ﺋﯘﻳﻐﯘﺭ ﺋﯧﻠﯩﻨﯩﯔ ﻛﺎﻥ ﺑﺎﻳﻠﯩﻘﯩﻨﻰ ﻛﻪﯓ - ﻛﯚﻟﻪﻣﻠﯩﻚ ﺋﯧﭽﯩﺶ ﭘﯩﻼﻧﻰ ﻣﯘﻫﯩﺖ ﺋﻪﻫﻠﯩﻨﻰ ﺳﺎﺭﺍﺳﯩﻤﻐﺎ ﺳﺎﻟﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺩﯙﻟﻪﺕ ﻛﺎﺑﯩﻨﺘﻰ ﺑﯘ ﻳﯩﻠﻨﯩﯔ ﺋﻪﺗﯩﻴﺎﺯ ﭘﻪﺳﻠﯩﺪﻩ ﺩﯙﻟﻪﺕ ﺋﯩﺸﻼﺭ ﻳﯩﻐﯩﻨﻰ ﭼﺎﻗﯩﺮﯨﭗ، ﺋﯘﻳﻐﯘﺭ ﺋﯧﻠﯩﻨﯩﯔ ﻧﯧﻔﯩﺖ ، ﺗﻪﺑﺌﯩﻲ ﮔﺎﺯ ﺑﺎﻳﻠﯩﻘﯩﻨﻰ ﺋﯧﭽﯩﺶ ﻗﻪﺩﯨﻤﯩﻨﻰ ﺗﯧﺰﻟﯩﺘﯩﭙﻼ ﻗﺎﻟﻤﺎﻱ، ﻛﯚﻣﯜﺭ، ﺭﻩﯕﻠﯩﻚ ﯞﻩ ﻏﻪﻳﺮﻯ ﺭﻩﯕﻠﯩﻚ ﻣﯧﺘﺎﻟﻼﺭ ﺑﺎﻳﻠﯩﻘﯩﻨﻰ ﺋﯧﭽﯩﺶ ﻗﻪﺩﯨﻤﯩﻨﻰ ﺗﯧﺰﻟﯩﺘﯩﺸﻨﻰ ﻗﺎﺭﺍﺭ ﻗﯩﻠﻐﺎﻧﺪﯨﻦ ﺑﯧﺮﻯ، ﺧﯩﺘﺎﻳﻨﯩﯔ ﻣﻪﻣﻠﯩﻜﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺷﯩﺮﻛﻪﺗﻠﻪﺭﺩﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻣﻪﺩﻩﻧﭽﯩﻠﯩﻚ ﺋﯩﮕﯩﻠﯩﻜﯩﮕﻪ ﻣﻪﺑﻠﻪﻍ ﺳﯧﻠﯩﺶ ﻗﯩﺰﻏﯩﻨﻠﯩﻘﻰ ﻗﻮﺯﻏﺎﻟﺪﻯ. ﻟﯧﻜﯩﻦ ﻣﯘﻫﯩﺖ ﺋﻪﻫﻠﻰ ﺑﯘ ﻗﯩﺰﻏﯩﻨﻠﯩﻘﻨﯩﯔ ﺋﯘﻳﻐﯘﺭ ﺋﯩﻠﯩﺪﯨﻜﻰ ﺗﻪﺑﯩﺌﯩﻲ ﻣﯘﻫﯩﺖ ﯞﻩ ﻳﻪﺭﻟﯩﻚ ﻣﻪﺩﻩﻧﯩﻴﻪﺗﻨﻰ ﯞﻩﻳﺮﺍﻥ ﻗﯩﻠﯩﺶ ﺭﻭﻟﻰ ﺑﺎﺭﻟﯩﻘﯩﻨﻰ ﺋﺎﮔﺎﻫﻼﻧﺪﯗﺭﻣﺎﻗﺘﺎ.

