Ju xeylünning aqtuni«3 xil bölgünchi küchlerge qarshi jeng meydani» dep teriplishi diqqet qozghidi

Muxbirimiz méhriban
2017-03-07
Élxet
Pikir
Hembehr
Print
  • Print
  • Hembehr
  • Pikir
  • Élxet

Xitay xewerliridin melum bolushiche, uyghur aptonom rayonluq partkomning muawin sékrétari ju xeylün 6-Mart küni jenubiy uyghur diyarining muqimliqini tekshürüsh ziyaritide nuqtiliq halda qizilsu qirghiz aptonom oblastining aqtu nahiyiside xizmet ziyaritide bolghan. Ju xeylünning bu qétimliq muqimliq ziyaritide aqtuni nuqta qilishi we mezkur nahiyini «3 xil bölgünchi küchlerge qarshi tarixiy jeng meydani» dep teriplishi diqqet qozghidi.

Xewerdin melum bolushiche, ju xeylün jenubiy uyghur diyarining muqimliqini saqlashta aqtuning muqimliqigha kapaletlik qilishning zörürlükini agahlandurup, «aqtu nahiyisi tarixtin buyan 3 xil bölgünchi küchlerning buzghunchiliq heriketliri eng köp yüz bergen jay we bölgünchi küchlerge qarshi jengmu eng shiddetlik élip bérilghan jenggah» dégen sözlerni qilghan.

Aqtu nahiyisining barin yézisi 1990-Yili xitay hökümitining pilanliq tughut siyasitige qarshi, zeynidin yüsüp qatarliqlarning teshkillishi bilen qozghalghan qoralliq qarshiliq yeni barin qozghilingi yüz bergen jay. Eyni chaghda mezkur weqe xitay hökümiti teripidin «eksilinqilabiy qoralliq topilang» dep békitilip, qoralliq basturulghan. Qozghilang bashlamchiliridin 50 din artuq kishi ölüm jazasi, uzun yilliq qamaq jazasi qatarliq éghir jazalargha höküm qilinghan. Emma, mezkur weqe chetellerdiki uyghur teshkilatliri we muhajirettiki uyghurlar teripidin barin inqilabi dep teriplinip, uyghur milliy qarshiliq heriketlirining biri süpitide yillardin buyan xatirilinip kelmekte.

Toluq bet