`ﺷﻪﺭﻗﯩﻲ ﺗﯜﺭﻛﯩﺴﺘﺎﻥ` ﻧﺎﻣﻠﯩﻖ ﺋﻪﺳﻪﺭ ﺗﯜﺭﻛﯩﻴﯩﺪﻩ ﻧﻪﺷﺮﺩﯨﻦ ﭼﯩﻘﺘﻰ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﻪﻧﻘﻪﺭﻩ ﺋﯘﻧﯩﯟﯦﺮﺳﯩﺘﯧﺘﻰ ﺳﯩﻴﺎﺳﻪﺕ ﻓﺎﻛﯘﻟﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﺑﺎﺭﯨﺶ ﺋﺎﺩﯨﺒﻪﻟﻠﻰ ﺋﻪﭘﻪﻧﺪﻯ ﻳﺎﺯﻏﺎﻥ `ﺷﻪﺭﻗﯩﻲ ﺗﯜﺭﻛﯩﺴﺘﺎﻥ` ﻧﺎﻣﻠﯩﻖ ﺋﻪﺳﻪﺭ. RFA Photo / Erkin Tarim

ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺗﯜﺭﻛﯩﻴﯩﺪﻩ ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﻰ، ﺋﻪﺩﻩﺑﯩﻴﺎﺗﻰ، ﺗﯩﻠﻰ ﯞﻩ ﺑﯜﮔﯜﻧﻜﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﺸﻘﺎ ﻗﯩﺰﯨﻘﯩﺪﯨﻐﺎﻥ ﺑﯩﻠﯩﻢ ﺋﺎﺩﻩﻣﻠﯩﺮﯨﻨﯩﯔ ﺳﺎﻧﻰ ﺑﺎﺭﻏﺎﻧﺴﯧﺮﻯ ﻛﯚﭘﻪﻳﻤﻪﻛﺘﻪ. ﺑﯘﻧﯩﯖﻐﺎ ﺋﻪﮔﯩﺸﯩﭗ ﺋﯘﻳﻐﯘﺭ ﺩﯨﻴﺎﺭﻯ ﯞﻩ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻧﻪﺷﺮ ﻗﯩﻠﯩﻨﻐﺎﻥ ﻣﺎﻗﺎﻟﻪ ﯞﻩ ﻛﯩﺘﺎﺑﻼﺭﻧﯩﯔ ﺳﺎﻧﯩﻤﯘ ﻛﯚﭘﻪﻳﻤﻪﻛﺘﻪ. ﺋﯚﺗﻜﻪﻥ ﺋﺎﻳﺪﺍ ﺋﻪﻧﻘﻪﺭﻩ ﺋﯘﻧﯩﯟﯦﺮﺳﯩﺘﯧﺘﻰ ﺳﯩﻴﺎﺳﻪﺕ ﻓﺎﻛﯘﻟﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﺑﺎﺭﯨﺶ ﺋﺎﺩﯨﺒﻪﻟﻠﻰ ﺋﻪﭘﻪﻧﺪﻯ ﻳﺎﺯﻏﺎﻥ `ﺷﻪﺭﻗﯩﻲ ﺗﯜﺭﻛﯩﺴﺘﺎﻥ` ﻧﺎﻣﻠﯩﻖ ﺋﻪﺳﻪﺭ ﺋﯩﺴﺘﺎﻧﺒﯘﻝ ﺋﯩﻖ ﻣﻪﺩﻩﻧﯩﻴﻪﺕ ﺳﻪﻧﺌﻪﺕ ﻧﻪﺷﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﻧﻪﺷﺮ ﻗﯩﻠﯩﻨﺪﻯ.

ﻛﯩﺘﺎﺏ 6 ﺑﯚﻟﯜﻣﯩﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﻮﻟﯘﭖ، ﺟﻪﻣﺌﯩﻲ 192 ﺑﻪﺕ. ﻛﯩﺘﺎﺑﻨﯩﯔ ﺑﯩﺮﯨﻨﭽﻰ ﺑﯚﻟﯜﻣﯩﻨﯩﯔ ﻣﺎﯞﺯﯗﺳﻰ `ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺭﺍﻳﻮﻧﻰ` ﺑﻮﻟﯘﭖ، ﺑﯘ ﺑﯚﻟﯜﻣﺪﻩ ﺗﺎﺭﯨﻢ ﺋﻮﻳﻤﺎﻧﻠﯩﻘﻰ، ﺟﯘﯕﻐﺎﺭ ﺋﻮﻳﻤﺎﻧﻠﯩﻘﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﯚﺳﺘﻪﯓ ﯞﻩ ﺩﻩﺭﻳﺎﻻﺭ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﯧﻨﯧﺮﮔﯩﻴﻪ ﯞﻩ ﻛﺎﻥ ﺑﺎﻳﻠﯩﻘﻠﯩﺮﻯ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺑﺎﺷﻘﯘﺭﯗﺵ ﺗﯜﺯﯛﻣﻰ ﻗﺎﺗﺎﺭﻟﯩﻖ ﻣﻪﺯﻣﯘﻧﻼﺭ ﺑﺎﻳﺎﻥ ﻗﯩﻠﯩﻨﻐﺎﻥ. ﺋﯩﻜﻜﯩﻨﭽﻰ ﻗﯩﺴﯩﻤﻨﯩﯔ ﻣﺎﯞﺯﯗﺳﻰ` ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺗﺎﺭﯨﺨﻰ` ﺑﻮﻟﯘﭖ، ﺑﯘ ﺑﯚﻟﯜﻣﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺧﻪﻥ ﺳﯘﻻﻟﯩﺴﻰ ﻣﻪﺯﮔﯩﻠﯩﺪﯨﻦ ﻣﺎﻧﺠﯘ ﺋﯩﻤﭙﯩﺮﺍﺗﻮﺭﻟﯩﻘﻰ ﻣﻪﺯﮔﯩﻠﯩﮕﯩﭽﻪ ﺑﻮﻟﻐﺎﻥ ﺗﺎﺭﯨﺨﻰ ﺋﺎﯕﻠﯩﺘﯩﻠﻐﺎﻥ. ﺋﯜﭼﯩﻨﭽﻰ ﺑﯚﻟﯜﻣﻨﯩﯔ ﺗﯧﻤﯩﺴﻰ ﺋﻮﺳﻤﺎﻧﻠﻰ ﺋﯩﻤﭙﯧﺮﯨﻴﯩﺴﯩﻨﯩﯔ ﺋﯘﺯﺍﻕ ﺷﻪﺭﻕ ﯞﻩ ﺧﯩﺘﺎﻱ ﺳﯩﻴﺎﺳﯩﺘﻰ ﺑﻮﻟﯘﭖ، ﺑﯘﻧﯩﯖﺪﺍ ﺧﯩﺘﺎﻳﺪﺍ ﻳﯜﺯ ﺑﻪﺭﮔﻪﻥ ﻣﯘﺳﯘﻟﻤﺎﻥ ﻗﻮﺯﻏﯩﻼﯕﻠﯩﺮﻯ، ﺋﻮﺳﻤﺎﻧﻠﻰ ﺋﯩﻤﭙﯧﺮﯨﻴﯩﺴﯩﻨﯩﯔ ﺗﯜﺭﻛﯩﺴﺘﺎﻥ ﺳﯩﻴﺎﺳﯩﺘﻰ ﻗﺎﺗﺎﺭﻟﯩﻖ ﻣﻪﺯﻣﯘﻧﻼﺭ ﺋﺎﯕﻠﯩﺘﯩﻠﻐﺎﻥ. ﺗﯚﺗﯩﻨﭽﻰ ﺑﯚﻟﯜﻣﺪﻩ ﻳﺎﭘﻮﻧﯩﻴﯩﻨﯩﯔ ﺗﯜﺭﻛﯩﺴﺘﺎﻥ ﺳﯩﻴﺎﺳﯩﺘﻰ ﺑﺎﻳﺎﻥ ﻗﯩﻠﯩﻨﻐﺎﻥ. ﺑﻪﺷﯩﻨﭽﻰ ﺑﯚﻟﯜﻣﻨﯩﯔ ﺗﯧﻤﯩﺴﻰ `ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺟﯘﻣﻬﯘﺭﯨﻴﻪﺗﻠﻪﺭ ﻣﻪﺯﮔﯩﻠﻰ` ﺑﻮﻟﯘﭖ، 1933 ‏- ﯞﻩ 1944-ﻳﯩﻠﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺋﯩﻜﻜﻰ ﺟﯘﻣﻬﯘﺭﯨﻴﻪﺕ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﯧﺮﯨﻠﮕﻪﻥ. ﺋﺎﻟﺘﯩﻨﭽﻰ ﺑﯚﻟﯜﻣﺪﻩ ﺳﻮﻏﯘﻕ ﺋﯘﺭﯗﺵ ﻣﻪﺯﮔﯩﻠﯩﺪﯨﻜﻰ ﯞﻩ ﺳﻮﻏﯘﻕ ﺋﯘﺭﯗﺷﺘﯩﻦ ﻛﯧﻴﯩﻨﻜﻰ ﺗﯜﺭﻛﯩﻴﻪ ‏- ﺧﯩﺘﺎﻱ ﻣﯘﻧﺎﺳﯩﯟﯨﺘﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺑﺎﻳﺎﻥ ﻗﯩﻠﯩﻨﻐﺎﻥ. ﻛﯩﺘﺎﺑﻨﯩﯔ ﺋﺎﺧﯩﺮﯨﺪﯨﻜﻰ ﻣﯘﻫﯩﻢ ﺷﻪﺧﺴﻠﻪﺭ ﺑﯚﻟﯜﻣﯩﺪﻩ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﺎﺭﯨﺨﯩﺪﺍ ﺋﯩﺰ ﻗﺎﻟﺪﯗﺭﯗﭖ ﻛﻪﺗﻜﻪﻥ ﻣﯘﻫﯩﻢ ﻛﯩﺸﯩﻠﻪﺭﺩﯨﻦ ﻣﻪﻫﻤﻪﺕ ﺋﯧﻤﯩﻦ ﺑﯘﻏﺮﺍ، ﺋﻪﻳﺴﺎ ﻳﯘﺳﯘﻑ ﺋﺎﻟﯩﭙﺘﯧﻜﯩﻦ، ﻣﻪﺳﺌﯘﺕ ﺳﺎﺑﯩﺮﻯ ﺑﺎﻳﻘﻮﺯﻯ ﯞﻩ ﺋﯧﻠﯩﺨﺎﻥ ﺗﯚﺭﻩ ﺳﺎﻏﯘﻧﻰ ﻗﺎﺗﺎﺭﻟﯩﻖ ﻛﯩﺸﯩﻠﻪﺭﻧﯩﯔ ﺋﯩﺶ ﺋﯩﺰﻟﯩﺮﻯ ﺗﻮﻧﯘﺷﺘﯘﺭﯗﻟﻐﺎﻥ.

`ﺷﻪﺭﻗﯩﻲ ﺗﯜﺭﻛﯩﺴﺘﺎﻥ` ﻧﺎﻣﻠﯩﻖ ﺑﯘ ﻛﯩﺘﺎﺏ ﻫﻪﻗﻘﯩﺪﻩ ﺗﯧﺨﯩﻤﯘ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺑﯘ ﻛﯩﺘﺎﺑﻨﯩﯔ ﺋﺎﭘﺘﻮﺭﻯ ﺑﺎﺭﯨﺶ ﺋﺎﺩﯨﻠﻪﻟﻠﻰ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﺑﺎﺭﯨﺶ ﺋﺎﺩﯨﺒﻪﻟﻠﻰ ﺋﻪﭘﻪﻧﺪﻯ ﺋﺎﻟﺪﻯ ﺑﯩﻠﻪﻥ ﺑﯘ ﻛﯩﺘﺎﺑﻨﻰ ﻳﯧﺰﯨﺸﺘﯩﻜﻰ ﻣﻪﻗﺴﯩﺘﻰ ﺋﯜﺳﺘﯩﺪﻩ ﺗﻮﺧﺘﺎﻟﺪﻯ: "ﻣﯧﻨﯩﯔ ﻛﻪﺳﭙﯩﻢ ﺧﯩﺘﺎﻳﻨﯩﯔ ﺗﺎﺷﻘﻰ ﺳﯩﻴﺎﺳﯩﺘﯩﻨﻰ ﺗﻪﺗﻘﯩﻖ ﻗﯩﻠﯩﺶ. ﻣﯧﻨﯩﯖﭽﻪ ﺧﯩﺘﺎﻱ ﺩﯦﮕﻪﻥ ﯞﺍﻗﺘﯩﻤﯩﺰﺩﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﺗﻮﺧﺘﺎﻟﻤﺎﺳﻠﯩﻖ ﺋﻪﻗﯩﻠﮕﻪ ﺳﯩﻐﻤﺎﻳﺪﯗ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺗﯜﺭﻛﯩﻴﯩﺪﻩ ﻗﯩﺰﯨﻘﺎﺭﻟﯩﻖ ﺑﯩﺮ ﺗﯧﻤﺎ. ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺑﯘﺭﯗﻧﺪﯨﻦ ﺗﺎﺭﺗﯩﭗ ﺗﯜﺭﻛﯩﻴﯩﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺋﺎﯕﻼﺗﻘﯩﻨﻰ ﺑﯘﻳﯩﭽﻪ ﭼﯜﺷﯩﻨﯩﭗ، ﺋﯘﻻﺭﻧﯩﯔ ﺩﯦﮕﻪﻧﻠﯩﺮﯨﮕﻪ ﺋﺎﺳﺎﺳﻠﯩﻨﯩﭗ ﺗﯘﺭﯗﭖ ﺗﻪﺗﻘﯩﻖ ﻗﯩﻠﯩﭗ ﻛﻪﻟﮕﻪﻥ ﺋﯩﺪﯗﻕ. ﻫﺎﺯﯨﺮ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺭﺍﻳﻮﻥ ﺧﺎﺭﺍﻛﺘﯧﺮﻟﯩﻚ ﻣﻪﺳﯩﻠﻪ ﺑﻮﻟﯘﺷﺘﯩﻦ ﻫﺎﻟﻘﯩﭗ، ﺩﯗﻧﻴﺎﻧﯩﯔ ﻛﯜﻥ ﺗﻪﺭﺗﯩﭙﯩﮕﻪ ﻛﯧﻠﯩﺸﻜﻪ ﺑﺎﺷﻠﯩﺪﻯ. ﻣﻪﻥ ﺑﯘ ﻛﯩﺘﺎﺑﻨﻰ ﻳﯧﺰﯨﺶ ﺟﻪﺭﻳﺎﻧﯩﺪﺍ ﺑﯘﺭﯗﻥ ﺑﯘ ﻫﻪﻗﺘﻪ ﺋﯧﻠﯩﭗ ﺑﯧﺮﯨﻠﻐﺎﻥ ﺗﻪﺗﻘﯩﻘﺎﺗﻼﺭﻧﯩﯔ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭﺩﯨﻦ ﺋﺎﻳﺮﯨﻢ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ ﭼﯜﺷﯩﻨﯩﭗ ﻳﻪﺗﺘﯩﻢ. ﺷﯘﯕﺎ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭ ﺟﻪﻫﻪﺗﺘﯩﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﻗﺎﻧﺪﺍﻕ ﺑﯩﺮ ﻣﻪﺳﯩﻠﻪ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺵ ﺋﯜﭼﯜﻥ ﺑﯘ ﺋﻪﺳﻪﺭﻧﻰ ﻳﺎﺯﺩﯨﻢ."

