ﺑﺎﺭﯨﻦ ﺋﯩﻨﻘﯩﻼﺑﯩﻨﯩﯔ 17 -ﻳﯩﻠﻰ

• ﻣﯘﺧﺒﯩﺮﯨﻤﯩﺰ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

2005-ﻳﯩﻠﻰ ﺋﺎﭘﺮﯨﻠﺪﺍ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ "ﺑﺎﺭﯨﻦ ﺋﯩﻨﻘﯩﻼﺑﯩﻨﯩﯔ 15 ﻳﯩﻠﻰ" ﻧﺎﻣﻠﯩﻖ ﻛﯩﺘﺎﺑﻨﻰ ﻧﻪﺷﺮ ﻗﯩﻠﻐﺎﻥ ﺋﯩﺪﻯ.

1990‏- ﻳﯩﻠﻰ 4‏- ﺋﺎﻳﻨﯩﯔ 5‏- ﻛﯜﻧﻰ ﺋﯘﻳﻐﯘﺭ ﺋﯧﻠﯩﻨﯩﯔ ﺑﺎﺭﯨﻦ ﻳﯧﺰﯨﺴﯩﺪﺍ ﻳﯜﺯ ﺑﻪﺭﮔﻪﻥ ﻗﻮﺯﻏﯩﻼﯕﻨﯩﯔ ﻳﻮﻟﺒﺎﺷﭽﯩﺴﻰ ﺯﻩﻳﺪﯨﻦ ﻳﯜﺳﯜﭘﻨﯩﯔ ﻳﯧﻘﯩﻦ ﺑﯩﺮ ﺳﻪﭘﺪﯨﺸﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﺎﺭﯨﻦ ﻗﻮﺯﻏﯩﻠﯩﯖﯩﻨﯩﯔ ﻫﺎﺭﭘﯩﺴﯩﺪﺍ ﺯﻩﻳﺪﯨﻦ ﻳﯜﺳﯜﭖ ﯞﻩ ﺳﻪﭘﺪﺍﺷﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﻗﻮﺯﻏﯩﻼﯓ ﻛﯚﺗﯜﺭﯛﺷﻨﯩﯔ ﭘﻪﻳﺘﻰ ﻳﯧﺘﯩﭗ ﻛﻪﻟﮕﻪﻥ- ﻛﻪﻟﻤﯩﮕﻪﻧﻠﯩﻜﻰ ﻫﻪﻗﻘﯩﺪﻩ ﺑﻮﻟﯘﭖ ﺋﯚﺗﻜﻪﻥ ﻣﯘﻧﺎﺯﯨﺮﯨﻠﻪﺭﺩﻩ ﺯﻩﻳﺪﯨﻦ ﻳﯜﺳﯜﭖ: "ﺑﯩﺰﻧﯩﯔ ﺑﯘ ﻗﻮﺯﻏﯩﻼﯕﻨﻰ ﻛﯚﺗﯜﺭﯛﺷﺘﯩﻜﻰ ﺋﺎﺳﺎﺳﻠﯩﻖ ﻣﻪﻗﯩﺴﯩﺪﯨﻤﯩﺰ ﺋﯚﺯﯨﻤﯩﺰﻧﻰ ﭘﯩﺪﺍ ﻗﯩﻠﯩﺶ ﺋﺎﺭﻗﯩﻠﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﻨﯩﯔ ﻣﻪﯞﺟﯘﺕ ﺋﯩﻜﻪﻧﻠﯩﻜﯩﻨﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﻨﯩﯔ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﺭﻭﻫﯩﻨﯩﯔ ﺗﯧﺨﻰ ﺋﯚﻟﻤﯩﮕﻪﻧﻠﯩﻜﯩﻨﻰ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﻛﯚﺭﺳﯩﺘﯩﺸﺘﯩﻦ ﺋﯩﺒﺎﺭﻩﺕ" ﺩﯦﮕﻪﻥ ﺋﯩﻜﻪﻥ.

