ﻳﺎﯕﺮﺍﻕ ﺧﯩﺘﺎﭖ، ﭘﺎﺟﯩﺌﻪﻟﯩﻚ ﻗﯩﺴﻤﻪﺕ

• ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

( ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﻧﯩﯔ ﺷﯧﻬﯩﺖ ﻗﯩﻠﯩﻨﻐﺎﻧﻠﯩﻘﯩﻨﯩﯔ 75 ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ)

ﺑﯘ ﻳﯩﻞ 3 - ﺋﺎﻳﻨﯩﯔ 13 - ﻛﯜﻧﻰ ﺋﯘﻳﻐﯘﺭ ﺧﻪﻟﻘﯩﻨﯩﯔ 20 - ﺋﻪﺳﯩﺮ ﺋﻪﺩﻩﺑﯩﻴﺎﺗﯩﻨﯩﯔ ﺋﺎﺳﺎﺳﯩﻨﻰ ﺳﺎﻟﻐﯘﭼﯩﻠﯩﺮﯨﺪﯨﻦ ﺑﯩﺮﻯ، ﺋﯘﻳﻐﯘﺭ ﺧﻪﻟﻘﯩﻨﻰ ﺋﻮﻳﻐﯩﺘﯩﭗ ﯞﻩ ﺋﯘﻧﻰ ﺋﺎﺯﺍﺩﻟﯩﻘﻘﺎ ﭼﺎﻗﯩﺮﯨﭗ، ﺷﯘ ﻳﻮﻟﺪﺍ ﺋﯚﺯ ﻫﺎﻳﺎﺗﯩﻨﻰ ﺗﻪﻗﺪﯨﻢ ﻗﯩﻠﻐﺎﻥ ﺷﺎﺋﯩﺮ ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﻧﯩﯔ ﺷﯩﯔ ﺷﯩﺴﻪﻱ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﯩﯔ 75ﻳﯩﻠﻠﯩﻘﯩﺪﯗﺭ.

