ﻛﯧﺮﯨﻴﻪ ﯞﻩ ﭼﯩﺮﺍ ﻧﺎﻫﯩﻴﯩﻠﯩﺮﯨﺪﻩ ﻗﺎﺗﺘﯩﻖ ﻳﻪﺭ ﺗﻪﯞﺭﯨﺪﻯ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻳﻪﺭ ﺗﻪﯞﺭﯨﮕﻪﻥ ﺋﻮﺭﯗﻧﻨﯩﯔ ﺧﻪﺭﯨﺘﯩﺪﯨﻜﻰ ﺋﻮﺭﻧﻰ. RFA Photo

ﺋﯘﻳﻐﯘﺭ ﺋﯧﻠﯩﮕﻪ ﺩﺍﺋﯩﺮ ﺋﯘﭼﯘﺭ ﻣﻪﻧﺒﻪﻟﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺑﺎﻫﺎﺭﻧﯩﯔ ﺑﯩﺮﯨﻨﭽﻰ ﻛﯜﻧﻰ ﻳﻪﻧﻰ 21 - ﻣﺎﺭﺕ ﺳﻪﻫﻪﺭ ﯞﺍﻗﺘﻰ ﺗﯚﺕ ﻳﯧﺮﯨﻢ ﺋﻪﺗﺮﺍﭘﯩﺪﺍ، ﺧﻮﺗﻪﻧﻨﯩﯔ ﻛﯧﺮﯨﻴﻪ ﯞﻩ ﭼﯩﺮﺍ ﻧﺎﻫﯩﻴﯩﻠﯩﺮﯨﻨﻰ ﻣﻪﺭﻛﻪﺯ ﻗﯩﻠﯩﭗ 7.3 ﺑﺎﻝ ﻳﻪﺭ ﺗﻪﯞﺭﯨﮕﻪﻥ. ﻳﻪﻧﻪ ﺑﯩﺮ ﻗﺎﻧﭽﻪ ﺳﺎﺋﻪﺗﺘﯩﻦ ﻛﯧﻴﯩﻨﻤﯘ 14 ﻗﯧﺘﯩﻢ ﻗﺎﻟﺪﯗﻕ ﻳﻪﺭ ﺗﻪﯞﺭﻩﺵ ﻛﯚﺭﯛﻟﮕﻪﻥ. ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ ﻳﻪﺭ ﺗﻪﯞﺭﻩﺷﻨﯩﯔ ﺗﻪﺳﯩﺮﻯ ﺑﯩﺮ ﻗﻪﺩﻩﺭ ﺋﯧﻐﯩﺮ ﺑﻮﻟﻐﺎﻥ ﺭﺍﻳﻮﻧﻼﺭ ﭼﻪﺕ ﻳﺎﻗﺎ ﻳﯧﺰﺍ ﻳﺎﻛﻰ ﺗﺎﻏﻠﯩﻖ ﻛﻪﻧﺘﻠﻪﺭ ﺑﻮﻟﻐﺎﭼﻘﺎ، ﻳﻪﺭ ﺗﻪﯞﺭﻩﺷﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺋﺎﭘﻪﺕ، ﻫﻪﻣﺪﻩ ﺋﺎﻣﻤﯩﻨﯩﯔ ﺋﻪﻫﯟﺍﻟﯩﻨﻰ ﺋﯩﮕﯩﻠﻪﺷﻤﯘ ﺑﯩﺮ ﻗﻪﺩﻩﺭ ﻣﯜﺷﻜﯜﻝ ﺑﻮﻟﻤﺎﻗﺘﺎ.

