Д у қ кишилик һоқуқ мәсилилири бойичә тәрбийиләш курси ачиду

Мухбиримиз ирадә
2017-10-05
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт

Дуня уйғур қурултийи мушу айниң 13-күнидин 15-күнигичә «уйғур кишилик һоқуқ мәсилилири бойичә тәрбийиләш курси» ачидикән.

Дуня уйғур қурултийи бүгүн бу һәқтә елан қилған баянаттин қариғанда, бу курс мәркизи германийәдики вакаләтсиз милләтләр тәшкилати - UNPO һәм шундақла шиветсийәдики уйғур маарип бирләшмиси қатарлиқ орунларниң һәмкарлишиши билән ечилидиған болуп, курсниң орни шиветсийә пайтәхти ситокһолмда бекитилгән.

Курсқа 50 тин артуқ уйғур қатнишидиған болуп, курста уларниң уйғур кишилик һоқуқ мәсилиси бойичә паалийәт елип бериш, уни йәрлик вә хәлқара сәһнидә тонутуш иқтидари ашурулуш билән биргә, курсантларниң иҗтимаий алақә васитилирини қоллиниш арқилиқ уйғур мәсилисини тонутуш бойичә дәрс берилидикән.

Дуня уйғур қурултийи бу курсни бир қанчә йилдин бери давам қиливатқан болуп, бу дуняниң һәрқайси җайлиридики уйғур яшларни уйғур давасиға қизиқтуруш вә уларниң өз-ара учришип, тәҗрибә алмаштурушиға яхши пурсәт болмақта.

Пикирләр (0)
  • Принт
  • Һәмбәһр
  • Елхәт
Толуқ бәт