ﺋﻪﻧﺠﺎﻥ ﻗﺎﻧﻠﯩﻖ ﯞﻩﻗﻪﺳﯩﻨﯩﯔ ﺋﯩﻜﻜﻰ ﻳﯩﻠﻠﯩﻖ ﺧﺎﺗﯩﺮﻩ ﻛﯜﻧﻰ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯘ ﻳﯩﻞ 13 ‏- ﻣﺎﻱ ﻛﯜﻧﻰ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﻪﻧﺠﺎﻥ ﺷﻪﻫﯩﺮﯨﺪﻩ ﻳﯜﺯ ﺑﻪﺭﮔﻪﻥ ﻗﺎﻧﻠﯩﻖ ﯞﻩﻗﻪﻧﯩﯔ ﺋﯩﻜﻜﻰ ﻳﯩﻠﻠﯩﻖ ﺧﺎﺗﯩﺮﻩ ﻛﯜﻧﻰ ﺋﯩﺪﻯ. ﺑﯘﻧﺪﯨﻦ ﺋﯩﻜﻜﻰ ﻳﯩﻞ ﺑﯘﺭﯗﻥ ﻳﻪﻧﻰ 2005‏- ﻳﯩﻠﻰ 13‏- ﻣﺎﻱ ﻛﯜﻧﻰ ﺋﻪﻧﺠﺎﻥ ﺷﻪﻫﯩﺮﯨﺪﻩ ﺋﯩﺴﻼﻡ ﻛﻪﺭﯨﻤﻮﻑ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﺭﺍﺯﯨﻠﯩﻖ ﻫﻪﺭﯨﻜﯩﺘﻰ ﺋﯚﺯﺑﯧﻜﯩﺴﺘﺎﻥ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﻗﺎﻧﻠﯩﻖ ﺑﺎﺳﺘﯘﺭﯗﻟﻐﺎﻥ.

ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﯞﻩﻗﻪ ﺟﻪﺭﻳﺎﻧﯩﺪﺍ ﺋﺎﺳﺎﺳﻠﯩﻖ ﻗﯩﺴﯩﻤﻰ ﺭﺍﺩﯨﻜﺎﻝ ﺋﯩﺴﻼﻡ ﻣﯩﻠﯩﺘﺎﻧﻠﯩﺮﯨﺪﯨﻦ ﺗﻪﺷﻜﯩﻞ ﺗﺎﭘﻘﺎﻥ 187 ﻛﯩﺸﻰ ﺋﯚﻟﮕﻪﻥ. ﺋﻪﻣﻤﺎ ﯞﻩﻗﻪ ﺷﺎﻫﯩﺘﻠﯩﺮﻯ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﯞﻩﻗﻪ ﺟﻪﺭﻳﺎﻧﯩﺪﺍ ﻛﯚﭘﯩﻨﭽﯩﺴﻰ ﺋﺎﻳﺎﻟﻼﺭ، ﻳﺎﺷﺎﻧﻐﺎﻥ ﻛﯩﺸﯩﻠﻪﺭ ﯞﻩ ﻛﯩﭽﯩﻚ ﺑﺎﻟﯩﻼﺭﺩﯨﻦ ﺗﻪﺷﻜﯩﻞ ﺗﺎﭘﻘﺎﻥ ﻳﯜﺯﻟﯩﮕﻪﻥ ﺑﯩﮕﯘﻧﺎﻫ ﻛﯩﺸﯩﻨﯩﯔ ﺋﯚﺯﺑﯧﻜﯩﺴﺘﺎﻥ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻤﺎﻗﺘﺎ.

ﯞﻩﻗﻪﻧﯩﯔ ﺑﻪﺯﻯ ﺗﻪﭘﺴﯩﻼﺗﻠﯩﺮﻯ

2005‏- ﻳﯩﻠﻰ 13‏- ﻣﺎﻱ ﻛﯜﻧﻰ ﺋﻪﻧﺠﺎﻥ ﺷﻪﻫﯩﺮﯨﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪ ﻗﺎﻧﺪﺍﻕ ﻣﻪﻳﺪﺍﻧﻐﺎ ﻛﻪﻟﺪﻯ؟ ﺑﯘ ﯞﻩﻗﻪ ﺋﯚﺯﺑﯧﻜﯩﺴﺘﺎﻧﻨﯩﯔ ﺗﺎﺷﻘﻰ ﺳﯩﻴﺎﺳﯩﺘﯩﺪﻩ ﻗﺎﻧﺪﺍﻕ ﺋﯚﺯﮔﯩﺮﯨﺸﻠﻪﺭﮔﻪ ﺳﻪﯞﻩﺏ ﺑﻮﻟﺪﻯ؟

