ﺗﯚﻣﯜﺭ ﭼﻮﻗﻘﺎ ﺋﻪﺧﻠﻪﺕ ﭼﻮﻗﻘﯩﻠﯩﺮﯨﻐﺎ ﺋﺎﻳﻼﻧﻤﺎﻗﺘﺎ

ﺗﻪﯕﺮﻯ ﺗﺎﻏﻠﯩﺮﻯ ﮔﯜﺯﻩﻟﻠﯩﻜﻰ، ﺗﻪﺑﯩﺌﯩﻲ ﺑﺎﻳﻠﯩﻘﻠﯩﺮﯨﻨﯩﯔ ﻣﻮﻟﻠﯩﻘﻰ ﺑﯩﻠﻪﻥ ﺩﯗﻧﻴﺎﻏﺎ ﻣﻪﺷﮭﯘﺭ. ﺗﻪﯕﺮﻯ ﺗﯧﻐﯩﻨﯩﯔ ﺋﻪﯓ ﺋﯩﮕﯩﺰ ﭼﻮﻗﻘﯩﺴﻰ ﺋﺎﻗﺴﯘﻧﯩﯔ ﺷﯩﻤﺎﻟﯩﺪﯨﻜﻰ ﺗﯚﻣﯜﺭ ﭼﻮﻗﻘﯩﺴﻰ ﺑﻮﻟﯘﭖ، ﺋﯘﻳﻐﯘﺭﻻﺭ ﺋﺎﺗﺎ - ﺑﻮﯞﯨﻠﯩﺮﯨﺪﯨﻦ ﺗﺎﺭﺗﯩﭗ ﺑﯘ ﭼﻮﻗﻘﯩﻨﻰ ﺑﯜﻳﯜﻙ، ﻳﯜﻛﺴﻪﻙ ﺩﻩﭖ ﺋﯘﻟﯘﻏﻼﭖ ﻛﻪﻟﮕﻪﻥ. ﺗﯚﻣﯜﺭ ﭼﻮﻗﻘﯩﻨﯩﯔ ﺋﻪﯓ ﺋﯩﮕﯩﺰ ﻧﻮﻗﺘﯩﺴﻰ ﺩﯦﯖﯩﺰ ﻳﯜﺯﯨﺪﯨﻦ 7435 ﻣﯧﺘﯩﺮﺩﯨﻨﻤﯘ ﺋﺎﺷﯩﺪﯗ.

ﺗﯚﻣﯜﺭ ﭼﻮﻗﻘﺎ ﻗﯩﺸﻤﯘ- ﻳﺎﺯ ﻗﺎﺭ - ﻣﯘﺯ ﺑﯩﻠﻪﻥ ﻗﺎﭘﻠﯩﻨﯩﭗ ﺗﯘﺭﯨﺪﯨﻐﺎﻥ، ﮬﻪﻳﯟﻩﺗﻠﯩﻚ ﻣﯘﺯ ﭼﻮﻗﻘﺎ. ﺋﯘ ﻳﻪﻧﻪ ﺗﻪﯕﺮﻯ ﺗﯧﻐﯩﻨﯩﯔ ﺋﯧﺘﻪﻛﻠﯩﺮﯨﻨﻰ ﮬﺎﻳﺎﺗﻠﯩﻖ ﻣﻪﻧﺒﻪﺳﻰ - ﺳﯘ ﺑﯩﻠﻪﻥ ﺗﻪﻣﯩﻨﻠﻪﭖ ﺗﯘﺭﯨﺪﯨﻐﺎﻥ ﻗﺎﺗﺘﯩﻖ ﺟﯩﺴﯩﻤﻠﯩﻖ ﺳﯘ ﺋﺎﻣﺒﯩﺮﻯ ﮬﯧﺴﺎﺑﻠﯩﻨﯩﺪﯗ.