ﺑﺎﺭﯨﺶ ﺋﺎﺩﯨﺒﻪﻟﻠﻰ ﺋﻪﭘﻪﻧﺪﻯ ﺑﯘ ﻛﯩﺘﺎﺑﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﻪﺗﻘﯩﻘﺎﺗﯩﺪﯨﻜﻰ ﺑﯩﺮ ﺑﺎﺷﻼﻧﻐﯘﭺ ﺋﯩﻜﻪﻧﻠﯩﻜﯩﻨﻰ، ﺋﯩﻜﻜﯩﻨﭽﻰ ﻛﯩﺘﺎﺑﯩﺪﺍ ﺗﯧﺨﯩﻤﯘ ﺋﻪﺗﺮﺍﭘﻠﯩﻖ ﻳﺎﺯﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﺑﯘ ﻛﯩﺘﺎﺑﻨﻰ ﻳﯧﺰﯨﺶ ﺋﺎﺭﻗﯩﻠﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﭘﻪﻗﻪﺗﻼ ﻛﯩﺮﯨﺶ ﺳﯚﺯﻯ ﻳﺎﺯﺩﯨﻢ ﺩﻩﭖ ﺋﻮﻳﻼﻳﻤﻪﻥ. ﻛﯧﻠﻪﭼﻪﻛﺘﻪ ﺗﯧﺨﯩﻤﯘ ﺋﻪﺗﺮﺍﭘﻠﯩﻖ ﺑﯩﺮ ﺋﻪﺳﻪﺭ ﻳﯧﺰﯨﺸﻨﻰ ﺋﻮﻳﻼﯞﺍﺗﯩﻤﻪﻥ. ﺑﯘ ﻛﯩﺘﺎﺑﺘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﻗﯩﺴﻘﯩﭽﻪ ﺋﺎﯕﻼﺗﺘﯩﻢ، ﻫﻪﺗﺘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﺍﯞﺍﺳﯩﺪﯨﻜﻰ ﻣﯘﻫﯩﻢ ﺷﻪﺧﯩﺴﻠﻪﺭ ﻫﻪﻗﻘﯩﺪﯨﻤﯘ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﯧﺮﯨﭗ ﺋﯚﺗﺘﯜﻡ. ﭼﯜﻧﻜﻰ ﺗﯜﺭﻛﯩﻴﯩﺪﻩ ﺑﯘ ﻛﯩﺸﯩﻠﻪﺭ ﺋﺎﻧﭽﻪ ﻳﺎﺧﺸﻰ ﺑﯩﻠﯩﻨﯩﭗ ﻛﻪﺗﻤﻪﻳﺪﯗ. 2000-ﻳﯩﻠﯩﺪﯨﻦ ﺗﺎﺭﺗﯩﭗ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺩﯗﻧﻴﺎﻧﯩﯔ ﻣﯘﻫﯩﻢ ﻣﻪﺳﯩﻠﯩﻠﯩﺮﯨﺪﯨﻦ ﺑﯩﺮﯨﮕﻪ ﺋﺎﻳﻼﻧﺪﻯ. ﺷﯘﻧﯩﯔ ﺑﯩﻠﻪﻥ ﺑﯩﺮﻟﯩﻜﺘﻪ، ﺑﯘ ﻣﻪﺳﯩﻠﻪ ﺗﯜﺭﻛﯩﻴﻪ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺋﺎﭼﻘﯘﭼﻠﯘﻕ ﻣﻪﺳﯩﻠﯩﻠﻪﺭﺩﯨﻦ ﺑﯩﺮﯨﺪﯗﺭ. ﻣﻪﻥ ﺑﯘ ﻛﯩﺘﺎﺑﺘﺎ ﺗﯜﺭﻛﯩﻴﻪ ﻫﯚﻛﯜﻣﯩﺘﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻧﯧﻤﻪ ﺋﯜﭼﯜﻥ ﺋﺎﻛﺘﯩﭗ ﻛﯚﯕﯜﻝ ﺑﯚﻟﻤﻪﻳﺪﯗ ﺩﯦﮕﻪﻥ ﺳﻮﺋﺎﻟﻐﯩﻤﯘ ﺟﺎﯞﺍﺏ ﺗﯧﭙﯩﺸﻘﺎ ﺗﯩﺮﯨﺸﺘﯩﻢ. ﺑﯘ ﻛﯩﺘﺎﺑﻨﻰ ﺋﻮﻗﯘﻏﺎﻥ ﻛﯩﺸﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﻗﯩﺴﻘﯩﭽﻪ ﻣﻪﻟﯘﻣﺎﺗﻘﺎ ﺋﯩﮕﻪ ﺑﻮﻟﯘﭘﻼ ﻗﺎﻟﻤﺎﻱ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭﺩﯨﻜﻰ ﺋﻮﺭﻧﯩﻨﯩﻤﯘ ﺑﯩﻠﯩﯟﺍﻻﻻﻳﺪﯗ. ﻫﻪﺗﺘﺎ ﺗﯜﺭﻛﯩﻴﻪ ‏- ﺧﯩﺘﺎﻱ ﻣﯘﻧﺎﺳﯩﯟﯨﺘﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﺗﺎﺭﯨﺨﯩﻨﯩﻤﯘ ﺑﯩﻠﯩﯟﺍﻻﻻﻳﺪﯗ."