7.3 ﺑﺎﻝ ﻳﻪﺭ ﺗﻪﯞﺭﯨﮕﻪﻧﺪﯨﻦ ﺑﺎﺷﻘﺎ 14 ﻗﯧﺘﯩﻢ ﻗﺎﻟﺪﯗﻕ ﻳﻪﺭ ﺗﻪﯞﺭﯨﺪﻯ

ﺧﯩﺘﺎﻱ ﺩﯙﻟﻪﺗﻠﯩﻚ ﻳﻪﺭ ﺗﻪﯞﺭﻩﺷﻨﻰ ﻛﯚﺯﯨﺘﯩﺶ ﺋﯩﺪﺍﺭﯨﺴﻰ ﯞﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻳﻪﺭ ﺗﻪﯞﺭﻩﺷﻨﻰ ﻛﯚﺯﯨﺘﯩﺶ ﺋﯩﺪﺍﺭﯨﻠﯩﺮﯨﻨﯩﯔ ﺋﯧﻼﻥ ﻗﯩﻠﯩﺸﯩﭽﻪ، 3 - ﺋﺎﻳﻨﯩﯔ 21 - ﻛﯜﻧﻰ ﻳﻪﻧﻰ ﻧﻮﺭﯗﺯ ﺑﺎﻳﺮﯨﻤﯩﻨﯩﯔ ﺑﯩﺮﯨﻨﭽﻰ ﻛﯜﻧﻰ ﺳﻪﻫﻪﺭ ﺗﯚﺗﺘﯩﻦ 33 ﻣﯩﻨﯘﺕ ﺋﯚﺗﻜﻪﻧﺪﻩ ﺧﻮﺗﻪﻧﻨﯩﯔ ﻛﯧﺮﯨﻴﻪ ﻧﺎﻫﯩﻴﯩﺴﻰ ﺑﯩﻠﻪﻥ ﭼﯩﺮﺍ ﻧﺎﻫﯩﻴﯩﺴﻰ ﭼﯧﮕﺮﯨﺴﯩﺪﺍ 7.3 ﺑﺎﻝ ﻳﻪﺭ ﺗﻪﯞﺭﯨﮕﻪﻧﺪﯨﻦ ﻛﯧﻴﯩﻦ ﺳﺎﺋﻪﺕ ﺳﻪﻛﻜﯩﺰﮔﻪ ﻗﻪﺩﻩﺭ ﻳﻪﻧﻪ 6 ﺑﺎﻝ ﺋﻪﺗﺮﺍﭘﯩﺪﺍ 14 ﻗﯧﺘﯩﻢ ﻗﺎﻟﺪﯗﻕ ﻳﻪﺭ ﺗﻪﯞﺭﻩﺵ ﻫﺎﻟﯩﺘﻰ ﻛﯚﺭﯛﻟﮕﻪﻥ ﺑﻮﻟﯘﭖ، ﺋﺎﺩﻩﺗﺘﻪ ﻗﺎﻟﺪﯗﻕ ﻳﻪﺭ ﺗﻪﯞﺭﻩﺵ ﻛﯜﭼﻠﯜﻙ ﻳﻪﺭ ﺗﻪﯞﺭﻩﺷﺘﯩﻦ ﻛﯧﻴﯩﻦ ﻧﻮﺭﻣﺎﻝ ﻛﯚﺭﯛﻟﯩﺪﯨﻐﺎﻥ ﺋﺎﺟﯩﺰﻻﺵ ﺑﺎﺳﻘﯘﭼﻰ ﺋﯩﻜﻪﻥ. ﺧﻮﺗﻪﻧﺪﻩ ﻳﯜﺯ ﺑﻪﺭﮔﻪﻥ ﺑﯘ ﻗﯧﺘﯩﻤﻠﯩﻖ ﻳﻪﺭ ﺗﻪﯞﺭﻩﺵ ﻫﺎﺩﯨﺴﯩﺴﻰ ﭼﻪﺗﺌﻪﻝ ﺋﺎﺧﺒﺎﺭﺍﺗﻠﯩﺮﯨﻨﯩﯖﻤﯘ ﺩﯨﻘﻘﯩﺘﯩﻨﻰ ﺗﺎﺭﺍﺗﺘﻰ. ﺋﻪﻧﮕﯩﻠﯩﻴﻪ ﺏ ﺏ ﺱ ﺭﺍﺩﯨﺌﻮ ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﺸﯩﭽﻪ ﺋﺎﻣﯧﺮﯨﻜﺎ ﻳﻪﺭ ﺗﻪﯞﺭﻩﺷﻨﻰ ﻛﯚﺯﯨﺘﯩﺶ ﺋﻮﺭﮔﺎﻧﻠﯩﺮﻯ ﺑﯜﮔﯜﻥ ﺳﻪﻫﻪﺭ ﺧﻮﺗﻪﻧﺪﻩ ﻳﯜﺯ ﺑﻪﺭﮔﻪﻥ ﻳﻪﺭ ﺗﻪﯞﺭﻩﺷﻨﯩﯔ 7.2 ﺑﺎﻟﻐﺎ ﻳﻪﺗﻜﻪﻧﻠﯩﻜﯩﻨﻰ ﻫﯧﺴﺎﺑﻼﭖ ﭼﯩﻘﻘﺎﻥ.