ﺗﯚﻣﯜﺭ ﭼﻮﻗﻘﯩﻠﯩﺮﻯ، ﺗﺎﻏﻘﺎ ﻳﺎﻣﯩﺸﯩﺶ ﮬﻪﯞﻩﺳﻜﺎﺭﻟﯩﺮﯨﻐﺎ ﺋﯧﭽﯩﯟﯦﺘﯩﻠﮕﻪﻧﺪﯨﻦ ﺑﺎﺷﻘﺎ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺳﺎﻳﺎﮬﻪﺗﭽﯩﻠﻪﺭﮔﯩﻤﯘ ﻗﺎﺭﺍ - ﻗﻮﻳﯘﻕ ﺋﯧﭽﯩﯟﯨﺘﯩﻠﯩﺸﻰ ﺑﯩﻠﻪﻥ ﺋﻪﺧﻠﻪﺕ ﺩﯙﯞﯨﻠﯩﺮﯨﮕﻪ ﺋﺎﻳﻠﯩﻨﯩﭗ، ﻣﯘﮬﯩﺘﻰ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻤﺎﻗﺘﺎ.

ﺗﻪﯕﺮﯨﺘﺎﻍ ﺗﻮﺭ ﺑﯧﺘﯩﺪﻩ ﭼﺎﺭﺷﻪﻧﺒﻪ ﺑﯘ ﮬﻪﻗﺘﻪ ﺑﯧﺮﯨﻠﮕﻪﻥ ﺑﯩﺮ ﺧﻪﯞﻩﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﺎﻗﺴﯘ ﺷﻪﮬﻪﺭﻟﯩﻚ ﻳﺎﯞﺍﻳﻰ ﮬﺎﻳﯟﺍﻧﺎﺗﻼﺭﻧﻰ ﻗﻮﻏﺪﺍﺵ ﺟﻪﻣﺌﯩﻴﯩﺘﻰ ﮬﻪﻣﺪﻩ ﺗﯚﻣﯜﺭ ﭼﻮﻗﻘﺎ ﺗﻪﺑﯩﺌﯩﻲ ﻗﻮﻏﺪﺍﺵ ﺭﺍﻳﻮﻧﯩﻨﯩﯔ ﺧﺎﺩﯨﻤﻠﯩﺮﻯ ﻳﯧﻘﯩﻨﺪﺍ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺶ ﺟﻪﺭﻳﺎﻧﯩﺪﺍ، ﺗﺎﻍ ﺑﺎﻏﺮﯨﺪﺍ ﮬﻪﺗﺘﺎ ﻣﯘﺯﻟﯘﻕ ﭼﻮﻗﻘﯩﻼﺭﺩﯨﻤﯘ ﻛﯩﺸﯩﻠﻪﺭ ﻗﺎﻻﻳﻤﯩﻘﺎﻥ ﺗﺎﺷﻠﯩﻐﺎﻥ، ﻛﯧﺮﻩﻛﺴﯩﺰ ﭘﯩﻼﺳﺘﯩﻚ ﺧﺎﻟﺘﺎ، ﻗﻪﻏﻪﺯ، ﻗﯘﺭﯗﻕ ﺑﻮﺗﯘﻟﻜﯩﻐﺎ ﺋﻮﺧﺸﺎﺵ ﺗﯘﺭﻣﯘﺵ ﺋﻪﺧﻠﻪﺗﻠﯩﺮﯨﻨﯩﯔ ﻳﻮﻝ ﺑﻮﻳﻰ ﭼﯧﭽﯩﻠﯩﭗ ﻳﺎﺗﻘﺎﻧﻠﯩﻘﯩﻨﻰ ﺑﺎﻳﻘﯩﻐﺎﻥ.

ﺳﺎﻳﺎﮬﻪﺗﭽﯩﻠﯩﻜﻨﯩﯔ ﭘﺎﻳﺪﯨﺴﯩﺪﯨﻦ ﺯﯨﻴﯩﻨﻰ ﻛﯚﭖ ﺑﻮﻟﻤﺎﻗﺘﺎ

ﺗﻪﯕﺮﻯ ﺗﺎﻏﻠﯩﺮﯨﻨﯩﯔ ﻣﯘﺯ ﭼﻮﻗﻘﯩﻠﯩﺮﯨﺪﺍ ﺑﻮﻟﯘﭘﻤﯘ ﻗﻮﻏﺪﯨﻠﯩﺸﻘﺎ ﺗﯧﮕﯩﺸﻠﯩﻚ ﺋﺎﻻﮬﯩﺪﻩ ﺭﺍﻳﻮﻧﻠﯩﺮﯨﺪﯨﻤﯘ ﺋﻪﺧﻠﻪﺗﻠﻪﺭﻧﯩﯔ ﺑﺎﻳﻘﯩﻠﯩﺸﻰ ﮬﻪﻗﯩﻘﻪﺗﻪﻧﻤﯘ ﻛﯩﺸﯩﻨﻰ ﺋﻪﺟﻪﭘﻠﻪﻧﺪﯛﺭﯨﺪﯗ.

