ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﺋﯩﻠﮕﯩﺮﻯ "ﺑﯚﻟﮕﯜﻧﭽﻰ"، ﺳﯧﻨﺘﻪﺑﯩﺮﺩﯨﻦ ﻛﯧﻴﯩﻦ ﺑﻮﻟﺴﺎ "ﺗﯧﺮﺭﻭﺭﭼﻰ"

• ﺋﯩﺨﺘﯩﻴﺎﺭﻯ ﻣﯘﺧﺒﯩﺮﯨﻤﯩﺰ ﻛﺎﻣﯩﻞ ﺗﯘﺭﺳﯘﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

11-ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻨﻜﻰ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﻼﺭﺩﺍ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺑﯩﺮ ﻧﻪﭘﻪﺭ ﺩﯨﻨﯩﻲ ﺯﺍﺗﻨﻰ ﺑﯘ ﺭﺍﻳﻮﻧﺪﺍ ﻳﯜﺯ ﺑﻪﺭﮔﻪﻥ ﺋﺎﺗﺎﻟﻤﯩﺶ ﺗﻪﺭﺭﻭﻟﯘﻕ ﯞﻩ ﺯﻭﺭﺍﯞﺍﻧﻠﯩﻖ ﯞﻩﻗﻪﻟﻪﺭﻧﯩﯔ ﺋﺎﺳﺎﻟﯩﻖ ﺟﺎﯞﺍﭘﻜﺎﺭﻯ ﻗﯩﻠﯩﭗ ﺗﻪﺳﯟﯨﺮﻟﻪﻧﻤﻪﻛﺘﻪ. ﺑﯧﻴﺠﯩﯖﻠﯩﻖ ﻳﺎﺯﻏﯘﭼﻰ ﺯﻫﺎﯓ ﺷﯩﻨﻨﯩﯔ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻖ ﯞﻩ ﻗﺎﺭﺷﯩﻠﯩﻖ ﻫﻪﺭﻛﻪﺗﻠﯩﺮﯨﻨﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻧﯘﻗﺘﯩﺌﯩﻨﻪﺯﯨﺮﻯ ﺑﻮﻳﯩﭽﻪ ﺋﻪﻛﺲ ﺋﻪﺗﺘﯜﺭﮔﻪﻥ ﯞﻩ 2004-ﻳﯩﻠﻰ ﺋﯧﻼﻥ ﻗﯩﻠﻐﺎﻥ "ﺩﯙﻟﻪﺗﻨﯩﯔ ﺷﻪﺭﯨﭙﻰ" ﻧﺎﻣﻠﯩﻖ ﺭﻭﻣﺎﻧﯩﺪﺍ، ﺑﯘ ﺩﯨﻨﯩﻲ ﺯﺍﺗﻨﻰ ﺋﯘﻳﻐﯘﺭﻻﺭ ﯞﻩﺗﯩﻨﯩﺪﻩ ﻳﯜﺯ ﺑﻪﺭﮔﻪﻥ ﺋﺎﺗﺎﻟﻤﯩﺶ ﺗﯧﺮﺭﻭﺭﻟﯘﻕ ﯞﻩﻗﻪﻟﯩﺮﯨﮕﻪ ﺋﺎﺭﻗﯩﺪﺍ ﺗﯘﺭﯗﭖ، ﻗﻮﻣﺎﻧﺪﺍﻧﻠﯩﻖ ﻗﯩﻠﯩﺪﯨﻐﺎﻥ، ﺗﯧﺮﺭﻭﺭﭼﯩﻼﺭﻧﯩﯔ ﻛﺎﺗﺘﯩﯟﯦﺸﻰ ﻗﯩﻠﯩﭗ ﺗﻪﺳﯟﯨﺮﻟﯩﮕﻪﻧﯩﺪﻯ.

ﻳﺎﻧﯟﺍﺭ ﺋﯧﻴﯩﻨﯩﯔ ﺑﺎﺷﻠﯩﺮﯨﺪﺍ ﭘﺎﻣﯩﺮ ﺋﯧﺘﯩﻜﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﺩﯨﻦ ﻛﯧﻴﯩﻦ، ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ، ﺋﺎﺗﺎﻟﻤﯩﺶ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﺟﯩﻨﺎﻳﻰ ﻗﯩﻠﻤﯩﺸﻠﯩﺮﯨﻨﻰ ﭘﺎﺵ ﻗﯩﻠﯩﺶ ﻣﻪﻗﺴﯩﺘﯩﺪﯨﻜﻰ ﻣﺎﻗﺎﻟﯩﻼﺭﺩﯨﻤﯘ، ﺑﯘ ﺩﯨﻨﯩﻲ ﺯﺍﺕ ﺗﻪﺭﺭﻭﺭﭼﯩﻼﺭﻧﯩﯔ ﺋﻪﯓ ﭼﻮﯓ ﻛﺎﺗﺘﯩﯟﯦﺸﻰ ﻗﯩﻠﯩﭗ ﻛﯚﺭﺳﯩﺘﯩﻠﻤﻪﻛﺘﻪ.

ﺑﺎﻟﯩﻠﯩﻖ ﯞﻩ ﻳﺎﺷﻠﯩﻖ ﺩﻩﯞﺭﯨﺪﯨﻜﻰ ﺋﺎﺑﻠﯩﻜﯩﻢ ﻣﻪﺧﺴﯘﻡ

ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﺋﻪﻳﯩﺒﻠﻪﯞﺍﺗﻘﺎﻥ ﺑﯘ ﻛﯩﺸﻰ ﺩﻩﻝ ﺋﯘﻳﻐﯘﺭﻻﺭ ﺗﻪﺭﯨﭙﯩﺪﯨﻦ ﺋﺎﻻﻫﯩﺪﻩ ﻫﯚﺭﻣﻪﺗﻠﯩﻨﯩﺪﯨﻐﺎﻥ ﺩﯨﻨﯩﻲ ﺯﺍﺕ ﻗﺎﺭﻏﯩﻠﯩﻘﻠﯩﻖ ﺋﺎﺑﻠﯩﻜﯩﻢ ﻣﻪﺧﺴﯘﻡ ﻫﺎﺟﯩﻤﺪﯗﺭ.