ﺋﯘﻧﺘﯘﻟﻤﺎﺱ ﻛﯘﻥ

ﺑﯘﻧﯩﯖﺪﯨﻦ 75 ﻳﯩﻞ ﺋﯩﻠﮕﯩﺮﯨﻜﻰ 3 - ﺋﺎﻳﻨﯩﯔ 13 - ﻛﯜﻧﻰ ﺗﯘﺭﭘﺎﻥ ﺋﺎﺳﻤﯩﻨﻰ ﻗﺎﺭﺍ ﺑﯘﻟﯘﺗﻼﺭ ﻗﺎﭘﻠﯩﻐﺎﻥ، ﮔﻪﺭﭼﻪ ﺑﺎﺵ ﺑﺎﻫﺎﺭ ﭘﻪﺳﻠﻰ ﻳﯧﺘﯩﭗ ﻛﯧﻠﯩﭗ، ﺗﻮﯕﻼﺭ ﺋﯧﺮﯨﺸﻜﻪ ﺑﺎﺷﻠﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﺎﭼﭽﯩﻖ ﻗﯘﺭﯗﻕ ﺳﻮﻏﯘﻕ ﻫﯧﭻ ﭘﻪﺳﯩﻠﮕﻪ ﻣﺎﺱ ﻛﻪﻟﻤﯩﮕﻪﻥ ﻫﺎﻟﺪﺍ ﺯﻩﻫﻪﺭﻟﯩﻚ ﻳﯩﻼﻧﻨﯩﯔ ﺷﻪﭘﻘﻪﺗﺴﯩﺰ ﻧﻪﺷﺘﯩﺮﻯ ﻛﻪﺑﻰ ﻧﺎﺗﯩﯟﺍﻥ ﺑﻪﺩﻩﻧﻠﻪﺭﮔﻪ ﺳﺎﻧﭽﯩﻼﺗﺘﻰ. ﻛﯧﭽﯩﭽﻪ ﻫﯘﯞﻟﯩﻐﺎﻥ ﺑﻮﺭﺍﻧﻨﯩﯔ ﻫﯘﺷﻘﯘﺭﺗﯘﺷﻠﯩﺮﻯ ﭘﻪﺳﻪﻳﻤﻪﻱ ﺗﯘﺭﯗﭖ، ﺗﯘﺭﭘﺎﻥ ﻳﯧﯖﻰ ﺷﻪﻫﯩﺮﯨﺪﯨﻜﻰ ﻗﺎﺯﯨﺨﺎﻧﺎ ﻣﻪﺳﭽﯩﺘﯩﻨﯩﯔ ﺋﺎﻟﺪﯨﺪﯨﻜﻰ ﻣﻪﻳﺪﺍﻧﻐﺎ ﻗﻮﻟﻠﯩﺮﻯ ﭼﻪﻣﺒﻪﺭﭼﻪﺱ ﺑﺎﻏﻼﻧﻐﺎﻥ 17 ﺋﺎﺩﻩﻡ ﺑﯚﺭﻩ ﻛﯚﺯﻟﯜﻙ، ﺗﻪﻟﻪﺗﻰ ﺳﯚﺭﯛﻥ ﺷﯧﯔ ﺷﯩﺴﻪﻳﻨﯩﯔ ﺧﯩﺘﺎﻱ ﯞﻩ ﺋﺎﻕ ﺋﻮﺭﯗﺱ ﺋﻪﺳﻜﻪﺭﻟﯩﺮﻯ ﺗﻪﺭﯨﭙﯩﺪﯨﻦ ﻳﺎﻻﭖ ﺋﯧﻠﯩﭗ ﻛﯧﻠﯩﻨﺪﻯ. ﺋﻪﺗﺮﺍﭘﻘﺎ ﺧﯧﻠﻰ ﻛﯚﭖ ﺳﺎﻧﺪﺍ ﭘﯘﻗﺮﺍﻻﺭ ﺗﻮﭘﻼﻧﻐﺎﻥ ﺑﻮﻟﯘﭖ، ﺧﻪﻟﻖ ﺗﻮﭘﯩﻐﺎ ﯞﻩ ﻣﻪﻫﺒﯘﺳﻼﺭﻏﺎ ﭘﯩﻠﯩﻤﯘﺗﻼﺭ ﺑﻪﺗﻠﻪﻧﺪﻯ. ﻣﻪﻳﺪﺍﻧﻨﻰ ﻳﯩﻐﺎ - ﺯﺍﺭﻩ، ﻧﺎﻟﻪ - ﭘﻪﺭﻳﺎﺩﻻﺭ ﻫﻪﻡ ﺧﯩﺘﺎﻱ ﯞﻩ ﺋﺎﻕ ﺋﻮﺭﯗﺱ ﺋﻪﺳﻜﻪﺭﻟﯩﺮﯨﻨﯩﯔ ﺗﯩﻠﻼﺷﻠﯩﺮﻯ، ﯞﺍﺭﻗﯩﺮﺍﺷﻠﯩﺮﻯ ﻗﺎﭘﻠﯩﺪﻯ...

