ﺋﯜﺭﯛﻣﭽﻰ، ﺧﯩﺘﺎﻱ ﺑﯘﻳﯩﭽﻪ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﻰ ﺋﻪﯓ ﺋﯧﻐﯩﺮ ﺷﻪﻫﻪﺭﮔﻪ ﺋﺎﻳﻼﻧﺪﻯ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ 15 ‏- ﻳﺎﻧﯟﺍﺭ ﻛﯜﻧﻰ ﺋﯜﺭﯛﻣﭽﯩﺪﯨﻦ ﺑﻪﺭﮔﻪﻥ ﺧﻪﯞﯨﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﯜﺭﯛﻣﭽﻰ ﺷﻪﻫﯩﺮﻯ ﺋﯚﺗﻜﻪﻥ ﺑﯩﺮ ﻳﯩﻞ ﺋﯩﭽﯩﺪﻩ ﻣﯘﻫﯩﺘﻨﻰ ﻗﻮﻏﺪﺍﺵ ﺧﯩﺰﻣﯩﺘﯩﺪﻩ ﺋﯩﻨﺘﺎﻳﯩﻦ ﺑﻪﻙ ﺋﺎﺭﻗﯩﺪﺍ ﻗﺎﻟﻐﺎﻥ ﻫﻪﻣﺪﻩ ﺋﯚﻟﭽﯩﻤﻰ ﺑﻮﻳﯩﭽﻪ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺑﻮﻟﻐﺎﻥ ﻣﯘﻫﯩﺘﻨﻰ ﻗﻮﻏﺪﺍﺵ ﺧﯩﺰﻣﯩﺘﯩﻨﯩﯔ 70% ﺋﻰ ﺋﯚﺯ ﭘﯧﺘﻰ ﻗﯧﻠﯩﭗ، ﻫﯧﭽﻜﯩﻤﻨﯩﯔ ﻛﺎﺭﻯ ﺑﻮﻟﻤﯩﻐﺎﻥ. ﻣﻪﺯﻛﯘﺭ ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﻳﯧﯖﻰ ﻳﯩﻞ ﻛﯩﺮﮔﻪﻧﺪﯨﻦ ﺑﯘﻳﺎﻥ، ﺋﯜﺭﯛﻣﭽﯩﺪﯨﻜﻰ ﻫﺎﯞﺍﻧﯩﯔ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﻰ ﺗﯧﺨﯩﻤﯘ ﺑﻪﻙ ﺋﯧﻐﯩﺮﻻﺷﻘﺎﻥ ﺑﻮﻟﯘﭖ، ﻣﻪﺯﻛﯘﺭ ﺷﻪﻫﻪﺭ "ﻣﻪﻣﻠﯩﻜﻪﺕ ﺑﻮﻳﯩﭽﻪ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﻰ ﺋﻪﯓ ﺋﯧﻐﯩﺮ ﺷﻪﻫﻪﺭ" ﮔﻪ ﺋﺎﻳﻼﻧﻐﺎﻥ.

