Altayda géni özgertilgen qonaq bayqalghan

Muxbirimiz erkin
2016.09.02

Altay wilayitide bir xitay yéza igilik férmisi 133 géktar térilghu yerge qanunsiz géni özgertilgen qonaq sortini térip bayqilip qalghan.

Xitay axbarat wasitilirining peyshenbe küni xewer qilishiche, dingshing féngxé namliq bir xitay yéza igilik férmisi bu yil 5‏-ayning bashlirida altayning böritoqay nahiyiside 133 géktar yerge bu xil qonaqni térighan.

Emma xitay férmisining herikiti bayqilip qélip, qonaqliq derhal aghduruwétilgen, férmigha 10 ming som jerimane qoyulghan.

“Yershari waqti géziti”ning xewer qilishiche, böritoqay nahiyelik déhqanchiliq idarisi bu yil 31‏- may qarar chiqirip, bu férmining héchqandaq ruxset almighanliqini, uning géni özgertilgen qonaq térighanliqi melum bolghanliqini bildürgen.

Mutexessislerning ilgiri sürüshiche, Uyghur aptonom rayonida hazirgha qeder shexs yaki xususi férmilarning géni özgertilgen zira'etlerni térishigha bolidu deydighan héchqandaq belgilimisi yoq iken.

Mutexessisler, géni özgertilgen qonaq sortlirini térishqa yol qoyulsa, buning yerlik qonaq sortlirigha xewp élip kélidighanliqini agahlandurup kelgen. Xitayning jilin ölkisi bu yilning bashlirida géni özgertilgen qonaq sortlirini térishni chekleydighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.