Xitayning chetellerdiki uyghur oqughuchilarni «ow nishani» qilishi xelqarada ghulghula qozghidi

Muxbirimiz eziz
2017-08-01
Élxet
Pikir
Hembehr
Print
  • Print
  • Hembehr
  • Pikir
  • Élxet

Misirdiki uyghur oqughuchilarning qolgha élinishidin bashlanghan ghulghula hazir bu ishlarning bir qétimliq ushtumtut hadise emes, belki xitayning pilanliq we qedem-Basquchluq tedbiri ikenlikidin bésharet bérishke bashlimaqta.

Engliyede chiqidighan «pul-Muamile waqti» gézitide bügün élan qilinghan mexsus témidiki maqalide xitay hökümitining «chetellerdiki uyghur oqughuchilar sirtta uzun turup qalsa esebiylikni yuqturuwalidu» dep qaraydighanliqi misal élinghan hemde xitay hökümitining misirdiki oqughuchilarni qayturup kélish ishlirini bu ishlarni nechche aylar ilgirila bashlap bolghanliqi bayan qilinghan. Shuningdek bir qisim chet döletlerning xelqara qanunlargha xilap halda uyghurlarni xitaygha qayturup bérish weqelirining ilgirimu köp qétim bolghanliqi, bu uyghurlarning teqdiri herqachan namelum bolup kelgenliki eslep ötülgen.

«Xelqara kechürüm teshkilati» ning xongkongdiki xadimi willyam né bu heqte pikir qilip, «xitay özlirining kontrolluqida bolmighan herqandaq shekildiki islam eqidisini basturushni oylaydu. Shuning bilen birge cheteldin kélidighan idiyelerning islam dini, xristianliq yaki démokratiyege mensup bolushidin qetiynezer ularning hemmisini özliri üchün tehdit, dep qaraydu» dégen.

Melum bolushiche «xelqara kechürüm teshkilati» bügün jiddiy murajietname élan qilip, hazirgha qeder misirdin 22 uyghur oqughuchining xitaygha qayturulghanliqini, téximu köp uyghur oqughuchilarning mushundaq teqdirge duch kélish aldida turuwatqanliqini eskertti. Shuning bilen birge xelqara jemiyettin tézdin misir hökümitige bésim ishlitishini telep qildi.

Toluq bet