Уйғур бөлүминиң «ғәрб дунйасидики уйғурлар» намлиқ йүрүшлүк программиси «әң надир әсәр мукапати» ға еришти

2017-03-22
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт

Әркин асийа радиоси уйғур бөлүми ишлигән «ғәрб дунйасидики уйғурлар» намлиқ йүрүшлүк тәкшүрүш программиси баш оргини нйуйорк шәһиридики MIN ахбарат гуруһиниң 2017- Йиллиқ «әң надир тор әсири мукапати» ға еришти.
«Ғәрб дунйасидики уйғурлар» намлиқ йүрүшлүк программа 12 қисимдин тәркиб тапқан болуп, программиниң һәр бир қисми икки бөлүмгә бөлүнгән. Программа 2016 - Йили февралдин буйан һәр айда бир қисимдин бу йилниң бешиғичә аңлитилған вә шуниңға асасән программиниң инглизчә нусхиси һазирланған иди.

Мәзкур программида 1950 - Йиллиридин башлап ана йуртлирини һәрхил сәвәбләр билән тәрк етишкә мәҗбур болуп, дунйаниң һәр қайси җайлирида йашаватқан уйғурларниң нөвәттики миллий, мәдәний вә сийасий һайатиға қарап чиқилған.
Программида йәнә ғәрб дунйасидики уйғурлар дуч келиватқан кимлик кризиси билән йәрлик мәдәнийәткә арилишиш мәсилиси оттурисидики давалғуш һәр қайси дөләтләрдә турушлуқ уйғур вә мунасивәтлик йәрлик мутәхәссисләрниң байанлири арқилиқ йарқин йорутулған.

Бу программини радийомиз мухбири қутлан тәййарлиған болуп, у, бу программа башлиништин илгири түркийә вә германийә қатарлиқ йавропа әллиридә бир айлиқ тәкшүрүш елип барған иди.
Мәзкур программа илгири йәнә әң йахши кишилик һоқуқ мукапатиғиму еришкән.

MIN Ахбарат ширкити надир әсәрләр мукапатини һәр йили бир қетим тарқитиду. Уйғур бөлүм директори алим сейитофниң қаришичә, MIN ахбарат ширкитиниң баһалаш өлчәмлириму интайин йуқири болуп, уйғур бөлүми программилириниң мәзкур мукапатқа наил болуши һәммәйләнгә шәрәп елип келидикән.

Уйғур бөлүми елан қилған әсәрләр нйуйорк хәлқара ахбарат фестивалидиму зәпәр қучқан иди.

Толуқ бәт