ﺋﻮﻏﯘﺯ ﺋﻪﭘﻪﻧﺪﻯ ﺋﺎﻣﯧﺮﯨﻜﯩﺪﺍ ﻣﯘﻫﯩﺖ ﻣﻪﺳﯩﻠﯩﺴﯩﻨﯩﯔ ﺋﯩﺠﺘﯩﻤﺎﺋﯩﻲ ﺗﻪﺳﯩﺮﻯ ﺗﻮﻏﺮﯨﺴﯩﺪﺍ ﺋﯩﻠﯩﻢ ﺗﻪﻫﺴﯩﻞ ﻗﯩﻠﻐﺎﻥ ﺋﯘﻳﻐﯘﺭ ﻣﺎﮔﯩﺴﺘﯩﺮﻻﺭﻧﯩﯔ ﺑﯩﺮﯨﺪﯗﺭ. ﺋﯘ ﺭﺍﺩﯨﺌﻮﻣﯩﺰﻏﺎ ﺑﯘ ﺗﻮﻏﺮﯨﺴﯩﺪﺍ ﺳﯚﻫﺒﻪﺕ ﺋﯧﻼﻥ ﻗﯩﻠﺪﻯ. ﺗﯚﯞﻩﻧﺪﻩ ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺳﯚﻫﺒﻪﺕ ﭘﺮﻭﮔﺮﺍﻣﻤﯩﺴﯩﻨﻰ ﺩﯨﻘﻘﯩﺘﯩﯖﻼﺭﻏﺎ ﺳﯘﻧﯩﻤﯩﺰ.

ﺧﯩﺘﺎﻱ ﻏﻪﻳﺮﯨﻲ ﺭﻩﯕﻠﯩﻚ ﻣﯧﺘﺎﻟﻼﺭ ﺳﺎﻧﺎﺋﻪﺕ ﺑﺎﺵ ﺷﯩﺮﻛﯩﺘﻰ ﺋﯘﻳﻐﯘﺭ ﺋﯧﻠﯩﻨﯩﯔ ﻣﻪﺩﻩﻧﭽﯩﻠﯩﻚ ﺋﯩﮕﯩﻠﯩﻜﯩﮕﻪ ﻣﻪﺑﻠﻪﻍ ﺳﺎﻟﻐﺎﻥ ﺧﯩﺘﺎﻱ ﻛﺎﺭﺧﺎﻧﯩﻠﯩﺮﯨﻨﯩﯔ ﺑﯩﺮﻯ ﺑﻮﻟﯘﭖ، ﻣﻪﺯﻛﯘﺭ ﺷﯩﺮﻛﻪﺕ ﺑﯩﯖﺘﯜﻩﻥ 10 - ﺩﯨﯟﯨﺰﯨﻴﯩﺴﯩﻨﯩﯔ ﺟﯘﯕﻐﺎﺭ ﺋﻮﻳﻤﺎﻧﻠﯩﻘﯩﺪﯨﻜﻰ 184 - ﭘﻮﻟﻜﻰ ﺑﯩﻠﻪﻥ ﺑﯧﻨﺘﻮﻧﯩﻦ ﻗﺎﺗﺎﺭﻟﯩﻖ ﻣﻪﻫﺴﯘﻻﺗﻼﺭﻧﻰ ﺋﯩﺸﻠﻪﭘﭽﯩﻘﯩﺮﯨﺶ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎ ﺋﻪﻟﻠﯩﺮﯨﮕﻪ ﺋﯧﻜﺴﭙﻮﺭﺕ ﻗﯩﻠﯩﺶ ﺳﻮﺩﯨﺴﻰ ﺑﯩﻠﻪﻥ ﺷﯘﻏﯘﻟﻼﻧﻤﺎﻗﺘﺎ. ﺋﯘﻳﻐﯘﺭ ﺋﯧﻠﯩﻨﯩﯔ ﻣﻪﺩﻩﻧﭽﯩﻠﯩﻚ ﺋﯩﮕﯩﻠﯩﻜﯩﮕﻪ ﻣﻪﺑﻠﻪﻍ ﺳﺎﻟﻐﯘﭼﻰ ﻛﺎﺭﺧﺎﻧﯩﻼﺭ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﻰ ﺋﺎﺳﺎﺱ ﻗﯩﻠﺴﯩﻤﯘ، ﻟﯧﻜﯩﻦ ﺩﺍﺋﯩﺮﯨﻠﻪﺭ ﭼﻪﺗﺌﻪﻟﻠﯩﻜﻠﻪﺭﻧﻰ ﻣﻪﺑﻠﻪﻍ ﺳﯧﻠﯩﺸﻘﺎ ﻗﯩﺰﯨﻘﺘﯘﺭﯨﯟﺍﺗﯩﺪﯗ.

ﺑﯘ ﻳﯩﻞ 5 - ﺋﺎﻳﺪﺍ ﺧﯩﺘﺎﻳﻨﯩﯔ ﯞﻩﻧﺸﻴﺎﯓ ﭘﺎﻳﭽﯧﻜﻰ ﭼﻪﻛﻠﯩﻚ ﺷﯩﺮﻛﯩﺘﻰ ﺑﯩﺮ ﻓﺮﺍﻧﺴﯩﻴﻪ ﺷﯩﺮﻛﯩﺘﻰ ﺑﯩﻠﻪﻥ 50 ﻣﯩﻠﻴﻮﻥ ﻳﺎﯞﺭﻭ ﻣﻪﺑﻠﻪﻍ ﺳﯧﻠﯩﭗ، ﺑﺎﻳﯩﻨﻐﻮﻟﯩﻨﺪﺍ ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﺯﯛﻟﯜﻙ ﯞﻩ ﺋﺎﻧﺪﺍﻟﯘﺯﯨﺖ ﺋﯩﺸﻠﻪﭘﭽﯩﻘﯩﺮﯨﺶ ﺑﺎﺯﯨﺴﻰ ﻗﯘﺭﯗﺵ ﺗﻮﺧﺘﺎﻣﻰ ﺗﯜﺯﺩﻯ. ﺷﺎﯕﺨﻪﻱ ﻟﻮﯕﺮﯦﻦ ﻣﻪﺭﻣﻪﺭﭼﯩﻠﯩﻚ ﺯﯨﻨﻨﻪﺗﻠﻪﺵ ﭼﻪﻛﻠﯩﻚ ﺷﯩﺮﻛﯩﺘﻰ ﺑﻮﻟﺴﺎ ﺋﺎﻗﺴﯘﻧﯩﯔ ﺋﻮﻧﺴﯘ ﻧﺎﻫﯩﻴﯩﺴﯩﮕﻪ 50 ﻣﯩﻠﻴﻮﻥ ﻳﯜﻩﻥ ﻣﻪﺑﻠﻪﻍ ﺳﯧﻠﯩﭗ، ﻗﯩﻤﻤﻪﺗﻠﯩﻚ ﺗﺎﺵ ﺯﯨﻨﻨﻪﺕ ﻣﻪﻫﺴﯘﻻﺗﻠﯩﺮﯨﻨﻰ ﺋﯩﺸﻠﻪﭘﭽﯩﻘﺎﺭﻣﺎﻗﭽﻰ ﺑﻮﻟﯘﯞﺍﺗﻘﺎﻥ ﺷﯩﺮﻛﻪﺗﻠﻪﺭﻧﯩﯔ ﺑﯩﺮﯨﺪﯗﺭ. ﻳﯘﻗﯩﺮﯨﻘﻰ ﺷﯩﺮﻛﻪﺗﻠﻪﺭ ﺋﯘﻳﻐﯘﺭ ﺋﯧﻠﯩﮕﻪ ﻣﻪﺑﻠﻪﻍ ﺳﺎﻟﻐﯘﭼﻰ ﻧﯘﺭﻏﯘﻥ ﺷﯩﺮﻛﻪﺕ - ﻛﺎﺭﺧﺎﻧﯩﻼﺭﻧﯩﯔ ﺋﯚﺭﻧﻪﻛﻠﯩﻚ ﺑﯩﺮ ﻗﺎﻧﭽﯩﺴﯩﺪﯨﻨﻼ ﺋﯩﺒﺎﺭﻩﺕ ﺑﻮﻟﯘﭖ، ﺋﺎﻣﯧﺮﯨﻜﺎ ﻛﻼﺭﻙ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﻣﯘﻫﯩﺖ ﭘﻪﻧﻠﻪﺭ ﻣﺎﮔﯩﺴﺘﯩﺮﻯ ﺋﻮﻏﯘﺯ ﺋﻪﭘﻪﻧﺪﻯ ﻣﻪﺩﻩﻧﭽﯩﻠﯩﻚ ﻗﯩﺰﻏﯩﻨﻠﯩﻘﯩﻨﯩﯔ ﻣﯘﻫﯩﺘﻨﻰ ﯞﻩﻳﺮﺍﻥ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﺩﻯ. (ﺋﻪﺭﻛﯩﻦ)