D u q 28-öktebir weqesidin kéyin Uyghurlarning tutqun qiliniwatqanliqini pash qildi

Muxbirimiz méhriban
2013.11.04

Dunya Uyghur qurultiyi bayanatchisi dilshat rishit, 4-noyabir radi'omiz ziyaritini qobul qilip, 28-öktebir tyen'enmén hujum qilish weqesidin kéyin, Uyghurlarning tekshürüsh, hetta tutush obyéktigha aylan'ghanliqini bildürüp, da'irilerning weqeni bahane qilip keng kölemde tutqun qilish herikiti élip barghanliqini qattiq eyiblidi.

Dilshat rishit sözide, da'irilerning peqet ghulja shehiridinla 53 Uyghurni qolgha alghanliqi heqqide toxtilip, “Saqchilar ularni tutqun qilishta ularning öyidin qanunsiz diniy kitablarning tépilghanliqini ispat qilip körsetken. Biz ularning yene qandaq bahaniler bilen qanchilik Uyghurni tutqun qilghanliqini bilmeymiz. Hazir Uyghurlarning aptomobilliri ichige tiltumar süpitide ayetlerni ésishimu chekliniwétiptu.

Igilishimizche, peqet ghulja shehirining özidila 700 jaygha tekshürüsh ponkiti quruluptu. Mana bu ehwal sherqiy türkistanda Uyghurlarning eng eqelliy kishilik hoquqtinmu mehrum qaldurulghanliqini körsetmekte” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.