ﺑﺎﺭﯨﺶ ﺋﺎﺩﯨﺒﻪﻟﻠﻰ ﺋﻪﭘﻪﻧﺪﻯ ﺋﻪﺳﻪﺭﻟﯩﺮﯨﺪﻩ ﺩﯨﭙﻠﻮﻣﺎﺗﯩﻴﯩﻠﯩﻚ ﺳﯚﺯﻟﻪﺭ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺋﺎﮔﺎﻫﻼﻧﺪﯗﺭﻏﺎﻧﻠﯩﻘﯩﻨﻰ ﺋﯧﻴﺘﺘﻰ: "ﺋﻪﮔﻪﺭ ﺋﯘ ﺭﺍﻳﻮﻧﺪﺍ ﺋﯘﻳﻐﯘﺭﻻﺭ ﻫﻪﻗﯩﻘﯩﻲ ﺩﻩﭘﺴﻪﻧﺪﻩ ﻗﯩﻠﯩﻨﯩﯟﺍﺗﻘﺎﻥ ﺑﻮﻟﺴﺎ، ﺑﯩﺰ ﺑﯘﻧﻰ ﺳﯩﭙﺎﻳﯩﻠﯩﻚ ﺑﯩﻠﻪﻥ ﺩﻩﯞﺍﺗﯩﻤﯩﺰ. ﺑﯩﺰ ﺷﯘﻧﻰ ﺩﻩﯞﺍﺗﯩﻤﯩﺰ، ﺋﯘ ﻳﻪﺭﺩﻩ ﺑﯩﺮ ﻣﯩﻠﻠﻪﺕ ﺑﺎﺭ، ﺋﻪﺳﯩﺮﻟﻪﺭﺩﯨﻦ ﺑﯧﺮﻯ ﺋﯘ ﺗﻮﭘﺮﺍﻗﻼﺭﺩﺍ ﻳﺎﺷﺎﭖ ﻛﻪﻟﻤﻪﻛﺘﻪ. ﺑﯘﻻﺭﻧﯩﯔ ﺩﯙﻟﻪﺗﻠﯩﺮﯨﻤﯘ ﺑﻮﻟﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﻛﯘﺭﺩﻻﺭﻏﺎ ﺩﯙﻟﯩﺘﻰ ﻳﻮﻕ ﻣﯩﻠﻠﻪﺕ ﺩﻩﭖ ﺋﯩﭻ ﺋﺎﻏﺮﯨﺘﯩﺪﯗ. ﺋﻪﻣﻤﺎ ﺧﯩﺘﺎﻳﺪﯨﻜﻰ ﺋﯘﻳﻐﯘﺭﻻﺭ ﺗﺎﺭﯨﺨﺘﺎ ﺩﯙﻟﻪﺕ ﻗﯘﺭﻏﺎﻥ ﻣﯩﻠﻠﻪﺕ. ﺷﯘﯕﺎ ﻣﻪﻥ ﺋﻪﺳﻪﺭﻟﯩﺮﯨﻤﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺋﯩﻠﻤﯩﻲ، ﺩﯨﭙﻠﻮﻣﺎﺗﯩﻴﯩﻠﯩﻚ ﺋﯘﺳﻠﯘﺑﺘﺎ ﺑﺎﻳﺎﻥ ﻗﯩﻠﯩﭗ ﻛﯧﻠﯩﯟﺍﺗﯩﻤﻪﻥ. ﻫﺎﺯﯨﺮﻏﯩﭽﻪ ﺗﻪﻳﯟﻩﻥ ﯞﻩ ﺧﯩﺘﺎﻱ ﻫﻪﻗﻘﯩﺪﻩ ﻛﯩﺘﺎﺑﻠﯩﺮﯨﻤﻤﯘ ﻧﻪﺷﺮ ﻗﯩﻠﯩﻨﺪﻯ، ﻫﺎﺯﯨﺮ ﺗﯩﺒﻪﺕ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺑﯩﺮ ﺋﻪﺳﻪﺭ ﻳﯧﺰﯨﯟﺍﺗﯩﻤﻪﻥ." (ﺋﻪﺭﻛﯩﻦ ﺗﺎﺭﯨﻢ)

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)