Dunya Uyghur qurultiyining 6-nöwetlik pewqul'adde qurultiyi gérmaniyede bashlandi
2017.11.10
Dunya Uyghur qurultiyining 6-nöwetlik qurultiyi 10-öktebir gérmaniyening myunxén shehiride bashlan'ghanidi. Qurultay 3 kün dawamlishidu.
Qurultaygha qatnashqan bezi méhmanlarning bildürüshiche, qurultayning jüme küni etigende ötküzülgen échilish murasimigha gérmaniye, amérika, kanada, gollandiye, norwégiye, shiwétsiye, yaponiye, ottura asiya jumhuriyetliri we türkiye qatarliq döletlerdin kelgen wekiller, xelq'ara kishilik hoquq teshkilatlirining mes'ulliri, yawropa parlaméntning ezaliri we yawropaliq siyasetchiler bolup 120 dek kishi qatnashqan.
Qurultay 1-küni wekiller d u q ning rehberlikini ikkige ayrip, aliy rehberlik tesis qilish, d u q ning re'isi rabiye qadir xanimni qurultay aliy rehberlikige saylash toghrisidiki qarar lahiyesini awazgha qoyup 98% awaz bilen testiqlan'ghan.
Rabiye qadir xanim jüme küni radi'omizgha söhbet élan qilip, qurultayning aliy rehberlik wezipisini qobul qilidighanliqini bildürdi. Uning muxbirimizgha tekitlishiche, d u q ni yashlarning bashqurush waqti kelgen. U, özining buningdin kéyin nazaretchilik rolini oynap, tégishlik hessisini qoshidighanliqini bildürdi.
Weziyettin xewerdar zatlarning bildürüshiche, xitay hökümiti qurultaydin burun gérmaniye hökümitige bésim ishlitip, qurultayni tosushqa urun'ghan bolsimu, biraq muweppeq bolalmighan.
D u q ning nizamnamisi uning her nöwetlik wekiller qurultiyi her 4 yilda bir qétim chaqirilidu. Uning ötken nöwetlik qurultiyi 2016-yili 7-ayda échilghan. Biraq qurultay yéqinqi bir yildin béri duch kelgen pewqul'adde weziyet tüpeyli özining 6-nöwetlik qurultiyini 10-noyabir chaqirishni qarar qilghan. Bu nöwetlik qurultayda uning re'isi we yéngi rehberlik qatlimi saylap chiqilidu.