Közetküchiler: "xitayning uyghur élida 100 ming kishini yötkep ishqa orunlashturush pilani gumanliq"

Muxbirimiz shöhret hoshur
2018-01-10
Élxet
Pikir
Hembehr
Print
  • Print
  • Hembehr
  • Pikir
  • Élxet

Shinxu'a agéntliqi bügün uyghur aptonom rayonluq da'irilerning 2018‏-yilidin 2020‏-yiligha qeder rayondiki 4 namrat wilayettin 100 ming emgek küchini yötkep ishqa orunlashturidighanliqini xewer qildi.

Xewerde déyilishiche, qeshqer, aqsu, xoten we qizilsuda wilayet we oblast atlap ishqa orunlashturush, xitayning ichki ölkilirige yötkep ishqa orunlashturush we öz tewelikidiki zawut-fabrikilargha yötkep ishqa orunlashturush qatarliq tedbirler pilanliq we teshkillik halda qollinilmaqtiken.

Xewerning axirida qeshqer we xotende bu pilanni emelge ashurush üchün 2017‏-yili 1milyon 259 ming adem qétim kespiy téxnika boyiche "terbiyilesh" élip bérilghanliqi eskertilgen. Emma xewerde tilgha élin'ghan bu "terbiyilesh" ning qeshqer we xotenlerde ötken yili marttin bashlan'ghan "yépiq terbiyilesh merkezliri" ni öz ichige alidighan yaki almaydighanliqi bayan qilinmighan.

Bu nuqta rayon weziyitini izchil közitip kéliwatqan muhajirettiki uyghur közetküchilirining gumanini qozghidi. Washin'gtonda yashawatqan közetküchi uchqunjan ependi, xitay da'irilirining nöwettiki "yépiq terbiyilesh merkezliri" ni dunyagha perdazlap körsitish üchün bir qisim sün'iy pilanlarni otturigha qoyuwatqanliqini ilgiri sürdi.

Muxbirimizning ghulja nahiyisidiki "yépiq terbiyilesh merkezliri" ge qarita élip barghan téléfon ziyaretliri dawamida da'irilerning qisqighine 6 ay ichide mezkur merkezlerning namini "kespiy terbiyilesh mektipi", "qanun tüzüm mektipi" we "ishqa orunlashturush mektipi" dégendek 4 qétim özgertip chiqqanliqi ashkarilan'ghan idi.

Toluq bet