ﻗﺎﺭﺍ ﺗﯘﻣﺎﻥ ﻗﺎﭘﻠﯩﻐﺎﻥ ﺋﯜﺭﯛﻣﭽﻰ

ﺋﯜﺭﯛﻣﭽﻰ ﺷﻪﻫﯩﺮﻯ ﻣﯘﻫﯩﺘﻨﻰ ﻧﺎﺯﺍﺭﻩﺕ ﻗﯩﻠﯩﺶ ﻣﻪﺭﻛﯩﺰﻯ، ﺋﯜﺭﯛﻣﭽﯩﺪﻩ 1 ‏- ﻳﺎﻧﯟﺍﺭ ﻛﯜﻧﯩﺪﯨﻦ ﺑﺎﺷﻼﭖ ﺗﺎ ﻫﺎﺯﯨﺮﻏﯩﭽﻪ، ﺋﯩﺲ -ﺗﯘﻣﺎﻥ ﺗﯜﭘﻪﻳﻠﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺑﯘﻟﻐﯩﻨﯩﺸﻨﯩﯔ ﺋﯩﻨﺘﺎﻳﯩﻦ ﺋﯧﻐﯩﺮ ﻫﺎﻟﻪﺗﻜﻪ ﻳﻪﺗﻜﻪﻧﻠﯩﻜﯩﻨﻰ ﻣﻪﻟﯘﻡ ﻗﯩﻠﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ "ﻫﺎﺯﯨﺮ ﺋﯜﺭﯛﻣﭽﻰ ﺷﻪﻫﯩﺮﯨﻨﯩﯔ ﺋﺎﺳﻤﺎﻥ ﺑﻮﺷﻠﯘﻗﯩﺪﯨﻜﻰ ﻗﺎﺭﺍ ﺗﯘﻣﺎﻥ 800 ﻣﯧﺘﯩﺮ ﻗﯧﻠﯩﻨﻠﯩﻘﺘﺎ ﺑﻮﻟﯘﭖ، ﻛﯩﺸﯩﻠﻪﺭ ﻗﺎﺭﺍ ﺗﯘﻣﺎﻥ ﺋﯩﭽﯩﺪﻩ ﺧﯘﺩﺩﻯ ﻳﯘﻗﯩﺮﻯ ﺑﯧﺴﯩﻤﻠﯩﻖ ﻗﺎﺯﺍﻥ ﺗﯧﮕﯩﺪﻩ ﻳﺎﺷﺎﯞﺍﺗﻘﺎﻧﺪﻩﻙ ﻫﯧﺲ ﻗﯩﻠﻤﺎﻗﺘﺎ" ﺩﻩﭖ ﺑﯩﻠﺪﯛﺭﻣﻪﻛﺘﻪ.

ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﯞﻩﻛﯩﻠﻰ ﺑﻮﻟﯘﭖ ﺳﺎﻳﻼﻧﻐﺎﻥ ﻟﻰ ﺟﻰ "ﮔﻪﺭﭼﻪ 2000 ‏- ﻳﯩﻠﯩﺪﯨﻦ ﺑﯘﻳﺎﻥ ﺷﻪﻫﻪﺭﻟﯩﻚ ﻫﯚﻛﯜﻣﻪﺕ ' ﻛﯚﻙ ﺋﺎﺳﻤﺎﻥ ﺋﯩﻨﺸﺎﺋﺎﺗﻰ' ﭘﯩﻼﻧﻰ ﺑﻮﻳﯩﭽﻪ، 490 ﻣﯩﻠﻴﻮﻥ ﻳﯜﻩﻥ ﻣﻪﺑﻠﻪﻍ ﺳﯧﻠﯩﭗ، 3000 ﺩﯨﻦ ﺋﺎﺭﺗﯘﻕ ﻛﯚﻣﯜﺭﻧﻰ ﻳﯧﻘﯩﻠﻐﯘ ﻗﯩﻠﯩﺪﯨﻐﺎﻥ ﭘﺎﺭ ﻗﺎﺯﺍﻧﻠﯩﺮﯨﻨﻰ ﻳﻮﻗﺎﺗﻘﺎﻥ ﺑﻮﻟﺴﯩﻤﯘ، ﻫﺎﺯﯨﺮﻧﯩﯔ ﺋﯚﺯﯨﺪﻩ ﺑﯘ ﺧﯩﻞ ﻛﯚﻣﯜﺭﻧﻰ ﻳﯧﻘﯩﻠﻐﯘ ﻗﯩﻠﯩﺪﯨﻐﺎﻥ ﭘﺎﺭ ﻗﺎﺯﯨﻨﯩﺪﯨﻦ ﻳﻪﻧﻪ 5000 ﺩﯨﻦ ﺋﺎﺭﺗﯘﻗﻰ ﺑﻮﻟﯘﭖ، ﺋﯘﻻﺭﺩﯨﻦ ﭼﯩﻘﯩﯟﺍﺗﻘﺎﻥ ﻗﺎﺭﺍ ﺗﯜﺗﯜﻥ ﭘﯜﺗﯜﻥ ﺷﻪﻫﻪﺭﻧﻰ ﻗﺎﭘﻠﯩﻤﺎﻗﺘﺎ" ﺩﻩﭖ ﺑﯩﻠﺪﯛﺭﮔﻪﻥ.

