯘﻝ ﻗﯩﻠﯩﭗ ﺗﻮﻣﯘﺭﺩﯨﻦ ﺋﯘﺭﯨﺪﯨﻐﺎﻧﻼﺭﺩﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻳﻪﻧﻪ ﺑﯩﺮ ﻳﯘﺷﯘﺭﯗﻥ ﺧﯧﻴﯩﻤﺨﻪﺗﻪﺭ ﺑﻮﻟﺴﺎ ﺯﻩﻫﻪﺭ ﭼﯧﻜﯩﭗ ﻗﯧﺘﯩﭗ ﻗﯧﻠﯩﺶ، ﻳﻪﻧﻰ ﺯﻩﻫﻪﺭ ﺋﺎﺭﺗﯘﻕ ﻛﯧﺘﯩﺶ ﻫﺎﺩﯨﺴﯩﺴﯩﺪﯗﺭ.

ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﻩ "ﭘﺎﻻﻧﻰ ﺯﻩﻫﻪﺭ ﭼﯧﻜﯩﭗ ﻗﯧﺘﯩﭗ ﻗﺎﭘﺘﯘ" ﺩﯦﮕﻪﻥ ﺳﯚﺯ، ﺯﻩﻫﻪﺭﻧﻰ ﺋﻮﻛﯘﻝ ﻗﯩﻠﯩﭗ ﺗﻮﻣﯘﺭﯨﻐﺎ ﺋﯘﺭﯗﭖ ﺗﯘﻳﯘﻗﺴﯩﺰ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﻐﺎﻧﻠﯩﻖ ﻫﻪﻗﻘﯩﺪﻩ ﺗﺎﺭﻗﯩﻠﯩﺪﯨﻐﺎﻥ ﺋﻮﻣﯘﻣﻼﺷﻘﺎﻥ ﺷﯘﻡ ﺧﻪﯞﻩﺭﻧﯩﯔ ﺑﯩﺮﻯ ﺑﻮﻟﯘﭖ ﻗﺎﻟﺪﻯ.
ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﻪﻛﻜﯜﭼﯩﻠﻪﺭﺩﻩ ﻛﯚﺭﯛﻟﯜﯞﺍﺗﻘﺎﻥ ﺑﯘ ﺧﯩﻞ ﻗﯧﺘﯩﭗ ﻗﯧﻠﯩﺶ ﺋﺎﺩﻩﺗﺘﻪ ﺯﻩﻫﻪﺭ ﻣﯩﻘﺪﺍﺭﻯ ﺋﺎﺭﺗﯘﻕ ﻛﯧﺘﯩﺶ ﺩﻩﭘﻤﯘ ﺋﺎﺗﯩﻠﯩﺪﯗ، ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﻣﯩﻘﺪﺍﺭﻯ ﺑﻪﺩﻩﻧﻨﯩﯔ ﺑﻪﺭﺩﺍﺷﻠﯩﻖ ﺑﯧﺮﯨﺶ ﭼﯧﻜﯩﺪﯨﻦ ﻛﯚﭖ ﺋﯧﺸﯩﭗ ﻛﻪﺗﻜﻪﻧﺪﻩ ﻳﯜﺯ ﺑﯧﺮﯨﺪﯨﻐﺎﻥ ﺋﯧﻐﯩﺮ ﺋﺎﻻﻣﻪﺗﻠﻪﺭ ﻳﺎﻛﻰ ﺋﯚﻟﯜﺵ ﻫﺎﺩﯨﺴﯩﺴﯩﻨﻰ ﻛﯚﺭﺳﯩﺘﯩﺪﯗ. ﺩﯦﻤﻪﻙ ﺑﯘ ﺑﯩﺮ ﺧﯩﻞ ﺑﻪﺩﻩﻧﻨﯩﯔ ﺯﻩﻫﻪﺭﻟﯩﻨﯩﺸﻰ.