1924-ﻳﯩﻠﻰ ﺋﯘﻳﻐﯘﺭ ﺭﺍﻳﯘﻧﯩﻨﯩﯔ ﮔﯘﻣﺎ ﻧﺎﻫﯩﻴﯩﺴﯩﺪﻩ ﺗﯘﻏﯘﻟﻐﺎﻥ ﺋﺎﺑﻠﯩﻜﯩﻢ ﻣﻪﺧﺴﯘﻣﻨﯩﯔ ﺩﺍﺩﯨﺴﻰ ﺋﺎﺑﺪﯗﺟﯧﻠﯩﻞ ﺩﺍﻣﻮﻟﻼﻡ 30-ﻳﯩﻠﻼﺭﻧﯩﯔ ﺑﺎﺷﻠﯩﺮﯨﺪﯨﻜﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﯩﻠﻠﻰ ﺋﺎﺯﺍﺩﻟﯩﻖ ﺋﯩﻨﻘﯩﻼﺑﯩﻨﯩﯔ ﺭﻩﻫﺒﻪﺭﻟﯩﺮﯨﺪﯨﻦ، ﺗﺎﺭﯨﺨﭽﻰ ﻣﯘﻫﻪﻣﻤﻪﺕ ﺋﻪﻣﯩﻦ ﺑﯘﻏﺮﺍﻧﯩﯔ ﻳﯧﻘﯩﻦ ﺩﻭﺳﺘﻰ ﺑﻮﻟﯘﭖ، ﺋﯘ، 30-ﻳﯩﻠﻼﺭﺩﯨﻜﻰ ﺋﯩﻨﻘﯩﻼﺑﻨﯩﯔ ﺋﺎﻛﺘﯩﭗ ﺋﯩﺸﺘﺮﺍﻛﭽﯩﺴﻰ ﺋﯩﺪﻯ. ﺋﯩﻨﻘﯩﻼﭖ ﻣﻪﻏﻠﯘﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﻮﻏﻠﻰ ﺋﺎﺑﻠﯩﻜﯩﻢ ﻣﻪﺧﺴﯘﻣﻨﻰ ﺋﯧﻠﯩﭗ، ﻣﯘﻫﻪﻣﻤﻪﺕ ﺋﻪﻣﯩﻦ ﺑﯘﻏﺮﺍ ﺑﯩﻠﻪﻥ ﭼﻪﺗﺌﻪﻟﮕﻪ ﭼﯩﻘﯩﭗ ﻛﻪﺗﻜﻪﻥ ﺋﺎﺑﺪﯗﺟﯧﻠﯩﻞ ﺩﺍﻣﻮﻟﻼﻡ، ﻛﯧﻴﯩﻦ ﯞﻩﺗﯩﻨﯩﮕﻪ ﻗﺎﻳﺘﯩﭗ ﻛﻪﻟﮕﯩﻨﯩﺪﻩ ﺷﯩﯔ ﺷﯩﺴﻪﻱ ﺩﺍﺋﯩﺮﻟﯩﺮﻯ ﺗﻪﺭﯨﭙﯩﺪﯨﻦ ﻗﻮﻟﻐﺎ ﺋﯧﻠﯩﻨﯩﭗ، ﺋﯚﻟﺘﯜﺭﯛﻟﮕﻪﻥ ﯞﻩ ﻛﯩﭽﯩﻚ ﻳﺎﺷﺘﯩﻜﻰ ﺋﺎﺑﻠﯩﻜﯩﻢ ﺗﯜﺭﻣﯩﮕﻪ ﺗﺎﺷﻼﻧﻐﺎﻧﯩﺪﻯ.

ﺷﻪﺭﻗﻰ ﺗﯜﺭﻛﯩﺴﺘﺎﻧﺪﯨﻜﻰ ﺑﯩﺮ ﻗﺎﻧﭽﻪ ﻗﯧﺘﯩﻤﻠﯩﻖ ﺋﯩﻨﻘﯩﻼﺑﻨﯩﯔ ﻣﻪﻏﻠﯘﭖ ﺑﻮﻟﯘﺷﯩﺪﯨﻜﻰ ﺳﻪﯞﻩﺑﻠﯩﺮﯨﻨﯩﯔ ﺑﯩﺮﯨﻨﯩﯔ ﺧﻪﻟﻘﯩﻨﯩﯔ ﻧﺎﺩﺍﻧﻠﯩﻘﻰ ﺋﯩﻜﻪﻧﻠﯩﻜﯩﻨﻰ ﺗﻮﻧﯘﭖ ﻳﻪﺗﻜﻪﻥ ﺋﺎﺑﻠﯩﻜﯩﻢ ﻣﻪﺧﺴﯘﻡ ﺑﯘ ﺧﻪﻟﻘﻨﻰ ﺋﻮﻳﻐﯩﺘﯩﺶ ﺋﯜﭼﯜﻥ ﺩﯨﻨﯩﻲ ﯞﻩ ﭘﻪﻧﻨﻰ ﺑﯩﻠﯩﻤﻠﻪﺭﻧﻰ ﺑﯧﺮﯨﻠﯩﭗ ﺋﯚﮔﯩﻨﯩﺶ ﻛﯧﺮﻩﻛﻠﯩﻜﯩﻨﻰ ﺗﻮﻧﯘﭖ ﻳﯧﺘﯩﺪﯗ. ﺋﺎﺑﻠﯩﻜﯩﻢ ﻣﻪﺧﺴﯘﻡ ﺋﯚﺯ ﻧﺎﻫﯩﻴﯩﺴﯩﺪﯨﻜﻰ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ، ﺯﺍﻣﺎﻧﯩﺴﯩﺪﯨﻜﻰ ﺩﺍﯕﻠﯩﻖ ﺑﯩﻠﯩﻢ ﻳﯘﺭﺗﻠﯩﺮﯨﻨﯩﯔ ﺑﯩﺮﻯ ﺑﻮﻟﻐﺎﻥ "ﻗﻪﺷﻘﻪﺭ ﺧﺎﻧﻠﯩﻖ ﻣﻪﺩﺭﯨﺴﻰ" ﺩﻩ ﺋﻮﻗﯘﭖ، ﺋﯚﺯﯨﻨﯩﯔ ﺩﯨﻨﯩﻲ ﯞﻩ ﭘﻪﻧﻨﻰ ﺑﯩﻠﯩﻤﻠﯩﺮﯨﻨﻰ ﺋﺎﺷﯘﺭﯨﺪﯗ.