ﺑﯘﻧﯩﯔ ﺋﺎﻟﺪﯨﺪﺍ، ﻳﻪﻧﻰ ﺋﯚﺗﻜﻪﻥ ﻳﯩﻠﻰ ﺋﯩﻴﯘﻝ ﺋﯧﻴﯩﺪﺍ ﺑﻮﻏﺪﺍ ﭼﻮﻗﻘﯩﻠﯩﺮﯨﺪﯨﻤﯘ ﺋﺎﻟﺘﻪ ﺗﻮﻧﻨﺎ ﺋﻪﺗﺮﺍﭘﯩﺪﺍ ﺋﻪﺧﻠﻪﺕ ﺩﯙﯞﯨﻠﯩﺮﯨﻨﯩﯔ ﺑﺎﻳﻘﺎﻟﻐﺎﻧﻠﯩﻖ ﺧﻪﯞﯨﺮﻯ ﻏﯘﻟﻐﯘﻻ ﻗﻮﺯﻏﯩﻐﺎﻥ ﺋﯩﺪﻯ. ﺷﯘﻧﺪﺍﻗﻼ ﻣﯘﮬﯩﺖ ﺋﺎﺳﺮﺍﺵ ﺋﻮﺭﯗﻧﻠﯩﺮﻯ ﮬﻪﻡ ﺑﯩﺮ ﻗﯩﺴﯩﻢ ﻣﯘﮬﯩﺘﻘﺎ ﻛﯚﯕﯜﻝ ﺑﯚﻟﮕﯜﭼﻰ ﻣﯘﺗﻪﺧﻪﺳﺴﯩﺴﻠﻪﺭ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﺍ ﻗﻮﻟﻠﯩﻨﯩﯟﺍﺗﻘﺎﻥ ﺳﺎﻳﺎﮬﻪﺗﭽﯩﻠﯩﻜﻜﻪ ﺩﺍﺋﯩﺮ ﺳﯩﻴﺎﺳﻪﺗﻠﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﮬﯩﺘﯩﻐﺎ ﺋﻪﺳﻠﯩﮕﻪ ﻛﻪﻟﺘﯜﺭﮔﯜﺳﯩﺰ ﺑﯘﺯﻏﯘﻧﭽﯩﻠﯩﻘﻼﺭﻧﻰ ﺋﯧﻠﯩﭗ ﻛﯧﻠﯩﺸﯩﮕﻪ ﺳﻪﯞﻩﺏ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. (ﮔﯜﻟﭽﯧﮭﺮﻩ)

