«Uyghurbiz» tori ghayip bolghan mutellip imin heqqide murajetname élan qildi

Muxbirimiz méhriban
2013-09-03
Élxet
Pikir
Hembehr
Print
  • Print
  • Hembehr
  • Pikir
  • Élxet

«Uyghurbiz» tori 30 - Awghust «mejburiy ghayib bolghan ziyankeshlikke uchrighuchilar xelqara küni» de, bayanat élan qilip, türkiyide oquwatqan mutellip iminnning «mejburi ghayib qilinghan» liq weqesige köngül bölüshke chaqirdi. Bayanatnamida, xelqara jemiyetni mutellip imin qatarliq «mejburiy ghayib bolghan we ziyankeshlikke uchrighuchilargha köngül bölüsh» ke we ularning iz - Dérikini qilishqa chaqiriq qilghan.

«Uyghurbiz» torida «mejburiy ghayib qilinish» atalghusi heqqide toxtilip, «mejburi ghayip qilinish hökümet organlirining, emeldarlarning yaki hökümetke wakaliten ish béjiridighanlarning, hökümet qoshulghan yaki yol qoyghan ehwal astida, alaqidar kishilerni arzusigha xilap halda qolgha élish, toxtitip qoyush yaki tutqun qilish, erkinlikidin mehrum qilish, axirida ularning teqdiri yaki iz - Dérikini ashkarilashni ret qilish, yaki ularni erkinlikidin mehrum qilghanliqni itirap qilishni ret qilish arqiliq, aqiwette ularni qanunluq qoghdinishtin mehrum qaldurushtek qilmishni körsitidu.» Dégen bayanlar bérilgen.

Mutellip imin xoten lop nahiyisidin bolup, u 2012 - Yili 6 - Ayda béyjing milletler uniwérsitétining ingliz tili terjimanliq kespini tügetken. U türkiye döletlik oqush mukapatigha iltimas qilip, 2012 - Yili 10 - Ayda istanbul uniwérsitétining jemiyetshunasliq kespide magistirliq oqushigha qobul qilinghan. «Uyghurbiz» torida bundin ilgirimu mutellip iminning qiz dosti atikemning mutellip iminning iz - Dérikini qilip élan qilghan ikki parche maqalisi bérilgen bolup, ularda mutellip iminnning xitay dölet amanliqini qoghdash xadimliri teripidin tutqun qilinghan bolishi mumkinliki ilgiri sürülgen idi.

Toluq bet