Amérika sodigerliri xitayni sodida adil bolushqa chaqirdi

Muxbirimiz irade
2017-10-05
Élxet
Pikir
Hembehr
Print
  • Print
  • Hembehr
  • Pikir
  • Élxet

Roytérs agéntliqining xewer qilishiche, amérika soda wekili ishxanisi xitay hökümitining xelqaraliq sodida dunya soda teshkilatining prinsiplirigha muxalip halda öz kömichige chogh tartiwatqanliqini bildürüp, bu mesilini hel qilishni telep qilghan.

Yuqiridiki bu sözler amérika soda wekili ishxanisi charshenbe küni achqan bir guwahliq bérish yighinida otturigha qoyuldi. Yighingha amérikidiki soda we pen-Téxnika shirketlirige wekillik qilidighan wekiller qatnashti.

Yighinda söz qilghan wekiller xitayning soda belgilimiliri, öz shirketlirige yan basidighan siyasetliri, tor bixeterliki qanuni heqqide toxtalghan.

Ular yene xitayning amérika shirketlirini téxnikilirini bérishke mejburlash qatarliq wasitilerni qollanghanliqi, ularning amérika shirketlirige séliwatqan tehditining künsayin zoriyiwatqanliqini bildürgen.

Wekiller yene eskertip, «xitay hökümitining soda usuli yalghuz amérika shirketlirining menpeetigila zor ziyan bérip qalmay, bashqa dölet shirketlirigimu oxshash ziyan séliwatidu» dégen.

Ular yene «dunya soda teshkilati choqum xitay hökümitining teshkilat rohigha we intizamigha xilap heriketlirining aldini alidighan ünümlük yollarni tépip chiqishi kérek» dep eskertken.

Melum bolushiche, bu yighinda otturigha qoyulghan mesililer dunya soda teshkilatining xitay toghrisidiki yilliq doklatigha hem shundaqla tramp hökümitining xitaygha qaritidighan soda alaqilirige tesir körsitidiken.

Toluq bet