ﻳﻪﺭ ﺗﻪﯞﺭﻩﺵ ﻣﯘﺗﻪﺧﻪﺳﺴﯩﺴﻠﯩﺮﻯ ﺋﺎﺩﻩﺗﺘﻪ 7.3ﺑﺎﻝ ﻗﺎﺗﺘﯩﻖ ﻳﻪﺭ ﺗﻪﯞﺭﻩﺷﻨﯩﯔ ﺧﯧﻠﻰ ﺯﻭﺭ ﺋﺎﭘﻪﺕ ﭘﻪﻳﺪﺍ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﻏﺎ ﻗﻮﻳﻤﺎﻗﺘﺎ.

ﺋﺎﭘﻪﺗﻨﯩﯔ ﺋﻪﻣﻪﻟﯩﻲ ﺋﻪﻫﯟﺍﻟﻰ ﻫﺎﺯﯨﺮﻏﯩﭽﻪ ﻣﻪﻟﯘﻡ ﺋﻪﻣﻪﺱ

ﺑﯩﺰ ﺑﯘ ﻳﻪﺭ ﺗﻪﯞﺭﻩﺷﻨﯩﯔ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺯﯨﻴﺎﻧﻠﯩﺮﻯ ﻫﻪﻣﺪﻩ ﻳﻪﺭ ﺗﻪﯞﺭﻩﺵ ﺭﺍﻳﻮﻧﯩﺪﯨﻜﻰ ﺋﺎﻣﻤﯩﻨﯩﯔ ﺋﻪﻫﯟﺍﻟﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ﻛﯩﺮﯨﻴﻪ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺋﯩﺸﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ. ﺑﯩﺮ ﺧﯩﺘﺎﻱ ﻛﺎﺩﯨﺮ ﻳﻪﺭ ﺗﻪﯞﺭﻩﺷﻨﯩﯔ ﻛﯧﺮﯨﻴﻪ ﯞﻩ ﭼﯩﺮﺍ ﻧﺎﻫﯩﻴﯩﺴﯩﻨﯩﯔ ﺋﺎﻻﻗﻪ ﺋﯘﭼﯘﺭ ﯞﺍﺳﺘﯩﻠﯩﺮﻯ ﺋﯘﻻﻧﻤﯩﻐﺎﻥ ﻗﺎﺗﻨﺎﺵ ﻗﻮﻻﻳﺴﯩﺰ ﺑﻮﻟﻐﺎﻥ ﺗﺎﻏﻠﯩﻖ ﻛﻪﻧﺘﻠﻪﺭﺩﻩ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺷﯘ ﺳﻪﯞﻩﺑﻠﯩﻚ ﻫﺎﺯﯨﺮﻏﯩﭽﻪ ﺋﺎﭘﻪﺕ ﺋﻪﻫﯟﺍﻟﯩﺪﯨﻦ ﺋﯧﻨﯩﻖ ﺋﯩﺴﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺕ ﺋﯧﻠﯩﻨﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﻛﺎﺩﯨﺮ ﻳﻪﻧﻪ "ﻛﯧﺮﯨﻴﻪ ﯞﻩ ﭼﯩﺮﺍ ﻧﺎﻫﯩﻴﯩﻠﯩﺮﯨﺪﻩ ﻳﻪﺭ ﺗﻪﯞﺭﻩﺵ ﺋﺎﭘﯩﺘﯩﮕﻪ ﺋﯘﭼﺮﯨﻐﺎﻥ ﺗﺎﻏﻠﯩﻖ ﻛﻪﻧﺘﻠﻪﺭﺩﻩ ﺋﻮﻟﺘﯘﺭﺍﻗﻼﺷﻘﺎﻧﻼﺭ ﻫﻪﻣﻤﯩﺴﻰ ﺋﯘﻳﻐﯘﺭﻻﺭ" ﺩﻩﭖ ﺑﯩﻠﺪﯛﺭﺩﻯ.