"ﺷﯩﻨﺠﺎﯓ ﮔﯧﺰﯨﺘﻰ" ﻣﯘﺧﺒﯩﺮﯨﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﻫﺎﺯﯨﺮ ﺋﯜﺭﯛﻣﭽﯩﺪﻩ ﭼﻮﯓ ‏- ﻛﯩﭽﯩﻚ ﻫﻪﺭﺧﯩﻞ ﺋﯩﺴﺴﯩﺘﯩﺶ ﺋﯜﺳﻜﯜﻧﯩﻠﯩﺮﯨﻨﯩﯔ ﻛﯚﭖ ﺳﺎﻧﺪﯨﻜﯩﺴﻰ ﻛﯚﻣﯜﺭﮔﻪ ﺗﺎﻳﯩﻨﯩﺪﯨﻜﻪﻥ ﻫﻪﺗﺘﺎ ﺟﯘ ﺟﻴﺎﯞﻩﻥ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﺋﺎﺋﯩﻠﯩﻠﯩﻜﻠﻪﺭﻧﯩﯔ ﭘﺎﺭ ﻗﺎﺯﺍﻧﻠﯩﺮﯨﻤﯘ ﭘﯜﺗﯜﻧﻠﻪﻱ ﻛﯚﻣﯜﺭﻧﻰ ﻳﯧﻘﯩﻠﻐﯘ ﻗﯩﻠﯩﺪﯨﻜﻪﻥ. ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ، ﺋﯧﻨﯧﺮﮔﯩﻴﯩﺪﯨﻦ ﭘﺎﻳﺪﯨﻠﯩﻨﯩﺶ ﺋﯜﻧﯜﻣﯩﻨﯩﯔ ﺗﯚﯞﻩﻧﻠﯩﻜﻰ ﯞﻩ ﺋﯩﺴﺮﺍﭘﭽﯩﻠﯩﻘﯩﻤﯘ ﻗﯩﺶ ﭘﻪﺳﻠﯩﺪﯨﻜﻰ ﻫﺎﯞﺍﻧﯩﯔ ﺑﯘﻟﻐﯩﻨﯩﺸﯩﻐﺎ ﺳﻪﯞﻩﺑﭽﻰ ﺑﻮﻟﯘﭖ ﻗﺎﻟﻐﺎﻥ.

ﺑﯘﻟﻐﯩﻨﯩﺶ ﻛﯩﺸﯩﻠﻪﺭﻧﻰ ﺋﺎﺯﺍﺑﻐﺎ ﺩﯗﭼﺎﺭ ﻗﯩﻠﻤﺎﻗﺘﺎ

ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺋﯜﺭﯛﻣﭽﻰ ﺷﻪﻫﯩﺮﯨﺪﯨﻜﻰ ﺑﯩﺮ ﺯﯨﻴﺎﻟﯩﻲ ﺋﺎﻳﺎﻝ ﻣﻪﺯﻛﯘﺭ ﺷﻪﻫﻪﺭﺩﯨﻜﻰ ﻫﺎﯞﺍﻧﯩﯔ ﺑﯘ ﻳﯩﻞ ﻗﯩﺶ ﭘﻪﺳﻠﯩﻨﯩﯔ ﻳﯧﺘﯩﭗ ﻛﯧﻠﯩﺸﻰ ﺑﯩﻠﻪﻥ ﻛﯜﻧﺴﯧﺮﻯ ﺋﯧﻐﯩﺮﻟﯩﺸﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ، ﺑﻮﻟﯘﭘﻤﯘ ﻳﯧﻘﯩﻨﻘﻰ ﺑﯩﺮ ‏- ﺋﯩﻜﻜﻰ ﺋﺎﻳﺪﯨﻦ ﺑﯘﻳﺎﻥ ﺑﯘ ﺧﯩﻞ ﺑﯘﻟﻐﺎﻧﻐﺎﻥ ﻫﺎﯞﺍ ﺗﯜﭘﻪﻳﻠﯩﺪﯨﻦ ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﺏ ﺗﯩﭙﻠﯩﻚ ﻏﻪﻳﺮﻯ ﺯﯗﻛﺎﻡ ﺧﺎﺭﺍﻛﺘﯧﺮﻟﯩﻚ ﻧﻪﭘﻪﺱ ﻳﻮﻟﻰ ﻛﯧﺴﻪﻟﻠﯩﻜﻰ ﺗﺎﺭﻗﯩﻠﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﺳﯚﺯﻟﻪﭖ ﺑﻪﺭﺩﻯ. ﺋﯘ ﻳﻪﻧﻪ ﺋﯚﺯﯨﻨﯩﯖﻤﯘ ﻳﯧﻘﯩﻨﺪﺍ ﺑﯘ ﺧﯩﻞ ﻛﯧﺴﻪﻝ ﺑﯩﻠﻪﻥ ﺩﻭﺧﺘﯘﺭﺧﺎﻧﯩﺪﺍ ﻳﯧﺘﯩﭗ ﭼﯩﻘﻘﺎﻧﻠﯩﻘﯩﻨﻰ ﺳﯚﺯﻟﻪﭖ ﻛﯧﻠﯩﭗ، ﻫﺎﺯﯨﺮ ﺋﯜﺭﯛﻣﭽﯩﺪﯨﻜﻰ ﺩﻭﺧﺘﯘﺭﺧﺎﻧﯩﻼﺭﻧﯩﯔ ﻫﻪﻣﻤﯩﺴﻰ ﺩﯦﮕﯩﺪﻩﻙ ﺑﯘ ﺧﯩﻞ ﻛﯧﺴﻪﻟﻠﯩﻜﻜﻪ ﮔﯩﺮﯨﭙﺘﺎﺭ ﺑﻮﻟﻐﺎﻥ ﺑﯩﻤﺎﺭﻻﺭ ﺑﯩﻠﻪﻥ ﺗﻮﺷﯘﭖ ﻛﻪﺗﻜﻪﻧﻠﯩﻜﯩﻨﻰ ﻣﻪﻟﯘﻡ ﻗﯩﻠﺪﻯ.

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯘ ﺯﯨﻴﺎﻟﯩﻲ ﺋﺎﻳﺎﻝ ﺳﯚﻫﺒﻪﺕ ﺟﻪﺭﻳﺎﻧﯩﺪﺍ، ﻳﻪﻧﻪ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭﻧﯩﯔ ﺑﯘ ﺧﯩﻞ ﺑﯘﻟﻐﺎﻧﻐﺎﻥ ﻫﺎﯞﺍﺩﯨﻦ ﻛﯧﻠﯩﭗ ﭼﯩﻘﻘﺎﻥ ﻛﯧﺴﻪﻟﮕﻪ ﮔﯩﺮﯨﭙﺘﺎﺭ ﺑﻮﻟﯘﭖ، ﯞﺍﻗﺘﯩﺪﺍ ﺩﺍﯞﺍﻻﻧﻤﯩﻐﺎﻧﻠﯩﻘﺘﯩﻦ، ﻫﺎﻳﺎﺗﯩﺪﯨﻦ ﺋﺎﻳﺮﯨﻠﯩﭗ ﻗﯧﻠﯩﯟﺍﺗﻘﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﯩﭗ، ﺋﯚﺯﯨﻨﯩﯔ ﺑﯘ ﺧﯩﻞ ﺋﻪﻫﯟﺍﻟﺪﯨﻦ ﻗﺎﺗﺘﯩﻖ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﯜﺭﯛﻣﭽﯩﻨﯩﯔ ﻫﺎﯞﺍ ﺑﯘﻟﻐﯩﻨﯩﺸﻰ ﻣﯘﺷﯘﻧﺪﺍﻕ ﺋﯧﻐﯩﺮ ﻫﺎﻟﻪﺗﺘﻪ ﺑﻮﻟﺴﯩﻤﯘ، ﻣﻪﺯﻛﯘﺭ ﺟﺎﻳﺪﺍ، ﺧﯩﺘﺎﻳﻼﺭﻧﯩﯔ ﭼﺎﻏﺎﻥ ﺑﺎﻳﺮﯨﻤﯩﻨﯩﯔ ﻳﯧﺘﯩﭗ ﻛﯧﻠﯩﺸﯩﻨﻰ ﻗﺎﺭﺷﻰ ﺋﯧﻠﯩﺶ ﺋﯜﭼﯜﻥ، ﺑﯘﻟﺘﯘﺭﻗﯩﺪﯨﻦ ﺋﯜﭺ ﻫﻪﺳﺴﻪ ﻛﯚﭖ ﺳﺎﻧﺪﺍ ﺳﺎﻟﻴﻮﺕ ﺑﺎﺯﺍﺭﻏﺎ ﺳﯧﻠﯩﻨﻤﺎﻗﺘﺎ ﺋﯩﻜﻪﻥ.

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯜﺭﯛﻣﭽﯩﻠﯩﻚ ﺯﯨﻴﺎﻟﯩﻲ ﺋﺎﻳﺎﻝ "ﺋﯜﺭﯛﻣﭽﯩﻨﯩﯔ ﻫﺎﯞﺍﺳﻰ ﺑﯘﻧﺪﯨﻦ ﺋﯩﻠﮕﯩﺮﻯ ﻫﯧﭽﻘﺎﭼﺎﻥ ﺑﯘ ﺩﻩﺭﯨﺠﯩﺪﻩ ﺋﯧﻐﯩﺮ ﺑﻮﻟﯘﭖ ﺑﺎﻗﻤﯩﻐﺎﻥ. ﻳﯧﻘﯩﻨﻘﻰ ﺑﯩﺮ ‏- ﺋﯩﻜﻜﻰ ﻳﯩﻠﺪﯨﻦ ﺑﯘﻳﺎﻥ، ﺑﻮﻟﯘﭘﻤﯘ ﺑﯘ ﻳﯩﻞ ﺋﯜﺭﯛﻣﭽﯩﻨﯩﯔ ﻫﺎﯞﺍ ﻣﯘﻫﯩﺘﻰ ﺋﺎﺩﻩﻣﻨﻰ ﭼﯚﭼﯜﺗﻜﯜﺩﻩﻙ ﺩﻩﺭﯨﺠﯩﺪﻩ ﺑﯘﻟﻐﯩﻨﯩﺸﻘﺎ ﺑﺎﺷﻠﯩﺪﻯ. ﺑﯘ، ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻦ ﺋﯧﻘﯩﭗ ﻛﯧﻠﯩﯟﺍﺗﻘﺎﻥ، ﺋﯚﺯ ﻣﻪﻧﭙﻪﺋﯩﺘﯩﻨﯩﻼ ﺋﻮﻳﻼﭖ، ﺋﻪﺗﺮﺍﭘﺘﯩﻜﻰ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﭗ ﻛﯧﺘﯩﺸﻰ ﺑﯩﻠﻪﻥ ﻛﺎﺭﻯ ﺑﻮﻟﻤﺎﻳﯟﺍﺗﻘﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﺑﺎﺭﻏﺎﻧﺴﯧﺮﻯ ﻛﯚﭘﻪﻳﮕﻪﻧﻠﯩﻜﯩﺪﯨﻦ ﺑﻮﻟﯘﯞﺍﺗﯩﺪﯗ " ﺩﻩﭖ ﺑﯩﻠﺪﯛﺭﺩﻯ. (ﻣﯧﻬﺮﯨﺒﺎﻥ)