ﺋﻪﻧﻪ ﺷﯘ ﭘﻪﻳﺘﺘﻪ ﻣﻪﻫﺒﯘﺳﻼﺭ ﺋﺎﺭﯨﺴﯩﺪﯨﻜﻰ ﻳﯜﺯﻟﯩﺮﻯ ﻳﯘﻣﯘﻻﻕ، 30 ﻳﺎﺷﻼﺭ ﭼﺎﻣﯩﺴﯩﺪﯨﻜﻰ ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ ﮔﻪﯞﺩﯨﺴﯩﻨﻰ ﺗﯩﻚ ﺗﯘﺗﻘﺎﻥ ﻫﺎﻟﺪﺍ، ﯞﺍﻟﯩﻠﺪﺍﭖ ﺗﯘﺭﻏﺎﻥ ﻗﯩﻠﯩﭻ ﯞﻩ ﻣﯩﻠﺘﯩﻖ ﻧﻪﻳﺰﯨﻠﯩﺮﯨﮕﻪ ﭘﯩﺴﻪﻧﺖ ﻗﯩﻠﻤﺎﻱ، ﺳﻪﭘﻨﯩﯔ ﺋﺎﻟﺪﯨﻐﺎ ﭼﯩﻘﺘﻰ ﯞﻩ ﺋﯘﻳﻐﯘﺭﭼﻪ، ﺭﯗﺳﭽﻪ ﻫﻪﻡ ﺧﯩﺘﺎﻳﭽﻪ ﺗﯩﻠﻼﺭ ﺑﯩﻠﻪﻥ ﭘﯘﻗﺮﺍﻻﺭﻏﺎ، ﺋﺎﻕ ﺋﻮﺭﯗﺱ ﻫﻪﻡ ﺧﯩﺘﺎﻱ ﺋﻪﺳﻜﻪﺭﻟﯩﺮﯨﮕﻪ ﺧﯩﺘﺎﭖ ﻗﯩﻠﯩﭗ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﻪﻣﺪﻯ ﺋﻮﻳﻐﯩﻨﯩﭗ، ﺋﺎﺯﺍﺩﻟﯩﻖ ﻳﻮﻟﯩﻐﺎ ﺋﺎﺗﻼﻧﻐﺎﻧﻠﯩﻘﯩﻨﻰ، ﺑﯜﮔﯜﻥ ﺋﯚﺯﻟﯩﺮﯨﻨﻰ ﺋﯚﻟﺘﯜﺭﺳﯩﻤﯘ، ﻟﯧﻜﯩﻦ ﻗﻮﺯﻏﯩﻼﯕﭽﯩﻼﺭﻧﯩﯔ ﺋﯚﺯﻟﯩﺮﻯ ﺋﯜﭼﯜﻥ ﭼﻮﻗﯘﻡ ﺋﯩﻨﺘﯩﻘﺎﻡ ﺋﺎﻟﯩﺪﯨﻐﺎﻧﻠﯩﻘﯩﻨﻰ، ﺑﻮﻟﯘﭘﻤﯘ ﺋﺎﻕ ﺋﻮﺭﯗﺱ ﺋﻪﺳﻜﻪﺭﻟﯩﺮﯨﻨﯩﯔ ﺷﯧﯔ ﺷﯩﺴﻪﻳﮕﻪ ﻳﺎﻟﻼﻧﻤﺎ ﺑﻮﻟﯘﭖ، ﺑﯩﮕﯘﻧﺎﻫ ﺋﯘﻳﻐﯘﺭﻻﺭﻧﯩﯔ ﻗﯧﻨﯩﻨﻰ ﺗﯚﻛﯜﺷﯜﭖ ﺑﻪﺭﮔﯩﻨﻰ ﺑﯩﻠﻪﻥ ﻫﺎﻣﺎﻥ ﺑﯩﺮ ﻛﯜﻧﻰ ﺋﻪﺷﯘ ﺷﯧﯔ ﺷﯩﺴﻪﻱ ﻣﯩﻠﯩﺘﺎﺭﯨﺴﺘﻠﯩﺮﯨﻨﯩﯔ ﺋﯘﻻﺭﺩﯨﻦ ﻳﯜﺯ ﺋﯚﺭﯛﭖ، ﺋﯚﺯﻟﯩﺮﯨﻨﯩﯔ ﺗﯧﺨﯩﻤﯘ ﺑﻪﺗﺘﻪﺭ ﺋﺎﻗﯩﯟﻩﺗﻜﻪ ﻗﺎﻟﯩﺪﯨﻐﺎﻧﻠﯩﻘﻰ ﺋﻪﺳﻜﻪﺭﺗﯩﭗ، ﺋﯘﻻﺭﻧﻰ ﺋﻮﻳﻐﯩﻨﯩﭗ، ﺋﯘﻳﻐﯘﺭ ﻗﻮﺯﻏﯩﻼﯕﭽﯩﻠﯩﺮﻯ ﺗﻪﺭﯨﭙﯩﮕﻪ ﺋﯚﺗﯜﺷﻜﻪ ﭼﺎﻗﯩﺮﺩﻯ.