ﺑﯩﺰ ﺋﯘﻧﯩﯖﺪﯨﻦ ﻳﻪﺭ ﺗﻪﯞﺭﻩﺷﺘﯩﻦ ﺋﺎﻟﺪﯨﻦ ﺧﻪﯞﻩﺭﻟﻪﻧﮕﻪﻥ ﺧﻪﯞﻩﺭﻟﻪﻧﻤﯩﮕﻪﻧﻠﯩﻜﯩﻨﻰ ﺳﻮﺭﯨﻐﯩﻨﯩﻤﯩﺰﺩﺍ ﺋﯘ "ﺑﯩﺰﻧﯩﯔ ﻧﺎﻫﯩﻴﯩﺪﻩ ﻳﻪﺭ ﺗﻪﯞﺭﻩﺷﻨﻰ ﻛﯚﺯﯨﺘﯩﺶ ﺋﯩﺪﺍﺭﯨﺴﻰ ﻳﻮﻕ، ﺧﻮﺗﻪﻥ ﯞﯨﻼﻳﯩﺘﯩﺪﯨﻨﻤﯘ ﺧﻪﯞﻩﺭ ﻛﻪﻟﻤﯩﮕﻪﻥ" ﺩﯦﺪﻯ. ﯞﻩ ﻧﯚﯞﻩﺗﺘﻪ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻮﺭﮔﺎﻧﻼﺭﺩﯨﻦ ﻛﺎﺩﯨﺮﻻﺭﻧﯩﯔ ﻳﯧﺘﯩﭗ ﻛﯧﻠﯩﭗ ﻳﯩﻐﯩﻦ ﺋﯧﭽﯩﺶ ﺋﺎﻟﺪﯨﺪﺍ ﺗﯘﺭﻏﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺯﯨﻴﺎﺭﯨﺘﯩﻤﯩﺰﮔﻪ ﺧﺎﺗﯩﻤﻪ ﺑﻪﺭﺩﻯ.

ﺳﻪﻫﻪﺭﺩﻩ ﺳﯩﻠﻜﯩﻨﮕﻪﻥ ﺋﺎﻣﻤﺎ ﺗﻪﺷﯟﯨﺸﺘﻪ

ﺑﯩﺰ ﻳﻪﻧﻪ ﻳﻪﺭ ﺗﻪﯞﺭﻩﺵ ﻳﯜﺯ ﺑﻪﺭﮔﻪﻥ ﻛﯧﺮﯨﻴﻪ ﻧﺎﻫﯩﻴﯩﺴﯩﺪﯨﻜﻰ ﺋﺎﻣﻤﯩﺪﯨﻦ ﺋﻪﻫﯟﺍﻝ ﺋﯩﮕﯩﻠﻪﺷﻜﻪ ﺗﯩﺮﯨﺸﺘﯘﻕ : ﻳﻪﺭ ﺗﻪﯞﺭﻩﺷﻨﯩﯔ ﺗﻪﺳﯩﺮﻯ ﺑﯩﺮ ﻗﻪﺩﻩﺭ ﻛﯜﭼﻠﯜﻙ ﺑﻮﻟﻐﺎﻥ ﻛﯧﺮﯨﻴﻪﻧﯩﯔ ﺟﻪﻧﯘﺑﯩﻐﺎ ﺟﺎﻳﻼﺷﻘﺎﻥ ﺋﺎﺗﭽﺎﻥ ﻳﯧﺰﯨﺴﯩﺪﯨﻦ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺋﻮﺗﺘﻮﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﻰ، ﻳﻪﺭ ﺗﻪﯞﺭﻩﺷﺘﻪ ﺳﯩﻨﯩﭙﻼﺭﻧﯩﯔ ﺗﺎﻣﻠﯩﺮﯨﻐﺎ ﺩﻩﺯ ﻛﻪﺗﻜﻪﭼﻜﻪ ﻣﻪﻛﺘﻪﭘﺘﯩﻦ ﺩﻩﺭﺱ ﺗﻮﺧﺘﺎﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯩﺰ ﺋﺎﻣﻤﯩﺪﯨﻦ ﺋﯩﮕﯩﻠﯩﮕﻪﻥ ﺋﯘﭼﯘﺭﻻﺭﻏﺎ ﺋﺎﺳﺎﺳﻪﻥ ﻳﻪﺭ ﺗﻪﯞﺭﻩﺷﻨﯩﯔ ﺗﻪﺳﯩﺮﻯ ﺋﯧﻐﯩﺮ ﺑﻮﻟﻐﺎﻥ ﺗﺎﻏﻠﯩﻖ ﻛﻪﻧﺘﻠﻪﺭﺩﯨﻦ ﻟﯘﺷﺘﺎﻍ ﻛﻪﻧﺘﻰ، ﺗﯘﻟﯘ ﻛﻪﻧﺘﻠﯩﺮﯨﮕﻪ ﺗﯧﻠﯧﻔﻮﻥ ﻗﯩﻠﯩﭗ ﻛﯚﺭﮔﻪﻥ ﺑﻮﻟﺴﺎﻗﻤﯘ، ﺑﯘ ﺟﺎﻳﻼﺭﻧﯩﯔ ﺗﯧﻠﯧﻔﻮﻥ ﺳﯩﻤﻠﯩﺮﯨﻤﯘ ﻛﺎﺷﯩﻠﯩﻐﺎ ﺋﯘﭼﺮﯨﻐﺎﻥ ﺑﻮﻟﯘﭖ، ﺋﺎﻻﻗﯩﻠﯩﺸﯩﺶ ﻣﯘﻣﻜﯩﻦ ﺑﻮﻟﻤﯩﺪﻯ.