1944-ﻳﯩﻠﻰ 11-ﺋﺎﻳﺪﺍ ﻏﯘﻟﺠﯩﺪﺍ ﻗﯘﺭﯗﻟﻐﺎﻥ "ﺷﻪﺭﻗﻰ ﺗﯘﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ" ﻧﯩﯔ ﺋﯩﻠﻬﺎﻣﻰ ﺑﯩﻠﻪﻥ ﻗﺎﻏﯩﻠﯩﻖ ﯞﻩ ﺗﺎﺷﻘﻮﺭﻏﺎﻧﻼﺭﺩﺍ ﻛﯚﺗﯜﺭﯛﻟﮕﻪﻥ ﻗﻮﺭﺍﻟﻠﯩﻖ ﻗﻮﺯﻏﯩﻼﯕﻨﯩﯔ ﺭﻩﻫﺒﻪﺭﻟﯩﺮﯨﺪﯨﻦ ﺑﯩﺮﯨﻤﯘ ﺋﺎﺑﻠﯩﻜﯩﻢ ﻣﻪﺧﺴﯘﻡ ﺋﯩﺪﻯ. ﻗﺎﺳﯩﻤﺠﺎﻥ ﻗﻪﻣﺒﯩﺮﻯ ﺑﺎﺷﭽﯩﻠﯩﻘﯩﺪﯨﻜﻰ ﺷﻪﺭﻗﻰ ﺗﯘﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﻗﯩﺴﯩﻤﻠﯩﺮﻯ ﺟﻪﻧﯘﺑﺘﯩﻦ ﭼﯧﻜﯩﻨﮕﻪﻧﺪﯨﻦ ﻛﯧﻴﯩﻦ، ﺋﺎﺑﻠﯩﻜﯩﻢ ﻣﻪﺧﺴﯘﻡ ﺳﻪﺑﺪﺍﺷﻠﯩﺮﻯ ﺑﯩﻠﻪﻥ ﺑﯩﻠﻠﻪ ﻗﻮﻟﻐﺎ ﺋﯧﻠﯩﻨﯩﺪﯗ. ﺋﺎﻣﻤﺎ ﺋﯜﺭﯛﻣﭽﯩﺪﻩ ﻗﯘﺭﯗﻟﻐﺎﻥ "ﺑﯩﺮﻟﻪﺷﻤﻪ ﻫﯚﻛﯜﻣﻪﺕ" ﻧﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﻣﯘﻫﻪﻣﻤﻪﺕ ﺋﻪﻣﯩﻦ ﺑﯘﻏﺮﺍ ﺋﯩﻜﻜﻰ ﻳﯩﻠﺪﯨﻦ ﻛﯧﻴﯩﻦ ﺋﯘﻧﻰ ﺗﯜﺭﻣﯩﺪﯨﻦ ﻗﯘﺗﯘﻟﺪﯗﺭﯨﯟﺍﻟﯩﺪﯗ.

ﮔﻮﻣﯩﻨﺪﺍﯓ ﺩﻩﯞﺭﯨﺪﻩ ﻣﻪﻛﺘﻪﭖ ﺋﺎﭼﯩﺪﯗ، ﻛﻮﻣﭙﺎﺭﺗﯩﻴﻪ ﺩﻩﯞﺭﯨﺪﻩ ﺗﯜﺭﻣﯩﺪﻩ ﻳﺎﺗﯩﺪﯗ

ﺋﺎﺑﻠﯩﻜﯩﻢ ﻣﻪﺧﺴﯘﻡ ﻫﺎﺟﯩﻢ ﺷﯘﻧﺪﯨﻦ ﻛﯧﻴﯩﻦ ﻗﺎﻏﯩﻠﯩﻖ ﻧﺎﻫﯩﻴﯩﺴﯩﮕﻪ ﻳﻪﺭﻟﯩﺸﯩﺪﯗ ﯞﻩ ﻣﯘﻫﻪﻣﻤﻪﺕ ﺋﻪﻣﯩﻦ ﺑﯘﻏﺮﺍﻧﯩﯔ ﻣﻪﺳﻠﯩﻬﻪﺗﻰ ﺑﯩﻠﻪﻥ ﺩﯨﻨﯩﻲ ﯞﻩ ﻣﯩﻠﻠﻰ ﺗﯘﻳﻐﯘﻻﺭﺩﯨﻦ ﻳﯩﺮﺍﻗﻼﺷﻘﺎﻥ ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﺗﻪﺭﺑﯩﻴﯩﻠﻪﺵ ﺋﯜﭼﯜﻥ ﺩﯨﻨﯩﻲ ﻣﻪﻛﺘﻪﭖ ﺋﺎﭼﯩﺪﯗ. ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻗﺎﺑﯩﻠﯩﻴﻪﺗﻠﯩﻚ ﻳﺎﺷﻼﺭﻧﻰ ﺗﺎﻟﻼﭖ ﺋﻮﻗﯘﺗﯩﺪﯗ ﯞﻩ ﺑﯘ ﻳﺎﺷﻼﺭﻧﻰ ﻣﯩﻠﻠﻰ ﯞﻩ ﺩﯨﻨﯩﻲ ﺭﻭﻫﺘﺎ ﺗﻪﺭﺑﯩﻴﯩﻠﻪﻳﺪﯗ.

