Америка содигәрлири хитайни содида адил болушқа чақирди

Мухбиримиз ирадә
2017-10-05
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт

Ройтерс агентлиқиниң хәвәр қилишичә, америка сода вәкили ишханиси хитай һөкүмитиниң хәлқаралиқ содида дуня сода тәшкилатиниң принсиплириға мухалип һалда өз көмичигә чоғ тартиватқанлиқини билдүрүп, бу мәсилини һәл қилишни тәләп қилған.

юҚиридики бу сөзләр америка сода вәкили ишханиси чаршәнбә күни ачқан бир гуваһлиқ бериш йиғинида оттуриға қоюлди. Йиғинға америкидики сода вә пән-техника ширкәтлиригә вәкиллик қилидиған вәкилләр қатнашти.

Йиғинда сөз қилған вәкилләр хитайниң сода бәлгилимилири, өз ширкәтлиригә ян басидиған сиясәтлири, тор бихәтәрлики қануни һәққидә тохталған.

Улар йәнә хитайниң америка ширкәтлирини техникилирини беришкә мәҗбурлаш қатарлиқ васитиләрни қолланғанлиқи, уларниң америка ширкәтлиригә селиватқан тәһдитиниң күнсайин зорийиватқанлиқини билдүргән.

Вәкилләр йәнә әскәртип, «хитай һөкүмитиниң сода усули ялғуз америка ширкәтлириниң мәнпәәтигила зор зиян берип қалмай, башқа дөләт ширкәтлиригиму охшаш зиян селиватиду» дегән.

Улар йәнә «дуня сода тәшкилати чоқум хитай һөкүмитиниң тәшкилат роһиға вә интизамиға хилап һәрикәтлириниң алдини алидиған үнүмлүк йолларни тепип чиқиши керәк» дәп әскәрткән.

Мәлум болушичә, бу йиғинда оттуриға қоюлған мәсилиләр дуня сода тәшкилатиниң хитай тоғрисидики йиллиқ доклатиға һәм шундақла трамп һөкүмитиниң хитайға қаритидиған сода алақилиригә тәсир көрситидикән.

Пикирләр (0)
  • Принт
  • Һәмбәһр
  • Елхәт
Толуқ бәт