ﺧﻮﺗﻪﻥ ﯞﯨﻼﻳﯩﺘﻰ ﺋﯘﻳﻐﯘﺭﻻﺭ ﻧﻮﭘﯘﺱ ﺟﻪﻫﻪﺗﺘﻪ ﺋﻪﯓ ﺯﯨﭻ ﺋﻮﻟﺘﯘﺭﺍﻗﻼﺷﻘﺎﻥ ﯞﯨﻼﻳﻪﺕ ﺑﻮﻟﯘﭖ، ﺧﯩﺘﺎﻳﻨﯩﯔ ﺋﯧﻼﻥ ﻗﯩﻠﯩﺸﯩﭽﻪ ﺧﻮﺗﻪﻥ ﯞﯨﻼﻳﯩﺘﯩﻨﯩﯔ ﺋﻮﻣﯘﻣﯩﻲ ﻧﻮﭘﯘﺳﻰ ﺋﯩﻜﻜﻰ ﻣﯩﻠﻴﻮﻥ 300 ﻣﯩﯔ، ﺑﯘﻧﯩﯔ ﺋﯩﭽﯩﺪﻩ ﺋﯘﻳﻐﯘﺭﻻﺭﻧﯩﯔ ﺋﯩﮕﯩﻠﯩﮕﻪﻥ ﻧﻮﭘﯘﺳﻰ %95 ﻛﻪ ﻳﯧﺘﯩﺪﯗ. ﺧﻮﺗﻪﻥ ﺷﻪﻫﻪﺭ ﺋﯩﭽﯩﻨﯩﯔ ﻣﻪﺯﻛﯘﺭ ﻳﻪﺭ ﺗﻪﯞﺭﻩﺵ ﻫﺎﺩﯨﺴﯩﺴﯩﻨﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﺵ ﺋﻪﻫﯟﺍﻟﯩﻨﻰ ﺋﯩﮕﯩﻠﻪﺵ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺷﻪﻫﻪﺭﺩﻩ ﺋﻮﻟﺘﯘﺭﯗﺷﻠﯘﻕ ﺑﯩﺮ ﻗﯩﺰ ﻳﻪﺭ ﺗﻪﯞﺭﻩﺷﻨﯩﯔ ﺷﻪﻫﻪﺭﮔﻪ ﺗﻪﺳﯩﺮ ﭘﻪﻳﺪﺍ ﻗﯩﻠﻤﯩﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺯﯨﻴﺎﻥ ﺑﯘﻧﯩﯖﺪﯨﻨﻤﯘ ﺋﯧﻐﯩﺮ ﺑﻮﻟﯩﺸﻰ ﻣﯘﻣﻜﯩﻦ