ﺋﺎﺑﺪﯗﺧﺎﻟﯩﻘﻨﯩﯔ ﺳﯚﺯﻟﯩﺮﻯ ﺋﺎﺧﯩﺮﻻﺷﻤﺎﻳﻼ، ﺷﯧﯔ ﺷﯩﺴﻪﻱ " ﺷﺎ! " ﺩﻩﭖ ﻗﻮﻟﯩﻨﻰ ﺷﯩﻠﺘﯩﭗ ﯞﺍﺭﻗﯩﺮﯨﺸﻰ ﺑﯩﻠﻪﻥ ﺗﻪﯓ ﺟﺎﻟﻼﺕ ﺋﻪﺳﻜﻪﺭﻟﻪﺭ ﺋﺎﻟﺪﻯ ﺑﯩﻠﻪﻥ ﺋﺎﺑﺪﯗﺧﺎﻟﯩﻘﻨﻰ ﻗﯩﻠﯩﭻ ﺑﯩﻠﻪﻥ ﭼﺎﭘﺘﻰ. ﺋﺎﺑﺪﯗﺧﺎﻟﯩﻘﻨﯩﯔ " ﺋﺎﺯﺍﺩﻟﯩﻖ ﺋﯜﭼﯜﻥ..." ﺩﯦﮕﻪﻥ ﺋﺎﺧﯩﺮﻗﻰ ﺧﯩﺘﺎﺑﻰ ﺗﯜﮔﯩﻤﻪﻱ ﺗﯘﺭﯗﭖ، ﻳﻪﺭﮔﻪ ﻳﯩﻘﯩﻠﺪﻯ، ﺟﺎﻟﻼﺗﻼﺭ ﺋﯘﻧﻰ ﻗﯩﻴﻤﺎ - ﭼﯩﻴﻤﺎ ﻗﯩﻠﯩﯟﻩﺗﺘﻰ، ﺋﺎﺭﻗﯩﺪﯨﻦ ﺑﺎﺷﻘﺎ ﻣﻪﻫﺒﯘﺳﻼﺭﻣﯘ ﭼﯧﭙﯩﭗ ﺗﺎﺷﻼﻧﺪﻯ. ﻣﻪﺳﭽﯩﺖ ﺋﺎﻟﺪﻯ ﻣﻪﻳﺪﺍﻥ ﻧﺎﻟﻪ - ﭘﻪﺭﻳﺎﺩﻻﺭ ﺑﯩﻠﻪﻥ ﺗﻮﻟﺪﻯ.

ﻣﺎﻧﺎ ﺑﯘ ﺗﯘﺭﭘﺎﻥ ﺧﻪﻟﻘﯩﻨﯩﯔ ﺋﻪﺑﻪﺩﯨﻲ ﺋﯧﺴﯩﺪﯨﻦ ﭼﯩﻘﻤﺎﺱ ﭘﺎﺟﯩﺌﻪﻟﯩﻚ 13 - ﻣﺎﺭﺕ ﻛﯜﻧﻰ ﺑﻮﻟﯘﭖ، ﺑﯘ ﭘﺎﺟﯩﺌﻪ 75 ﻳﯩﻠﺪﯨﻦ ﺑﯘﻳﺎﻥ ﺋﻪﯞﻻﺩﺗﯩﻦ - ﺋﻪﯞﻻﺩﻗﺎ ﺋﻪﺳﻠﯩﻨﯩﭗ ﺑﯩﺮ ﻛﯜﻧﻤﯘ ﺋﯘﻧﺘﯘﻟﻤﯩﺪﻯ!.

ﺋﺎﺑﺪﯗﺧﺎﻟﯩﻘﻨﯩﯔ ﭘﺎﺋﺎﻟﯩﻴﻪﺗﻠﯩﺮﻯ

ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ 1901 - ﻳﯩﻠﻰ ﺗﯘﻏﯘﻟﻐﺎﻥ. ﺋﯚﺳﻤﯜﺭﻟﯜﻙ ﯞﺍﻗﺘﯩﺪﯨﻦ ﺑﺎﺷﻼﭖ، ﺗﯘﺭﭘﺎﻥ ﯞﻩ ﺭﯗﺳﯩﻴﯩﻨﯩﯔ ﺷﻪﻣﻪﻱ، ﻣﻮﺳﻜﯟﺍ ﻗﺎﺗﺎﺭﻟﯩﻖ ﺷﻪﻫﻪﺭﻟﯩﺮﯨﺪﻩ ﺋﻮﻗﯘﭖ، ﻳﯧﯖﯩﭽﻪ ﻣﻪﺭﯨﭙﻪﺗﭽﯩﻠﯩﻚ ﯞﻩ ﻣﯩﻠﻠﻪﺗﭙﻪﺭﯞﻩﺭﻟﯩﻚ ﺋﯧﯖﻰ ﺑﯩﻠﻪﻥ ﺗﻪﺭﺑﯩﻴﯩﻠﯩﻨﯩﭗ، ﺋﻮﺯ ﺧﻪﻟﻘﯩﻨﻰ ﺟﺎﻫﺎﻟﻪﺗﺘﯩﻦ ﺋﻮﻳﻐﯩﺘﯩﺶ، ﺋﺎﺯﺍﺩﻟﯩﻖ ﺋﯜﭼﯜﻥ ﻛﯜﺭﻩﺵ ﻗﯩﻠﯩﺸﻘﺎ ﺗﻪﺷﻜﯩﻠﻠﻪﺵ ﻳﻮﻟﯩﺪﺍ ﻛﻮﭖ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﯧﻠﯩﭗ ﺑﺎﺭﻏﺎﻥ ﺋﯩﺪﻯ.

ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ، 1932 - ﻳﯩﻠﻰ، 12 - ﺋﺎﻳﺪﺍ ﻣﻪﺧﺴﯘﺕ ﻣﯘﻫﯩﺘﻰ، ﻣﻪﻫﻤﯘﺕ ﻣﯘﻫﯩﺘﻰ ﯞﻩ ﺋﺎﺑﺪﯗﻟﻼ ﺩﺍﻣﻮﻟﻼ ﻗﺎﺗﺎﺭﻟﯩﻘﻼﺭ ﺑﺎﺷﭽﯩﻠﯩﻘﯩﺪﯨﻜﻰ ﺗﯘﺭﭘﺎﻥ ﻗﻮﺯﻏﯩﻠﯩﯖﯩﻐﺎ ﻗﺎﺗﻨﺎﺷﻘﺎﻥ ﯞﻩ 1933 - ﻳﯩﻠﻰ 3 - ﺋﺎﻳﺪﺍ ﺗﯘﺭﭘﺎﻥ ﺷﯩﯔ ﺷﯩﺴﻪﻱ ﺋﻪﺳﻜﻪﺭﻟﯩﺮﻯ ﺗﻪﺭﯨﭙﯩﺪﯨﻦ ﺋﯩﺸﻐﺎﻝ ﻗﯩﻠﯩﻨﻐﺎﻧﺪﺍ ﻳﻪﺭ ﺋﺎﺳﺘﻰ ﭘﺎﺋﺎﻟﯩﻴﯩﺘﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ، ﻣﻪﻫﻤﯘﺕ ﻣﯘﻫﯩﺘﻰ ﯞﻩ ﻣﻪﺧﺴﯘﺕ ﻣﯘﻫﯩﺘﻰ ﻗﻮﺷﯘﻧﻠﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﺋﯩﭽﻰ ﺳﯩﺮﺗﯩﺪﯨﻦ ﻣﺎﺳﻠﯩﺸﯩﭗ، ﺗﯘﺭﭘﺎﻧﻨﻰ ﺋﺎﺯﺍﺩ ﻗﯩﻠﯩﺶ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﻐﺎﻧﺪﺍ ﺩﯛﺷﻤﻪﻧﻨﯩﯔ ﻗﻮﻟﯩﻐﺎ ﭼﯜﺷﯜﭖ ﻗﺎﻟﻐﺎﻥ ﺋﯩﺪﻯ.

ﺋﺎﺑﺪﯗﺧﺎﻟﯩﻘﻨﯩﯔ ﺋﯩﺠﺎﺩﯨﻴﯩﺘﻰ

ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ 20 - ﺋﻪﺳﯩﺮ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﻨﯩﯔ ﺋﺎﺳﺎﺳﯩﻨﻰ ﺳﺎﻟﻐﯘﭼﯩﻠﯩﺮﯨﺪﯨﻦ ﺑﯩﺮﻯ، ﺋﯘﻳﻐﯘﺭ ﺧﻪﻟﻘﯩﻨﻰ ﺋﺎﺯﺍﺩﻟﯩﻘﻘﺎ ﭼﺎﻗﯩﺮﯨﭗ، ﺷﯘ ﻳﻮﻟﻐﺎ ﺋﯚﺯﯨﻨﻰ ﺋﺎﺗﯩﻐﺎﻥ ﭘﯩﺪﺍﻛﺎﺭ ﺷﺎﺋﯩﺮ ﻫﻪﻡ ﺋﻪﺩﻩﺑﯩﻲ ﺋﯩﺠﺎﺩﯨﻴﯩﺘﯩﻨﻰ ﻣﯩﻠﻠﻪﺗﭙﻪﺭﯞﻩﺭﻟﯩﻚ، ﺋﺎﺯﺍﺩﻟﯩﻖ ﺋﯩﺪﯨﻴﯩﻠﯩﺮﻯ ﺑﯩﻠﻪﻥ ﺯﯨﭻ ﺑﺎﻏﻠﯩﻐﺎﻥ ﺋﯩﺪﯦﺌﻮﻟﻮﮒ ﺋﯩﺪﻯ.

ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ ﻳﺎﺯﻏﺎﻥ " ﺋﺎﭼﯩﻞ" ﻧﺎﺧﺸﯩﺴﻰ ﺋﻪﻳﻨﻰ ﯞﺍﻗﯩﺘﺘﺎ ﺗﯘﺭﭘﺎﻥ - ﻗﯘﻣﯘﻝ ﻗﻮﺯﻏﯩﻼﯕﭽﯩﻠﯩﺮﯨﻨﯩﯔ ﻣﺎﺭﺷﯩﻐﺎ ﺋﺎﻳﻼﻧﻐﺎﻥ ﺑﻮﻟﯘﭖ، ﺋﺎﺑﺪﯗﺧﺎﻟﯩﻖ ﻗﺎﺗﻨﺎﺷﻘﺎﻥ ﺋﯚﺗﻜﻪﻥ ﺋﻪﺳﯩﺮﻧﯩﯔ 30 - ﻳﯩﻠﻠﯩﺮﯨﺪﯨﻜﻰ ﻗﯘﻣﯘﻝ - ﺗﯘﺭﭘﺎﻥ، ﻗﻪﺷﻘﻪﺭ، ﺧﻮﺗﻪﻥ ﯞﻩ ﺋﺎﻗﺴﯘ ﯞﯨﻼﻳﻪﺗﻠﯩﺮﻯ ﯞﻩ ﺑﺎﺷﻘﺎ ﺟﺎﻳﻼﺭﺩﺍ ﺋﻪﯞﺟﻰ ﺋﺎﻟﻐﺎﻥ ﺋﻪﻧﻪ ﺷﯘ ﻛﻪﯓ ﻛﯚﻟﻪﻣﻠﯩﻚ ﻗﻮﺯﻏﯩﻼﯓ ﻧﻪﺗﯩﺠﯩﺴﯩﺪﻩ 1933 - ﻳﯩﻠﻰ، 12 - ﻧﻮﻳﺎﺑﯩﺮ ﻛﯜﻧﻰ ﻗﻪﺷﻘﻪﺭﺩﻩ ﺳﺎﺑﯩﺖ ﺩﺍﻣﻮﻟﻼﻡ ﺑﺎﺵ ﻣﯩﻨﯩﺴﺘﯩﺮﻟﯩﻜﻰ، ﺧﻮﺟﺎ ﻧﯩﻴﺎﺯ ﻫﺎﺟﯩﻢ ﺭﻩﺋﯩﺴﻠﯩﻜﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﺪﻯ. ﺗﯘﺭﭘﺎﻥ - ﻗﯘﻣﯘﻝ ﻗﻮﺯﻏﯩﻼﯕﭽﯩﻠﯩﺮﻯ ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ ﺋﯩﺠﺎﺩ ﻗﯩﻠﻐﺎﻥ " ﺋﺎﭼﯩﻞ" ﻧﺎﺧﺸﯩﺴﯩﻨﻰ ﻳﺎﯕﺮﯨﺘﯩﭗ، ﻗﻪﺷﻘﻪﺭﮔﻪ ﻳﯧﺘﯩﭗ ﻛﯧﻠﯩﭗ، ﻗﻪﺷﻘﻪﺭ - ﺧﻮﺗﻪﻥ ﻗﻮﺯﻏﯩﻼﯕﭽﯩﻠﯩﺮﻯ ﺑﯩﻠﻪﻥ ﺑﯩﺮﻟﻪﺷﻜﻪﻥ ﺋﯩﺪﻯ.

ﺋﯘﻧﯩﯔ" ﺋﻮﻳﻐﺎﻥ " ﻗﺎﺗﺎﺭﻟﯩﻖ ﺷﯧﺌﯩﺮﻟﯩﺮﻯ ﻣﯩﻠﻠﯩﻲ ﺭﻭﻫﻘﺎ ﺋﯩﻠﻬﺎﻡ ﺑﻪﺭﻣﻪﻛﺘﻪ

ﺋﯘﻧﯩﯔ ﺋﯘﻳﻐﯘﺭﻻﺭﻧﻰ ﺋﻪﺭﻛﯩﻨﻠﯩﻚ ﺋﯜﭼﯜﻥ ﻛﯜﺭﻩﺵ ﻗﯩﻠﯩﺸﻘﺎ ﭼﺎﻗﯩﺮﯨﺪﯨﻐﺎﻥ "ﺋﻮﻳﻐﺎﻥ "، "ﺋﺎﭼﯩﻞ" ﻗﺎﺗﺎﺭﻟﯩﻖ ﻛﯚﭘﻠﯩﮕﻪﻥ ﺷﯧﺌﯩﺮﻟﯩﺮﻯ ﺋﯘﻳﻐﯘﺭ ﻣﯩﻠﻠﻪﺗﭙﻪﺭﯞﻩﺭﻟﯩﻜﯩﮕﻪ ﻛﯜﭼﻠﯜﻙ ﺗﻪﺳﯩﺮ ﻛﯚﺭﺳﻪﺗﻜﻪﻥ ﻫﻪﻡ ﺋﯘﻳﻐﯘﺭ ﻣﯩﻠﻠﯩﻲ ﺭﻭﻫﯩﻨﯩﯔ ﻛﯜﭼﯩﻴﯩﺸﯩﺪﻩ ﺑﻪﻟﮕﯩﻠﯩﻚ ﺭﻭﻝ ﺋﻮﻳﻨﯩﻐﺎﻥ ﺋﯩﺪﻯ.

ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﻧﯩﯔ " ﺋﻮﻳﻐﺎﻥ " ﻧﺎﻣﻠﯩﻖ ﺷﻪﻫﯩﺮﻯ ﻫﻪﺭ ﺑﯩﺮ ﺋﯘﻳﻐﯘﺭ ﺗﻪﺭﯨﭙﯩﺪﯨﻦ ﺩﺍﺋﯩﻢ ﻳﺎﺩﻟﯩﻨﯩﭗ، ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﺭﻭﻫﯩﻐﺎ ﺋﯩﻠﻬﺎﻡ ﺑﻪﺭﻣﻪﻛﺘﻪ.

ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﻧﯩﯔ ﻗﯘﺭﺑﺎﻥ ﺑﻮﻟﻐﺎﻧﻠﯩﻘﯩﻨﯩﯔ 75 ﻳﯩﻠﻠﯩﻖ ﻣﯘﻧﺎﺳﯩﯟﯨﺘﻰ ﺋﯘﻳﻐﯘﺭ ﺋﯧﻠﯩﻨﯩﯔ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ، ﺋﻪﺩﯨﺒﻠﯩﺮﻯ ﻫﻪﻡ ﻳﺎﺷﻠﯩﺮﯨﻨﯩﯔ ﺋﯘﻧﻰ ﺗﯜﺭﻟﯜﻙ ﺷﻪﻛﯩﻠﺪﻩ ﺧﺎﺗﯩﺮﯨﻠﯩﻤﻪﻛﺘﻪ، ﺋﯘﻧﯩﯔ "ﺋﻮﻳﻐﺎﻥ ﺋﯘﻳﻐﯘﺭ!"، "ﺋﺎﭼﯩﻞ" ﺩﯦﮕﻪﻥ ﻳﺎﯕﺮﺍﻕ ﺧﯩﺘﺎﭘﻠﯩﺮﻯ ﯞﻩ ﻧﯩﺪﺍﻟﯩﺮﻯ ﺑﯜﮔﯜﻧﻜﻰ ﻛﯜﻧﺪﯨﻤﯘ ﺩﺍﯞﺍﻣﻠﯩﻖ ﺟﺎﺭﺍﯕﻠﯩﻤﺎﻗﺘﺎ! (ﺋﯜﻣﯩﺪﯞﺍﺭ)