Dunya Uyghur qurultiyi shi jinpingning 19-qurultaydiki sözlirini tenqid qildi

Muxbirimiz irade
2017.10.19

Bügün dunya Uyghur qurultiyi xitay kompartiyisining béyjingda échiliwatqan 19-qurultiyi heqqide mexsus bayanat élan qildi.

Dunya Uyghur qurultiyi bayanatida shi jinpingning qurultay échilishida qilghan nutqini “Ritorik söz” dep bahalidi we uning sözlirining dunyadiki barliq kishilik hoquq we démokratiye yaqilighuchilirini endishige séliwatqanliqini bildürdi.

Xitay kompartiyisining 19-qurultiyining birinchi künide xitay dölet re'isi shi jinping üch yérim sa'et nutuq sözlep, xitayche sotsiyalizmni tereqqiy qildurush, qudretlik bir xitay qurup chiqishni tekitligen. U nutqida yene ochuq qilip “Aghdurmichiliq, bölgüchilik we térrorluq” qa qarshi heriketlerni yene bir baldaq kücheytidighanliqini bildürgen.

Dunya Uyghur qurultiyi bayanatida, shi jinpingning sözide xelq'ara qanun-nizamlarni shundaqla démokratiye we kishilik hoquqning uniwérsalliqini inkar qilip, uning ornigha döletni “Xitayche yosunda” idare qilishni terghib qilghanliqini tenqid qildi. Uningda yene Uyghur, tibet we xitay démokratlirining shi jinpingning bu sözlirini qet'iy ret qilidighanliqi bildürüldi.

Ular yene xitayning dunyadiki tesirining éshishining Uyghurlarning kishilik hoquq pa'aliyetlirining yenimu ilgirilep tosqunluqqa uchraydighanliqidin dérek béridighanliqini eskertti. Bayanatta dunya jama'etchilikini özliri bilen bir septe turup, xitay hakimiyitini eyibleshke chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.