Kishilik hoquq teshkilatliri amérikaning fu jéngxua qatarliq emeldarlarni jazalishini telep qildi

Muxbirimiz erkin
2017-09-13
Élxet
Pikir
Hembehr
Print
  • Print
  • Hembehr
  • Pikir
  • Élxet

Kishilik hoquq teshkilatliri bügün amérika dölet ishlar ministirliqi bilen maliye ministirliqigha 15 délo sunup, «magnétiski kishilik hoquq qanuni» gha asasen xitay we ottura sherq elliridiki bir qisim saqchi we istixbarat bashliqlirini, jümlidin panamaning sabiq prézidéntini öz ichige alghan shexslerni jazalishini telep qildi.

Amérikaning «yer shari magnitiskiy qanuni» 2016‏-Yili dékabirda sabiq amérika prézidénti barak obama teripidin imzalanghan.

Mezkur qanunda dunyaning her qandaq yéridiki kishilik hoquqni depsende qilghan, mehbuslarni qiynighan, öltürgen, iz- Déreksiz yoqitiwetken, basqunchiliq we bashqa zorawanliq qilmishlirini sadir qilghan hökümet emeldarlirigha émbargo qoyulghan. Ularning we yaki ularning aile tawabiatlirining amérika tupriqigha kirishi, amérikadiki mal-Mülki, amérika bilen tijaret qilishi we amérika pul-Muamile sistémisini ishlitishi cheklengen idi.

Washingtonni baza qilghan «kishilik hoquq birinchi» qatarliq dunyadiki 23 teshkilat yuqiriqi qilmishlarni sadir qilghan xitay, behreyin, misir, seudi erebistan, méksika we merkizi asiya döletliridiki saqchi, teptish we xewpsizlik organlirining bashliqlirining délosini turghuzup, bügün amérika dölet ishliri ministiri rékis téllirson bilen maliye ministiri stéwén munchikingha tapshurghan.

Roytérz agéntliqining ashkarilishiche, ularning ichide xitayning muawin j x ministiri fu jéngxua bilen béyjing sheherlik j x idarisining muawin bashliqi taw jing bar iken. Bu ikki xitay saqchi emeldari 2014‏-Yili xitay kishilik hoquq paaliyetchisi saw shünlining ten jazasigha uchrap öltürülüshining «bash jawabkari» dep eyiblengen.

Yuqiriqi 23 teshkilat, mezkur 15 déloning guwahchilarning 1-Qol guwahliqi, ularning adwokatlirining sözliri, axbarat organlirining tekshürüsh doklati we ammiwi teshkilatlarning melumatigha asasen teyyarlanghanliqini bildürgen.

Toluq bet