. 1954-ﻳﯩﻠﻰ ﺧﻮﺗﻪﻧﺪﻩ ﺋﺎﺑﻠﯩﻤﯩﺖ ﺩﺍﻣﻮﻟﻼﻡ ﺑﺎﺷﭽﯩﻠﯩﻐﯩﺪﺍ ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻐﺎ ﻗﺎﺭﺷﻰ ﻗﻮﺭﺍﻟﻠﯩﻖ ﻗﻮﺯﻏﯩﻼﯓ ﻛﯚﺗﯜﺭﯨﻠﯩﺪﯗ. ﺧﯩﺘﺎﻱ ﺩﺍﺋﯩﺮﻟﯩﺮﻯ ﺑﯘ ﻫﻪﺭﯨﻜﻪﺗﺘﻪ ﺋﺎﺑﻠﯩﻜﯩﻢ ﻣﻪﺧﺴﯘﻣﻨﯩﯔ ﻗﻮﻟﻰ ﺑﺎﺭ، ﺩﻩﭖ ﻗﺎﺭﺍﭖ ﺋﯘﻧﻰ ﻗﻮﻟﻐﺎ ﺋﺎﻟﯩﺪﯗ. ﺷﯩﯔ ﺷﯩﺴﻪﻱ ﯞﻩ ﮔﻮﻣﯩﻨﺪﺍﯓ ﺗﯜﺭﻣﯩﻠﯩﺮﯨﺪﺍ ﻳﺎﺗﻘﺎﻥ ﺋﺎﺑﻠﯩﻜﯩﻢ ﻣﻪﺧﺴﯘﻡ ﺗﯘﻧﺠﻰ ﻗﯧﺘﯩﻢ ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ ﺗﯜﺭﻣﯩﺴﯩﺪﻩ ﺋﯩﻜﻜﻰ ﻳﯩﻠﺪﯨﻦ ﺋﻮﺷﯘﻕ ﻳﺎﺗﯩﺪﯗ.

1959-ﻳﯩﻠﯩﻐﺎ ﻛﻪﻟﮕﻪﻧﺪﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯩﻠﮕﯩﺮﯨﻜﻰ ﺑﯩﺮﻗﺎﻧﭽﻪ ﻗﯧﺘﯩﻤﻠﯩﻖ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﻛﯚﺗﯜﺭﯛﻟﮕﻪﻥ ﻗﻮﺯﻏﯩﻼﯕﻼﺭﻏﺎ ﺋﺎﺑﻠﯩﻜﯩﻢ ﻣﻪﺧﺴﯘﻣﻨﯩﯔ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﻗﺎﺗﻨﺎﺷﻘﺎﻧﻠﯩﻘﯩﻨﻰ ﯞﻩ ﺑﯘ ﻗﻮﺯﻏﯩﻼﯕﻼﺭﻏﺎ ﺋﯘﻧﯩﯔ ﺋﺎﺳﺘﯩﺮﯨﺘﺘﯩﻦ ﺭﻩﻫﺒﻪﺭﻟﯩﻚ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﺋﯘﻧﻰ ﻗﻮﻟﻐﺎ ﺋﺎﻟﯩﺪﯗ. ﺑﯘ ﻗﯧﺘﯩﻢ ﺋﯘ ﺧﯩﺘﺎﻳﻨﯩﯔ ﻗﺎﺭﺍﯕﻐﯘ ﺗﯜﺭﻣﯩﺴﯩﺪﻩ 20 ﻳﯩﻠﺪﯨﻦ ﺋﻮﺷﯘﻕ ﻳﺎﺗﯩﺪﯗ ﯞﻩ ﺋﯧﻐﯩﺮ ﺟﯩﺴﻤﺎﻧﻰ ﺋﻪﻣﮕﻪﻛﻠﻪﺭﮔﻪ ﺳﯧﻠﯩﻨﯩﺪﯗ.

ﺋﺎﺑﻠﯩﻜﯩﻢ ﻣﻪﺧﺴﯘﻡ ﻫﺎﺟﯩﻢ 1979 –ﻳﯩﻠﻰ ﺗﯜﺭﻣﯩﺪﯨﻦ ﭼﯩﻘﯩﭙﻼ ﻳﻪﻧﻪ ﻗﺎﺭﻏﯩﻠﯩﻖ ﻧﺎﻫﯩﻴﯩﺴﯩﺪﻩ ﺩﯨﻨﯩﻲ ﻣﻪﻛﺘﻪﭖ ﺋﺎﭼﯩﺪﯗ ﯞﻩ ﺋﯘﻳﻐﯘﺭ ﺭﺍﻳﯘﻧﯩﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ ﻣﯩﯖﻠﯩﻐﺎﻥ ﻳﺎﺷﻨﻰ ﺩﯨﻨﯩﻲ ﯞﻩ ﻣﯩﻠﻠﯩﻲ ﺭﻭﻫﺘﺎ ﺗﻪﺭﺑﯩﻴﯩﻠﻪﻳﺪﯗ. ﻫﻪﻣﺪﻩ ﺳﺎﻏﻼﻡ ﺩﯨﻨﯩﻲ ﺋﯧﺘﯩﻘﺎﺕ، ﻣﯩﻠﻠﯩﻲ ﺋﯚﺭﭖ-ﺋﺎﺩﻩﺗﻠﻪﺭﻧﻰ ﻗﻮﻏﺪﺍﺵ ﯞﻩ ﻣﯩﻠﻠﯩﻲ ﺭﻭﻫﻨﻰ ﺋﻮﻳﻐﯩﺘﯩﺶ ﺗﻪﺷﯟﯨﻘﺎﺗﻰ ﺋﯧﻠﯩﭗ ﺑﺎﺭﯨﺪﯗ. ﺋﯘ ﺑﯘ ﻫﻪﺭﯨﻜﻪﺗﻠﯩﺮﻯ ﺑﯩﻠﻪﻥ ﺋﯘﻳﻐﯘﺭﻻﺭ ﺋﯩﭽﯩﺪﻩ ﺋﺎﻻﻫﯩﺪﻩ ﺷﯚﻫﺮﻩﺕ ﻗﺎﺯﯨﻨﯩﺪﯗ. ﻫﻪﺗﺘﺎ ﺧﯩﺘﺎﻱ ﺩﺍﺋﯩﺮﻟﯩﺮﻯ ﺋﯘﻧﻰ ﻛﻮﻧﺘﺮﻭﻝ ﻗﯩﻠﯩﺶ ﺋﯜﭼﯜﻥ، ﻧﺎﻫﯩﻴﯩﻠﯩﻚ ﺳﯩﻴﺎﺳﻰ ﻣﻪﺳﻠﯩﻬﻪﺕ ﻛﯧﯖﯩﺸﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﯩﻤﯘ ﻗﯩﻠﯩﺪﯗ.

ﺋﺎﺑﻠﻪﺕ ﻧﯘﺭ: ﺋﺎﺑﻠﯩﻜﯩﻢ ﻣﻪﺧﺴﯘﻡ ﯞﻩﺗﯩﻨﯩﻨﻰ، ﺧﻪﻟﻘﯩﻨﻰ ﺋﻮﻳﻼﻳﺪﯨﻐﺎﻥ ﺷﻪﺭﻗﻰ ﺗﯘﺭﻛﯩﺴﺘﺎﻥ ﺋﻮﻏﻼﻧﻰ

ﻛﺎﻧﺎﺩﺍﺩﯨﻜﻰ ﺳﯩﻴﺎﺳﻰ ﭘﺎﺋﺎﻟﯩﻴﻪﺗﭽﻰ ﯞﻩ ﺩﯨﻨﯩﻲ ﺯﺍﺕ ﺋﺎﺑﻠﻪﺕ ﻧﯘﺭ ﺋﻪﭘﻪﻧﺪﻯ ﺋﺎﺑﻠﯩﻜﯩﻢ ﻣﻪﺧﺴﯘﻣﻨﯩﯔ ﺋﯘﻳﻐﯘﺭﻻﺭﻧﯩﯔ ﻣﯘﻧﻪﯞﻩﺭ ﺋﻮﻏﻼﻧﻰ ﺋﯩﻜﻪﻧﻠﯩﻜﯩﻨﻰ، ﺋﯘﻧﯩﯔ ﯞﻩﺗﯩﻨﻰ، ﻣﯩﻠﻠﯩﺘﻰ ﺋﯜﭼﯜﻥ ﻗﯩﻠﻐﺎﻥ ﺋﻪﻫﻤﯩﻴﻪﺗﻠﯩﻚ ﺧﯩﺰﻣﻪﺗﻠﯩﺮﯨﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﻧﭙﻪﺗﻠﯩﺮﯨﮕﻪ ﺯﯨﺖ ﻛﻪﻟﮕﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ ﻣﯘﻧﺪﺍﻕ ﺩﯦﺪﻯ:

"ﺋﺎﺑﻠﯩﻜﯩﻢ ﻣﻪﺧﺴﯘﻡ ﻫﺎﺟﯩﻢ ﺷﻪﺭﻗﻰ ﺗﯘﺭﻛﯩﺴﺘﺎﻥ ﺧﻪﻟﻘﯩﻐﻪ ﯞﻩﻛﯩﻠﻠﯩﻚ ﻗﯩﻼﻻﻳﺪﯨﻐﺎﻥ ﺑﯩﺮ ﺩﯨﻨﯩﻲ ﺯﺍﺕ. ﺋﯘ ﺧﻪﻟﻘﯩﮕﻪ ﺋﯚﺯﯨﻨﯩﯔ ﺩﯨﻨﯩﻨﻰ ﺋﯚﮔﯩﺘﯩﺶ ﺋﯜﭼﯜﻥ ﺋﯘﺯﯗﻥ ﻳﯩﻞ ﺧﯩﺘﺎﻱ ﺗﯜﺭﻣﯩﺴﯩﺪﻩ ﻳﺎﺗﺘﻰ. ﺧﯩﺘﺎﻳﻼﺭﻧﯩﯔ ﺋﯘﻳﻐﯘﺭﻻﺭﻧﻰ ﭘﯜﺗﯜﻧﻠﻪﻱ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﻗﯩﻠﯩﭗ ﻳﻮﻗﯩﺘﯩﺶ ﭘﻼﻧﻰ ﺑﺎﺭ. ﺋﯘﻻﺭ ﺑﯘ ﭘﯩﻼﻧﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﺋﯜﭼﯜﻥ ﺋﺎﻟﺪﻯ ﺑﯩﻠﻪﻥ ﺋﯘﻳﻐﯘﺭﻻﺭﻧﻰ ﺩﯨﻨﺪﯨﻦ ﻳﯩﺮﺍﻗﻼﺷﺘﯘﺭﺳﺎ، ﺋﯘﻻﺭ ﺧﯩﺘﺎﻳﻠﯩﺸﯩﺪﯗ، ﻛﻮﻣﻤﯘﻧﯩﺴﻠﯩﺸﯩﺪﯗ. ﺋﺎﺑﻠﯩﻜﯩﻢ ﻫﺎﺟﯩﻢ ﺩﯨﻨﻨﯩﯔ ﻧﯩﻤﻪ ﺋﯩﻜﻪﻧﻠﯩﻜﯩﻨﻰ ﺧﻪﻟﻘﯩﻐﻪ ﺑﯩﻠﺪﯛﺭﯛﺵ ﺋﺎﺭﻗﯩﻠﯩﻖ، ﺧﯩﺘﺎﻳﻨﯩﯔ ﺑﯘ ﭘﻼﻧﯩﻐﺎ ﺯﻩﺭﺑﻪ ﺑﻪﺭﺩﻯ. ﻳﯧﻘﯩﻨﺪﯨﻦ ﺑﯘﻳﺎﻥ ﺧﯩﺘﺎﻳﻼﺭ ﺋﺎﺑﻠﯩﻜﯩﻢ ﻣﻪﺧﺴﯘﻣﻨﯩﯔ ﺗﺎﻟﯩﭙﻠﯩﺮﯨﻨﻰ ﺗﻪﺭﺭﻭﺭﯨﺴﺖ، ﺩﯦﮕﻪﻧﺪﻩﻙ ﻗﺎﻟﭙﺎﻗﻼﺭ ﺑﯩﻠﻪﻥ ﻳﻮﻕ ﻗﯩﻠﯩﺸﻘﺎ ﺋﯘﺭﯗﻧﻤﺎﻗﺘﺎ. ﺋﯘﻻﺭﻧﻰ ﺗﻪﺭﺭﻭﺭﯨﺴﺖ ﻗﯩﻠﯩﺶ ﯞﻩ ﺋﯘﻻﺭﻏﺎ ﻗﺎﺭﺍ ﺳﯘﯞﺍﺵ ﺋﯜﭼﯜﻥ ﺋﺎﻟﺪﻯ ﺑﯩﻠﻪﻥ ﺋﯘﻻﺭﻧﯩﯔ ﺋﯘﺳﺘﺎﺯﯨﻨﻰ ﺋﻪﺳﻜﻰ ﺋﺎﺩﻩﻡ ﻗﯩﻠﯩﭗ ﭼﯩﻘﯩﺶ ﻛﯧﺮﻩﻙ. ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺑﻠﯩﻜﯩﻤﻨﻰ ﻣﻪﺧﺴﯘﻡ ﻫﺎﺟﯩﻨﻰ ﺋﻮﺯ ﯞﺍﻗﺘﯩﺪﺍ ﺳﯩﻴﺎﺳﻰ ﻣﻪﺳﻠﯩﻬﻪﺕ ﻛﯧﯖﯩﺸﯩﮕﻪ ﺋﻪﺯﺍ ﻗﯩﻠﯩﭗ ﺋﯩﺸﻠﻪﺗﻜﻪﻥ ﺑﻮﻟﺴﯩﻤﯘ، ﺑﯜﮔﯜﻧﻜﻰ ﻛﯜﻧﮕﻪ ﻛﻪﻟﮕﻪﻧﺪﻩ ﺧﯩﺘﺎﻱ ﺋﯚﺯﯨﻨﯩﯔ ﺳﯩﻴﺎﺳﯩﺘﯩﻨﻰ ﺋﺎﻗﻼﺵ ﺋﯜﭼﯜﻥ ﺋﯘﻧﯩﯖﻐﺎ، ﺗﯧﺮﺭﻭﺭﭼﻰ ﻗﺎﻟﭙﯩﻘﻰ ﻛﯩﻴﮕﯜﺯﯛﺵ ﺯﯙﺭﯛﺭ ﺑﻮﻟﯩﯟﺍﺗﯩﺪﯗ. ﺋﻪﻣﯩﻠﯩﻴﻪﺗﺘﻪ ﺋﺎﺑﻠﯩﻜﯩﻢ ﻣﻪﺧﺴﯘﻡ ﻫﺎﺟﯩﻢ ﺗﯧﺮﺭﻭﺭﭼﯩﻼﺭﻧﯩﯔ ﺑﻪﺷﻰ ﺋﻪﻣﻪﺱ، ﺗﯧﺮﺭﻭﺭﻟﯘﻕ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﻏﺎﻧﻤﯘ ﺋﻪﻣﻪﺱ. ﺷﯘﻧﺪﺍﻗﻼ ﺋﯘ ﺳﯩﻴﺎﺳﻪﺗﭽﯩﻤﯘ ﺋﻪﻣﻪﺱ، ﺋﯘ ﭘﻪﻗﻪﺕ ﺧﻪﻟﻘﯩﻨﻰ، ﯞﻩﺗﯩﻨﯩﻨﻰ ﺳﯚﻳﯩﺪﯨﻐﺎﻥ ﺩﯨﻨﯩﻲ ﺯﺍﺕ. ﺧﯩﺘﺎﻳﻼﺭﻧﯩﯔ ﺋﺎﺑﻠﯩﻜﯩﻢ ﻣﻪﺧﺴﯘﻡ ﻫﺎﺟﯩﻤﻨﻰ ﺗﯧﺮﺭﻭﺭﯨﺴﺘﻼﺭﻧﯩﯔ ﺑﻪﺷﻰ ﻗﯩﻠﯩﭗ ﻛﯚﺭﺳﯩﺘﯩﺸﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺧﻪﻟﻘﯩﻐﻪ ﻗﯩﻠﯩﻨﻐﺎﻥ ﺑﯩﺮ ﺗﯚﻫﻤﻪﺕ.

ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﺋﯩﻠﮕﯩﺮﻯ "ﺑﯚﻟﮕﯜﻧﭽﻰ"، ﺳﯧﻨﺘﻪﺑﯩﺮﺩﯨﻦ ﻛﯧﻴﯩﻦ "ﺗﯧﺮﺭﻭﺭﭼﻰ"

ﺧﯩﺘﺎﻱ ﺯﯨﻴﺎﻟﯩﺴﻰ ﻣﺎ ﺩﺍﺟﯧﻦ ﺗﻪﺭﯨﭙﯩﺪﯨﻦ ﻳﯧﺰﯨﻠﻐﺎﻥ ﯞﻩ 11-ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﺋﯩﻠﮕﯩﺮﻯ ﺋﯧﻼﻥ ﻗﯩﻠﯩﻨﻐﺎﻥ، ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻐﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻫﻪﺭﯨﻜﻪﺗﻠﯩﺮﻯ ﺑﺎﻳﺎﻥ ﻗﯩﻠﯩﻨﻐﺎﻥ "ﺩﯙﻟﻪﺕ ﻣﻪﻧﭙﻪﺋﻪﺗﻰ ﻫﻪﻣﻤﯩﺪﯨﻦ ﺋﻪﻻ" ﻧﺎﻣﻠﯩﻖ ﻛﯩﺘﺎﺑﺘﺎ ﺋﺎﺑﻠﯩﻜﯩﻢ ﻣﻪﺧﺴﯘﻡ ﻫﺎﺟﯩﻨﻰ "ﻗﺎﻟﺪﯗﻕ ﺷﻪﺭﻗﻰ ﺗﯜﺭﻛﯩﺴﺘﺎﻧﭽﻰ ﺑﯚﻟﮕﯜﻧﭽﻰ"، ﯞﻩ ﺋﯘﻧﻰ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ "ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﻪﺗﻠﯩﺮﻯ" ﻧﯩﯔ ﺑﺎﺵ ﻣﻪﻧﺒﻪﺳﻰ ﺩﻩﭖ ﺋﺎﺗﯩﻐﺎﻥ، ﯞﻩ ﺑﯘ ﻛﯩﺘﺎﺑﺘﺎ ﻳﻪﻧﻪ ﺋﯘﻧﯩﯔ "ﺑﯚﻟﮕﯜﻧﭽﯩﻠﯩﻚ ﭘﺎﺋﺎﻟﯩﻴﻪﺗﻠﯩﺮﻯ" ﺋﯜﭼﯜﻥ ﺗﯜﺭﻛﯩﻴﯩﺪﯨﻜﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﯞﻩﺧﭙﯩﺴﯩﺪﯨﻦ ﺋﯩﺨﺘﯩﺴﺎﺩﯨﻲ ﻳﺎﺭﺩﻩﻡ ﺋﺎﻟﻐﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻧﯩﺪﻯ.

ﺋﺎﻣﻤﺎ 11-ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ ﻣﺎﻗﺎﻟﯩﻼﺭﺩﺍ ﺑﻮﻟﺴﺎ، ﺋﺎﺑﻠﯩﻜﯩﻢ ﻣﻪﺧﺴﯘﻣﻨﯩﯔ ﻧﻮﭘﯘﺯﯨﺪﯨﻦ ﭘﺎﻳﺪﯨﻠﯩﻨﯩﭗ، ﺗﯧﺮﺭﻭﺭﭼﯩﻼﺭﻧﻰ ﺋﯚﺯﯨﮕﻪ ﺗﺎﺭﺗﻘﺎﻧﻠﯩﻘﻰ ﯞﻩ ﺋﯘﻻﺭﻏﺎ ﺗﯧﺮﺭﻭﺭﻟﯘﻕ ﺑﺎﺯﯨﻠﯩﺮﯨﻨﻰ ﻗﯘﺭﯗﭖ ﺑﻪﺭﮔﻪﻧﻠﯩﻜﻰ ﯞﻩ ﺋﯘﻧﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ "ﺗﯧﺮﺭﻭﺭﻟﯘﻕ ﭘﺎﺋﺎﻟﯩﻴﻪﺗﻠﯩﺮﻯ" ﺋﯜﭼﯜﻥ ﺗﺎﻟﯩﺒﺎﻧﻼﺭﺩﯨﻦ ﺋﯩﺨﺘﯩﺴﺎﺩﯨﻲ ﻳﺎﺭﺩﻩﻡ ﺋﺎﻟﻐﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﻤﻪﻛﺘﻪ. ﺋﻪﻣﯩﻠﯩﻴﻪﺗﺘﻪ 1997-ﻳﯩﻠﻰ ﺋﺎﻓﻐﺎﻧﯩﺴﺘﺎﻧﺪﺍ ﺗﺎﻟﯩﺒﺎﻧﻼﺭ ﻫﻪﺭﻛﯩﺘﻰ ﺋﻮﺗﺘﯘﺭﯨﻐﺎ ﭼﯩﻘﻘﺎﻧﺪﺍ ﺋﺎﺑﻠﯩﻜﯩﻢ ﻣﻪﺧﺴﯘﻣﻨﯩﯔ ﯞﺍﭘﺎﺕ ﺑﻮﻟﻐﺎﻧﻠﯩﻘﯩﻐﺎ 4 ﻳﯩﻞ ﺑﻮﻟﯘﭖ ﻗﺎﻟﻐﺎﻧﯩﺪﻯ.

ﺋﺎﺑﻠﻪﺕ ﻧﯘﺭ: ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻧﻪﺯﯨﺮﯨﺪﻩ ﯞﻩﺗﯩﻨﯩﻨﻰ، ﻣﯩﻠﻠﯩﺘﯩﻨﻰ، ﺩﯨﻨﯩﻨﻰ ﺳﯚﻳﯜﺷﻨﯩﯔ ﺋﯚﺯﻯ ﺗﯧﺮﺭﻭﺭﭼﯩﻠﯩﻖ ﻫﯧﺴﺎﺑﻠﯩﻨﯩﺪﯗ

ﺋﺎﺑﻠﻪﺕ ﻧﯘﺭ ﺋﻪﭘﻪﻧﺪﻯ ﺧﯩﺘﺎﻱ ﺩﺍﺋﯩﺮﻟﯩﺮﻯ ﺋﯘﻳﻐﯘﺭﻻﺭﻧﻰ ﺋﻪﻳﯩﭙﻠﻪﺷﺘﻪ ﻗﻮﻟﻠﯩﻨﯩﯟﺍﺗﻘﺎﻥ "ﺑﯚﻟﮕﯜﻧﭽﻰ" ﺩﯦﮕﻪﻥ ﺳﯚﺯﻧﯩﯔ ﺋﻮﺭﻧﯩﻐﺎ ﺩﻩﯞﺭﻧﯩﯔ ﺋﯚﺯﮔﯩﺮﯨﺸﯩﮕﻪ ﻣﺎﺳﻼﺷﺘﯘﺭﯗﭖ "ﺗﯧﺮﺭﻭﺭﭼﻰ" ﺋﯩﺒﺎﺭﯨﻨﻰ ﻗﻮﻟﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ:

ﺧﯩﺘﺎﻱ ﻧﯘﺭﻏﯘﻥ ﺋﺎﺩﻩﻣﻨﻰ ﺗﯧﺮﺭﻭﺭﭼﻰ، ﺑﯚﻟﮕﯜﻧﭽﻰ، ﺩﯦﮕﻪﻧﺪﻩﻙ ﻗﺎﻟﭙﺎﻗﻼﺭ ﺑﯩﻠﻪﻥ ﺗﯜﺭﻣﯩﻠﻪﺭﮔﻪ ﺳﻮﻻﯞﺍﺗﯩﺪﯗ. ﺗﯜﺭﻣﯩﮕﻪ ﺳﻮﻟﯩﻨﯩﯟﺍﺗﻘﺎﻧﻼﺭﻧﯩﯔ ﻛﯚﭘﻠﯩﺮﻯ، ﺋﯚﺯﯨﻨﯩﯔ ﯞﻩﺗﯩﻨﯩﻨﻰ، ﺧﻪﻟﻘﯩﻨﻰ ﺳﯚﻳﮕﻪﻥ ﺩﯨﻨﺪﺍﺭ ﺋﯩﻨﺴﺎﻧﻼﺭ ﺑﻮﻟﯘﭖ، ﺑﯘﻧﯩﯔ ﺋﯩﭽﯩﺪﻩ ﻳﻪﻧﻪ ﻧﯘﺭﻏﯘﻥ ﯞﻩﺗﻪﻧﭙﻪﺭﯞﻩﺭ ﺯﯨﻴﺎﻟﯩﻼﺭ ﺑﺎﺭ. ﯞﻩﺗﯩﻨﻰ، ﺧﻪﻟﻘﻰ ﺋﯜﭼﯜﻥ ﻳﯜﺭﯨﻜﻰ ﺳﻮﻗﻘﺎﻥ ﺋﯩﻨﺴﺎﻧﻼﺭﻧﻰ ﺧﯩﺘﺎﻱ ﻳﺎﺧﺸﻰ ﻛﯚﺭﻣﯩﮕﻪﻧﻠﯩﻜﻰ، ﺋﯘﻧﯩﯔ ﺋﯜﺳﺘﯩﮕﻪ ﺋﯘﻻﺭ ﺋﯘﻳﻐﯘﺭ ﯞﻩ ﻣﯘﺳﯘﻟﻤﺎﻥ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ ﺋﯜﭼﯜﻧﻼ ﺗﻪﺭﺭﻭﺭﭼﻰ، ﺩﯨﮕﻪﻥ ﻗﺎﻟﭙﺎﻗﻼﺭ ﻛﻪﻳﺪﯛﺭﯛﻟﯜﭖ ﻳﻮﻕ ﻗﯩﻠﯩﺶ ﻛﻪﺭﻩﻙ ﺑﻮﻟﯩﯟﺍﺗﯩﺪﯗ. ﻫﯘﺩﺩﻯ ﻣﯜﺷﯜﻙ ﺋﯚﺯﯨﻨﯩﯔ ﺋﺎﺳﻠﯩﻨﯩﻨﻰ ﻳﻪﻣﻪﻛﭽﻰ ﺑﻮﻟﺴﺎ، ﺧﻪﻗﻠﻪﺭﻧﯩﯔ ﺋﺎﺳﻠﯩﻨﯩﻨﻰ ﻳﻪﯞﻩﺗﺘﻰ، ﺩﯨﻴﯩﺸﯩﺪﯨﻦ ﻗﻮﺭﻗﯘﭖ، ﺋﯘﻧﻰ ﺷﺎﺷﻘﺎﻥ، ﺩﻩﭖ ﻳﯩﮕﯩﻨﯩﮕﻪ ﺋﻮﺧﺸﺎﺵ. ﺧﯩﺘﺎﻳﻤﯘ ﺷﻪﺭﻗﻰ ﺗﯜﺭﻛﯩﺴﺘﺎﻧﻠﯩﻘﻼﺭﻧﻰ ﺋﯚﺯ ﭘﯘﺧﺮﺍﻳﯩﻤﯩﺰ، ﺷﻪﺭﻗﻰ ﺗﯜﺭﻛﯩﺴﺘﺎﻧﻨﻰ ﺑﯩﺰﻧﯩﯔ ﺗﯘﭘﺮﯨﻘﯩﻤﯩﺰ، ﺩﻩﭖ ﺩﺍﯞﺍ ﻗﯩﻠﯩﺪﯗ. ﺋﯘﻻﺭﻧﻰ ﻳﻮﻕ ﻗﯩﻠﯩﺶ ﺋﯜﭼﯜﻥ ﺋﯘﻻﺭﻧﻰ ﺋﺎﺳﻼﻥ ﺩﯨﺴﻪ ﻳﻮﻕ ﻗﯩﻼﻟﻤﺎﻳﺪﯗ. ﺷﯘﻧﯩﯔ ﺋﯜﭼﯜﻥ ﺋﯘﻻﺭﻧﻰ ﺷﺎﺷﻘﺎﻥ ﺩﻩﭖ ﺗﯘﺭﯗﭖ ﻳﻮﻗﯘﺗﯩﯟﻩﺗﯩﺶ ﻛﻪﺭﻩﻙ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻣﻪﺧﺴﻪﺗﻜﻪ ﻳﻪﺗﯩﺶ ﺋﯜﭼﯜﻥ ﺗﻪﺭﺭﻭﺭﭼﻰ ﯞﻩ ﺑﯚﻟﮕﯜﻧﭽﻰ، ﺩﯨﮕﻪﻥ ﺳﯘﻧﻰ ﺋﯩﺴﯩﻤﻼﺭﻧﻰ ﺋﻮﺗﺘﯘﺭﯨﻐﺎ ﭼﯩﻘﯩﺮﯨﯟﺍﺗﯩﺪﯗ.

ﺋﺎﺑﻠﯩﻜﯩﻢ ﻣﻪﺧﺴﯘﻣﻨﯩﯔ ﺋﯘﻳﻐﯘﺭﻻﺭ ﺋﯩﭽﯩﺪﯨﻜﻰ ﻧﻮﭘﯘﺯﯨﻨﯩﯔ ﺑﺎﺭﻏﺎﻧﺴﯩﺮﻯ ﺋﯧﺸﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺳﻪﺯﮔﻪﻥ ﺧﯩﺘﺎﻱ ﺩﺍﺋﯩﺮﻟﯩﺮﻯ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻘﻼﺭﻏﺎ ﻗﺎﺭﯨﻤﺎﻱ، 80- ﻳﯩﻠﻼﺭﻧﯩﯔ ﺋﺎﺧﯩﺮﻟﯩﺮﻯ ﺋﯘﻧﯩﯔ ﺋﺎﭼﻘﺎﻥ ﻣﻪﻛﺘﯩﭙﯩﻨﻰ ﺗﺎﻗﺎﻳﺪﯗ ﯞﻩ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﭼﻪﻛﻠﻪﻳﺪﯗ.

ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺳﺎﻫﻪﺳﯩﺪﻩ ﺋﺎﻗﺎﺭﺗﯩﺶ ﺋﯧﻠﯩﭗ ﺑﯧﺮﯨﭗ، ﺋﺎﻻﻫﯩﺪﻩ ﺑﯩﺮ ﺩﻩﯞﯨﺮ ﻳﺎﺭﺍﺗﻘﺎﻥ ﺋﺎﺑﻠﯩﻜﯩﻢ ﻣﻪﺧﺴﯘﻡ 1993-ﻳﯩﻠﻰ 6-ﺋﺎﻳﻨﯩﯔ 19-ﻛﯜﻧﻰ ﺑﯘ ﺩﯗﻧﻴﺎ ﺑﯩﻠﻪﻥ ﯞﯨﺪﺍﻟﯩﺸﯩﺪﯗ. ﺋﺎﻣﻤﺎ ﺋﯘﻧﯩﯔ ﺋﯚﻟﯜﻣﻰ ﻳﻪﻧﻪ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﺩﺍﺋﯩﺮﻟﯩﺮﯨﮕﻪ ﻗﺎﺭﺷﻰ ﻧﺎﺭﺍﺯﯨﻠﯩﻖ ﻫﻪﺭﻛﻪﺗﻠﯩﺮﯨﻨﯩﯔ ﺋﻮﺗﺘﯘﺭﯨﻐﺎ ﭼﯩﻘﯩﺸﯩﻐﺎ ﺳﻪﯞﻩﺑﭽﻰ ﺑﻮﻟﯩﺪﯗ. (ﻛﺎﻣﯩﻞ ﺗﯘﺭﺳﯘﻥ)