ﺗﯚﻣﯜﺭ ﭼﻮﻗﻘﯩﺴﯩﻨﯩﯔ ﺋﺎﺳﺘﯩﻨﻘﻰ ﺋﯧﺘﻪﻛﻠﯩﺮﻯ ﻗﯩﻤﻤﻪﺗﻠﯩﻚ ﻳﺎﯞﺍﻳﻰ ﺋﯚﺳﯜﻣﻠﯜﻙ ﮬﻪﻣﺪﻩ ﻳﺎﯞﺍﻳﻰ ﮬﺎﻳﯟﺍﻧﺎﺗﻼﺭﻧﯩﯔ ﻣﺎﻛﺎﻧﻰ. ﺑﯘ ﺟﺎﻳﻐﺎ ﻛﯩﺸﯩﻠﻪﺭﻧﯩﯔ ﻛﯚﭘﻠﻪﭖ ﺋﺎﻳﺎﻍ ﺑﯧﺴﯩﺸﻰ، ﻳﺎﯞﺍﻳﻰ ﮬﺎﻳﯟﺍﻧﺎﺗﻼﺭﻧﻰ ﻗﻮﻏﺪﺍﺵ ﺋﻮﺭﯗﻧﻠﯩﺮﯨﻨﯩﯖﻤﯘ ﺋﻪﻧﺪﯨﺸﯩﺴﯩﻨﻰ ﻗﻮﺯﻏﯩﻐﺎﻥ ﺑﻮﻟﯘﭖ، ﻣﯘﮬﯩﺖ ﻣﯘﺗﻪﺧﻪﺳﺴﯩﺴﻠﯩﺮﻯ "ﺗﯚﻣﯜﺭ ﭼﻮﻗﻘﺎ ﺗﯧﺨﻰ ﺳﺎﻳﺎﮬﻪﺗﭽﯩﻠﻪﺭﮔﻪ ﺭﻩﺳﻤﯩﻲ ﺋﯧﭽﯩﻠﻤﺎﻱ ﺗﯘﺭﯗﭖ ﺑﯘﻧﭽﯩﻠﯩﻚ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﺴﺎ، ﻛﯧﻴﯩﻦ ﺳﺎﻳﺎﮬﻪﺗﭽﯩﻠﯩﻜﻜﻪ ﺋﯧﭽﯩﻠﻐﺎﻧﺪﯨﻦ ﻛﯧﻴﯩﻦ ﻳﻪﻧﻪ ﻗﺎﻧﺪﺍﻕ ﺑﯘﺯﻏﯘﻧﭽﯩﻠﯩﻘﻼﺭﻏﺎ ﻳﻮﻝ ﺋﯧﭽﯩﻠﯩﺸﯩﻨﻰ ﻗﯩﻴﺎﺱ ﻗﯩﻠﻤﺎﻕ ﺗﻪﺱ، ﺷﯘﯕﺎ ﺋﯘﻧﯩﯔ ﻳﻪﻧﯩﻼ ﺋﻪﺳﻠﻰ ﻗﯩﻴﺎﭘﯩﺘﯩﻨﻰ ﺳﺎﻗﻼﺵ ﺋﯜﭼﯜﻥ ﺋﺎﺩﻩﻣﻠﻪﺭﻧﯩﯔ ﻗﻪﺩﯨﻤﯩﻨﻰ ﺗﯧﮕﯩﺸﻠﯩﻚ ﺗﻪﺩﺑﯩﺮﻟﻪﺭ ﺑﯩﻠﻪﻥ ﭼﻪﻛﻠﻪﺵ ﻛﯧﺮﻩﻙ" ﺩﻩﭖ ﺟﯩﺪﺩﻯ ﺗﻪﻛﯩﺘﻠﯩﮕﻪﻥ.

ﺗﯚﻣﯜﺭ ﭼﻮﻗﻘﺎ ﺗﻪﺑﯩﺌﯩﻲ ﻗﻮﻏﺪﺍﺵ ﺭﺍﻳﻮﻧﯩﺪﯨﻦ ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ، ﺗﯚﻣﯜﺭ ﭼﻮﻗﻘﯩﻐﺎ ﻳﺎﻣﯩﺸﯩﺶ ﻳﻮﻟﯩﺪﺍ ﺗﺎﻗﻘﺎ ﭼﯩﻘﻘﯘﭼﯩﻼﺭﻧﯩﯔ ﺗﺎﺷﻠﯩﻐﺎﻥ ﺑﻮﺗﯘﻟﻜﺎ، ﭘﯩﻼﺳﺘﯩﻚ ﺧﺎﻟﺘﺎ ﻗﺎﺗﺎﺭﻟﯩﻖ ﺋﻪﺧﻠﻪﺗﻠﯩﺮﯨﻨﻰ ﻛﯚﺭﮔﯩﻠﻰ ﺑﻮﻟﯩﺪﯨﻜﻪﻥ. ﺗﺎﻍ ﺩﯦﯖﯩﺰ ﻳﯜﺯﯨﺪﯨﻦ ﺧﯧﻠﻰ ﺋﯩﮕﯩﺰ، ﺋﯘﻧﯩﯔ ﺋﯜﺳﺘﯩﮕﻪ ﺋﻪﺧﻠﻪﺗﻠﻪﺭﻣﯘ ﭼﯧﭽﯩﻼﯕﻐﯘ ﺑﻮﻟﻐﺎﭼﻘﺎ، ﺑﯘ ﺋﻪﺧﻠﻪﺗﻠﻪﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺸﻘﺎ ﺧﯧﻠﻰ ﻛﯜﭺ ﺳﻪﺭﯨﭗ ﻗﯩﻠﯩﺸﻘﺎ ﺗﻮﻏﺮﺍ ﻛﯧﻠﯩﺪﯨﻜﻪﻥ.