ﺋﯘﻳﻐﯘﺭ ﺋﯧﻠﯩﻨﯩﯔ ﺧﻪﯞﻩﺭ ﺗﻮﺭ ﺑﻪﺗﻠﯩﺮﯨﺪﻩ ﺧﻮﺗﻪﻧﺪﻩ ﻳﯜﺯ ﺑﻪﺭﮔﻪﻥ ﻳﻪﺭ ﺗﻪﯞﺭﻩﺵ ﺋﺎﭘﯩﺘﻰ ﻫﻪﻗﻘﯩﺪﻩ ﺩﻩﺳﻠﻪﭘﻜﻰ ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ،ﺑﯘ ﻗﯧﺘﯩﻤﻘﻰ ﻳﻪﺭ ﺗﻪﯞﺭﻩﺷﻨﯩﯔ ﺗﻪﺳﯩﺮﻯ ﺧﻮﺗﻪﻥ ﯞﯨﻼﻳﯩﺘﯩﺪﯨﻜﻰ ﻛﯧﺮﯨﻴﻪ، ﭼﯩﺮﺍ ﯞﻩ ﻟﻮﭖ ﻧﺎﻫﯩﻴﯩﺴﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻳﻪﺭ ﺗﻪﯞﺭﻩﺵ ﺭﺍﻳﻮﻧﯩﺪﺍ ﻳﯩﮕﯩﺮﻣﻪ ﻣﯩﯔ 480 ﺋﺎﺋﯩﻠﻪ، ﺟﻪﻣﺌﯩﻲ، 44ﻣﯩﯔ 365 ﺋﺎﺩﻩﻡ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ. 87 ﺋﺎﺋﯩﻠﯩﻨﯩﯔ ﺟﻪﻣﺌﯩﻲ 201 ﺋﯧﻐﯩﺰ ﺋﯚﻳﻰ ﺋﯚﺭﯛﻟﮕﻪﻥ. ﻳﻪﻧﻪ 1987 ﺋﯧﻐﯩﺰ ﺋﯚﻱ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﺩﻩﺯ ﻛﻪﺗﻜﻪﻥ ﻫﻪﻡ ﺑﯘﺯﯗﻟﻐﺎﻥ. ﺗﻮﻟﯘﻕ ﺑﻮﻟﻤﯩﻐﺎﻥ ﺳﺎﻧﻠﯩﻖ ﻣﻪﻟﯘﻣﺎﺗﻘﺎ ﺋﺎﺳﺎﺳﻼﻧﻐﺎﻧﺪﺍ ﺑﯩﯟﺍﺳﺘﻪ ﻛﯧﻠﯩﭗ ﭼﯩﻘﻘﺎﻥ ﺋﯩﻘﺘﯩﺴﺎﺩﯨﻲ ﺯﯨﻴﺎﻥ ﺋﻮﻥ ﻣﯩﻠﻴﻮﻥ 585 ﻣﯩﯔ ﻳﯜﻩﻧﮕﻪ ﻳﻪﺗﻜﻪﻥ.

ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﻫﺎﺯﯨﺮﻏﯩﭽﻪ ﻳﻪﺭ ﺗﻪﯞﺭﻩﺵ ﺋﺎﭘﯩﺘﯩﺪﻩ ﻳﺎﺭﯨﻠﯩﻨﯩﺶ ﻳﺎﻛﻰ ﺋﯚﻟﯜﻡ ﻳﯧﺘﯩﻢ ﺋﻪﻫﯟﺍﻟﻠﯩﺮﻯ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﯧﻼﻥ ﻗﯩﻠﻤﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ 2003 - ﻳﯩﻠﻰ ﻗﻪﺷﻘﻪﺭﻧﯩﯔ ﻣﺎﺭﺍﻟﺒﯧﺸﻰ ﭼﻮﯕﻘﯘﺭﭼﺎﻕ ﻳﯧﺰﯨﻠﯩﺮﯨﻨﻰ ﺋﺎﺳﺎﺱ ﻗﯩﻠﯩﭗ ﻳﻪﺭ ﺗﻪﯞﺭﻩﺵ ﺋﺎﭘﯩﺘﯩﺪﻩ ﺋﯧﻐﯩﺮ ﺋﯚﻟﯜﻡ -ﻳﯧﺘﯩﻢ ﺋﻪﻫﯟﺍﻟﻠﯩﺮﻯ ﻛﯚﺭﯛﻟﮕﻪﻧﺪﯨﻦ ﻛﯧﻴﯩﻦ،ﺷﯘ ﻳﯩﻠﯩﺪﯨﻦ ﺑﺎﺷﻼﭖ 2008 - ﻳﯩﻠﻐﯩﭽﻪ ﺑﻮﻟﻐﺎﻥ ﺑﻪﺵ ﻳﯩﻞ ﺋﯩﭽﯩﺪﻩ،ﺋﯘﻳﻐﯘﺭ ﺋﯧﻠﯩﺪﯨﻜﻰ ﺑﺎﺭﻟﯩﻖ ﻳﻪﺭ ﺗﻪﯞﺭﻩﺵ ﻫﻪﻣﺪﻩ ﺋﺎﭘﻪﺕ ﺭﺍﻳﻮﻧﻠﯩﺮﯨﻐﺎ ﺟﺎﻳﻼﺷﻘﺎﻥ ﻳﯧﺰﺍ ﻛﻪﻧﺘﻠﻪﺭﺩﯨﻜﻰ ﺋﺎﻣﻤﯩﻨﻰ ﺑﯩﺨﻪﺗﻪﺭ ﺋﯚﻳﻠﻪﺭﮔﻪ ﻛﯚﭼﯜﺭﯛﭖ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺋﯩﺪﻯ. ﺋﻪﻣﻤﺎ ﻳﻪﺭﻟﯩﻚ ﺋﺎﻣﻤﯩﻨﯩﯔ ﺋﯩﭙﺎﺩﯨﻠﯩﺸﯩﭽﻪ ﻧﯘﺭﻏﯘﻥ ﻛﻪﻧﺘﻠﻪﺭﺩﻩ ﻛﯚﭖ ﺳﺎﻧﺪﯨﻜﻰ ﻧﺎﻣﺮﺍﺕ ﺩﯦﻬﻘﺎﻧﻼﺭ ﻳﻪﻧﯩﻼ ﺧﺎﻡ ﻛﯧﺴﻪﻙ ﺋﯚﻳﻠﻪﺭﺩﻩ ﺋﻮﻟﺘﯘﺭﯗﺷﻠﯘﻕ ﺑﻮﻟﯘﭖ، ﺑﯘ ﻗﯧﺘﯩﻤﻘﻰ ﻳﻪﺭ ﺗﻪﯞﺭﻩﺷﺘﻪ ﺋﯚﻱ ﺋﯚﺭﯛﻟﯜﺵ ﺳﻪﯞﻩﺑﻠﯩﻚ ﻳﺎﺭﯨﻠﯩﻨﯩﺶ ﺋﻪﻫﯟﺍﻟﻠﯩﺮﻯ ﺋﯧﻐﯩﺮ ﺑﻮﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﻪﻟﻖ ﺋﺎﺭﯨﺴﯩﺪﺍ ﺋﺎﻏﺰﺍﻛﻰ ﺧﻪﯞﻩﺭﻟﻪﺭ ﺗﺎﺭﺍﻟﻤﺎﻗﺘﺎ ﺋﯩﻜﻪﻥ.

ﺑﯩﺰ ﺧﻮﺗﻪﻧﺪﻩ ﻳﯜﺯ ﺑﻪﺭﮔﻪﻥ ﺑﯘ ﻗﯧﺘﯩﻤﻠﯩﻖ ﻳﻪﺭ ﺗﻪﯞﺭﻩﺵ ﺋﺎﭘﯩﺘﻰ ﻫﻪﻗﻘﯩﺪﻩ ﺩﺍﯞﺍﻣﻠﯩﻖ ﻣﻪﻟﯘﻣﺎﺕ ﺋﯩﮕﯩﻠﻪﺷﻜﻪ ﺗﯩﺮﯨﺸﯩﻤﯩﺰ. (ﮔﯜﻟﭽﯧﻬﺮﻩ)