ﯞﻩﻗﻪ ﺷﺎﻫﯩﺘﻠﯩﺮﻯ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، 2005‏-ﻳﯩﻠﻰ 13‏- ﻣﺎﻱ ﻛﯜﻧﻰ ﺋﯚﺯﺑﯧﻜﯩﺴﺘﺎﻥ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﭘﺮﯦﺰﯨﺪﯦﻨﺖ ﺋﯩﺴﻼﻡ ﻛﻪﺭﯨﻤﻮﻑ ﻫﯚﻛﯜﻣﯩﺘﯩﻜﻪ ﻗﺎﺭﺷﻰ ﺗﯩﻨﭽﻠﯩﻖ ﺑﯩﻠﻪﻥ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺋﯧﻠﯩﭗ ﺑﺎﺭﻏﺎﻥ ﻣﯩﯖﻠﯩﻐﺎﻥ ﻛﯩﺸﯩﻨﻰ ﺋﻮﻗﻘﺎ ﺗﯘﺗﯘﭖ، ﻛﯚﭘﯩﻨﭽﯩﺴﻰ ﻛﯩﭽﯩﻚ ﺑﺎﻟﯩﻼﺭ ﯞﻩ ﺋﺎﻳﺎﻟﻼﺭﺩﯨﻦ ﺗﻪﺷﻜﯩﻞ ﺗﺎﭘﻘﺎﻥ ﻳﯜﺯﻟﯩﮕﻪﻥ ﻛﯩﺸﯩﻨﻰ ﺋﯚﻟﺘﯜﺭﮔﻪﻥ.

ﻟﯧﻜﯩﻦ ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺋﯧﻴﺘﯩﺸﯩﭽﻪ، ﯞﻩﻗﻪﺩﻩ ﺋﯚﺯﺑﯧﻜﺴﺘﺎﻧﺪﯨﻜﻰ ﻫﺎﻛﯩﻤﯩﻴﻪﺗﻨﻰ ﺋﺎﻏﺪﯗﺭﯗﺵ ﺋﯜﭼﯜﻥ ﻗﻮﺭﺍﻟﻠﯩﻖ ﻗﻮﺯﻏﯩﻼﯓ ﻛﯚﺗﯜﺭﮔﻪﻥ، ﻛﯚﭘﯩﻨﭽﯩﺴﻰ ﺭﺍﺩﯨﻜﺎﻝ ﺋﯩﺴﻼﻡ ﻣﯩﻠﯩﺘﺎﻧﻠﯩﺮﯨﺪﯨﻦ ﺗﻪﺷﻜﯩﻞ ﺗﺎﭘﻘﺎﻥ 187 ﻛﯩﺸﻰ ﺋﯚﻟﮕﻪﻥ.

ﯞﻩﻗﻪﺩﯨﻦ ﻛﯧﻴﯩﻨﻜﻰ ﺋﯚﺯﺑﯧﻜﯩﺴﺘﺎﻧﻨﯩﯔ ﺗﯘﺗﻘﺎﻥ ﺳﯩﻴﺎﺳﻰ ﻳﻮﻟﻰ

ﺳﺎﺑﯩﻖ ﺋﯚﺯﺑﯧﻜﯩﺴﺘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﻣﯘﺳﺘﻪﻗﯩﻞ ﻣﯘﻻﻫﯩﺰﯨﭽﻰ ﺋﺎﺑﺪﯗﻣﻪﻧﻨﺎﭖ ﭘﻮﻻﺗﻮﻑ ﺋﻪﻧﺠﺎﻥ ﯞﻩﻗﻪﺳﯩﻰ ﺟﻪﺭﻳﺎﻧﯩﺪﺍ ﻫﻪﻡ ﺑﯩﮕﯘﻧﺎﻫ ﻛﯩﺸﯩﻠﻪﺭﻧﯩﯔ ﻫﻪﻣﺪﻩ ﺭﺍﺩﯨﻜﺎﻝ ﻣﯩﻠﯩﺘﺎﻧﻼﺭﻧﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﻣﻪﻛﺘﻪ. ﺋﻪﻧﺠﺎﻥ ﯞﻩﻗﻪﺳﯩﻨﯩﯔ ﻳﯜﺯ ﺑﯧﺮﯨﺶ ﺳﻪﯞﻩﺑﻠﯩﺮﻯ ﻫﻪﻗﻘﯩﺪﻩ ﭘﻮﻻﺗﻮﻑ ﺗﻮﺧﺘﯩﻠﯩﭗ ﺋﯚﺗﯩﺪﯗ.