ﺗﻪﺑﯩﺌﻪﺗﻨﯩﯔ ﻗﻪﺑﯩﮫ ﺩﯛﺷﻤﯩﻨﻰ ﻛﯩﻤﻠﻪﺭ؟

ﺋﯩﻠﮕﯩﺮﻯ ﺧﻪﯞﻩﺭﻟﻪﺭﺩﻩ ﺑﯧﺮﯨﭗ ﺋﯚﺗﻜﯩﻨﯩﻤﯩﺰﺩﻩﻙ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﺎﻳﺎﮬﻪﺗﭽﯩﻠﻪﺭ ﻗﻪﺩﯨﻤﻰ ﺑﺎﺳﻘﺎﻥ ﺟﺎﻳﻼﺭﻧﯩﯔ ﮬﻪﻣﻤﯩﺴﻰ ﺩﯦﮕﯜﺩﻩﻙ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﯨﻜﻰ ﻣﯘﮬﯩﺖ ﺑﯘﺯﻏﯘﻧﭽﯩﻠﯩﻘﻠﯩﺮﯨﻐﺎ ﺋﯘﭼﺮﯨﻤﺎﻗﺘﺎ.

ﺩﺍﯕﻠﯩﻖ ﻣﻪﻧﺰﯨﺮﯨﻠﯩﻚ ﺳﺎﻳﺎﮬﻪﺕ ﺋﻮﺭﯗﻧﻠﯩﺮﯨﺪﯨﻦ ﺑﯘﻏﺪﺍ ﻛﯚﻟﻰ، ﺳﺎﻳﺮﺍﻡ ﻛﯚﻟﻰ، ﻗﺎﻧﺎﺱ ﻛﯚﻟﻰ ﺭﺍﻳﻮﻧﻠﯩﺮﻯ ﺋﯧﻐﯩﺮ ﺑﯘﻟﻐﯩﻨﯩﺸﻘﺎ ﺋﯘﭼﺮﯨﺪﻯ، ﺑﯘﻏﺪﺍ ﻛﯚﻟﻰ ﮬﻪﻣﺪﻩ ﺑﯘﻏﺪﺍ ﭼﻮﻗﻘﻠﯩﺮﻯ ﺋﻪﺧﻠﻪﺕ ﺩﯙﯞﯨﻠﯩﺮﯨﮕﻪ ﺗﻮﻟﺪﻯ، ﮔﯜﺯﻩﻝ ﻳﺎﻳﻼﻗﻼﺭﺩﯨﻦ ﻛﯚﻧﻪﺱ، ﺑﺎﺭﯨﻜﯚﻝ، ﻧﺎﺭﺍﺕ ﻳﺎﻳﻼﻗﻠﯩﺮﯨﻤﯘ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﮬﻪﻳﺮﺍﻥ ﻗﺎﻻﺭﻟﯩﻖ ﮬﺎﻟﺪﺍ ﺗﯧﺰ ﯞﻩﻳﺮﺍﻥ ﻗﯩﻠﯩﻨﺪﻯ. ﺋﻪﺟﯩﺒﺎ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﺋﯧﻐﯩﺮ ﻣﯘﮬﯩﺖ ﺑﯘﻟﻐﯩﻨﯩﺶ ﻣﻪﺳﯩﻠﯩﻠﯩﺮﻯ ﮬﯚﻛﯜﻣﻪﺕ ﯞﻩ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻴﺎﻟﻤﯩﺪﯨﻤﯘ ؟ﺋﯘﻻﺭ ﺑﯘ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﺑﯘﻟﻐﯩﻨﯩﺸﻨﯩﯔ ﺳﻪﯞﻩﺑﻰ ﮬﻪﻗﻘﯩﺪﻩ ﺋﻮﻳﻼﻧﻤﯩﺪﯨﻤﯘ ؟ ﺑﯘﻧﻰ ﺗﻮﺧﺘﯘﺗﯘﺷﻘﺎ ﺗﻪﺩﺑﯩﺮ ﺋﺎﻟﻐﯩﻠﻰ ﺑﻮﻟﻤﺎﻣﺪﯗ ؟ ﺑﯘ ﺳﻮﺋﺎﻟﻼﺭ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺗﻪﺑﯩﺌﯩﻲ ﻣﯘﮬﯩﺘﺘﯩﻦ ﺋﻪﻧﺪﯨﺸﻪ ﺗﯘﻳﻐﺎﻥ ﮬﻪﺭ ﺑﯩﺮ ﺋﺎﺩﻩﻡ ﺟﺎﯞﺍﺑﺴﯩﺰ ﻗﯧﻠﯩﯟﺍﺗﻘﺎﻥ ﺳﻮﺋﺎﻟﻼﺭﺩﯗﺭ.