ﺋﯘﻳﻐﯘﺭ ﻫﺎﺯﯨﺮﻗﻰ ﺯﺍﻣﺎﻥ ﺗﺎﺭﯨﺨﯩﺪﯨﻜﻰ ﻣﯘﻫﯩﻢ ﯞﻩﻗﻪ

ﺑﯜﮔﯜﻥ ﺑﺎﺭﯨﻦ ﻗﻮﺯﻏﯩﻠﯩﯖﯩﺪﯨﻦ 17 ﻳﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﻫﻪﻣﺪﻩ ﻏﻪﺭﺏ ﻣﻪﺗﺒﯘﺋﺎﺗﯩﻐﺎ ﻧﻪﺯﻩﺭ ﺳﺎﻟﻐﯩﻨﯩﻤﯩﺰﺩﺍ، ﺑﺎﺭﯨﻦ ﻗﻮﺯﻏﯩﻠﯩﯖﯩﻨﻰ ﺗﻪﺷﻜﯩﻠﻠﯩﮕﻪﻧﻠﻪﺭﻧﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﻨﯩﯔ ﻣﻪﯞﺟﯘﺕ ﺋﯩﻜﻪﻧﻠﯩﻜﯩﻨﻰ ﻫﻪﻡ ﺧﯩﺘﺎﻱ ﻫﻪﻣﺪﻩ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻜﻪ ﺋﯩﺴﭙﺎﺗﻼﺷﺘﯩﻦ ﺋﯩﺒﺎﺭﻩﺕ ﻣﻪﻗﺴﯩﺪﯨﮕﻪ ﻳﻪﺗﻜﻪﻧﻠﯩﻜﯩﻨﻰ ﻛﯚﺭﯛﯞﺍﻟﻐﯩﻠﻰ ﺑﻮﻟﯩﺪﯗ. ﺩﯦﮕﻪﻧﺪﻩﻙ، ﻫﻪﻡ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻫﻪﻡ ﻏﻪﺭﺑﻠﯩﻚ ﻣﯘﻻﻫﯩﺰﯨﭽﯩﻠﻪﺭ ﺑﺎﺭﯨﻦ ﻗﻮﺯﻏﯩﻠﯩﯖﯩﻨﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﻨﯩﯔ، ﺋﯘﻳﻐﯘﺭ ﻣﯩﻠﻠﯩﻲ ﺭﻭﻫﯩﻨﯩﯔ ﯞﻩ ﺋﯩﺴﻼﻣﯩﻲ ﺋﯧﺘﯩﻘﺎﺩﯨﻨﯩﯔ ﻗﺎﻳﺘﯩﺪﯨﻦ ﺗﯩﺮﯨﻠﯩﺸﯩﺪﻩ ﻫﺎﻟﻘﯩﻠﯩﻖ ﺭﻭﻝ ﺋﻮﻳﻨﯩﻐﺎﻥ ﺑﯩﺮ ﯞﻩﻗﻪ ﺩﻩﭖ ﻛﯚﺭﺳﻪﺗﻤﻪﻛﺘﻪ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﺎﺭﯨﻦ ﻗﻮﺯﻏﯩﻠﯩﯖﯩﻨﻰ، ﺋﺎﺯﺍﺩﻟﯩﻘﺘﯩﻦ ﺑﯧﺮﻯ ﺷﯩﻨﺠﺎﯕﺪﺍ ﺩﯙﻟﻪﺗﻨﯩﯔ ﺑﯩﺮﻟﯩﻜﯩﻨﻰ ﺑﯘﺯﯗﺵ ﯞﻩ ﻫﺎﻛﯩﻤﯩﻴﻪﺗﻨﻰ ﺋﺎﻏﺪﯗﺭﯗﺵ ﻣﻪﻗﺴﯩﺘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺋﻪﯓ ﺟﯩﺪﺩﯨﻲ ﻣﯩﻠﻠﯩﻲ ﺑﯚﻟﮕﯜﻧﭽﻰ ﻗﻮﺯﻏﯩﻼﯓ ﺩﻩﭖ ﻛﯚﺭﺳﻪﺗﻤﻪﻛﺘﻪ. ﺋﯘﻻﺭﻧﯩﯔ ﺋﯧﻴﺘﯩﺸﯩﭽﻪ، ﺯﻩﻳﺪﯨﻦ ﻳﯜﺳﯜﭖ ﺑﺎﺷﭽﯩﻠﯩﻘﯩﺪﯨﻜﻰ ﺑﯜﻟﮕﯜﻧﭽﯩﻠﻪﺭ ﻗﻮﺯﻏﯩﻼﯕﻨﻰ ﺋﺎﻟﺪﯨﻦ ﭘﯩﻼﻧﻠﯩﻐﺎﻥ ﺑﻮﻟﯘﭖ، ﺋﯘﻻﺭ ﺑﯩﺮ ﺗﻪﺭﻩﭘﺘﯩﻦ ﻣﻪﺳﭽﯩﺘﻠﻪﺭﺩﻩ ﺋﯧﻠﯩﭗ ﺑﺎﺭﻏﺎﻥ ﺗﻪﺷﯟﯨﻘﺎﺗﻰ ﺋﺎﺭﻗﯩﻠﯩﻖ ﺟﺎﻣﺎﺋﻪﺕ ﭘﯩﻜﯩﺮﻯ ﺗﻮﭘﻠﯩﻐﺎﻥ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﯩﻨﻰ ﻗﯘﺭﯗﭖ، ﺑﯘ ﭘﺎﺭﺗﯩﻴﯩﮕﻪ ﺋﻪﺯﺍ ﻗﻮﺑﯘﻝ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ. ﺑﯘ ﺗﻪﺷﻜﯩﻼﺗﻨﯩﯔ ﻣﻪﻗﺴﯩﺘﻰ ﺋﻮﭼﯘﻕ ﺑﻮﻟﯘﭖ، ﺑﺎﺭﯨﻦ ﻳﯧﺰﯨﺴﯩﻨﻰ ﺋﯩﺸﻐﺎﻝ ﻗﯩﻠﯩﺶ ﺋﺎﺭﻗﯩﻠﯩﻖ ﺑﯘ ﻳﻪﺭﺩﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﺌﯩﻴﯩﺘﯩﻨﯩﯔ ﻗﯘﺭﯗﻟﻐﺎﻧﻠﯩﻘﯩﻨﻰ ﺩﯗﻧﻴﺎﻏﺎ ﺋﯧﻼﻥ ﻗﯩﻠﯩﺸﺘﯩﻦ ﺋﯩﺒﺎﺭﻩﺕ ﺋﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ، ﺑﺎﺭﯨﻦ ﻗﻮﺯﻏﯩﻠﯩﯖﻰ ﺑﯩﻠﻪﻥ ﺋﯘﻳﻐﯘﺭ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﻨﯩﯔ ﻣﻪﯞﺟﯘﺕ ﺋﯩﻜﻪﻧﻠﯩﻜﯩﻨﻰ ﺗﯘﻧﺠﻰ ﻗﯧﺘﯩﻢ ﺭﻩﺳﻤﯩﻲ ﺋﯧﺘﯩﺮﺍﭖ ﻗﯩﻠﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﺎﺭﯨﻦ ﻗﻮﺯﻏﯩﻠﯩﯖﻰ ﻫﻪﻗﻘﯩﺪﯨﻜﻰ ﺩﻭﻛﻼﺗﻠﯩﺮﯨﺪﺍ" ﺑﺎﺭﯨﻦ ﺋﻪﻛﺴﯩﻠﺌﯩﻨﻘﯩﻼﺑﯩﻲ ﻗﻮﺯﻏﯩﻠﯩﯖﻰ ﺗﻪﺳﺴﺎﺩﯨﭙﯩﻲ ﺑﯩﺮ ﯞﻩﻗﻪ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﺩﯙﻟﻪﺗﻨﯩﯔ ﺑﯩﺮﻟﯩﻜﻰ ﯞﻩ ﻣﯩﻠﻠﯩﻲ ﺋﯩﺘﺘﯩﭙﺎﻗﻠﯩﻘﻨﻰ ﻗﻮﻏﺪﺍﺷﻘﺎ ﺗﯩﺮﯨﺸﯩﯟﺍﺗﻘﺎﻥ ﻛﯜﭼﻠﻪﺭ ﺑﯩﻠﻪﻥ ﺩﯙﻟﻪﺗﻨﻰ ﭘﺎﺭﭼﯩﻼﺷﻘﺎ ﺋﯘﺭﯗﻧﯩﯟﺍﺗﻘﺎﻥ ﻛﯜﭼﻠﻪﺭ ﺋﻮﺗﺘﯘﺭﯨﺴﯩﺪﺍ ﺷﯩﻨﺠﺎﯕﺪﺍ ﺋﯘﺯﯗﻧﺪﯨﻦ ﺑﯧﺮﻯ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﻛﯜﺭﻩﺷﻨﯩﯔ ﺑﯩﺮ ﻗﯩﺴﯩﻤﻰ ﻫﯧﺴﺎﺑﻠﯩﻨﯩﺪﯗ. ﺑﺎﺭﯨﻦ ﯞﻩﻗﻪﺳﻰ ﺧﻪﻟﻘﺌﺎﺭﺍ ﯞﻩ ﺩﯙﻟﻪﺕ ﺋﯩﭽﯩﺪﯨﻜﻰ ﯞﻩﺯﯨﻴﻪﺗﻨﯩﯔ ﺋﯚﺯﮔﯩﺮﯨﺸﻰ ﻧﻪﺗﯩﺠﯩﺴﯩﺪﻩ ﺑﯘ ﻛﯜﺭﻩﺷﻨﯩﯔ ﺗﯧﺨﯩﻤﯘ ﻛﻪﺳﻜﯩﻨﻠﻪﺷﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺪﯗ" ﺩﯦﻴﯩﻠﮕﻪﻥ.

ﻏﻪﺭﺑﻠﯩﻚ ﻣﯘﻻﻫﯩﺰﯨﭽﯩﻠﻪﺭﻧﯩﯔ ﻗﺎﺭﺍﺷﻠﯩﺮﻯ

ﻏﻪﺭﺑﻠﯩﻚ ﻣﯘﻻﻫﯩﺰﯨﭽﯩﻠﻪﺭ، ﺑﺎﺭﯨﻦ ﻗﻮﺯﻏﯩﻠﯩﯖﯩﻨﯩﯔ ﺋﯘﻳﻐﯘﺭ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﻨﻰ ﻫﻪﻡ ﺧﯩﺘﺎﻳﻐﺎ ﻫﻪﻣﺪﻩ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﺗﻮﻧﯘﺗﯘﺷﺘﺎ ﻧﺎﻫﺎﻳﯩﺘﻰ ﻣﯘﻫﯩﻢ ﺭﻭﻝ ﺋﻮﻳﻨﯩﻐﺎﻧﻠﯩﻘﯩﻨﻰ ﺷﯘﻧﺪﺍﻗﻼ ﺑﯘ ﯞﻩﻗﻪﻧﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﻗﻮﺭﺍﻟﻠﯩﻖ ﻫﻪﺭﯨﻜﻪﺗﻠﻪﺭﻧﯩﯔ ﺑﺎﺷﻠﯩﻨﯩﺸﯩﺪﺍ ﺗﯜﺭﺗﻜﯩﻠﯩﻚ ﺭﻭﻝ ﺋﻮﻳﻨﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﻣﺎﻳﻜﻪﻝ ﯞﯨﻨﭽﯩﺴﺘﻪﺭ ﺋﯧﺸﯩﻴﺎ ﯞﯦﻚ ﮊﻭﺭﻧﯩﻠﯩﺪﺍ ﺋﯧﻼﻥ ﻗﯩﻠﻐﺎﻥ ﺑﯧﻴﺠﯩﯔ ﯞﻩ ﺋﯩﺴﻼﻡ ﻧﺎﻣﻠﯩﻖ ﻣﯘﻻﻫﯩﺰﯨﺴﯩﺪﻩ، ﺑﺎﺭﯨﻦ ﻗﻮﺯﻏﯩﻠﯩﯖﻰ ﺋﯘﺯﯗﻥ ﻳﯩﻠﻼﺭﺩﯨﻦ ﻛﯧﻴﯩﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺑﯩﺮ ﺋﯩﺴﻼﻣﯩﻲ ﺗﻪﺷﻜﯩﻼﺗﻨﯩﯔ ﺗﯘﻧﺠﻰ ﻗﯧﺘﯩﻢ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﺑﺎﺵ ﻛﯜﺗﻪﺭﮔﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ. ﺑﺎﺭﯨﻦ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﻗﻮﺭﺍﻟﻠﯩﻖ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻫﻪﺭﯨﻜﻪﺗﻠﯩﺮﯨﻨﯩﯔ ﺑﺎﺷﻠﯩﻨﯩﺸﻰ ﺋﯩﺪﻯ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ، ﺋﻪﮔﻪﺭ ﺑﺎﺭﯨﻨﺪﯨﻜﻰ ﻗﻮﺯﻏﯩﻼﯕﭽﯩﻼﺭﻧﻰ ﺑﺎﺳﺘﯘﺭﯗﺵ ﺑﯩﻠﻪﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺑﯚﻟﮕﯜﻧﭽﯩﻠﻪﺭﻧﯩﯔ ﺑﯧﻠﯩﻨﻰ ﻗﯩﺮﺩﯗﻕ ﺩﻩﭖ ﺋﻮﻳﻠﯩﻐﺎﻥ ﺑﻮﻟﺴﺎ، ﻗﺎﺗﺘﯩﻖ ﺧﺎﺗﺎﻻﺷﻘﺎﻥ ﺑﻮﻟﯩﺪﯗ " ﺩﯦﮕﻪﻥ.

ﻛﺎﻧﺎﺩﺍﻟﯩﻖ ﺗﻪﺗﻘﯩﻘﺎﺗﭽﻰ، ﺩﻭﻛﺘﻮﺭ ﭘﺎﯞﻩﻝ ﺟﯘﺭﺝ ﺷﯩﻨﺠﺎﯕﺪﯨﻜﻰ ﺋﯩﺴﻼﻣﯩﻲ ﻗﻮﺯﻏﯩﻼﯓ ﻫﻪﻗﻘﯩﺪﻩ ﻛﺎﻧﺎﺩﺍ ﺋﺎﺧﺒﺎﺭﺍﺕ ﺋﯩﺪﺍﺭﯨﺴﯩﻐﺎ ﺳﯘﻧﻐﺎﻥ ﺩﻭﻛﻼﺗﯩﺪﺍ، ﺑﺎﺭﯨﻦ ﻗﻮﺯﻏﯩﻠﯩﯖﻰ ﺋﯜﺳﺘﯩﺪﻩ ﺋﺎﻻﻫﯩﺪﻩ ﺗﻮﺧﺘﯘﻟﯘﭖ " ﺑﺎﺭﯨﻦ ﻗﻮﺯﻏﯩﻠﯩﯖﻰ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺗﯘﻧﺠﻰ ﻗﯧﺘﯩﻢ ﺷﯩﻨﺠﺎﯕﺪﺍ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﻣﻪﯞﺟﯘﺕ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﺪﻯ. ﺑﯘ ﻗﻮﺯﻏﯩﻼﯓ ﺷﯘﻧﺪﺍﻗﻼ ﺷﯩﻨﺠﺎﯕﺪﺍ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﻗﻮﺭﺍﻟﻠﯩﻖ ﻫﯘﺟﯘﻣﻼﺭﻧﯩﯔ ﺑﺎﺷﻠﯩﻨﯩﺸﻰ ﺑﻮﻟﺪﻯ" ﺩﻩﭖ ﻛﯚﺭﺳﻪﺗﻜﻪﻥ. (ﻗﺎﻧﺎﺕ)