Uyghur bölümining «gherb dunyasidiki uyghurlar» namliq yürüshlük programmisi «eng nadir eser mukapati» gha érishti

2017-03-22
Élxet
Pikir
Hembehr
Print
  • Print
  • Hembehr
  • Pikir
  • Élxet

Erkin asiya radiosi uyghur bölümi ishligen «gherb dunyasidiki uyghurlar» namliq yürüshlük tekshürüsh programmisi bash orgini nyuyork shehiridiki MIN axbarat guruhining 2017- Yilliq «eng nadir tor esiri mukapati» gha érishti.
«Gherb dunyasidiki uyghurlar» namliq yürüshlük programma 12 qisimdin terkib tapqan bolup, programmining her bir qismi ikki bölümge bölüngen. Programma 2016 - Yili féwraldin buyan her ayda bir qisimdin bu yilning béshighiche anglitilghan we shuninggha asasen programmining inglizche nusxisi hazirlanghan idi.

Mezkur programmida 1950 - Yilliridin bashlap ana yurtlirini herxil sewebler bilen terk étishke mejbur bolup, dunyaning her qaysi jaylirida yashawatqan uyghurlarning nöwettiki milliy, medeniy we siyasiy hayatigha qarap chiqilghan.
Programmida yene gherb dunyasidiki uyghurlar duch kéliwatqan kimlik krizisi bilen yerlik medeniyetke arilishish mesilisi otturisidiki dawalghush her qaysi döletlerde turushluq uyghur we munasiwetlik yerlik mutexessislerning bayanliri arqiliq yarqin yorutulghan.

Bu programmini radiyomiz muxbiri qutlan teyyarlighan bolup, u, bu programma bashlinishtin ilgiri türkiye we gérmaniye qatarliq yawropa elliride bir ayliq tekshürüsh élip barghan idi.
Mezkur programma ilgiri yene eng yaxshi kishilik hoquq mukapatighimu érishken.

MIN Axbarat shirkiti nadir eserler mukapatini her yili bir qétim tarqitidu. Uyghur bölüm diréktori alim séyitofning qarishiche, MIN axbarat shirkitining bahalash ölchemlirimu intayin yuqiri bolup, uyghur bölümi programmilirining mezkur mukapatqa nail bolushi hemmeylenge sherep élip kélidiken.

Uyghur bölümi élan qilghan eserler nyuyork xelqara axbarat féstiwalidimu zeper quchqan idi.

Pikirler (0)
  • Print
  • Hembehr
  • Élxet
Toluq bet