ﺋﻪﻧﺠﺎﻥ ﯞﻩﻗﻪﺳﻰ ﺋﯚﺯﺑﯧﻜﯩﺴﺘﺎﻥ ﺑﯩﻠﻪﻥ ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﻳﯩﺮﯨﻜﻠﻪﺷﺘﯜﺭﺩﻯ. ﺋﺎﻣﯧﺮﯨﻜﺎ ﯞﻩ ﻳﺎﯞﺭﯗﭘﺎ ﺩﯙﻟﻪﺗﻠﯩﺮﯨﻨﯩﯔ ﺋﻪﻧﺠﺎﻧﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪ ﻫﻪﻗﻘﯩﺪﻩ ﺧﻪﻟﻘﺌﺎﺭﺍ ﻛﯚﺯﻩﺗﻜﯜﭼﯩﻠﻪﺭ ﺗﻪﺭﯨﭙﯩﺪﯨﻦ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺶ ﺗﻮﻏﺮﯨﺴﯩﺪﯨﻜﻰ ﺗﻪﻟﻪﭘﻠﯩﺮﯨﻨﻰ ﺭﻩﺕ ﻗﯩﻠﻐﺎﻥ ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﻰ، ﺋﯚﺯﯨﻨﻰ ﺳﯩﻴﺎﺳﯩﻲ ﺟﻪﻫﻪﺗﺘﯩﻜﻰ ﻳﺎﻟﻐﯘﺯﻟﯘﻗﺘﯩﻦ ﻗﯘﺗﻘﯘﺯﯗﺵ ﺋﯜﭼﯜﻥ ﺧﯩﺘﺎﻱ ﯞﻩ ﺭﯗﺳﯩﻴﯩﮕﻪ ﻳﯜﺯﻟﻪﻧﺪﻯ. ﺋﺎﻣﯧﺮﯨﻜﯩﺪﯨﻦ، ﺋﯚﺯﺑﯧﻜﯩﺴﺘﺎﻧﻨﯩﯔ ﺧﺎﻧﺌﺎﺑﺎﺩ ﺭﺍﻳﻮﻧﯩﺪﯨﻜﻰ ﻫﻪﺭﺑﯩﻲ ﺑﺎﺯﯨﺴﯩﺪﯨﻜﻰ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﻰ ﺋﯧﻠﯩﭗ ﭼﯩﻘﯩﭗ ﻛﯧﺘﯩﺸﯩﻨﻰ ﺋﯘﻗﺘﯘﺭﯗﺵ ﻗﯩﻠﻐﺎﻥ ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﻰ، ﺭﯗﺳﯩﻴﻪ ﯞﻩ ﺧﯩﺘﺎﻱ ﺑﯩﻠﻪﻥ ﺋﯩﻘﺘﺴﺎﺩﯨﻲ، ﺳﯩﻴﺎﺳﯩﻲ ﯞﻩ ﻫﻪﺭﺑﯩﻲ ﻛﯧﻠﯩﺸﯩﻤﻠﻪﺭ ﺋﯩﻤﺰﺍﻟﯩﺪﻯ.

ﺋﺎﺑﺪﯗﻣﻪﻧﻨﺎﭖ ﭘﻮﻻﺗﻮﻓﻨﯩﯔ ﺋﯧﻴﺘﯩﺸﯩﭽﻪ، ﺋﺎﻣﯧﺮﯨﻜﺎ ﯞﻩ ﻳﺎﯞﺭﯗﭘﺎ ﺩﯙﻟﻪﺗﻠﯩﺮﯨﻨﯩﯔ ﺋﻪﻧﺠﺎﻥ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﺋﯚﺯﺑﯧﻜﯩﺴﺘﺎﻧﻐﺎ ﻗﺎﺭﯨﺘﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﻰ ﺋﯚﺯﺑﯧﻜﺴﺘﺎﻧﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﮕﻪ ﻫﯧﭽﻘﺎﻧﺪﺍﻕ ﺑﯩﺮ ﻳﺎﺧﺸﯩﻠﯩﻨﯩﺶ ﺋﯧﻠﯩﭗ ﻛﻪﻟﻤﯩﮕﻪﻥ، ﻫﻪﺗﺘﺎ ﯞﻩﺯﯨﻴﻪﺕ ﺗﯧﺨﯩﻤﯘ ﻧﺎﭼﺎﺭﻻﺷﻘﺎﻥ.

ﮔﻪﺭﭼﻪ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ، ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺋﯚﺯﺑﯧﻜﯩﺴﺘﺎﻧﻐﺎ ﻗﺎﺭﯨﺘﺎ ﺗﯧﺨﯩﻤﯘ ﻗﺎﺗﺘﯩﻖ ﺑﯩﺮ ﭘﻮﺯﯨﺘﺴﯩﻴﯩﺪﻩ ﺑﻮﻟﯘﺷﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﭘﻮﻻﺗﻮﻑ، ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺋﯚﺯﺑﯧﻜﺴﺘﺎﻧﺪﯨﻜﻰ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﺵ ﺋﯜﭼﯜﻥ ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﺩﯙﻟﻪﺗﻠﯩﺮﻯ ﺋﯚﺯﺑﯧﻜﯩﺴﺘﺎﻥ ﺑﯩﻠﻪﻥ ﻳﺎﺧﺸﻰ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﺸﻰ ﻛﯧﺮﻩﻙ ﺩﻩﻳﺪﯗ. (ﺋﯚﻣﻪﺭ ﻗﺎﻧﺎﺕ)