ﭼﯜﻧﻜﻰ ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﺋﺎﭼﻘﯩﻠﻰ ﺑﻮﻟﯩﺪﯨﻐﺎﻧﻼ ﺟﺎﻳﻼﺭﻧﻰ ﺳﺎﻳﺎﮬﻪﺗﭽﯩﻠﯩﻜﻜﻪ ﺋﯧﭽﯩﯟﯨﺘﯩﺸﻨﻰ ﺟﯩﺪﺩﻯ ﺗﻪﺷﻪﺑﺒﯘﺱ ﻗﯩﻠﻐﯩﻨﻰ ﺑﯩﻠﻪﻥ، ﺗﻪﺑﯩﺌﯩﻲ ﻣﯘﮬﯩﺘﻨﻰ ﺳﺎﻗﻼﺵ ﮬﻪﻗﻘﯩﺪﻩ ﺑﯩﺮﻩﺭ ﺋﻪﻣﻪﻟﯩﻲ ﺗﻪﺩﺑﯩﺮ ﻛﯚﺭﻣﯩﺪﻯ.

ﺋﯩﻠﮕﯩﺮﻯ ﺭﺍﺩﯨﺌﻮﻣﯩﺰﻏﺎ ﺗﯧﻠﯧﻔﻮﻥ ﻗﯩﻠﻐﺎﻥ ﺑﯩﺮ ﻳﺎﺵ، ﺋﯘﻳﻐﯘﺭ ﺋﯧﻠﯩﻨﯩﯔ ﺳﺎﻳﺎﮬﻪﺗﭽﯩﻠﻪﺭﮔﻪ ﻛﻪﯓ ﺩﺍﺋﯩﺮﯨﺪﻩ ﺋﯧﭽﯩﯟﯦﺘﯩﻠﯩﺸﯩﺪﯨﻦ ﻛﯧﻠﯩﭗ ﭼﯩﻘﯩﯟﺍﺗﻘﺎﻥ ﻣﯘﮬﯩﺖ ﻣﻪﺳﯩﻠﯩﻠﯩﺮﯨﺪﯨﻦ ﮬﻪﻗﯩﻘﻪﺗﻪﻧﻤﯘ ﺋﻪﻧﺪﯨﺸﻪ ﺗﯘﻳﯩﯟﺍﺗﻘﺎﻧﻠﯩﻘﯩﻨﻰ ﺋﯩﭙﺎﺩﯨﻠﻪﭖ "ﺗﻪﺑﯩﺌﻪﺗﻨﯩﯔ ﺋﻪﯓ ﻗﻪﺑﯩﮫ ﺩﯛﺷﻤﯩﻨﻰ ﻛﯩﻢ ﺑﯩﻠﻪﻣﺴﯩﺰ ؟ ﺋﯘﻻﺭ ﭼﯩﺮﺍﻳﻠﯩﻖ ﮔﯜﻝ -ﮔﯩﻴﺎﮬﻼﺭﻧﻰ ﻛﯚﺭﺳﻪ ﻳﯩﻠﺘﯩﺰﯨﺪﯨﻦ ﺗﺎﺭﺗﯩﭗ ﺋﯜﺯﯨﯟﺍﻟﻤﯩﻐﯩﭽﻪ، ﻛﯚﺭﻛﻪﻡ ﺩﻩﺭﻩﺧﻠﻪﺭﮔﻪ ﺋﯩﺴﻤﯩﻨﻰ ﺋﻮﻳﯘﭖ ﻗﻮﻳﻤﯩﻐﯩﭽﻪ، ﻳﺎﯞﺍﻳﻰ ﮬﺎﻳﯟﺍﻥ، ﺋﯘﭼﺎﺭ ﻗﯘﺷﻼﺭﻧﻰ ﻛﯚﺭﺳﻪ ﺗﯘﺗﯩﯟﺍﻟﻤﯩﻐﯩﭽﻪ، ﺩﻩﺭﻳﺎ ﻛﯚﻟﻠﻪﺭﻧﯩﯔ ﺳﯜﻳﯩﻨﻰ ﺑﯘﻟﻤﯩﻐﯩﻤﯩﻐﯩﭽﻪ ﭘﯘﺧﺎﺩﯨﻦ ﭼﯩﻘﻤﺎﻳﺪﯨﻐﺎﻥ ﺋﺎﭺ ﻛﯚﺯ ﺳﺎﻳﺎﮬﻪﺗﭽﯩﻠﻪﺭ" ﺩﯦﮕﻪﻥ ﺋﯩﺪﻯ.