ﺋﯘﻳﻐﯘﺭ ﺋﯧﻠﯩﺪﻩ ﺯﻩﻫﻪﺭﻧﯩﯔ ﺑﺎﺭﻏﺎﻧﭽﻪ ﻳﺎﻣﺮﯨﺸﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺏ ﻧﯧﻤﻪ؟

ﺋﯘﻧﺪﺍﻗﺘﺎ ﻧﯧﻤﻪ ﺋﯜﭼﯜﻥ ﺑﯘ ﺋﺎﺭﺗﯘﻕ ﻛﯧﺘﯩﺶ ﺧﻪﺗﯩﺮﻯ ﻳﯧﻘﯩﻨﺪﯨﻦ ﺑﯘﻳﺎﻥ ﭘﻪﯞﻗﯘﻟﺌﺎﺩﺩﻩ ﻛﯚﭘﻪﻳﺪﻯ؟ ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ، ﻧﯚﯞﻩﺗﺘﻪ ﺋﺎﻟﺘﯘﻥ ﻫﯩﻼﻝ ﺋﺎﻳﺪﯨﻦ ﺑﯩﯟﺍﺳﺘﻪ ﻛﯩﺮﯨﯟﺍﺗﻘﺎﻥ ﺯﻩﻫﻪﺭﻧﯩﯔ ﺳﺎﭘﻠﯩﻖ ﻣﯩﻘﺪﺍﺭﻯ ﺋﯩﻠﮕﯩﺮﻯ ﺧﯩﺘﺎﻳﺪﯨﻦ ﻳﻪﻧﻰ ﺋﺎﻟﺘﯘﻥ ﺋﯜﭺ ﺑﯘﺭﺟﻪﻙ ﺭﺍﻳﻮﻧﯩﺪﯨﻦ ﺋﯘﻳﻐﯘﺭ ﺋﯧﻠﯩﮕﻪ ﻛﯩﺮﮔﻪﻥ ﺯﻩﻫﻪﺭ ﻳﻪﻧﻰ ﺧﯩﺮﻭﺋﯩﻨﻨﯩﯔ ﺳﺎﭘﻠﯩﻖ ﻣﯩﻘﺪﺍﺭﯨﻐﺎ ﻧﯩﺴﺒﻪﺗﻪﻥ ﻳﯘﻗﯩﺮﻯ ﺑﻮﻟﯘﭖ، ﺋﺎﻟﺘﯘﻥ ﻫﯩﻼﻝ ﺋﺎﻱ ﺧﺮﻭﺋﯩﻨﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﻗﺎﺭﺍﯕﻐﯘ ﺑﺎﺯﺍﺭﻟﯩﺮﯨﻐﺎ ﺋﯧﻘﯩﭗ ﻛﯩﺮﯨﺸﻰ ﺑﯩﻠﻪﻥ ﺯﻩﻫﻪﺭ ﭼﻪﻛﻜﯜﭼﯩﻠﻪﺭ ﺋﺎﺭﯨﺴﯩﺪﺍ ﻗﯧﺘﯩﭗ ﻗﯧﻠﯩﺶ ﯞﻩ ﺑﯘﻧﯩﯔ ﺑﯩﻠﻪﻥ ﺋﯚﻟﯜﺵ ﻫﺎﺩﯨﺴﯩﻠﯩﺮﻯ ﻛﯚﭘﻪﻳﻤﻪﻛﺘﻪ ﺋﯩﻜﻪﻥ.

ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﺘﯩﻦ ﺯﻩﻫﻪﺭﻟﯩﻨﯩﺶ ﯞﻩﻗﻪﻟﯩﺮﯨﺪﻩ ﯞﺍﻗﺘﯩﺪﺍ ﺑﯩﺮ ﺗﻪﺭﻩﭖ ﻗﯩﻠﯩﻨﻤﯩﻐﺎﻧﻠﯩﻘﺘﯩﻦ ﺋﯚﻟﯜﻡ ﻫﺎﺩﯨﺴﯩﺴﻰ ﻛﯧﻠﯩﭗ ﭼﯩﻘﯩﺪﯗ. ﺋﯘﻳﻐﯘﺭﻻﺭﻧﯩﯔ ﺋﯩﻨﻜﺎﺳﻠﯩﺮﯨﻐﺎ ﻗﺎﺭﯨﻐﺎﻧﺪﺍ، ﺋﯘﻳﻐﯘﺭ ﺋﯧﻠﯩﺪﻩ ﺯﻩﻫﻪﺭﮔﻪ ﺋﯚﮔﯩﻨﯩﭗ ﻗﺎﻟﻐﯘﭼﯩﻼﺭﻧﯩﯔ ﻛﯚﭘﯩﻨﭽﯩﺴﻰ ﻳﺎﺵ ﺋﯚﺳﻤﯜﺭﻟﻪﺭ، ﺷﯘﻧﺪﺍﻗﻼ ﺋﯘﻻﺭ ﺧﻪﺗﻪﺭﻟﯩﻚ، ﻳﻮﭼﯘﻥ ﺟﺎﻳﻼﺭﺩﺍ ﻛﯩﺸﯩﻠﻪﺭﺩﯨﻦ، ﺳﺎﻗﭽﯩﻼﺭﺩﯨﻦ ﻳﻮﺷﯘﺭﯗﻧﯘﭖ ﻳﯜﺭﯛﭖ ﻳﺎﻟﻐﯘﺯ ﻫﺎﻟﺪﺍ ﺯﻩﻫﻪﺭ ﭼﯧﻜﯩﺪﯨﻐﺎﻥ ﺑﻮﻟﻐﺎﭼﻘﺎ، ﻛﯚﭘﯩﻨﭽﻪ ﻫﺎﻟﻼﺭﺩﺍ ﺯﻩﻫﻪﺭ ﭼﻪﻛﻜﯜﭼﯩﻠﻪﺭ ﺯﻩﻫﻪﺭ ﺋﺎﺭﺗﯘﻕ ﻛﯧﺘﯩﭗ ﻗﯧﺘﯩﭗ ﻗﺎﻟﻐﺎﻧﺪﯨﻦ ﻛﯧﻴﯩﻦ ﻳﻪﻧﻰ ﺋﯚﻟﯜﭖ ﻛﻪﺗﻜﻪﻧﺪﯨﻦ ﻛﯧﻴﯩﻦ ﺑﺎﻳﻘﺎﻟﻤﺎﻗﺘﺎ.

ﺯﻩﻫﻪﺭ ﺋﺎﺭﺗﯘﻕ ﻛﯧﺘﯩﺶ ﯞﻩ ﺑﯘ ﺧﯩﻞ ﺋﻪﻫﯟﺍﻟﺪﺍ ﻗﺎﻧﺪﺍﻕ ﻗﯩﻠﯩﺶ، ﻫﺎﺯﯨﺮﻗﻰ ﺋﯘﻳﻐﯘﺭﻻﺭﻧﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻜﻪ ﺋﯚﮔﯩﻨﯩﭗ ﻗﯧﻠﯩﺶ ﺋﻪﻫﯟﺍﻟﻠﯩﺮﻯ ﻫﻪﻗﻘﯩﺪﻩ ﺋﯜﺭﯛﻣﭽﯩﺪﯨﻜﻰ ﺧﺮﻭﺋﯩﻦ ﭼﻪﻛﻜﯜﭼﯩﻠﻪﺭﻧﻰ ﺩﯦﺘﺎﺩﻭﻥ ﺑﯩﻠﻪﻥ ﻗﺎﻣﺪﺍﭖ ﺩﺍﯞﺍﻻﺵ ﺋﺎﻣﺒﯘﻻﺗﻮﺭﯨﻴﯩﺴﯩﻨﯩﯔ ﺗﻪﺟﺮﯨﺒﯩﻠﯩﻚ ﻣﯘﺗﻪﺧﻪﺳﺴﯩﺴﻠﯩﺮﯨﺪﯨﻦ ﺩﻭﺧﺘﯘﺭ ﻏﻪﻧﻰ، ﺑﯩﺮ ﻗﺎﻧﭽﻪ ﻳﯩﻠﻠﯩﻖ ﺧﯩﺰﻣﻪﺕ ﺗﻪﺟﺮﯨﺒﯩﺴﯩﮕﻪ ﺋﺎﺳﺎﺳﻪﻥ ﺳﻮﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﻪﺭﺩﻯ.

ﮔﻪﺭﭼﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ، ﺋﯘﻳﻐﯘﺭ ﺋﯧﻠﯩﮕﻪ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﯩﯔ ﺗﻪﺳﯩﺮﻯ ﺭﻩﺳﻤﯩﻲ ﻛﯚﺭﯛﻟﮕﻪﻥ 10 ﻳﯩﻠﺪﯨﻦ ﺑﯘﻳﺎﻥ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻠﻪﺭﮔﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺗﻪﺷﯟﯨﻖ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺭﺍﺩﯨﺌﻮﻣﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭ ﻫﻪﻣﺪﻩ ﺋﯘﻳﻐﯘﺭﻻﺭﻧﯩﯔ ﺋﯩﻨﻜﺎﺳﻠﯩﺮﯨﻐﺎ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻠﻪﺭﻧﻰ ﭼﻪﻛﻠﻪﺷﺘﻪ ﺋﺎﺳﺎﺳﻠﯩﻖ ﻛﯜﭼﯩﻨﻰ ﻳﻪﻧﯩﻼ ﺯﻩﻫﻪﺭ ﭼﻪﻛﻜﯜﭼﯩﻠﻪﺭﻧﻰ ﺗﯘﺗﯘﺵ ﯞﻩ ﯞﺍﻗﯩﺘﻠﯩﻖ ﺗﯩﺰﮔﯩﻨﻠﻪﺷﻜﻪ ﻗﺎﺭﯨﺘﯩﭗ، ﺯﻩﻫﻪﺭﻧﯩﯔ ﻛﯩﺮﯨﺶ ﻣﻪﻧﺒﻪﺳﻰ ﻳﻪﻧﻰ ﺗﺎﺭﻗﯩﻠﯩﺸﯩﻨﻰ ﭼﻪﻛﻠﻪﺷﻜﻪ ﺳﻪﻝ ﻗﺎﺭﯨﻤﺎﻗﺘﺎ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺋﯩﻠﮕﯩﺮﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺯﻩﻫﻪﺭ ﭼﻪﻛﻠﻪﺷﻜﻪ ﺳﻪﻝ ﻗﺎﺭﺍﯞﺍﺗﻘﺎﻧﻠﯩﻘﯩﻐﺎ ﻗﺎﺭﯨﺘﺎ ﻧﺎﺭﺍﺯﯨﻠﯩﻖ ﺑﺎﻳﺎﻧﺎﺗﻰ ﺑﯧﺮﯨﭗ، "ﺧﯩﺘﺎﻳﻨﯩﯔ ﭘﯜﺗﯜﻥ ﻛﯜﭼﻰ ﭘﻪﻗﻪﺕ ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺷﻘﺎ ﻗﺎﺭﯨﺘﯩﻠﻐﺎﻥ، ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﻰ ﻫﻪﻗﯩﻘﻪﺗﻪﻥ ﭼﻪﻛﻠﻪﻳﻤﻪﻥ ﺩﯦﺴﻪ، ﺋﻪﻧﻪ ﺷﯘ ﻣﯘﻗﯩﻤﻠﯩﻘﻘﺎ ﺋﺎﺟﺮﺍﺗﻘﺎﻥ ﻛﯜﭼﯩﻨﯩﯔ ﺋﯩﻨﺘﺎﻳﯩﻦ ﺋﺎﺯ ﻗﯩﺴﻤﻰ ﺋﺎﺭﻗﯩﻠﯩﻘﻼ ﭼﻪﻛﻠﯩﻴﻪﻟﯩﮕﻪﻥ ﺑﻮﻻﺗﺘﻰ، ﻫﺎﻟﺒﯘﻛﻰ ﺧﯩﺘﺎﻳﻨﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﯩﯔ ﺋﯘﻳﻐﯘﺭ ﺋﯧﻠﯩﮕﻪ ﻳﺎﻣﺮﯨﺸﯩﻐﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﻰ، ﺋﻪﻣﻪﻟﯩﻴﻪﺗﺘﻪ ﺯﻩﻫﻪﺭﮔﻪ ﻳﻮﻝ ﺋﯧﭽﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﻪﺭﻣﻪﻛﺘﻪ،" ﺩﯦﮕﻪﻥ ﺋﯩﺪﻯ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز