"ﺋﯩﻠﻰ ﻣﯩﻠﻠﯩﻲ ﻣﺎﺋﺎﺭﯨﭗ ﺧﺎﻟﯩﺲ ﻓﻮﻧﺪﻯ ﺟﻪﻣﺌﯩﻴﯩﺘﻰ" ﻧﯩﯔ ﻗﯘﺭﻏﯘﭼﯩﺴﻰ ﺋﺎﺑﻠﯩﻤﯩﺖ ﻫﺎﺟﯩﻤﻨﯩﯔ ﺗﻪﻗﺪﯨﺮﻯ ﺗﻮﻏﺮﯨﺴﯩﺪﺍ
2007-05-07
ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﻣﯩﻠﻠﯩﻲ ﺋﯧﯖﯩﻨﯩﯔ ﺷﻪﻛﯩﻠﻠﯩﻨﯩﺸﯩﺪﻩ ﺑﻪﻟﮕﯩﻠﯩﻚ ﺋﻮﺭﯗﻧﻐﺎ ﺋﯩﮕﻪ، ﻣﻪﺭﯨﭙﻪﺗﻠﯩﻚ ﺯﯦﻤﯩﻦ ﺋﯩﻠﻰ ﯞﺍﺩﯨﺴﻰ، ﺋﯩﺶ ﺋﯩﺰﻟﯩﺮﻯ ﺗﯩﻠﻼﺭﺩﺍ ﺩﺍﺳﺘﺎﻥ ﺑﻮﻟﯘﯞﺍﺗﻘﺎﻥ ﺋﯩﻨﻘﯩﻼﺑﭽﯩﻼﺭﻧﻰ، ﻗﻪﻫﺮﯨﻤﺎﻥ- ﭘﺎﻟﯟﺍﻧﻼﺭﻧﻰ، ﺋﯧﻠﯩﻢ ﺳﯚﻳﻪﺭ ﯞﻩﺗﻪﻧﭙﻪﺭﯞﻩﺭ، ﻣﻪﺭﯨﭙﻪﺗﭙﻪﺭﯞﻩﺭ ﺯﺍﺗﻼﺭﻧﻰ ﻳﯧﺘﯩﻠﺪﯛﺭﮔﻪﻥ. ﻣﯘﺷﯘ ﺩﯨﻴﺎﺭﺩﺍ ﻳﺎﺷﺎﭖ ﭘﯘﻟﺪﺍﺭ ﺑﻮﻟﻐﺎﻥ ﯞﻩ ﺋﯘﻳﻐﯘﺭ ﻣﯩﻠﻠﻰ ﻣﺎﺋﺎﺭﯨﭙﯩﻐﺎ ﺗﯚﻫﭙﻪ ﻗﻮﺷﯘﺵ ﻳﻮﻟﯩﺪﺍ ﻛﯚﭖ ﺭﯨﻴﺎﺯﻩﺕ ﭼﻪﻛﻜﻪﻥ ﺋﺎﺑﻠﯩﻤﯩﺖ ﺧﺎﻟﯩﺲ ﻫﺎﺟﯩﻢ ﺷﯘﻻﺭﻧﯩﯔ ﺟﯜﻣﻠﯩﺴﯩﺪﯨﻨﺪﯗﺭ.
ﺋﺎﺑﻠﯩﻤﯩﺖ ﺧﺎﻟﯩﺲ ﻫﺎﺟﯩﻢ، ﺋﯚﺯ ﻗﯧﺮﯨﻨﺪﺍﺷﻠﯩﺮﯨﻐﺎ ﺧﺎﻟﯩﺲ ﻳﺎﺭﺩﻩﻡ ﻗﯩﻠﯩﺶ ﺋﯩﺴﺘﯩﻜﯩﮕﻪ ﻳﯧﺘﻪﻟﻤﻪﻱ ﺋﺎﺧﯩﺮﻯ ﻧﯘﺭﻏﯘﻥ ﺳﻮﺭﯗﻗﭽﯩﻠﯩﻘﻼﺭﻏﺎ ﺋﯘﭼﺮﯨﻐﺎﻥ ﯞﻩ ﻧﻪﺗﯩﺠﯩﺪﻩ ﺧﯩﺘﺎﻳﻨﯩﯔ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﮕﻪ ﺋﻪﺭﺯ ﺳﯘﻧﯘﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ.
ﺧﺎﻟﯩﺲ ﻓﻮﻧﺪﻯ ﺟﻪﻣﺌﯩﻴﯩﺘﯩﻨﯩﯔ ﻗﯘﺭﯗﻟﯘﺵ ﻣﻪﺧﺴﯩﺪﻯ
ﺋﺎﺑﻠﯩﻤﯩﺖ ﺧﺎﻟﯩﺲ ﻫﺎﺟﯩﻢ 1994- ﻳﯩﻠﻰ "ﺋﯩﻠﻰ ﻣﯩﻠﻠﯩﻲ ﻣﺎﺋﺎﺭﯨﭗ ﺧﺎﻟﯩﺲ ﻓﻮﻧﺪﻯ ﺟﻪﻣﺌﯩﻴﯩﺘﻰ" ﻧﻰ ﻗﯘﺭﯗﭖ ﭼﯩﻘﻘﺎﻥ ﺑﻮﻟﯘﭖ، ﻣﻪﻟﯘﻡ ﺑﻮﻟﯘﺷﯩﭽﻪ، ﺧﺎﻟﯩﺲ ﻫﺎﺟﯩﻢ ﺗﻪﺷﻜﯩﻠﻠﯩﮕﻪﻥ ﺑﯘ ﻓﻮﻧﺪﻯ ﺟﻪﻣﺌﯩﻴﯩﺘﻰ ﻳﯧﻘﯩﻨﻘﻰ ﺯﺍﻣﺎﻥ ﺋﯘﻳﻐﯘﺭ ﺗﺎﺭﯨﺨﯩﺪﺍ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺗﯘﻧﺠﻰ ﻗﯘﺭﯗﻟﻐﺎﻥ ﻣﯩﻠﻠﯩﻲ ﻣﺎﺋﺎﺭﯨﭗ ﻓﻮﻧﺪﻯ ﺟﻪﻣﺌﯩﻴﯩﺘﻰ ﺑﻮﻟﯘﭖ، ﻫﻪﺗﺘﺎ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻜﻪ ﺋﻪﻻ ﻧﻪﺗﯩﺠﻪ ﺑﯩﻠﻪﻥ ﺋﯚﺗﻜﻪﻥ ﻳﺎﻛﻰ ﺋﺎﻟﯩﻲ ﻣﻪﻛﺘﻪﭘﻜﻪ ﻗﻮﺑﯘﻝ ﻗﯩﻠﯩﻨﯩﭗ، ﺋﯩﻘﺘﯩﺴﺎﺩﻯ ﺋﻪﻫﯟﺍﻟﻰ ﻳﺎﺭ ﺑﻪﺭﻣﻪﻱ ﺋﻮﻗﯘﺵ ﭘﯘﺭﺳﯩﺘﯩﺪﯨﻦ ﻣﻪﻫﺮﯗﻡ ﻗﯧﻠﯩﺶ ﺋﯧﻬﺘﯩﻤﺎﻟﻠﯩﻘﻰ ﺑﻮﻟﻐﺎﻥ ﻧﺎﻣﺮﺍﺕ ﺋﻮﻗﯘﻏﯘﭼﯩﻼﺭﻏﺎ ﻫﯚﻛﯜﻣﻪﺗﺘﯩﻦ ﺑﯩﺮﻧﻪﭼﭽﻪ ﻳﯩﻞ ﺋﯩﻠﮕﯩﺮﯨﻼ ﺋﯩﻘﺘﯩﺴﺎﺩﻯ ﻳﺎﺭﺩﻩﻡ ﺑﯧﺮﯨﺶ ﯞﻩ ﺋﯚﺳﯜﻣﺴﯩﺰ ﭘﯘﻝ ﻗﻪﺭﺯ ﺑﯧﺮﯨﺸﻨﻰ ﺑﺎﺷﻠﯩﻐﺎﻥ ﻣﯩﻠﻠﯩﻲ ﻣﺎﺋﺎﺭﯨﭗ ﻓﻮﻧﺪﻯ ﺟﻪﻣﺌﯩﻴﯩﺘﻰ ﺋﯩﺪﻯ.
ﺋﻪﺳﻠﻰ ﺑﯘ ﺟﻪﻣﺌﯩﻴﻪﺕ ﻏﯘﻟﺠﺎ ﺷﻪﻫﻪﺭﻟﯩﻚ ﺧﻪﻟﻖ ﻫﯚﻛﯜﻣﯩﺘﯩﻨﯩﯔ ﺗﻪﺳﺘﯩﻘﻠﯩﺸﻰ ﺑﯩﻠﻪﻥ ﻗﺎﻧﯘﻧﻠﯘﻕ ﻫﺎﻟﺪﺍ ﻗﯘﺭﯗﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ 2005 - ﻳﯩﻠﯩﻐﺎ ﻛﻪﻟﮕﻪﻧﺪﻩ ﺗﺎﻗﺎﻟﻐﺎﻥ. ﺷﯘﻧﯩﯔ ﺑﯩﻠﻪﻥ ﺋﯘﻳﻐﯘﺭﻻﺭ ﻣﻪﺭﯨﭙﻪﺕ ﻳﻮﻟﯩﺪﺍ ﺗﺎﺷﻼﻧﻐﺎﻥ ﻳﻪﻧﻪ ﺑﯩﺮ ﺧﺎﺳﯩﻴﻪﺗﻠﯩﻚ ﻗﻪﺩﯨﻤﯩﻨﻰ ﺗﻮﺧﺘﯩﺘﯩﯟﯨﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ ﺋﯩﺪﻯ.
ﺧﺎﻟﯩﺲ ﻓﻮﻧﺪﻯ ﺟﻪﻣﺌﯩﻴﯩﺘﯩﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺗﻮﺧﺘﯩﺘﯩﻠﯩﺸﻰ
ﻫﺎﺯﯨﺮ ﺋﯜﺭﯛﻣﭽﯩﺪﻩ ﻳﺎﺷﺎﯞﺍﺗﻘﺎﻥ، ﻟﯧﻜﯩﻦ ﺋﯚﺯ ﻧﺎﻡ ﺷﻪﺭﯨﭙﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﺧﺎﻧﯩﻢ، ﻣﻪﺯﻛﯘﺭ ﻓﻮﻧﺪﻯ ﺟﻪﻣﺌﯩﻴﻪﺗﻨﯩﯔ ﻗﯘﺭﯗﻟﯘﺵ ﻣﻪﻗﺴﯩﺘﻰ ﯞﻩ ﻳﺎﺭﺩﻩﻡ ﭘﯘﻟﻰ ﺗﺎﺭﻗﯩﺘﯩﺶ ﺗﻪﺩﺑﯩﺮﻟﯩﺮﻯ ﻫﻪﻣﺪﻩ ﻛﯧﻴﯩﻨﻜﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﺋﯚﺗﺘﻰ.
ﺋﯘ ﺧﺎﻧﯩﻤﻨﯩﯔ ﺋﯧﻴﺘﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﺯﻛﯘﺭ ﻓﻮﻧﺪﻯ ﺟﻪﻣﺌﯩﻴﯩﺘﻰ ﻳﻮﻟﻐﺎ ﻗﻮﻳﻐﺎﻥ ﺋﻮﻗﯘﺵ ﻣﯘﻛﺎﭘﺎﺕ ﯞﻩ ﻳﺎﺭﺩﻩﻡ ﭘﯘﻟﯩﻨﻰ ﺧﯩﺘﺎﻱ ﺋﻮﻗﯘﻏﯘﭼﯩﻼﺭﻏﯩﭽﻪ ﻛﯧﯖﻪﻳﺘﯩﺶ ﺷﻪﺭﺗﯩﻨﻰ ﻗﻮﻳﻐﺎﻥ. ﺋﻪﻣﻤﺎ، ﺋﺎﺑﻠﯩﻤﯩﺖ ﺧﺎﻟﯩﺲ ﻫﺎﺟﯩﻢ ﺧﯩﺘﺎﻳﻨﯩﯔ ﺑﯘ ﺷﻪﺭﺗﯩﻨﻰ ﺭﻩﺕ ﻗﯩﻠﻐﺎﻥ ﺷﯘﻧﯩﯔ ﻧﻪﺗﯩﺠﯩﺴﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻓﻮﻧﺪﻯ ﺟﻪﻣﺌﯩﻴﯩﺘﯩﻨﯩﯔ ﻣﻪﺑﻠﻪﻏﻠﯩﺮﯨﻨﻰ ﺗﻮﯕﻠﯩﺘﯩﭗ ﻗﻮﻳﻐﺎﻥ.
ﺷﯘﻧﺪﯨﻦ ﺑﺎﺷﻼﭖ ﺧﯩﺘﺎﻱ ﻫﯚﻛﯚﻣﻪﺕ ﺋﻮﺭﮔﺎﻧﻠﯩﺮﻯ ﺋﺎﺑﻠﯩﻤﯩﺖ ﻫﺎﺟﯩﻤﻐﺎ ﺳﯩﻴﺎﺳﯩﻲ ﺟﻪﻫﻪﺗﺘﻪ ﺳﻪﺯﮔﯜﺭ ﻣﯘﺋﺎﻣﯩﻠﯩﺪﻩ ﺑﻮﻟﻐﺎﻥ ﯞﻩ ﺑﯘ ﻓﻮﻧﺪﻯ ﺟﻪﻣﺌﯩﻴﻪﺗﻨﻰ ﺗﺎﻗﺎﺷﺘﯩﻦ ﺋﯩﻠﮕﯩﺮﻯ ﺟﻪﻣﺌﯩﻴﻪﺗﻨﯩﯔ ﺑﺎﻧﻜﺎ ﻫﯧﺴﺎﺑﺎﺗﯩﻨﻰ ﭘﯜﺗﯜﻧﻠﻪﻱ ﺗﻮﯕﻼﺗﻘﺎﻥ.
ﺋﺎﺑﻠﯩﻤﯩﺖ ﺧﺎﻟﯩﺲ ﻫﺎﺟﯩﻤﻨﯩﯔ ﻫﺎﺯﯨﺮﻗﻰ ﺋﻪﻫﯟﺍﻟﻰ
ﻣﻪﻟﯘﻡ ﺑﻮﻟﯘﺷﯩﭽﻪ، ﺋﺎﺑﻠﯩﻤﯩﺖ ﻫﺎﺟﯩﻢ ﺋﻪﺳﻠﻰ ﻏﯘﻟﺠﯩﺪﺍ ﺋﯘﺷﺸﺎﻕ ﺗﯩﺠﺎﺭﻩﺕ ﺑﯩﻠﻪﻥ ﭘﯘﻝ ﺗﯧﭙﯩﭗ ﻛﯧﻴﯩﻦ ﻳﻪﺭ-ﻣﯜﻟﯜﻙ ﺳﻮﺩﯨﺴﯩﺪﺍ ﻛﯚﺗﯜﺭﯛﻟﮕﻪﻥ ﺋﯩﻜﻪﻥ.
ﻫﺎﺯﯨﺮ ﭼﻪﺗﺌﻪﻟﺪﻩ ﻳﺎﺷﺎﯞﺍﺗﻘﺎﻥ، ﺑﯘ ﻓﻮﻧﺪﻯ ﺟﻪﻣﺌﯩﻴﻪﺕ ﺑﯩﻠﻪﻥ ﻳﯧﻘﯩﻨﺪﯨﻦ ﺋﺎﻻﻗﯩﺪﺍﺭ ﺑﯩﺮ ﺋﯘﻳﻐﯘﺭ ﺯﯨﻴﺎﻟﯩﻴﻨﯩﯔ ﺋﯧﻴﺘﯩﺸﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﻓﻮﻧﺪﻯ ﺟﻪﻣﺌﯩﻴﻪﺗﻨﻰ ﭘﯜﺗﯜﻧﻠﻪﻱ ﺗﺎﻗﯩﯟﯨﺘﯩﺶ ﺟﻪﺭﻳﺎﻧﯩﺪﺍ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﺋﯩﺪﺍﺭﯨﺴﯩﻨﯩﯔ ﻣﻪﺧﭙﯩﻲ ﺳﺎﻗﭽﯩﻠﯩﺮﻯ ﺧﺎﻟﯩﺲ ﻫﺎﺟﯩﻢ ﺑﯩﻠﻪﻥ ﺑﯩﺮ ﻧﻪﭼﭽﻪ ﺭﻩﺕ ﻛﯚﺭﯛﺷﻜﻪﻥ ﯞﻩ ﺋﯘ ﻳﺎﺭﺩﻩﻡ ﻗﯩﻠﻐﺎﻥ ﺋﻮﻗﯘﻏﯘﭼﯩﻼﺭﻧﯩﯔ ﺑﻪﺯﻯ ﺳﯩﻴﺎﺳﯩﻲ ﺋﯩﺸﻼﺭﻏﺎ ﭼﯧﺘﯩﻠﯩﭗ ﻗﺎﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﻓﻮﻧﺪﻯ ﺟﻪﻣﺌﯩﻴﻪﺗﻜﻪ ﺳﯩﻴﺎﺳﯩﻲ ﺟﻪﻫﻪﺗﺘﻪ ﮔﯘﻧﺎﻫ ﺋﺎﺭﺗﻤﺎﻗﭽﻰ ﺑﻮﻟﻐﺎﻥ ﺋﯩﻜﻪﻥ.
ﺋﺎﺑﻠﯩﻤﯩﺖ ﻫﺎﺟﯩﻢ 1956- ﻳﯩﻠﻰ ﺋﺎﺗﯘﺵ ﺩﯨﻴﺎﺭﯨﺪﺍ ﺗﯘﻏﯘﻟﻐﺎﻥ. ﺋﯘ ﺑﺎﻟﯩﻠﯩﻖ ﺩﻩﯞﺭﻟﯩﺮﯨﺪﯨﻦ ﺑﺎﺷﻼﭖ ﻏﯘﻟﺠﯩﺪﺍ ﻳﺎﺷﺎﭖ ﻛﻪﻟﮕﻪﻥ. ﻧﺎﻡ ﺷﻪﺭﯨﭙﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺋﺎﺑﻠﯩﻤﯩﺖ ﻫﺎﺟﯩﻤﻨﯩﯔ ﻳﯧﻘﯩﻦ ﺑﯩﺮ ﺗﻮﻧﯘﺷﯩﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﺋﯘﺯﯗﻧﻐﺎ ﺳﻮﺯﯗﻟﻐﺎﻥ ﺳﯩﻴﺎﺳﯩﻲ ﺑﯧﺴﯩﻢ ﺋﺎﺑﻠﯩﻤﯩﺖ ﻫﺎﺟﯩﻤﻐﺎ ﺋﯧﻐﯩﺮ ﺭﻭﻫﯩﻲ ﺯﻩﺭﺑﻪ ﺋﯧﻠﯩﭗ ﻛﻪﻟﮕﻪﻥ ﺑﻮﻟﯘﭖ، ﻫﺎﺯﯨﺮ ﺋﯘﻧﯩﯔ ﺳﺎﻻﻣﻪﺗﻠﯩﻚ ﺋﻪﻫﯟﺍﻟﻰ ﺩﯦﮕﻪﻧﺪﻩﻙ ﻳﺎﺧﯩﺸﻰ ﺋﻪﻣﻪﺱ ﺋﯩﻜﻪﻥ.
ﺑﯘ ﺋﯘﻳﻐﯘﺭ ﺯﯨﻴﺎﻟﯩﻴﻨﯩﯔ ﺋﯧﻴﺘﯩﺸﯩﭽﻪ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺑﻠﯩﻤﯩﺖ ﻫﺎﺟﯩﻤﻐﺎ ﻫﻪﺭ ﺧﯩﻞ ﺑﯧﺴﯩﻤﻼﺭﻧﻰ ﺋﯩﺸﻠﯩﺘﯩﭗ ﺋﯘﻧﯩﯔ ﺑﯘﺭﯗﻥ ﺗﯜﺯﮔﻪﻥ ﺋﯩﻘﺘﯩﺴﺎﺩﻯ ﺗﻮﺧﺘﺎﻣﻠﯩﺮﯨﻨﻰ ﺋﺎﺩﺍﻟﻪﺗﺴﯩﺰ ﻫﺎﻟﺪﺍ ﺑﯩﻜﺎﺭ ﻗﯩﻠﻐﺎﻥ. ﻧﻪﺗﯩﺠﯩﺪﻩ، ﺋﺎﺑﻠﯩﻤﯩﺖ ﻫﺎﺟﯩﻢ ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺗﯘﺭﯗﺷﻠﯘﻕ ﻫﯚﻛﯜﻣﯩﺘﯩﮕﻪ ﺋﻪﺭﺯ ﺳﯘﻧﯘﭖ ﺋﺎﻗﺘﯘﺭﺍﻟﻤﯩﻐﺎﻧﺪﯨﻦ ﻛﯧﻴﯩﻦ، ﻫﺎﺯﯨﺮ ﺧﯩﺘﺎﻳﻨﯩﯔ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﮕﻪ ﺋﻪﺭﺯ ﺳﯘﻧﻐﺎﻥ ﺋﯩﻜﻪﻥ.
ﺋﻪﻣﻤﺎ، ﺳﯘﻧﻐﺎﻥ ﺋﻪﺭﺯﯨﻨﯩﯔ ﻧﻪﺗﯩﺠﯩﺴﯩﻨﯩﯔ ﻗﺎﻧﺪﺍﻕ ﺑﻮﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﺎﺑﻠﯩﻤﯩﺖ ﻫﺎﺟﯩﻢ ﺑﯩﻠﻪﻥ ﻛﯚﺭﯛﺷﯜﺷﻜﻪ ﻛﯚﭖ ﺋﯘﺭﯗﻧﻐﺎﻥ ﺑﻮﻟﺴﺎﻗﻤﯘ، ﻣﻪﻟﯘﻡ ﺳﻪﯞﻩﺑﻠﻪﺭ ﺗﯜﭘﻪﻳﻠﻰ ﺋﯘ ﺯﺍﺕ ﺑﯩﻠﻪﻥ ﻛﯚﺭﯛﺷﯜﺷﻜﻪ ﻧﺎﺋﯩﻞ ﺑﻮﻻﻟﻤﯩﺪﯗﻕ. (ﺟﯜﻣﻪ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