ﺋﯘﻳﻐﯘﺭ ﺋﯧﻠﯩﺪﺍ ﮬﻪﻗﯩﻘﻪﺗﻪﻥ ﺳﺎﻳﺎﮬﻪﺗﭽﯩﻠﯩﻚ ﺗﻪﺭﻩﻗﻘﯩﻲ ﻗﯩﻠﯩﯟﺍﺗﯩﺪﯗ ﺋﻪﻣﻤﺎ ﺑﯘ ﺗﻪﺭﻩﻗﻘﯩﻴﺎﺗﻨﯩﯔ ﻧﻪﺗﯩﺠﯩﺴﻰ ﻧﯧﻤﻪ ﺑﻮﻟﻤﺎﻗﺘﺎ ؟ ﺑﯘ ﮬﻪﻣﻤﯩﻨﻰ ﺋﻮﻳﻐﺎ ﺳﺎﻟﯩﺪﯨﻐﺎﻥ ﺑﯩﺮ ﻣﻪﺳﯩﻠﻪ. ﻧﯚﯞﻩﺗﺘﻪ ﮬﻪﺗﺘﺎ ﺗﻪﯕﺮﻯ ﺗﯧﻐﯩﻨﯩﯔ ﺋﻪﯓ ﺋﯩﮕﯩﺰ ﭼﻮﻗﻘﯩﻠﯩﺮﯨﻨﯩﯖﻤﯘ ﺳﺎﻳﺎﮬﻪﺗﭽﯩﻠﻪﺭ ﺗﺎﺷﻠﯩﻐﺎﻥ ﺋﻪﺧﻠﻪﺗﻠﻪﺭ ﺳﻪﯞﻩﺑﯩﺪﯨﻦ ﺑﯘﻟﻐﯩﻨﯩﺸﻘﺎ ﺑﺎﺷﻠﯩﻐﺎﻧﻠﯩﻘﻰ، ﺋﯘﻳﻐﯘﺭ ﺋﯧﻠﻰ ﻣﯘﮬﯩﺘﯩﻨﯩﯔ ﺑﯘﻟﻐﯘﻧﯩﺸﯩﻐﺎ ﺳﺎﻳﺎﮬﻪﺗﭽﯩﻠﻪﺭﻧﯩﯔ ﻗﺎﻧﭽﯩﻠﯩﻚ ﺗﻪﺳﯩﺮ ﻛﯚﺭﺳﯩﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺑﻪﺭﺳﻪ ﻛﯧﺮﻩﻙ. (ﮔﯜﻟﭽﯧﮭﺮﻩ)